ორი კითხვა მაქვს
არა, სამი
1- საიდან აკოპირებ ამ ყველაFერს? წყარო უნდა მიუთითო, ისე არ შეიძლება
2- შენ თვითონ კითხულობ ხოლმე?
3- შენ და MAKKA ერთიდაიგივე ხართ?
| Printable Version of Topic
Click here to view this topic in its original format |
| თბილისის ფორუმი > ჯანმრთელობა და მედიცინა > სასარგებლოა ვიცოდეთ! |
| Posted by: EXTRAORDINARY 18 Jun 2008, 18:11 |
| ვისაც რამე საინტერესო გაქვთ გაგებული ან წაკითხული ასეთი ტიპის ინფორმაცია დააკოპირეთ ან ვისაც რამე საინტერესო მასალა მოეპოვება დავწეროთ და გავუზიაროთ ერთმანეთს! [COLOR=blue] სასარგებლოა ვიცოდეთ![COLOR=blue] [COLOR=blue]თუ ძლიერ გიზიდავთ ტკბილეული, შოკოლადი და ა.შ გახსოვდეთ, თქვენ გაკლიათ ქრომი და ვანადიუმი. ნუ გაამტყუნებთ ბავშვებს, რომლებიც ტკბილეულს იპარავენ. თუკი ამ პრობლემას უყურადღებოდ დატოვებთ, დიდი რისკია დიაბეტის ჩამოყალიბებისა. ფეხმძიმე ქალებს სულ რაღაცის ჭამის სურვილი აქვთ. ეს იმიტომ ხდება , რომ მოზარდი ნაყოფი დედის ორგანიზმიდან მისთვის საჭირო მიკროელემენტებს და მინერალებს იღებს. დახედეთ თქვენს ხელებსა და სახის კანს, თუ ვარდისფერ ლაქებს შეამჩნევთ , იცოდეთ, რომ ესაა სელენიუმის დეფიციტით გამოწვეული. თუ ჭამის მადა დაკარგეთ, ვერ გრძნობთ საკვების გემოს და სუნს ეს ზინციუმის ნაკლებობითაა გამოწვეული. თუ მაღალი წნევა გაწუხებთ რაციონიდან ამოიღეთ მარილი. 1991 წელს დოქტორმა უოლოკმა ექსპერიმენტი ჩაატარა. საკონტროლო ჯგუფი 5000 კაცისაგან შედგებოდა, რომელთაც მაღალი არტერიული წნევა აწუხებდათ. კვების რაციონში ორჯერ გაიზარდა კალციუმის შემცველობა და 6 კვირაში ექსპერიმენტიც შეწყდა. ადამიანების 85% წნევა დაურეგულირდათ. ამერიკის შეერთებული შთატების 74-ე კონგრესზე 1936 წელს შეიქმნა დოკუმენტი 2.64 , სადაც წერია ,რომ მცენარეები თითქმის აღარ შეიცავენ მინერალებს. დღეისათვის მდგომარეობა კიდევ უფრო გაუარესებულია და ერთ-ერთი მიზეზი ისაა, რომ ვერავინ აიძულებს ფერმერს ნიადაგში შეიტანოს 60 სახეობის მინერალი. მათ მიწაში მხოლოდ 3 სახეობის მინერალი შეაქვთ. ესენია: ნატრიუმი, ფოსფორი, კალიუმი. ჩვენთვის აუცილებელია 91 საკვები დანამატი; მათგან 60 სახეობის მინერალი, 16 ვიტამინი, 12 ძირითადი ამინომჟავა და პროტეინები, 3 ძირითადი ცხიმმჟავა. ამ დანამატების დეფიციტი უამრავი დაავადების მიზეზია.[COLOR=blue] |
| Posted by: EXTRAORDINARY 19 Jun 2008, 18:29 |
| [/B]რატომ იმატა სიმსივნეების რიცხვმა და რა არის თავისუფალი რადიკალი?[B] 460 წლის წინ 1534 წელს ზამთარში, ფრანგი მოგზაური ჟაკ კარტერი კანადაში გაემგზავრა წმინდა ლავრენტის მდინარის გამოსაკვლევად. ხომალდმა მარცხი განიცადა.ეკიპაჟის 25 წევრი სურავანდით დაიღუპა , თავად კარტერი ადგილობრივმა აბორიგენმა გადაარჩინა, რომელმაც მათ თეთრი ფიჭვის ქერქისაგან სამკურნალო ჩაის დაყენება ასწავლა. 400 წლის შემდეგ დაიწყეს ამ მცენარის შესწავლა და დაადგინეს რომ მისი ქერქის ექსტრაქტს აქვს უნარი გაანეიტრალოს თავისუფალი რადიკალების მოქმედება ანუ ანტიოქსიდანტია.1971 წელს ამერიკელმა ექიმმა ამერმა გამოაქვეყნა მასალები შესაბამისი მტკიცებულებებით, რომ დაბერების პროცესი პირდაპირპროპორციულია თავისუფალი რადიკალების არსებობასთან. 