ყურცქვიტების ციხესა
ბაჭიები სკუპიან, მელა კბილებს ილესავს.
სტაფილო მაქვს ჩანთითO
აქეთ ჩამობრძანდითო
არ ჩამოვალთ არაო
მელა მატყუარაო
| Printable Version of Topic
Click here to view this topic in its original format |
| თბილისის ფორუმი > მშობლების კლუბი > საბავშვო ლექსები და სიმღერები |
| Posted by: X-woman 14 Jan 2008, 17:26 |
| აბა, დედიკოებო და მამიკოებო, აგრეთვე ბებიებო და პაპებო (ბაბუებო), გაიხსენეთ, თქვენს პატარებს რა ლექსები ასწავლეთ, კერძოდ, პატარ-პატარა, თითოკუპლეტიანი, ორსტროფიანი და ა.შ. ლექსები, რომლებიც თქვენმა პატარებმა პირველად წარმოთქვეს თქვენის დახმარებით თუ დამოუკიდებლად. ჩემი პატარა, მაგალითად, ჯერ სიტყვებს ძლივს ამბობს, ისიც დედა, მამა, ბაბუა, სულ ეს არის მისი ლექსიკონი, მაგრამ, როგორც მზრუნველი დედიკო, მინდა, წინასწარ აღჭურვილი ვიყო საბავშვო ლექსებით, რათა ჩემს ბაიას ვასწავლო, როცა ამისი დრო დადგება. P.S. შეიძლება ეს თემა უკვე სადმე გახსნილია და ან სხვაგან უნდა გამეხსნა ეს თემა, გთხოვთ, მოდერ, მიმითითოთ და წინასწარ გიხდით დიიიიიდ ბოდიშს. |
| Posted by: პერწკლი 14 Jan 2008, 18:24 |
| კიკლი-კიკლი კიბესა ყურცქვიტების ციხესა ბაჭიები სკუპიან, მელა კბილებს ილესავს. სტაფილო მაქვს ჩანთითO აქეთ ჩამობრძანდითო არ ჩამოვალთ არაო მელა მატყუარაო |
| Posted by: LUCIANA 14 Jan 2008, 19:42 |
| ფისუნია კატა, მაგიდაზე ახტა , გადმოაგდო ვაზა , ბებო გააბრაზა.  ჩემი აზრით ეს ლექსი არის ყველაზე მარტივი და ბავშვი ადვილად ისწავლის დასაწყისისთვის.  |
| Posted by: rezoneo 15 Jan 2008, 00:57 |
| მზეო, მზეო ცხრათვალავ, ვის უცინი, ვისა? შენ გიცინი პატარავ დილა მშვიდობისა. * * * ენძელა და ია ფაიტონში ზიან გადმოვარდა ია კაბა დაეხია... ნუ ტირიხარ ია ახალს გიყიდიან |
| Posted by: ნასა 15 Jan 2008, 01:22 | ||
აჰ, ჩემი ბავშვობის უსაყვარლესი ლექსი  |
| Posted by: BadbadGirl 15 Jan 2008, 01:25 |
| "ზღარბო , ზღარბო ქაცვია, ეს რა ქურქი გაცვია? დამაკაწრეს ხელები, მაგ ჩხუტუნა ეკლებმა. ნეტა შენი დედიკო, როგორ გეალერსება? " |
| Posted by: Re_Be 15 Jan 2008, 09:23 | ||
LUCIANA
ჩემმა შვილმა ისწავლა ეხლახანს და ისე საყვარლად იძახის ვგიჟდები ხოლმე.  მართლა ძალიან მარტივი ლექსია და ბავშვებიც ადვილად სწავლობენ |
| Posted by: L_T 15 Jan 2008, 10:16 |
| "ყიყლიყოო მამალოო, ოქროს დეზებიანო, რატომ უფრთხობ პატარებს ძილსა და დასვენებასა??" თეთრი ლქსი  * * * და ეს კიდევ: "ნაშა ტანია გრომკო პლაჩეტ, ურანილა ვ რეჩკუ მიაჩეკ, ტიშე ტანიჩკა ნე პლაჩ, ნე უტონეტ ვ რეჩკე მიაჩ" |
| Posted by: kato_Bato 15 Jan 2008, 16:50 |
| "თითები მაქვს ლამაზი, თვალები მაქვს ლამაზი კატო, ვისი გოგო ხარ? ვისი ვარ და მამასი!" "კატო" შეგიძლიათ შეცვალოთ ჩემს ბიჭს ვერ ვასწავლი, არადა როგორ მიყვარს გოგოს დაველოდებით |
| Posted by: muzabello 15 Jan 2008, 21:32 | ||
L_T
ჩემი ბავშვის პირველი ლექსი და კიდევ ეს "მიშკა კასალაპი პო ლესუ იდიოტ არეშკი საბირაეტ კარზინაჩკუ კლაძოტ შიშკა უპალა პრიამა მიშკე ვლობ მიშკა რასსერძილა ი ნაგოიუ ტოპ." და ამ ყველაფერს ასახიერებვდა ხელებით და ფეხებით ძაან საყვარლად. |
| Posted by: tat 16 Jan 2008, 00:21 | ||
უი რა კარგია! დანარცენს ყველას ვამბობთ  მზეო ამოდი ამოდი ნუ ეფარები გორასა....მერე მკვდარი კაცის მაგივრაD ყოფილა ლაითი ვარიანტი ....................ხომ არ იცის ვინმემ? |
| Posted by: kato_Bato 16 Jan 2008, 15:40 |
| კოპი-კოპი ტელესკოპი, რატომ აზით ბელებს კოპი? წაიჩხუბნენ სულელები ვაშლი ჰქონდათ ერთადერთი. "არა მეო, არა მეო " გაულახავთ ერთმანეთი " მზეო, დაბრუნდი, დაბრუნდი, ნუ ჩაეშვები ზღვაში. ზღვას ცეცხლი წაეკიდება, ჩემი მამა ზის ნავში. იმას რომ რამე შეემთხვეს, რა მეშველება მაშინ?! მზეო, დაბრუნდი, დაბრუნდი, არც მე დაგრჩები ვალში, დილით რომ ამობრძანდები, შეგეგებები ტაშით." "ბაყაყო, ბაყაყო ჩამოდი როგორ დაგნაყო," დუმბაძის ლექსები მაგარია გავიხსენებ და დავწერ მთლიანად, ნაწილები მახსოვს "ისე იძახა ბებიკომ: "მოვა და შეგჭამს ბუაო" მგონი თვითონაც შეშინდა და წნევამ გააბრუაო" * * * გოჭები დასდევს კუდში მურია ლანძღვითა და გინებით, მთელი ეზო დათხარეს პაწაწინა დინგებით. გუშინ დოქი გატეხეს, ჩაიპარნენ ყანაში, დაერივნენ წიწილებს, მერე ჩაწვნენ ტალახში. ამისთანა რა მოხდა, ამის ფასი რა ნახეს! ერთი ვაშლის გულისთვის ერთმანეთი გალახეს. არ ისმენენ არაფერს ამოდენა ყურებით, აღარც თხოვნა ესმით და აღარც საყვედურები. თუ არ გამოსწორდებით, წნელით გაიტკიცებით, არ გრცხვენიათ, გოჭებო? ღორებივით იქცევით. |
| Posted by: X-woman 16 Jan 2008, 16:18 |
| ლექსების გარდა სიმღერებსაც გვასწავლიდნენ და ხომ ვერ გაიხსენებთ რომელიმე მათგანს? მე, მაგალითად, მაინტერესებდა ყოველთვის სიმღერა: კომში, კომში, კომარა... ჩემის აზრით, არ იქნება ურიგო, თუ ჩვენი ბავშვები ჩვენი ბავშვობის სიმღერებსა და ლექსებს აითვისებენ. ახალი ხომ არ იქმნება ისეთი, როგორიც ადრე იყო. თუმცა ბევრი შეიძლება შემეკამათოს, რომ არ ვარ მართალი, მაგრამ ჩემის მხრიდან ვიტყვი, რომ ძველი ლექსები და სიმღერები უფრო ბავშვური იყო. |
| Posted by: rezoneo 16 Jan 2008, 20:26 |
| მზე - დედაა ჩემი, მთვარე - მამაჩემი, მოციმციმე ვარსკვლავები და და ძმაა ჩემი. |
| Posted by: პერწკლი 16 Jan 2008, 22:32 |
| http://children.wanex.net/ .......................................... |
| Posted by: tat 17 Jan 2008, 10:56 |
აუ კიდევ ეს იყო და ვერ ვპოულობ სერზე მიდის 3 მგელი ტუჩმოკლე და კუდაგრძელი ერტმანეტს ეუბნებიან: გაღმა არის ლურჯა ცხენი მერე? |
| Posted by: Satin 17 Jan 2008, 11:38 |
| ჩემი გოგოების საყვარელი ლექსი იყო: თამუნა და მინდია ზოოპარკში მიდიან, ნიანგი არ უნახავთ კი ნახავენ თუ დახვდათ, ადიდებულ მდინარეს წაუღია მძინარე |
| Posted by: fashion 20 Jan 2008, 14:42 |
| ჩემა პირველი ეს ლექსი ისწავლა და ესე იძახის ფისუნია კატა მაგიდაზე ატა ჩამოაგდო ბაზა ბებო გაა ბაზაააააააააააააააა  * * * გუსი გუსი გაგაგა ვლეს ხატიტე დადადა ნუ ლეტიტე ფრიიიიიიიიიიიიიიიი |
| Posted by: likaterine 20 Jan 2008, 19:12 | ||
ძაან მაგარია, ჩემ ბიჭს ვასწავლი ლაპარაკს რომ ისწავლის |
| Posted by: atinnati 24 Jan 2008, 21:19 |
| რწყილი და ჭიანჭველა მეგონა მახსოვდა და დავიწყე მოყოლა, მაგრამ ზუსტად მუხასთან გავიჭედე რა სთხოვა მუხამ და შემდეგ რა რიგით, რას სთხოვენ ვეღარაფრით ვიხსენებ (დასწყევლოს ღმერთმა სკლეროზი...) ნეტავ სადმე არ წერია? |
| Posted by: irinka1983 24 Jan 2008, 22:23 |
| atinnati მუხამ ყვავის მოშორება, ყვავმა - წიწილა, კრუხმა - ქერი. ორმომ(სადაც ქერი ყრია ) - ვირთხის მოშორება, ვირთხამ - კატის მოშორება, კატამ - რძე, ძროხამ - ბალახი, ხოოოოოდა დაკრიფა რწყილმა ბალახი და მიუტანა ძროხას. მერე უკან გაყევი და ჩამოურიგე თითოეულს რაც უნდოდარა მაგრად მოვყევი |
| Posted by: atinnati 24 Jan 2008, 22:59 |
| irinka1983 ძალიან დიდი მადლობა, ლოგიკურად დალაგდა ეს ყველაფერი მარა ეს წიწილას მომენტი არ მომწონს კრუხი, რომ ქერის ნაცვლად მისცემს..... საცკალი.... |
| Posted by: Keso 25 Jan 2008, 05:07 | ||
