მინდა, რომ ყველამ წაიკითხოთ, რადგან აქ არა მარტო მომუშავე პერსონალის, არამედ კლიენტების უფლებებიც ილახება.
მინდა მოგიყვეთ ზოო მაღაზიების ქსელ "ზოოსამყაროზე",სადაც ყველაზე დიდი იმედგაცრუება განვიცადე.
მომავალი ვეტერინარი ვარ,ცხოველები უზომოდ მიყვარს და ვაკანსია იდეალურად მიმაჩნდა. პირველად ორ კვირიან სტაჟირებაზე გამიშვეს, სადაც დამპირდნენ რომ ყველაფრის კონსპექტს ჩამაწერინებდნენ,მაგრამ ისეთ ფილიალში მოვხვდი,სადაც ორი კვირის განმავლობაში ჩემი პრაქტიკა უბრალოდ სკამზე ჯდომა იყო - "ჯერ იჯექი მხოლოდ და მიყურე",ამიტომ ბევრის სწავლა დამოუკიდებლად, ინტერნეტში მომიწია. შემდეგ უკვე სხვა ფილიალში რომ გადამიყვანეს, ჩემი "2 კვირიანი" სტაჟირება გაიწელა 4 თვე. რა თქმა უნდა, უფროსი ყოველ კვირას მირეკავდა შემდეგი ფრაზებით " ორ კვირაში ადგილი გამითავისფლდება"," აი ერთ თვეში სასწრაფოდ დამჭირდება ახალი კადრი,შენ მთავარია იარე ყოველდღე", და მსგავსი ფრაზები ყოოოველ კვირას. მეც არ ვანებებდი თავს, რადგან პირველ რიგში ამდენი დრო შევახარჯე,მერე ძალიან მინდოდა ისეთი სამსახური, სადაც ცხოველებთან ვიქნებოდი დაკავშირებული. მოკლედ, როცა როგორც იქნა მუშაობა დამაწყებინეს, არანაირი ხელშეკრულებაც კი არ ჰქონიათ.
ყველაზე მთავარით დავიწყებ, ხელფასით. ძალიან გვიან გავიგე, რომ აქ ფიქსირებული ხელფასი საერთოდ არ აქვთ,მხოლოდ ნავაჭრის 3%(სრული განაკვეთის), ანუ მე რომ იქ 12 საათი ვიჯდე და კლიენტი უბრალოდ არ
შემოვიდეს მაღაზიაში, არავის ადარდებს ჩემი დაკარგული დრო. ყველაზე სასაცილო ის არის, რომ ამ 3%საც არ გვაძლევენ, რადგან ოთხივე ფილიალში ყოველ თვიურად დანაკლისი 90 ლარს სცდება. სულ ორი თვე ვიმუშავე. პირველ თვეს 149 ლარის დანაკლისი მქონდა, მეორე თვეს კი 423 ლარი!!!! თანაც, მეორე აღწერა არა ერთ თვეში, არამედ 52-ე დღეს ჩაატარეს, მანამდე ხელფასი უბრალოდ არ გვქონდა. და 52 დღიანი მუშაობის შედეგად 480 ლარის მაგივრად მივიღე 275 (3 ლარი მომიმატა უფროსმა, რაც შემდეგ დამამადლა). მე არმესმის, როგორ შეიძლება ვიყო ისეთი დებილი, რომ კლიენტს 20 კილოგრამიანი ტომრები ვაჩუქო, ან მე თუ დებილი ვარ,მაშინ ყველა სხვა კონსულტანტს რატო აკლდება 5,10 და 15 კილოგრამი საკვებები? თან ძაან უნამუსოდ თვალებში გვიყურებენ და გვაჯერებენ რომ ეს ყველაფერი ჩვენი დაკარგულია,ან კლიენტს ვჩუქნით, ან ჯიბეში ვიდებთ.რა თქმა უნდა კომპიუტერი ნაშთებს არ ანახებს და არც ის ვიცით ყოველდღე რომ ჯდება მენეჯერი კომპიუტერთან და თავისთვის რაღაცას რომ აწკაპუნებს, რა რაოდენობის პროდუქტი შეჰყავს ან რა რაოდენობისას აკლებს, ყველა დანაკლისი ან გადარევა ჩვენი,კონსულტანტების ბრალია. რომ კითხო მენეჯერს არაფერი "ეშლება" და ყველაფერი სწორად შეყავს კომპიუტერში, უბრალოდ იმ პროდუქციის ნაშთს რომელზეც ჩვენ ვართ პასუხისმგებელი ცოცხალი თავით არ გვანახებენ.
