მოგესალმებით და გიწვევთ თბილისის 2013 წლის საერთაშორისო კონფერენციაზე, რომელიც ტვინის ნორმალურ და პათოლოგიურ ფუნციებს ნეირომეცნიერებისა და მედიცინას თვალთახედვით წარმოგვიდგენს.
თბილისის 2013 წლის I საერთაშორისო კონფერენცია
„ტვინის დაავადებები: ნეირომეცნიერებისა და მედიცინის გზაშესაყარზე“2013 წლის 30 სექტემბრიდან 3 ოქტომბრის ჩათვლით საქართველოს აგრარული უნივერსიტეტის პატრონაჟით და კოგნიტიურ ნეირომეცნიერებათა ინსტიტუტის თაოსნობით თბილისის აგრარულ უნივერსიტეტში გაიმართება ნეირომეცნიერთა და მედიკოსთა ერთობლივი საერთაშორისო კონფერენცია - „ტვინის დაავადებები: ნეირომეცნიერებისა და მედიცინის გზაშესაყარზე“.
კონფერენციის მიზანია წაახალისოს დიალოგი კლინიკური მედიცინისა და ნეირომეცნიერების წარმომადგენელებს შორის. ქართველ ნეიროფიზიოლოგებთან, ნევროლოგებთან, ფსიქიატრებთან და მომიჯნავე დარგების სპეციალისტებთან ერთად მასში მონაწილეობას მიიღებენ როგორც ფუნდამენტური მეცნიერების, ასევე კლინიკური მედიცინის დარგის წარმომადგენლები ევროპისა და აშშ-ს წამყვანი უნივერსიტეტებიდან და საუნივერსიტეტო კლინიკებიდან.
სალექციო სესიების გარდა დამატებით გაიმართება
3 ოქტომბერს - სამეცნიერო პრაქტიკული ვორქშოფი ნეირომეცნიერული კვლევის თანამედროვე მიღწევებისა და მეთოდების შესახებ. ვორქშოფების მონაწილეები მიიღებენ სერტიფიკატებს.
4 ოქტომბერს - საინფორმაციო სემინარი სამეცნიერო პროექტებისათვის დაფინანსების მოპოვების სტრატეგიისა და გრანტების მენეჯმენტის შესახებ.
კონფერენციის სამუშაო ენაა ინგლისური.
კონფერენციის მიზნები: 1. კონფერენცია ეძღვნება საქართველოს აგრარულ უნივერსიტეტში კოგნიტიურ ნეირომეცნიერებათა ინსტიტუტის დაფუძნებას, ინსტიტუტისა, რომელიც კოგნიტიური ნეირომეცნიერების მიმართულებით ერთადერთია საქართველოში.
2. ახლად დაარსებული ინსტიტუტის ერთერთ პრიორიტეტs წარმოადგენს კვლევის ნეიროსამედიცინო მიმართულების განვითარება, რაც ჯანდაცვის უმნიშვნელოვანეს საკითხებზე ერთობლივ მუშაობას წაახალისebს ამ ორი სფეროს - მედიცინისა და ნეირომეცნიერების შერწყმის რთულ გზაზე. ერთობლივი კონფერენციის ჩატარება პოზიციების დაახლოების ოპტიმალური ხერხია.
3. მნიშვნელოვანია აღინიშნოს, რომ ზოგადად, სახელმწიფოების მხრიდან მეცნიერება შეზღუდულად ფინანსდება და ამიტომ მნიშვნელოვანი სამეცნიერო კვლევების წარმართვა მხოლოდ საერთაშორისო პროექტების ფარგლებში დამატებითი დაფინანსებითაა შესაძლებელი. ამის გათვალისწინებით, კონფერენციის ორგანიზების ერთერთი მიზანი უცხოელ და ადგილობრივ მეცნიერთა კოოპერაციის ხელშეწყობა გახდა.
4. პოსტ-საბჭოთა და აღმოსავლეთ ევროპის ქვეყნების მეცნიერთა სხვადასხვა თაობას შორის შესამჩნევი ნაპრალის არსებობა მრავალჯერ აღინიშნა. ამ ფაქტის გამო სპეციალური ყურადღება ეთმობა ახალგაზრდა თაობაში მეცნიერების პოპულარიზაციის საკითხს. ამ მიზნით, კონფერენციის ფარგლებში ჩატარდება სპეციალური ვორქშოფი სტუდენტებისათვის ნეირომეცნიერების ახალი მეთოდებისა და მიმდინარეობების გასაცნობად.
ძირითადი თემები: კონფერენციის ძირითადი თემები არ შემოიფარგლება მხოლოდ ნეიროდეგენერაციული და მენტალური დავადებებით. დაინტერესებულმა სპეციალისტებმა შეიძლება წარმოადგინონ თემები ცენტრალური ნერვული სისტემის ნორმალურ და პათოლოგიურ ფუნქციონირებაზე, კერძოდ: კოგნიტიურ ფუნქციებზე, ასაკობრივ ცვლილებებზე განვითარების დარღვევებზე, სენსორულ და მოტორულ ფუნქციებზე, ნევროლოგიურ და ფსიქიატრიულ დაავადებებზე. მისასალმებელი იქნება ტრანსლაციური კვლევების (ადამიანის დაავადებების და ნორმალური ფუნქიების შესატყვისი ცხოველური მოდელების და ექსპერიმენტული კვლევის მასალების) წარმოდგენა.
კონფერენციის მასალები გამოქვეყნდება საქართველოს მეცნიერებათა ეროვნული აკადემიის ჟურნალ „მაცნე”-ს (ბიომედიცინის სერია) სპეციალურ დამატებით ნომერში.
კონფერენციის მოკლე მონახაზი 1. მოწვეული ლექტორების მოხსენებები (25 წუთიანი მოხსენება + 5 წუთი შეკითხვები)
2. მონაწილეთა მოხსენებები (15 წუთი მოხსენება + 5 წუთი შეკითხვები)
3. პოსტერების სესია
4. პრაქტიკული ვორქშოფები
მნიშვნელოვანი თარიღები:10 სექტემბერი, 2013 - თეზისების წარდგენის ბოლო ვადა
10 სექტემბერი, 2013 - ადრეული რეგისტრაციის ბოლო დღე
დაგვიანებული რეგისტრაციის შემთხვევაში დაუკავშირდით კონფერენციის სამდივნოს cogneuge@yahoo.com
სპონსორები:მთავარი სპონსორი: საქართველოს აგრარული უნივერსიტეტი
თანასპონსორი: რეგენსბურგის საუნივერსიტეტო ჰოსპიტალი
კონფერენციაში მონაწილეობის შესახებ დეტალური ინფორმაცია ნახეთ ინტერნეტში შემდეგ მისამართზე:
http://www.lipidomicnet.org/index.php/TIC_...Conference_2013საკონტაქტო ინფორმაცია საქართველოს აგრარული უნივერსიტეტი
დიღმის საუნივერსიტეტი კამპუსი,
კოგნიტიურ ნეირომეცნიერებათა ინსტიტუტი, ოთახი #205ა
დ. აღმაშენებლის ხეივნის მე-13 კმ, თბილისი, 0159, საქართველო
ტელეფონი: 5 57 789934
ელ-ფოსტა: cogneuge@yahoo.com