1973 წელს მანვე დაამტკიცა, რომ ონკოდაავადებები ვითარდება ისეთ ორგანიზმში, სადაც დიდი ოდენობითაა თავისუფალი რადიკალები. [/B]რა არის თავისუფალი რადიკალი?[B] იგი არის ელექტრონს მოწყვეტილი ფორმულა.კავშირდაკარგული ჟანგბადის ატომი, რომელიც უგზო-უკვლოდ დახეტიალობს მანამ , სანამ არ გადაეყრება ნორმალურ ჯანსაღ უჯრედს რომელსაც თავს ესხმის და ართმევს ელექტრონს, თავდასხმა ძირითადად უჯრედის მემბრანაზე ხდება , რის შემდეგაც ეს უჯრედი ნორმალურად ვეღარ ფუნქციონირებს. მასში ირღვევა ნივთიერებათა ცვლა, რადგანაც იშლება უჯრედში საკვების შეტანის და იქიდან ნარჩენი პროდუქტების გამოტანის პროცესი-უკრედული მეტაბოლოზმი.თავისუფალი რადიკალები ორგანიზმში ჩვეულებრივად მეტაბლოური პროცესებიდან გამოიყოფიან, რაც ბუნებრივია ჟანგბადის გარეშე ვერ მოხდება. თავისუფალი რადიკალები უჯრედის დნკ-საც აზიანებენ, რაც უკეთეს შემთხვევაში იწვევს უჯრედის კვდომას ,ან აღდგენის და გამრავლების უნარის დაკარგვას იწვევს, უარეს შემთვევაში იწყებს უკონტროლო ზრდას ,რის გამოც ვითარდება კეთილ და ავთვისებიანი სიმსივნეები.ზიანდება სისხძარარვთა კედლები, კანის უჯრედები, ჩნდება ნაოჭები, ირღვევა ორგანიზმის ფუნქციები, მინერალური ცვლა, ზიანდება ენდოკრინული სისტემა, ქვეითდება იმუნიტეტი. თავისუფალი რადიკალების მავნე ზემოქმედების გასანეიტრალებლად ორგანიზმი გამოიმუშავებს ანტიოქსიდანტებს, მაგრამ ასაკის მატებასთან ერთად ეს პროცესი ნელდება. მაგალითად 40 წლის ასაკში ე სპროცესი მცირდება 50% ხოლო 60-70 წლის ასაკში 5%-ამდე ეცემა. [/B]რა იწვევს თავისუფალი რადიკალების წარმოქმას ორგანიზმში? ეს ფაქტორებია:[B] დაბინძურებული ეკოლოგია, მზის რადიაცია, სხვადასხვა მავნე გამისხივებები, ტელევიზორი, სახლის რადიოტელეფონი, მობილური ტელეფონი, კომპიუტერი, ალკოჰოლი, თამბაქო, პარფიუმერია, ავიამგზავრობები-აფრენის და დაფრენის მომენტში მაგნიტური ველის ცვალებადობის გამო,პროფესიონალური სპორტი-დატვირთვა რაიმე ერთი მიმართულებით, 50 წლის ზევით ასაკი, ხილისა და ბოსტნეულის დეფიციტი, არასწორი კვება, დიდი ოდენობით ცხიმი, კონსერვანტები და დაკონსერვებული პროდუქტები, კომპოტები, რძე, რადგანაც ნიადაგი ყველგან რადიაქტიურია,პესტიციდები და რებიციდები ნიადაგში,ქლორი წყალში, საყოფაცხოვრებო ქიმია და პირადი ჰიგიენის საგნები მავნე შემადგენლობით,ფსიქოემოციონალური სტრესები, არის საშუალებები,რომლებიც თავისუფალ რადიკალებს ,, ომისა და ჩხუბის'' გარეშე ნებაყოფლობით აძლევენ ელექტრონს.ასეთი თვისებები გააჩნია ვიტამინ ე-ს ვიტამინ ც-ს ვიტამინ დ-ს.მათ ანტიოქსიდანტები ქვიათ. ჯეკ მასკეილერმა 1979 წელს აღმოაჩინა ნივთიერება პიკნოგენოლი -უძლიერესი ანტიოქსიდანტური ნივთიერება , იგი გამოიყოფა ყურძნის წიპწის ,ასევე ზღვისპირა ფიჭვის ქერქიდან,ლიმონის ხის ქერქიდან, არაქისის-მიწის თხილის ჩენჩოდან..1987 წელს მან დააპატენტა ეს ნივთიერება. [/B] როგორც ხედავთ მდგომარეობა არასახარბიელო გვაქვს დღესდღეისობით ამიტომ არ მიუყრუოთ ამ თემას და თუ სხვა არაფრის შეცვლა არ ძალგიძთ, მიაშველეთ ორგანიზმს ანტიოქსიდანტები.![B] * * * იცოდით რომ; 1. ყველა წნევის წამალი ადუნებს კუჭნაწლავის პერისტალტიკას, მათ შარმდენი მოქმედება აქვთ და მინერალები და კალციუმიგამოაქვთ, ასევე 15 წუთში მინერალები,ვიტამინები და კალციუმი გამოაქვს ყავასაც , ამიტომ ნუ გადააჭარბებთ.