არც იყო მოსალოდნელი რომ რუსეთი ხელს მოაწერდა მისთვის მიუღებელ დოკუმენტს
აქ სხვა რამეა მნიშვნელოვანი, რუსეთის ასე ერთხმად და საჩვენებლად გაპანღურება
რათქმაუნდა ღორს არაფრის შერცხვება მაგრამ ასეთი გაპანღურება რაც ხშირად იქნება მით უფრო მალე მოუწევს უკან დახევა
პ.ს. სამწუხაროდ ეუთოს ყველა მინუს ერთი პრინციპით გადაწყვეტილების მიღება არ შეუძლია
თუმცა დეკლარაციას მაინც მიიღებენ სსადაც დაგმობილი იქნება რუსეთის საქციელი
* * *
მსოფლიო ლიდერების მიმართვებში საქართველოს მხარდაჭერა ისევ აქტუალურია
14:30 02-12-2010
ასტანაში მიმდინარე ეუთო-ს სამიტის მეორე დღეს, მსოფლიო ლიდერების მიმართვებში საქართველოს მხარდაჭერა ისევ აქტუალურია . ამის შესახებ პრეზიდენტის ადმინისტრაციის ოფიციალური ვებგვერდი იტყობინება.
პრეზიდენტის ადმინისტრაციის ინფორმაციით, თითოეული გამომსვლელის ოფიციალურ სიტყვაში რეგიონში არსებული გაჭიანურებული კონფლიქტების მოგვარების საკითხი და საქართველოს ტერიტორიაზე ეუთო-ს მისიის განახლების აუცილებლობა აღინიშნა.
ვებგვერდზე მოყვანილია ასევე მსოფლიო ლიდერების ციტატები. როგორც თურქეთის პრეზიდენტი აბდულა გიული აცხადებს, თურქეთი საქართველოს, აზერბაიჯანისა და მოლდოვას კონფლიქტების გადაწყვეტაში მონაწილეობას მიიღებს.
"1999 წელს სტამბულის სამიტზე ჩვენ დავადასტურეთ, რომ კონფლიქტების მოგვარების თვალსაზრისით, ეუთო უმნიშვნელოვანესი ორგანიზაციაა რეგიონში. ბევრი მცდელობის მიუხედავად, გაჭიანურებული კონფლიქტების თემა კვლავ გადაუჭრელი რჩება. თურქეთი საქართველოს, აზერბაიჯანისა და მოლდოვას კონფლიქტების გადაწყვეტაში მიიღებს მონაწილეობას, რაც ამ ქვეყნების სუვენერიტეტსა და ტერიტორიულ მთლიანობის პატივისცემაზე იქნება დაფუძნებული", _ განაცხადა აბდულა გიულიმ.
ლატვიის პრეზიდენტის დალია გრიბასკაუტეს განცხადებით, ეუთო-ს შეუძლია საქართველოსა და მოლდოვას გაყინული კონფლიქტების მოგვარება.
"ვფიქრობ, ყურადღება რეგიონალურ პრობლემებზე უნდა გავამახვილოთ. მინდა გაჭიანურებულ კონფლიქტებზე ვიასაუბრო. ჩვენ ვიცით, როგორი მგრძნობიარე და მტკივნეულია ეს თემა. ვფიქრობ, ჩვენს ორგანიზაციას შეუძლია საქართველოს და მოლოდოვას გაყინული კონფლიქტების მოგვარება", _ განაცხადა ლიტვის პრეზიდენტმა.
როგორც ხორვატიის პრეზიდენტმა ივო იოსიპოვმა განაცხადა, საქართველოს და მთიანი ყარაბაღის გაჭიანურებულმა კონფლიქტებმა სერიოზულად შეარყია ევროპის უსაფრთხოება.
"ევროატლანტიკური სივრცე, რომელიც ვანკუვერიდან ვლადივასტოკამდეა გადაჭიმული, აღარ არის ბლოკებად დაყოფილი, რაც ცივი ომის კონფრონტაციით იყო გამოწვეული. თუმცა, ამ პერიოდში, ჩვენ საქართველოს და მთიანი ყარაბაღის გაჭიანურებული კონფლიქტების შედეგების მოწმენი გავხდით, რომლებმაც სერიოზულად შეარყია ევროპის უსაფრთხოება", _ განაცხადა ხორვატიის პრეზიდენტმა.
