dylan
Super Crazy Member ++
ჯგუფი: Members
წერილები: 21458
წევრი No.: 86401
რეგისტრ.: 11-March 09
|
#39414768 · 13 Jan 2014, 10:32 · · პროფილი · პირადი მიმოწერა · ჩატი
ეს თემა ძალზე დიდი და მძიმე იქნება ფორუმისთვის.
ეს ცხადია.
მაგრამ შესაძლოა ვინმე დაინტერესდეს და იქნებ, თუ მასაც უწვალია ამ ფენომენთა არსში გასარკვევად, იქნებ გარკვეული "სარგებელი" ამ თემიდანაც მიიღოს.
ნარკოტიკი და ალკოჰოლი
რა გავლენას ახდენენ ადამიანზე ნარკოტიკები და ალკოჰოლი?
ისმის ასეთი კითხვა და იშვიათად გვესმის პასუხები.
ჩემი შესაძლებლობის ფარგლებში ვეცდები მცირედი რამ ვთქვა ამ საკითხზე.
თუ ადამიანს განვიხილავთ როგორც მხოლოდ ფიზიკურ-ბიოლოგიურ არსებას, მაშინ ამ კითხვებზე არავითარი პასუხი მე არ გამაჩნია და დაე მატერიალისტებმა გაგვცენ პასუხები.
მაგრამ, რადგანაც მაქვს მცირედი პირადი გამოცდილება მემუშავა მედიტაციებში და ასევე, საკმარისად გავეცანი როგორც აღმოსავლურ (ინდურ) რელიგია-ფილოსოფიას და ასევე თეოსოფია-ანთროპოსოფიას, ამდენად, მე პირადად ადამიანს არ განვიხილავ როგორც მხოლოდ ფიზიკურ-ბიოლოგიურ აგრეგატს.
სანამ უშუალოდ ნარკოტიკის თუ ალკოჰოლის ადამიანზე ზემოქმედების ფენომენზე ვისაუბრებთ, მოგვიხდება ცოტა შორიდან მოვუაროთ აღნიშნულს.
რა ხდება, როცა ადამიანი იმყოფება მედიტატიურ მდგომარეობაში?
მედიტაციაში მყოფი ადამიანი მისი ასტრალური სხეულით რამდენადმე მომწყდარია თავის ფიზიკურ სხეულს.
აქ მოგვიხდება კვლავ მცირედი რამ ვთქვათ ასტრალურ სხეულზე - რა არის ასტრალური სხეული?
ფიზიკური თვალით დანახულ ადამიანს არავითარი „ასტრალური სხეული“ არ აღენიშნება და მატერიალისტი ამას მხოლოდ ბოდვად ან მისტიფიკაციად თუ ჩათვლის. მაგრამ მედიტაციაში ჩაღმავების შემთხვევაში მედიტანტი ხედავს და განიცდის, რომ ადამიანი არ არის მხოლოდ ფიზიკური არსება და მედიტირებისას ყალიბდება და დედდება შეგრძნების ისეთი ორგანო, რომელიც ადამიანში ხედავს არა მხოლოდ ფიზიკურ, არამედ ზეფიზიკურ ორგანიზმებს. რადგანაც ოკულტურმა მეცნიერებებმა უკვე უამრავი საუკუნეების განმავლობაში უკვე უწოდეს ამ ზეფიზიკურ ორგანიზმებს სახელები, ამიტომ ჩვენც ამ სახელებით ვისარგებლოთ.
- ეთერული სხეული და ასტრალური სხეულები.
რადგანაც ჩვენი თემა ამჯერად არ არის მიმართული თვით ამ სხეულთა და კიდევ უფრო მაღალ სხეულთა განხილვისკენ, ამდენად მხოლო ცოტა რამ ვთქვათ ამ სხეულების შესახებ.
