დიეტა, კვების რეჟიმი

ჰაი ფიფოლ

მოდით აქ ვისაუბროთ კვებაზე,შაქარდამოკიდებულებაზე და ზოგადად ჩვენს მენტალურ სისუსტეებზე ან სიძლიერეზე, ვინ როგორ ვუმკლავდებით წონის პრობლემას ან კვებით აშლილობებს

ვისაც სურვილი გაქვთ სურათებიც დადეთ before/after

113.5 კგ ვიყავი დაახლ 70 დღის წინ, ეხლა ვარ 100კგ....ჩემი მიზანია 90კგ და დავრჩე მაგ წონაზე
ძალიან ნელა და ფრთხილად დავიწყე, ჯერ პური და ტკბილეული ამოვიღე რაციონიდან, შემდეგ გადავედი კალორიების დიეტაზე გაჯერებული ცილოვანი საკვებით და ბოლოს ისე გამომივიდა სრულიად ბუნებრივად რომ თან ინტერვალურ დიეტას ვაკეთებ საღამოს 9დან დღის 1-2 სთ მდე არ ვჭამ არაფერს (აღარც მინდება) და ამასთან ერთად ისევ კალორიულ/ცილოვან დიეტაზე ვარ.

ერთი მნიშვნელოვანი ნიუანსი მინდა ავღვნიშნო რომ სრულიადაც არ მიჯდება ძვირი, პირიქით 2 ჯერ უფრო იაფი მიჯდება ეს ყველაფერი ვიდრე ადრე: შაურმები, ტკბილი წვენები, ტკბილეული და მსგავს არაჯანსაღ საკვებს როცა ვეტანებოდი

პს. შაქარი არის ყველაზე ძლიერი, ვერაგი ნარკოტიკი, მთელი მსოფლიო შესვეს მასზე....გისურვებთ მისგან განთავისუფლებას

GeorgeSword
პანდემიის დროს მიწევდა ღამის ცვლებში სახლიდან მუშაობა, რამაც +20 კგ დამიტოვა მენტალურად დამძიმებასთან ერთად
შაქარს თავი დავანებე და სადღაც 7 თვე საერთოდ უშაქრო დიეტაზე ვიყავი, მაააგრამ ძვრაც კი არ ჰქონდა ჩემს წონას
მერე შვედეთში წავედი და იქ საერთოდ შეუძლებელია უშაქრო დიეტაზე ყოფნა, იმდენად გემრიელი ტკბილეული აქვთ.
თუმცა, ჰო, უშაქრო დიეტამ ბევრი ვერაფერი ქნა ჩემს შემთხვევაში, მხოლოდ კალორიების თვლამ მიშველა, სხვა ვერაფერმა.
87 კილოდან ჩამოვედი როგორღაც 79-ზე ამ ზაფხულს და ნუ 170 სმ სიმაღლისთვის ძალიან ბევრი არაა 79 კგ, შეიძლება ითქვას ზომიერად ფერხორციანი დედაკაცი ვაარ, მაგრამ მე მინდა ძველი ფიგურის დაბრუნება და კაბებით შრიალი :დდ
კალორიების თვლისთვის Yazio-ს ვიყენებ, ჩემთვის ძალიან კომფორტული აპლიკაციაა, პლუს გუგლ ფიტთან მაქვს დაკავშირებული და ბარემ ყველაფერს ერთად ვაკონტროლებ.

Caravan


ინტერვალური შიმშილი: 16/8, 14/10 იც წავა კალორიულთან ერთად არის საოცრება, მაგარ და სწრაფ რეზულტატებს დებს
ინსულინის დონე იწევს მინიმუმამდე რა დროსაც ხდება ცხიმების მარაგების წვა და მეტაბოლიზმი სწავლობს ინსულინის დონის აწევ/დაწევას საჭიროებისამებრ.....ასეთი ტრენინგებით ისეთი კონდიციაც მიიღწევა როდესაც ჭამ ტკბილსაც მაგრამ მისი დაწვა ხდება ენერგიის სახით და აღარ იმატებ
ჯერ ცოტა შორს ვარ ამისგან მაგრამ ერთ ერთი მიზანი ეგ მაქვს

