მეორადი რინოპლასტიკათავის დროზე მეორადი რინოპლასტიკის გაკეთება რომ გადავწყვიტე, ძალიან გამიჭირდა ინფორმაციის მოძიება ქართულ ინტერნეტ სივრცეში. სანთლით ვეძებდი ადამიანს, ვისაც მეორადი რინოპლასტიკა ქონდა გაკეთებული საქართველოში. ფორუმზე ვერავინ ვიპოვე, დავიტანჯე მოკლედ და ამის გამო ძალიან გამიჭირდა გადაწყვეტილების მიღება.
უკვე წელიწადნახევარი გავიდა ჩემი მეორე ოპერაციიდან და მინდა გაგიზიაროთ ჩემი გამოცდილება. ბევრი მწერს სოც ქსელში, სხვადასხვა ჯგუფებიდან, ამიტომ, ვფიქრობ, ბევრი ადამიანი შეიძლება აქაც ეძებდეს მსგავს ინფორმაციას და ალბათ ოდნავ მაინც დაეხმარება ეს პოსტი.
პირველი ოპერაციის დროს შემეჭრა ინფექცია და გასიება როგორც კი დაცხრა, დამრჩა საშინელი ცხვირი. ხრტილი იყო ბოლომდე ჩავარდნილი, ფაქტიურად საერთოდ აღარ მქონდა ხრტილი. ეს ხრტილი ინფექციის გამო ჩავარდა, თუ ოპერაციის დროს, ამაზე თავს ვერ დავდებ და აღარც მაინტერესებს.
პირველი ოპერაციიდან მტანჯველი წელიწადნახევრის შემდეგ გავიკეთე მეორადი ოპერაცია საშა კალანტაროვთან, ხრტილის გადანერგვით (ნეკნიდან). ოპერაცია არის რთული, ხანგრძლივი, ძვირი და ყველა პლასტიკური ქირურგი არ და ვერ აკეთებს. დაახლოებით 3 საათიანი ოპერაცია იყო და ერთადერთი რაც გამიჭირდა, იყო ნარკოზის უკუჩვენებები, სხვა ყველაფერი იყო იდეალურად. არანაირი სილურჯეები, დასიება და დისკომფორტი. ნეკნის არეში პირველი 1 კვირა ოდნავ ვგრძნობდი ყრუ ტკივილს, ისიც მარტო, როცა ხელს ვატანდი ძალას. შრამი დამრჩა, ნეკნთან, თავისთავად, მაგრამ დროთა განმავლობაში გაუფერულდა და დაპატარავდა. ოპერაციიდან 1 კვირის შემდეგ მოვიხსენი თაბაშირი და სარკეში რომ ჩავიხედე, წნევამ ამიწია სიხარულისგან და მთელი ღამე ცუდად ვიყავი.
მასეთ შედეგზე ვერც ვიოცნებებდი ვერასდროს. მეორე ოპერაციის შემდეგ ორჯერ უფრო ნელა მიდის დასიების დაცხრომის პროცესი, თუმცა პირველივე დღიდან ძალიან მომწონდა ჩემი ცხვირი. ჩემდა გასაკვირად 3 თვეში უკვე გადასარევ ფორმაში მქონდა ცხვირი და 6 თვეში საერთოდ იდეალურად. რათქმაუნდა, გასიება არ იყო ბოლომდე დამცხრალი და დილაობით და მზეზე უფრო მეტად მისივდებოდა, მაგრამ 1 წლის შემდეგ უკვე ძალიან უმნიშვნელოა ეს პერიოდული გასიებები.
ცხვირის წვერმაც მაგ პერიოდისთვის დაიწყო მორბილება და მგრძნობელობა ჯერ ბოლომდე არ მაქვს აღდგენილი წვერზე.
ძალიან მიხარია, რომ საშას დავუჯერე და ოდნავ ავაპრეხინე. ოპერაციიდან დღემდე საგრძნობლად დაიწია ცხვირმა ამ დროის განმავლობაში.
მოკლედ, ვისაც მეორადი რინოპლასტიკა გჭირდებათ და ყოყმანობთ, აუცილებლად გაიარეთ კონსულტაცია საშა კალანტაროვთან. მერე გაცილებით გაგიადვილდებათ გადაწყვეტილების მიღება.
რინოპლასტიკა