ეთერული სხეული, რომელიც ფიზიკური თვალისთვის უხილავია, წარმოადგენს ადამიანის სასიცოცხლო სუბსტანციას, ანუ ადამიანის სასიცოცხლო ძალთა კონცენტრირებულ ორგანიზაციას, რომელიც ანიჭებს ადამიანს სიცოცხლეს. გავა ადამიანიდან ეთერული სხეული და ფიზიკური სხეულიც დაიშლება - მიწა ხარ და მიწად იქეც!
მაგრამ ასტრალური სხეული სხვა ფენომენს წარმოადგენს. ეთერულის მსგავსად, ადამიანისთვის ისიც აუცილებლობას წარმოადგენს, მაგრამ ასტრალური სხეული ეთერულის მსგავსად უშუალოდ არ ზემოქმედებს ადამიანის ზრდაზე, მის სასიცოცხლო პროცესებზე.
ასტრალური სხეული არის სუბსტანცია, სადაც კონცენტრირებული და „დასაწყობებულია“ ყველაფერი, რაც ადამიანურ გრძნობებს, განცდებს სიხარულს, ტანჯვას, ვნებებს და ასე შემდეგ წარმოადგენს. სანამ ადამიანი ფიზიკურ სიცოცხლეშია, იგი მუდამ თან დაატარებს თავის ეთერულ სხეულს - ძილშიც და ღვიძილშიც.
მაგრამ ადამიანის ასტრალური სხეული ადამიანის ძილისას გამოდის, გამოეყოფა ფიზიკურ სხეულს, ისე, რომ ფიზიკურ სხეულთან მას მხოლოდ სუსტი „ძაფები“ აკავშირებს.
ასტრალური სხეული სრულებით რომ მოწყდეს ფიზიკურს, მაშინ ის, რადგანაც ასევე დაკავშირებულია ეთერულ სხეულთან, ეთერულ სხეულსაც თან გაიყოლიებს და ადამიანი მოკვდება. ანუ ფიზიკური სხეული სასიცოცხლო (ეთერული) სხეულის გარეშე დარჩება და დაიშლება ფიზიკურ ელემენტებად. - ანუ მოკვდება და მიწა მიიღებს მიწისმიერს.
სად გადის ასტრალური სხეული ძილისას?
ასტრალური სხეული ადამიანის ძილის მდგომარეობაში გადის ასტრალურ ანუ ვარსკვლავურ სივრცეში; გადის იქ, სადაც ჩვენი, უკვე წასული ადამიანები წავიდნენ. მიდის იქ, ჩვენ რომ საიქიოს ვუწოდებთ და სადაც წასული სულების გარდა ზეფიზიკური იერარქიები - ანგელოზები, მთავარანგელოზები, სერაფიმები, ქერუბიმები და ა.შ. არსებობენ.
რატომ არ გვახსოვს ჩვენი ასტრალში მოგზაურობა, როდესაც ვიღვიძებთ?
ამ კითხვაზე ერთად-ერთი პასუხი არსებობს - ჩვენ არ გვახსოვს ჩვენი ასტრალში „ხეტიალი“ იმის გამო, რომ ჩვენი ცნობიერება არ არის იმ დონემდე გაფართოებული და გახსნილი, რომ ჩვენ ჩვენი „იქაური“ განცდილ-ნანახი ჩვენს ფიზიკურ ცნობიერებამდე ჩამოვიტანოთ. “იქაური“ იმდენად დიამეტრალურად არის განსხვავებული „აქაურისგან,“ რომ ჩვენი აქაური ცნობიერება სრულებით მოუმზადებელია მისი განცდისათვის.
რელიგია თავისი ლოცვით თუ მედიტირებით არის სწორედ იმის ხელოვნება, რომ ადამიანმა ისე განწმინდოს თავისი ცნობიერება მიწიერი ცნობიერებისგან, ისე გააფართოოს, რომ ჩვენ შევძლოთ და ჩვენი მიწიერი ცნობიერება ზეციურ ცნობიერამდე ავიმაღლოთ და მაშინ იმასაც შევძლებთ, რომ ჩვენი ძილისდროინდელი განცდები ცნობიერი გავხადოთ.
