განათლებით იურისტი. მაგრამ მუშაობისას მალევე მივხვდი, რომ შევცდი ამ პროფესიის არჩევისას. და შევიცვალე პროფესია - გავხდი გიდი, ჩემს გატაცებებს და ცხოვრების სტილს შეესაბამებოდა. 8 წელი მაგრად ვიმუშავე, მაგრამ 2020 წლის პანდემიამ ჩამიგდო ყველა საქმე და გეგმა. სახლში ყოფნისას ქოლ ცენტრი ავირჩიე სამუშაოდ და შემოვრჩი. აღარ მივბრუნდი ტურიზმში, აღარ მიღირს და სოფელში გადავედი, სადაც მარტო ვაკეთებ ყველაფერს და ვეღარ ვირბენ სხვაგან. ამ ეტაპზე კარგი ვარიანტია ისევ ჩემი ქოლ ცენტრი.

ვიცი იმ დონეზე, რომ პროფესიულ საქმიანობაში ვიყენებ წლებია.
დასაწყისისთვის კერძო მასწავლებელს გირჩევდი, რომ სწრაფად აკრიფო ცოდნა, შემდეგ გოეთეს ინსტიტუტში ზედა საფეხურებზე გააგრძელო და აიღო ენის ცოდნის სერტიფიკატი.

ჩემი მენეჯერი შვებულებაშია და ტელეფონს თიშავს როცა მიდის ხოლმე. მიწერე და გიპასუხებენ. მე უბრალოდ არ დამჭირვებია, თორემ ინგლისურენოვანი ქოლ ცენტრები არის ინტერნეტში, რომელიმე გამოგადგება თუ დაძებნი. მე სულ ჩემით ვპოულობდი ამ სამსახურებს, მაგრამ ყოველთვის მიღებდნენ, რადგან აგენტები ყოველთვის სჭირდებათ.

ვინც ამ სფეროში ვართ ერთ ენაზე მომუშავეები, ერთმანეთთან გავიკითხავთ ხოლმე და ასე გადადი-გადმოვდივართ სააგენტოებში. მე უკვე მეოთხე სააგენტოში ვარ. ვაკანსიების საიტებზეც ჩაუჯექი, აცხადებენ მუდმივად ასეთ ვაკანსიებს. რაც ამ ბოლო სააგენტოს, დცს-ს მივაგენი მეგობრის მეშვეობით, ვფიქრობ რემოუთ პროფესიებზე გადავერთო მთლიანად და იქნებ დამსაქმებელი ჩემით გამოვნახო ხოლმე საზღვარგარეთ. ეს სფერო მაინც დროებითია, პარალელურად მინდა პროგრამირების რომელიმე სფერო ავითვისო.

linkedin-ზე დარეგისტრირდი. მე ჯერ არ გამომიყენებია, მაგრამ მანდაც ნახულობენ რემოუთ სამსახურს, ხშირად უცხოეთში. მაგ პლატფორმით კავშირზე გასვლა ადვილია, როგორც მითხრეს.

კი, ვნახე. მაგრამ დროის პრობლემა მაქვს, თან ვთარგმნი ტექსტებს და სწავლას ვეღარ ვქაჩავ ჯერჯერობით. უნდა ჩავჯდე მერე რეჟიმში. თარგმნასაც მინდა მივყვე და ვფიქრობ როგორ შევუთანხმო სხვა სამუშაოებს.

ჰო, ბევრი დრო არ უნდა, მაგრამ ხშირად მცირე დროც აღარ მრჩება. ცალკე სამუშაო, ცალკე ეზო-სახლის საქმეები და მიწაზე მუშაობა (ასობით ვარდის და სხვა ყვავილების ძირები), თარგმანი, ჩემი ძაღლების და კატების მოვლა. მარტო ვარ, დედაჩემი დაბერდა და როცა დამხმარე როცა არ არის, დღის ბოლოს წაკითხვის თავიც აღარ მაქვს. კაი ხანია არ წამიკითხავს რაიმე დიდი წიგნი. ვცდილობ სხვა ქოლ ცენტრი მოვნახო, სადაც ასეთი საგიჟეთი არ იქნება, უწყვეტად ზარებს ვიღებ და მითიშული ვარ დღის ბოლოს. ეს აქვს ამ სამსახურს, ფიზიკურად არ ინძრევი, მაგრამ გონებრივად ძალიან იღლები.

ჩემი უცხო ენებიდან მთავარი ენა გერმანულია და შესაბამისად გერმანულენოვან ქოლცენტრებში ვმუშაობდი ყოველთვის. ინგლისურენოვანი სამუშაო როგორც მახსოვს "მეიჯერელს" ჰქონდა და დაუკავშირდი, იქნებ ჰქონდეთ კიდევ. თუმცა მაქედან მე ხელფასის ნაკლებობის გამო წამოვედი, უბრალოდ არ მყოფნიდა და ბონუსი კიდევ გარანტირებულად არ იყო ზოგჯერ. კომპანია "კონცენტრიქსშიც" გაიკითხე.

არ ვიცი ინგლისური, თურქული ან რუსული ქოლ ცენტრების პროგრამები როგორია. მაგრამ ყველგან უნდა მიგიღონ, ყოველთვის სჭირდებათ ხალხი, ზარები არ წყდება. ყველა შემთხვევაში გაივლი ჯერ ტრენინგებს, საქმეს შეისწავლი და შეუდგები მუშაობას. ზიხარ მთელი დღე და ზოგჯერ უწყვეტ რეჟიმშიც კი იღებ ზარებს.

მე სადაც ვარ, ამათ ოფისი საქართველოში არ აქვთ. https://dcs-callcenter.de/en/ დცს თურქების არის, თუ გინდა მიწერე, თურქულენოვანი სამუშაო ხომ არ გაქვთ-თქო. მე აქ გერმანულენოვანი აგენტი ვარ. ვმუშაობ კვირაში ხუთი დღე. დღეში 9 საათი, სოფელში ვარ და სამსახურის მერე ხშირად არ ჩამოვდივარ ქალაქში, ასე რომ ერთ საათს ვუმატებ, თუ სხვა საქმე არ მაქვს. საათში მიხდიან 5 ევროს, რადგან სრულ განაკვეთზე ვმუშაობ, მინიმუმ 160 საათს რომ ვასრულებ თვეში, ბონუსს 150 ევროს მაძლევენ. უცხოეთში არიან, მაგრამ პატიოსნად მირიცხავენ შეპირებულ ხელფასს თვის პირველ რიცხვებში. თვეში გამომდის სადღაც 2800დან 2900 ლარამდე რასაც ხელზე ვიღებ. მაგრამ ამათი მინუსებია: დაზღვევა არ აქვთ, რასაც ქოლ ცენტრებში ზოგადად სთავაზობენ ხოლმე და შვებულებას არ ამინაზღაურებენ. რამდენი საათიც ვარ ხაზზე მარტო იმას იღებ. მაგრამ ამ ეტაპზე ასე მაწყობს, ოღონდ აქედან ვიმუშავო და ისედაც ვერსად გავდივარ შვებულებაში ფინანსური პრობლემების გამო. ვზივარ სახლში და ვმუშაობ, დანარჩენი დრო მიწაზე მუშაობა...