forum.ge
reklama
FORUM.GE წესები  · დახმარება  · ძებნა  · წევრები  · კალენდარი  · ფოსტა  · ჩატი
Pages: (76) 1 2 [3] 4 5 ... ბოლო »  ( გადავიდეთ პირველ წაუკითხავ წერილზე ) გამოხმაურება · ახალი თემა · ახალი გამოკითხვა

> გადასახადები FAQ, მხოლოდ ამ თემაში
Kakha
მამა პროგრამისტი


********
ჯგუფი: Honorary Member
წერილები: 49752
წევრი No.: 1639
რეგისტრ.: 22-January 03

გამოგზავნილია: 20 Jun 2006, 22:39  #3282788      · პროფილი · პირადი მიმოწერა · ჩატი · msn
QUOTE
რომ გაყიდი მერე მოგიწევს რაღაც თანხის საგადასახადოში გადახდა, მარა ზუსტად არ ვიც რამდენის და რა მიზნით.

აი ამის დაზუსტება მინდა, შენი ნათქვამიდან ჩანს რომ გადასახადი ეკისრება გამყიდველს, თუმცა ისევე როგორც დღგ შეიძლება მყიდველიდან უნდა მოხდეს მისი ამოღება (ფასზე ნამატის სახით). პრინციპში 2%-იც ზუსტაც მაგ პრინციპით იყო, ეგ იყო საშემოსავლო მოსაკრებელი, და თუ ისევ საგადასახადოსთან არსებობს ვალდებულება ეს ნიშნავს რომ ეს 2% შეიძლება არც გაუქმებულა, ან შეიძლება განაკვეთი და დათვლის წესები შეიცვალა.

რაც შეეხება ქონების გადასახადს, ეგ სხვა რამეა, ეგ მუხლი ვიცი კარგად, თუ ოჯახის წლიური შემოსავალი 40 ათას ლარზე ნაკლებია, მაშინ არანაერი ქონების გადასახადი ბინაზე არ წესდება.


--------------------
არ გაბედო სიკვდილი სანამ ცოცხალი ხარ!

ყველაზე მაგარი ტროლი ღმერთია.

PM-ებით არავის ვეხმარები, არ გეწყინოთ მარა თქვენ ბევრი ხართ და მე ერთი და პენსიაზე არ გავსულვარ ჯერ.

SELECT * FROM Posts WHERE UserID NOT IN (SELECT UserID FROM Users WHERE isintriguant+isstupid+isboor+iskadji<>0)
Kakha
მამა პროგრამისტი


********
ჯგუფი: Honorary Member
წერილები: 49752
წევრი No.: 1639
რეგისტრ.: 22-January 03

გამოგზავნილია: 23 Jun 2006, 11:26  #3297914      · პროფილი · პირადი მიმოწერა · ჩატი · msn
უფრო კონკრეტული ინფო არავის გაქვთ? ...
otucho
Milf hunter


*******
ჯგუფი: Moderators
წერილები: 12361
წევრი No.: 11344
რეგისტრ.: 9-July 05

გამოგზავნილია: 4 Jan 2008, 18:41  #7984986      · პროფილი · პირადი მიმოწერა · ჩატი · ელფოსტა · ვებგვერდი · aim · yim · msn
მოკლედ შევეცადე მაქსიმალურად გასაგები ენით , მაქსიმალურად მოკლედ გადმომეცა ეს ყველაფერი
აქ არის საშემოსავლო , მოგების და დღგ- ს გადასახადები გან ხილული ძირიტად ინტერესი ამათზე მოდის მაინც
შემდგომში ქონების გადასახადსაც დავამატებ
პირველადი წარმოდგენისთვის საკმარისია მე მგონი


საქართველოში მოქმედებს საერთო-სახელმწიფოებრივი და ადგილობრივი გადასახადები.
1. საერთო-სახელმწიფოებრივი გადასახადებია საქართველოს საგადასახადო კოდექსით დაწესებული გადასახადები, რომელთა გადახდა სავალდებულოა საქართველოს მთელ ტერიტორიაზე.
2. ადგილობრივი გადასახადებია საქართველოს საგადასახადო კოდექსით დაწესებული და ადგილობრივი თვითმმართველობის წარმომადგენლობითი ორგანოების ნორმატიული აქტებით შემოღებული გადასახადები (ზღვრული განაკვეთების ფარგლებში), რომელთა გადახდა სავალდებულოა შესაბამისი სუბიექტების ტერიტორიაზე.
3. საერთო-სახელმწიფოებრივ გადასახადებს განეკუთვნება:
ა) საშემოსავლო გადასახადი;
ბ) მოგების გადასახადი;
გ) დამატებული ღირებულების გადასახადი (დღგ);
დ) აქციზი;
ე) საბაჟო გადასახადი.
5. ადგილობრივ გადასახადებს განეკუთვნება:
ა) ქონების გადასახადი;

