[IMG]http://www.picz.ge/img/s3/1503/8/7/72327a4a60f5.jpg[/IMG]
ეს არის საუკეთესო და ყველაზე მრავალრიცხოვანი ონლაინ საფეხბურთო მენეჯერი.
განსხვავებით სონისა და PC თამაშებისგან, ეჯიბრები 800-ზე მეტ ქართველსა და დაახლოებით მილიონ მენეჯერს მთელი მსოფლიოს მასშტაბით.
ხარ საკუთარი საფეხბურთო გუნდის მენეჯერიცა და მწვრთნელიც.
დაწყება ძალიან ადვილია თავის დანებება რთული!!!
როგორ დაიწყო თამაში?1. შენს ბრაუზერში აკრიფე
http://www.hattrick.org/ და გაიარე რეგისტრაცია (რომლისთვისაც აუცილებლად დაგჭირდება შენი საფოსტო ინდექსი. თუ არ იცი ზუსტად, შედი ამ ბმულზე და დააზუსტე მისამართის მიხედვით
http://www.yell.ge/Info_pages/pages/indeqsebi.html2. დაელოდე რამდენიმე საათი (მაქსიმუმ 7-8) და გუნდის მიღების შესახებ ინფორმაცია მეილზე მოგივა.
3. შეასრულე დავალებები და აიღე მენეჯერის ლიცენზია. (მენეჯერის ლიცენზიის აღება აუცილებელია სრულფასოვანი თამაშისთვის, ასევე, დავალებების შესრულების დროს, ნელ-ნელა ითვისებ თამაშის მნიშვნელოვან დეტალებს და ივსებ ბიუჯეტს (ყოველი დავალების შესრულების შემდეგ საჩუქრდები გარკვეული რაოდენობის თანხით).
4. აუცილებელად წაიკითხე ჰეთთრიქის სახელმძღვანელო და გაეცანი წესებს (აუცილებელი არ არის სახელმძღვანელოს ერთ ჯერზე თავიდან ბოლომდე წაკითხვა. იგი დაყოფილია პუნქტებად, რაც საშუალებას იძლევა კონკრეტული სიტუაციისათვის კონკრეტული ინფორმაცია მოგაწოდოს).
5. ეფექტური ვარჯიშისათვის აუცილებელია აიყვანო კარგი მწვრთნელი ცუდი ლიდერობის უნარით (დამწყებისთვის მწვრნთელის ლიდერობას მიზერული მნიშვნელობა აქვს, მთავარია მწვრთნელობის უნარი ჰქონდეს კარგი, რათა შეძლო ფეხბურთელების ვარჯიშით უნარების განვითარება, მწვრთნელის ლიდერობა საჭიროა გუნდურობის მაღალი მაჩვენებლის შესანარჩუნებლად, რაც მხოლოდ მაღალი მიზნებისთვის ბრძოლის დროსაა საჭირო).
6. აირჩიე ერთ-ერთი სავარჯიშო პოზიცია და დააკომპლექტე იგი 17 წლის ფეხბურთელებით, რომელთა მთავარი უნარი მინიმუმ ნორმალური იქნება (დაწვრილებით ქვემოთ განვიხილავ).
7. აუცილებლად დანიშნე ამხანაგური შეხვედრები, რათა შეძლო მეტი ფეხბურთელის ვარჯიში.
8. სურვილისამებრ, შეგიძლია დააარსო ახალგაზრდული აკადემია, სადაც შეძლებ მომავალი ტალანტების აღზრდას.
9. ნებისმიერი კითხვა, რაც თავში გაგიელვებს ამ თამაშთან დაკავშირებით, დააფიქსირე ამ თემაში და გამოცდილი მოთამაშეები აგიხსნიან მის ავკარგიანობას.
