როგორც მოგეხსენებათ, ხვალ, თბილისის დროით 21:00 საათზე საქართველოს ნაკრებს აქვს გადამწყვეტი ბრძოლა საბერძნეთის ნაკრებთან.
ეს იქნება უნიკალური შანსი ქვეყნის ისტორიაში, რომლის ხელიდან არგაშვების შემთხვევაშიც ჩვენს გუნდს ექნება საშუალება, საკუთარი ძალები ევროპის პირველობაზე მოსინჯოს.
საქართველოს ნაკრების შემადგენლობა:
მეკარე: გიორგი მამარდაშვილი (ვალენსია, ესპანეთი), გიორგი ლორია (დინამო თბილისი, საქართველო), ლუკა გუგეშაშვილი (ყარაბაღი, აზერბაიჯანი)
დაცვა: სოლომონ კვირკველია (ალ ახდუდი, საუდის არაბეთი),
საბა საზონოვი (ტორინო, იტალია), გურამ კაშია (სლოვანი, სლოვაკეთი), გიორგი გველესიანი (პერსეპოლისი, ირანი), ლაშა დვალი (აპოელი, კვიპროსი), ლუკა ლოჩოშვილი (კრემონეზე, იტალია), ოთარ კაკაბაძე (კრაკოვია, პოლონეთი), ვლადიმერ მამუჩაშვილი (დინამო ბათუმი, საქართველო), ლევან შენგელია (პანეთოლიკოსი, საბერძნეთი), გიორგი წიტაიშვილი (დინამო ბათუმი, საქართველო), გიორგი გოჩოლეიშვილი (შახტარი, უკრაინა)
ნახევარდაცვა/თავდასხმა: ოთარ კიტეიშვილი (შტურმი, ავსტრია), ნიკა კვეკვესკირი (ლეხი, პოლონეთი), გიორგი ჩაკვეტაძე (უოტფორდი, ინგლისი), სანდრო ალთუნაშვილი (ვოლფსბერგი, ავსტრია), გიორგი ქოჩორაშვილი (ლევანტე, ესპანეთი), ჯაბა კანკავა (სლოვანი, სლოვაკეთი), ანზორ მექვაბიშვილი (კრაიოვა, რუმინეთი), გიორგი მიქაუტაძე (მეცი, საფრანგეთი), ბუდუ ზივზივაძე (კარლსრუე, გერმანია), გიორგი ქვილითაია (აპოელი, კვიპროსი), ზურიკო დავითაშვილი (ბორდო, საფრანგეთი), ხვიჩა კვარაცხელია (ნაპოლო, იტალია)
https://sportall.ge/fekhburthi/fekhburthii/...is-ganrigi.htmlამ თამაშისთვის განსაკუთრებით ემზადება არა მარტო ორივე გუნდი, არამედ ორივე ქვეყანა. ორივესთვის ეს თამაში ძალიან მნიშვნელოვანია. ევროპის ორი უძველესი ერი კონტინენტის პირველობაზე საკუთარი ადგილის დასამკვიდრებლად იბრძოლებს, ამიტომ ეს იქნება საოცარი დაპირისპირება და საუკეთესო სანახაობა, სადაც ჩართული იქნება არა მხოლოდ ბურთი და მოედანი, არამედ ამ ორი ქვეყნის კულტურა, წარსული, მომავალი და ზოგადად არსი. აქ არ არსებობს უკან დახევა, კომპრომისი, თავის მართლება, ეს არის "სამკვდრო-სასიცოცხლო" ბრძოლა, სადაც გუნდები მიზნისთვის ყველაფერზე წავლენ. ამიტომ ვუსურვებ წარმატებას ჩვენს ბიჭებს, იცოდეთ რომ ხვალ თქვენს უკან იქნება არა მხოლოდ კარიერა, არა მხოლოდ ბურთი, არა მხოლოდ ფული, არა მხოლოდ პოლიტიკოსები, არამედ თქვენი, თქვენი წინაპრების და თქვენი შთამომავლების საქართველო! გასულ წელს ჩვენ მივიღეთ ევროკავშირის კანდიდატის სტატუსი, რაც ქვეყნისთვის უმნიშვნელოვანესი და უპრინციპულესი სინგალი იყო - ჩვენ ვბრუნდებით ჩვენს ისტორიულ ოჯახში, რომელსაც ავბედითი ისტორიის გამო ძალით ვიყავით ჩამოშორებული, ახლა ეს წინსვლა ეს მისწრაფება საკუთარი სახლისკენ სპორტშიც უნდა გარდაისახოს!