GeorgeSword
14/10 წესით არ უნდა იყოს ისე რთული, მართლა ხომ არ დავიწყო, დავფიქრდი.
კალორიებს როგორ ითვლი?
ან როგორ დაადგინე რამდენი კალორია უნდა მიიღო დღეში და რამდენი უნდა დაწვა?
მაინტერესებს, იქნებ რამე ისეთი იცი, რაც მე ჯერ არა :დ

Caravan

ჩემი ასაკი სიმაღლე და წონა ვუთხარი ჩატჯპტ ის და მან დამიდგინა კალორიების ლიმიტი დეფიციტში წასასვლელად
პირველი ორი კვირა ერკვევი ნელნელა რომელი პროდუქტი რამდენ კალორიებს შეიცავს, თავიდან მეც აპპ ში ვითვლიდი და მერე ისე გამოვიმუშავე რომ ასე ზუსტი თვლა აღარც მჭირდება....ცილოვან პროდუქტებს მიაწექი: კეფირი,აირანი დაბალპროცენტიანი....ქატმის ფილე, საქონლის ხორცი, თევზი, ბოსტნეული....ცოტა ხილი: ვაშლი, ციტრუსი
სნექებზე: ცოტა ნიგოზი, მიწის თხილი, ნუში მაგრად კლავს შიმშილს
უშაქრო ყავა უზმოზე და ინტერვალური დიეტა აუცილებლად ცადე 14/10 მაინც, პირველივე კვირაში გარანტირებულად წახვალ კლებაში თუ ამ წესებს დაიცავ
შაქრიანები, ცომეული და ყველანაირი ტკბილი ამოიღე, თუ ძალიან მოგინდება მხოლოდ მწარე შავი შოკოლადი 2 ცალი ფილა დღეში
პური: 1 მაქს 2 ნაჭერი და ისიც ჭვავის ან ქატოს....თეთრი ფქვილი მთლიანად ამოიღე
პირველი თვე ცოტა ჭირს და მერე აღარც გაგიჭირდება ეს ყველაფერი რომ დაიცვა.....ბუნებრივად წავა და უმტკივნეულოდ

ცოტა უცნაური რაღაც უნდა გაგიმხილოთ.

ყოფილა ჩემს ცხოვრებაში პერიოდები, როცა კითხვებზე პასუხი აქ მიპოვია, ფორუმზე და კონკრეტულად ამ განყოფილებაში.

მოდერატორის გამოჩენა, ლაკონური მანიფესტაციით, ჩემთვის ნიშანია.
მთავარია, ამ შესაძლებლობას/პლატფორმას როგორ გამოვიყენებ.

კრიზისი მაქვს, მეგობრებო.

ჩემი წონა 5 წლის წინანდელ ციფრს მიუახლოვდა, თითქმის.

მაქვს მიუღებლობის, სირცხვილის, ცოტა ზიზღის გრძნობა, საკუთარი თავის მიმართ.

ძაან ბევრი მიძინებული ტკივილი გამახსენდა, რაც პირდაპირ კავშირშია ჩემს მენტალურ ჯანმრთელობასთან.

ჩვეულებრივად უმოქმედო ვხდები, ოღონდ, ამ შემთხვევაში, ახლობლების და ოჯახის წევრებისაც მიტყდება და ამაზე ზედაპირულად და მსუბუქად ვსაუბრობ.

ასე ვერ გაგრძელდება!

Forgiveness

დაახლ 2.5 თვის წინ სარკეში რომ ჩავიხედე გული ამერია საკუთარ სხეულზე და ეგ გახდა მოტივაცია რომ მასე ვეღარ გავაგრძელებდი უნდა მომეშორებინა ზედმეტი კილოგრამები

მარტო ესთეტიკის თემა არაა, მე ვიტყოდი ესთეტიკა ბოლო ადგილზეა აქ.... ესაა მენტალური ჩელენჯი....საკუთარი ვნებების დათრგუნვის, ნებისყოფის გამოცდა რაც საბოლოოდ მაგრად გაძლიერებს

