ღირსება გვავალდებულებს საფეხბურთო კლუბი ვიტ ჯორჯია 1997-98 წლების სეზონის მეორე ეტაპისთვის შეიქმნა. კომპანია ვიტ ჯორჯიამ ეროვნული ჩემპიონატის უმაღლეს ლიგაში ადგილი იყიდა კლუბ მორკინალისგან. ახლადშექმნილმა ვიტ ჯორჯიამ საქმე ფაქტობრივად ნულიდან დაიწყო და მიუხედავად ამისა, პირველივე სეზონში დადებით შედეგს მიაღწია - მე-10 ადგილზე გავიდა, რითაც უმაღლეს ლიგაში ადგილი შეინარჩუნა.
ვიტ ჯორჯიას თავიდანვე ჰქონდა განვითარების მკაფიო პოლიტიკა. საქართველოს ეკონომიკური შესაძლებლობიდან გამომდინარე უნდა განვითარდეს ჩვენი ქვეყნის საფეხბურთო მეურნეობა - ასეთი რეალობის გათვალისწინებით საქართველო ფეხბურთელთა ექსპორტიორ ქვეყნად იქცა და ვიტ ჯორჯიამაც ამ ტენდენციის მიხედვით წარმართა საკუთარი საქმიანობა.
ახალგაზრდა ფეხბურთელების სელექცია და მიზანმიმართული მუშაობა მათი წინსვლისთვის - ვიტ ჯორჯია ამით ყოველთვის გამორჩეული იყო და ამავე დროს ეროვნულ ჩემპიონატში სტაბილურ, მოწინავე კლუბად ყალიბდებოდა.
დაფუძნებიდან სამ წელიწადში ვიტ ჯორჯიამ პირველი მედალი მოიპოვა - 1999-00 წლების ეროვნულ ჩემპიონატში მეორე ადგილზე გავიდა.
სერგო ჭურაძე, ჯაბა მუჯირი, ოლეგ გველესიანი, დავით დიღმელაშვილი, გიორგი ფეიქრიშვილი, გიორგი დეკანოსიძე, ედიკ საჯაია, ალექსანდრე გოგობერიშვილი, დავით იმედაშვილი, ოთარ მარცვალაძე...ვიტ ჯორჯიაში საკმაოდ ბევრი ისეთი ფეხბურთელი თამაშობდა, რომლებმაც საქართველოს ეროვნულ ჩემპიონატში მნიშვნელოვან წარმატებებს მიაღწიეს, ზოგმა სხვადასხვა ასაკობრივი ნაკრების გარდა ეროვნულ გუნდშიც ითამაშა.
2003 წელს ვიტ ჯორჯიამ საქართველოს ჩემპიონატში მე-3 ადგილი დაიკავა, ერთი წლის შემდეგ კი პირველად გახდა საქართველოს ჩემპიონი. ვიტჯორჯილეთა მთავარი მწვრთნელი მაშინ მერაბ კოჭლაშვილი გახლდათ.
2003 წელს ლევან მელქაძე, ვინც 24 გოლით დღემდე რჩება ვიტ ჯორჯიის მთავარმეგოლედ, დინამო თბილისში გადავიდა, 2006 წელს კი ოთარ მარცვალაძე და დავით იმედაშვილი ჩვენი გუნდიდან დინამო კიევში მოხვდნენ. ამ მნიშვნელოვანი ტრანსფერებით ვიტ ჯორჯიამ კიდევ უფრო განიმტკიცა კარგად მომუშავე კლუბის იმიჯი ტრანსფერებიდან შემოსული თანხა კლუბის დაფინასების ერთ-ერთი მნიშვნელოვანი წყაროა, თუმცა ვიტ ჯორჯია ნიადაგ ცდილობს ასეთი შემოსავლების ხვედრითი წილის შემცირებას და ბიუჯეტის შევსების სხვა საშუალებებიც გააჩნია. საქართველოში ფეხბურთის კომერციალიზაციის ელემენტები გაჩნდა, გარდა ამისა უეფაში მომხდარი ცვლილებები
აღმოსავლეთ ევროპის კლუბებს უკეთეს საშუალებას აძლევს, ევროტურნირებზე გამოსვლით უწინდელზე უფრო მეტი თანხები მოიპოვონ. ვიტ ჯორჯიაც შედეგზე ზედმიწევნით ორიენტირებული კლუბი გახდა.
2005 წელს ვიტ ჯორჯიაში მთავარ მწვრთნელად ნესტორ მუმლაძე მოვიდა. მისი ხელმძღვანელობით გუნდმა ეროვნული ჩემპიონატის ორი ვერცხლის მედალი მოიპოვა, 2009 წელს კი მეორედ გახდა საქართველოს ჩემპიონი.
