forum.ge
reklama
FORUM.GE წესები  · დახმარება  · ძებნა  · წევრები  · კალენდარი  · ფოსტა  · ჩატი
reklama

Pages: (6) [1] 2 3 ... ბოლო »  ( გადავიდეთ პირველ წაუკითხავ წერილზე ) გამოხმაურება · ახალი თემა · ახალი გამოკითხვა

> პატრიოტიზმი ზვიადიზმის გარეშე, მეღირსება?
axalirevolucia
Super Mishist


********
ჯგუფი: Members
წერილები: 20967
წევრი No.: 99354
რეგისტრ.: 8-September 09

გამოგზავნილია: 4 Jun 2012, 21:16  #31509693      · პროფილი · პირადი მიმოწერა · ჩატი · ელფოსტა · ვებგვერდი



ერთ მხრივ ზვიადიზმი ისევ ჩვენშია.


ზვიადის ზეწარმატებამ და მას მოყოლილმა ზემარცხმა ამ სწავლებას - ზვიადიზმს რომანტიკულ- ჰეროიკული მანტია შემოსა და სიცოცხლე გაუგრძელა.


ზვიადიზმის კალთის ქვეშ კომფორტულად გრძნობს თავს როგორც გაცხადებული ზვიადისტი, ასევე მოსახლეობის აბსოლუტური უმრავლესობა. მათ შორის განსხვავება მხოლოდ ზვიადის პიროვნების როლის შეფასებაშია, ზვიადიზმი კი, როგორც საქართველოს არსებობის, შიდაპოლიტიკის ფაბულა საერთოა.

ამასთანავე პატრიოტიზმი თავისი ემოციური, პათეტიური, ამაღლებული, თავგანწირული მნიშვნელობით ისევ და ისევ ზვიადთან ასოცირდა.
ზვიადი კი ზემარცხთან.

აქ მანკიერი წრე შეიკრა, პატროიტობა საშიშია, მარცხია,დასაცინია, თავგანწირვა შეზღუდული ფანატიკების საქმეა, სამარცხვინოა.


პატრიოტიზმი უკვე 20 წელია ერთის მხრივ ისტორიულ გმირთა გაფეტიშებისა და მეორე მხრივ ზვიადის სახელით უტრირების საბურველითაა დაფადული.

შედეგად პატრიოტიზმი ჩამოყალიბდა როგორც შორი ისტორიის კუთვნილება, რომელიც თანამედროვე პირობებში გროტესკულ, პაროდიულ ( ივერიანნო, მამულიშვილნო) და მარცხთან შეჭიდულ ( ზვიადი, თვითმკვლელი ან დაცვის მიერ მოკლული პრეზიდენტი) მოვლენად იქცევა.


როგორმე უნდა გავაცალკეოთ პატრიოტიზმი და ზვიადი (ბიოგრაფია).
უკეთესი იქნება თუკი პატრიოტიზმსა და ზვიადიზმსაც გავყოფთ,
მაგრამ პირველ ეტაპზე პატრიოტიზმისა და პიროვნება ზვიადს შორის მტკიცე ასოციასიური კავშირები უნდა დაირღვეს.



ამისათვის დღეს არსებული ქვეშეცნეული თეზა - ზვიადს არ დასცალდა, ის კარგ საქართველოს აშენებდა, შეიცვალოს თეზით
- ჩვენ უნდა ავაშენოთ ახალი საქართველო ახალი მსოფლიოს კანონებით,



ზვიადისთვის კი თავისივე გარემოცვას რომ ეცლია, მაქსიმუმ 1995 წელს დაასრულდბდა თავის ვადას და მას მეორე ვადით არავინ აირჩევდა. ზვიადის შემდეგ 15 წელი უნდა იყოს გასული პატრიოტიზმი კი მარცხთან არ უნდა იყოს ასოცირებული.




დღეს ტანჯული ზვიადიზმი (რომელსაც "არ აცალეს") ათასგვარ მოულოდნელ ფორმას ღებულობს. დაწყებული იმით, რომ თურმე ყველა დროის საუკეთესო ქართველი ზვიად გამსახურდიაა ( ტელე ვიქტორინა), გაგრძელებული გუბაზით, ლუკა კურტანიძით, ბიძინა ივანიშვილითა და ასავალ–დასავალით, მართლმადიდებელ მშობელთა კავშირით.

ქართული პოლიტიკის ეს ფრთა საერთო ქართულ პოლიტიკას ირაციონალურს ხდის – ჩვენ გვეკუთვნის, მივიღებთ როგორც კი ბოროტებს დავამარცხებთ, კუთვნილი აქვეა, ბოროტის სეიფში.


იდეალიზმი მომწონს, მაგრამ არა ასეთი.


