ფრანგული სამზარეულოს თემა ვეღარ ვიპოვე რეცეპტის დასაწერად, ამიტომ აქ დავწერ და მოდერს ვტხოვ გადაიტანოს . პეპის ბლოგზე ვწერე, ვწერე, და ატვირთვისას ნეტი გამეთიშა და წამეშალა
. მაშ ასე: ცომის (pâte brisée) ორი ვარიანტია,
1) 200 გრ ფქვილი, 100 გრ კარაქი, 1/2 ჩ.კ მარილი და 60 მლ წყალი.
2) 200 გრ ფქვილი, 125 გრ კარაქი, მარილი
ეს რაოდენობა განკუთვნილია 26-28 სმ დიამეტრის ფორმისთვის
სოუსი: 200მლ ნაღები(მე არაჟანი გამოვიყენე) 2 კვერცხი, მარილი, პილპილი, ცოტა მუსკატის კაკალი
გულსართი: 250 გრ სოკო, უმჯობესია არა დაკონსერვებული, 250-300 გრ ლორი (ან დაბრაწული ბეკონის ნაჭრები), 1 ხახვი, 200 გრ ყველი
თუ ცომს ხელით აკეთებთ, კარაქი უნდა იყოს დარბილებული, ხელით კარგად აურიეთ და მიიღებთ ფხვიერ მასას, შემდეგ დამატებთ წყალს და კარგად დაზილავთ ცომს, სანამ არ გახდება ელასტიური. ცელოფანში გაახვიეთ და მინიმუმ ერთი საათით შედგით მაცივარში.
ხახვი და სოკო სწრაფ ცეცხლზე მოშუშეთ სანახევროდ(შეგიძლიათ პირდაპირ გამოიყენოთ , მოშუშვის გარეშე), ლორი დაჭერით კუბიკებად, ყველი გახეხეტ.
ცომი გააბრტყელეთ და ჩადეტ ფორმაში, ამოუყვანეთ გვერდები, დაჩხვლიტეთ, ზედ დააფინეთ ქაღალდი, რომელზეც დააყრით რამე მარცვლეულს, ლობიო, ბარდა და სხვ. (ეს საჭიროა იმისთვის რომ ცხობისას ცომი არ ამოიბურცოს. 180გრადუსზე აცხვეთ 20 წუთი, შემდეგ გამოიღეთ და დააყარეთ სოკო და ლორი, დაასხით სოუსი, სემდეგ ყველი და შეაბრუნეტ ღუმელში დაახლოებით 30 წუთი. ხომი რომ გაოქროსფერდება, ე.ი. გამოცხვა, ზედაპირი დაუბრაწეთ გრილზე.
თუ ლორი არ გიყვართ სეცვალეთ თევზის ფილეთი ან ქათმის ხორცით
mariaaმოწონება ნამდვილად დაიმსახურა
fermina
· 
დღეს გავაკეთე XII, კულინართა დღიური
