”ქართული დასის” ახალგაზრდული ორგანიზაცია და ”მართლმადიდებელი ახალგაზრდის” 7 მაისს დაპატიმრებულთა გათავისუფლებას ითხოვენ პ/გ ”ქართული დასის” ახალგაზრდული ორგანიზაციის ერთ-ერთმა წინამძღოლმა თათია გეთიამ და მართლმადიდებელმა ახალგაზრდებმა შეკრება გამართეს, სადაც მათ 7 მაისს მართლმადიდებლობის დაცვისთვის დაპატიმრებული ახალგაზრდების გათავისუფლება მოითხოვეს. ახალგაზრდების თქმით, 2000 წელი გავიდა მას შემდგომ, რაც საქართველოში გავრცელება დაიწყო ქრისტიანობამ. ქართველმა ერმა ქრისტიანობა მიიღო გულითაც და გონებითაც, და მეოთხე საუკუნეში წმინდა ნინოს შემოსვლის შემდგომ სახელმწიფო სარწმუნოებად გამოცხადდა. ილია ჭავჭავაძე ამბობდა ქრისტე ჯვარს ეცვა ქვეყნისთვის და ჩვენც, ქართველები ჯვარს ვეცვით ქრისტესთვის და მართლაც, უკვე 2000 წელია ქართველები იბრძვიან სარწმუნოებისთვის და ქართველებს ებრძვიან და დევნიან ასევე სარწმუნოებისთვის. მაგრამ მთელი წარსულის მანძილზე ამას ყოველთვის აკეთებდა დამპყრობელი, უცხო და არა შინაური, როგორც ნაცხელისუფლება.”
სამარცხვინოა, 21-ე საუკუნეში ადამიანთა დევნა და შევიწროება რწმენისთვის. ”რწმენისთვის, ცრუ ბრალდებებით დააპატიმრეს 8 უდანაშაულო ადამიანი მაუწყებლობა "კავკასიაზე" აშკარად წინასწარ მოწყობილი ხაფანგით. განსაკუთრებით საყურადღებოა, რომ დაპატიმრებულთაგან 5 ეკლესიის მსახურია:
- ერთი მგალობელი,
- 2 მედავითნე და
- 2 სტიქაროსანი. აღსანიშნავია, რომ მათი უდანაშაულობა ჩანს ხედვითი ჩანაწერითაც. დაპატიმრებულთაგან რამდენიმე პირდაპირი ეთერის სტუმარი იყო, ლევან ჩაჩუა, გიორგი გურჩიანი და მაისურაძე და მათ უდანაშაულობას პირდაპირ ეთერშივე ხედავდა მთელი მოსახლეობა.” - აღნიშნავენ ახლგაზრდები.
პ/გ ”ქართული დასის” ახალგაზრდული ორგანიზაცია მიიჩნევს, რომ ე.წ. "ილიას უნივერსიტეტში" დაწყებული გამოწვევა იყო წინასწარ დაგეგმილი ხფანგი, რაც დასრულდა ასევე წინასწარ დაგეგმილი დაპატიმრებით მაუწყებელ "კავკასიაზე".
”ობიექტურად ჩნდება შეკითხვა, თუკი ადამიანთა ერთ ჯგუფს უფლება ჰქონდა ბილწი, უხამსი სიტყვებით შეურაცხყოფა მიეყენებინა ღმერთის, ღვთისმშობლის და სარწმუნოებისთვის და ეს სიტყვის თავისუფლებად და აზრის გამოხატვის უფლებად მიაჩნია ვინმეს, მაშინ რატომ არ ჰქონდა მართლმადიდებლ მრევლს ამ შეურაცხყოფის უარყოფის და თავისი აზრის გამოხატვის უფლება ან ეშმაკეულ უნივერსიტეტთან, ან ნაცმაუწყებლობა "კავკასიასთან.”
სამარცხვინოა, რომ საქართველოში, სადაც 20 საუკუნის მანძილზე სისხლით იცავდნენ ენას, მამულს და სარწმუნოებას 21-ე საუკუნეში სწორედ სარწმუნოებისათვის აპატიმრებდნენ ადამიანებს.
დასასრულს ახალგაზრდა ”ქართულმა დასელებმა” ნაცხელისუფლებას მიმართეს და დაპატიმრებული ახალგაზრდების გათავისუფლება მოსთხოვეს.
”ქართული დასის” ახალგაზრდული ფრთის მოთხოვსნას შეუერთდნენ ”ახალგაზრდა მართლმადიდებლები”. მათი თქმით, ადამიანთა ქრისტიანობისათვის შეურაცხყოფა, დევნა და დაპატიმრება უაღრესად საგანგაშო და სამარცხვინო საქციელია. ე.წ. "ილიას უნივერსიტეტთან" და მაუწყებლობა "კავკასიასთან" შეკრებილი მართლმადიდებლები თითოეული ჩვენთაგანის სათქმელს ამბობდნენ და ამიტომ, ისინი ჩვენთვის და ჩვენს მაგივრად არიან დაკავებულნი.”
”ახალგაზრდა მართლმადიდებლებმა ხელისუფლებას დაკავებულთა გათავისუფლება მოსთხოვეს და მოუწოდეს ქართველ ახალგაზრდებს გაერთიანება რწმენის გადასარჩენად.
სინდისისა და რწმენის პატიმრები საქართველოში, არის თუ არა პოლიტიკის თემა? მმკ ციხეში
