ომის მეორე ფაზის დაწყების პირველი 5 დღის შეჯამება
მოკლედ, როგორც მოსალოდნელი იყო, რუსების ფრონტალური შეტევის ყველა მიმართულება მძიმე შედეგით მიმდინარეობს რუსეთისავის, კოლოსალური დანაკარგების ფონზე მინიმალური წინსვლა(ზოგ მიმართულებაზე) ან საერთოდ ძვრა არ აქვთ. აღსანიშნავია ის ფაქტი, რომ დღეს ამერიკამ ოფიციალურად დაადასტურა უკრაინისავის რეაქტიული საარტილერიო სისტემების გადაცემის დაწყება(იმედი მაქვს ჰიმარსი ან მინიმუმ M-270 იქნება), ასევე აღსანიშნავია საფრანგეთის მიერ თვითმავალი საარტილერიო სისტემა ცეზარის გადაცემის დაწყება. მოკლედ, ნელ-ნელა, მარა მაინც ივსება უკრაინული არმია მათთვის სასიცოცხლოდ მნიშვნელოვანი შემტევი შეიარაღებით, რაც საბოლოო ჯამში გარდამტეხი ფაქტორი იქნება ამ ომში. რაც მთავარია, დასავლეთში მიღებულია საბოლოო გადაწყვეტილება, რომ რუსეთი ამ ომში უნდა დამარცხდეს, დანარჩენი კი მხოლოდ დროის და ტექნიკის ამბავია.
ეხლა რაც შეეხება უშუალოდ ფრონტის ხაზზე განვითარებულ მოვლენებს
დავიწყოთ ჩრდილოეთიდან
1. იზუმის მიმართულება - რუსულ არმიას აქ დაახლოებით 20 000-მდე სამხედრო ყავს თავმოყრილი, ძირითადად პირველი სატანკო არმიის ნაწილები. რუსული არმია ცდილობს გაშლას ორი მიმართულებით იზუმის სამხრეთით (სლავიანსკის და ბარვინკოვეს მიმართულებებით), ასევე ცდილობს კორიდორის გაფართოებას სამხრეთ-დასავლეთის მიმართულებით ველიკა კომიშუუმახას მიმართულებით), რათა არ დაუშვან იზუმის დაჯგუფების შესაძლო ალყაში მოქცევა. რუსული არმია ბევრად ფრთხილად მოქმედებს ეხლა კიევში განცხილი ფიასკოს მერე, თუმცა მაინც ვერ ახერხებს უკრაინული არმიის თავდაცვის გარღვევას ჯავშანსატანკო ნაწილებით, უკრაინული არმიის ტანკსაწინააღმდეგო გათვლები არტილერიასთან ერთად კომბინაციაში ძალიან ეფექტურად მუშაობენ და ძირშივე კვეთენ რუსული არმიის შეტევის მცდელობებს. დღეს რუსებს კვლავ ჰქონდათ მცდელობა სლავიანსკის მიმართულებით, თუმცა უკრაინელებმა წარმატებით შეძლეს სოფელ ზავოდთან რუსული ჯავშანკოლონის განადგურება, რის მერეც მათ მოუწიათ შეტევის შეჩერება, ასევე იყო მცდელობა ბარვინკოვეს მიმართულებითაც, თუმცა უკრაინელებმა აქაც შეძლეს სოფელ ვირნოპილასთან რუსების შეკავება, საერთო ჯამში განადგურებულია 15-მდე ერთეული ტანკი და ჯავშანტექნიკა, ლიკვიდირებულია ათეულობით რუსი სამხედრო. აღსანიშნავია ის ფაქტი, რომ უკრაინელებს დიდი წინააღმდეგობის ფასად და შესაბამისად დანაკარგების, ამ დრომდე