ზუსტად ჩემს კატუშაზე გამოჭრილი ეს ლექსი არ ვიცოდი აუუ საერთოდ რა მაგარი ლექსები გაიხსენეთ ბავშვობა გამახსენდა |
| Posted by: kikito 26 Jan 2008, 20:34 |
| გოგოეო მპ3 სიმღერები თუ გაქვთ დააგდეთ რა |
| Posted by: kato_Bato 29 Jan 2008, 19:49 |
| ვინმემ თუ იცის ამ სიმღერის ტექსტი: "აჩუ აჩუ ჩემო ცხენო საით უნდა გაგაჭენო, იქით უნდა გაგაჭენო, რომ სოფელში მივდივარ. იაო უაო იაო უაო მე სოფელში მივდივარ. იაო უაო იაო უაო ბებიასთან მივდივარ... მერე? მაგას ვმღერი და რიტმზე ვარწევ ბაიას, მარა ტექსტი არ ვიცი და რომ ჩავიხვევ ხოლმე, მერე მთლი ოჯახი მთელ დღეს აჩუ აჩუს გავიძახით |
| Posted by: Breaky 29 Jan 2008, 20:44 |
| რაღაც წიგნი გამოვიდა - საბავშვი ლექსების ანთოლოგიაო, თუ რაღაც მსგავსი ქვია. უამრავი საბავშვო ლექსია, თან სულ ძველი ლექსებია. ჩემი და ჩემზე წინა თაობის ბავშვობის ლექსებითაა გატენილი. |
| Posted by: mtvareuli 1 Feb 2008, 01:32 |
| ენძელა და ია ფაიტონში ზიან გადმოვარდა ია კაბა გაიხია -ნუ ტირიხარ ია ახალს გიყიდიან -მე ახალი არ მინდა ძველი მირჩევნია ჩემი ერთერთი საყვარელი ლექსი იყო... |
| Posted by: baby-bobo 1 Feb 2008, 01:42 |
| ძინ-დონ, ძინ-დონ სპილო წავა თვითონ, დონ-ძინ, დონ-ძინ, დაუჯდება თაგვი წინ. |
| Posted by: cunculukebi 1 Feb 2008, 13:56 |
| ჩემი ბავშვობა გამახსენდა,, ბევრი ნაცნობი ლექსი რომელიც მეც ვიცოდი |
| Posted by: BaBajanka 1 Feb 2008, 14:29 | ||
Satin
უიმეეეეე. ამეტირა "თუ თუ თუ " და სიმღერები მაგ ოჯახიდან სადმე ნეტში მოიძიება თU იცის ვინმემ? |
| Posted by: Naomi 10 Feb 2008, 23:09 |
| ეს ძველი თემა ნახეთ : ) http://forum.ge/?f=36&showtopic=33558398&st=0 |
| Posted by: LUCIANA 14 Feb 2008, 20:46 |
| ყაყაჩოსა სიწითლითა ყანა დაუმშვენებია, ყმაწვილსა კარგი სწავლითა დედა გაუხარებია. ---------------------------------------- ნაძვის ხეო, ნატვრის ხეო, გული ლხენით აგვივსეო. ნუ დაგვღალე, თოვლის ბაბუ, საჩუქრები გვაღირსეო. ---------------------------------------- ტყეში ბევრი სოკოა ლამაზები, კარგები, შორს ნუ წახვალთ, ბავშვებო, თორემ დაიკარგებით. ---------------------------------------- ერთ ვაშლს ერთი მივუმატოთ, რამდენია ბაჭია? არ დაიბნა ბაჭია, ორი ყური ასწია. ----------------------------------------- ტიკ-ტაკ, ტიკ-ტაკ იძახის და კედელზე ჰკიდია, დღე და ღამე ისრები, მიდიან და მიდიან, მოვა დედა შეხედავს, ცხრა საათი გამხდარა, აბა ჩემო სანდრუკა (ეს ჩემს შვილზე გადავაკეთე )შენი ძილის დრო არის. და ყველანი მტოვებენ, ჩემთვის არა სცალიათ, მე რომ დედა მაძინებს, სულ საათის ბრალია. ---------------------------------- P.S. ჩემი შვილი სულ ლექსებს და ზღაპრებს მაკითხებს და ყველა ზეპირად იცის |
| Posted by: maimai 6 Mar 2008, 14:31 |
| დათუნიას ერგო ერთი ქილა ერბო. მიდიოდა გზაზე, ღიღინებდა ასე: _ დათუნია დრუნჩასა ერბო მერგო ქარვისა, რა გინდ ბევრი მეხვეწოთ, არ დაგითმობთ არვისა! უცებ შეხდა ვირთხა _ არ უცდია დიდხანს, თქვა: _ დაიდებ ცოდვასო, თუ არ მაჭმევთ ცოტასო! რას იზამდა დრუნჩა, მისცა ერთი მუჭა. მერე ისევ გზაზე ღიღინებდა ასე: _ დათუნია დრუნჩასა ერბო მერგო ქარვისა, რა გინდ ბევრი მეხვეწოთ, არ დაგითმობთ არვისა! წინ დაუხვდა ზღარბი, მშიერ და ხარბი, თქვა: _ დაიდებ ცოდვასო, თუ არ მაჭმევთ ცოტასო! რას იზამდა დრუნჩა, მისცა ორი მუჭა. მერე ისევ გზაზე ღიღინებდა ასე: _ დათუნია დრუნჩასა ერბო მერგო ქარვისა, რა გინდ ბევრი მეხვეწოთ, არ დაგითმობთ არვისა! გადმოუდგა მელია, გაუწვდინა ყელია, თქვა: _ დაიდებ ცოდვასო, თუ არ მაჭმევთ ცოტასო! რას იზამდა დრუნჩა, მისცა ორი მუჭა. მერე ისევ გზაზე ღიღინებდა ასე: _ დათუნია დრუნჩასა ერბო მერგო ქარვისა, რა გინდ ბევრი მეხვეწოთ, არ დაგითმობთ არვისა! ბოლოს შეხდა კოდალა, დათვს კი არა ჰქონდა რა! |
| Posted by: აღასპერი 20 Mar 2008, 03:57 | ||
mtvareuli
 |
| Posted by: ტანკე 20 Mar 2008, 04:05 |
| ვარადა გამახსენეთ რა როგორ არის. ვარადა ბიჭო ვარადა,უკვე აღარ ხარ ავადა...მერე? |
| Posted by: Anata 20 Mar 2008, 09:40 | ||
fashion
მე კი ბავშვობაში ასე ვყვებოდი ფისუნია კატა მაგიდაზე ახტა ჩამოაგდობებო ბებო გააბრაზა;-)))))))))))))))) BaBajanka ბასტი ბუბუს კასეტებზე, ფურცელი დევს სადაც ყველა სიმღერას ტექსტი წერია;-) |
| Posted by: ekageo 20 Mar 2008, 12:04 | ||
ტანკე
ვარადა, ბიჭო, ვარადა, უკვე აღარ ვარ ავადა, დედიკომ ძალით შემასვა წამლები მთელი კარადა. კენჭივით ბიჭი ვიზრდები ბაბუას გასახარადა ნოდარი მქვია სახელად თოფურიძე ვარ გვარადა. |
| Posted by: Breaky 20 Mar 2008, 19:13 |
| წითელი ვაშლი გაგორდა, /სახელი/ სკოლაში გარბოდა, ხელში წიგნები ეჭირა, ხუთიანებზე სწავლობდა |
| Posted by: ტანკე 20 Mar 2008, 20:00 | ||||
აუუუ ჯიგარი ხარ შენ ეხლა 22 წლით უკან დამაბრუნე დროში  |
| Posted by: ბასკუ 21 Mar 2008, 10:04 | ||
ცაცკალიიი  |
| Posted by: BaBajanka 21 Mar 2008, 18:32 |
| Inessa ინტერნეტშI არაა სადმე? მე ვერსად ვერ ვნახე |
| Posted by: atinnati 21 Mar 2008, 23:24 |
| ფისო, ფისო, ფისო ფისო უსინდისო, მე რომ თევზი მოგაბარე, მითხარ, სად არისო? შენ ხომ არ მოგიპარია (აქ თითი უნდა დაუქნიო )თევზის სუნი გდისო.... ----------------------- |
| Posted by: X-woman 27 Mar 2008, 17:15 |
| ამის წინათ გამახსენდა საბავშვო სიმღერა საწყალ კურდღელზე. სამწუხაროდ, მხოლოდ 2 კუპლეტი გამახსენდა და იქნებ იცოდეთ გაგრძელება. ეს საწყალი კურდღელი ძლიერ ავად გაგვიხდა არც სტაფილო ეამა ჩამოდნა და გაგვიხდა. მოვიწვიეთ ექიმად არჩილი და თამუნა ოფლი მოადინეთო დაარიგეს დათუნა. სულ ეს არის და რაღაც მახსოვს, რომ ბოლოს happy end უნდა იყოს. |
| Posted by: fashion 27 Mar 2008, 18:35 |
| იყო არაბეთს როსტევან მეფე ღვთისაგან სვიანი, მაღალი უხვი მდაბალი,ლაშქარ მრავალი ყმიანი, მოსამართლე და მოწყალე, მორჭმული განგებიანი მერე როგორააა?გააგრძელეთ  |
| Posted by: Please choose a Username 27 Mar 2008, 18:42 |
| X-woman მე როგორც მახსოვს კვდება კურდღელი,თუ ვცდები....  მე ჩემს პატარას ამას ვუმღერი ხოლმე.... და მაგრა მოწონს....ისევ ჩემთან მოფრინდი, შენი ბუდე აქ არის... მომიყევი თუ როგორ გაატარე ზამთარი! თითსაც ვერ დაგაკარებს,ვერც ფისო ვერც მურია, მოდი ჩემთან ძვირფასო,ჩემი ნუ გეშინია... ხოდა ეს სიმღერა ხომ არ გეგულებათ სადმეეეე??? |
| Posted by: likaterine 28 Mar 2008, 13:19 | ||
fashion
თვით მეომარი უებრო, კვლავ მოუბარი წყლიანი მე მგონი ეგრეა |
| Posted by: ekageo 28 Mar 2008, 13:25 | ||
შუბლზე ტილო დავადეთ, ამოუგეთ საბანი კოვზით გადავაყლაპეთ უებარი წამალი. ახლა მალე მორჩები არ გაინძრე საბანში გელოდებით უშენოდ სულ არ გვინდა თამაში. * * * საერთოდ გვიჟდები ნოდარ დუმბაძის ლექსებზე...... ჩემები ძალიან ადვილად სწავლობენ...... უფროსს ეს უყვარდა განსაკუთრებით ბაბუაჩემს წიგნები დავუხიე ამ დილით დამსაჯეს და მთელი დღე არ მაჭამეს სადილი. რომ ვიტირე დედიკომ დამაწიწკნა ქოჩორი ბებიამ კი მიძახა გაუზრდელი ჩოჩორი. იმას კი არა ვტირი რომ დავფხრიწე წიგნები თურმე რომ გავიზრდები დიდი ვირი ვიქნები............... ბოლოში მაგრა იცინოდა და მოსწონდა............... აი კიდევ ერთი ლექსი ნოდარ დუმბაძის კრებულიდან ბებომ იმდენი მაშინა მოვა და შეგჭამს ბუაო მე მგონი თვითონ შეშინდა და წნევამ გააბრუაო. ნუ გეშინია ბებიკო მაგას ვასწავლი ჭკუასო და შენი შეშინებისთვის მე თვითონ შევჭამ ბუასო. |