გადასახადის გადამხდელი

გადასახადის გადამხდელი არის პირი, რომელსაც აქვს საქართველოს საგადასახადო კოდექსით დადგენილი გადასახადის გადახდის ვალდებულება.
გადასახადების გადამხდელები არიან
ა) საქართველოს კანონმდებლობის შესაბამისად შექმნილი იურიდიული პირები;
ბ) უცხო ქვეყნის კანონმდებლობის შესაბამისად შექმნილი კორპორაციები, კომპანიები, ფირმები და სხვა მსგავსი წარმონაქმნები, მიუხედავად იმისა, აქვთ თუ არა იურიდიული პირის სტატუსი, აგრეთვე უცხოური საწარმოს მუდმივი დაწესებულება;
გ) გაერთიანებები, ამხანაგობები და სხვა მსგავსი .
საწარმოს არ განეკუთვნება ინდივიდუალური საწარმო.
დ საქართველოს მოქალაქეები;
ე) უცხო ქვეყნის მოქალაქეები;
ვ) მოქალაქეობის არმქონე პირები.
ეს არის არასრული ჩამონათვალი გადასახადის გადამხდელებისა ისევ გავმეორდები და ვიტყვი რომ გადასახადის გადახდის ვალდებულება აქვს ნებისმიერ სახის წარმონაქ, საბიუჯეტო ორგანიზაციას რელიგიურ ორგანიზაციას და აშ რომელიც ახორციელებს დასაბეგრ ოპერაციას.

გადასახადის გადახდის ვალდებულება წარმოიშვება თუ არსებობს საქართველოს საგადსახადო კოდექსით გათვალისწინებული შემოსავალი ან დასაბეგრი ოპერაცია
ეს მოქმედებს ყველა სამართლებრივი ფორმის შემთხვევაში ანუ
გადასახადების დიფერენციაცია არ ხდება სუბიექტების მიხედვით, არამედ გადასახადები წარმოიშვება დასაბეგრი ოპერაციის არსებობისას

ერთობლივი შემოსავალი

1. რეზიდენტის ერთობლივი შემოსავალი შედგება მის მიერ საქართველოში და საქართველოს ფარგლებს გარეთ მიღებული შემოსავლებისაგან.
2. არარეზიდენტის ერთობლივი შემოსავალი შედგება საქართველოში არსებული წყაროებიდან მიღებული შემოსავლებისაგან.
3. ერთობლივ შემოსავალს განეკუთვნება ნებისმიერი ფორმით ან/და საქმიანობით მიღებული ყველა შემოსავალი, კერძოდ:
ა) ხელფასის სახით მიღებული შემოსავლები;
ბ) ეკონომიკური საქმიანობით მიღებული შემოსავლები, რომლებიც დაკავშირებული არ არის დაქირავებით მუშაობასთან;
გ) სხვა შემოსავლები, რომლებიც დაკავშირებული არ არის დაქირავებით მუშაობასთან და ეკონომიკურ საქმიანობასთან.

ხელფასის სახით მიღებული შემოსავლები
1. ხელფასის სახით მიღებულ შემოსავლებს განეკუთვნება ფიზიკური პირის მიერ დაქირავებით მუშაობის შედეგად მიღებული ნებისმიერი საზღაური ან სარგებელი, მათ შორის, წინა სამუშაო ადგილიდან პენსიის ან სხვა სახით მიღებული შემოსავალი, ან შემოსავალი მომავალი სამუშაო ადგილიდან.
2. ამ მუხლის პირველი ნაწილის მიზნებისათვის სარგებლის ღირებულებად ითვლება თანხა, დაქირავებულის მიერ ამ ნაწილით განსაზღვრული ოდენობით მიღებული სარგებლისათვის, გადახდილი თანხის გამოკლებით, მათ შორის:
ა) ნებისმიერი სახეობის ავტომობილის პირადი სარგებლობისათვის გამოსაყენებლად მიღებისას – შესაბამისი საგადასახადო წლის დასაწყისისათვის ამ ავტომობილის საბალანსო ღირებულების 0,1 პროცენტი დაქირავებულის მიერ ავტომობილის კერძო სარგებლობის მიზნით გამოყენების ყოველი დღისათვის;
ბ) დამქირავებლის მიერ დაქირავებულისათვის საქართველოს ეროვნული ბანკის მიერ გამოქვეყნებულ საშუალო საბაზრო განაკვეთზე დაბალი საპროცენტო განაკვეთით სესხის გაცემისას – საბაზრო განაკვეთით გადასახდელი პროცენტის შესაბამისი თანხა;
გ) დამქირავებლის მიერ დაქირავებულისათვის საქონლის/მომსახურების მიწოდებისას ან კომპენსაციის გარეშე გადაცემისას – ასეთი საქონლის/მომსახურების საბაზრო ფასი;
დ) დამქირავებლის მიერ დაქირავებულისათვის საცხოვრებლის სარგებლობაში გადაცემისას – საიჯარო ქირის წლიური საბაზრო ღირებულება (შესაბამისი პერიოდის პროპორციულად);
ე) დამქირავებლის მიერ დაქირავებულისთვის ან მის კმაყოფაზე მყოფთათვის განათლების მისაღებად დახმარების გაწევისას (დაქირავებულის ვალდებულებათა შესრულებასთან უშუალოდ დაკავშირებული მომზადების პროგრამის ჩაუთვლელად) – დამქირავებლის მიერ განათლების მისაღებად გაწეული დახმარების ღირებულება;
ვ) დამქირავებლის მიერ დაქირავებულისათვის ხარჯების ანაზღაურებისას – ანაზღაურების თანხა;
ზ) დამქირავებლის მიერ დაქირავებულისათვის ვალის ან ვალდებულების პატიებისას – ვალის ან ვალდებულების თანხა;
თ) დამქირავებლის მიერ დაქირავებულისათვის სიცოცხლისა და ჯანმრთელობის დაზღვევის შემთხვევაში სადაზღვევო პრემიის ან სხვა თანხის გადახდისას – დამქირავებლის მიერ გადახდილი სადაზღვევო პრემიის ან სხვა თანხის მოცულობა;
ი) სხვა შემთხვევაში – სარგებლის საბაზრო ფასი საგადასახადო კოდექსის 22-ე მუხლის მიხედვით.
3. ხელფასის სახით მიღებულ შემოსავალში არ შედის:
ა) დაქირავებულისათვის გადახდილი სამივლინებო ხარჯების ანაზღაურება საქართველოს ფინანსთა სამინისტროს მიერ განსაზღვრული ნორმის ფარგლებში;
ბ) წარმომადგენლობითი ხარჯების ანაზღაურება.
4. სსკ 174 მუხლის მე-2 ნაწილით განსაზღვრული თანხა მოიცავს აქციზს, დღგ-ს და სხვა გადასახადს, რომელიც უნდა გადაიხადოს დაქირავებულმა.