ჰეთთრიქს აქვს ფეხბურთელების თავისუფალი სატრანსფერო ბაზარი, რაც წარიმართება აუქციონის პრინციპით;
შემოსავლების გასაზრდელად შეგიძლია გაადიდო შენი სტადიონის მოცულობა, თუმცა აუცილებლად ყურადღება უნდა მიაქციო შენი გუნდის გულშემატკივართა რაოდენობას, განწყობას და ა.შ;
შემოსავლის კიდევ ერთი წყაროა სპონსორები, რომელთა გულის მოსაგებადაც შეგიძლია დაიქირავო პიარ მენეჯერები პერსონალიდან;
და რაც ყველაზე მთავარია, შენი საფინანსო მდგომარეობის გამყარება შეგიძლია ფეხბურთელების ვარჯიშით, უნარის მომატებით და შემდეგ კარგ ფასად გაყიდვით;
ასევე შემოსავლის წყაროა ახალგაზრდული აკადემია და სკაუტების ქსელი.
ამ თამაშში მთავარი ეკონომიკაა, ასე რომ შეეცადეთ სანამ ცოტა არ გაერკვევით ფული არ ხარჯოთ. აუცილებლად გაეცანით ჰეთთრიქის
ვიკიპედიას,
შეგიძლიათ რუსულადაც და ქართულადაცდა წინა თემების პირველ გვერდებს
აქ,
აქ და
აქ.
აუცილებლად დააყენეთ მოზილას
ფაირფოქსი ან
გუგლ ქრომი რადგან არის ბევრი საჭირო და საინტერესო ფლაგინი, რომლებსაც ინტერნეტ ექსპლორერსა და ოპერაში ვერ ჩადგამთ.
აბა წარმატებებს გისურვებთ და ველით თქვენს შეკითხვებს1. სამატჩო განლაგება:სანამ მენეჯერის ლიცენზიას აიღებთ, ერთადერთი შესაძლო განლაგება, რომლის გამოყენებაც შეგიძლიათ, არის 4-4-2.
ლიცენზიის აღების შემდეგ კი, თქვენი ვარჯიშის ტიპის შესაბამისად, შეგიძლიათ არჩევანი გააკეთოთ შემდეგი სტანდარტული განლაგებებიდან ერთ-ერთზე:
5-5-0
5-4-1
5-3-2
5-2-3
4-5-1
4-4-2
4-3-3
3-5-2
3-4-3
2-5-3
დაცვის ვარჯიშის შემთხვევაში, თქვენ აუცილებლად უნდა აირჩიოთ ხუთმცველიანი ტაქტიკა, რადგან ავარჯიშოთ ფეხბურთელთა მაქსიმალური რაოდენობა.
თუ თქვენი არჩეული ვარჯიშის ტიპია ნახევარდაცვა, მაშინ უნდა ეცადოთ, რომ მოედანზე გაიყვანოთ 3 ცენტრალური (რომლებიც იღებენ ვარჯიშის 100%-ს) ნახევარმცველი და 2 ფლანგის ნახევარმცველი, რომლებიც ასევე იღებენ ნახევარდაცვის ვარჯიშის 50%-ს.
თავდასხმის ვარჯიშისას, აუცილებელია ითამაშოთ 3 თავდამსხმელით, რათა მიიღოთ მაქსიმალური ეფექტი.
არასტანდარტული განლაგების გამოყენება (მაგ. 2-4-4) არ არის რეკომენდებული, რადგან მან შეიძლება გამოიწვიოს ვარჯიშის ჩაშლა, გუნდის განწყობის დაქვეითება.
2. ვარჯიში:ჰეთთრიქში ვარჯიშის დღე ხუთშაბათია. 21:30 საათზე ხდება ვარჯიშის განახლება.
შეგიძლიათ ფეხბურთელები ავარჯიშოთ ძირითადი უნარების (მეკარე, დაცვა, ნახევარდაცვა, თავდასხმა, ფლანგი), ან მეორადი უნარების (გამძლეობა, პასი, სტანდარტები) გასავითრებლად. ამისათვის სასურველია სავარჯიშო პოზიციაზე 17 წლის ნორმალური(6) ან კარგი(7) ძირითადი უნარის მქონე ფეხბურთელების აყვანა, კარგი
მწვრთნელის (მწვრთნელის უნარი კარგი, ლიდერობა ცუდი) შეძენა, და
დამხმარე მწვრთნელის აყვანა.