| Posted by: deditu 13 Apr 2008, 00:14 |
| ნოდარ დუმბაძის ყველა ლექსი მაგარია ძაან! ძალიან კარგი კრებული იყიდება, "მზეო დაბრუნდი დაბრუნდი", 15 ლარი ღირს და ღირს! აი ამ ლექსით იწყება, ჩემ ანუცას უყვარს: წერა კითხვა ვისწავლე აი უკვე დიდი ვარ არ წამიყვანთ სკოლაში? ბაღში აღარ მივდივარ! თვლა ხომ ვიცი ასამდე (ჩვენ ვამბობთ ოცამდე )თანაც 5 (თუ 6 არ მახსოვს, ჩვენ 2 ვამბობთ) წლისა ვარ პატარა რომ ვიყავი განა ისევ ისა ვარ? სულ ხუთებზე ვისწავლი ჩემს დედიკოს ვფიცავარ!!! ენაცვალოს დედა რა საყვარლად ამბობს |
| Posted by: X-woman 25 Apr 2008, 02:24 |
| ხალხო, სათაურში წერია სიმღერებიცოოო და იქნებ ერთი-ორი სიმღერაც დაწეროთ, მაგალითაც, იავნანები. |
| Posted by: ninobeka 25 Apr 2008, 16:29 | ||
X-woman
დაიძინე გენაცვალე იავნანინაო ჯერ არ გათენებულაო იავნანინაო ნანას გეტყვი ძილიწინა შენი მოსვენებისთვინა იამა გშობა შობითა ვარდმა გაგზარდა ტრფობითა |
| Posted by: fashion 25 Apr 2008, 23:05 |
| მაგარი სიმერა დავშალოოოოთ დავშალოოოოოთ ძვეეეეელი აბაზაააანა და მის ნაცვლად ავაგოთ შამპანის ქარხაააააანა |
| Posted by: ninikoniniko 14 Dec 2008, 21:31 |
| ფისუნია კატა, მაგიდაზე ახტა, გადმოაგდო ვაზა, ბები\ო გააბრაზა. |
| Posted by: blblbl 14 Dec 2008, 21:38 | ||
აუუ ეს მაქვს კასეტაზე მოსმელ\ნილი ახლობლის ბავშვობის ჩაწერილი და გარბოდას ნაცვლად გამოზდას ამბოოობს |
| Posted by: TETISA 15 Dec 2008, 13:28 |
| პერწკლი კარგი ლინკია. ჩემი შვილი მღერის იაო, უაოს. ბაღში ისწავლა ხოდა დავინტერესდი რა სიმღერაა. მე არ მაქვს მოსმენილი. იქნებ გაქვთ ვინმეს ლინკი. კიდე მინდა ქართული საბავშვო სიმღერების ლინკი. ტუ ვინმემ იცით, მადლობელი დავრჩები |
| Posted by: anuchia87 15 Dec 2008, 14:43 |
| გოგოებო ისაა კიდე ძაან კაი დისკი ქეთინო დუმბაძე რომ კითხულობს ნოდარ დუმბაძის ლექსებს |
| Posted by: ლუდოვიჩი 15 Dec 2008, 15:11 | ||
უსიყვარულოდ მზე არ სუფევს ცის კამარაზე, სიო არ დაჰქრის, ტყე არ კრთება სასიხარულოდ.... უსიყვარულოდ არ არსებობს არც სილამაზე, არც უკვდავება არ არსებობს უსიყვარულოდ. მაგრამ სულ სხვაა სიყვარული უკანასკნელი, როგორც ყვავილი შემოდგომის ხშირად პირველს სჯობს, იგი არ უხმობს ქარიშხლიან უმიზნო ვნებებს, არც ყმაწვილურ ჟინს, არც ველურ ხმებს იგი არ უხმობს... და შემოდგომის სიცივეში ველად გაზრდილი, ის გაზაფხულის ნაზ ყვავილებს სულაც არა ჰგავს... სიოს მაგივრად ქარიშხალი ეალერსება და ვნების ნაცვლად უხმო ალერსს გარემოუცავს. და ჭკნება, ჭკნება სიყვარული უკანასკნელი, ჭკნება მწუხარედ, ნაზად, მაგრამ უსიხარულოდ. და არ არსებობს ქვეყანაზე თვით უკვდავება, თვით უკვდავებაც არ არსებობს უსიყვარულოდ! |
| Posted by: macaco-fast65 4 May 2009, 14:36 |
| ............................................. |
| Posted by: kato_Bato 4 May 2009, 14:39 |
| ლუდოვიჩი ძალიან საბავშვო იყო პირდაპირ ბაგაში უნდა ასწავლო |
| Posted by: Anata 4 May 2009, 15:04 | ||||||
X-woman
ეს ნატალის საყვარელი სიმრერაა თავიდან ბოლომდე იცის კიდევ ძალიან უყვარს ფისუნია კატა და დათუნია დრუნჩაზე maimai გაიხარე მაგის სრულ ტექსტს ვეძებდი ზუსტად ჩვენ მხოლოდ პირველი ნახევარი ვიცოდით  deditu
ჩემი ანუშკიც გიჟდება ალ ლექსზე - თანაც ჩვენთვის ძალიან აქტუალურია, სკოლაში მიდის kato_Bato
|
| Posted by: keti8181 5 May 2009, 09:26 |
| გაიხარეთ გოგოებო ეს რა კარგი მარაგი შემძინეთ. არც კი მახსოვდა ბევრის არსებობა არადა უმეტესობა მცოდნია! დროულად მომისწარით ჩიტო ჩიტო ნაცარასაგან გავაბრუე ბავშვი |
| Posted by: xatxat 30 Sep 2009, 23:26 |
| მე პატარა გოგო ვარ გამოვდივარ სცენაზე რა დროს ჩემი ლექსებია პატარა ვარ ყველაზე; წი, წი, წი ლექსი არ ვიცი მოდი მასწავლებელო ყური ამიწი: |
| Posted by: anabala 26 Jan 2010, 10:27 |
| გამიწიე, მურია, ძმური სამსახურია, ჩემს მაგივრად შეჭამე კარაქი და პურია. და თუ ხვალაც შენ შეჭამ ჩემს მაწონს და ქადასო, მთელი დღე რომ გაწვალებს, მე დაგიჭერ კატასო.  |
| Posted by: კორდელია 26 Jan 2010, 11:10 |
| ჩემი პირველი ლექსი იყო "უფლის ციხესთან სისხლისფერი ყაყაჩოს წვეთი..." ნეტა ვინც ეს მასწავლა თავში ჭკუა ჰქონდა? |
| Posted by: elizaveta 26 Jan 2010, 14:08 |
| ვაიმე, რა კარგი თემაა ბავშვობა გამახსენდა, ნოდარ დუმბაძის და მაყვალა მრევლიშვილის ლექსები გოჭი გოჭანჭური არავის გახსოვთ? "ჩვენი ბიჭი ბიჭანჭური სულ პატარა გოჭია ისე ჩამრგვალებულა თითქოს ლოტოს კოჭია... " ერთი სული მაქვს როდის გახდება ჩემი შვილი იმხელა, რომ ერთად ვისწავლოთ ლექსები |
| Posted by: სექსტეტი 26 Jan 2010, 14:15 |
| ჩემი უსაყვარლესი: დათუნიას ერგო ერთი ქილა ერბო. მიდიოდა გზაზე, ღიღინებდა ასე: დათუნია დრუნჩასა ერბო მერგო ქარვისა, რაგინდ ბევრი მეხვეწოთ, არ დაგითმობთ არვისა! უცებ შეხვდა ვირთხა! არ უცდია დიდხანს, თქვა: - დაიდებ ცოდვასო, თუ არ მაჭმევ ცოტასო!- რას იზამდა დრუნჩა, მისცა ერთი მუჭა. მერე ისევ გზაზე ღიღინებდა ასე: -დათუნია დრუნჩასა ერბო მერგო ქარვისა, რაგინდ ბევრი მეხვეწოთ, არ დაგითმობთ არვისა!- წინ დაუხვდაზღარბი მშიერი და ხარბი, თქვა: -დაიდებ ცოდვასო, თუ არ მაჭმევ ცოტასო! რას იზამდა დრუნჩა, მისცა ორი მუჭა. მერე ისევ გზაზე ღიღინებდა ასე: -დათუნია დრუნჩასა ერბო მერგო ქარვისა, რაგინდ ბევრი მეხვეწოთ, არ დაგითმობთ არვისა!- გადმოუდგა მელია, მელა კუდაგრძელია, თქვა: - დაიდებ ცოდვასო, თუ არ მაჭმევ ცოტასო!- რას იზამდა დრუნჩა, მისცა სამი მუჭა. მერე ისევ გზაზე ღიღინებდა ასე: -დათუნია დრუნჩასა ერბო მერგო ქარვისა, რაგინდ ბევრი მეხვეწოთ, არ დაგითმობთ არვისა! ბოლოს შეხვდა კოდალა, დათვს კი არა ჰქონდა რა! გივი ჭიჭინაძე )))პ.ს. უიჰ, დაუწერიათ უკვე წინა გვერდზე მაშინ ეს: Мишка косолапый По лесу идет, Шишки собирает, Песенки поет. Шишка отскочила Прямо мишке в лоб. Мишка рассердился И ногою - топ! დათუნიები _ ჩემი სისუსტე |
| Posted by: izabel 26 Jan 2010, 14:27 | ||
elizaveta
მე საერთოდ დავიწყებული მაქვს და აქედან ამოვიგე რამოდენიმე ლექსი და ვუმეორებ და გადმომიყრის 2 კბილს და იკრიჭება(8 თვისაა). იმდენს ვექაქანები და სულ ქართულად....მამამისს თარჯიმანი დასჭირდება. |
| Posted by: elizaveta 26 Jan 2010, 14:28 | ||
izabel
ყურს მიაჩვევს და მერე იოლად ისწავლის ჩემი ჯერ 2 თვისაა, მაგრამ დაბადებიდან ვუმღერი იავნანას და დღეების რომ იყო, ყუჩდებოდა. ახლა მიცინის დამცინის თუ რას შვრება, არ ვიცი ოღონდ |
| Posted by: Nightmare_Industries 26 Jan 2010, 14:37 |
| მაიმუნი პრანჭია სახე დაუმანჭია დარბის, დარბის, ქაქანებს საქანელებს აქანებს |
| Posted by: addicted 26 Jan 2010, 18:30 |
| სექსტეტი ვაიმეე ჩემიც მერე ვმღეროდი კიდეც :დკიდევ რა ვიცოდი: თოვლის ბაბუზე: გადმოლახა მთები და გადმოლახა ზღვები, მოდის თოვლის ბაბუა დათოვლილი თმებით მეტი აღარრ მახსოვს კორდელია პირველი არა მაგრამ მეორე თუ მესამე: ჩემო ფრთმანათელი ჩემო სანატრელო ოდესმე დიდი ყოფილა საქართველო  მე ზღაპრებს ვუყვები თან სხვადასხვა ინტონაციებით მგელი და დათვი უყვარს იღრიჭება სულელივით ხოლ;მე |