ახერხებენ ძირითადად რუსების ამ მიმართულებაზე შეკავებას, თუმცა რუსებს აქვთ მცირედი წინსვლა ნაბიჯ-ნაბიჯ. რუსებისათვის ამ მიმართულებას აქვს სასიცოცხლოდ დიდი მნიშვნელობა, შესაბამისად შეყავთ და შეყავთ ახალი ძალები, ასე რომ იზუმის მიმართულება რჩება ყველაზე ცხელ მიმართულებად. ამ მიმართულებაზე ასევე ძალიან აქტიურობს რუსული ავიაიცა(დღეში ათეულობით საბრძოლო გაფრენა ხდება), გუშინ უკრაინელებმა შეძლეს ერთი სუ-34-ის და ერთი სუ-25-ის ჩამოგდება და იმედი მაქვს უკრაინული ჰსთ-ს გადაჯგუფება მოხდა ამ მიმართულებაზე
2. რუბიჟნე-სევეროდონეცკის მიმართულება - მიუხედავად იმისა რომ დასახლებული პუნქტი კრემინა ძირითადად რუსების კონტროლ ქვეშაა, ბოლო 48 საათია რუსები ვერ ახერხებენ შემდგომ წინსვლას, რადგან მათ ამ მიმართულებაზე აქვთ ძალიან დიდი დანაკარგებ, აქტიურად ცდილობენ ახალი გადაჯგუფებებით ძალების შევსებას, თუმცა რამდენად გამოუვათ ძნელი სათქმელია. ქალაქ რუბიჟნეს დაახლოებით 40%-ს კვლავ უკრაინელები აკონტროლებენ და რუსები ვერ ახერხებენ ქალაქში თავდაცვითი ზღუდეების გარღვევას, მიუხედავად დიდი დანაკარგებისა, მოკლედ ამ მიმართულებაზე უკრაინელებმა ასე თუ ისე შეძლეს შედარებითი სტაბილიზება
3. პოპასნას მიმართულება - მიუხედავად მძიმე საარტილერიო დარტყმებისა და სახმელეთო შეტევის მცდელობისა, არანაირი წინსვლა არ აქვთ აქ რუსებს ბოლო 72 საათში,
მძიმე დანაკარგების ფონზე მათი შეტევის ყველა მცდელობა ამ დრომდე ჩავარდა, დასახლებულ პუნქტის დაახლოებთ 50%-ს კვლავ უკრაინელები აკონტროლებენ და ძლიერი თავდაცვითი ზღუდეები აქვთ ქალაქში
4. ავდეევკა-დონეცკის მიმართულება - ამ მიმართულებაზე უკრაინული არმიის მიერ სტრატეგიულად უმნიშვნელოვანეს დასახლებულ პუნქტ მარინკაზე კონტროლის აღდგენის შემდეგ, რუსები რამდენჯერმე ეცადნენ კონტროლის დაბრუნებას, მარა მათი ყველა მცდელობა უშედეგო აღმოჩნდა, უკრაინული პოზიციები ამ მიმართულებაზე ძალიან მძლავრად არის წარმოდგენილი
5. მარიუპოლი - ქალაქში ბრძოლის ინტენსივობამ მნიშვნელოვნად იკლო, ქაალქის დამცველებს საშუალება აქვთ მცირედი ამოისუნთქონ, ისინი რათქმაუნდა არ აპირებენ არანაირი დანებებას, მზად არიან ან გადავიდნენ იარაღის დაყრის გარეშე უკრაინის კონტროლირებად ტერიტორიაზე ან ბოლომდე დარჩნენ და იბრძოლონ ქალაქში. აქ მოსალოდნელია ქალაქის დამცველების მიერ ქალაქის ტერიტორიაზე კიდევ უფრო გააქტიურება და რუსების ჩასაფრებებით განადგურებების გახშირება.