კიდევ მაქვს მიზნები: სიგარეტის გადაგდება და ვარჯიშის დაწყება....უბრალოდ ერტბაშად ყველაფერს შეგნებულად არ ვიწყებ, სტრესს ნელნელა ვაჩვევ ორგანიზმს ))

GeorgeSword

შემიძლია კონკრეტული ციფრების დაწერაც, მაგრამ საშიშია ძაან და იყოს ))

ჩემს შემთხვევაში პირველი არის სირცხვილის გრძნობა, მძაფრად , რომ როგორ მივუშვი ასე…


მიზანი არ ვიცი,,უფრო ოცნებაა _ 59 კგ დავინახო ისევ ოდესმე სასწორზე!


* * *
გამოვიყენებ მაშინ ამ თემას, პირველი 5-7 კგ-ის მოსაშორებლად, დავწერ , კვების რეჟიმზე, ფეხით სიარულზე…მენტალურ ჩელენჯებზე…

ნანა ჩაჩუასთან დავდიოდი ბევრი წლის წინ, მაშინ, როცა პირველად შემაწუხა წონამ და ეს ჩემს პირად ურთიერთობებზე და თვითშეფასებაზე საშინლად აისახა…
მაშინ მითხრა ფსიქოლოგმა, რომ ჩემთვის ეს არის დამათრიგერებელი მდგომარეობა და აუცილებლად სულ უნდა ვაკონტროლო და ვიყო შეძლებისდაგვარად კარგ ფორმაში, რომ მენტალური ჯანმრთელობა შევინარჩუნო…
ზუსტად ასეა!
ამ წამს, საერთოდ არაფერი მინდა, უმოტივაციოდ ვარ… მაგრამ, საბედნიეროდ, სუიციდური აზრდები საერთოდ არ მაქვს და ვეძებ გამოსავალს!

This post has been edited by Forgiveness on 18 Oct 2025, 21:12

აბა ამას შეადარე, თუ დაემთხვევა
https://www.calculator.net/calorie-calculator.html

ჩატგებედე ხან ცოტა იტყუება-ხოლმე.

Caravan

შევამოწმე
350 კალორიაში იყო აცდენა ჯპტსთან მიმართებაში

ძირითადი პრინციპები მაქვს რაც მეხმარება წონის კლებაში

მხოლოდ ნამდვილი საკვები
იქნება ეს ცხიმი, ცილა, ზომიერად ნახშიწრყალი. ბოსტნეული და ხილი ვიტამინებისთვის, ამავდროულად ტკბილი რომ აღარ მომინდეს

ზომიერი პორციები
კუჭი პატარაა, შესაბამისად პატარა თეფში სავსებით საკმარისია

კვების შორის ინტერვალი
3-4 საათი აუცილებლად, სხეულმა რომ მოასწროს მონელება და გადამუშავება

წყალი
აუცილებლად 2-3 ლიტრი სუფთა ონკანის წყალი

ფიზიკური აქტიურობა
ცხოვრების ამ ეტაპზე ჩემთვის 40-60 წუთი, ყოველდღიურად ფეხით სიარული არის იდეალური, დაახლოებით 7-10 ათასს ნაბიჯს ვაგროვებ და კალორიებს კარგად ვწვავ

ძილი და ნაკლები სტრესი
ეს ორი ვფიქრობ საქმის 50% ს შეადგენს, თუ კარგად გძინავს და სხეულს არ სტრესავ შედეგი მარტივია

რამდენიც არ უნდა ვჭამო არ ვიმატებ 70 კილოზე მეტს. ერთხელ ავედი 80 კილოზე და ისიც იმიტო რო მაშინ არ ვმოძრაობდი, სულ კომპთან მიწევდა ყოფნა სამუშაოს გამო და დრო ფაქტიურად აღარ მრჩებოდა სეირნობისთვისაც კი, ვარჯიშზე ხო ზედმეტია საუბარი.

როცა ვვარჯიშობ და ფორმაში ვარ, მადა მეხსნება კაშალოტივით და უზომოდ შემიძლია ვჭამო დღის განმავლობაში. ცხიმი ფაქტიურად არ მიგროვდება კვირაში მინ. 3-ჯერ მაინც თუ ვვარჯიშობ და ჯამში 40-60 წუთი HIIT თუ ვასრულებ 7 კალენდარულ დღეზე.