| Posted by: merkantil 26 Jan 2010, 18:44 |
| მე რაც მახსოვს ყველა ლექსს და მოთხრობას ვუკითხავ. კიდე ანდერსენის ზღაპრები მახსოვს კარგად( მიყვარდა) და ვუყვები მიყურებს ხოლმე გაშტერებული დათუნია დრუნჩა მეც მიყვარს |
| Posted by: კორდელია 27 Jan 2010, 10:30 | ||
addicted
|
| Posted by: keto22 5 Feb 2010, 18:09 |
| დამეხმარეთ რაა ლოლია ლოლია იცის ვინმემ? აი ხელზე რო უშვებიან ბავშვებს და რაღაც ლექსს რომ ამბობენ არ იცით ეგ? ანასტასიას ასწავლეს და მაკეთებინებს ლლოლიას იძახის მეტი არ იცის და გაგრძელებას მთხოვს |
| Posted by: კორდელია 5 Feb 2010, 18:13 |
| keto22 ბოლია, ბოლია, ხბო წითელია, ამან მოიპარა ( ) ამან დაკლა (მოუკეცავდნენ ნეკს), ამან გაატყავა (არათითს), ამან დაჭრა (შუათითს), ამან კიდევ შესანსლა (ცერს) ბოლოს რავი მოუღუტუნე და გაიცინებს და ეგაა |
| Posted by: merkantil 5 Feb 2010, 18:18 | ||
 ........................................ |
| Posted by: blblbl 5 Feb 2010, 18:19 |
| კორდელია ამან მოიპარა გამოგრჩა მაგით იწყება |
| Posted by: Tako@Dato 5 Feb 2010, 18:19 | ||
კორდელია
რა სადისტური ლექსია კიდე კაი ვეგტარიანელი არ კითხულობს ვინმე |
| Posted by: კორდელია 5 Feb 2010, 18:21 | ||
| blblbl ჩავასწორე Tako@Dato
|
| Posted by: merkantil 5 Feb 2010, 18:22 |
| keto22 არ მოუყვე ეგ ბავშვს, სხვა რამე მოიგონე შენით ვინ იგონებდა ისე ესეთ რაღაცეებს.... ისე ბევრია ეს დაკვლა, მუცლის გაფატვრა და მსგავსი რაღაცეები ქართულ ხალხურ ზღაპრებში. |
| Posted by: tikope 5 Feb 2010, 18:23 | ||
კორდელია
ესე არა? ლოლია,ლოლია ხბო წითელია,ძროხა ჭრელია ამანა თქვა მშიაო,ამანა თქვა რომ არ არისო? ამანა თქვა ღმერთი მოგვცემსო,ამანა თქვა რომ არ მოგვცესო? ამანა თქვა მოვიპაროთო. ამან მოიპარა, ამან დაკლა ამან მოხარშა ამან მარილი მოაყარა (ან დაჭრა) ამან შეჭამააააა რას ვიფიქრებდი თუ ამის დაწერა დამჭირდებოდა ოდესმე * * * ბეკეკინა თხაო აქ ვინ დაგაბაო კაცმა დამაბაო კაცი რა იქნაო? ტყეში წავიდაო ტყეში რა უნდაო? ფიჩხისათვისაო ფიჩხი რად უნდაო? თონისათვისაო თონე რად უნდაო? პურისათვისაო პური რად უნდაო? ჩასაყლაპადაო ეს არავის უნდა? |
| Posted by: keto22 5 Feb 2010, 18:29 |
| ვაი რამდენი ვიცინე წაუკითხე და გაუხარდა კიდე მაკეთებინებს დიდი მადლობა დახმარებისთვის ისე რა არის ეს დაჭრა გამოჭრა |
| Posted by: algulga 6 Feb 2010, 10:37 |
| ლოლია, ლოლია ძროხა ჭრელია, ხბო წითელია. ამას მოუპარია, ამას დაუკლია, ამას გაუტყავებია, ამას მოუხარშია ამას შეუჭამიაააააააააა. (და ცემ, ცერა თითს) ეხლა გავიხსენე ბებიაჩემი ასე მიყვებოდა ბავშობაშI და რას გვერჩოდნენ ნეტა? |
| Posted by: Nuna 6 Feb 2010, 10:40 |
| პრივეტ გოგონებო,ვინმეს ხომ არ გაქვთ "ვარსკვლავებს ეძIნებათ სიმღერააა? გიჟდება ჩემი შვილი და ვესრსად ვიპოვე, თU გაქვთ ამიტვირთეთ რააააააა |
| Posted by: algulga 6 Feb 2010, 10:43 | ||
tikope
უი მასე მეორე ბებია მიყვებოდა მოიცადე გავიხსენო.. ამანთქვა მშიაო ამან თქვა რომ არ გვაქვსო ამან თქვა ღმერთი მოგვცემსო ამან თქვა რომ არ მოგვცესო ამან თქვა მოვიპაროთო ეგ რათქვიო და ცემეს, ცემეს, ცერა თითს და მაგიტომ დარჩა პატარაოოოოოოოოოოოოოო პ.ს. დედა რას გვერჩოდნენ არადა პატარა ბავშვები ვიყავით და რას გვიყვებოდნენ. ეხლა კიდევ იახიან ჰარი პოტერი აგრესიულია და არ წააკითხით ბავშვებსო. თვითონ ლოლია, ლოლიაზე და წიქარაზე გაგვზარდეს |
| Posted by: elizaveta 6 Feb 2010, 11:39 | ||
კორდელია
საჩვენებელი თითი რას შვრებოდა ამ დროს? |
| Posted by: კორდელია 6 Feb 2010, 14:25 | ||
elizaveta
კარგი კითხვაა... :რიავიცი: |
| Posted by: keto22 6 Feb 2010, 14:36 |
| ჩემი ახლობლის ბავშვი ბაღიდან მოდის და ყვება ლექსს თითებით იწყებს ცერით და მიყვება ეს თითია ბებია ეს თითია ბაბუა ეს თითია დედა ეს თითია მამა ეს პატარა მე ვარ ჩამოვთვალე ყველა ვეკითხები ვა ნიკუშ შენ მოიფიქრეეეე არა ბაღში მასწავლებელმა მასწავლაო |
| Posted by: algulga 22 Feb 2010, 10:06 | ||
keto22
თქვენ ჩვენი საბედისწერო ლექსი არ აცით. ეგ ლექსი რომ მოიტანა ბაღიდან მეორე დღეს სხვა ბაღში გადავიყვანე D) ერთხელ სამსახურიდან დედას დააგვიანდა, დატრიალდა მაიმიკო ....(მერე სიტყვებს ვერ ვარჩევ რას ამბობს, მგონი ტვიტონაც ვერ მიხვდა რას ასწავლიდნენ) კარტოფილი შეწვა კი არ შეწვა დაწვა კარტოფილი კი არა ყველა თითიც დაიწვა. აქეთ დოქი წაიქცა იქით წყალი დაიქცა, შემოვიდა დედიკო. რა იყო? მამიკოს გასაჭირი მთელმა ეზომ გაიგო ხოდა ასეთი მძიმე ბავშობა ქონია ჩემ შვილს და არ ვიცოდი |
| Posted by: Take_Off 4 Jun 2010, 16:39 |
| გადმოვინაცვლოთ აქეეეეეეეეეეეეეეეეეეეეთ |
| Posted by: glamour23 5 Jun 2010, 17:18 |
| ნუ მოკლედ ბაღში ბავშვებს ლექსებს ასწავლიან არ ვიცი რააა აი ერთი ასეთი პატარა ბიჭი,პატარა გოგო მიდიოდნენ ბაღში ბიჭმა უთხრა პატარა გოგოს, გამომყევი სახლში უიი ბიჭო ეგ რა მითხარ ამოდენა ხალხში? მამაჩემმა რომ გამიგოს არ შემიშვებს სახლში! |
| Posted by: Take_Off 5 Jun 2010, 17:23 |
| glamour23 |
| Posted by: Please choose a Username 9 Sep 2010, 19:01 |
| glamour23 |
| Posted by: Cecy Elliott 12 Sep 2010, 22:04 | ||
algulga
რას ამბობ ეს ლექსი მეც მასწავლეს ბაღშიი.. ვაიჰ აღარც კი მახსოვდა, არადა ზეპირად ვარაკრაკებდი მაგ შედევრს.. :D |
| Posted by: Ni-L 12 Sep 2010, 22:38 |
| დღეს ანასტასიას მამიდამ ლექსების წიგნი მოუტანა ძალიან გამახალისა რამდენიმე ლექსმა,თქვენც გაგიზიარებთ მზეზე თბებოდა ენოტი სტუმრად ეწვია ბუ-ჭოტი გადაირია ენოტი გაუმასპინძლდა ხენდროთი ჩიტმა წიწილას ერთხელ როცა, დაბადება მიულოცა არ დაიბნა მატრაკვეცა გილოცავო ამ დღესა მეცა |
| Posted by: T@K 27 Sep 2010, 16:02 |
| საბავშვო მუსიკა მინდა რო გადმოვწერო ვერ ვიპოვე ვერსად დამეხმარეთ რა მუსიკის გაგონებაზე სულ უკანალს იქნევს |
| Posted by: tekla 27 Sep 2010, 16:08 |
| T@K სავსეა იუთუბი კონკრეტულად რამეს ეძებ? |
| Posted by: T@K 27 Sep 2010, 16:18 | ||
| tekla
არა გადმოწერა მინდა იუთუბზე ვიცი მაგრამ ძირითადად ჭედავს და გადმოწერილი მინდა რო მქონდეს უფრო ქართული მუსიკა მინდა მულტფილმებიდან და ა.შ. |
| Posted by: tekla 27 Sep 2010, 16:25 |
| T@K იუთუბიდან ვერ იწერ? დაგუგლე და ამოგიყრის, სახლში რომ ვიყო დავდებდი რაღაცებს გოლ-ზეც დევ |
| Posted by: khatia88 27 Sep 2010, 16:26 |
| T@K და მერე იუთუბს ხომ აქვს გადმოსაწერი, ეგ დააყენე და იწერე რამდენი ვიდეოც გინდა ის თომას ქართულებიდან გუდა-გუდა რომ მოსწონს ტყუილი, ეგრე არცერთ მულტფილმს არ უყურებს, არადა რა საინტერესოა, ხო არც ფერები აქვს მკვეთრი რომ ყურადღება მიიქციოს, მაგრამ 10 წუთი თვალს არ აშორებს. |
| Posted by: T@K 27 Sep 2010, 16:33 | ||
khatia88
მუსიკა მინდა მუსიკაა აუდიო ტელეფონშიც მინდა ჩვწერო |
| Posted by: blblbl 27 Sep 2010, 17:03 |
| T@K გუნდა გუნდა მაქვს აუდიო გინდა? |
| Posted by: pipa 27 Sep 2010, 17:11 |