ეკონომიკური საქმიანობით მიღებული შემოსავლები,
რომლებიც დაკავშირებული არ არის
დაქირავებით მუშაობასთან

1. ეკონომიკური საქმიანობით მიღებულ შემოსავლებს, რომლებიც დაკავშირებული არ არის დაქირავებით მუშაობასთან, განეკუთვნება სამეწარმეო და არასამეწარმეო ეკონომიკური საქმიანობით მიღებული შემოსავლები.
2. სამეწარმეო ეკონომიკური საქმიანობით მიღებულ შემოსავლებს მიეკუთვნება:
ა) საქონლის/მომსახურების მიწოდებით მიღებული შემოსავლები;
ბ) სამეწარმეო საქმიანობისთვის გამოყენებული აქტივების რეალიზაციით მიღებული ნამეტი შემოსავალი;
გ) სამეწარმეო საქმიანობის შეზღუდვის ან საწარმოს დახურვის შედეგად მიღებული შემოსავლები;
დ) ძირითად საშუალებათა რეალიზაციით მიღებული თანხები, რომლებიც შემოსავალში შეიტანება საგადასახადო კოდექსის 183-ე მუხლის მე-7 ნაწილის მიხედვით;
ე) კომპენსირებული გამოქვითვები საგადასახადო კოდექსის 209-ე მუხლის მიხედვით;
ვ) სხვა სამეწარმეო საქმიანობით მიღებული შემოსავლები.
3. არასამეწარმეო ეკონომიკური საქმიანობით მიღებულ შემოსავლებს მიეკუთვნება:
ა) პროცენტების სახით მიღებული შემოსავლები;
ბ) დივიდენდები;
გ) როიალტი;
დ) ვალების ჩამოწერით მიღებული შემოსავლები;
ე) არასამეწარმეო საქმიანობისთვის გამოყენებული აქტივების რეალიზაციით მიღებული ნამეტი შემოსავალი;
ვ) ქონების ლიზინგით, უზუფრუქტით, იჯარით, ქირით ან სხვა ამგვარი ფორმით გაცემით მიღებული შემოსავლები;
ზ) სხვა ეკონომიკური საქმიანობით მიღებული შემოსავალი, გარდა სსკ 175 მუხლის მე-2 ნაწილითა და კოდექსის 174-ე მუხლით განსაზღვრული შემოსავლისა.

სხვა შემოსავლები, რომლებიც არ არის დაკავშირებული
დაქირავებით მუშაობასთან და ეკონომიკურ საქმიანობასთან

1. სხვა შემოსავლებს, რომლებიც არ არის დაკავშირებული დაქირავებით მუშაობასთან და ეკონომიკურ საქმიანობასთან, განეკუთვნება ნებისმიერი შემოსავალი ან სარგებელი, გარდა:
ა) საგადასახადო კოდექსის 174-ე და 175-ე მუხლებით განსაზღვრული შემოსავლებისა;
ბ) პარტნიორთა შენატანებისა, რომლებიც ზრდიან იმ საწარმოს წმინდა აქტივს, რომელთა პარტნიორსაც წარმოადგენენ შენატანების განმახორციელებელი პირები.
2. პირის მიერ სხვა პირისაგან ქონების ან სარგებლის მიღების შემთხვევაში, ერთობლივ შემოსავლებში შესატანი ქონების ან სარგებლის ღირებულება განისაზღვრება საგადასახადო კოდექსის 174-ე მუხლის მე-2 ნაწილით დადგენილი წესით.