იმისათვის რომ თქვენი ვარჯიშიდან მაქსიმალური სარგებელი მიიღოთ, კვირის 2 მატჩში, რომლიდანაც ერთი დივიზიონში ტარდება ყოველ კვირას, ხოლო მეორე თასზე (თასიდან გამოვარდნის შემთხვევაში უნდა დანიშნოთ ამხანაგური შეხვედრები) ოთხშაბათობით, სავარჯიშო პოზიციებზე უნდა დააყენოთ განსხვავებული შემადგენლობა.
მაგალითად: თუ თქვენ ავარჯიშებთ დაცვას, კვირის მატჩში დაყენებული 5 კონკრეტული მცველი აღარ უნდა ათამაშოთ ოთხშაბათის მატჩში, რადგან ფეხბურთელი ვარჯიშს იღებს მაქსიმუმ 90 წუთის პროპორციულად. ამიტომ, მეორე მატჩში დააყენეთ სხვა 5 სავარჯიშო მცველი, რათა ჯამში გამოგივიდეთ 10 ფეხბურთელის ვარჯიში.
3. თამაშიარსებობს თამაშის შემდეგი
ტაქტიკებინორმალურიკონტრშეტევები (თმობთ მოედნის ცენტრს და კარგი დაცვის ხარჯზე ახორციელებთ კონტრშეტევებს)
შეტევა ცენტრში (შეტევების უმეტესობას ახორციელებთ ცენტრალური თავდასხმის საშუალებით, ნაკლებად უტევთ ფლანგებიდან)
შეტევა ფლანგებზე (შეტევების უმეტესობას ახორციელებთ ფლანგებზე, ნაკლებად უტევთ თავდასხმის ცენტრიდან)
პრესინგი (ძირითადად გამოიყენება ყაიმის მისაღწევად, თქვენი ფეხბურთელთა მაღალი გამძლეობების ხარჯზე შეგიძლიათ ჩაშალოთ მეტოქის შეტევები)
შემოქმედებითი თამაში (ამ შემთხვევაში სასურველია გყავდეთ რაც შეიძლება მეტი ფეხბურთელი (მინიმუმ 7-8) სხვადასხვა სპეციალიზაციით)
შორეული დარტყმებიამას გარდა გუნდი შეგიძლიათ ათამაშოთ:
ნახევარი ძალით (ამ შემთხვევაში სუსტდება თქვენი ნახევარდაცვა, მაგრამ იმატებს გუნდის განწყობა)
ნორმალურადსეზონის მატჩი (მცირდება გუნდის განწყობა, ძლიერდება თქვენი ნახევარდაცვა)
გუნდის შემართება უნდა არეგულიროთ, რადგან როდესაც მაღალია შემართება, გუნდი მატჩებში აჩვენებს მაღალ ცენტრს (ნახევარდაცვას). ამიტომ, უნდა ეცადოთ მხოლოდ აუცილებლობის შემთხვევაში ითამაშოთ სეზონის მატჩი.
- - - - - - - - - - - - - - - - -
აუცილებლად წაიკითხეთ ჰეთთრიქის წესები, სახელმძღვანელო და ვიკიპედია.
და რაც მთავარია არ მოგერიდოთ შეკითხვების დასმა.
