ქვეგანყოფილებებში პოსტვათამაშების განყოფილება დაყოფილია რამდენიმე ქვეგანყოფილებად, თუ ამჩნევთ. ხოდა ახალი თემები გახსენით შესაბამის ქვეგანყოფილებებში, ჩემო ტკბილებო და მურაბებო!
ყველანაირი შუთერი (სროლებზე რომაა), სლეშერი (ჩეხაობაზე რომაა) და მსგავსი თამაშები მიდის ქვეგანყოფილებაში
ACTION. მანდვე მიდის action-adventure (მაგალითად Silent Hill, Resident Evil და სხვ.)
ყველანაირი RPG, სტრატეგია და კვესტი (adventure) მიდის
შესაბამის ქვეგანყოფილებაში.
MMORPG-ები (World of Warcraft, Lineage II, etc.) და სხვა MMO თამაშები (Massively Multiplayer Online Games) განიხილება ქვეგანყოფილებაში
ONLINE GAMES.
სიმულატორებიც ასევე მიემგზავრებიან
შესაბამის ქვეგანყოფილებაში. სიმულატორებში შედის ავტორბოლების სიმულატორებიც (მაგ. Colin McRae თამაშების სერია) და ცხოვრების სიმულატორებიც (ე.წ. Life Sim -- როგორიცაა The Sims, სიტყვაზე). ასევე გადავწყვიტეთ, ფეხბურთი, კალათბურთი და სხვა სპორტული თამაშები, მიუხედავად იმისა რომ ისინი სიმულატორებად არ ითვლება (უბრალოდ სპორტული თამაშებია), შეგვეტანა ქვეგანყოფილებაში SIMULATORS, იმიტომ რომ ACTION-ში მათი ყოფნა აშკარად უადგილოა. იმავე მოსაზრებით, გადავწყვიტეთ სიმულატორების ქვეგანყოფილებაში განვიხილოთ Need for Speed-ის ტიპის არკადული რბოლებიც.
ქვეგანყოფილებაში
ARCADE & CASUAL GAMES განიხილება როგორც Zuma-ს ტიპის კაზუალური თამაშები, ასევე ნებისმიერი სხვა "პატარა" თამაში -- არკადები, პლატფორმერები, არკანოიდები, პაზლები, Flash-თამაშები და სხვა.
Playstation-ის, Xbox-ის, ასევე ყველა დანარჩენი ძველი თუ ახალი კონსოლების თამაშები მიდის ქვეგანყოფილებაში
CONSOLE GAMES. იქვე იხსნება თემები მობილურის, ჯიბის კომპიუტერებისა და მსგავს თამაშებზე.
მე მგონი, ყველაფერი მარტივი და გასაგებია...
მაგრამ თუ თამაშების ამბავში და სიყვარულში ტყემალზე ზიხართ (და შესაბამისად, ბლის კურკებს ისვრით), ვერ გაგირჩევიათ ერთმანეთისაგან სტრატეგია, შუტერი და სიმულატორი, მაშინ ჯანდაბას თქვენი ლამერული თავ-ფეხი -- პოსტეთ სადაც გინდათ. რამდენიმე ვორნის, დიზებლისა და ბანის შემდეგ ალბათ ნელ-ნელა დაიწყებთ ჟანრების გარჩევას.
ძირითად განყოფილებაში პოსტვასანამ თემას გახსნით, გადაამოწმეთ, იქნებ მსგავსი სახელის ან შინაარსის თემა უკვე არსებობს და თქვენთვის საინტერესო საკითხს უკვე განიხილავენ რომელიმე თემაში. ამაში დაგეხმარებათ აპინული თემა
მნიშვნელოვანი თემების სარჩევი.ნებისმიერი თემა, რომელიც არ ექვემდებარება ჟანრობრივ კლასიფიკაციას, ან ექვემდებარება, მაგრამ მისი ჟანრისათვის ცალკე ქვეგანყოფილება არ არსებობს, იპოსტება ძირითად განყოფილებაში. აქვე შეგიძლიათ გახსნათ თემები ტექნიკური პრობლემების შესახებ, რომელიც არ ეხება კონკრეტულად თამაშის შინაარსს. თუ საქმე ეხება ინტერნეტიდან მოქაჩული თამაშების დაინსტალირებას, ნუ გახსნით ცალკე თემას, არამედ ჯერ გაეცანით მიპინულ თემას
ინტერნეტიდან მოქაჩული თამაშების დაინსტალირება, რომლის პირველი პოსტი შეიცავს ზოგად ინსტრუქციებს დამწყებთათვის. თუ ეს არ აღმოჩნდა საკმარისი, მაშინ დაპოსტეთ თქვენი პრობლემის შესახებ იმავე თემაში.