საშემოსავლო გადასახადი


საშემოსავლო გადასახადის გადამხდელია:
ა) რეზიდენტი ფიზიკური პირი;
ბ) არარეზიდენტი ფიზიკური პირი, რომელიც შემოსავალს იღებს საქართველოში არსებული წყაროდან.

დაბეგვრის ობიექტი
1. რეზიდენტი ფიზიკური პირის საშემოსავლო გადასახადით დაბეგვრის ობიექტია დასაბეგრი შემოსავალი, რომელიც განისაზღვრება, როგორც სხვაობა კალენდარული წლის განმავლობაში მიღებულ ერთობლივ შემოსავალსა და ამ პერიოდისათვის ამ კოდექსით გათვალისწინებული გამოქვითვების თანხებს შორის.
2. საქართველოში არსებული მუდმივი დაწესებულების მეშვეობით საქმიანობის განმახორციელებელი არარეზიდენტი ფიზიკური პირის საშემოსავლო გადასახადით დაბეგვრის ობიექტია დასაბეგრი შემოსავალი, რომელიც განისაზღვრება, როგორც სხვაობა კალენდარული წლის განმავლობაში მუდმივ დაწესებულებასთან დაკავშირებულ საქართველოში არსებული წყაროდან მიღებულ ერთობლივ შემოსავალსა და ამ პერიოდისათვის ამ კოდექსით გათვალისწინებული გამოქვითვების თანხებს შორის.
3. არარეზიდენტი ფიზიკური პირის ერთობლივი შემოსავალი, რომელიც დაკავშირებული არ არის მის მუდმივ დაწესებულებასთან, იბეგრება ამ კოდექსის
197-ე მუხლის შესაბამისად გადახდის წყაროსთან გამოქვითვების გარეშე, გარდა ამ მუხლის მე-4 ნაწილით გათვალისწინებული შემთხვევებისა.
4. არარეზიდენტი ფიზიკური პირი, რომელიც შემოსავალს იღებს ქონების რეალიზაციით, წარმოადგენს საშემოსავლო გადასახადის გადამხდელს კალენდარული წლის განმავლობაში საქართველოში არსებული წყაროდან მიღებული ერთობლივი შემოსავლიდან, რომელიც მცირდება ამ პერიოდისათვის ასეთი შემოსავლის მიღებასთან დაკავშირებული გამოქვითვების თანხებით.
5. საგადასახადო კოდექსის 166 მუხლის მე-4 ნაწილით გათვალისწინებული ქონების რეალიზაციით მიღებულ შემოსავლებს განეკუთვნება:
ა) რეზიდენტი იურიდიული პირის ჩვეულებრივი აქციების ან პარტნიორის წილის რეალიზაციით მიღებული ნამეტი;
ბ) საგადასახადო კოდექსის მე-12 მუხლის მე-13 ნაწილში აღნიშნული აქტივებით მიღებული შემოსავლები;
გ) საგადასახადო კოდექსის 24-ე მუხლის პირველი ნაწილის ,,კ“ ან ,,ლ“ ქვეპუნქტით გათვალისწინებული ეკონომიკური საქმიანობისათვის გამოყენებული ქონების რეალიზაციით მიღებული ნამეტი;
დ) სხვა ქონების რეალიზაციით მიღებული ნამეტი.



გადასახადის განაკვეთი
ფიზიკური პირის დასაბეგრი შემოსავალი იბეგრება 25%-ით


საშემოსავლო გადასახადისაგან განთავისუფლებულ პირებს განსაზღვრავს საგადასახადო კოდექსის 168 მუხლი


მოგების გადასახადი


გადასახადის გადამხდელი
1. მოგების გადასახადის გადამხდელია:
ა) საქართველოს საწარმო;
ბ) უცხოური საწარმო, რომელიც საქართველოში საქმიანობას ახორციელებს მუდმივი დაწესებულების მეშვეობით ან/და შემოსავალს იღებს საქართველოში არსებული წყაროდან.
2. ამხანაგობა და სხვა ანალოგიური წარმონაქმნი მოგების გადასახადს გადაიხდიან საგადასახადო კოდექსის 206-ე მუხლის შესაბამისად.
3. თუ უცხოური პირი არ არის ფიზიკური პირი, ეწევა ეკონომიკურ საქმიანობას საქართველოში და არ დაასაბუთებს თავის თანამფლობელობას ამ კოდექსის 206-ე მუხლის მიხედვით, ამ კარის მიზნებიდან გამომდინარე, იგი განიხილება როგორც საქართველოს საწარმო.