არ გადადგათ არცერთი მნიშვნელოვანი ნაბიჯი ინფორმაციის დაზუსტებისა და შეკითხვის დასმის გარეშე.- - - - - - - - - - - - - - - - -
საჭირო ბმულები:1) ფოქსტრიკი დამხმარე ფლაგინი, რომელიც ალამაზებს ჰეთთრიკს და გაწვდით დამატებით სტატისტიკურ ინფორმაციას. ასევე აღარ გჭირდებათ ცალკე ფსიქოტისიაის დაყენება რომელიც გეხმარებათ ფეხბურთელის უნარების შეფასებისას, რადგანაც უკვე ეს ფლაგინი მიბმულია ფოქსტრიკთან. ფოქსტრიკი მოზილასთვის, ქრომისთვის და უკვე ოპერასთვის
აქ2)
HO (1.430),
ჯავა ფორმატში დაწერილი პროგრამა, რომელიც ახდენს გუნდის შესახებ ყველანაირი ინფორმაციის მობილიზებას და იძლევა გუნდის უკეთ მართვის საშუალებას.
გამოყენების მოკლე ინსტრუქცია:
უბრალოდ დააინსტალირეთ გადმოწერილი ფაილი, აუცილებლად დააყენეთ ჯავა, რომლის გადმოსაწერი ბმულიც ზემოთ არის მითითებული (რათა შეძლოთ პროგრამა HO-ს გაშვება თქვენს კომპიუტერში).
შემდეგ თქვენს HO-ში უნდა მოახდინოთ განახლება, ჩამოტვირთოთ ინფორმაცია თქვენი გუნდის შესახებ, რომლის გასაკეთებლადაც დაგჭირდებათ თქვენი ჰეთთრიქის ანგარიშის იუზერნეიმი და პაროლი.
თქვენი გუნდის ინფორმაციის ჩამოტვირთვის შემდეგ, თქვენ ხედავთ თუ რომელი პოზიციაა თქვენი კონკრეტული ფეხბურთელისთვის საუკეთესო. თქვენ შეგიძლიათ დატესტოთ განლაგება ამინდის, გუნდის შემართების, საშინაო და გასვლითი მატჩების გათვალისწინებით. ასევე შეგიძლიათ ნახოთ მომავალი მატჩის სავარაუდო შედეგი თქვენი მეტოქე გუნდის შედარებით და უამრავი საჭირო დეტალი.
HO არაოფიციალური პროდუქტია და მისი ვარაუდი ემყარება ჰეთთრიქში ჩატარებული მატჩების შედეგების სტატისტიკას, ამიტომაც ნუ მოითხოვთ მისგან მაქსიმალურ სიზუსტეს.
თუკი რამეს ვერ გაიგებთ, შეგიძლია იკითხოთ და გიპასუხებენ, რადგან ყველაფრის პირველ პოსტში ახსნა შეუძლებელია.ის, რისი გაკეთებაც ჰეთთრიქის თამაშის პირველ დღეებში არ ღირს!
(შემდეგ რომ მტკივნეული არ იყოს)!!!არ დაარეგისტრიროთ რამდენიმე გუნდი და
არ დაიწყოთ ტრანსფერებით ფულის გადაქაჩვა ერთი გუნდიდან მეორეში. ჰეთთრიქს ძალიან მკაცრად აკონტროლებენ და გუნდის წართმევის შემდეგ სინანული გვიანი იქნება სიბრაზე კი ფუჭი.
ვარჯიშის ტიპის მუდმივი ცვლა - არაეფექტური და უსარგებლოა.
სტადიონზე ადგილების დანგრევა - ახალბედებში გავრცელებული უგუნურება.
21-23 წელზე ასაკოვანი ფეხბურთელების შეძენა. განსაკუთრებით იმ პოზიციებზე, რომლებსაც ავარჯიშებთ.
100%-ზე დაბალი ვარჯიშის ინტენსივობა - დროის ფუჭი კარგვა.
5%-ზე მეტი გამძლეობის წილი - თქვენთვის მთავარი ვარჯიშია და არა გუნდის შედეგი მატჩებში.
შემადგენლობის ბრმად დაყენების მცდელობა(პირველი თამაშის გარდა) - არსებობს უამრავი დამხმარე პროგრამა, რომლებიც დაგეხმარებიან გუნდის უკეთ მართვაში.