| T@K www.zaycev.net/ поиск музыки იპოვე და ჩაწერე детские песни |
| Posted by: T@K 27 Sep 2010, 17:17 | ||
pipa
მადლობა http://bards.pp.ru/Detskie/ აი კარგი რამე ვიპოვე |
| Posted by: Nanuka444 27 Sep 2010, 18:12 | ||||
rezoneo
მე ახალი არ მინდა, ძველი მირჩევნია ასე მთავრდება ეს ლექსი * * * BaBajanka
http://www.sizmara.ge/index.php?option=com_content&view=article&id=100:2010-01-16-20-09-57&catid=19:music&Itemid=18 აი აქ არის რამოდენიმე კარგი სიმღერა, თუმცა მე ვერ გადმოვწერე ვერაფრით, ისე ონლაინ ვასმენინებ ხოლმე ლივლივას |
| Posted by: Ni-L 4 Oct 2010, 13:07 |
| http://puphynuphy.ge მომეწონა და გავერთეთ მე და ჩემი გიჟი |
| Posted by: skyes 5 Oct 2010, 01:06 | ||||||
მოგეხმარო გადმოწერაში ? PM მომწერე თორე აქ ან შემოვალ ან არა |
| Posted by: keto22 5 Oct 2010, 01:23 |
| T@K მე მაქვს თუ გინდა ბასტი ბუბუს მუსიკები ერთი 10 ამდე გამოგიგზავნ თუ გინდა |
| Posted by: Kissie 10 Oct 2010, 12:37 |
| აუ უნდა დავიზეპირო ახლა აქ რაც ლექსებია |
| Posted by: tamo7779 15 Oct 2010, 18:56 |
| keto22 მეც მინდაააააააააააააააააააააააააა |
| Posted by: upwave 21 Dec 2010, 21:35 |
| გოგოებო, რამე კარგი ლექსი მინდა ახალი წლის თემაზე. თუ არ გეზარებათ დამილინკეთ ან დამიწერეთ. მე სამაგიეროდ მარიტას საყვარელ ლექსს დაგიწერთ: ძილი ნების, ძილი ნების, ძილი გულის საყვარელს. ვარსკვლავებმა დაიძინეს, ეძინებათ პატარებს. ცა ვარსკვლავებს აციმციმებს, წყნარი ღამე იქნება. ის ვინც ადრე დაიძინებს, ადრე გაეღვიძება. |
| Posted by: fermina 24 Dec 2010, 15:15 |
| ეს პატარა პიანინო ჩვენი რუსიკოსია რა პატარა გოგოა და უკვე მუსიკოსია ონკანიდან წყალი მოდის, ატალახდა მთელი ეზო სულ ყველაფერს ხედავ გია, სულ ყველაფერს ხედავს რეზო, ორივენი ღია ონკანს აუვლიან, ჩაუვლიან, ხომ არაფერს აშავებენ - მაინც დანაშაულია! ეს ლექსი სხვათაშორის საკმაოდ შემეცნებითია, გულგრილობის "დანაშაულებრივ" შედეგებზე მოგვითხრობს |
| Posted by: arazam 24 Dec 2010, 15:39 |
| keto22 მეც მინდა ბასტი ბუბუს მუსიკები რაა |
| Posted by: Darlunia 24 Dec 2010, 15:57 |
| მე მინდა მზიურზე ფილმი რომ არის, იმის სიმღერები, სუყველა, ანუ ეს ფილმი თუ იცით ვინმემ სად არის დამილინკეთ რაა. |
| Posted by: Take_Off 24 Dec 2010, 15:59 |
| Darlunia http://forum.ge/?f=16&showtopic=33590275 |
| Posted by: Darlunia 24 Dec 2010, 16:01 |
| Take_Off გაიხარე შენ! დიდი მადლობა, დიდი ხანია ვეძებ დავიტანჯე და დავტანჯე ჩემი შვილი დაუმთავრებელი სიმღერებით. |
| Posted by: Please choose a Username 27 Dec 2010, 15:43 | ||
upwave
ეს ლექსი ვისწავლეთ ეხლახანს,თან ზუსტად ანიზეა: )) ხშირად ვუმეორებ რომ ადრე ვინც დაიძინებს ადრე გაიღვიძებსთქოოო,ლექსის ხათრით მაინც დაიძინოს ადრე პატარა და საყვარელი ლექსი: )) გაიღვიძებს ენძელა, გაიღვიძებს ია. ამ სითბოს და სიხარულს გაზაფხული ჰქვია. |
| Posted by: 8TQ8 27 Dec 2010, 19:32 | ||
უიიიიიი! ჩემი საყვარელი ლექსი იყო ეგ! თან ბოლოს "გააბრაზა"-ს ვამბობდი ძალიან გამოკვეთილად, ჯერ პაუზას ვიღებდი, ღრმა ჩასუნთქვა და მერე მთელი ეშხით: გააბაზა!!!!!!! ("რ" შემთხვევით არ გამომრჩენია )ნუ კიდევ რა... დუმბაძის კრებული მქონდა საბავშვი ლექსების და რა ვიცი... თითქმის ყველა მიყვარდა, კიდევ ერთი იყო... არ მახსოვს ვისი :კარადისკენგაქცევისდაწიგნებისგადმოყრისსმაილი: * * * უფ, ვიპოვე! ნუნუ ლაღიძის ყოფილა, ასე ქვია: "ჭიკ-ჭიკ ჭიკ-ჭიკ" აი რამდენიმე: კატათაგვობანა წრე შეუკრავთ ამ პატარებს, თაგვი არის ლელა, მე ვიქნები ფისუნია - დაიძახა გელამ, გელა ლელას დასაჭერად გაეკიდა ხელად. დარბის ლელა, დასდევს გელა, ჟრიამულობს ყველა, ლელა ყვირის: - ფისუნიავ, ვერ დამიჭერ, ვერა! ზამთარი თოვლის ფიფქი მოფრიალებს ფრი... ფრი... ფრი... ცის საცერი ხორხოშელას როგორც ფქვილსა სცრის. მოზუზუნებს ცივი ქარი, ქრის ქრის ქრის... და ბეღურა ჩვენს ღობეზე აბუზული თრთის. ზამთარი (ეს სხვა ზამთარია, არ აგერიოთ )თოვლის თექა დაუგია მინდორსა და ველს, დაიფარა ოღროჩოღრო, ვეღარ ვხედავ გზებს. ყველა სახლის სახურავზე თოვლის ქუდი დევს... ფისო ღუმელს ვერ შორდება და მთელი დღე თვლემს. ცუგო და ნუკრი "ჰამ, ჰამ" - ცუგო-ჰამუნიამ შეუყეფა ნუკრის, დაუგლიჯა ბალახი და ნუკრი ცუგოს უყრის. მიაჩერდა ცუგო ნუკრის: "რას შვრებაო?!" - უკვირს. |
| Posted by: upwave 27 Dec 2010, 22:31 | ||
Please choose a Username
ჩემსას არც მაგან უშველა |
| Posted by: gzaabneuli 27 Dec 2010, 22:36 |
| ზღარბო ზღარბო ქაცვია ეს რა ქურქი გაცვია დამაჩხვლიტეს ხელები მაგ ჩხუტურა ნემსებმა ნეტავ შენი დედიკო როგორ გეალერსება? დიდი თოვლი მოსულა სპილო იცვამს ბოტებს 2 ბოტი არ ყოფნის ოთხით მიაბოტებს. ცემი პატარა დისშვილის რეპერტუარიდან |
| Posted by: anuka2009 27 Dec 2010, 23:14 |
| უსაყვარლესი სიმღერა http://www.youtube.com/watch?v=-ISkFzb4X3M ისე საყვარლად აცეკვებდნენ ამაზე ანიმატორები |
| Posted by: Please choose a Username 17 Feb 2011, 14:02 |
| დღეს ეს ლექსი ვისწავლეთ <3 მზე პირს იბანს,პირს იბანს თხუნელა და ზღარბი, -წი-წი-წი-წი - წიწილაც წყაროსაკენ გარბის... მარტო ჩვენ ღორს არა აქვს სისუფთავის დარდი, არც რცხვენია,ეზოში მოთხუპნული დადის : ) |
| Posted by: tikk_2 17 Feb 2011, 14:44 | ||
Kissie
მეც ძაან თან. ზოგი ნაცნობია და ზოგიც უცნობი. * * * ფისო ფისუნია, ძილისგუდა, ჩხუბის ღირსი არა ხარ? მუდამ გძინავს, თაგუნამ კი ყველაფერი გადახრა. არა, ფისო, ჯერ არა ვარ შენისთანას მნახველი, ამდენ ძილში, ჩემო კარგო, სულ გაგიტყდა სახელი. იცი, რა თქვეს შენზე გუშინ თემურიმ და გოგიამ? - ასეთ კატას, ჩვენო ნანა, სათაგური სჯობია. |
| Posted by: niniko09 31 May 2011, 21:03 |
კახას ლექსები უნდა დავწერო. თქვენი აზრი მაინტერესებს. საბავშვოს სულ ძალის ძალად ვაწერინებ, ძირითადად ,,სადიდოს" წერს ხოლმე. ეს ორი საჭესთან იყო რომ დაწერა, უფრო სწორად, იმან თქვა და მე ჩავწერე! მალე კრებული უნდა გამოუცენ და საკმარისი ლექსები არ აქვს და ძალით ვართმევ პირიდან მაჯაგანით  დედიკოს და მამიკოს ებუზღუნა თამუნა, ვერ ხედავთ, რომ უფალმა ხატვის ნიჭი მარგუნა?! აბა, ახლა სასწრაფოდ საღებავი მაჩუქეთ, ფურცლები და ფანქრები მზესავით რომ აშუქებს. მინდა, ნაზად ჩავხატო, ჭრელა-ჭრულა პეპლები, ია, ვარდი, ენძელა, მოჭიკჭიკე მერცხლები. ჩემი ქვეყნის ფირუზებს და ზურმუხტებს ჩავქარგავ, შვილებს შემოვუნახავ განა კიდევ დავკარგავ?! წამიყვანეთ სოფელში ციხე-გოჯი მაჩვენეთ, მუზა თუკი აფეთქდა ვეღარც კი გამაჩერებთ. ბებოს გაუხარდება, გამომიცხობს ნაზუქებს, გემრიელი კი არის, მაგრამ ძლიერ მასუქებს. მერე ბაბუს ჩავხატავ რომ თევზაობს წყაროზე და სულ მწყობრად დავაწყობ ჩემს ნახატებს თაროზე. პაწაწინა კუდრაჭები პაწაწინა კუდრაჭები თამაშობენ სკოლობანას, თან ერთმანეთს ასწავლიან აი იას, ანაბანას. ლელა მასწავლებელია, გიორგი კი შეგირდი, ვისწავლიო აი იას, _ გუშინ შენ არ შემპირდი? კი, ვისწავლე, ოღონდ ცოტა გამოწერა მიჭირსო, ყველანი ხომ ვერ ვიქნებით შენისთანა ნიჭისო?! ლელამ უთხრა: ცუღლუტობას დაანებე თავიო, თუ გინდა, რომ ჩვენ ორს შუა ჩამოვარდეს ზავიო. |