დაბეგვრის ობიექტი
1. საქართველოს საწარმოს მოგების გადასახადით დაბეგვრის ობიექტია დასაბეგრი მოგება. იგი განისაზღვრება, როგორც სხვაობა გადასახადის გადამხდელის ერთობლივ შემოსავალსა და ამ კოდექსით გათვალისწინებული გამოქვითვების თანხებს შორის.
2. უცხოური საწარმო (გარდა საავიაციო ტრანსპორტით მგზავრთა საერთაშორისო გადაყვანისა და ტვირთების საერთაშორისო გადატანის განმახორციელებლისა), რომელიც საქართველოში ახორციელებს საქმიანობას მუდმივი დაწესებულების მეშვეობით, წარმოადგენს მოგების გადასახადის გადამხდელს მუდმივ დაწესებულებასთან დაკავშირებული საქართველოში არსებული წყაროდან მიღებული ერთობლივი შემოსავლის მიხედვით, რომელიც მცირდება ამ კოდექსით გათვალისწინებული გამოქვითვების თანხებით.
3. საავიაციო ტრანსპორტით მგზავრთა საერთაშორისო გადაყვანისა და ტვირთების საერთაშორისო გადატანის განმახორციელებელი უცხოური საწარმოს, რომელიც საქართველოში ახორციელებს საქმიანობას მუდმივი დაწესებულების მეშვეობით, დასაბეგრი მოგება განისაზღვრება საქართველოში მუდმივი დაწესებულების მეშვეობით კალენდარული წლის განმავლობაში საქართველოში არსებული წყაროდან მიღებული შემოსავლის მიხედვით, რომელიც იყოფა მის მიერ საქართველოსა და საქართველოს ფარგლებს გარეთ საგადასახადო წლის განმავლობაში მიღებულ ერთობლივ (მთლიან) შემოსავალზე და მრავლდება მის მიერ მიღებულ დასაბეგრ მოგებაზე.
4. უცხოური საწარმოს ერთობლივი შემოსავალი, რომელიც დაკავშირებული არ არის მის მუდმივ დაწესებულებასთან, გადასახადით იბეგრება საგადასახადო კოდექსის 197-ე მუხლის შესაბამისად გადახდის წყაროსთან გამოქვითვების გარეშე, გარდა საგადასახადო კოდექსის 170 მუხლის მე-5 და მე-6 ნაწილებით გათვალისწინებული შემთხვევებისა.
5. უცხოური საწარმო, რომელიც ქონების რეალიზაციით იღებს 170 მუხლის მე-6 ნაწილით გათვალისწინებულ შემოსავალს, რომელიც დაკავშირებული არ არის საქართველოში მის მუდმივ დაწესებულებასთან, წარმოადგენს მოგების გადასახადის გადამხდელს კალენდარული წლის განმავლობაში საქართველოში არსებული წყაროდან მიღებული ერთობლივი შემოსავლიდან, რომელიც მცირდება ამ პერიოდისათვის ასეთი შემოსავლის მიღებასთან დაკავშირებული გამოქვითვების თანხებით.
6. საგადასახადო კოდექსის 170 მუხლის მე-5 ნაწილით გათვალისწინებული ქონების რეალიზაციით მიღებულ შემოსავლებს განეკუთვნება:
ა) რეზიდენტი იურიდიული პირის ჩვეულებრივი აქციების ან პარტნიორის წილის რეალიზაციით მიღებული ნამეტი;
ბ) ამ კოდექსის მე-12 მუხლის მე-13 ნაწილში აღნიშნული აქტივებით მიღებული შემოსავლები; (25.05.2006. N3138)
გ) ამ კოდექსის 24-ე მუხლის პირველი ნაწილის ,,კ“ ან ,,ლ“ ქვეპუნქტით გათვალისწინებული ქონების რეალიზაციით მიღებული ნამეტი;
დ) სხვა ქონების რეალიზაციით მიღებული ნამეტი.

გადასახადის განაკვეთი

საწარმოს დასაბეგრი მოგება იბეგრება 15%-ით, გარდა „ნავთობისა და გაზის შესახებ“ საქართველოს კანონით განსაზღვრული „არსებული ხელშეკრულებების“ განხორციელების შედეგად ნავთობისა და გაზის ოპერაციებით მიღებული მოგება იბეგრება 10-პროცენტიანი განაკვეთით, თუ ეს ხელშეკრულებები დადებულია 1998 წლის 1 იანვრამდე.

მოგების გადასახადიდან გათავისუფლებულს პირებს განსაზღვრავს საგადასახადო კოდექსის 171 მუხლი


დამატებული ღირებულების გადასახადი


გადასახადის გადამხდელი
დამატებული ღირებულების გადასახადის გადამხდელად ითვლება პირი, რომელიც რეგისტრირებულია ან ვალდებულია გატარდეს რეგისტრაციაში დღგ-ის გადამხდელად

სავალდებულო რეგისტრაცია
დღგ-ს გადამხდელად რეგისტრაციის ვალდებულება წარმოიშობა იმ შემთხვევაში, თუ:

1.ა) ეწევა ეკონომიკურ საქმიანობას და ნებისმიერი უწყვეტი 12 კალენდარული თვის განმავლობაში მის მიერ განხორციელებული დღგ-ით დასაბეგრი ოპერაციების საერთო თანხა აღემატება 100 000 ლარს; მან ამ მომენტის დადგომიდან არა უგვიანეს 2 სამუშაო დღისა საგადასახადო ორგანოში უნდა წარადგინოს განცხადება დღგ-ის გადამხდელად რეგისტრაციისათვის;
ბ) ეკონომიკური საქმიანობის ფარგლებში ახორციელებს აქციზური საქონლის წარმოებას ან/და იმპორტს (გარდა საგარეო-ეკონომიკური საქმიანობის სასაქონლო ნომენკლატურის 8703 კოდში აღნიშნული მსუბუქი ავტომობილების იმპორტისა ან/და მიწოდებისა), იგი უნდა გატარდეს რეგისტრაციაში აქციზური საქონლის მიწოდებამდე; გ) ეკონომიკური საქმიანობის ფარგლებში მოსალოდნელი ერთჯერადი ოპერაციის შედეგად ან/და ერთ დღეში დღგ-ით დასაბეგრი ოპერაციის თანხა აღემატება 100 000 ლარს. პირი რეგისტრაციაში უნდა გატარდეს მიწოდების განხორციელებამდე.
2. დღგ-ის გადამხდელად არარეზიდენტის სავალდებულო რეგისტრაციის მიზნით, მისი დასაბეგრი ოპერაციების საერთო თანხის განსაზღვრისას, მხედველობაში მიიღება მხოლოდ საქართველოში მუდმივი დაწესებულების მეშვეობით განხორციელებული საქონლის მიწოდება და მომსახურების გაწევა.
3. რეორგანიზაციისას, თუ პირი ან რეორგანიზაციის ერთი მხარე მაინც არის დღგ-ის გადამხდელი, რეორგანიზაციის შედეგად შექმნილი პირი ვალდებულია წარადგინოს განცხადება დღგ-ის გადამხდელად რეგისტრაციის თაობაზე დღგ-ით დასაბეგრი ოპერაციების განხორციელებამდე, მაგრამ რეორგანიზაციის დასრულებიდან არა უგვიანეს 10 კალენდარული დღისა.
4. საწარმოს საწესდებო (საემისიო) კაპიტალში დღგ-ის გადამხდელის მიერ შენატანის საქონლის ფორმით განხორციელებისას აღნიშნული საწარმო ვალდებულია რეგისტრაციაში გატარდეს დღგ-ის გადამხდელად დღგ-ით დასაბეგრი ოპერაციების განხორციელებამდე, მაგრამ შენატანის განხორციელებიდან არა უგვიანეს 10 კალენდარული დღისა.

დღგ-ს გადამხდელად პირი შეიძლება გახდეს ნებაყოფლობით. ძირითადად ხდება იმ შემთხვევაში, თუ პირისთვის მოსალოდნელია რომ მისი ბრუნვა გადააჭარბებს 100 000 ლარს და შესაბამისად ცდილობს დააგროვოს მეტი ჩასათვლელი თანხა

პირს, რომელიც არ არის ვალდებული გატარდეს რეგისტრაციაში დღგ-ის გადამხდელად, შეუძლია ნებაყოფლობით მიმართოს საგადასახადო ორგანოს დღგ-ის გადამხდელად რეგისტრაციის მოთხოვნით.
პირი, რომელიც ნებაყოფლობით ტარდება რეგისტრაციაში, გადასახადის გადამხდელად ითვლება მის მიერ რეგისტრაციის თაობაზე განცხადებაში დაფიქსირებული თარიღიდან, მაგრამ არა უგვიანეს საგადასახადო კოდექსის 221-ე მუხლით განსაზღვრული ვადებისა

დღგ-ით დაბეგვრის ობიექტია:
ა) დასაბეგრი ოპერაცია;
ბ) დასაბეგრი იმპორტი.
გ) დასაბეგრი დროებით შემოტანა საგადასახადო კოდექსის 2411 მუხლის მიხედვით

დღგ-ით დასაბეგრი ოპერაციებია:
ა) ამ კოდექსის 239-ე ან 240-ე მუხლის მიხედვით საქართველოს ტერიტორიაზე განხორციელებული საქონლის/მომსახურების მიწოდება, მათ შორის, უსასყიდლოდ (გარდა, ამ კოდექსით გათავისუფლებული მიწოდებისა);
ბ) დღგ-ით შეძენილი საქონლის/მომსახურების გამოყენება არაეკონომიკური საქმიანობისათვის, თუ ამ საქონელზე/მომსახურებაზე გადამხდელმა მიიღო დღგ-ის ჩათვლა;
გ) გადამხდელის მიერ საქონლის/მომსახურების მიწოდება თავისი თანამშრომლებისათვის კომპენსაციით ან მის გარეშე;
დ) დღგ-ის გადამხდელად რეგისტრაციის გაუქმების შემთხვევაში საქონლის ნაშთი, რომელზედაც გადამხდელს მიღებული ან მისაღები აქვს ჩათვლა, განიხილება როგორც დღგ-ის დასაბეგრი მიწოდება;
ე) საქონლის ექსპორტი.