ისეთი იდელიზმი მინდა, რომელიც გერმანელს გააკიდებს ნაგვის დამგდებთან და იმ ნაგავს "შეაჭმევინებს", იაპონელ დანტისტს მიწისძვრისა და ცუნამის მეორე დღეს მიღებას არ გადაატანინებს, ისრაელელს მშვიდი რუტინის რეჟიმში აცხოვრებს იმ დროს, როცა მთელ მის ქვეყანას 38000 ბომბა ეცემა ( 2008 წელი), ბრიტანელების იდეალიზმი მინდა, რომლებიც ფოლკლენდისთვის იბრძოლებენ, რუსების იდეალიზმი მინდა, რომელიც კურილის კუნძულებს არ გააყიდინებს, ჩინელის იდეალიზმი მინდა, ისეთი რომელიც თავის მოთხოვნებს ქვეყნის უთქმელ მიზანს დაუქვემდებარებს, სომხის იდეალიზმი მინდა, რომელიც ამაყობს, რომ მისი ხელიდან მეზობლებზე უფრო ხარისხიანი პროდუქტი გამოდის.

ეტქ.


ზვიადიზმი ამ ყველაფერში ხელს მიშლის.


პ.ს.
1. საქართველოს ბოლო 20 წლეულის ყველაზე მწარე და დასანან მარცხად მიმაჩნია 1991 წელს ზვიადის ჩამოგდება,
2.ზვიადის პატრიოტობაში ეჭვი არ შემაქვს
3.ზვიადისტებს არაფერს ვერჩი, ხალხი უნდა იყოს ჭრელი და გარკვეული იდეის გარშემო კონცენტრირებილი, თანაც ფორმირებული ( თუნდაც ენჯეოების სახით) ანუ, ზვიადისეტბის არსებობაში დღევანდელ საქართველოში ვერავითარ მინუსს ვერ ვხედავ,
ეს თემა გვეხება ყველას ჩვენ, ფარულ, ქვეშეცნეულ ზვიადისტებს,

პ.პ.ს.
ჩვენს ქვეყანაში ლუდის რეკლამამ ტექნოლოგიის დაცვის ჩვენებით, არ იმუშავა, ყველა ლუდის რეკლამა ისევ ფშავ–ხევსურულ ხინკალ ხანჯალზე გადაერთო, არ თქვათ, არ ვართ ზვიადისტებიო.
არ თქვათ, არ ვართ ზვიადისტებიო.


ჰე.




--------------------
ტვინის კერხერი VS ტვინის უნიტაზის მარჯანი.

ბიძინა უნდა გაბანძდეს!
HEPHAESTUS
მწყემსი კეთილი


******
ჯგუფი: Members
წერილები: 7561
წევრი No.: 82728
რეგისტრ.: 18-January 09

გამოგზავნილია: 4 Jun 2012, 21:35  #31509999      · პროფილი · პირადი მიმოწერა · ჩატი · ელფოსტა
ქართველებს უყვართ იდეალები... მაგრამ მისი ერთგულება არა..
მხოლოდ დროებით...

საერთოდ სანამ პატრიოტიზმის და მოქალაქის (ამ სიტყვის ბერძნულ-რომაული გაგაბით, და არა სავოკური) მცნება ერთი არ გახდება მანამდე, ხან ზაურის აირჩევენე 98% პროცენტით, მერე 3 წელიწადში დურმშიხანს 96% პროცენტით და ასე იქნება სულ...

QUOTE
ჩვენს ქვეყანაში  ლუდის რეკლამამ ტექნოლოგიის დაცვის ჩვენებით, არ იმუშავა,  ყველა ლუდის რეკლამა  ისევ  ფშავ–ხევსურულ ხინკალ ხანჯალზე გადაერთო, არ თქვათ, არ ვართ ზვიადისტებიო. არ თქვათ, არ ვართ  ზვიადისტებიო.


biggrin.gif

საინტერესო ფენომენია... და სამწუხაროც.
რაღაც უაზრო, ფოლკლორი და მიტებით შეზავებული, უგემოვნო ვერნაკულარაზმისკენ აქვს მიდრეკილება საზოგადოებას... პატრიარქალურ-ფეოდალური შტრიხებიც საკმაოა...
ამიტომ მართალი თქვენი შენიშვნა... პატრიოტად ხშირად წვერ გაუპრასვი, ვახტანგ გორგასლის აბჯარ მტვირთველის იმიჯის მქონე, ხმალ შემართული და ფსევდო რელეგიური პირები, (რომელთან სულ დაღვრემილი და ტანჯული სახე აქვს) უფრო გვევლინებიან ვიდრე ისენი ვინც მაგალიტად, სოც. თანასწორობას, სამარტლიანობას, ეტნიკური, რელიგიურ თუ სქესობრივ თანასწორობას ითხოვენ. უფრო მეტიც, ამ ხალხს "პედერასტებად" და 'გამრყვნელებად" ნათლავენ... თუნდაც ჩვენი ფორუმზე მოღვაწე რამოდენიმე სოც აქტივისტი...