როცა მივედი მოლარე-კონსულტანტის პოზიციაზე აღმოჩნდა,რომ ვალდებული ვარ დამლაგებლის სამსახური შევასრულო, რაც მოიცავს:
1. ყოველდღე ზღვის გოჭების განავალის,შარდის და ბეწვის მოსუფთავებას. თანაც გალიები აქვთ ხის და რკინის, არანაირი ნახერხი, უფროსობას კი იმდენი ჭკუა არ ჰყოფნის, რომ იცოდეს,ასეთი გალია შეუფერებელია ამ ცხოველისთვის, რადგან ბოლომდე არ ირეცხება და მთელი სუნი დიდი ხანია უკვე ჩამჯდარია გალიის ამ მასალაში. რა თქმა უნდა გაფუჭებულია, რის გამოც რასაც ცხოველები მოისაქმებენ ყველაფერი ისეთ ადგილად ჩადის, სადაც დალაგება ფიზიკურადაა შეუძლებელი და ჩნდებიან მატლები.
2. ჩიტების გალიების მოსუფთავება (იგივე პირობებში)
3. ზაზუნების გალიები
4. კუს აკვარიუმის დაწმენდა (ყოველდღე)
5. თვითონ მაღაზიის და მიმდებარე ტერიტორიის დალაგება, ანუ ყოველდღე, ნებისმიერ გამვლელს შეუძლია ჭამოს მაღაზიის კიბეებზე მზესუმზირა, დაასხას ლუდი ან ბევრად საშინელი ნივთიერებები, ჩვენ კი ვალდებულები ვართ ყველაფერი ვალაგოთ, უფასოდ!!!! და უფროსობას თავისუფლად შეუძლია შემოვიდეს, დაიჯღანოს 'ფუ რა სუნიაო' და მეორედ მოითხოვოს ამ ყველაფრის დალაგება.
ამ ყველაფრის შემდეგ, მაღაზიამ საპონით მხოლოდ აღწერის დღეს უზრუნველგვყო.
რაც შეეხება მაღაზიაში ამ საწყალი ცხოველების კვებას, გვავალდებულებდნენ ზღვის გოჭებისა და ზაზუნებისთვის მიგვეცა ხბოს საჭმელი, და რაღათქმა უნდა გვავალდებულებდნენ კლიენტებისთვისაც ანალოგიური მიგვეყიდა. როცა ამაზე პრეტენზია გამოვთქვი უფროსმა მტკიცება დამიწყო იგივე შემადგენლობააო, რაც სრული აბსურდია, ეს იმ საწყალი ცხოველების ჯანმრთელობაზეც აისახა და მიწევდა ჩემი ხარჯებით მიმეტანა ყოველდღე ბოსტნეული. როცა უფროსს ვუთხარი,რომ არ მომწონს, ასეთი ნაგავი საკვები რომ უნდა ვაჭამო ცხოველებს ჩემი ხელით, უფროსმა ძაან დამცინავი ტონით შენ ახლა ძალით ცხოველების დამცველი ნუ გამოხვედი შენი ეგ არ გეხებაო. ვინაიდან გაფუჭებულ გალიებს შევეხე, იმასაც აღვნიშნავ რომ მაღაზიის კუთვნილი გალია თავისით გააღო 70 ლარიანმა ჩიტმა და ისე ჩუმად გაფრინდა, ვერავინ რომ ვერ შეამჩნია, კამერებით ვნახეთ მერე და ძალიან უნამუსოდ, ჩვენ ჩამოგვაწერეს ხელფასებიდან ეს თანხა, მაღაზიის ბანძი გალიის გამო ჩვენ დაგვეკარგა ეგ ფული,რომელიც მართლა დიდი შრომით გვეკუთვნოდა!
დანაკლისში გვაქვს მუდმივად ის საკვები, რომელიც ზოგადად იშვიათად იყიდება, ჩვენ კი მაღაზიის ცხოველებს ვაჭმევთ და მენეჯერი ვალდებულია ეს ჩამოწეროს, მაგრამ აშკარაა ამ ვალდებულებას ცუდად უმკლავდება.