ერთი მნიშვნელოვანი შენიშვნა: დღგ-ს მიზნებისათვის საქონელს არ წარმოადგენს მიწა და ფული

გადასახადის განაკვეთი შეადგენს 18%-ს, ასევე არსებობს ნულოვანი განაკვეთი

ნულოვანი განაკვეთით დასაბეგრ ოპერაციათა ნუსხას განსაზღვრავს საგადასახადო კოდექსის XXXIV თავი

გადასახადისაგან გათავისუფლების პირობებს განსაზღვრავს საგადასახადო კოდექსის 230 მუხლი

This post has been edited by otucho on 29 Feb 2008, 11:50


--------------------

ქალები და Yლეობები არ გვინდა
Crypto
კატა უძაღლო ქვეყანაში


******
ჯგუფი: Members
წერილები: 8018
წევრი No.: 9780
რეგისტრ.: 3-May 05

გამოგზავნილია: 29 Feb 2008, 11:54  #8687055      · პროფილი · პირადი მიმოწერა · ჩატი · ელფოსტა
კიდევ 1 მნიშვნელოვანი შენიშვნა: თუ აბარებთ 2007 წლის დეკლარაციებს, იხელმძღვანელეთ 2007 წელში არსებული გადასახადების განაკვეთებით.


--------------------
აიღე აგური!
Cre8
Junior Member


**
ჯგუფი: Registered
წერილები: 19
წევრი No.: 54503
რეგისტრ.: 27-February 08

გამოგზავნილია: 3 Mar 2008, 21:43  #8710658      · პროფილი · პირადი მიმოწერა · ჩატი · ელფოსტა
გამარჯობათ,

შპს-სთვის რა გადასახადები იქნება თუ ბრუნვა 100000 ლარზე ნაკლებია,
დაქირავებულ შრომას არ იყენებს, და მარტო ერთი კაცია მთელი შპს.
მარტო მოგების 15% ?? თუ 25% საშემოსავლოსაც იხდის შპს-ს პატრონი?
რამე განსხვავება იქნება ინმეწარმის შემთხვევაში?

არის რამე ხერხი რომ ეს 40% რამენაირად დაიწიოს?
otucho
Milf hunter


*******
ჯგუფი: Moderators
წერილები: 12361
წევრი No.: 11344
რეგისტრ.: 9-July 05

გამოგზავნილია: 3 Mar 2008, 21:56  #8710810      · პროფილი · პირადი მიმოწერა · ჩატი · ელფოსტა · ვებგვერდი · aim · yim · msn
Cre8
QUOTE
გადასახადის გადახდის ვალდებულება წარმოიშვება თუ არსებობს საქართველოს საგადსახადო კოდექსით გათვალისწინებული შემოსავალი ან დასაბეგრი ოპერაცია ეს მოქმედებს ყველა სამართლებრივი ფორმის შემთხვევაში ანუ გადასახადების დიფერენციაცია არ ხდება სუბიექტების მიხედვით, არამედ გადასახადები წარმოიშვება დასაბეგრი ოპერაციის არსებობისას

ეს რომ წაგეკითხა რაღაც პასუხს იპოვიდი შენს კითხვაზე

შენს შემთხვევაში
2007 წლის განმავლობაში მიღებული მოგების 20%, ხოლო 2008 იდან უკვე 15%
ხო როცა დივიდენს გაცემ დამფუძნებელზე მას უნდა დაუკავო 10% დივიდენდის

თუ დაქირავებულ შრომას არ იყინებ, შესაბამისად არც ხელფასს უხდი ვინმეს მაშინ საშემოსავლოსაც არ იხდი

This post has been edited by otucho on 3 Mar 2008, 21:59
Cre8
Junior Member


**
ჯგუფი: Registered
წერილები: 19
წევრი No.: 54503
რეგისტრ.: 27-February 08

გამოგზავნილია: 4 Mar 2008, 23:19  #8722861      · პროფილი · პირადი მიმოწერა · ჩატი · ელფოსტა
დივიდენდის 10% დაკავებასთან დაკავშირებით შეგიძლია რამე ლინკი მომცე ნორმატიულ აქტზე?
Nona
Super Member


****
ჯგუფი: Registered
წერილები: 891
წევრი No.: 31404
რეგისტრ.: 14-March 07

გამოგზავნილია: 5 Mar 2008, 04:57  #8725225      · პროფილი · პირადი მიმოწერა · ჩატი · ელფოსტა
საგადასახადო კოდექსი, მუხლი 195. დივიდენდების დაბეგვრა გადახდის წყაროსთან
1. საქართველოს საწარმოს მიერ ფიზიკური პირისთვის ან უცხოური საწარმოსთვის გადახდილი დივიდენდები იბეგრება გადახდის წყაროსთან გადასახდელი თანხის 10-პროცენტიანი განაკვეთით.
* * *
კიდევ: ინდმეწარმე ფიზიკური პირია და როგორც წესი იხდის 25% საშემოსავლოს. (2008 წლიდან)

შპს იურიდიული პირია, იხდის 15% მოგებას. მისი დამფუძნებლები კი დივიდენდების აღებისას დამატებით იხდიან 10% საშემოსავლოს.

This post has been edited by Nona on 5 Mar 2008, 05:31
otucho
Milf hunter


*******
ჯგუფი: Moderators
წერილები: 12361
წევრი No.: 11344
რეგისტრ.: 9-July 05

გამოგზავნილია: 5 Mar 2008, 05:06  #8725233      · პროფილი · პირადი მიმოწერა · ჩატი · ელფოსტა · ვებგვერდი · aim · yim · msn
QUOTE
კიდევ: ინდმეწარმე ფიზიკური პირია და იხდის 25% საშემოსავლოს.

