#43696722 · 8 Feb 2015, 14:09 · · პროფილი · პირადი მიმოწერა · ჩატი
ადვოკატის როლი სისხლის სამართლის საქმის საწყის სტადიაზე ალბად ყველას სმენია ადვოკატის მიმართ გამოთქმული უარყოფითი გამონათქვამები და ეპითეტები. ეს ერთი მხრივ გამოწვეულია ადვოკატის მიმარ გადაჭარბებული მოლოდინებით და მეორეს მხრივ იმ იმედგაცრუებებით, რაც ამ გადაჭარბებულ მოლოდინების შემდეგ დგება. ახლა მოკლედ აღვწერ, თუ რა ევალება ადვოკატს, როცა იგი იწყებს ახალდაკავებული ბრალდებულის დაცვას ვიდრე ბრალდებულის სასამართლოს წინაშე პირველად წარდგენით დამთავრებული: 1)აფორმებს შეთანხმებას მხარესთან 2) ხვდება ბრალდებულს და არკვევს მის პოზიციას ბრალდებასთან დაკავშირებით. 3) ბრალდების წარდგენის შემდეგ ითხოვს საქმის მასალებს გამომძიებლისაგან; ამასთან ერთად, იმისათვის რომ დაკავებულ ბრალდებულს აღკვეთი ღონისძიების სახით არ შეეფარდოს დაპატიმრება (როცა მას ემუქრება დაპატიმრება), ან საერტოდ არცერთი აღკვეთი ღონისძიება, ამისათვის მისი ადვოკატი ავალებს ბრალდებულის ახლობლებს მოიძიონ და წარუდგინონ შემდეგი სახის დოკუმენტაცია ა) ბრალდებულის დახასიათება (როცა დადებითად ხასიათდება) ბ) ცნობები მისი ოჯახური მდგომარეობისა და ოჯახის წევრთა ჯანმრთელობის შესახებ (ოჯახში მისი როლის გამოსაკვეთად, როცა ოჯახის წევრებს მისი დახმარება სჭირდებათ) გ)ცნობები ჯანმრთელობის შესახებ (როცა ბრალდებული ავადაა, ხოლო დაპატიმრება გააუარესებს მის ჯანმრთელობას) დ)ცნობას ბრალდებულის ქონებრივი მდგომარეობის შესახებ (როცა ბრალდებულს და მის ადვოკატს სურთ მიმართონ სასამართლოს თხოვნით გირაოს შეფარდების თაობაზე, ) ე)მტკიცებულებას დაზარალებულისათვის ზიანის ანაზღაურების თაობაზე (თუ ზიანი ანაზღაურებულია) ვ) ცნობა სამუშაო ადგილიდან (თუ იგი მუშაობს. ამასთან მით უკეთესია ისეთი ცნობები, თუ რამდენად შეუცვლელია იგი სამუშაოზე, რომ მისი დაკავება ნეგატიურად აისახება სხვა სრულიად უდანაშაულო მრავალ ადამიანზე) ზ) ცნობები მისი დამსახურებებისა და ჯილდოების შესახებ (თუ ასეთები არსებობენ. ეს არის დადებითი დახასიათების კიდევ ერთი და საკმაოდ ძლიერი მტკიცებულება) თ) მტკიცებულებები ბრალდებულის უდანაშაულობის შესახებ (როცა იგი თავს არ სცნობს დამნაშავედ, და როცა მხარე შეძლებს კანონით დადგენილი წესით მის მოპოვებას. ი) სხვა მტკიცებულებებს, რომელიც ვერ მოხვდა ჩამონათვალში, და რომლის წარდგენაც საჭირო იქნება ბრალდებულის ინტერესებიდფან გამომდინარე. კ)ესწრება ბრალდებულისათვის ბრალის წარდგენასა ბრალდებულის დაკითხვის პროცესს; იმ მტკიცებულებებს, რომელთა შეკრებასაც დაცვის მხარე შეძლებს ბრალდებულისათვის სასამართლოში პირველად