...მერე რა რო ის ჯორჯიის შტატიდან იყო ... უკვე შინაური კაცი და ის ის იყო კახელების ახალი სიძე გახდა, რო მწვადაობაზე გადაიპატიჟეს მეზობელთან ვენახში. შამფურებზე წამოცმული სამწვადე რო დაალაგეს მაყალზე, მას უკვე ორი სტაქანი რქაწიტელი ჰქონდა ნაყლურჭი და სულმოუთქმელად ელოდა ნაკვერჩხალზე ზანტად მოშიშხინე სუკები როდის შეიწვებოდა. ესაო იგივე ბარბიქიუ არ არისო იკითხა?!...ნოდარაანთ ბესიკამ იცოდა მარტო ინგლისური და იეს-ო დაუდასტურა. ამისი თქმა და ჩაკმა ცოლიძმასთან გადაირბინა, გადმოირბინა, მერე ჯიბიდან ზაჟიგალკის ბენზინის ბოთლი ამოიღო, ფოკუსს გაჩვენებთო თვალი ჩაგვიკრა და ბენზინი მაყალის ნაკვერჩლებს მოასხურა!
...ფოკუსი მართლა სასწაული გამოვიდა - იბუთქა მარა რა იბუთქა, თუმცა ბოთლი პატარა იყო და მენზინი მალე დაიწვა, ხოლო თვითკმაყოფილი ჩაკის ადგილას იდგა თმებ და წარბ-წამწამ შეტრუსული, შავი კარტოფილისთავიანი არსება!
***
პ.ს. ერთი კვირის მერე ჩაკი ისე გავაცილეთ თვითმფრინავის ტრაპთან, ჩვენთვის ხმა არ გაუცია, ხოლო მისმა ცოლისძმა გოგიამ ის და თავისი და ჰაიერში მხიარული კახური ფოლკლორით გააცილა...ერთი თქვენი აბუეტი პატრონის დედაცაო!
მოგვიანებით გოგიას ვკითხეთ - ებჯო რას ლანძღავ, ბოლო-ბოლო შენი დის ქმარიაო?! გოგიამ დინჯად გვიპასუხა - მაგაი ეგონა, მწვადსა ბარბიკიუსავით უმს გადაყლაპამდა და მერე ეგრევე ჩემს დას დააყოლებდა დესერტადო, ჰო და ენდე თუ ეგონაო!
(მიმაჩნია, რომ ჯორჯიელი სიძე-კაცის ესე ამბავი ერთგვარი ფსიქოლოგიური თუ ფსიქოდელური ტრაგიკომედიაა.)
This post has been edited by Stalker2005 on 15 Aug 2024, 10:42