ცენზურასთან დაკავშირებით:ძირითად განყოფილებაში არანორმატიული ლექსიკის გამოყენება
იკრძალება ნებისმიერი ფორმით -- მათ შორის სიმბოლოების ჩანაცვლებით. ამ წესის დარღვევისთვის იუზერს მიეცემა ტექნიკური ვორნი ყოველგვარი სიტყვიერი გაფრთხილების გარეშე.
ასევე, აკრძალულია უცენზურო გამოთქმების გამოყენება მემბერ ტაიტლებში (წარწერები ნიკის ქვეშ) და სიგნატურებში.
ტრანსლიტით პოსტვათამაშების განყოფილებაში
აკრძალულია ტრანსლიტით პოსტვა. იუზერებს, რომლებიც პოსტავენ ტრანსლიტით (ანუ ქართულ სიტყვებს ბეჭდავენ ლათინური ასოებით), მიეცემათ +20% ვორნი. მეორე გაფრთხილება აღარ იქნება -- რეციდივის შემთხვევაში იუზერს აეკრძალება პოსტვის უფლება განუსაზღვრელი ვადით. გაითვალისწინეთ, რომ პოსტვის უფლების დაბრუნება შესაძლებელია მხოლოდ დამატებითი +20% ვორნის მიღების ხარჯზე, რაც საბოლოო ჯამში სამმაგად გაზრდის ფლუდ კონტროლის დროს.
თუ პრობლემები გაქვთ XP-ში ქართული Unicode შრიფტის მხარდაჭერასთან დაკავშირებით, გაეცანით გაქართულების განყოფილებაში არსებულ თემას, სადაც ყველაფერი დეტალურადაა ახსნილი და დასურათებული:
ქართული კლავიატურის დამატებაასევე, შეგიძლიათ გამოიყენოთ მარცხენა ქვედა კუთხეში მდებარე ღილაკი
"abg --> აბგ", რომელიც დაგეხმარებათ ლათინური ასოებით აკრეფილი ტექსტის ავტომატურად გადაქართულებაში (იხ. სურათი).
VS ტიპის თემებითამაშების განყოფილებაში
VS ტიპის თემების გახსნა აკრძალულია -- ანუ ისეთი თემების, რომლებშიც ხდება ორი თამაშის (ან პაბლიშერის, სტუდიის, ჟანრის, საიტის, სერვერის და ა. შ.) დაპირისპირება, რაც იწვევს ფანების დაპირისპირებას და მთავრდება ძმათამკვლელი ომით ფორუმზე. ასეთი თემები დაიხურება, ავტორი გაფრთხილებული იქნება სიტყვიერად, რეციდივის შემთხვევაში კი ტექნიკურად. აღმოსავლეთ საქართველოში მოსალოდნელია მცირე ნალექი და ცვალებადი მოღრუბლულობა. ფრთხილად, კარები იკეტება. შემდეგი სადგური ღრმაღელე.
მცირე დაზუსტება: ეს არ ეხება
კონსოლური თამაშების ქვეგანყოფილებას, რომელსაც ავტონომიური ოლქის სტატუსი აქვს მინიჭებული თამაშების რესპუბლიკის შემადგენლობაში.
100 გვერდის ლიმიტიგანყოფილებაში მოქმედებს 100 გვერდის ლიმიტი, რაც იმას ნიშნავს, რომ ნებისმიერი თემა, რომელიც 100 გვერდს გადააჭარბებს, უნდა დაიხუროს და შეიქმნას ახალი თემა, წინა თემ(ებ)ის ლინკ(ებ)ის მითითებით.
ძველი თემებიგანყოფილებაში იკრძალება ძველი თემების უმიზეზოდ ამოგდება.
