საკომისიო მაღაზიის შემოსავალი და ა.შ., პრიზი მას, ვინც იცის! :)

მოკლედ, მაქვს რამოდენიმე შეკითხვა, რაზეც ოფიციალური სტრუქტურებიდან წესიერი პასუხი ვერ მივიღე. მაპატიეთ, თუ დილეტანტურად დავსვი შეკითხვები.
საქმე ეხება კლასიკური ( კომუნისტური ) გაგებით საკომისიო მაღაზიას, სადაც მივა კაცი/ქალი ( ფიზიკური პირი) და თავის პირადი მოხმარების ( ახალს ან ნახმარს ) ნივთს მიაბარებს მაღაზიას და მხოლოდ გაყიდვის შემთხვევაში მიიღებს თანხას ისიც ( კომიტენტი) და საკომისიო მაღაზიაც.
1) საკმარისია თუ არა, რომ მხოლოდ "ნივთის რეალიზაციამდე შენახვის დროებითი ხელშეკრულების" საფუძველზე დაიტოვოს მაღაზიამ ნივთი, ისე რომ არ მოახდინოს მისი შეძენა, ანუ ბალანსზე აყვანა და ა.შ. სხვა საგადასახადო პროცედურები?
იგივე პრინციპით მუშაობს ალბათ "ბავშვთა სამყაროსთან" 100% მეორადი მობილურების მაღაზიები.
2) რა ითვლება საკომისიო მაღაზიის შემოსავლად, რეალიზაციიდან შემოსული სრული თანხა, თუ მხოლოდ საკომისიო?
ავღნიშნავ, რომ იმ შემთხვევაში, თუ წინა შეკითხვის გათვალისწინებით, შეუძლია მაღაზიამ ნივთი შენახვაზე დაიტოვოს, არც რეალიზაციის მომენტშია ის მაღაზიის საკუთრება!
3) რა თანხაზე უნდა ამოარტყას ჩეკი საკომისიო მაღაზიამ? სრულ ღირებულებაზე, თუ მხოლოდ საკომისიო თანხაზე?
ვხვდები, რომ ალბათ სრულზე, მაგრამ მაშინ რითი ახსნას გაზრდილი შემოსავალი, როცა ხარჯი არ აქვს გაწეული საქონლის შეძენაზე ?? მისი შემოსავალი ხომ მხოლოდ საკომისიოა და მაქედან უნდა დაანგარიშდეს მოგება/ზარალი?
4) საგადასახადო კუთხით ანგარიშვალდებულია თუ არა კომიტენტი ( ფიზიკური არაგადამხდელი პირი) ნივთის რეალიზაციიდან მიღებულ თანხაზე ?
საშემოსავლო უნდა გადაიხადოს ?

თითქოს ადვილი შეკითხვებია, მაგრამ ჩემთვის დილემა გახდა!!

express
1. ვადიანი ან უვადო კონსიგნაციის წესით მუშობს სადილერო ქსელის უმეტესობა, გაუყიდავი/ვადაგასული ან მის პირას მისული საქონელი უკან უბრუნდება მიმწოდებელს (მაგ.-ად, გუდვილი აბრუნებს უკვე მაშინ, როცა ვადიანობის 1/4 ჯერ კიდევ დარჩენილია, თუ დიდ სეილ-აქციაზე არაა თანახმა მიმწოდებელი), ანუ შეუძლია, თუმცა შენახვის ხელშეკრულება აქ არაფერს შუაშია და მეორადი მობილურების ჩამბარებლებსაც შესყიდვის ფასი, როგორც წესი, უცებვე ეძლევათ ხელზე...
2. სრული თანხა...
3. სრულ თანხაზე, მაგრამ სავაჭრო ობიექტის საერთო შემოსავლები მერე ექვემდებარება გარკვეულ დაქვითვებს და მიმწოდებლისათვის/ჩამბარებლისათვის გადახდილი თანხაც შედის ამ დასაქვით მასაში...
4. მაღაზია/რეალიზატორი არ არის მიმწოდებლის/ჩამბარებლის საგადასახადო აგენტი, ამ უკანასკნელთაგან იურპირი თავად იხდის თავის მოგების გადასახადებს და ფიზპირი საშემოსავლო გადასახადებს...


პ.ს. დამთავრდა კაი ხანია სოციალიზმი და მასთან ერთად საკომისიო მაღაზიების ცნებაც, ჩათვალე, რომ ყველა მაღაზია საკომისიოა უკვე და ცენტრალიზებულ სახელმწიფო მიწოდებებს აღარ ექვემდებარება...

kodeqsi
გმადლობ ვრცელი და კომპეტენტური პასუხისთვის

ანუ, მაგალითად ფიზპირმა თუ ჩააბარა 300 ლარად ნახმარი ტანსაცმელი, რომელიც გაიყიდა და აიღო ფული, - რას იხდის ?

express
ასეთი კითხვები უკვე ფინანსების და ბუღალტერიის განყოფილებაში უნდა დასვა... 300 ლარი კია მისი შემოსავალი, მაგრამ ის შევა ერთობლივ შემოსავლებში და დაექვემდებარება გაქვითვებს, ხოლო დარჩენილი თანხა იქნება დასაბეგრი... რამდენი დაექვითება, რამდენად შეფასდება, რის საფუძვლებზე, ვის მიერ, რა ვადებში და რომელი პროცედურების დაცვით, ეს დეტალურად თუ გაინტერესებს თავის სხვადასხვაგვარი სხვადსხვაკომპონენტებიანი კომბინაციებითურთ, იკითხე ზ/ხსენებულ განყში ან ამოიკითხე საგადასახადო კოდექსის შესაბამის მუხლებში მათი შესაბამისი კანონქვემდებარე აქტების გაცნობითურთ...