forum.ge
reklama
FORUM.GE ... წესები  · დახმარება  · ძებნა  · წევრები  · კალენდარი  · ჩატი
Pages: (9) 1 [2] 3 4 ... ბოლო »  ( გადავიდეთ პირველ წაუკითხავ წერილზე ) გამოხმაურება · ახალი თემა · ახალი გამოკითხვა

> კონსტიტუციური მონარქიული წყობა, ბაგრატოვანთა ტახტის აღდგენა
LCatoni
დაკარგული


****
ჯგუფი: Registered
წერილები: 801
წევრი No.: 71648
რეგისტრ.: 20-October 08

გამოგზავნილია: 5 Feb 2009, 23:45  #12504809      · პროფილი · პირადი მიმოწერა · ელფოსტა
LENUS
QUOTE
კი, დავითის გენეალოგიური ხე შემდეგია:
დავითი (1976) > გიორგი (ხორხე) (1942) > ერეკლე (1909) > გიორგი (1884) > ალექსანდრე (1853) > ერეკლე (1813) > კონსტანტინე (1782) > იოანე (1755)...

ცუდია.
საინტერესოა, რუსეთიდან გამოგდებულ რომანოვს ცოლად ლეონიდა მუხრანელი რომ არ მოეყვანა, ვინ იქნებოდა ქართლის ტახტის მემკვიდრე?
LENUS
A toolmaking animal 大大尺


*****
ჯგუფი: Members
წერილები: 3926
წევრი No.: 18186
რეგისტრ.: 15-March 06

გამოგზავნილია: 6 Feb 2009, 01:52  #12506199      · პროფილი · პირადი მიმოწერა
LCatoni
QUOTE
ცუდია

რატომ?
QUOTE
საინტერესოა, რუსეთიდან გამოგდებულ რომანოვს ცოლად ლეონიდა მუხრანელი რომ არ მოეყვანა, ვინ იქნებოდა ქართლის ტახტის მემკვიდრე?

რუსეთში სწორედ მორგანატული ქორწინება იყო დიდი პრობლემა და ამიტომ რუსულ წყაროებში ლეონიდას საქართველოს სამეფო ხაზს აკუთვნებენ.
მიუხედავად ამისა, ქართლის ტახტის მემკვიდრე გამოვიდა ისევ ერეკლე, ვინაიდან მიუხედავად დავითისადმი ჩემი პატივისცემისა, მუხრანელების გამეფებული შტო შეწყვეტილია და ელენე (ვახტანგ VI-ის ასული) გამოდის ბოლო მემკვიდრე.
დავითი უფროსი შტოს თუმცა გაუმეფებელი შტოს წარმოამდგენელია, და რასაკვირველია მასაც გააჩნია სამმეკვიდრეო პრეტენზიები, მითუმეტეს, რომ ერეკლეს შტოში მხოლოდ ქალბატონი დარჩა.

მაგრამ...

8 თებერვლის ქორწინებამ ეს ყველა დავა აგვარიდა..

მათი შვილი იქნება ქართლ-კახეთის სრულუფლებიანი მემკვიდრე.
იმერეთის მემკვიდრე - იმედი მაქვს მალე შეუერთდება ამათ შთამომავალს ქორწინებით და აღდგება და გამთლიანდება ბაგრატოვანთა 5-საუკუნოვანი დაშლილობა.


--------------------
People with no morals often considered themselves more free, but mostly they lacked the ability to feel or love - Charlez Bukowski
არწივი9
სამაგალითო ქართველი


********
ჯგუფი: Members
წერილები: 43922
წევრი No.: 18452
რეგისტრ.: 21-March 06

გამოგზავნილია: 6 Feb 2009, 15:00  #12510337      · პროფილი · პირადი მიმოწერა · im · aim · yim · msn
LENUS
QUOTE
იმერეთის მემკვიდრე

ვინ კერძოდ?


--------------------
რაციონალიზმი ჩვენს ცხოვრებას ხდის სასარგებლოდ, ირაციონალიზმი კი საინტერესოდ

ამქვეყნად ყველაფერი იცვლება და მხოლოდ ცვალებადობაა მუდმივი (!)

კვანტური მექანიკა ესაა მეცნიერება კვანტის გამოდების შესახებ ;)
ეგრი
bizwebmaster


********
ჯგუფი: Members
წერილები: 27574
წევრი No.: 26365
რეგისტრ.: 1-December 06

გამოგზავნილია: 6 Feb 2009, 16:52  #12511646      · პროფილი · პირადი მიმოწერა · ელფოსტა · ვებგვერდი · aim
LENUS
QUOTE
იმერეთის მემკვიდრე - იმედი მაქვს მალე შეუერთდება ამათ შთამომავალს ქორწინებით და აღდგება და გამთლიანდება ბაგრატოვანთა 5-საუკუნოვანი დაშლილობა.

დადიანები, გურიელები, შერვაშიძეები ნახ?