მეუფე ქალანტარიანცმა (იუზერი ისკარიოტელი) ადრე დაწერა, უბაში საბავშო ბაღი გახსნეს "კაი ყმა" ქვია სახელადო... ხო და სანამ თაობებს, ასე კაი ყმის იდეალბით, ეთნო ცენტრზიმით ვზრდით მომავალ თაობას მანამდე ლუკა კურტანიძეც ტანჯული პტარიოტო იქნება (ამ შემთხვევაში მე მის სამშობლოს სიყვარულში ეჭვი არ შემაქვს)

This post has been edited by HEPHAESTUS on 4 Jun 2012, 21:37


--------------------
ნიცშეანელი

John 14:19
Yet a little while and the world will see me no more, but you will see me. Because I live, you also will live.
მაწაკი
Super Member


****
ჯგუფი: Registered
წერილები: 994
წევრი No.: 71050
რეგისტრ.: 16-October 08

გამოგზავნილია: 4 Jun 2012, 21:37  #31510026      · პროფილი · პირადი მიმოწერა · ჩატი · ელფოსტა
სათაური უკვე აბსურდულია და წაკითხვის სურვილს აქრობს. მიუხედვად ამისა, მაინც წავიკითხე და მიუხედავად იმისა, რომ დაახლოებით მივხვდი, რისი თქმა უნდა ავტორს, სისულელეა. ბოდიში წინასწარ, ეს ჩემი აზრია მხოლოდ.
mtavrishvili
Super Crazy Member


******
ჯგუფი: Members
წერილები: 8140
წევრი No.: 137216
რეგისტრ.: 20-October 11

გამოგზავნილია: 4 Jun 2012, 22:51  #31511405      · პროფილი · პირადი მიმოწერა · ჩატი · ელფოსტა · ვებგვერდი
ხო....
აქ პრობლემა ის არის თუ ვინ რას მიიჩნევს პატრიოტიზმად. აბა ერთი გეკითხათ სერგო ორჯონიკიძისთვის იყო იგი თუ არა პატრიოტი?
თავს გაგიჟებდა და იტყოდა აბა თუ ჩვენ ბოლშევიკები არა მაშინ მენშევიკები არიან პატრიოტებიო?!

საქართველოში 1988-89 წლებში მაშინდელი ეროვნულ-განმათავისუფლებელი მოძრაობის სახით მართლა აღორძინდა დიდი პატრიოტული ტალღა და ამ დიდი პატრიოტული ტალღის ერთ-ერთი მონაწილე ზვიად გამსახურდიაც იყო, ოღონდ 1990 წლის 28 ოქტომბრიდან ეს პატრიოტული ტალღა სწორედ ზვიადიზმით იქნა ჩახშობილი და 1989 წლის 9 აპრილის აქციის ყველა მონაპოვარიც ზვიადიზმით იქნა განიავებული.

რა ფენომენი იყო და არის ზვიადიზმი. ზვიადიზმი არ არსებობდა ეროვნულ-განმათავისუფლებელი მოძრაობის დროს. ასეთი რამ რომ მაშინ არსებულიყო ამას ზვიადიზმი კი არა მერაბიზმი ერქმებოდა. ზვიადიზმის კულტივირებისთვის მერაბ კოსტავას მოკვლა იყო აუცილებელი და იგი ამიტომაც მოკლეს. მერაბი შემთხვევით არ მოკლეს ბერლინის კედლის დაცემამდე სამი კვირით ადრე და ზვიადიზმის მთავარ მამოძრავებელ ძალად იქცა პრაღის ბარხატის რევოლუცია. ეს უფრო ჰაველიზმი იყო ვიდრე ზვიადიზმი. იმისათვის რომ ჩეხოსლოვაკიაში ნამდვილი რევოლუცია არ მომხდარიყო, კომუნისტებმა ჰაველი დასვეს პრეზიდენტად. (იგი ხალხს არ აურჩევია). ზვიად გამსახურდიაც სინამდვილეში კომუნისტებმა დასვეს ხელისუფლებაში, ოღონდ საქართველოში უკვე საპარლამენტო და საპრეზიდენტო არჩევნები გათამაშდა. ეს აუცილებელი იყო ეროვნულ-განმათავისუფლებელი მოძრაობის ჩახშობისა და საქართველოს დამოუკიდებლობაზე უარის სათქმელად. ორივე ეს არჩევნები ჩატარდა პრესის აბსოლუტური ჩახშობის პირობებში და ამ არჩევნების დემოკრატიულობაზე და მით უმეტეს კანონიერებაზე ლაპარაკიც ზედმეტია.