ამჯერად აქ შევწყვიტოთ ჩვენი მსჯელობა ასტრალურ-ეთერულზე და დავუბრუნდეთ ჩვენს თემას - რა ხდება როდესაც ადამიანი ნარკოტიკს ან ალკოჰოლს იღებს?
ნარკოტიკის მიღების შემთხვევაში პირველ რიგში ადამიანის ასტრალური სხეული ხდება სამიზნე. ნარკოტიკი ადამიანის ასტრალურ სხეულს აძლევს იმპულსს, რომ ის ფიზიკურ სხეულს მოწყდეს. როდესაც ხდება ასეთი აქტი ადამიანის მიერ ხელოვნურად, ასეთი ადამიანი, მისი ასტრალური სხეული ღვიძილის მდგომარეობაში რამდენადმე მართლაც სწყდება ფიზიკური სხეულის სიმძიმეს და ასევე ფიზიკური სამყაროს მეტწილად და ხშირად მძიმე საზრუნავებს თუ განცდებს.
ადამიანიდან გასულია მისი არსების ის წევრი (ასტრალური სხეული), რაც, როგორც დასაწყისში ავღნიშნეთ, სწორედ ის წევრი და „ორგანიზმია,“ რომელიც ადამიანში ახორციელებს შეგრძნებათა აღქმას. რომ არ გვქონოდა ასტრალური სხეული, ჩვენ ვერ აღვიქვამდით ვერც ტანჯვას, ვერც სიხარულს, ვერც სხვა შუალედურ განცდებს.
ადამიანური ცხოვრება მეტწილად ტანჯვით არის აღსავსე, თუმცა კი ადამიანები ამას მეტწილად ვერ ვაცნობიერებთ და ამ ტანჯვას ფულით, ძალაუფლებით, სექსით და სხვადასხვაგვარი საკენკებით ვივიწყებთ. ჩვენ ყველანაირი საშუალებებით ვცდილობთ ეს არაცნობიერი ტანჯვა ცნობიერებამდე არ ამოვიტანოთ და ქვეცნობიერში ჩავტოვოთ.
ის ადამიანი კი, რომელმაც გემო გაუსინჯა ნარკოტიკს და ამ გზით მის ასტრალურ სხეულს მისი ფიზიკური სხეულიდან რამდენადმე აძევებს, ასეთი ადამიანი აგნებს გზას, რომლითაც ყველაზე მარტივად ახერხებს თავი დააღწიოს ზემოთ ხსენებულ მიწიერ ტანჯვებს.
მაგრამ ასტრალის ხელოვნურად და ხშირად გამოძევება ეთერულ-ფიზიკურიდან ასუსტებს თვით ასტრალურ სხეულს, მერე ეთერულს და ბოლოს კი ფიზიკურს.
მედიკოსები მტკივნეული ქირურგიული ოპერაციებს რას აკეთებენ რომ ადამიანმა ტკივილი არ იგრძნოს და კონვულსიის შედეგად არ გარდაიცვალოს?
ისინი ადამიანის ფიზიკურ-ეთერული სხეულიდან ანესთეზიის სხვადასხვა საშუალებებით აძევებენ განმცდელ, ანუ ასტრალურ სხეულს. ასტრალი გასულია და ადამიანი ამიტომაც ვერ გრძნობს საშინელ ტკივილს, რასაც იგი ვერ გაუძლებდა ანესთეზირების გარეშე.
ანესთოლოგი ძალზე კარგად უნდა ერკვეოდეს თავის პროფესიაში, რათა მას განსაკუთრებით ღრმა ანესთეზიის დროს, როცა იგი ხმარობს ძლიერ მოქმედ პრეპარატებს (მორფინი თუ სხვა), ზედმეტი დოზა არ მოუვიდეს, რადგან ეს გამოიწვევს ასტრალურის ისეთი ძლიერ და შორეულ გამოსვლას ეთერულ-ფიზიკურიდან, რომ დამაკავშირებელი ძაფები წყდებიან და ასტრალური უკვე ვეღარ დაუკავშირდება ეთერულ-ფიზიკურს. ის თან გაიყოლიებს ეთერულს, რადგან თვით ეთერულიც საზრდოობს ასტრალურით, ისევე, როგორც ფიზიკური ეთერულით.
