მოკლედ, ბევრს არ მოვედები და პირდაპირ დავიწყებ, რა არის მიზეზი რის გამოც ექსპლოატაციაში არ შედის პროექტი?
უფრო მეტიც, დასაწყისშივე, არ მიდის მშენებლობა ნებართვის მიხედვით, ანუ როცა თვითნებურად ამატებენ მრავალსართუალიან შენობებზე დონეებს, პირობითად შეთანხმებულ პროექტზე აქვთ ნებართვა და საერთოდ განსხვავებულით იწყებენ საქმეს, და შესაბამისად ფაქტიური საერთოდ სხვაა.
არ აქვთ თანხმობა ოფიციალური უწყებიდან, და უარყოფილია ახალი განცხადებები შეცვლილზე, აქვთ ჯარიმები მაგრამ მაინც.
ანუ ძალიან ბევრი შემთხვევებია და რისი იმედი აქვთ ანუ რა მიმართულებაა უფრო კანონში ხარვეზი თუ უკანონო გარიგებები.
არის ხოლმე შემთხვევები როცა მერი იტყვის და იქ ესეთი რამე აღარ ხდება.
ცალკეულ მაგალითებს არ მოვყვები და მაინც რეზულტატზე გავამახვილებ ყურადღებას, უკანონოდ უნებართვოდ შესრულებული პროექტებისთვის.
1. კონსტრუქციული ნაწილი 90% შემთხვევაში ვერ აკმაყოფილებს შეუთანხმებლად დაშენებულ ან მიმატებულ სართულების დატვირთვებს,
2. უსაფრთხოება, გაზის, დენის და სახანძრო მოთხოვნების მიმართულებით ვეღარ ხვდება დადგენილ მოთხოვნებს,
3. ესთეთიკური ნაწილი, ვიზუალური მხარე, რენდერები ლამაზია რაზეც ნებართვა გაიცემა ხოლმე და ყველაფერი კარგადაა მაგრამ ფაქტიური საერთოდ სხვა და ამახინჯებს გარემოს არაფერში ზის და იერსახეს უკარგავს ქუჩებს რომლის რეაბილიტაციაზეც მილიონები დაიხარჯა ან ახლაც იხარჯება. ერთ მხარეს მიდის რესურსები გასალამაზებლად და საკმარისია ახალი დაგებული ასფალტის და ლამაზი ურნების ზევით ახედვა რომ ეს მცდელობები უადგილოდ ჩაითვალოს.
4. ჯარიმები არავის აშინებს, არ მუშაობს და დეველოპერები იქეთ იმუქრებიან ხოლმე. საშიში ხალხი რომელიც ალბათ ამ კანონმა ან სამსახურებმა წარმოშვა.
რა შეიძლება იყოს მიზეზი?
ეს ისეთი წვრილმანებია რაც ჯამში რეზულტატს ცვლის. ყველანაირ განახლების მცდელობას უკარგავს აზრს.
რა სახის რეგულაციებით შეიძლება მოგვარება ამ პრობლემების?
რამე სამსახური არ მუშაობს თუ ზოგადად კანონი არ გვაქვს?
იმედი მაქვს რამეს მივაგნებთ და შედეგი გვექნება ამ პრობლემების გამოტანის მცდელობით, მიმართულების სახით მაინც.
This post has been edited by Iroquis on 31 Mar 2024, 12:02