ვინ იყვნენ მაშინდელი ზვიადისტები? თენგიზ სიგუა, თენგიზ კიტოვანი და ა. შ. ეს ის ხალხი იყო ვინც ეროვნულ განმათავისუფლებელ მოძრაობას ვერ იტანდნენ და ზვიადის ადრინდელ სახელს ამოფარებულნი საკუთარ თავს აცხადებდნენ ეროვნულ-განმათავისუფლებელ მოძრაობად. ყველა ზვიადისტი თვითმარქვია და მედროვე იყო. მათი კრედო იყო გორბაჩოვი ეროვნულ-განმათავისუფლებელი გზით არ უშვებს საქართველოს და მოდით ბალტიისპირული გზით ანუ უმაღლესი საბჭოების არჩევის გზით წავიდეთო. ეს კი უკვე საქართველოს დამოუკიდებლობაზე უარის თქმა და სახელმწიფოებრივი დამოუკიდებლობის გაყალბება იყო. სწორედ ზვიადისტები იყვნენ საქართველოს დამოუკიდებელი სახელმწიფოებრიობის პირველი გამყალბებლები.

გამსახურდიას ხელისუფლება 1995 წლამდე ვერაფრით ვერ გაძლებდა და მისი პოპულარობა პრეზიდენტად არჩევიდან რამდენიმე თვეში კატასტროფულად დაეცა. არსებითად როცა მოსკოვში მიხვდნენ, რომ გამსახურდიას ტიპის პრეზიდენტების მეშვეობით საბჭოთა კავშირს ვერ შეინარჩუნებდნენ, სწორედ იმიტომ გაითამაშეს 1991 წლის აგვისტოს პუტჩი. თუ კარგად გახსოვთ მაშინ ზვიადმა მოსკოვის პუტჩისტებს დაუჭირა მხარი. შევარდნაძემ კი მოსკოვის პუტჩის წინ ატეხა განგაში დიქტატურა მოდისო. მოსკოვის პუტჩი კი გათამაშებული იყო და შევარდნაძემ აქ მოუგო ზვიადს როგორც ელცინის ასევე დასავლეთის თვალში. ქართველ ხალხს კი ამ დროს უკვე არავინ არაფერს აღარ ეკითხებოდა.

ჩვენ რომ 1991 წლის 9 აპრილს მართლა დამოუკიდებელობა გამოგვეცხადებინა და ზვიადის გვერდში ზვიადისტები კი არა ადრინდელი ეროვნულ-განმათავისუფლებელი მოძრაობა მდგარიყო, ვერც ზვიადს ჩამოაგდებდნენ და ვერც შევარდნაძე მოვიდოდა საქართველოს ხელისუფლებაში. სწორედ ზვიადისტებმა წაართვეს საქართველოს სიმართლე და სანამ ქართველი ხალხი ამას არ გაიაზრებს მანამ კიდევ ბევრ შევარდნაძეს და სააკაშვილს იწვნევს. უპირველეს ყოვლისა ეს უნდა გაიაზრონ თვითონ დღევანდელმა ზვიადისტებმა.





--------------------
ვაჟა მთავრიშვილი საქართველოს პარლამენტის დეპუტატობის მაჟორიტარი კანდიდატი მთაწმინდა. ტელეფონი; 593 542 861 ელფოსტა vazha50@web.de სკაიპი vazsa. mtavrisvili
zuziko
???????????????


******
ჯგუფი: Members
წერილები: 8786
წევრი No.: 114375
რეგისტრ.: 22-April 10

გამოგზავნილია: 4 Jun 2012, 23:02  #31511604      · პროფილი · პირადი მიმოწერა · ჩატი · ელფოსტა
axalirevolucia
QUOTE
ჩვენს ქვეყანაში ლუდის რეკლამამ ტექნოლოგიის დაცვის ჩვენებით, არ იმუშავა, ყველა ლუდის რეკლამა ისევ ფშავ–ხევსურულ ხინკალ ხანჯალზე გადაერთო,

დიდი წარმოდგენა გქონია ჩვენს რეკლამშიკებზე, ტუ გგონია რომ ეს მათ წინასწარ გათვლით და გამიზნულად გააკეთენ


--------------------


რატომ ეძახიან ამ ქვეყანაში დებილებს ჭკვიანს და ტყუილს სიმართლეს? © Internet_Contraband
bombora68
Super Crazy Member