ადამიანი კვდება და ამ დროს ამბობენ ნარკოზიდან ვერ გამოვიდაო.
ნარკომანების ლეგიონები გადიან ასტრალურით ძალზე შორს ეთერულ-ფიზიკურიდან ზედმეტი ნარკოტიკის მიღების გამო, მათ უწყდებათ კავშირი ეთერულ-ასტრალურთან, ვერ ბრუნდებიან მასში და ამ დროს ამბობენ - გაიპარაო.
არსებობს მსუბუქი, შედარებით უწყინარი ნარკოტიკები - მაგალითად ჰაშიში.
ჰაშიშის მიღების დროს ადამიანის ასტრალური სხეული მსუბუქად სწყდება მის ქვედა წევრებს (ეთერულ-ფიზიკურ სხეულებს). ასეთი „მოწყდომის“ დროს ადამიანი ოდნავ იწევა „ზემოთ“- სულიერისკენ და იმის შესაბამისად, როგორია ასეთი ადამიანის ცნობიერება გაფართოებული, ის განიცდის სულიერი სამყაროს მცირე გამონათებებს. მას უკეთ შეუძლია აღიქვას მუსიკა, ლიტერატურა, დიდ ადამიანთა აზრები და ყოველივე, რაც დიადიდან მოდის.
ამგვარ მდგომარეობაში ადამიანი ასევე ახდენს მისივე ჩვეულებრივი -მე-სგან დისტანცირებას და თავის თავს გვერდიდან ხედავს, ის ხედავს რაღაც ახალი -მე-თი მის ყოველდღიურ მეს და რადგანაც ადამიანი თავის თავში მეტწილად უამრავ ნაკლს ატარებს, ასეთ დისტანცირებულ ადამიანს შესაძლოა დიდი სინანული შემოაწვეს.
მაგრამ თუ ადამიანის ცნობიერება ძალზე ღარიბია და განუვითარებელი, ის ამგვარი „აწევის“ დროს ვერაფერს ვერ ხედავს როგორც ძილში და უფრო სომნამბულაა, ვიდრე ნორმალური ადამიანი.
ამრიგად, ჩვენ შეგვიძლია ვთქვათ, რომ მსუბუქი ნარკოტიკი ადამიანთა მცირე პროცენტისთვის სასარგებლოა. ამგვარ „სარგებლობასთან“ გვაქვს საქმე ხელოვნების ხალხთან, რომლებიც ზოგჯერ ასეთ საშუალებას მიმართავენ.
მრავალი მუსიკოსი, მხატვარი, პოეტი მიმართავდა და მიმართავს სხეულიდან „აწევის“ ამ იოლ ხერხს.
მაგრამ აუცილებელია კვლავ გავიმეოროთ, რომ ეს „სარგებლობა“ ხსენებული მსუბუქი ნარკოტიკიდან შეუძლია მიიღოს მხოლოდ ცნობიერებაგაფართოებულმა ადამიანმა. ასეთების რიცხვი კი მცირედია და ამიტომ ცხადია, რომ ადამიანთა უდიდესი უმრავლესობა მხოლოდ სომნამბულა ხდება ასეთ მდგომარეობაში შესვლით და ეს მათთვის სარგებელს კი არა, მხოლოდ მავნე პროცესს წარმოადგენს.
ეს რაც შეეხება მსუბუქი, მოსაწევი ნარკოტიკის მომხმარებლებს, მაგრამ არსებობს საშინლად დამანგრეველი ნარკოტიკი, რასაც უკვე მწეველები კი არა, ნარკომანები მოიხმარენ. მორფინი და მისი შემცვლელი ათასგვარი შხამები, რასაც ნარკომანები ინექციით იშხაპუნებენ.
