გასულ ზაფხულს საქართველოს გარშემო დავიწყე მოგზაურობა - ძირითადად საექსკურსიო და სალაშქრო ტურების მეშვეობით. პარალელურად დრონით ვიღებ ლოკაციებს, რომლებსაც ვსტუმრობ და მოკლე ვიდეოს ვათავსებ ჩემს არხზე.
ერთი რამ შევნიშნე - საქართველოში ძალიან ცოტა ხალხი მოგზაურობს. შიდა ტურიზმი არ არის ისეთი აქტიური, როგორიც უნდა იყოს. საქართველოში რომ ცხოვრობ, გგონია რომ ყველაფერი იცი და განსაკუთრებული საჭიროება რომ მოიარო შენი ქვეყანა, არ არსებობს. სულაც არა. უფრო პირიქით.
ჩემთვის მოგზაურობის დაწყების მერე გაცოცხლდა საქართველო, რომელიც იქამდე სკოლის წიგნებში, მხატვრულ თუ დოკუმენტურ ლიტერატურაში წამიკითხავს ან თუნდაც ეკრანზე მინახავს.
ადგილზე მისვლით, დათვალიერებით, ადამიანების გაცნობით იმდენად მრავალფეროვან და ცოცხალ ინფორმაციას იღებ, რომ ემოციურად ივსები, ბედნიერებას შეიგრძნობ და გიხარია რომ ცოცხალი ხარ და შენც ამ ქვეყნის წარმომადგენელი ხარ.
ჩემი მიზანი იყო რომ სულ ცოტა წვლილი მაინც შემეტანა საქართველოში შიდა ტურიზმის წახალისების აუცილებელ საქმეში. ამიტომაც გავაკეთე ეს არხი. დრონით გადაღება კიდევ ცალკე ამბავია - უჩვეულო პერსპექტივიდან ხედავ გარემოს, თანაც ციდან სილამაზე უფრო მძაფრად და ეფექტურად აღიქმება.
კიდევ იმიტომ გავაკეთე არხი, რომ ბოლო პერიოდში ყველა გარბის ქვეყნიდან და რაღაცნაირ მოდად იქცა საკუთარი ქვეყნის დამცრობა და უცხოეთის განდიდება. ჰოდა რაც შემეძლო პირადად მე, ის გავაკეთე - ვცდილობ დავანახო/შევახსენო ადამიანებს, რომ საქართველო ისეთივე ლამაზი და დიდებულია, როგორიც ყოველთვის იყო. ადამიანებმა თუ ჯერ ვერ შევძელით ჩვენთვის სასარგებლო სოციალურ-ეკონომიკური გარემოს შექმნა, ეს ჩვენი ბრალია და არა ჩვენი ქვეყნის, ჩვენი ისტორიის და წარსულის.
მოკლედ, იხილეთ არხი, გადახედეთ ვიდეოებს და დარწმუნდებით, რომ ნამდვილად უმაგრესი ქვეყანა გვაქვს
https://www.youtube.com/@ThisIsGeorgia - ეს საქართველოა
უდაბნო რომ უდაბნოა, ისიც ფერადი და ლამაზია ჩვენთან <3
პ.ს. აღნიშნვაც არ უნდა პრინციპში, რომ თუ მოგეწონებათ, გამოიწერეთ არხი. ყოველკვირა ახალი ვიდეო ქვეყნდება და მეც წამეხმარება თქვენი გამოწერები user.gif