******
ჯგუფი: Members
წერილები: 5796
წევრი No.: 118259
რეგისტრ.: 10-July 10

გამოგზავნილია: 4 Jun 2012, 23:03  #31511633      · პროფილი · პირადი მიმოწერა · ჩატი · ელფოსტა
mtavrishvili
QUOTE
ჩვენ რომ 1991 წლის 9 აპრილს მართლა დამოუკიდებელობა გამოგვეცხადებინა და ზვიადის გვერდში ზვიადისტები კი არა ადრინდელი ეროვნულ-განმათავისუფლებელი მოძრაობა მდგარიყო, ვერც ზვიადს ჩამოაგდებდნენ და ვერც შევარდნაძე მოვიდოდა საქართველოს ხელისუფლებაში. სწორედ ზვიადისტებმა წაართვეს საქართველოს სიმართლე და სანამ ქართველი ხალხი ამას არ გაიაზრებს მანამ კიდევ ბევრ შევარდნაძეს და სააკაშვილს იწვნევს. უპირველეს ყოვლისა ეს უნდა გაიაზრონ თვითონ დღევანდელმა ზვიადისტებმა.

და ვინ!? ირაკლი წერეთელი თუ ედიკას ძმაკაცი ჭანტურია, რომლის პარტიამაც დაანგრია მაშინდელი საქართველო.
ედპ-მ და მისმა ლიდერებმა ედიკას წინ ხალხიც კი დააჩოქეს (მონები).
ნოდარია ნათაძე? ბანდიტური ფორმირების მეთაური პროფესორი, თუ ასევე ბანდიტური რაზმის მეთაური ვაჟა ადამია?
იქნებ ირინა სარიშვილი?


--------------------
მტრის უკუგდება–მარცხია; მოკვეთა, ალყაში მოქცევა, შემუსვრა, გაფანტვა–წარმატებაა.
სუვოროვი

მედესანტეები არ კვდებიან, ჯოჯოხეთში
მიდიან და გადაჯგუფებას ახდენენ.
karlsoni
ズラじゃない。桂だ。


********
ჯგუფი: Members
წერილები: 38427
წევრი No.: 7762
რეგისტრ.: 13-December 04

გამოგზავნილია: 4 Jun 2012, 23:05  #31511671      · პროფილი · პირადი მიმოწერა · ჩატი · ელფოსტა · ვებგვერდი · aim
axalirevolucia
ცოტა საინტერესოდ (სახალისოდ) წერა ისწავლე რა. . . sad.gif
შეიძლება მართლა საინტერესო და სადისკუსიო რაღაცეებს წერდე, მაგრამ ისე ჩაასქოლასტიკოსებ ხოლმე, რომ ორი ხაზის წაკითხვის მერე, ვჩერდები. sad.gif


--------------------
ნადირობა ბინებზე კი არა, ჭვავის ყანაში მორბენალ ბალღებზე მიდის.

Et facta est lux!

無名天地之始,
有名萬物之母。

http://iaponia.ge/
ნიკუშა_მარქსი
მემარცხენე რადიკალი


*******
ჯგუფი: Members
წერილები: 14243
წევრი No.: 22606
რეგისტრ.: 21-August 06

გამოგზავნილია: 4 Jun 2012, 23:59  #31512672      · პროფილი · პირადი მიმოწერა · ჩატი · ელფოსტა · ვებგვერდი · aim
karlsoni
QUOTE
ცოტა საინტერესოდ (სახალისოდ) წერა ისწავლე რა. . . 
შეიძლება მართლა საინტერესო და სადისკუსიო რაღაცეებს წერდე, მაგრამ ისე ჩაასქოლასტიკოსებ ხოლმე, რომ ორი ხაზის წაკითხვის მერე, ვჩერდები.



+1


--------------------
http://witeli.blogspot.com/ ჩემი ბლოგი

რა უცნაურ სამყაროში ვცხოვრობთ სადაც ღარიბები მდიდრებს ინახავენ(ჯოზეფ სტიგლიცი)
ucelo
პაოლო უჩელო, იტალიელი მხატვარი, XV ს


*******
ჯგუფი: Members
წერილები: 10258
წევრი No.: 6157
რეგისტრ.: 27-August 04

გამოგზავნილია: 5 Jun 2012, 00:16  #31512996      · პროფილი · პირადი მიმოწერა · ჩატი
QUOTE
1. საქართველოს ბოლო 20 წლეულის ყველაზე მწარე და დასანან მარცხად მიმაჩნია 1991 წელს ზვიადის ჩამოგდება,