შპს იურიდიული პირია, იხდის 15% მოგებას. მისი დამფუძნებლები კი დივიდენდების აღებისას დამატებით იხდიან 10% საშემოსავლოს.

ხო და კიდევ საწარმოს დამფუძნებელი თუ იურიდიულია პირია ის არ იხდის დივიდენს biggrin.gif გარდა უცხოური საწარმოსი

This post has been edited by otucho on 5 Mar 2008, 05:10
Cre8
Junior Member


**
ჯგუფი: Registered
წერილები: 19
წევრი No.: 54503
რეგისტრ.: 27-February 08

გამოგზავნილია: 5 Mar 2008, 11:16  #8726059      · პროფილი · პირადი მიმოწერა · ჩატი · ელფოსტა
Nona
otucho
დიდი მადლობა
nakash
ოლიუნიდიზ


******
ჯგუფი: Members
წერილები: 7132
წევრი No.: 10939
რეგისტრ.: 21-June 05

გამოგზავნილია: 11 Mar 2008, 15:08  #8791379      · პროფილი · პირადი მიმოწერა · ჩატი · ელფოსტა · ვებგვერდი · aim
QUOTE
დაქირავებულ შრომას არ იყენებს, და მარტო ერთი კაცია მთელი შპს.

ეს რაღაცა ახალია biggrin.gif
რას მიშნავს მარტო ერთი კაცია შპს????
შპს -ს უნდა ყავდეს დამფუძნებელი (ერთი მაინც) რომელიც დანიშნავს დირექტორს. ეს დირექტორი უკვე დაქირავებული პირია.
ამას გარდა ბუღალტერი მაინც უნდა იყოს წესითა და რიგით კადრებში ან ხელშეკრულება უნდა არსებობდეს ბუღალტრულ ფირმასთან ან ფიზიკურ პირთან ბუღალტრულ მომსახურებაზე.
ნუ რათქმა უნდა თუ დამფუძნებელი თავადაა დირექტორიც და ბუღალტერიც მაშინ ხოო smile.gif


--------------------
ვაჰმე, რა უგზოდ დავდივართ,
ვაჰმე, როგორა ბნელაო! © ვაჟა ფშაველა
ratom86
Crazy Member


*****
ჯგუფი: Members
წერილები: 3186
წევრი No.: 30573
რეგისტრ.: 26-February 07

გამოგზავნილია: 11 Mar 2008, 15:16  #8791491      · პროფილი · პირადი მიმოწერა · ჩატი · ელფოსტა
otucho
ამას კოდექსშიც კარგად ნახავდა კაციsmile.gif
otucho
Milf hunter


*******
ჯგუფი: Moderators
წერილები: 12361
წევრი No.: 11344
რეგისტრ.: 9-July 05

გამოგზავნილია: 11 Mar 2008, 15:45  #8791841      · პროფილი · პირადი მიმოწერა · ჩატი · ელფოსტა · ვებგვერდი · aim · yim · msn
ratom86
აბა ამის წამიკთხველი ვინმე არის
და ეს სამი გადასახადი რომ ასე დამეწერა ვინმე წიკითხავდა?

მიმაგრებული ფაილი ( Number of downloads: 1428 )
მიმაგრებული ფაილი  qonebis_gadasaxadi.doc
SIKVDILIS DAMACHQAREBELI
I Can See You!


*****
ჯგუფი: Registered
წერილები: 1668
წევრი No.: 13648
რეგისტრ.: 15-October 05

  გამოგზავნილია: 14 Mar 2008, 22:31  #8834501      · პროფილი · პირადი მიმოწერა · ჩატი · ელფოსტა
მოგესალმებით,
გუშინ ჩემი ერთ-ერთი შპს-ს კუთვნილი წილი (50 %) გავყიდე. ამავდროულად ვარ გადასახადების გადამხდელი ფიზიკური პირი. და მაინტერესებს, წილის სანაცვლოდ მიღებული თანხა უნდა მივუთითო თუ არა წლიურ დეკლარაციაში?
otucho
Milf hunter


*******
ჯგუფი: Moderators
წერილები: 12361
წევრი No.: 11344
რეგისტრ.: 9-July 05

გამოგზავნილია: 15 Mar 2008, 12:53  #8839672      · პროფილი · პირადი მიმოწერა · ჩატი · ელფოსტა · ვებგვერდი · aim · yim · msn
SIKVDILIS DAMACHQAREBELI
კი უნდა მიუთითო
და 25 % გადაიხადო ბიუჯეტში
0 წევრი ათვალიერებს ამ თემას (0 სტუმარი და 0 უჩინარი წევრი)
0 წევრი:
Topic Options Pages: (76) 1 2 [3] 4 5 ... ბოლო » გამოხმაურება · ახალი თემა · ახალი გამოკითხვა

 



ფორუმის სერვერების განთავსებას და ინტერნეტთან კავშირს უზრუნველყოფს: CLOUD9
[ Script Execution time: 0.0267 ]   [ 12 queries used ]   [ GZIP Disabled ]