უნდა ვანახოთ მთელ მსოფლიოს, რომ დღეს:
რუსთაველი > ჰომეროსი
300 არაგველი > 300 სპარტელი
დავით აღმაშენებელი > ალექსანდრე მაკედონელი
ცეკვა ქართული > სირტაკი
საცივი > გიროსი
ჭაჭა > მეტაქსა
კვარა > მთელი საბერძნეთის ნაკრები!
თქვენ გიყურებთ მთელი ქვეყანა, რომელსაც იმედის ნაპერწკალი ჰაერივით ჭირდება. მართალია, საბერძნეთი ფავორიტად გამოდის, მაგრამ მოედანზე, 11 ვს 11, მრგვალი ბურთით ყველანაირი რეგალია, ტიტული და სტატუსი მოედანს გარეთ რჩება. თქვენ თამაშობთ საკუთარ მოედანზე, 55 000 გულმხურველე გულშემატკივრის წინაშე (ერთი ამდენი თბილისის ქუჩებში, ხოლო საბოლოო ჯამში 3.5 მილიონი). მართალია საბერძნეთი ძალია მოტივირებულია, მაგრამ საქართველოს ათჯერ მეტი მოტივაცია აქვს, ვინაიდან ეს საერთაშორისო ტურნირზე ჩვენი პირველი გამოჩენა იქნება. მართალია, საბერძნეთი სტაბილური გუნდია, მაგრამ მათ კვარას და ბუდუს დონის მოთამაშე არ ჰყავთ. ბუდუს გასაგრძელებელი აქვს გოლიანი, ხოლო მამარდაშვილს - მშრალი სერია. დაცვა, რომელიც სუსტ რგოლად ითვლებოდა, ახლა კანკავას დახმარებით გამაგრდება და სხვა ენერგიით ითამაშებს. ხედავთ რამდენი დამაიმედებელი ფაქტორია?
არ გაქვთ წაგების უფლება! ასეთი შანსი ძალიან დიდი ხანი, მინიმუმ 2 წელი არ მოგვეცემა.
კიდევ ერთი უნიშვნელოავანესი თხოვნა და რჩევა ორგანიზატორებს საბრძოლო სულისკვეთების ასამაღლებლად:
გახსოვთ ალბათ ბოლო შეხვედრა სერბეთის ნაკრებთან ბელგრადში, სადაც სერბების მუნდიალზე გასვლის საკითხი წყდებოდა. მასინ იქაც ასეთი ამბავი იყო, მთელი ქვეყანა დაირაზმა და სტადიონს მიაშურა. იქ იყო მთელი სიმღერები და კონცერტები თამაშამდე და მის მერე. მახსოვს, თამაშამდე ერთი ძველი, პირველი მსოფლიო ომის დროინდელი, ძალიან სევდიანი სიმღერა იმღერეს, ხოლო გამარჯვების მერე - ეროვნული მარში დაუკრეს. სასიამოვნო სანახავი იყო, მაგრამ ძალიან გულდასაწყვეტი, რომ ეს ხმა "შენს მამულში არ გესმის". ახლა კი მოვიდა ამის დროც.
მუსიკალური გაფორმების გარეშე არ შეიძლება ამ გრანდიოზული დღის ჩავლა. ძალიან კარგი იქნება, თუ თამაშის დაწყებამდე ორ სიმღერას გაუშვებთ, ერთი იყოს რომელიმე ცნობილი საბრძოლო სიმღერა (მგონი ბევრი გვაქვს), ხოლო მეორე - სევდიანი (მაგ., მეგრული "ვაგიორქო მა" ან რომელიმე სხვა, რომელიც ქართულ სულს კარგად გამოხატავს), ხოლო თამაშის მნერე, რომელიც ჩვენი გამარჯვებით დასრულდება ზედგამოჭრილი იქნება კახიძის საფეხბურთო მარში და "დინამო დინამო" (დინამოს მაშინ საქართველოს ნაკრების მნიშვნელობა ჰქონდა) ან სხვა სიმღერები. გთხოვთ, ნუ დაუკრავთ პრიმიტიულ უქარიზმო და უშინაარსო მუსიკას. ეროვნული დღესასწაულია და მუსიკაც შესაბამისი უნდა იყოს. ბერძნებსაც ეცით პატივი სირტაკით ან სხვა ნომრით, ჩვენ ღირსეული ხალხი ვართ და მეტოქესაც ვაფასებთ, მაგრამ იმედია, თამაშის მერე ბერძნები სირტაკის ცეკვის ხასიათზე არ იქნებიან.
წარმატებები და გამარჯვება ბიჭებს ხვალინდელ მატჩში! სხვა ვარიანტი არ განიხილება!
This post has been edited by დიდიმინდორი on 25 Mar 2024, 13:28