6. ზაპოროჟიეს მიმართულება - აქ რუსები ძალიან გააქტიურდნენ, რუსები ცდილობენ ქალაქ ველიკა ნოვოსილკას აღებას, რასაც დაახლოებით იზუმის(ჩრდილოეთით) დონის სტრატეგიული მნიშვნელობა აქვს, რუსებმა ვერ შეძლეს პირდაპირი შესკდომით ქალაქის აღება, რის შემდეგაც დაიწყეს ფლანგებიდან შეტევა, ამ დროისთვის მძიმე ბრძოლებია სოფელ ზელენა პოლესთან, ასევე რუსული არტილერია ცდილობს მასირებული დარტყმებით უკრაინული თავდაცვითი პოსიზიბის შესუსტებას. ამ დრომდე უკრაინული არმია ძალიან წარმატებით ახერხებს ამ მიმართულებაზე რუსების შეკავებას და რუსებს არანაირი წინსვლა არ აქვთ, თუმცა დიდი ალბათობით აქ რუსების დაწოლა კიდევ უფრო გაიზრდება, რადგან მათი გეგმა სწორედ ზაპაროჟიე(სამხრეთი) ხარკოვის(ჩრდილოეთი) ძალების გაერთიანებაა პოვლოგრადთან, სადაც იზუმის და ზაპოროჟიეს მიმართულებებს აქვს გადამწყვეტი მნიშვნელობა
7. ხერსონი-მიკოლაევის მიმართულება - აქ რუსების აქტიურობა მინიმალურია, ძირითადად კვლავ თავდაცვაში დგანან, აღარც უკრაინული მხარე აქტიურობს
საბოლოო ჯამში ვიზუალურად დადასტურებულად ბოლო 72 საათში უკრაინულმა არმიამ გაანადგურა რუსებისა და სეპარატისტების ასეულობით მებრძოლი
საერთო ჯამში უკრაინელმა მებრძოლებმა რუსების 20-მდე შეტევა მოიგერიეს
განადგურებულია: მინიმუმ 25 ერთეული ტანკი, მინიმუმ 60 ერთეული ჯავშანტრანსპორტიორი და სხვადასხვა დანიშნულების სამხედრო მანქანა, 2 ერტეული საბრძოლო თვითმფრინავი, 2 ერთეული ვერტმფრენი და 5 უპილოტო საფრენი აპარატი
პირველი 5 დღე უდაოდ უკრაინული არმიის აქტივში ჩაიწერება, რუსულმა არმია ყოველდღიურად ძალიან მძიმე დარტყმას იღებს, რათ მათ შეტევით პოტენციალს კიდევ უფრო აგდებს(რაც დრო გადის)
ამ დრომდე წარმატებით მიდის რუსების გამოფიტვის პროცესი, დიდია მათ რიგებში დანაკარგები. დარწმუნებული ვარ, უკრაინა როგორც კი მიიღებს დიდი რაოდენობით შემტევ იარაღს(ჯავშანტექნიკა და არტილერია) აუცილებლად დაიწყება მაშტაბური კონტრშეტევა, თან ამ დროისთვის რუსული არმია მნიშვნელოვნად იქნება გამოფიტული, დაახლოებით 1-2 თვეში დადგება ამისი დრო, მთავარია რუსებმა ვერ შეძლონ სამხრეთის და ჩრდილოეთის ფლანგების გარღვევა (იზუმი და ზაპაროჟიე), დანარჩენი კი ფრონტის უშუალო ხაზზე უკრებში დარწმუნებული ვარ რომ შეძლებენ წარმატებულად შეტევების მოგერიებას(შემდეგი 2-3 კვირა იქნება კრიტიკული და მთავარია გაძლონ უკრებმა განსაკუთრებით ფლანგებზე).
დიდება ხლოპცებს, დიდება უკრაინას !!!
ამ დროისთვის არსებული მდგომარეობა
ზოგადი უკრაინა
და კონკრეტულად აღმოსავლეთ-სამხრეთის მიმართულებები
· 
რუსეთ-უკრაინის ომი XXXVIII