(მე არ ვარ მედიკოსი და ამდენად ვერ ვერკვევი ძლიერმოქმედი ნარკოტიკების კლასიფიკაციაში).
სიყმაწვილეში მომიწევია ჰაშიში (ეს ალბათ იგივეა, რაც მარიხუანა?).
ამიტომ მისი ეფექტი ვიცი, მაგრამ არასდროს არ გამიკეთებია „წამალი“ და მის ეფექტებზე მხოლოდ ნარკომანებზე დაკვირვების საფუძველზე ვაკეთებ.
წამალი შეჰყავთ სისხლში და წამლის ზემოქმედება ადამიანის ასტრალურ სხეულზე სისხლიდან ხდება.
სისხლი ხდება დამოკიდებული წამლის ხშირად ზემოქმედებაზე და როდესაც მას (სისხლს) წამალზე დამოკიდებულს ხდიან, ამგვარი ზემოქმედების გამო სისხლი და მასთან ერთად ადამიანიც ხდება წამალზე დამოკიდებული.
ამიტომაც, როდესაც სისხლს წამლის მიწოდება უწყდება, ადამიანს ეწყება ნამდვილი ჯოჯოხეთი, რასაც ნარკომანები „ლომკას“ უწოდებენ.
მე ვცადე ლომკაგამოვლილ ადამიანებისგან გამეგო ამ „ლომკის“ ფენომენი, მაგრამ მათ ძალზე უჭირთ ამ ტანჯვის გადმოცემა ვერბალურ დონეზე.
თითქმის ყველა მათგანი ამბობს, რომ ლომკის დროს მათ რაღაცა „ამტვრევს.“
მე ასეთი დასკვნა გამოვიტანე, რომ „ლომკაში“ ჩავარდნილ ნარკომანს, რამდენადაც მისი სისხლი განიცდის წამლის შიმშილს, „ლომკაში“ ამჯერად სწორედ ის ასტრალური სხეული ტანჯავს, რასაც ის ნარკოტიკის მიღების დროს სხეულიდან აძევებს.
ასტრალური სხეული, როდესაც იგი ბრუნდება ადამიანის სისხლში ამ სისხლიდან ხშირი გამოძევების მერე, ადამიანის ტანჯვას უკვე აუტანელს ხდის.
ამიტომ ნარკომანი ყველა საშუალებით ცდილობა კვლავ მოიპოვოს ნარკოტიკი და მისი ასტრალური სხეული კვლავ გამოაძევოს და ამრიგად კვლავ გაერიდოს საშინელ ტკივილებს.
ამრიგად, ნარკოტიკი (განსაკუთრებით ძლიერი) არის ადამიანის ხელოვნური მცდელობა, რომ იგი მიწას მოწყდეს და ზეციურს ეზიაროს. ეს არის მცდელობა, რომ ადამიანმა რელიგიური, ხელდასხმულების მიერ გამოცდილი მედიტაცია თუ ლოცვა, რასაც დიდი ძალისხმევა სჭირდება, ადვილი ხერხით შეცვალოს.
მაგრამ ეს გამოსდის ადამიანთა მხოლოდ ძალზე მცირე რაოდენობას.
დანარჩენები კი ამ მოქმედებით მხოლოდ თავიანთ ჯანმრთელობას ანგრევენ.
რაც შეეხება ალკოჰოლს.
ალკოჰოლი ნარკოტიკისგან განსხვავებით ადამიანს ამიწებს.
ამაზე შემდგომ...
--------------------
ღმერთო, დაიფარე ჩვენი ქვეყანა ღვთისმსახურებისაგან!...
...
ღარიბ მამაოს ვერ მაშოვნინებთ?
...
ვინც ნაცების გაკეთებულ კარგ საქმეებს ვერ ხედავს, - ის არის ბრმა.
ვისაც ნაცების დაწიოკებულთა გოდების ხმა არ ესმის, - ის არის ყრუ.
|
ნარკოტიკი და ალკოჰოლი., დიდი და მოსაწყენი თემა.