--------------------
www.bizwebmaster.com - საიტების დამზადება
==========================================
საუკეთესო ხარისხი, ფასები, დამზადების ვადა.
უფასო დომენი და ჰოსტინგი.
არწივი9
სამაგალითო ქართველი


********
ჯგუფი: Members
წერილები: 43922
წევრი No.: 18452
რეგისტრ.: 21-March 06

გამოგზავნილია: 6 Feb 2009, 17:26  #12511986      · პროფილი · პირადი მიმოწერა · im · aim · yim · msn
ეგრი
QUOTE
დადიანები, გურიელები, შერვაშიძეები ნახ?

ეგენი ხომ მონარქები არ ყოფილან
ეგრი
bizwebmaster


********
ჯგუფი: Members
წერილები: 27574
წევრი No.: 26365
რეგისტრ.: 1-December 06

გამოგზავნილია: 6 Feb 2009, 18:24  #12512569      · პროფილი · პირადი მიმოწერა · ელფოსტა · ვებგვერდი · aim
არწივი9
QUOTE
ეგენი ხომ მონარქები არ ყოფილან

ვითამ რადაო?
რახან ნაკლებ ტერიტორიას მართავდნენ?
ხომ იყო დრო, როდესაც არავის ვასალები იყვნენ?
ანუ იყვნენ მონარქები.
LCatoni
დაკარგული


****
ჯგუფი: Registered
წერილები: 801
წევრი No.: 71648
რეგისტრ.: 20-October 08

გამოგზავნილია: 6 Feb 2009, 23:19  #12515861      · პროფილი · პირადი მიმოწერა · ელფოსტა
LENUS
QUOTE
რატომ?

იმიტომ, რომ იოანე მუხრაბ ბატონი იყო ერეკლეს მსახური, მეორეხარისხოვანი ბაგრატიონი და მხოლოდ თავადი. ერეკლეს მის გარდა სიძეებად ჰყავდა ციციშვილიც და ორბელიანიც.
QUOTE
რუსეთში სწორედ მორგანატული ქორწინება იყო დიდი პრობლემა და ამიტომ რუსულ წყაროებში ლეონიდას საქართველოს სამეფო ხაზს აკუთვნებენ.

ისევ რუსების პრობლემა. რომანოვებს დაჭირდათ და ლეონიდას ძმას უბოძეს საქართველოს ტახტის მემკვიდრეობა, არადა თავის დროზე ერეკლეს შტოს ლეგიტიმურობა ცნეს 1783 წლის ტრაქტატით.
QUOTE
მიუხედავად ამისა, ქართლის ტახტის მემკვიდრე გამოვიდა ისევ ერეკლე,

+1000000.
QUOTE
დავითი უფროსი შტოს თუმცა გაუმეფებელი შტოს წარმოამდგენელია, და რასაკვირველია მასაც გააჩნია სამმეკვიდრეო პრეტენზიები, მითუმეტეს, რომ ერეკლეს შტოში მხოლოდ ქალბატონი დარჩა.

საქართველოში არსებობდა რაიმე სერიოზული სამართლებრივი წყარო, რომელიც კრძალავდა სამეფო მემკვიდრეობის ქალზე გადასვლას?
QUOTE
მაგრამ...
8 თებერვლის ქორწინებამ ეს ყველა დავა აგვარიდა..

თავის დროზე თეიმურაზ II და ვახტანგის (VI) ასულის თამარის ქორწინებასაც უნდა მოეგვარებინა დავა, მაგრამ დინასტიური შეცდომების გამო, თეიმურაზ II-ის სიკვდილის შემდეგ შაჰნავაზიან მუხრანელებს გაუჩნდათ ამბიციები ქართლის ტახტზე, რამაც დიდი ზიანი მოუტანა სამეფოს. სად არის იმის გარანტია, რომ სხვა მუხრანსკებსაც არ გაუჩნდებათ მსგავსი ამბიციები, მითუმეტეს რომ დავით ბაგრატიონი არ არის უფროსი ძე და ზოგიერთს მის სამეფო წარმომავლობაშიც ეჭვი ეპარება.
QUOTE
იმერეთის მემკვიდრე - იმედი მაქვს მალე შეუერთდება ამათ შთამომავალს ქორწინებით და აღდგება და გამთლიანდება ბაგრატოვანთა 5-საუკუნოვანი დაშლილობა.

იმერეთსაც ჰყავს მემკვიდრე?
_I_B_E_R_I_E_L_I_
ივერია აირევი


*******
ჯგუფი: Members
წერილები: 11311
წევრი No.: 83982
რეგისტრ.: 5-February 09

გამოგზავნილია: 6 Feb 2009, 23:32  #12515986      · პროფილი · პირადი მიმოწერა
საქართველოს მომავალი და გარკვეულწილად ხსნაც კონსტიტუციურ მონარქიაშია..


--------------------
შეიძლება სამყაროში შენ მხოლოდ ადამიანი ხარ,მაგრამ ვიღაცისთვის-მთელი სამყარო.(c)გაბრიელ გარსია მარკესი
LENUS
A toolmaking animal 大大尺


*****
ჯგუფი: Members
წერილები: 3926
წევრი No.: 18186
რეგისტრ.: 15-March 06

გამოგზავნილია: 6 Feb 2009, 23:57  #12516272      · პროფილი · პირადი მიმოწერა
ეგრი
QUOTE
დადიანები, გურიელები, შერვაშიძეები ნახ?

