ველაპარაკე ამ სიმღერის ავტორს და შემსრულებელს და როგორც კომენტარში დამიწერა, რითმები გავს, მაგრამ მელოდიებში ცოტა განსხვავებიაო. ისიც დამიწერა, ქართული სიღერა ვიციო და შესრულებულიც მაქვსო. ესეიგი უნდოდა ეთქვა - იდეა მართალია, ცოტათი გადაღებული მაქვს, მაგრამ მთლად უნამუსოდაც არაო, ჩემი დეტალებიც ჩავამატეო. მოკლედ ჩემი მოკრძალებული აზრით, რითმი და ჰარმონია ერთიერთშია (თუმცა ეს ძალიან ბანალური და გავრცელებული სტილია) და მელოდიაც ცოტა წააგავს, მაგრამ მაინც განსხვავებულია. ამიტომ დავაფასებ ამ მომღერლის პატიოსნებას და მცდელობას, ზუსტად აეხსნა ჩემთვის ყველაფერი, დავაფასებ იმასაც, რომ რეალურად არ იპარავს და ქართული სიმღერისთვისაც ცალკე ადგილი აქვს მიჩენილი რეპერტუარში და არ დავიწყებ ოკუჯავას სამართალმემკვიდრეების ძიებას. მაგრამ ისე, შედარებისთვის, ამ მომღერლის მიერ შესრულებულ "ვენახის ტოტს" და "როცა ადამიანი კვდება" (სერბული სიმღერა, რომელიც მე პლაგიატი მეგონა) დავპოსტავ და თქვენ თვითონ შეადარეთ, ერთი მომღერლის მიერ შესრულებულ ორ სიმღერას და მათ შორის მსგავსება-განსხვავებას უკეთ შეაფასებთ ფორუმის მელომანები. დატკბით ორი პატარა ერის დიადი კულტურით. სიყვარულით თქვენი დიდიმინდორი

https://www.youtube.com/watch?v=32YNY0EXJ4E

https://www.youtube.com/watch?v=b30Ly2mLXfE...Q2c09H0YwnzUuTd