ალექსანდრე კვახაძე, გრიგოლ ბედიაშვილი, ლუკა რაზმაძე, ირაკლი კლიმიაშვილი - ვიტ ჯორჯიადან არაერთი ფეხბურთელი მოხვდა ეროვნულ ნაკრებში.
2009/10 წლების სეზონში ვიტ ჯოირჯია მერაბ კოჭლაშვილმა და გელა გომელაურმა ჩაიბარეს. ამ მწვრთნელების ხელში გუნდმა მოიგო სუპერთასი და საქართველოს დავით ყიფიანის სახელობის თასი - ვიტ ჯორჯიას საშინაო სარბიელზე უკვე ყველაფერი აქვს მოპოვებული.
ბოლო დეკადაში ვიტ ჯორჯია ევროსარბიელზე თითქმის სისტემატურად თამაშობს და მეტწილ შეხვედრებში დაამტკიცა, რომ ევროპის საშუალო დონის გუნდებთან პაექრობა შეუძლია.
Noblesse oblige - ეს ცნობილი, ძველი ფრანგული გამოთქმა არის ვიტ ჯორჯიას სლოგანი, რაც ასე ითარგმნება: ღირსება გვავალდებულებს. სწორედ ეს სლოგანია გამოტანილი კლუბის ლოგოზეც.
ღირსება გვავალდებულებს - ამ ორი სიტყვის მიღმა ბევრი რამ დევს, რაც განაპირობებს კიდეც ვიტ ჯორჯიას ფილოსოფიას.
ტიტულები პრეზიდენტი მმართველობადავით ფირცხალაიშვილი - დირექტორი
ირაკლი ხვედელიანი - მენეჯერი
მერაბ დალაქიშვილი - ლიცენზირების მენეჯერი / გულშემატკივრებთა მეკავშირე
მერაბ კოჭლაშვილი - ახალგაზრდული ფეხბურთის განვითარების პროგრამის ხელმძღვანელი / U-21 გუნდის მწვრთნელი
ელდარ გულბათაშვილი - უსაფრთხოების ოფიცერი
გიორგი სირაძე - მატჩების მენეჯერი
თემურ თოდრაძე - მედია ოფიცერი
თეა ნაჭყებია - ფინანსური მენეჯერი
ელგუჯა ხუციშვილი - შშმპ მეკავშირე
ზაზა დიდებაშვილი - U-19 და U-17 გუნდების მწვრთნელი
სტადიონი მცხეთა პარკისრული სახელი მცხეთა პარკი
წინა სახელები არმაზი
მდებარეობა მცხეთა, საქართველო.
კოორდინატები 41°50'50"N 44°43'16"E
აღდგა 2011 წელს
მესაკუთრე ვიტ ჯორჯია
საფარი ხელოვნური
ტევადობა 2,000
სტადიონი მცხეთა პარკი — სპორტული სტადიონი მცხეთაში, საქართველო. ძირითადად გამოიყენება საფეხბურთო მატჩებისათვის. არის „ვიტ ჯორჯიას“ საშინაო მოედანი. იტევს 2,000 მაყურებელს.
რეკონსტრუქცია
2011 წლამდე იტევდა 3 000 მაყურებელს, რადგან იყო ხის გრძელი სკამები, ხელოვნური საფარის ნაცვლად იყო ბუნებრი, რომელიც ბოლო პერიოდში ცუდ მდგომარეობაში იყო, რის გამოც 2008-2009 წლის სეზონისთვის ფეხბურთის პროფესიონალურმა ლიგამ არ დართო მატჩიბის გამართვის ნება „ვიტ ჯორჯიას“. 2009 წლის 9 ივნისს „ვიტ ჯორჯიასა“ და ფეხბურთის ფედერაციას შორის გაფორმდა ხელშეკრულება, ხელი მოაწერეს „ვიტ ჯორჯიას“ პრეზიდენტმა გურამ რუხაძემ და ფეხბურთის ფედერაციის პრეზიდენტმა ნოდარ ახალკაცმა, შეთანხმების მიხედვით ფეხბურთის ფედერაცია მოედნის საფრის დაგების ვალდებულებას იღებდა, რომელსაც უეფა გზავნიდა საქართველოში პროგრამა "ჰეთთრიკის" ფარგლებში, ხოლო კლუბის მხარემ ვალდებულება აიღო გასახდელების, ტრიბუნის და მესერის რეაბილიტაციის. მინდვრის დაგება დროში გაიწელა, მისი მიზეზი იყო ფეხბურთის ფედერაციაში მომხდარი ცვლილებები, თუმცა 2010 წელს დაიგო ხალიჩა, რომელზეც ქვიშა და კაუჩუკი მოგვიანებით 2011 წელს დაიყარა. ტრიბუნაზე დამონტაჟდა ინდივიდუალური სკამები, რომლებიც „ვიტ ჯორჯიას“ ტრადიციულ ფერებში, თეთრსა და მწვანეშია, გარემონტდა და თავიდან გადაიხურა ვიპ-ლოჟა, სადაც დამონტაჟდა ტყავის სკამები, ხოლო მის ქვემოთ პრეს ლოჟა განლაგდა, სტადიონზე მუშაობს უკაბელო ინტერნეტი. განახლებული მცხეთა პარკი გაიხსნა 2011 წლის 6 აგვისტოს, სადც ერთმანეთს შეხვდენენ „ვიტ ჯორჯია“ და გორის „დილა“, თამაში მასპინძელთა უპირატესობით 4-3 დამთავრდა.