როგორც იყვნენ მთავრებად ასეე დარჩებიან. (მხოლოდ ტიტულით რასაკვირველია).
ფორმალურად ყველა ეს მთავარი იმერეთის მეფის ვასალი იყო. (ნუ, შერვაშიძე - დადიანის ვასალი).

ექვსი გვარია სულ მთავრები, ჯაყელი და დადეშქელიანიც.

არწივი9
QUOTE
ვინ კერძოდ?


რა მნიშვნელობა აქვს ვინ "კერძოდ"? ვინც არის და იქნება იმ დროისთვის, როცა ეს შეუღლება საჭIრო და შესაძლო გახდება.
უბრალოდ იმის თქმა მინდა, რომ იმერეთს თავისი "სშოტი" აქვს )))

LCatoni
QUOTE
იმიტომ, რომ იოანე მუხრაბ ბატონი იყო ერეკლეს მსახური, მეორეხარისხოვანი ბაგრატიონი და მხოლოდ თავადი. ერეკლეს მის გარდა სიძეებად ჰყავდა ციციშვილიც და ორბელიანიც

რასაკვირველია, მაგრამ არ დაგავიწყდეს, რომ საქართველოს დაშლისას, ისინი უფროსი ძმის განაყოფი შტოა - 1490-იანი წლებზეა საუბარი. ციციშვლი და ორბელიანი ვერ შეედრებოდა მუხრანბატონებს. მათ განსაკუთრებული სტატუსი გააჩნდათ.

QUOTE
ისევ რუსების პრობლემა. რომანოვებს დაჭირდათ და ლეონიდას ძმას უბოძეს საქართველოს ტახტის მემკვიდრეობა, არადა თავის დროზე ერეკლეს შტოს ლეგიტიმურობა ცნეს 1783 წლის ტრაქტატით.

ამას არ ვუარყოფთ.
სხვათაშორის თვითონ რუსებიც ხვდებიან, რომ დღეს კაზუსურ სიტუაციაში ჩაიგდეს თავი მაშინ რომანოვებმა, მაგრამ .... ნუ არავის ეგონა, რომ საბჭოთა კავშირში მომწყვდეული ბაგრატიონებიდან კიდევ ვინმე ან რამე გამოვიდოდა და გადარჩებოდა....


QUOTE
საქართველოში არსებობდა რაიმე სერიოზული სამართლებრივი წყარო, რომელიც კრძალავდა სამეფო მემკვიდრეობის ქალზე გადასვლას?

და განა საქართვ ელოში არსებობდა საერთოდ რამე სერიოზული სამართლებრივი წყარო, რომელივ აღწერს მაინც მემკვიდრეობას ისეთივე პედანტობით და ზედმიწევნით, როგორც ამას ევროპის ან რუსეთის სამეფო კარზე აკეთებდნენ? რასაკვირველია არა.
მაშინ ხომ ქართველებიც არ გვერქმეოდა smile.gif

ყველაფერი დაფუძნებულია გაკვრით ნახსენებ წესებზე, პლის ლოგიკა, პლიუს მაგალითები და ამის მიხედვით ვმსჯელობთ.
სანამ 8 თებერვლის ქორწინება შედგებოდა და გადაწყდებოდა, მე ბევრი მაქვს ნასაუბრები ამ თემებზე და სხვადასხვა გენეალოგებთან.

არსებობს მემკვიდრეობის გადაცემის 4 ძირითადი წესი და ერთერთი - სალიკური, კრძალავს ქალზე მემკვიდრეობის გადასვლას (არამცთუ მის გამეფებას).

ევროპელი გენეალოგებისთვის ყველაფერი ცხადია: მათი აზრით - საქართველოში არსებობდნენ ქალი მმართველები, ანუ ეს ქვეყანა სალიკურ წესს არასოდეს მისდევდა.
ეს გენეალოგები გამოდიან წმინდა ლოგიკის თვალსაზრისიდან და მართლებიც არიან, მაგრამ არ ითვალისწინებენ ჩვენთვის ბაგრატოვანთა განსაკუთრებულ სტატუსსა და პოზიციას. მათთვის ბაგრატიონები უბრალოდ დინასტიაა, ჩვენ კი ვერაფრით შევეგუებით არაბაგრატიონის გამეფებას.

მივხედოთ მაგალითებს:

1) თამარი.
გასაგებია, რომ სოსლანმა (რომლის ბაგრატიონობასაც ბევრი გენალოგი ეჭვქვეშ აყენებს) გადაარჩინა დინასტია შეწყვეტისგან, მაგრამ...

თუ ბაგრატიონი ქმარი აუცილებელიი იყო, რატომ გააყოლეს თამარი ჯერ (!!!) გიორგი რუსს???

2) რუსუდანი.
არაბაგრატიონს გაჰყვა მაგრამ ჩვენი ისტორიოგრაფია დავით ნარინს ბაგრატიონად იხსენიებს.
მეტიც, დავით ულუსა და ნარინს შორის დაპირისპირებაში ულუმ მხოლოდ იმიტომ გაიმარჯვა, რომ მონღოლების წესებს დაემთხვა მისი ასაკით უფროსობა.
აქ ვიყენებ სიტყვას "გაიმარჯვა" რადგან ორმეფიანობა მაშინ ნარინი დამარცხება და ულუს გამარჯვება იყო - ვინაიდან ნარინი უპირობო მემკვიდრე გახლდათ.