თქვენი ფეხბურთელების სანაკრებო ბაზაში დასააფდეითებლად გამოიყენეთ ბმული http://hattrickportal.pro/Trackerმაშ ასე! საფეხურები:
1. შედიხართ აქ:(http://hattrickportal.pro/Tracker)
2.აუცილებლად გადართეთ ქართულ ენაზე, რადგან ინგლისურ ვარიანტში ბევრი არაფერი წერია და მე კი ქართულ ვარიანტში ,,ჩემებურად" ჩავამატე რაღაცეები და ინსტრუქციის სახე მივეცი.
3. ყურადღებით წაიკითხეთ ავტორიზაციის ინსტრუქცია. საჭიროა ორჯერ ავტორიზაცია და იმიტომ. თანაც ავტორიზაციებს შორის შესაძლოა შეკითხვაც გამოვიდეს და იმასაც უნდა დაეთანხმოთ.
თუკი მაგ ინსტრუქციას ზედმიწევნით შეასრულებთ, აღარ დაგვჭირდება ყოველკვირეული აფდეითების შეხსენება და ესეთი რაღაცეები.
ვისაც უკვე შესრულებული გქონდათ ავტორიზაციები, გთხოვთ, რომ კიდევ გააკეთოთ ყოველი შემთხვევისათვის!
იმ ინსტრუქციას აქაც დავდებ იმიტომ, რომ პირველი ავტორიზაციის მერე რომ რაღაც დაგავიწყდეთ, იმ ინსტრუქციაზე ვეღარ დაბრუნდებით და აქ შემოხვალთ და ნახავთ საჭიროების შემთხვეევაში:
ინსტრუქცია
ძალიან გთხოვთ, რომ ყურადღებით წაიკითხოთ! სულ ორჯერ არის ავტორიზაცია საჭირო და იმიტომ. მაშ ასე: იმისათვის, რომ ფეხბურთელები დაამატოთ ბაზაში, თქვენ უნდა გაიაროთ ავტორიზაცია (ჯერ დააჭირეთ ქვემოთ მითითებულ ღილაკს ,,შესვლა") CHPP-ის ოფიციალური ვებგვერდის საშუალებით. უფრო მარტივად რომ ვთქვათ: როდესაც დააწვებით ,,შესვლა", გადაერთვებით საიტზე https://chpp.hattrick.org, სადაც ჰეთთრიკის სახელითა და პაროლით გაივლით ავტორიზაციას და ამით თქვენი ფეხბურთელები დაემატებიან ბაზას. ამ დროს შეიძლება შეკითხვა გამოვიდეს ,,განვაახლო თუ არა ფეხბურთელები ავტომატურად?" და დააჭირეთ დათანხმებას და ფეხბურთელები მერე უკვე ავტომატურად განახლდება ხოლმე. ამით დასრულდა პირველი ავტორიზაცია. ამ პირველი ავტორიზაციის მერე მარჯვენა მხარეს, წითელი ზოლის ბოლოში, კიდევ გამოჩნდება ,,შესვლა/login" და კიდევ შედით მეორედ. ავტორიზაცია ისევ იმ დამხმარე საიტის საშუალებით მოხდება.ფორუმელი ჰეთთრიქელები:ვინაიდან წინა თემა საკმაოდ ძველია და უმეტესობა აღარ თამაშობს, მიზანშეწონილად მივიჩნიე, რომ ძველი სია აღარ წამომეღო და ახალი სიის ფორმირება მოვახდინოთ ამ თემაში.
დაწერეთ თქვენი გუნის სახელი და და ავტომატურად დაემატება სიაში
წარმატებები ყველას !!!თუ სიაში თქვენი თავი ვერ იპოვნეთ, PM-ის საშუალებით მომწერეთ თქვენი გუნდის სახელი და დივიზიონის სერია და შემდეგ თემაში აუცილებლად დაგამატებთ.ესეც ჰეთთრიკის თემების არქივი სეზონებისა და თარიღების მიხედვით:» სპოილერის ნახვისთვის დააწკაპუნეთ აქ «