| Posted by: Annabel 31 May 2011, 21:31 |
| niniko09 მე საბავშვო ლექსებს ბავშვზე ვამოწმებ ანუ თუ დააინტერესა და გამეორება სცადა, ე.ი. ლექსი ასრულებს თავის მისიას.თქვენი ლექსების შემთხვევაში კი მეორე ლექსის ბოლო ორი სტროფი ჩამოარაკრაკა უცებ. მე ვიყიდდი მსგავსი ლექსების კრებულს. |
| Posted by: blblbl 31 May 2011, 21:40 |
| niniko09 ძაალიან აკრიაშენს მეურლეს გადაეცი განაგრძოს წერა |
| Posted by: niniko09 1 Jun 2011, 00:14 |
| blblbl Annabel დიდი მადლობა ამას არ ვეჩხუბები სულ? საბავშვო ლექსები სხვა სპეციფიკის არისო და სხვანაირად იწერებაო და შემიკლა ხელში. არადა ზოგიერთი ისეთი მაგარი გამოუვიდა - ასე ძალის ძალად დაწერილი. დავდო აქ კიდე ერთი ორი თუ ზედმეტია უკვე? |
| Posted by: blblbl 1 Jun 2011, 00:17 |
| niniko09 დადე |
| Posted by: Please choose a Username 1 Jun 2011, 00:23 | ||
| niniko09 რა საყვარელი ლექსებიააა: ))ანის წავუკითხავ ხვალ,დარწმუნებ ვარ მოეწონება და სწავლის სურვილსაც გამოთქვამს <3 : )Annabel
: ))) |
| Posted by: niniko09 1 Jun 2011, 01:13 |
| ლექსების ძირითადი ნაწილი გაბრიელს ეძღვნება. ჰმ, რატომღაც აი, დადგა შემოდგომა, ოქტომბერი ხვავრიელი, სოფლისაკენ მიიჩქარის ცელქი ბიჭი გაბრიელი. პაპა უნდა გაახაროს, შეაშველოს მარჯვენა. აბა, რა ბიჭი იქნება, თავი თუ არ აჩვენა?! სოფლის კოშკის ნანგრევებში შემოიკრებს ძმაკაცებს, ჩოკინაზეც შემოჯდება, ურემთან რომ ბარბაცებს. შემოირბენს ატმის ბაღებს, აუხდება ოცნება, რა ბიჭია გაბრიელი, სულ მალე გამოჩნდება. *** ღმერთმა სამშობლო მიკურთხოს ირიჟრაჟა, სულში, გულში გამობრწყინდა აღდგომა. მინდა ყველას მოგილოცოთ გაზაფხულის დადგომა. ღმერთმა სამშობლო მიკურთხოს მადლიანი ლოცვითა, მეც არასდროს დავღლილიყავ მისი კალთის კოცნითა. სულ მშვიდობა ყოფილიყოს ცისარტყელა ღვთიური, გაბრწყინებული გვენახოს საქართველო მზიური. ატმის კვირტის სურნელება და მთაწმინდის თილისმა მთელ ქვეყანას მოაფრქვიოს ჩემმა ძველმა თბილისმა. იქ, არაგვის შესართავთან მტკვარი რომ დაგუბდება, სვეტიცხოვლის დედაზარი მძლავრად აგუგუნდება. ბანს მისცემენ ზედაზნის და ჯვრის მონასტრის თაღები, საქართველოს სიყვარულით მეც ჯვრით დავიდაღები. * * * ზედა პოსტის ლექსი სააღდგომოდ დაუწერა გაბრიელს საბავშვო ბაღის ზეიმისთვის შარშან. ჰოდა, დიდი ამბით წავედით, სახლში ვასწავლეთ, ასჯერ გავამეორებინეთ და რომ გამოაცხადეს, გაბრიელი იტყვის მამიკოს ლექსსო, დაიბნა, შეეშინდა თუ რა დაემართა არ ვიცი და ეს თამამი გაბრიელი ორი ფრაზით შემოიფარგლა.მეტი ხმა ვერ ამოვაღებინეთ. 1 წელი ვერ ვპატიობდით მერე ჩემი საყვარელი ლექსი: სიმღერა საქართველოზე უმანკო ხელით ჩაფრენია შენს მკერდს ბავშვობა, და გადაიფრენს თეთრი მტრედი ზურმუხტ იალაღს, შეგეგებება დარიალთან დედა ქართლისა, და გადმოგაწვდის სიყვარულით სავსე ფიალას. ციხე ხერთვისის, ქსანი, თმოგვი, ნაქალაქევი, შენს ბასტიონზე ერთგულების დგანან თავდებად, და სამთავისი, ერთაწმინდა, სვეტიცხოველი ცად აზიდულნი აღმართულან უფლის ხატებად. რამდენ დიდოსტატას უმერია შენი ზეცისთვის, ანდა ლექსები არწივებად დაბადებულან, უცხოტომელნი, უდაბნოს და კერპთა შვილები, შენი კალთის ქვეშ წმიდანებად ამაღლებულან. სულ სხვა ხიბლი გაქვს, სხვანაირი ხელით ნაძერწი და ცისფერ თაღებს მოგიხატავს ფერისცვალება, ყველა წყარო და მყინვარწვერი კალმით ნახატი, მაგ შენს ცის ნაგლეჯ ბრწყინვალებას ენაცვალება. |
| Posted by: eslkids 7 Jun 2011, 00:02 |
| მოგესალმებით, მგონი მეტნაკლებად გვიცნობთ, ვინც არ გვიცნობთ, აგერ საიტიც www.eslkids.ge თქვენთან ერთი თხოვნა გვაქვს – შეგვიფასეთ საიტი, მართალია ბოლომდე დამუშავებული არაა, ახლაც ვმუშობთ წვრილმანებზე, მაგრამ შენიშვნებს და რჩევებს გავითვალისწინებთ. განსაკუთრებით მინდა გთხოვოთ ბლოგის შეფასება . ეს ბლოგი www.eslkids.ge/blog თქვენთვის იქმნება, აქ გვინდა თავი მოვუყაროთ ყველა იმ სასარგებლო რესურსს, რომელიც მშობელს, მასწავლებელს და თავად ბავშვს გაუადვილებს ინგლისური ენის დაუფლებას და არა სწავლას. ჩვენი მიზანია ბავშვი ინგლისურს, როგორც მეორე ენას ისე ფლობდეს. დღეს ეს ნამდვილად საჭიროა. გვექნება გაკვეთილები (ონლაინ). გვაქვს რუბრიკა ფსიქოლოგის რჩევები, რომელიც ინფორმაციას მოგაწვდით ბავშვის ფსიქოლოგიის შესახებ. ESL სამყაროში – ამ მეთოდს გაეცნობით. კიდევ, რამეს ხომ არ ისურვებდით? რა შენიშვნა თუ სურვილი გაქვთ? პატივისცემით, |
| Posted by: eslkids 25 Aug 2011, 15:32 |
| მოგესალმებით, http://eslkids.ge/blog აუცილებლად დაგაინტერესებთ, გთავაზობთ ინლისური ენის გაკვეთილებს ონლაინ რეჟიმში, სრულიად უფასოდ, ასევე სწავლსასა და მასთან დაკავშირებულ ფსიქოლოგიურ პრობლემებთან დაკავშირებით გთავაზობთ სასარგებლო რჩევებს. იმედი გვაქვს მოგეწონებათ, პატივისცემით, |
| Posted by: kozet 11 Jan 2012, 12:05 |
| ე.ი. მინდა გურული სიმღერა "იაო-უაო" |
| Posted by: niniko09 11 Jan 2012, 12:22 |
| აჩუ, აჩუ ჩემო ცხენო, საით უნდა გაგაჭენო ბებიასთან მივდივარ! - ეეეეს? kozet |
| Posted by: arazam 11 Jan 2012, 12:43 | ||
blblbl
ძალიან აკლია შენს მეუღლეს--წავიკითხე |
| Posted by: blblbl 11 Jan 2012, 12:47 |
| arazam იმ კომპსი ვერ ვწერ ხოლმე და იქიდან დავწერე ეტყობა |
| Posted by: kozet 11 Jan 2012, 16:20 | ||
niniko09
ხო ეგ |
| Posted by: kopela 10 Feb 2012, 15:53 |
| გამიწიე, მურია, ძმური სამსახურია, ჩემს მაგივრად შეჭამე კარაქი და პურია. და თუ ხვალაც შენ შეჭამ ჩემს მაწონს და ქადასო, მთელი დღე რომ გაწვალებს, მე დაგიჭერ კატასო. |
| Posted by: algulga 17 Feb 2012, 20:52 |
| მოკლედ ასეთი პრობლემა მაქვს, ჩემ შვილს აქვს ჩუტყვავილა და მითხრა რომ მუსიკის მასწავლებელმა გვითხრა ბატონებს უნდა ვუმღეროთ სიმღერა და არ ვიცით რა სიმღერაა. ტირის ვერ ვაჩერებ. არადა ვიცი რომ ნერვიულობა არ შეიძლება . ვინმემ მიშველეთ რა კითხეთ ბებიებს, დედებს იქნებ იცოდნენ ჩემებმა არ იციან |
| Posted by: Annabel 17 Feb 2012, 22:04 |
| algulga http://www.alazani.ge/folkloruli-ansambli-Phazisi-Batonebo-simgeris-teqsti-sng533.html?qartuli-folklori ეს ჩაურთე აბა. ცისფერი ტრიოც მღეროდა მახსოვს. კიდევ "იავნანა"–ში არის ბატონებზე სიმღერა. |
| Posted by: algulga 18 Feb 2012, 13:10 | ||
Annabel
ძალიან დიდი მადლობა და კიდევ ეს ყოფილა http://www.youtube.com/watch?v=5F3dRJa4170 |
| Posted by: sosovika 19 Feb 2012, 09:22 |
| დილა მშვიდობისა -ჩიტო,ჩიტო,ნაცარა, ვის უგალობ, ვისა? -შენ გიგალობ, პატარავ, დილა მშვიდობისა! -მზეო,მზეო ცხრათვალა, ვის უცინი,ვისა? -გაიღვიძე,პატარავ, დილა მშვიდობისა! -პაწაწინა ყვავილო, რად გაშალე კვირტი? - შენთვის მინდა,პატარავ, აბა დამაკვირდი! -მეც ახლავე ავდგები, მეც დავიბან პირსა, –ყველას მივესალმები: დილა მშვიდობისა! კრუხი ახლოს მისვლას არ დამაცლის,იკივლებს და იწივლებს, თითქოს რამეს ვუპირებდე თავყვითელა წიწილებს. ეს რა ავი კრუხი არის, როგორ შემომაფრინდა! ამის შემდეგ მე მაგასთან ლაპარაკიც არ მინდა. შენიაო წიწილები, თუგინდ მითხრათ ასჯერაც, სანამ კრუხს არ მომაშორებთ, არავისი არ მჯერა. ლიმონათი დედაც მიყვარს, მამაც მიყვარს, საჩუქრებიც მომწონს მათი, მაგრამ ყველას მირჩევნია ერთი ჭიქა ლიმონათი. რამდენ წამალს ვსვამ და ვყლაპავ მისი ეშხით ,მისი ხათრით, თქვენ არ იცით, რა კარგია გაზიანი ლიმონათი. |
