დღეს ძალიან ცუდი ამბავი გავიგე.
მარტში გავაჩუქეთ ერთ ახალგაზრდა კაცზე ჩვენი თავშესაფრის ერთ-ერთი ბინადარი, მეტისი - ნახევრად აზიური ძაღლი ალექსი.
მთელი ამ ხნის მანძილზე ვრეკავდი მის მობილურზე, მაგრამ ახალი პატრონი არ მპასუხობდა. დღეს, როგორც იქნა დავუკავშირდი და მოვიკითხე ძაღლი. მითხრა, რომ მამამის ტერიტორიის ჭიშკარი დაეტოვებინა ღიაო და ძაღლი დაიკარგაო. თანაც ეს მომხდარა ჩუქებიდან 3 დღეში.
* * *
ალექსი ხვადი ნახევრად აზიური ნაგაზია. ის თავშესაფარში 2008 წლის მაისში მოხვდა ამერიკელი ოჯახის, ჩვენი წევრების დევიდ და ანჟელიკას მეშვეობით. მათ პატარა ყურებდაჭრილი, ოჯახიდან გამოგდებული ლეკვი შეიფარეს და ერთი თვე ჰყავდათ ბინაში. შემდგომ გადმოიყვანეს ჩვენთან. პრაქტიკულად მას ანჟელიკა უვლიდა და ხშირად დაჰყავდა ტავის პირად ძაღლთან ერთად სასეირნოდ და ამავე დროს ოჯახშიაც მიჰყავდა რამოდენიმე დღე.
ალექსი ზალიან კარგი თვისებების, მოსიყვარულე და კარგი დამცავი ძაღლი იყო. საკმაოდ ძლიერი ხასიათის და ვაჟკაცური ბუნების. ჩემთვის ძნელი იყო ალექსის გაჩუქებაზე ფიქრი, მაგრამ მას უნდა დაეთმო თავსესაფარში ადგილი გაჭირვებული ძაღლისათვის. 2009 წელს ალექსი შემთხვევით შეგვიჯვარდა, რის გამოც სემდგომ მას კასტრაცია ჩავუტარეთ, და მოგვცა 3 ძალიან კარგი ლეკვი. ერთ ერთი ტიგრიკაა, რომელიც განსაკუთრებული თვისებებით გამოირჩევა. აი ტიგრიკაც:
ალექსიზე მოთხოვნა რამოდენიმე პიროვნებამ გამოთქვა, მაგრამ ვერ გადავწყვიტე მათთვის ჩუქება. არ ვიყავი დარწმუნებული კარგი შენახვის პირობებში. მარტში დამიკავშირდა ჩემი ახლობელი და მთხოვა კარგი ძაღლი მეგობრისათვის, რომელიც მოიყვანა და გამაცნო. პოტენციურ პატრონზე კარგი შთაბეჭდილება დამრჩა, წავედით პირადად წავიყვანე ალექსი, ვნახე მისი ახალი პატრონის ოჯახი და სახლი და ეზო. კმაყოფილი დავრჩი. აგრეთვე მას კიდევ 2 ძაღლი ჰყავს და ისინიც მოვლილები სჩანდნენ. მოკლედ გადავწყვიტე ალექსის დატოვება და მივეცი ყველა საჭირო კონსულტაცია ახალ პატრონს, თან ვთხოვე, რომ ჩემთვის დროგამოშვებით შეეტყობინებინა ალექსის შესახებ.
* * *
მოკლედ მას შემდეგ ახალ პატრონს ვეღარ დავუკავშირდი, არ იღებდა ტელეფონს. რაღაც გუმანით ვგრძნობდი, რომ რაღაც არ იყო კარგად საქმე. დღეს, კი მე და თავსესაფრის უფროსმა გადავწყვიტეთ წავსულიყავით და გვენახა ალექსი. მანამდე დავრეკე, მიპასუხა იმ ახალგაზრდამ და მითხრა ცუდი ამბავი, რომ ალექსი ღიად დარჩენილი ჭიშკრიდან მე-3 დღეს გაიქცაო და დაიკარგაო.
გასაგებია, რომ ხდება ბევრი გაუთვალისწინებელი შემთხვევა ძაღლების დაკარგვის, მაგრამ ამ ხნის განმავლობაში არც დაურეკავს და არც რაიმე უთქვამს ჩვენთვის. იქნებ თავის დროზე, რომ შეეტყობინებინა მოგვეძებნა და გვეპოვა ალექსი. არც არსად განუცხადებია და ფეხი ფეხზე გადადო და დიდად არ უდარდია. მე მასზედ ძალიან უკმაყოფილებას გამოვთქვამ, რაც ვუთხარი ჩემს ახლობელს, რომელიც მან მომიყვანა.
მეცოდება ალექსი, ჯერ ვიღაც ნაძირალამ გამოაგდო ის სახლიდან ლეკვობის დროს. ყურები კი დააჭრა. ვიპოვნეთ, შევიფარეთ, გავზარდეთ, ვუწამლეთ. ზალიან ვუყვარდით. ჩვენი საზოგადოების წევრები აღფრთოვანებას ვერ მალავდნენ ალექსიზე. გავაჩუქეთ, რომ ალექსის დაეთმო ადგილი და ულუფა სხვა გაჭირვებული ლეკვისათვის. არ დამავიწყდება ალექსის გამოხედვა, როცა დავტოვე. დავპირდი, რომ მივიდოდი და ვნახავდი. გუშინ ჩვენი წევრი - თეო იყო ჩვენთან და ალექსი მოიკითხა. ნეტა ვინმე კარგ ადამიანს თუ ჰყავს? იქნებ მიეკედლა ვინმეს. ცუდია, თუ ძაღლმკვლელებმა აიყვანეს და მოკლეს.