3) მთავრები.
დადიანები დადეშქელიანები, გურიელები...

უნდა გავიხსენოთ, რომ ამ ოჯახებშიც სახლის თავის არჩევა (ანუ მთავრის, მმართველის) ხდებოდა იგივე პრინციპებით, როგორც საქართველოს სამეფო კარზე. სხვაგვარად წარმოუდგენელია. ერთი სამეფო იყო და ერთი წესი უნდა ყოფილიყო დაწესებული.

სოფიო გურიელი და ეკატერინე ჭავჭავაძე და კიდევ რამდენიმე მაგალითი ცხადყოფს, რომ საქართველო სალიკური წესის სამეფო არასდროს ყოფილა.

მაგრამ... ყოველ ქართველს ბაგრატიონთა დინასტიასთან აქვს გაიგივებული სამეფო და ვერავინ შეეგუებოდა არაბაგრატიონს მეფედ.
ამიტომ, რადგან გაადვრჩით გიორგი რუსის შთამომავლობას, და რადგან შეწყდა ნარინის შტოც, მაგრამ არსებობს თამარისა და რუსუდანის გამეფების მაგალითები, საქართველოში ბაგრატიონი ქმრის შემთხვევაში შესაძლოა ქალბატონით გაგრძელდეს შთამომავლობა. (და ამ შემთხვევაში არ უნდა ჰქონდეს დიდი მნიშნველობა, კერძოდ რომელი ბაგრატიონი არის ქმარი).

8 თებერვლის ქორწილი ამ საფეხურსაც კი სცდება. აქ არამხოლოდ მოიძებნა ბაგრატიონი მეუღლე ერეკლეს ბოლო შთამომავალისათვის, არამედ ეს კაცი სხვა, პრეტენზიის მქონე შტოს და თანაც უფროსი შტოს სახლის თავი გამოდის. პოპულარული გამოთქმა რომ ვიხმაროთ, აქ ერთი გასროლით ორი კი არა თორმეტი კურდღელი კვდება, და ეს არის სინამდვილეში მონარქისტთა უდიდესი სიხარულის მიზეზი და არა ის, რომ ვინმე მეფის ტახტზე ასვლას ელოდება სულმოუთქმელად.

QUOTE
თავის დროზე თეიმურაზ II და ვახტანგის (VI) ასულის თამარის ქორწინებასაც უნდა მოეგვარებინა დავა, მაგრამ დინასტიური შეცდომების გამო, თეიმურაზ II-ის სიკვდილის შემდეგ შაჰნავაზიან მუხრანელებს გაუჩნდათ ამბიციები ქართლის ტახტზე, რამაც დიდი ზიანი მოუტანა სამეფოს. სად არის იმის გარანტია, რომ სხვა მუხრანსკებსაც არ გაუჩნდებათ მსგავსი ამბიციები, მითუმეტეს რომ დავით ბაგრატიონი არ არის უფროსი ძე და ზოგიერთს მის სამეფო წარმომავლობაშიც ეჭვი ეპარება.

დავითი უფროსი ძე არაა, მაგრამ იგია გამოცხადებული სახლის თავის მემკვიდრედ.
თუმცა რასაც შენ ამბობ, გამორიცხული არაა და თუ ზედმიწევნით არ იქნა დოკუმენტირებული, მის უფროს ძმას და უფრო სწორად შთამოამვლობას, შესაძლოა გაუჩნდეთ მოამვალში ამბიციები და ეს ანგარიშგასაწევი ფაქტორია, მაგრამ ამჟამად ასეთი "გარანტიების" არქონის გამო, ასეთი მნიშვნელობის ქორწინების დაკნინება რბილად რომ ვთქვა, არ ღირს.

შაჰნავაზიან ბაგრატიონებს თეიმურაზის სიკვიდლამდეც ჰქონდათ პრეტენზიები და ტახტიც.
უნდა შეგახსენო, რომ ეს დღეს აღარავინაა დარჩენილი ვახტანგ VI-ის შთამომავლობიდან ცოცხალი, თორემ მაშინ იყვნენ და პრეტენზიებს არც მალავდნენ.
მაგრამ პარალელი დღევანდელ სიტუაციასთან არასწორია.

ვერ გავიგე, ერთი რამ: ვის ეპარება დავითIს სამეფო წარმომავლობაში ეჭვი და რის საფუძველზე? აქ რას გულისხმობ, ამიხსენი კარგად, რა.
* * *
QUOTE
იმერეთსაც ჰყავს მემკვიდრე?


რასაკვირველია.

სამეფოა, ხალხო.
დამოუკიდებელი სამეფო სახლია.
ეგრი
bizwebmaster


********
ჯგუფი: Members
წერილები: 27574
წევრი No.: 26365
რეგისტრ.: 1-December 06

გამოგზავნილია: 7 Feb 2009, 12:38  #12519933      · პროფილი · პირადი მიმოწერა · ელფოსტა · ვებგვერდი · aim
LENUS
QUOTE
ფორმალურად ყველა ეს მთავარი იმერეთის მეფის ვასალი იყო. (ნუ, შერვაშიძე - დადიანის ვასალი).

