სეანსზე ნაჭამი მივედი და ამიტომ მარტო სექსის თემატიკაღა მაინტერესებდა...
და ალბათ ანალოგიურად დარბაზში მსხდომ 15იოდე ყმაწვილს და ორ გოგონასაც.
ნუ რა ვთქვა, რაღაც პონტში თან მიტყდება და თან მეზარება კიდეც ამ ფილმზე ბევრის თქმა და დაწვრილმანება;
გრძელი სიტყვა მოკლედ ითქმისო და, მოდი მე ისე ვიზამ, რომ ძაან გრძელ სიტყვას ვიტყვი შედარებით ოდნავ გრძლად და სიმოკლეში ჩამეთვლება.
აღმა-დაღმა რო დაუქრის იდეოლოგიები და ფასეულობები _ ეგეთი ქვეყნების კულტურებისთვის დამახასიათებელია,
რომ რაღაც ეტაპზე რამე ამდაგვარი უნდა შეიქმნას და ეს გარდაუვალია, თუნდაც "საჭიროც" დავარქვათ ამ გარდაუვალს.
საქართველოს შემთხვევაში ეს რამე რა თქმა უნდა სექსზეა.. ნუ ჭამის თემატიკა იმ მოკლე კაბასავითაა _ სიმბოლურ ხასიათს რო ატარებს მისი თანმხლება და უმისოდაც რო ცხადზე ცხადია პროლოგიც და ეპილოგიც.
აბა მარტო სექსი ხო არ ერქმეოდა ფილმს...
ხო და კიდევ კარგი რომ ასეთი "საჭირო რამე" ისევ ლიფონავამ გადაიღო. მისნაირი კალიბრის რეჟისორისთვის ნამდვილად ნორმალური ნამუშევარია, შეიძლება კარგიც კი.
ვიღაცამ ხო უნდა იკისროს -1დან 0 მდე გადასადგმელი ნაბიჯიც.
დარბაზიდან გამოსული ხალხი ძირითადად იმით იყო დაკავებული, რომ ან პროტესტის ნიშნად დუმდა, ან ნაძალადევად საუბრობდა მეგობართან...
მაგალითად, ფილმის განათებას აქებდა (თუმცა მე უფრო იმ წვრილთვალება იაპონელს შევაქებდი, ვინ ის გასანათებელი აპარატურა ისე კარგად გამოიგონა, რომ on/off ღილაკი სრულიად საკმარისია იმისთვის, რომ ქართულ პუბლიკას ათქმევინო "განათება კარგი იყოო"). ბოლო დროს ეს განათების და კამერის HD ხარისხში ქონის ფაქტის ფილმის პლიუსად მოყვანა იმდენ ქართულ ფილმზე მოვისმინე, რომ ღირდა ეს ერთი აბზაცი დაწერად. ნუ იმ ხალხმა განათება რა არის რო არ იცის და მაგ სნობიზმე რომ ცალკე ამდაგვარი ფილმის გადაღება შეიძლება - ეგ კიდე სხვა თემაა.
ასეთი პლიუსები კიდევ ბევრი მოვისმინე...
დარბაზიდან გამომავალთა მეორე გასახსენებელი ასპექტი: ფილმის იუმორი...
"განდონები სადაა ეე!" _ ამ ფრაზაზე რო ყველაზე მეტს იცინებს დარბაზი (თანაც ამ ფრაზას რომ ჩვენი ოფისის მყუდრო იტყვის უკვე მოყირჭებული ინტონაციით), იქ ჩემი საყვარელი სიტყვის _ "იუმორის" ხსენება ცოტა არ იყოს ტეხავს... ნუ მივეჩვიეთ პახაბნობებს... ყველაზე ცუდი ზუსტად ისაა, რომ ამ ფილმში ყველაფერი ისეთივე პახაბნია, როგორ პახაბნობაზეც თავად ეს ფილმია გადაღებული, ოღონდ ეს სპეციალურად არაა ასე. (ახლა ვიღაცა მეტყვის ეგ ნეორეალიზმიაო და ეგრეც უნდა იყოსო; ან დამითვლის რამდენჯერაა სიტყვა fuck ნახმარი ტარანტინოს რომელიმე ფილმში)...
თემატიკა _ პროფილის და ნანუკას შოუს დონის ისტორიები, ფორუმის "ქალი და მამაკაცის" განყოფილების დონის თემები და ამბები, ყველაფერი ისედაც ნაცნობი _ გადაღებული და ეკრანზე გადმოტანილი იმისთვის, რომ ვისაც ამ ყველაფრის ეკრანზე და ფართო მასების მიერ ნახვა უნდოდა იმან თქვას _ ეგე, ხო მაინც ითქვა ხმამაღლაო!... : )) და თქვითკმაყოფილება იგრძნოს.
პრინციპში რაღაც საინფორმაციო გადაცემა ან სკეჩი უფროა, ვიდრე ფილმი. განა იმიტომ რომ რამდენიმე ისტორიაა, უფრო იმიტომ რომ არაფერს არ გაძლევს.
გამოვედი და მივხვდი რომ არაფერი გამოვიტანე. და განა იმიტომ რომ ეს ყველაფერი ისედაც ვიცოდი და ამ მარაზმს რაზეც ფილმი იყო, ისედაც ყოველდღე ვხედავ.... უფრო იმიტომ რომ, ისეთი შეგრძნება მქონდა თითქოს რეჟისორი დაჯდა და მეჭორავა, მომიყვა 5 ამბავი, ყველანაირი მორალის და იდეოლოგიის გარეშე. მომიყვა ნაცნობი ამბები განსხვვებული პერსონაჟებით, აი გმირებს სახელებს რო უცვლიან მარტო _ ისე. ჭორიდან ჭორამდე სამწერტილები დასვა და მითხრა _ აი აქ რაღაცას ვგულისხმობ და აბა მიხვდი რასო...
კი მინდოდა მეთქვა _ ეგ შენი სამწერტილები რაღაცის კარგად ვერთქმას უფრო გავს, ვიდრე რაიმე გენიალურის გულისხმობას მეთქი, მარა მომერიდა ხელოვან კაცთან.
მოკლედ, რაღაც დონეს დააკმაყოფილებს ეს ფილმი რა თქმა უნდა,
თავის სათქმელს იტყვის და თავის პატარა საქმეს გააკეთებს
(ნუ თუ ვერ გააკეთებს _ სადაც ხელოვნება ვერ გაქაჩავს იქ მარკეტინგი წაეხმარება).
მერე რა რო დარბაზები არ ივსება, ფილმის სპონსორ ტელეარხზე გავა და იქ მაინც ხო ნახავს ხალხი, რეკლამებს შორის...
რა თქმა უნდა, ამ ფილმის მაყურებელთა და შემფასებელთა საზოგადოებაც ჩვეულებისამებრ დაიყოფა სამ ძირითად კატეგორიად:
1). ვინც ფილმში იმაზე მეტი დაინახა ვიდრე რეჟისორმა იგულისხმა.
2). ვინც ვერაფერიც ვერ დაინახა, დაიბოღმა, გრძელ-გრძელი რეჩები დაარტყა და წავიდეს ერთი თვითონ გადაიღოს უკეთესები.
3). ვისაც კიდია.
მესამე გინდ ყოფილა გინდა არა და...
პირველი ორი კატეგორია იმედია თანაბრად იქნება, რომ კამათმა ჭეშმარიტება შვას.
ჭეშმარიტებამ _ ინტელექტი.
ინტელექტმა კიდევ _ კარგი ფილმები
ჭამა და სექსი (2011), 31 მარტიდან კინოთეარებში ...
