ასევე, მაინტერესებს ვინ როგორ აფასებს ქალის, მეუღლის, საყვარლის როლს მხატვრის ცხოვრებაში და შემოქმედებაში -- ვფიქრობ, დალისა და გალას კონტექსტიდან გამომდინარე ეს თემაც აქვე ჯობია განვიხილოთ, не отходя от кассы.
გასახურებლად რამდენიმე ციტატას მოვიყვან დალის ნაწერებიდან. აი, რას წერს იგი წიგნში "მაგიური ოსტატობის 50 საიდუმლო":
"ექვსი წლისა მე ვოცნებობდი გავმხდარიყავი ნაპოლეონი -- მე ის ვერ გავხდი.
თხუთმეტი წლისას მინდოდა ვყოფილიყავი დალი -- მე ის გავხდი.
ოცი წლისას მინდოდა გავმხდარიყავი მსოფლიოში ყველაზე განსაცვიფრებელი მხატვარი -- ეს მე გამომივიდა.
ოცდათხუთმეტი წლისას მსურდა მიმეღწია წარმატებისა და კეთილდღეობისათვის -- ეს მე მაქვს.
ახლა, ორმოცდახუთი წლის ასაკში, მე მსურს შევქმნა შედევრი და გადავარჩინო თანამედროვე ხელოვნება ქაოსისა და უმაქნისობისგან. და მე ამას მივაღწევ!"
როგორ ფიქრობთ, მიაღწია დალიმ ამას?
ამავე წიგნში დალის მოყავს თავისი ცნობილი 10 მცნება მათთვის, ვინც აპირებს გახდეს მხატვარი:
1. მხატვრისთვის უმჯობესია იყოს მდიდარი და არა ღარიბი; ამიტომ ისწავლე ისე ხატვა, რომ შენი ფუნჯი ბადებდეს ოქროს და ძვირფას თვლებს.
2. ნუ გეშინია სრულყოფილების -- შენ მას მაინც ვერასოდეს მიაღწევ!
3. ჯერ ისწავლე ფანქრითა და საღებავებით ხატვა ისე, როგორც ამას ძველი ოსტატები აკეთებდნენ, შემდეგ რაც გინდა ის ხატე -- ყველა პატივისცემით მოგეკიდება.
4. უარს ნუ იტყვი საკუთარი ხედვაზე, საკუთარ მანერაზე და საკუთარ წარმოდგენებზე: ისინი შენ გამოგადგება, თუ მხატვარი გახდები.
5. თუ შენ მათ რიცხვს ეკუთვნი, ვინც თვლის, რომ თანამედროვე ხელოვნებამ აჯობა ვერმეერს და რაფაელს, გადადე ეს წიგნი გვერდზე და განაგრძე ნეტარ იდიოტიზმში არსებობა.
6. ნუ შეაფურთხებ საკუთარ ფერწერას -- მას ხომ შეუძლია უკან შემოგაფურთხოს, როდესაც შენ მოკვდები.
7. შედევრი და სიზარმაცე შეუთავსებელია!
8. ფერმწერო, წერე!
9. ფერმწერო, ნუ მიიღებ ალკოჰოლს და არ მოწიო ჰაშიში ხუთზე მეტჯერ ცხოვრებაში.
10. თუ ფერწერას შენ არ უყვარხარ, მთელი შენი მისდამი სიყვარული არაფრის მომტანი და უსარგებლოა.
კარგია, გამოდის სამჯერ კიდევ შემიძლია ჰაშიში მოვწიო!
გაინტერესებთ რა არის დალის ყველაზე მთავარი მაგიური საიდუმლო? მაშინ წაიკითხეთ, როგორ ამთავრებს ამ წიგნს ავტორი:
"ახლა კი მე გაგიმჟღავნებთ უკანასკნელ, ყველაზე მთავარ საიდუმლოს. აი, რაში მდგომარეობს იგი: მას მერე, რაც თქვენ ისწავლეთ ფანქრითა და საღებავებით სწორად ხატვა, ოსტატურად დაეუფლეთ აკვარელის ხელოვნებას, საკუთარი თვალით დარწმუნდით, რომ თქვენს გარშემო მობინადრე ზოგიერთი მცენარე და ცხოველი ერთმანეთისკენ მიილტვის, ზოგიერთი კი პირიქით, ანტიპათიას განიცდის, მას მერე, რაც აითვისეთ "გასაღებით ხელში ძილის" ხელოვნება, შეიცანით საღებავების ფარული ღირსება-საიდუმლოებანი და მიხვდით, თუ როგორ ურთიერთქმედებენ ისინი, და შეიტყვეთ მრავალი, მრავალი სხვა რამ, უნდა გითხრათ -- ეს ყველაფერი აბსოლუტურად უსარგებლოა! რამეთუ უკანასკნელი და უმთავრესი მაგიური საიდუმლო ამ წიგნისა იმაში მდგომარეობს, რომ როდესაც თქვენ მოლბერტთან ჯდებით და იწყებთ სურათის ხატვას, სრულიად აუცილებელია, რომ თქვენს ხელს ანგელოზი მართავდეს...
რაც შეეხება "ძილს გასაღებით ხელში", ეს საკმაოდ საინტერესო მეთოდია, რომელსაც დალი წარმატებით იყენებდა ძალების მოსაკრებად მძიმე და გადაბმული მუშაობის პერიოდში. ამაზე შემიძლია უფრო დაწვრილებით მოვყვე, თუ მოსმენის მსურველი აღმოჩნდება.
მოკლედ, მგონი "დლია რაზაგრევა" სრულიად საკმარისია.
აბა, ველოდები გამოხმაურებას! 
P.S. ხო, თარგმანი ჩემია და ბოდიშს მოვიხდი -- დიდი ლიტერატორი არა ვარ.
და მერე ცოტა მაინც არ უნდა იყო დაცურებული ეგ რომ დაწერო? 
....... თუ , ვერ დავდე, არვიცი 