ოდეთგან და მუდამ? wink.gif

"ფორმალურად" რას ნიშნავს?
LCatoni
დაკარგული


****
ჯგუფი: Registered
წერილები: 801
წევრი No.: 71648
რეგისტრ.: 20-October 08

გამოგზავნილია: 7 Feb 2009, 14:59  #12521296      · პროფილი · პირადი მიმოწერა · ელფოსტა
LENUS
QUOTE
სხვათაშორის თვითონ რუსებიც ხვდებიან, რომ დღეს კაზუსურ სიტუაციაში ჩაიგდეს თავი მაშინ რომანოვებმა, მაგრამ .... ნუ არავის ეგონა, რომ საბჭოთა კავშირში მომწყვდეული ბაგრატიონებიდან კიდევ ვინმე ან რამე გამოვიდოდა და გადარჩებოდა....

რუსების (რომანოვების) ცნობა არაფერს არ ნიშნავს. მე -18 საუკუნეში ერეკლეს შტო ცნეს, მე-19-ში საერთოდ გააუქმეს, მე-20 საუკუნეში რუსეთში ძალაუფლება რომ დაკარგეს, დაჭირდათ და მუხრანსკები ცნეს, ხვალ რომ საოცრება მოხდეს და რუსეთში აღდგეს მონარქია, თავის თავს ცნობენ ლეონიდას გამო საქართველოს ტახტის მემკვიდრეებად, ჭკუა დაუშლით, თუ სინდისი. სალიკურ სამართალს რომ ეყრდნობიან მუხრანსკების შემთხვევაში, თვითონ რატომ გამოაცხადეს ახალი მემკვიდრე ქალის ხაზით? მითუმეტეს სალიკური მემკვიდრეობის წესი რუსეთში პავლე I-მა გააუქმა, ხოლო ევროპულ მონარქიებში დიდი ხანია აღარ მოქმედებს. მათი მხრიდან საქართველოზე მეროვინგების მე-6 საუკუნის ბარბაროსული სამართლის მორგება ხომ საერთოდ სასაცილოა.
QUOTE
და განა საქართვ ელოში არსებობდა საერთოდ რამე სერიოზული სამართლებრივი წყარო, რომელიც აღწერს მაინც მემკვიდრეობას ისეთივე პედანტობით და ზედმიწევნით, როგორც ამას ევროპის ან რუსეთის სამეფო კარზე აკეთებდნენ? რასაკვირველია არა.

ევროპაშიც და რუსეთშიც არ იყო შუა საუკუნეებში სერიოზული სამართლებრივი წყარო, გაიხსენე თუნდაც ასწლიანი ომის დასაწყისის დინასტიური საბაბი.
QUOTE
ევროპელი გენეალოგებისთვის ყველაფერი ცხადია: მათი აზრით - საქართველოში არსებობდნენ ქალი მმართველები, ანუ ეს ქვეყანა სალიკურ წესს არასოდეს მისდევდა.

+1000000. საქართველოში მემკვიდრეობა გადადიოდა ხან პირმშოზე, ხან სამეფო გვარში უხუცესზე, არსებობდა თანამოსაყდრეობის წესი, მეფეების ანდერძი და ა.შ. ბოლოს და ბოლოს არსებობს თამარის, რუსუდანის მაგალითი და თუნდაც რუსთველისეული "ლეკვი ლომისა სწორია", რომელიც შუა საუკუნეების ქართულ მსოფლმხედველობას გამოხატავს.
თეიმურაზ I-ს ტახტი რომ შეენარჩუნებინა, ან 1632 წლამდე მომკვდარიყო, მისი ძე დათუნა ბატონიშვილი გამეფდებოდა და ყველასთვის იქნებოდა ქართლის-კახეთის ტახტის ერთადერთი კანონიერი მემკვიდრე დედის (ხორეშანის) ხაზით, პრეტენზიაც არავის ექნებოდა. ალბათ დამეთანხმები, რომ ისპაჰანში დაბადებულ ხარჭისნაშობ ხოსრო მირზას სალიკური სამართალი გაგონილიც კი არ ექნებოდა, ისე აირჩია შაჰის ნებართვით მემკვიდრედ ბახუტა (ვახტანგ) მუხრან ბატონი. სხვათაშორის, თუ არ მეშლება, მანამდე მას იმერელი ბატონიშვილი ჰყავდა მემკვიდრედ. აქედან გამომდინარე, შემდგომში შაჰნავაზიანი მუხრანელების კანონიერებაზე საუბარი ანტონ კათალიკოსისა და ალექსანდრე ამილახვარის მხრიდან იყო, რბილად რომ ვთქვათ, არასერიოზული პრეტენზიები.
QUOTE
თებერვლის ქორწილი ამ საფეხურსაც კი სცდება. აქ არა მხოლოდ მოიძებნა ბაგრატიონი მეუღლე ერეკლეს ბოლო შთამომავალისათვის, არამედ ეს კაცი სხვა, პრეტენზიის მქონე შტოს და თანაც უფროსი შტოს სახლის თავი გამოდის.