და კიდევ უფრო დიდი მარცხი მანამდე იყო როცა ზვიდიზმმა 87%-ით დააბნელა საქართველო, საქართველონ და მერე ჯაბები ედუარდები და ათასი ჯოჯოები უკვე ტექნიკის საკითხი-ღა იყო
ქართველებს ნამდვილად სტკიოდათ საქართველო და ქართველიზმი და ეს ყველაფერი ზვიადში განსხეულდა სხვა უკეთესის არ ქონის გამო ( სამწუხაროდ არა ისტერიული მერაბი და ზურა რატომღაც ერთდროულად და ერთად დამთვრდა).
და მერე ეს ყველაფერი წარმატებით ჩაკვდა, ასე რომ ის რაც დღეს და დიდი ხანია გვჭირს დღეს არ დაწყებულა, 90-ში იყო შანსი რომ ისტორია სხვა რელსებზე გადასულყო, მარა მამა-მარჩენლის მოთხოვნილება და ძიება ჩვენშია გენეტიკურად
* * *
აღარ მახსოვს რომელმა თქვა, გია ჭანტურიამ თუ ირინამ, მაგრამ 90 წლის მარტში, მაგათ მიუსამძიმრეს ლიტველებს, დამოუკიდებლობა რომ გამოაცხადეს, ეგ როგორ იკისრეს სსრკ არსებობის პირობებში დამოკიდებლობაზე როგორ ლაპარაკობენო. და რა მიკვირს იცით, მაგათმა მეზობელმა 30%-იანმა ერმა, ლატვიელებმა, მაგათი გზით რომ იარეს და 70% რუსები უომრად, თავიანთ ჭკუაზე როგორ მოაქციეს ბელადიზმის გარეშე.
* * *
და რა მივირს იცით? 30%-იანმა ლატვიელებმა ბელადიზმის გარეშე თავიანთ ჭკუაზე როგორ მოაქციეს 70% რუსულენოვნები


--------------------
"ყველა ხალხს ის ხელისუფლება ჰყავს, რასაც იმსახურებს" - არისტოტელეს მიაწერენ

"აკი გადავარდაო?! "@ კ/ფ "რაც გინახავს, ვეღარ ნახავ"

"მომეცით მე საინფორმაციო საშუალებები და ნებისმიერ ერს ვაქცევ ღორების კოლტად" - იოზეფ გებელსი
mtavrishvili
Super Crazy Member


******
ჯგუფი: Members
წერილები: 8140
წევრი No.: 137216
რეგისტრ.: 20-October 11

გამოგზავნილია: 5 Jun 2012, 00:30  #31513250      · პროფილი · პირადი მიმოწერა · ჩატი · ელფოსტა · ვებგვერდი

bombora68
QUOTE
და ვინ!? ირაკლი წერეთელი თუ ედიკას ძმაკაცი ჭანტურია, რომლის პარტიამაც დაანგრია მაშინდელი საქართველო.
ედპ-მ და მისმა ლიდერებმა ედიკას წინ ხალხიც კი დააჩოქეს (მონები).
ნოდარია ნათაძე? ბანდიტური ფორმირების მეთაური პროფესორი, თუ ასევე ბანდიტური რაზმის მეთაური ვაჟა ადამია?
იქნებ ირინა სარიშვილი?


მოდით ყველა ჩამოთვლილის მიმართ ვიყოთ სამართლიანი.
ირაკლი წერეთელი ეროვნულ-განმათავისუფლებელ მოძრაობაში იდგა ზვიად გამსახურდიასთან ერთად. ორივენი წმ. ილია მართლის საზოგადოების წევრები იყვნენ, მაგრამ ორივემ ძალიან მაგრად აუარეს 1989 წლის მაისში განთავისუფლების შემდეგ. ირაკლი ბევრს მიჰქარავდა მაგრამ ზვიადისგან განსხვავებით სადღაც 1991 წლის სექტემბრის მეორე ნახევრამდე ჯერ ისევ ეროვნულ-განმათავისუფლებელ მოძრაობაში იდგა.

რაც შეეხება გია ჭანტურიას, იგი ორგანიზაციულად არ იყო წმ. ილია მართლის საზოგადოების წევრი, მაგრამ საკუთარი ძლიერი პარტია ჰყავდა და ეროვნულ-განმათავისუფლებელ მოძრაობის პერიოდში ზვიადზე უფრო მნიშვნელოვანი ფიგურაც კი გახლდათ. ჭანტურია ყველა სხვა დანარჩენ ლიდერებზე უფრო მწარედ განიცდიდა ეროვნულ-განმათავისუფლებელი მოძრაობისთვის ზვიადის ღალატს. ეს იყო ზვიადის კავშირები გუმბარიძესთან, მის მიერ ეთნიური კონფლიქტების პროვოცირება და განსაკუთრებით კი 1990 წლოს უზენაეს საბჭოს არჩევნებში მონაწილეობა. მე ამ პერიოდში არაერთხელ ვესაუბრე ჭანტურიას და გია მაშინ ზვიადს საქართველოსთვის გუმბარიძეზე და შევარდნაძეზე უფრო საშიშად მიიჩნევდა. ჭანტურია შევარდნაძის ძმაკაცი არასოდეს არ ყოფილა, მაგრამ ცდილობდა შევარდნაძის ზვიადის საწინააღმდეგოდ გამოყენებას. გია ჭანტურიას ვერ წარმოედგინა რომ თავისუფალ საქართველოში შევარდნაძეს შეეძლო მისთვის დებატების ან არჩევნების მოგება, მაგრამ საქართველოს ნამდვილი თავისუფლება აღარ მოვიდა. ამაში ჭანტურიას შეცდომებმაც მნიშვნელოვანი როლი ითამაშა.