| Posted by: ქინქლა 19 Feb 2012, 17:28 |
| ჭიაყელა და ვაშლი Vaso Guleuri ვაშლში შეძვრა ჭიაყელა - აქ მოვიწყობ ბინასო. არც არავინ გამომაგდებს და არც მომთხოვს ქირასო! ოსტატი და ხელოსანი არ ჰყავს საძიებელი... გამოხრა და გამოჭამა ერთი საძინებელი. ერთიც – სტუმრის მისაღებად უფრო დიდი ოთახი. - იქნებ ვინმე მეწვიოს და აქ გაჩერდეს ცოტა ხნით! ჩაიზე რომ დამეწვიოს, სასადილო ხომ მინდა! მეგონა, რომ ერთი ვაშლი ყველაფრისთვის მყოფნიდა. როგორც ვატყობ, დამჭირდება მოვამატო ფართობი. აბაზანაც უნდა მქონდეს, ცხელი წყლით და გათბობით! მოვაშენებ ლოჯიას და უფრო კაგრად ვიქნები!.. ამ დროს ქარმა ჭიაყელას აურია ფიქრები. ხე შეირხა. გაგონილა, სამართალი ასეთი? ვაშლიცა და ჭიაყელაც – ხეს არ შერჩა არცერთი. |
| Posted by: Iris87 21 Feb 2012, 13:45 |
| გამოცანები (სიმღერებია, მაგრამ ლექსადაც გამოდგება) ზამთარში რო კანფეტივით პირში უდევს თათი, ბუზღუნა და დრუნჩა ცხოველს რა ჰქვია და --- დათვი! *** ტანად არის ჯუჯა ცხენი გაგაოცებთ ღონით, ბავშვებს ზურგით ასეირნებს რა ჰქვია და --- პონი! |
| Posted by: tamuska27 21 Feb 2012, 19:19 | ||
kozet
http://www.youtube.com/watch?v=Pk0K7Acc6mE&feature=related აჰაა შენ |
| Posted by: xxx_boy 17 Mar 2012, 23:33 |
| ასეთ თემას ვეძებდი და ვერ ვნახე...იმედია სწორად ვხსნი აქ.. დავდოთ ბავშვებს რა მუსიკებიც მოწონთ მხოლოდ ისინი,რამუსიკებზე იძინებენ,რა მუსიკები აყენებთ კარგ განწყობაზე... გამოცდილებს უფრო გეცოდინებათ.. |
| Posted by: my_love 17 Mar 2012, 23:41 |
| http://www.youtube.com/watch?v=ea15NbUNvz8 გამოცდილი არ ვარ მაგრამ ბავშვობის ძილთან ეს ასოცირდება ჩემთვის )და კიდე რო ვერ ვიძინებდი ხოლმე დედა კლასიკას მირთავდა და ვიცოდი რო ყოველთვის საინტერესო სიზმარი უნდა დამსიზმრებოდა .. |
| Posted by: xxx_boy 17 Mar 2012, 23:45 |
| my_love სად ჩვენი და სად ახლანდელი ბავშვების ბავშვობა... |
| Posted by: tamo7779 17 Mar 2012, 23:48 |
| ძილისწინ babyTV ვურთავ ...................................................... |
| Posted by: eleven 18 Mar 2012, 01:06 |
| მე ჩემსას ეს ჩავურთე რამდენჯერმე როცა გიჟივით მოძრაობდა, და გაჩერერდა http://www.youtube.com/watch?v=ta1NzqRiZ9U ნუ ჩემი მუცელშია ოღონდ ჯერ |
| Posted by: xxx_boy 19 Mar 2012, 20:46 |
| http://fans.ge/pl_listen.php?action=6&artist=S2Vpa28gTWF0c3Vp&album=MjAwMSAtIERlZXAgQmx1ZQ== ეს მუსიკებია კარგი/.... იაქტიურეთ ცოტა.... |
| Posted by: ketketket 19 Mar 2012, 21:03 |
| მე პირველ ბავშვზე სულ კლასიკას ვუსმენდი, ბეთჰოვენის სონატებს, ვაგნერს, შოპენს, ძალიან მოქმედებდა ბავშვზე და ისე უყვარს მუსიკა მეხვეწება დაკვრაზე მიმიყვანეო 4 წლისაა.ამ ორსულობაზეც ვცდილობ კლასიკას მოუსმინო ბეთჰოვენის 9 სიმფონიის მე 5 ნაწილი მიყვარს ძალიან კარაიანის შესრულებით საოცარიაა... მგონია რომ ყველაზე ჯანსაღი და სუფთა მუსიკაა ესაა.. თუმცა ისე ხშირადაც ვერ უსმენ მე სხვა რამეებსაც ვეპარები |
| Posted by: MovieStar 19 Mar 2012, 22:08 |
| ჩემი ჭოხონელიძის იავნანაზე ითიშება მომენტალურად ტფუი ტფუი ტფუი თვალი არ ეცეს |
| Posted by: DOLPHIN 19 Mar 2012, 23:23 |
| http://forum.ge/?showtopic=33913240&hl=დასაძინებელი |
| Posted by: l_i_l_u 20 Mar 2012, 11:03 |
| GUMMY BEAR forever!!!!!!!!!!! |
| Posted by: tamuska27 22 Mar 2012, 16:10 |
| xxx_boy სადღაც აქ იყო თემა საბავშვო ლექსები და სიმღერები.... გაგიმართლა,რომ ჯერ არ მოუხურიათ ეს თემა my_love ჩვენი სსსრ ის ჯამინდელი ძილისპირული ისე მე გან რომ მღერის ის უფრო მომწონს ვიდრე ამ გოგოს ნამღერი "ვაგონი" eleven ნახევრად ინდოელი მე მეჯდა მუცელში, მაგრამ ეგ არ ჩამირთავს http://www.youtube.com/watch?v=xbe-oIehMDM&feature=related ამას ვასმენინებდიხოლმე * * * xxx_boy აი კეიკო დღემდე უყვარს ჩემ კაცას. მუცლიდანვე ვასმენინებდი თითქმის ყველა ალბომს.... ეს კარგი ლისტი დაგიდია |
| Posted by: niniko_022 22 Mar 2012, 16:19 | ||
ჩემიი შვილი შეყვარებულიაა http://www.youtube.com/watch?v=z4ReZlJy3Uk http://www.youtube.com/watch?v=mYnKlawa-iY http://www.youtube.com/watch?v=4yHKX4wwKR0 http://www.youtube.com/watch?v=QIuM-g0_MyM ესენი მე ამ საიტით მპ 3-ში გადავიყვანე წარამარა რო არ მეწვალ და ჩემსას მოსწონს http://www.youtube-mp3.org/ka |
| Posted by: mocafe 24 Mar 2012, 01:04 |
| ჩემი გიჟი გიჟდება ამ კლიპზე))) http://www.youtube.com/watch?v=IU0FDkjdp4Y |
| Posted by: xatika 24 Mar 2012, 10:30 |
| ჩემ ბარტყს ყველაზე მეტად ეს მოწონს http://m.youtube.com/watch?v=gAioeWL1xaU ისეთი ლამაზი ანიმაციებია, მეც შემიყვარდა gigglebellies |
| Posted by: Tak 14 Apr 2012, 14:04 |
| აბა გოგოებო, რა ასაკის ბავშვებს რა სიმღერები მოწონს, გავაკეთოთ ქართული, რუსული, ინგლისური, გერმანული და ა.შ. ფლეილისთები, მე მაგალითად მანქანაში მაინტერესებს რეები ჩავწერო... სანდროს ჯერჯერობით უყვარს კრიჭიკრიჭი, ჩემო პატარა გუგულო, თუთუთუ, გოგი დოლიძის "გამახარე" და კიდევ პაროლეეე )) |
| Posted by: nikmaik 14 Apr 2012, 14:40 |
| ნატო მეტონიძის და ბასტი ბუბუს თუ თუ თუ უყვარს მერიკუნას ცეკვავს და მღერის(თავისებურად) |
| Posted by: Clown 14 Apr 2012, 14:57 |
| ეიბისი სონგ, კრიჭიკრიჭი, რატომ ბზუი ფუტკარო, მზის სიმღერა, საქათმეში შეპარულა მელა, პი პი მოდის ავტო, იაო უაო, ციცინათელა |
| Posted by: დოლორეს 14 Apr 2012, 19:25 | ||
 დედის მუსიკალური გემოვნება ასე მნიშვნელოვანი თუ იყო არ ვიცოდი ნამდვილად.ჩემი საყვარელი ჟანრი ბავშვისთვის კი არა ზრდასრულისთვისაცაა ზოგჯერ აკრძალული ისე სახლში ძირითადად კლასიკური ჯაზია ხოლმე ჩართული და ალბათ ცუდ ზეგავლენას არ მოახდენს ხო მუცლადმყოფი არსების ნერვულ სისტემაზე? |
| Posted by: blblbl 14 Apr 2012, 20:05 | ||
დოლორეს
არა რა თქმა უნდა,ბავშვს სიამოვნებს როცა დედა ნასიამოვნები და ბედნიერია შენ იმ მუსისიკიტ თუ იღებ სიამოვნებას ბავშვიც ნასიამოვნებია |
| Posted by: khatia88 14 Apr 2012, 22:23 |
| აი ჩემი შვილი რა სიმღერაზე იძინებს ყველაზე კარგად. პრინციპში ეს კი არა, ჩემზე გადასარევად მოქმედებს ) თუმცა ჩემი ყროყინი მაინც ყველაფერს ურჩევნია.  |
| Posted by: Vivo per Lei 15 Apr 2012, 00:49 |
| მთელი ორსულობა კლასიკურ მუსიკას, საგალობლებს, ხალხურებს ვუსმენდი, ვეწეოდი შემეცნებით ცხოვრებას, ვკითხულობდი ხმამაღლა წიგნებს. ჩემი შვილი რომ დაიბადა განზ ენ როუზისზე იძინებდა, პინკ ფლოიდებს პირდაფჩენილი უყურებდა და აღარ მოვყვები... წიგნი დასანახავად სძულდა აქამდე, როგორ შევაყვარესავით, ჩემი გამკვირვებია, 4 წლის არის უკვე და.. ისევ გაგრძელება მეზარება |
| Posted by: agr_bak 9 Jun 2012, 21:38 |
| აფ-------------------------------------- |
| Posted by: T@K 7 Nov 2012, 20:54 |
| ეს თემა უნდა ამოვწიო ............................. |
| Posted by: november777 19 Nov 2012, 20:31 |