პროსტა ჯანსაღი კვება ვერ დავამუღამე რა, ნაგავ ზეთში შემწვარებს ვჭამ მაინც და სულ მინდა რო გადავიდე ჯანსაღ ცხიმებზე, პროსტა არ გამოდის მერე კალორიების ნამატი და დეფიციტში წავალ თუ მაცივარი არ ვათრიე თან.

წონის პრობლემა ვისაც გაწუხებთ ენდოსთან მიდით და გამოგიწერთ კონკრეტულ ჰორმონებზე ანალიზებს. ნორმალური მეტაბოლიზმის შემთხვევაში წონის მატება ეგრე მარტივად არ ხდება და მითუმეტეს შენარჩუნება მერე მაგ ჭარბი წონის. დღეში 5 კილო მომიმატია ჭამის გამო და მეორე დღესვე ჩამოვსულვარ საწყის წონაზე და ეგრეც უნდა იყოს როცა ეგეთ მოკლე დროში იმატებ ჭამისგან მაგდენს.

6კგ-ს დაკლება მინდა, ჩემს იდეალურ 54-მდე და ორი წელია ვერ დამიკლია. უფრო სწორედ, ფორმების გაუმჯობესება მინდა, მაგრამ ამ ფარისებრის გამო დილით ადრე ადგომის და ვარჯიშის ენერგია არ მაქვს

ქრეშ დიეტები არ მიყვარს, სწრაფად რასაც იკლებ, მალევე ბრუნდება. მოკლედ არ ვიცი რა ვქნა.

არადა, წლებია პურს, ტკბილს და შემწვარს არ ვჭამ. თხილეულობის და ყველის სიყვარულმა გამასუქა :/

ველოს ყიდვას და ყოველდღიურად კატაობას ვფიქრობდი, მაგრამ ჩემს უბანში იმდენი ძაღლი და მანქანაა, ადგილი აღარ დარჩა.

მგონი, სპორტდარბაზის აბონიმენტის ყიდვა ჯობია.

საინტერესო თემაა, მაგრამ, უფრო საინტერესო იქნებოდა ზოგადად საკუთარი თავის დამარცხების თემა ყოფილიყო. ვიღაცას წონის პრობლემა აქვს, ვიღაცას სიგარეტის, პორნოგრაფიის და ასე შემდეგ. საკუთარ თავზე ჯობნის თემა იყოს.

24 საათიანი შიმშილი არის ყველაზე ნაღდი, დღესაც ვაკეთებ. კვირაში 1-2-ჯერ კარგია. მუსლიმებში კვლევების თანახმად ძალიან დაბალია კიბო, იმიტომ რომ 1 თვე შიმშილობენ 24 საათი რამადანის დროს, სხვაგან აბა უამრავი შემთხვევებია კიბოსი.. შიმშილის დროს მიდის კიბოს წარმოქმნის შეფერხების ოპერაციები ორგანიზმში სხვა უამრავ დადებით მოვლენასთან ერთად.

ექიმთან სხვა საქმეზე ვიყავი, მაგრამ, შევეხეთ წონას, ჭამას და ამ თემას და სულ რომ ჯანსაღად იკვებო იქნები ჯანმრთელი შტერიო, სიამოვნებას ვერ მიიღებო. ამას რომ ექიმი გეტყვის.. ის კიარ უთქვამს, რომ რასაც მიაჩვევ ორგანიზმს იმას მოგთხოვს, მიაჩვევ სნიკერსს და კოკა-კოლას? მოგთხოვს მაგათ, მიაჩვევ კარგ საჭმელს? ჯანსაღად კვებას დაიწყებ.

კალორიების დიეტაზე დავდექი თუ არა, დედაჩემმა ხინკალი მოახვია, მერე ბავშვებმა ბულკები გამოცხვეო და საბოლოო ჯამში ისე გავსკდი, დავდივარ, თუ დავგორავ ვერ ვხვდები.
დღეიდან მინდა გავაგრძელო და ვერ ჩამოვყალიბდი რა და როგორ დავიწყო.