სტადიონის რეკონსტურუქციის პროექტი ამით არ დასრულებულა, გეგმაშია განათების სისტემის დამონტაჟება, საპირისპირო მხარეს ტრიბუნის აშენება, სადაც განთავსდება გასახდელები. აშენდება კარის უკანა ტრიბუნები.
მცხეთა პარკიდან მოჩანს ჯვრის მონასტერი, სვეტიცხოვლის საკათედრო ტაძარი და სამთავროს დედათა მონასტერი.
სტადიონის დირექტორი: შოთა კალომლეწავავი
ტელეფონი: 599 85 10 00
ელ. ფოსტა: witgeorgia@gmail.com
ფეხბურთელებიმეკარეები
№1 ჯონი შეროზია - 09.09.1990
№12 ლევან ისერგიშვილი - 08.03.1994
№25 მამია ტაბეშაძე - 12.08.1998
მცველები
№2 ოთარ მუხულიშვილი - 25.09.1994
№4 ბადრი ტეტუნაშვილი - 09.02.1990
№5 ალიკო ჩაკვეტაძე - 28.03.1995
№16 გიგა გურეშიძე - 28.07.1995
№20 რევაზ ჩიტიშვილი - 19.05.1994
№23 დათო საჯაია - 23.08.1993
№24 გოგა დანელია - 14.09.1995
№28 ზურაბ სეხნიაშვილი - 24.06.1996
ნახევარმცველები
№3 ირაკლი კამლაძე - 18.02.1997
№6 გურამ გურეშიძე - 08.10.1989
№8 გიორგი ვაზაგაშვილი - 08.04.1995
№13 ნიკოლოზ გაბრიჩიძე - 16.09.1997
№18 გიორგი ჭანკოტაძე - 06.05.1991
№19 შალვა ექვთიმიშვილი - 05.01.1994
№21 ცოტნე მოსიაშვილი - 14.02.1995
№27 შოთა დავლაშელიძე - 25.03.1993
თავდამსხმელები
№7 პაატა ღუდუშაური - 07.06.1997
№9 კახა კახაბრიშვილი - 08.07.1993
№10 ზურაბ ღირდალაძე - 09.06.1994
№14 გოჩა კვარაცხელია - 14.11.1995
№17 გიორგი გვასალია - 19.08.1998
მწვრთნელებითენგიზ კობიაშვილი - მთ. მწვრთნელი
დავით დიღმელაშვილი - დამხმარე მწვრთნელი / ფიზმომზადების მწვრთნელი
გრიგოლ ბედიაშვილი - მეკარეების მწვრთნელი / U-15 გუნდის მწვრთნელი
ლაშა ფირცხალაიშვილი - მწვრთნელი
პერსონალი დავით მამუჩიშვილი - ექიმი
გიორგი კენჭოშვილი - ადმინისტრატორი
თენგო საძაგლიშვილი - ფიზიოთერაპევტი
საკონტაქტო ინფორმაცია შ.პ.ს. საფეხბურთო კლუბი "ვიტ ჯორჯია"
მისამართი: 0177 - თბილისი, საქართველო, ალექსანდრე ყაზბეგის # 24.
ტელ./ფაქსი: +(995 32) 231-2400
info@witgeorgia.ge ადმინისტრაცია
press@witgeorgia.ge მედია / აკრედიტაციები
office@witgeorgia.ge საერთაშორისო დეპარტამენტი
marketing@witgeorgia.ge მარკეტინგის სამსახური
sport@witgeorgia.ge სპორტული განყოფილება
ოფიციალური ვებ-გვერდი -
http://witgeorgia.ge/ფეისბუქ გვერდი -
https://www.facebook.com/WITGEORGIAFCტვიტერის გვერდი -
https://twitter.com/fc_wit