ესტონეთის პრემიერ-მინისტრის ანდიუს ანსიპის განცხადებით, საქართველოში, მთიან ყარაბაღსა და მოლდოვაში არსებული კონფლიქტების მოსაგვარებლად პირობები უნდა მომზადდეს.
"ეუთო ყოველთვის იყო და უნდა დარჩეს კონფლიქტებისა და დემოკრატიის შენების წინა ხაზზე, ჩვენ აუცილებლად უნდა მოვამზადოთ პირობები, საქართველოში, მთიან ყარაბაღსა და მოლდოვაში არსებული კონფლიქტების მოსაგვარებლად. ხალხი, რომელიც ამ კონფლიქტებით ზარალდება საჭიროებს ჩვენს სწრაფ ქმედებას. ხაზგასმით აღვნიშნავ დამოუკიდებლობის, სუვერენიტეტისა და ტერიტორიული მთლიანობის მნიშვნელობას და 2008 წლის აგვისტოსა და სექტემბერის შეთანხმების შესრულების აუცილებლობას. ამასთან, უნდა უზრუნველვყოთ, რომ კონფლიქტის ზონებში დამკვირვებლები შეუშვან, რათა მოხდეს დევნილების უსაფრთხო და ღირსეული დაბრუნება. ამას გარდა, საერთაშორისო საზოგადოებამ კვლავ უნდა მოითხოვოს ეუთოს მისიის დაშვება საქართველოს ტერიტორიაზე", _ განაცხადა ესტონეთის პრემიერ-მინისტრმა.
ეუთო-ში პოლონეთის ელჩის სტანისლავ გრუზინსკის თქმით, საქართველოში კონფლიქტების მოსაგვარებლად ეუთო-ს მისიის დაბრუნება აუცილებელია.
"უპირველეს ყოვლისა, ეუთო-ს უნდა ჰქონდეს ნება და მექანიზმი კონფლიქტების მოსაგვარებლად. საქართველოში კი გაჭიანურებული კონფლიქტების მოსაგვარებლად, აუცილებელია, რომ იქ ეუთოს მისია დაბრუნდეს", _ განაცხადა სტანისლავ გრუზინსკიმ.
ავსტრალიის საგარეო საქმეთა მინისტრმა კევინ რუდმა საქართველოს მიღწევებზე ისაუბრა.
"როგორც ეუთო-ს წევრი, ავსტრალია დიდ მნიშვნელობას ანიჭებს კავკასიისა და შუა აზიის ქვეყნებს. ვუერთდებით მსოფლიო ბანკის შეფასებას, რომ ბიზნესის გამჭვირვალეობის თვალსაზრისით, საქართველო ლიდერი ქვეყანაა. ვაფასებთ აზერბაიჯანის სწრაფ ეკონომიკურ ზრდას და მის წვლილს რეგიონის ენერგოსაკითხებში", _ განაცხადა კევინ რუდმა.
ბელორუსის პრეზიდენტის ალექსანდრ ლუკაშენკომ იმედი გამოთქვა, რომ ეუთოს სამიტი კონკრეტული გადაწყვეტილებების მიღებით დასრულდება.
"მსოფლიო გლობალური საფრთხეების წინაშე აღმოჩნდა. ევროპის გეოპოლიტიკური კონფიგურაცია პრინციპულად შეიცვალა. იმედი მაქვს ამ სამიტზეც კონკრეტულ გადაწყვეტილებას მივიღებთ, მაგრამ რამდენიც არ უნდა ვისაუბროთ ჩვენი მუშაობის მნიშვნელობაზე, მის აქტივებში, ამჟამად, სამწუხაროდ, ჩასაწერი არაფერი არ გვაქვს", _ განაცხადა ალექსანდრ ლუკაშენკომ.
http://www.interpressnews.ge/ge/politika/1...aqtualuria.html This post has been edited by ხარონი on 2 Dec 2010, 14:55 
მედვედევმა ასტანა დატოვა