ზედმეტ ყურადღებას ხომ არ ვაქცევთ დაუსაბუთებელ პრეტენზიებს.
ისტორია მეორდება, იცვლება მხოლოდ სახელები, შაჰნავაზი ცნო შაჰ აბას II-მ, ირაკლი მუხრანელი ვლადისლავ რომანოვმა, პრეტენზიები ჰქონდათ შაჰნავაზის შთამომავლებს, ახლა აქვთ ამ უკანაკნელის უმცროსი ძმის შთამომავალ მუხრანსკებს. საქართველო პრეტენზიების ქვეყანაა, მასე ბაღვაშებს და აბაშიძეებს ისეთი პრეტენზიები ჰქონდათ მეფობაზე, იოანე მუხრან ბატონს რომ არ დაესიზმრებოდა. რა ვქნათ მათი შთამომავლებიც ხომ არ ვიპოვოთ?
QUOTE
შაჰნავაზიან ბაგრატიონებს თეიმურაზის სიკვიდლამდეც ჰქონდათ პრეტენზიები და ტახტიც.
მაგრამ პარალელი დღევანდელ სიტუაციასთან არასწორია.

ყოველ შემთხვევაში ქართლის დედოფლის თამარის გარდაცვალებამდე წყნარად იყვნენ. ეს პარალელი იმიტომ გავავლე, რომ მაშინაც შეცდომა იქნა დაშვებული, როცა თეიმურაზ II მხოლოდ ქართლის მეფედ აკურთხეს, ხოლო ერეკლე კახეთში გამეფდა, ანუ შაჰნავაზიანების პრეტენზია ქართლზე კვლავ დაფიქსირდა. მსგავსი შეცდომა რომ არ განმეორდეს ის მაინც გაირკვეს: მომავალი მემკვიდრე ანას ძე იქნება, თუ დავითის ძე?
QUOTE
ვერ გავიგე, ერთი რამ: ვის ეპარება დავითIს სამეფო წარმომავლობაში ეჭვი და რის საფუძველზე? აქ რას გულისხმობ, ამიხსენი კარგად, რა.

მამიდამისი გამოვიდა და სხვებიც გამოჩნდებიან, როცა მათთვის საჭირო გახდება.
დედამისის, თუ ბებიამისის წარმომავლობა არ მოწონთ და მუხრანსკების ნაწილი დავითის მამასაც არ აღიარებდა.
QUOTE
დამოუკიდებელი სამეფო სახლია.

იმერეთი, სამეგრელო, სვანეთი და ა. შ. კარგა ხანია აღარ არსებობს. არის მხოლოდ საქართველო. იმერეტინსკები, მუხრანსკები, დადიანები და გურიელები ჩვეულებრივი რიგითი მოქალაქეები არიან. ქართლის მეფეების უფროსობა ბაგრატიონებში დაფიქსირებულია საქართველოს დაშლის შემდეგ კონსტანტინე II-ის დროიდან. მისი კანონიერი მემკვიდრეა ერეკლის შთამომავლობა, რაც შენც აღნიშნე. ვერ გავიგე, რა სხვა სამეფო ოჯახებზე და სამთავრო ტიტულებზეა საუბარი?
nick_el_son
Fake Hero


*******
ჯგუფი: Members
წერილები: 13480
წევრი No.: 19911
რეგისტრ.: 25-May 06

გამოგზავნილია: 7 Feb 2009, 15:14  #12521443      · პროფილი · პირადი მიმოწერა · ვებგვერდი
QUOTE
კონსტიტუციური მონარქიული წყობა, ბაგრატოვანთა ტახტის აღდგენა

ბიჯო ბიჯო ბიჯოოოო biggrin.gif


რავა გააქტიურდა ეს თემა...


მონარქია არა ლეღვი..... boli.gif




--------------------
Paint it Black!

**
Forgive me father, for I know what I do but I want to hear the last poem of the last poet.
J.M
LENUS
A toolmaking animal 大大尺


*****
ჯგუფი: Members
წერილები: 3926
წევრი No.: 18186
რეგისტრ.: 15-March 06

გამოგზავნილია: 7 Feb 2009, 23:33  #12526971      · პროფილი · პირადი მიმოწერა
ეგრი

QUOTE
ოდეთგან და მუდამ?


კი. იდითგან და მუდამ.
მათ თავისთვის მეფის წოდების კადნიერება არასდროს ჰქონიათ.

LCatoni
QUOTE
სალიკურ სამართალს რომ ეყრდნობიან მუხრანსკების შემთხვევაში, თვითონ რატომ გამოაცხადეს ახალი მემკვიდრე ქალის ხაზით?

რუსეთმა მუხრანელები არა მხოლოდ სალიკური წესით გამოაცხადეს. არავის ეგონა საბჭოთა სივრცეში მოხვედრილ ბაგრატიონთა გადარჩენისა. სხვამხრივ მართალი ხარ.