რეფერალებთან დაკავშირებითთამაშების განყოფილებაში იკრძალება ნებისმიერი მომხმარებელის მიერ თამაშის რეფერალის დადება -- ანუ იმ ლინკისა, რომელზედაც დაკლიკების შემთხვევაში ლინკის დამდებს ჩაერიცხება ფული ან მიეცემა ნებისმიერი ბონუსი -- ვირტუალური თუ რეალური. მოდერატორი უფლებას იტოვებს ჩაასწოროს მსგავსი ლინკები, იუზერს მისცეს ვორნი, რეციდივისა და დაუმორჩილებლობის შემთხვევაში კი ბანი!
ქართული თამაშების კრეკებთან დაკავშირებითფორუმზე აკრძალულია საქართველოში წარმოებული თამაშების კრეკების, სერიული ნომრებისა და შეტეხილი ვერსიების ლინკების დადება.
ქსელში ჩიტერობასთან დაკავშირებითთამაშების განყოფილება არ მიესალმება ქსელში თამაშისას ჩიტერობას, ამიტომ აკრძალულია ქსელური თამაშების ჩიტ-კოდების მოთხოვნა, განხილვა და ასე შემდეგ.
ტროლინგიგანყოფილებაში მიუღებელია ტროლინგი (თემის შეგნებულად აწიოკება მაპროვოცირებელი პოსტებით). ტროლინგში შემჩნეული პირები დაისჯებიან ვორნით, მძიმე შემთხვევაში კი ბანით. ასე რომ, ვიდრე WoW-ის თემაში შეხვალთ და "ფუჰ რა გათამაშებთ ამ მულწიაშკას" მსგავს სიბრძნეს დადებთ, კარგად დაფიქრდით.
საერთო თემებთან დაკავშირებითისეთი საკითხები, როგორიცაა
თამაშების, მათი
სერიული ნომრების, კრეკებისა თუ პატჩების ძებნა, ისევე როგორც პრობლემები ინტერნეტიდან მოქაჩული თამაშების
დაინსტალირებისას და მათი
გაშვებისას, განიხილება შესაბამის საერთო თემებში. ცალკე თემების გახსნა მსგავს საკითხებზე არ შეიძლება.
თამაშისადმი მიძღვნილი თემის გახსნაროდესაც ხსნით სადისკუსიო თემას რომელიმე თამაშის შესახებ (GRAW 2-ს ფანკლუბი, GTA SA და ა.შ.), აუცილებელია თემის პირველ პოსტში მოაყოლოთ სკრინები, მოკლე ინფო თამაშის შესახებ (სისტემური მოთხოვნები, გამომცემელი და ა.შ.) და, თუ შესაძლებელია, თამაშის ოფიციალური საიტის ლინკიც.
ვინაიდან ვარეზ საიტებზე და მსგავს წყაროებზე თამაშების აღწერილობა ხშირად სინამდვილეს არ შეესაბამება, ამიტომ სჯობს ინფორმაცია დააკოპიროთ ოფიციალური საიტიდან ან ფორუმიდან. მიიღება სერიოზული გეიმერული საიტების მონაცემებიც (IGN, GameSpot და ა.შ.).
ფაჩიკოს გარმონის წესიაკრძალულია თემების გაწელვა უშველებელი ფოტოების დადებით ან ნებისმიერი სხვა ფორმით. ადმინისტრაცია უფლებას იტოვებს, ჩაასწოროს მსგავსი პოსტები ან საერთოდ წაშალოს ისინი.
ოფტოპიკებთან დაკავშირებითფორუმზე შემოღებულია ახალი ტეგი OFFTOPIC. მისი არსი შემდეგშია: პოსტის იმ ნაწილს, რომელსაც ოფტოპიკად მიიჩნევთ, მონიშნავთ და ჩასვამთ ამ ტეგში, იგივე პრინციპით, როგორც სვამთ IMG, BOLD და სხვა ტეგებში. ამ ტეგით მონიშნული ტექსტი ზომაში მცირდება, ხდება ნაცრისფერი და ემატება წარწერა OFFTOPIC. იხ. ნიმუში:
OFFTOPIC:| ეს არის ტეგში ჩასმული ოფტოპიკის ნიმუში |
თავად ტეგი მოკლეა და მისი ჩასმა ხელითაც იოლად შეიძლება, თუ Fast Reply რეჟიმში პოსტავთ:
დაბეჯითებით გთხოვთ, გამოიყენოთ ტეგი OFFTOPIC. მისი მუდმივი იგნორირებისათვის მოდერატორებს შეუძლიათ გაფრთხილება მოგცენ. ასევე, მოდერატორები უფლებას იტოვებენ, თავად ჩაასწორონ პოსტები და OFFTOPIC ტეგში ჩასვან პოსტების ის ნაწილი, რომელსაც ოფტოპიკად მიიჩნევენ.