რაც შეეხება ნოდარ ნათაძეს, გორბაჩოვმა სახალხო ფრონტები ეროვნულ-განმათავისუფლებელი მოძრაობების საწინააღმდეგოდ შექმნა და ნოდარ ნათაძე კი დღემდე უკვე დრომოჭმული სახალხო ფრონტის თავმჯდომარეა. იგი არც არასოდეს ყოფილა ეროვნულ-განმათავისუფლებელი მოძრაობის წევრი.

ვაჟა ადამია მერაბ კოსტავას მეზობელი იყო და სხვამხრივ 1989 წლის 9 აპრილის დარბევამდე ეროვნულ-განმათავისუფლებელი მოძრაობისგან შორს იდგა. 9 აპრილის დარბევის შემდეგ წმ. ილია მართლის საზოგადოება პრაქტიკულად დაშლილი იყო და ვაჟა ადამია მე მაშინღა შემოვიყვანე ეროვნულ-განმათავისუფლებელ მოძრაობაში. ეს მოხდა იმის გამო რომ მან იმ დროს მძიმედ დაშავებული ირაკლი ბათიაშვილი ჩაანაცვლა. ადამიას ორგანიზაციული ნიჭი ჰქონდა და თავიდან საქმეს თავიც გაართვა, მაგრამ მერაბის სიკვდილის შემდეგ უკვე თავგზა აებნა. თავგზა კი მას კონკრეტულად ზვიადმა აუბნია. ადამია გახდა ცხინვალში ეთნოკონფლიქტის ერტ-ერთი მონაწილე. მერე ზვიადს უზენაეს საბჭოშიც გაჰყვა, მაგრამ მიხვდა რა შარშიც გაჰყო თავი და მალე განუდგა. ოღონდ ვერც ამის შემდეგ გაიკვლია საქმე და პუტჩის მონაწილეც გახდა.

რაც შეეხება ირინა სარიშვილს იგი როგორც გია ჭანტურიას მეუღლე ეროვნულ-განმათავისუფლებელ მოძრაობაშიც მონაწილეობდა. ირინას მიმართ თავიდანვე იყო უნდობლობა, მაგრამ მას შემდეგ რაც თვითონ გიამაც დაიწყო შეცდომების დაშვება აბა ირინას რაღა ჭკუა მოეკითხებოდა. გია ჭანტურიას მკვლელობის შემდეგ კი ირინა შევარდნაძეს მიეტმასნა და პოლიტიკური მეძავის სახელიც მოიხვეჭა. ორონდ აქ ისიც უნდა ვიკითხოთ ასეთი პროვოკაციული ტოტალური პროცესების შემდეგ ვინ აღარ გახდა პოლიტილური მეძავე?

აი აქ უნდა ვეძებოთ საქართველოს დაღუპვის სათავე. სანამ ერი არ დაიბრუნებს სიმართლეს და ერის ერთგულების საზომს ქვეყანა წინ ვერ წავა. ეს საზომი კი 1921 წლის კონსტიტუციაა!



LAZIKA-DIDGORI
Crazy Member


*****
ჯგუფი: Members
წერილები: 3639
წევრი No.: 143676
რეგისტრ.: 27-February 12

გამოგზავნილია: 5 Jun 2012, 00:36  #31513361      · პროფილი · პირადი მიმოწერა · ჩატი · ელფოსტა
axalirevolucia
QUOTE
ერთ მხრივ ზვიადიზმი ისევ ჩვენშია.

რამდენადმე მოდიფიცირდა და მიშიზმში გარდაისახა...