QUOTE
თეიმურაზ I-ს ტახტი რომ შეენარჩუნებინა, ან 1632 წლამდე მომკვდარიყო, მისი ძე დათუნა ბატონიშვილი გამეფდებოდა და ყველასთვის იქნებოდა ქართლის-კახეთის ტახტის ერთადერთი კანონიერი მემკვიდრე დედის (ხორეშანის) ხაზით, პრეტენზიაც არავის ექნებოდა. ალბათ დამეთანხმები, რომ ისპაჰანში დაბადებულ ხარჭისნაშობ ხოსრო მირზას სალიკური სამართალი გაგონილიც კი არ ექნებოდა, ისე აირჩია შაჰის ნებართვით მემკვიდრედ ბახუტა (ვახტანგ) მუხრან ბატონი. სხვათაშორის, თუ არ მეშლება, მანამდე მას იმერელი ბატონიშვილი ჰყავდა მემკვიდრედ. აქედან გამომდინარე, შემდგომში შაჰნავაზიანი მუხრანელების კანონიერებაზე საუბარი ანტონ კათალიკოსისა და ალექსანდრე ამილახვარის მხრიდან იყო, რბილად რომ ვთქვათ, არასერიოზული პრეტენზიები.


ოო, მაგ პერიოდში სალიკურ და პრიმოგენიტურ წესებზე მეტად სუზერენის "დაბრო" წესობდა ანუ ირანის შაჰი ვისაც მოინდომებდა იმას დანიშნავდა.
მართალი ხარ, ხოსრო-მირზას მანამდე ჰყავდა იმერელი ბატონიშვილი (მგონი, ოტია?) რომელიც 7 წლისა გარდაცვლილა.
მაგრამ მუხრანელები მაშინაც იყვნენ უფროსი შტოს წამომადგენლები. შეწყვეტილ დინასტიას ხომ აღმავალი ხაზით პირველ მამაკაცამდე მიჰყვებიან და ასე "ინიშნება" ახალი მემკვიდრე.

QUOTE
ზედმეტ ყურადღებას ხომ არ ვაქცევთ დაუსაბუთებელ პრეტენზიებს.
ისტორია მეორდება, იცვლება მხოლოდ სახელები, შაჰნავაზი ცნო შაჰ აბას II-მ, ირაკლი მუხრანელი ვლადისლავ რომანოვმა, პრეტენზიები ჰქონდათ შაჰნავაზის შთამომავლებს, ახლა აქვთ ამ უკანაკნელის უმცროსი ძმის შთამომავალ მუხრანსკებს. საქართველო პრეტენზიების ქვეყანაა, მასე ბაღვაშებს და აბაშიძეებს ისეთი პრეტენზიები ჰქონდათ მეფობაზე, იოანე მუხრან ბატონს რომ არ დაესიზმრებოდა. რა ვქნათ მათი შთამომავლებიც ხომ არ ვიპოვოთ?

ყურადღებას ვაქცევთ, მაგრამ არა ზედმეტს.
ერეკლეს შტოს შემორჩა ერთი ქალბატონი. ამაზე უკეთესი პრეტენდენტი მის მეუღლეობაზე ვერავის ექნებოდა, ხომ მეთანხმები?
მთავარი ესაა და არა ის, რომ იმ მეუღლეს პრეტენზიები გააჩნდა. ორი შტოდან ერთი შეიქმნა. ეს დიდი გამარჯვებაა, რაც არ უნდა ვთქვათ.

QUOTE
ყოველ შემთხვევაში ქართლის დედოფლის თამარის გარდაცვალებამდე წყნარად იყვნენ. ეს პარალელი იმიტომ გავავლე, რომ მაშინაც შეცდომა იქნა დაშვებული, როცა თეიმურაზ II მხოლოდ ქართლის მეფედ აკურთხეს, ხოლო ერეკლე კახეთში გამეფდა, ანუ შაჰნავაზიანების პრეტენზია ქართლზე კვლავ დაფიქსირდა. მსგავსი შეცდომა რომ არ განმეორდეს ის მაინც გაირკვეს: მომავალი მემკვიდრე ანას ძე იქნება, თუ დავითის ძე?


მომავალი მემკვიდრე აუცილებლად ერეკლეს შთამომავალია. თუმცა ვიცი, რომ ბევრი არ დამეთანხმება, მაგრამ მე ლაშა-გიორგი თამარის შთამომავლად მიმაჩნია და არა სოსლანის.
ამიტომ, და სწორედ ამიტომ ვამბობ, რომ მომავალი მემკვიდრე იქნება ქართლ-კახეთის მემკვიდრე და არა იმერეთისაც. ეს ლეგიტიმურობა არ შეიძლება დაირღვეს, იგი მაინც თავს იჩენს და სერიოზულ პრობლემებს შექმნის მომავალში.

QUOTE
მამიდამისი გამოვიდა და სხვებიც გამოჩნდებიან, როცა მათთვის საჭირო გახდება.
დედამისის, თუ ბებიამისის წარმომავლობა არ მოწონთ და მუხრანსკების ნაწილი დავითის მამასაც არ აღიარებდა.


რას ჰქვია წარმომავლობა არ მოსწონთ? მამაკაცი მემკვიდრე მაინც არ ჰყავთ და ვის რა არ მოსწონს, გაუგებარია.
დავითის მამას არ აღიარებდნენ როგორც საქართველოს სამეფო სახლის თავს, მაგრამ მის მეფურ წარმომავლობაზე სიტყვაც არ დაძრულა, რამდენადაც ვიცი.