აქვე მცირე განმარტება მათთვის, ვინც გუშინ გადმოხტა მთვარიდან პარაშუტით და გაგნებაში არაა, რას ნიშნავს ოფტოკიპი: ეს არის მთლიანად პოსტი, ან მისი ნაწილი, რომელიც თემას არ ეხება. არის დასაშვები ოფტოპიკები, რომლებიც ასე თუ ისე მაინც თემიდან გამომდინარეობს და არის დაუშვებელი ოფტოპიკები, რომლებსაც არანაირი კავშირი არა აქვს თემასთან.
სპოილერებთან დაკავშირებითფორუმზე შემოღებულია ახალი ტეგი -- SPOILER. მისი მეშვეობით შესაძლებელია ისეთი ტექსტის დამალვა, რომლის წაკითხვა არასასურველია მათთვის, ვისაც არ სურს წინასწარ გაიგოს, რა მოხდება ფილმში, წიგნში, თამაშში და ა. შ. დაბეჯითებით გთხოვთ, გამოიყენოთ ეს ტეგი მსგავსი შინაარსის მქონე ტექსტების დასაფარად, რადგან განსაკუთრებით მძიმე სპოილერების შემთხვევაში მოდერატორებმა შესაძლოა სანქციებს მიმართონ.
ტეგით დაფარული სპოილერის მაგალითი:
» სპოილერის ნახვისთვის დააწკაპუნეთ აქ «
არ წამიკითხო, სპოილერი ვარ!
ტეგის ნიმუში:
ყიდვა-გაყიდვა ონლაინ თამაშებში ყიდვა-გაყიდვის თემაში ერთ გვერდზე იკრძალება ერთზე მეტი, ერთი და იგივე საქონლის განცხადების დაპოსტვა.
-------------------------------------------------------------
ყველას ვაფრთხილებთ:შეეცადეთ არ დაარღვიოთ წესები და არ გვაიძულოთ მოგცეთ ტექნიკური გაფრთხილება (WARN), იმიტომ რომ...
1) მოდერატორს აღარ შეუძლია ვორნის მოხსნა.
2) ვორნთან ერთად მოგემატებათ ფლუდ კონტროლის დროც.-------------------------------------------------------------
განყოფილების მოდერატორები არიან:
lobja (ყველა ქვეგანყოფილება)
ვახტანგი (ყველა ქვეგანყოფილება)
Blackrider (
ONLINE GAMES )
Abnormalia (
CONSOLE GAMES )
TROJAN (
CONSOLE GAMES )
განყოფილების სული და გული იყო არის და იქნება ცელოკრატიის მამა ბატონი -- >
7th Guest საჭიროების შემთხვევაში მოდერატორებს შეგიძლიათ დაუკავშირდეთ PM-ის მეშვეობით. ასევე, შეგიძლიათ გამოიყენოთ ლინკი "
შეატყობინე მოდერატორს". ოღონდ უმორჩილესად გთხოვთ --
ნუ გამოიყენებთ ამ ლინკს არადანიშნულებისამებრ, დაიმორჩილეთ თქვენი ბოტოტა თითები და ნუ აწკაპუნებთ ყველაფერზე, რაც ხელში მოგხვდებათ, თორემ მერე მოდერატორებს ევსებათ მეილბოქსები ისეთი შეტყობინებებით, როგორიცაა "მოდი ამ საღამოს ქსელში დავცხოთ". გმადლობთ!
This post has been edited by lobja on 3 May 2013, 19:55
განყოფილებაში პოსტვის წესები, გიყვარს ვორნები? მაშინ დაიკიდე ეს თემა!
· ახალი თემა · ახალი გამოკითხვა