პირიქით
ანუ, ფაილის ზომის ცვლილებას MB-ებში, განსაზღვრავს მხოლოდ და მხოლოდ პიქსელების დამატება ან მოკლება.
რასაც ჰქვია Resample (და არა Resize, რასაც შეცდომით უწოდებენ).
ე.ი. 8 მეგაპიქსელიანი სურათი, უფრო მეტს "იწონის", ვიდრე 5 მეგაპიქსელიანი.
(რათქმაუნდა, მსგავსი სურათების შემთხვევას ვგულისხმობ და არა როცა, ერთზე ქალაქის ხედია, ხოლო მეორეზე მხოლოდ თეთრი ფონი)
რაც შეეხება PPI-ის, ეგ განსაზღვრავს მხოლოდ პიქსელებს შორის დაშორებას.
ანუ, პიქსელებს თუ შეამჭიდროვებ, სურათის სიგრძე/სიგანე მოიკლებს, თუ გაფანტავ, სიგრძე/სიგანეც გაიშლება.
შესაბამისად მაგის შეცვლა, არანაირად არ შეცვლის ზომას MB-ებში, რადგან პიქსელების რაოდენობა, არ იცვლება.
PPI-ის გაზრდით, არც ფაილი "დამძიმდება" და არც პროგრამა ან სისტემა, არ შენელდება, მისი დამუშავებისას.
(თუმცა, photoshop-ს აქვს მოსანიშნი Resample და მაგ შემთხვევაში, სიგრძე/სიგანის შენარჩუნებას შეეცდება, ანუ უკვე პიქსელებს დაამატებს ან მოაკლებს რაც შესაბამისად ზომასაც შეცვლის MB-ებში).
რაც შეეხება ეკრანს, იმის გამო, რომ ფიქსირებული რაოდენობის პიქსელები და შესაბამისად PPI აქვს, სურათს ვიზუალურად, ვერანაირ ცვლილებას ვერ შეატყობ.
ანუ, კომპიუტერის მონიტორს თუ აქვს 72 PPI -ის ეკრანი, ანუ პიქსელები განლაგებული მაგ სიხშირით, ყველა სურათს გაჩვენებს 72 PPI-ში.
გინდა 300 PPI დაუყენე სურათს, გინდა 30 000 PPI.
განსხვავება, სხვადასხვა ეკრანზე შეგიძლია შეამჩნიო.
მაგალითად, 24 ინჩიანი დიაგონალის, 1080P ეკრანზე, სურათები, windows-ის იკონკები და ა.შ. უფრო პატარად მოჩანს (და ხარისხიანად), ვიდრე იმავე დიაგონალის 720P ეკრანზე.
რადგან, 1080P ეკრანს, უფრო მეტი პიქსელი აქვს და შესაბამისად იმავე ფართობზე უფრო მჭიდროდ განლაგებულია, ვიდრე 720P-ის შემთხვევაში, სადაც გაშლილადაა.
ასე, რომ PPI-ის ცვლილება გამოჩნდება, ზუსტად ბეჭდვის დროს.
თუ შეამცირებ სიმჭიდროვეს, ქაღალდზე უფრო მეტად გაიშლება (და ახლოდან უხარისხოდ გამოჩნდება).
ხოლო, თუ გაზრდი სიმჭიდროვეს, სიგრძე/სიგანე შეუმცირდება, მაგრამ მკვეთრი იქნება.
ანუ, თუ სახლისთვის, ალბომში ჩასაკრავად ან კედელზე ჩამოსაკიდად გინდა, რათქმაუნდა უფრო მჭიდროს და პატარას დაბეჭდავ, ვიდრე ქუჩაში, ბანერზე გასაკრავად, რომელსაც შორიდან უყურებ და შეიძლება არც შეეტყოს დაშორების სიდიდე და უხარისხობა.
ამას ჰქვია რეალურად Resize.
This post has been edited by Accident on 3 Dec 2015, 02:40