ახლა გადავალ იმაზე, რაც უფროსობას ყველაზე მეტად უყვარს, კლიენტების მოტყუება. რა გასაკვირია,რომ მაღაზიის ფანჯრებზე უზარმაზარი ასოებით უნდა ეწეროს "ფასდაკლებები", "აქცია", როცა რეალურად 5 თეთრს არ შეარჩენენ არავის და უბნის ყველაზე ძვირი მაღაზიაა. იქ სამსახურში არ აგიყვანენ ისე, თუ მაქსიმალურად არ იცი როგორ "შეტენო" კლიენტს პროდუქტი, არ აქვს მნიშვნელობა სჭირდება თუ არა ეს მას, უნდა მოატყუო და დააჯერო. როცა მოდის 1 კილოგრამ საკვებზე უნდა გაატანო წამალი, აქსესუარი, და ყველაფერი რასაც მისი ფინანსური მდგმარეობა გასწვდება. უნდა დააჯერო გენმოდიფიცირებული საკვების ნატურალურობაში. თუ იატაკზე დაიყარა საჭმელი, არც ერთი მარცვალი დაიკარგება და დაბრუნდება ტომარაში. კაი შეიძლება ამაზე ზოგს პრეტენზია არ ჰქონდეს რადგან ცხოველისაა, მაგრამ როცა წლების განმავლობაში ცოცხს და აქანდაზს არ ცვლი და რამდენიმე წლის მტვერთან და მზესუმზირის ნაჭუჭებთან ერთად უკან აბრუნებ ამ საკვებს და ყიდი,ცოტა ტეხავს. ყიდიან ძველ საკვებსაც ,შეიძლება ვადა არ ჰქონდეს გასული, მაგრამ როცა 6-7 თვის განმავლობაში დევს გახსნილი და ამას ყიდი, საკვები უკვე ნაგავია.
თვე არ იყო დასრულებული, მენეჯრმა რომ გამომიცხადა, რომ ადრე მაღაზია 08:30ზე იხსნებოდა და ხვალიდანაც ეგრე უნდა იყოსო (09:00ზე ვხსნიდით ყველა),დაგვაინების შემთხვევაში ჯარიმა არის 50 ლარიო.
ყოფილა ისეთი შემთხვევებიც, როცა მენეჯერი თავისით ურეკავს და უთანხმდება ვინმეს რომ რამე პროდუქტი მომიტანოს,ჩემთან დარეკვით და გაფრთხილებით კი არ იწუხებს თავს, მე ვარ ვალდებული დავურეკო და ვკითხო, შეიძლება თუ არა რომ ეს პროდუქტი მივიღო და გავცე თანხა. პროდუქტის შემოტანა თითქმის ყოველდღე ხდება და მაღაზიას არ აქვს საკუთარი ტელეფონი, უნდა დავრეკო ჩემი ხარჯებით. ერთ-ერთ დღეს მობილური საერთოდ არ მქონდა თან და ვიღაც კაცი თავისით რომ მომიგზავნა და არ გამაფრთხილა, ამის გამო კიდე მე მეჩხუბა რომ არ გადავურეკე და მიყვირა ისე, როგორც არავის დაუყვირია ცხოვრებაში. რაც მთავარია, მეტრაბახებოდა იმით რომ მთელი ნავთლუღი იცნობს
და ბოლოს, ხელფასის მოცემამდე არ ვიძახდი, რომ წამოსვლას ვაპირებ, რადგან მერე 400 ლარის ნაცვლად 500 დამაკლდებოდა და როცა უფროსმა ეს გაიგო ნერვიულობას ძლივს მალავდა, თურმე ხელშეკრულების და ყველაფრის გარეშე, ვალდებული ვიყავი გამეფრთხილებინა, თორემ ვაჭრობა ჩაუვარდებოდათ რადგან ახალი კადრის მოძებნას ვერ მოასწრებენ და შენ ვალდებული ხარ იარო სანამ ვინმე ახალს ვიპოვიო. როცა გაიგო რომ მისი ვაჭრობა საერთოდ არ მადარდებს შემდეგი მიპასუხა " შენ შვილო ავადმყოფი ყოფილხარ და არანორმალური". ხოდა ქალბატონო ნ...ა, იმედია ეს პოსტი თქვენამდე მოვა და ნახავთ რომ ისეთ ავადმყოფ ბავშვთან, რომლებიც ჯამში 100-200 კილომდე საკვებს კარგავენ და ასეთ ინფორმაციას გივრცელებენ, აღარ ღირს კონტაკტის დაჭერა. ისტერიჩკა,უზრდელ მენეჯერს შეგახსენეთ რომ არანაირი თანამდებობა არ გაძლევთ ამდენის უფლებას.
ხშირად სჭირდებათ კადრები და არავითარ შემთხვევაში არ წახვიდეთ ამ მატყუარა ხალხთან და არც განცხადებაში დაწერილი 600-800 ლარიანი ხელფასები არ დაიჯეროთ!!! “
#არამონობას
მიმაგრებული სურათი
· 
განყოფილების მთავარი თემა, NEW SEASON.. UNITED WE STAND!