ჩვენს მიერ გაჩუქებული ძაღლის დაკარგვა, უკვე ორგანიზაციის შექმნიდან მე-4 შემთხვევაა. ერთხელ ჩვენი გაჩუქებული ძაღლი თავსესაფრის უფროსს აჩიკოს სრულიად შემთხვევით შეხვდა სხვა უბანში. ძაღლმა იცნო აჩიკო და სიხარულით მივარდა მას. პატრონს, რომ დავურეკეთ, ზაღლი სად არისო, გვიპასუხა, გორში წავიყვანე და თავს ზალიან კარგად გრძნობსო. გავიგეთ, რომ რაღაც ჯიშიანი უჩუქებიათ და ეს ქუჩაში გაუგდია. აი ეს ვართ! ამ ხალხს არ უნდა აჩუქო არაფერი. ყველაფერი უნდა მიჰყიდო მამასისხლათ, იქნებ ცოტა ტვინი გაანძრიონ!
* * *
---------------------------------------------------------------------------------------------------------------------------------------------------------------------
ფორუმელებო! დამეხმარეთ, იქნებ აღმოვაჩინოთ სადმე ალექსი.
დაკარგული ძაღლის დახასიათება:
სახელი "ალექსი", მეტისი - ნახევრად აზიური ნაგაზი, შეფერილობა - ვეფხისებრი (წითური, რუხი ზოლებით), სქესი - ხვადი (კასტრირებული), საშუალოზე მაღალი. ყურებდაჭრილი. ხასიათი - თვინიერი.
ასაკი - დაახლოებით 2 წლის.ფოტოები:
ძაღლი დაკარგულია 2009 წლის მარტში, ავჭალაში, კონიაკის ქარხანასთან მიმდებარე დასახლებაში.
ინფორმაციისთვის დაგვიკავშირდით 877 41 90 20, "საქართველოს ცხოველთა დაცვისა და გადარჩენის საზოგადოება"
გთხოვთ გაავრცელოთ ინფორმაციები სხვადასხვა საშუალებებით.
* * *
----------------------------------------------------------------------------------------------------------------------------------------------------------------------
მე ვამკაცრებ ჩვენი ორგანიზაციის თავშესაფარში ცხოველების მიღებისა და გაცემის წესს.
აღნიშნულს გამოვაქვეყნებ ფორუმზე და საითის საშუალებით.
ერთი კი ცხადია, ძაღლის მჩუქებელმა უნდა გადაიხადოს თანხა (მეტისი იქნება თუ ჯიშიანი არ აქვს მნიშვნელობა) და გააფორმოს ჩვენთან აქტი და შეთანხმება. დარღვევის შემთხვევაში გათვალისწინებული იქნება სოლიდური ჯარიმა. შეიძლება ვეღარც ავიყვანოთ და ვეღარც გავცეთ ძაღლები, მაგრამ სხვანაირად გაგრძელება აღარ შეიძლება.
* * *
--------------------------------------------------------------------------------------------------------------------------------------------------------------------
გუშინწინ გავაჩუქეთ პოინტერი, ჩვენს საშენში გაჩენილი ძაღლი. ამ პოინტერზე საკმაოდ დიდი მოთხოვნა მქონდა ძირითადად მონადირეებისაგან. რა თქმა უნდა ფულს მტავაზობდნენ. მაგრამ გავაჩუქე და ვაჩუქე იმ შესანიშნავ პიროვნებას, რომელმაც თავსესაფრიდან ორი თვის წინ აიყვანა ალექსის ლეკვი "ტიგრიკა". მაშინ მთხოვა პოინტერიც, მაგრამ ტავი შევიკავე. არ ვიცოდი როგორ მოუვლიდა. მოკლედ ეს პიროვნება ძალიან კარგი ადამიანი აღმოჩნდა. ლეკვს უვლის კარგად. ხშირად გვირეკავს და ითხოვს სხვადასხვა კონსულტაციას. ტავსესაფრის უფროსი 2-ჯერ ესტუმრა მას და ზალიან კმაყოფილი დარჩა. ვინაიდან თამაზმა კარგად უპატრონა ტიგრიკას, ჩვენ მას გავუკეთეთ საჩუქარი. გუშინწინ დავიბარეთ და ვაჩუქეთ ხვადი 10 თვის პოინტერი. თამაზმა გუსინ დაგვირეკა და გვითხრა, რომ ლეკვები ორივე დაბანა, დაამუშავა და ძაღლები ტავს კარგად გრძნობენო. ღმერთმა გაახაროს თამაზი! მაგრამ ასეთები ძალიან ცოტაა ჩვენთან.
This post has been edited by Ralf on 16 Jun 2009, 20:43 
· 
ცხოველთა დაცვა, გადარჩენა და მათი უფლებები