| ღრუტუნიას ცხელოდა, ვერ იშოვა მარაო, შეეცოდა ........... კუდით დაეხმარაო. ვის შეეცოდა? ჩემი შვილი ფასასას ამბობს და მოგვიწყო სახლში ეკივოკი. ვინ იცის ეს ლექსი? |
| Posted by: chaPPek 20 Nov 2012, 10:36 |
| november777 ფარშევანგს?  |
| Posted by: Princess 20 Nov 2012, 10:48 | ||
| november777 ჩიტუნას chaPPek
)))))) |
| Posted by: chaPPek 20 Nov 2012, 10:59 |
| Princess ფასასა ფარშევანგს მივამსგავსე, როგორც წესი პირველ მარცვალს სწორად იმახსოვრებენ ხოლმე |
| Posted by: Princess 20 Nov 2012, 13:02 | ||
chaPPek
იყოს ფასასა რა მოხდა |
| Posted by: november777 20 Nov 2012, 14:02 |
| chaPPek Princess :DDDD იგიჟებს თავს ფარშევანგი არააო ფარშევანგს ფაშალანგს ეძახის ))) ვიკითხავ დღეს ბაღში, მეც ფარშევანგს ვფიქრობ. ალბათ ძალით ამახინჯებს. იცის ხოლმე ასე |
| Posted by: ninitini 24 Nov 2012, 11:08 |
| თინის ერთი სიტყვა თუ ვუთხარით ამაზე ლექსი იციო? დგას და ყვება რაღაცას თითქოს რითმავს კიდეც, თუ კარგად არ მოუსმინე იფიქრებ რომ ლექსი მოგიყვა, სინამდვლეში კი რაღაც სისულელეებს ყვება მამა მოატყუა ამას წინათ ლექსების წიგნი ეჭირა და ყველა ნახატზე ყვებოდა ვითომ ლექსს. ერთი ლექსიი ამოიჩემა განსაკუთებით, თავისი მოგონილია ესეც: თოვლის პაპა მოვიდა მოიტანა საჩუქრები სად მიდიხარ დედიკო, მალე მოვა დედიკო.. თვითონ ხომ ყვება და ბაღშიც ასწავლა ბავშვებს |
| Posted by: niin_nii 27 Nov 2012, 17:52 |
| Princess იქნებ ესეა: შეეცოდა ფისოს და კუდით დაეხმარაო |
| Posted by: areshidze 20 Dec 2012, 21:39 |
| http://www.youtube.com/watch?v=z4ReZlJy3Uk |
| Posted by: იასამანი 4 Feb 2013, 13:55 |
| . . . |
| Posted by: ich-liebe-ihn 16 Feb 2013, 14:10 | ||
merkantil
არამარტო ქართულში |
| Posted by: komisia 27 Apr 2013, 01:25 |
| აუ ამის გაგრძელება არავის გახსოვთ? ცამპა-ცუმპა პამპარი, თაგვებს მიაქვთ ლამპარი: დავდგამ სახლის ბოლოსა, გავინათებ სოროსა. წინ შემოხვდათ ვირთხა, და თაგუნებს ჰკითხა: -ეს რა მიგაქვს თაგუნა? ბედმა ეს რა გარგუნა? ძალიან მიყვარდა ეს ლექსი, მაგრამ დამაკვიწყდა |
| Posted by: ტაბუ 1 May 2013, 13:51 |
| komisia თაგუნა და ლამპარი იყო კუდაბზეკია, მეტიჩარა თაგუნა, მოდიოდა სიმღერით: - ბედმა ეს რა მარგუნა, ცამპა-ცუმპა, პა-მპა-რი, გზაზე ვნახე ლამპარი, დავდგამ ტახტის ბოლოსა, გავინათებ სოროსა. წინ შემოხვდა ვირთხა და თაგუნას ჰკითხა: -ეს რა მიგაქვს თაგუნა? - ძია ბედმა მარგუნა. ცამპა-ცუმპა, პა-მპა-რი, გზაზე ვნახე ლამპარი, დავდგამ ტახტის ბოლოსა, გავინათებ სოროსა. ვირთხამ გადიხარხარა: - ეგ არა ჰქნა, პატარავ, დაგიდგება თვალები, არ ჰქნა, გენაცვალები. გზა განაგრძო თაგუნამ. - ბედმა, ეს რა მარგუნა, ცამპა-ცუმპა, პა-მპა-რი, გზაზე ვნახე ლამპარი, დავდგამ ტახტის ბოლოსა, გავინათებ სოროსა. საღამო ხანს სოროში ლამპა დგას და ანათებს და ლამპარის გარშემო ბუქნა-ცეკვა გამართეს. თაგვებს ბედმა უმტყუნა, გაჩნდა ფისო კრუტუნა, თათი მაღლა ასწია, ატყდა გაწამაწია. ფისომ თაგვი ნაცარა სადღაც წააცანცალა… არ ერწმუნა წრუწუნა ბიძამისის სიმართლეს… იმის შემდეგ თაგვები გაურბიან სინათლეს. ახლაც იქ დგას ლამპარი... გაგვითავდა ზღაპარი. პ.ს. ვენაცვალე გუგული დეიდას: https://www.google.com/search?q=%E1%83%93%E1%83%90%E1%83%95%E1%83%93%E1%83%92%E1%83%90%E1%83%9B+%E1%83%A1%E1%83%90%E1%83%AE%E1%83%9A%E1%83%98%E1%83%A1+%E1%83%91%E1%83%9D%E1%83%9A%E1%83%9D%E1%83%A1%E1%83%90%2C+%E1%83%92%E1%83%90%E1%83%95%E1%83%98%E1%83%9C%E1%83%90%E1%83%97%E1%83%94%E1%83%91+%E1%83%A1%E1%83%9D%E1%83%A0%E1%83%9D%E1%83%A1%E1%83%90&rls=com.microsoft:en-US&ie=UTF-8&oe=UTF-8&startIndex=&startPage=1 http://libofund.blogspot.com/2010_08_01_archive.html |
| Posted by: algulga 2 May 2013, 14:20 |
| დედაჩემის ლექსები http://kids.ge/poesy-authors?author=%E1%83%94%E1%83%9A%E1%83%94%E1%83%9C%E1%83%94-%E1%83%A1%E1%83%90%E1%83%9A%E1%83%90%E1%83%A0%E1%83%98%E1%83%AB%E1%83%94 |
| Posted by: komisia 6 May 2013, 23:05 | ||
აუუუუუუუუუუუუუუუუუუუ წარმოდგენა არ გაქვს როგორ გამიხარდა  შენ გაიხარე |
| Posted by: Special_1 14 May 2013, 09:43 |
| იცით რომელ სიმღერის ტექსტს ვეძებ? მუსიკის განგებიდან გადმოქართულებული რომ არის დო ერთია დო პირველია რე ნოტია მეორე და მერე არ მახსოვს... იქნებ დამეხმაროთ |
| Posted by: Cecy Elliott 14 May 2013, 10:34 |
| რამდენი წიგნიც არ ვნახე საბავშვო ლექსების დუმბაძის კრებულთან ვერცერთი ვერ მივა... არის წიგნები სადაც ერთი ორი ლექსი არაუშავს, დანარჩენები კი მხოლოდ რითმისა და სიტყვების ხროვაა... აი დუმბაძIს ლექსები კი შედევრია... ჩემი ბავშვობისდროინდელი ნაკრები მაქვს, საკმაოდ ბევრი ლექსია შეტანილი, ისე მიყვარდა მეც და ჩემმა გოგომაც სულ ზეპირად იცის იმხელა ლექსები.. |
| Posted by: მარიამი 14 May 2013, 11:41 |
| ჯანსუღ ჩარკვიანის (მგონი) "ბატონი ბატინი და ქალბატონი ბატისინა" მიყვარდა ბავშვობაში. ბიძაშვილმა დამიკარგა წიგნი და მას მერე ვერსაც ვპოულობ ამ ლექსს. ხომ არ გაქვთ ვინმეს? |
| Posted by: ტაბუ 20 May 2013, 17:43 | ||||
Special_1
"სი, ამით ვთქვათ სალამი, ფა, შენც გაიმეორე, სოლ, ჩვენ ვსწავლობთ გზა და გზა, ლა, სიმღერით გავა დრო, სი, ასრულებს გამას და მერე ისევ მოდის დო" ხო და კიდევ ეს სიტყვებიც: "დო, სოლ, ლა, ფა, მი, დო, რე, დო, სოლ, ლა, სი, დო, რე, დო; სიმღერა რომ იცოდე, ნოტებს უნდა იცნობდე" ძალიან კარგი მიუზიკლი გამოუვიდათ (ქართულ ვერსიას ვგულისხმობ), სხვათა შორის მარიამი
საჯარო ბიბლიოთეკაში ჰქონიათ. თუ მარტო ერთი ლექსი გინდა, მიდი და გადაწერე მე ერთი საბავშვო მოთხრობის წასაკითხად მივსულვარ საჯაროში |
| Posted by: მარიამი 20 May 2013, 18:00 |
| ტაბუ მადლობა. საჯარომდე თუ მივაღწიე, იქ ქსეროქსიც უნდა ჰქონდეთ და გადავიღებდი. |
| Posted by: ტაბუ 20 May 2013, 18:12 |
| მარიამი კი, აქვთ ქსეროქსიც. საშვის აღება უფასოა და ფოტოსაც (უფასოდ) ადგილზე გიღებენ. პირადობის მოწმობა დაგჭირდება მხოლოდ. |
| Posted by: Marronnier 27 Dec 2014, 04:34 |
| გადავწყვიტე მაინც დამეპოსტა, მივფიქსირდები ამ თემაში. მილიონჯერ მექნება გადაკითხული ძალიან ძალიან მიყვარს ეს თემა, სითბო და იმედია. დაგიტოვებთ ამას. მიყვარხართ. |
| Posted by: nino25 25 Jan 2015, 11:15 |
| ძალიან კარგი თემაა.ბავშობაში დამაბრუნა |
| Posted by: bastuka 25 Jan 2015, 12:34 |
| Marronnier ძალიან საყვარლები არიან პატარა მეტიჩრები... ბევრი ლექსი ამოვიწერე აქედან და ვუკითხავ ჩემს პატარას.. |
| Posted by: მზე 28 Sep 2019, 22:55 | ||
აუ რა კარგი თემაა  რო მეგონა რო ყველა საბავშვო ლექსი უკვე ლამის ზეპირად ვიცი, არ ყოფილა მართალი 
ეს არც ერთ წიგნში არ შენხვედრია არადა როგორ მიყვააარს |
| Posted by: POKERISBLUFF 22 Oct 2019, 05:30 | ||
 |
| Posted by: ripsta 15 Nov 2019, 16:18 |
| dryade მიყვარხარ |
| Posted by: dryade 16 Nov 2019, 21:29 |
| ripsta მიყვარხარრრრრრრრრრრრრრრრრრრრრრრრრრრრრრრრრრრრრრრრრ |
| Posted by: magdalea 28 Sep 2022, 19:23 |
| UP............................................... |