--------------------
შეიხ ნახაიან მუბარაკ ალ ნახაიანის ხეივანი №15

ბორის პაიჭაძეს მარჯვენა ფეხი დალუქული ჰქონდა

შეცდომაა: ,,ძალა ერთობაშია''
უნდა იყოს: ,,ძალა სიმართლეშია''.
Camel
Rainbow Catcher


*******
ჯგუფი: Members
წერილები: 15249
წევრი No.: 6857
რეგისტრ.: 16-October 04

გამოგზავნილია: 5 Jun 2012, 00:40  #31513430      · პროფილი · პირადი მიმოწერა · ჩატი · ელფოსტა · ვებგვერდი · im · aim · yim · msn
QUOTE
ცოტა საინტერესოდ (სახალისოდ) წერა ისწავლე რა. . . 
შეიძლება მართლა საინტერესო და სადისკუსიო რაღაცეებს წერდე, მაგრამ ისე ჩაასქოლასტიკოსებ ხოლმე, რომ ორი ხაზის წაკითხვის მერე, ვჩერდები.



რაღა დავამატო.


--------------------
გასწი, მერანო, შენს ###ობას არ აქვს სამძღვარი
Lapis
შაშვი მგალობელი


*****
ჯგუფი: Members
წერილები: 2007
წევრი No.: 113995
რეგისტრ.: 16-April 10

გამოგზავნილია: 5 Jun 2012, 00:43  #31513467      · პროფილი · პირადი მიმოწერა · ჩატი · ელფოსტა
პატრიოტიზმი დიაგნოზია ))


--------------------
You say you want blood but drink piss all day

****
აქ იყო ხელმოწერა ჯიმი ლევიზე, აღარაა.
ucelo
პაოლო უჩელო, იტალიელი მხატვარი, XV ს


*******
ჯგუფი: Members
წერილები: 10258
წევრი No.: 6157
რეგისტრ.: 27-August 04

გამოგზავნილია: 5 Jun 2012, 00:45  #31513506      · პროფილი · პირადი მიმოწერა · ჩატი
QUOTE
მოდით ყველა ჩამოთვლილის მიმართ ვიყოთ სამართლიანი.

მოდი
9 აპრილამდე საქართველოს მოსახლეობა და ასე ვთქვათ პარტიები, ბალტიელების გზით მიდიოდნდნ.
9 აპრილის შემდეგ ქართველების ინიციატივა ხელში აიღო ე.წ. რადიკალებმა, ჩვენი ემციურობიდან გამომდინარე ეს არც ისე ძნელი აღმოჩნდა და მგონი მაგ დროიდან წავიდა ჩვენის საქმე ძაან უკანნა ტანში, და ადვილად თვალში საცემად მართვადი. და მაგ ტალღაზე ზვიადის მოსვლა (მოყვანა აღარც იყო საჭირო) და თან ამდენი პროცენტით უკვე მარტივი საქმე იყო, ზვიადი კი ისევ ე.წ. დისიდენტად დარჩა და მგონი ბოლომდე ვერც გაითავისა, რომ ის უკვე დამოუკიდებელი ქვეყნის პრეზიდენტი იყო. და მივიღეთ ის, რაც მივიღეთ.
PANZERKOPF
Schlosser


******
ჯგუფი: Members
წერილები: 7934
წევრი No.: 41666
რეგისტრ.: 12-September 07

გამოგზავნილია: 5 Jun 2012, 01:14  #31513995      · პროფილი · პირადი მიმოწერა · ჩატი · ელფოსტა · ვებგვერდი
ucelo
QUOTE
მარა მამა-მარჩენლის მოთხოვნილება და ძიება ჩვენშია გენეტიკურად

მამა-მარჩენალის მოთხოვნილება არამგონია გენეტიკურად იყოს. ჩემი აზრით, ეგ არასწორი აღზრდის ბრალია, 30 წლამდე (და ხანდახან მეტიც) რომ დედ-მამის ფრთის ქვეშ
ხარ და მათი მითითებებით ცხოვრობ. ასეთ ადამიანს ყოველთვის ექნება შიში თავისუფალი, დამოუკიდებელი ცხოვრების და მუდამ მამა-მარჩენალის მოთხოვნილებაში იქნება.
ძიებაში კი არაფერია ცუდი. მთავარია შავ კატას ბნელ ოთახში არ ეძებდე ან სამოთხეს დედამიწაზე.





--------------------
ზეინკალ-თეორეტიკოსი, ქლიბოლოგიის მეცნიერებათა დოქტორი,
სახანძრო-მათემატიკური ინსტიტუტის ბრანდსპოიტ-დიფერენციალური ანალიზის კათედრის გამგე.
0 წევრი ათვალიერებს ამ თემას (0 სტუმარი და 0 უჩინარი წევრი)
0 წევრი:
Topic Options Pages: (6) [1] 2 3 ... ბოლო » გამოხმაურება · ახალი თემა · ახალი გამოკითხვა

 



ფორუმის სერვერების განთავსებას და ინტერნეტთან კავშირს უზრუნველყოფს: CLOUD9
[ Script Execution time: 0.0271 ]   [ 11 queries used ]   [ GZIP Disabled ]