წარდგენამდე, გადაუგზავნის სასამართლოს და საქმის ხელმძღვანელ პროკურორს, რის შემდეგაც იმართება სასამართლო სხდომა, ანუ ბრალდებულის პირველად წარდგენა სასამართთლოში, სადაც წყდება ერთი საკითხი შეეფარდოს თუ არა ბრალდებულს ესა თუ ის აღკვეთთი ღონისძიება. ამ სასამართლო სხდომაზე ადვოკატი ცდილობს დაარწმუნოს მოსამართლე, რომ არ დააკმაყოფილოს პროკურორის შუამდგომლობა მოთხოვნილი აღკვეთი ღონისძიების შეფარდების შესახებ და შეუფარდოს უფრო მსუბუქი აღკვეთი ღონისძიება, ან საერთოდ არ შეუფარდოს არცერტი. ადვოკატი ცდილობს დაუმტკიცოს სასამართლოს რომ პროკურორის მიერ მოთხოვნილი აღკვეთი ღონისძიება გამოყენება მიზანშეწონილი არ არის. ამისათვის იგი იშველიებს იმ მტკიცებულებებს, რომელთა შეგროვება და წარდგენა მოასწრო იმ პერიოდში. ეს პერიოდია 48 საათი ბრალდებულის დაკავების მომენტიდან, რადგან დაკავებიდან 72 საათში მოსამართლემ უნდა გადაწყვიტოს მისი აღკვეთი ღონისძიების საკითხი. ყველაზე მძიმე აღკვეთი ღონისძიებაა პატიმრობა. გარდა პატიმრობისა კანონი ითვალისწინებს შემდეგი სახის აღკვეთ ღონისძიებებს: -გირაო, არასრულწლოვანი ბრალდებულის მეთვალყურეობაში გადაცემა; შეთანხმება გაუსვლელობისა და სათანადო ქცევის შესახებ; პირადი თავდებობა; სამხედრო მოსამსახურის ქცევისადმი სარდლობის მეთვალყურეობა და პატიმრობა. ყველაზე მძიმე აღკვეთი ღონისძიებაა პატიმრობა. რა ტქმა უნდა ჩემს მიერ აღწერილი სურათი არასრულია, მაგრამ შეიძლება ითქვას, რომ სისხლის სამართლის საწყის სტადიაზე დაცვის მხარე ძირითადად დაკავებულია ჩემს მიერ ცამოთვლილი მტკიცებულკებების მოძიებით და სასამართლოსა და პროკურორისათვის წარდგენითა და ბრალდებულის პოზიციის დაცვით სასამართლოსა და გამოძიებაში. სისხლის სამართლის ამ ეტაპზე არ იხილება ბრალდებულის დამნაშავეობისა თუ უდანაშაულობის საკითხი, არამედ მხოლოდ იხილება ბრალდებულს უნდა შეეფარდოს თუ არა ესა თუ ის აღკვეთი ღონისძიება. ბრალდებულს აღკვეთ რონისძიებას უფარდებს მოსამართლე. მაგრამ აღსანიშნავია, რომ უმეტესწილად ამ ჭიდილიდან გამარჯვებული გამოდის პროკურორი, რასაც თავის ობიექტური მიზეზები აქვს . ეს იმას არ ნიშნავს, რომ ადვოკატის ბრალია რომ მან ვერ შეძლო ბრალდებულის გათავისუფლებისათვის მიღწევა სასამართლო დარბაზიდან, თუმცა შესაძლოა რომ მან ამისათვის ყველაფერი გააკეთა. მაგრამ ისიც არის საინტერესო, თუ რამდენად გაისარჯა ამისათვის ადვოკატი. სისხლის სამართლის საქმის განხილვა ამით არ თავდება. იგი გრძელდება მანამ სასამართლო არ მიიღებს საბოლოო გადაწყვეტილებას საქმეზე, თავისი გასაჩივრებებით და სხვადასხვა უფლებადამცველ;ი სტრუქტურებისადმი და ორგანიზაციებისადმი მიმართვით.
|