QUOTE
იმერეთი, სამეგრელო, სვანეთი და ა. შ. კარგა ხანია აღარ არსებობს. არის მხოლოდ საქართველო.

მხოლოდ პოლიტიკურად და არა სამეფო სახლების მიხედვით.
QUOTE
იმერეტინსკები, მუხრანსკები, დადიანები და გურიელები ჩვეულებრივი რიგითი მოქალაქეები არიან

კანონის წინაშე-კი. გარდა ამისა სამეფო სახლების თავიც გახლავს იმერეთის ბაგრატიონი. (ამჯერად ქალბატონი).
QUOTE
ქართლის მეფეების უფროსობა ბაგრატიონებში დაფიქსირებულია საქართველოს დაშლის შემდეგ კონსტანტინე II-ის დროიდან.

კი, ბატონო.
QUOTE
მისი კანონიერი მემკვიდრეა ერეკლის შთამომავლობა, რაც შენც აღნიშნე. ვერ გავიგე, რა სხვა სამეფო ოჯახებზე და სამთავრო ტიტულებზეა საუბარი?

ერეკლეს მემკვიდრეობა არ მოიცავდა იმერეთისას. ქართლის უფროსობა არ ნიშნავს სხვა სამეფოს ავტომატურად უზურპაციის უფლებას. უფროსობა ნიშნავდა მხოლოდ სამართალმემკვიდრეობას.
სამთავრო ტიტულები არის გენეალოგიური ტერმინი. კლუბის თავჯდომარე დავარქვათ. მაგრამ ამ ხალხს აქვს უფლება თავისი გვარის ორგანიზაცია შექმნას და ჰყავდეს მისი მოთავე. რა პრინციპით აირჩევენ ხოლმე ამ მოთავეს, არ ვიცი - იმედი მაქვს, მიჰყვებიან ისტორიულ წესებს. არავითარი პოლიტიკური დატვირთვა ამ პროცესებს, რასაკვირველია არ აქვს.
ივერიელი
Roman-Catholic


*******
ჯგუფი: Users Awaiting Email Confirmatio
წერილები: 14073
წევრი No.: 1891
რეგისტრ.: 7-March 03

გამოგზავნილია: 8 Feb 2009, 06:00  #12530381      · პროფილი · პირადი მიმოწერა · ვებგვერდი · aim · yim
LCatoni
LENUS

ეეე თქვენ მაგრად ურიკინებთ აი. biggrin.gif ეხლა თქვენი თავი არ მაქვს, მერე მოგხედავთ. ერეკლეს მემკვიდრე არა კიდე ისა. biggrin.gif

QUOTE
ქართლის მეფეების უფროსობა ბაგრატიონებში დაფიქსირებულია საქართველოს დაშლის შემდეგ კონსტანტინე II-ის დროიდან. მისი კანონიერი მემკვიდრეა ერეკლის შთამომავლობა, რაც შენც აღნიშნე.


ლოლ. თქვენ დავით ნინიძე ან ბიჭიკაშვილი ხომ არ ხართ?! biggrin.gif ყველა ისტორიკოსი აღიარებს რომ კონსტანტინე II-ის შთამომავლობა სწორედ დავით ბაგრატიონ-მუხრანელია და თქვენ ახლიდან წერთ ისტორიას? biggrin.gif


--------------------
შენც მიდიხარ იქ საითკენ ქართველები იჩქარიან,
გული სევდით მეკუმშება და თან.. და თან მიხარიან!
ჩემი სისხლი და ხორცი ხარ და მისმინე, რის ვარ მთქმელი:
შენ მიყვარხარ მე იმდენად, რამდენადაც ხარ ქართველი.
საქართველოს მე ვაღმერთებ, არას ვეტრფი იმის გარდა,
ეხლა მით ვარ ბედნიერი, რომ შენც იგი შეგიყვარდა.
LENUS
A toolmaking animal 大大尺


*****
ჯგუფი: Members
წერილები: 3926
წევრი No.: 18186
რეგისტრ.: 15-March 06

გამოგზავნილია: 8 Feb 2009, 09:18  #12530502      · პროფილი · პირადი მიმოწერა
ივერიელი
QUOTE
ეეე თქვენ მაგრად ურიკინებთ აი.  ეხლა თქვენი თავი არ მაქვს, მერე მოგხედავთ. ერეკლეს მემკვიდრე არა კიდე ისა.


აბა, აბა, რიკინის ხმა მესმის biggrin.gif

შენ ახალს არაფერს იტყვი. ვიცით შენი იდეები.
QUOTE
თქვენ დავით ნინიძე ან ბიჭიკაშვილი ხომ არ ხართ?!


მაგათზე წესიერი ბაგრატიონოლოგი ვინ იცი?
0 წევრი ათვალიერებს ამ თემას (0 სტუმარი და 0 უჩინარი წევრი)
0 წევრი:
Topic Options Pages: (9) 1 [2] 3 4 ... ბოლო » გამოხმაურება · ახალი თემა · ახალი გამოკითხვა

 



ფორუმის ინტერნეტთან კავშირს უზრუნველყოფს: კავკასუს ონლაინი
[ Script Execution time: 0.0469 ]   [ 12 queries used ]   [ GZIP Disabled ]