ვისაც დაბალი წნევა აქვს თურმე მინერალები აკლია. 2. ჰერპესის გამოვლინების დაცვის ერთადერთ საშუალებად ითვლება იმუნიტეტის გაძლიერება. 3.ტაბლეტი მზადდება ტალკისგან.ტალკი შემკვრელია,მაგრამ A კლასის კანცეროდენადაც ითვლება, იგი მიიღება სინთეზის გზით და თითქმის შეუთავსებადია უჯრედისთვის. ვიტამინი ტაბლეტებიდან 5-7% შეიწოვება 10 ვიტამინიდან ნახევარი და დანარჩენი გროვდება ტოქსინებად და ალერგიებს იწვევს. 4მედიკამენტები არათუ გავლენას ახდენენ ორგანიზმზე , არამედ გადაეცემიან გენეტიკურ კოდს, ამერიკასა და იაპონიაში ანტიბიოტიკები მიჩნეულნი არიან ძირითად კომპონენტებად ავთვისებიანი სიმსივნის წარმოქმნაში. 5.გლანდების ამოჭრა სერიოზულ ზემოქმედებას ახდენს ცხიმების დაგროვებაზე, ისინი 10ჯერ უფრო მიდრეკილნი არიან წონისკენ. 6.იმუნურ სისტემას განაგებს ტვინის მარცხენა ნახევარსფერო,ცაციებში იმუნიტეტი 25ჯერ მეტია. 7.შეკრულობის პრობლემა აქვს მოსახლეობის ერთ მესამედს მდგომარე და მჯდომარე პოზიციებში. 8 ონკოდაავადებები მეორე ადგილზეა გულ-სისხლძარღვთა შემდეგ. 9. სიმსივნის გამომწვევ მიზეზებად თვლიან გენეტიკას, ეკოლოგიას, თამბაქოს , პირადი ჰიგიენის საგნებს ქიმიური შემადგენლობით. 10.ძვლების სტრუქტურის დაზიანებას იწვევს ჰორმონების მიღება, ღვიძლი გადატვირთულია თუ თვალში სისხჩაქცევებია. |
| Posted by: EXTRAORDINARY 22 Jun 2008, 14:35 |
| [/B][SIZE=14]პასიურობა არ იყოს! დაპოსტეთ ვისაც საინტერესო ინფორმაცია გაქვთ[SIZE=14][B] |
| Posted by: MAKKA 1 Jul 2008, 17:18 | ||
არსებობს ათასგვარი მოსაზრება ასეთი პროდუქტების შესახებ. მაგრამ უნდა გითხრათ, რომ «არც ისე წვიმს, როგორც ქუხს». თუმცაღა ფაქტია, რომ გენეტიკურად მოდიფიცირებული პროდუქტი სხვა არაფერია, თუ არა მუტანტი. თანაც ისეთი, რომელიც გამოყვანილია განსაზღვრული თვისებებისა და შესაძლებლობების მინიჭების მიზნით. მაგრამ რას წარმოადგენენ კულტურული მცენარეები და შინაური ცხოველები თავისი ველური წინაპრების მიმართ? იგივე მუტანტებს! ოღონდ ისინი არიან მრავალწლიანი ან საუკუნოვანი სელექციის შედეგნი. ერთადერთი პრინციპიალური განსხვავება მათსა და თანამედროვე გენეტიკურად მოდიფიცირებულ პროდუქტებს შორის არის ის, რომ ასეთი პროდუქტები მიიღებიან ერთი თაობის შემდეგ. მაშინ რაღა საშიშროება იმალება ამაში? მოწამლვა ბოროტი გენით, რომელიც აღწევს თქვენს სისხლში, შეაღწევს რომელიმე ქრომოსომაში და მთელი თავისი მშვენიერებით აისახება თქვენს შთამომავლობაზე? აბსოლიტური ბოდვაა! გაიხსენეთ პროცესები, რომლებიც მიმდინარეობს საჭმლის მომნელებელ ტრაქტში, სადაც პრაქტიკულად ყველა ორგანული ნივთიერება იშლება საწყის ელემენტებამდე, რომელსაც ორგანიზმი ერთადერთი მიზნით ითვისებს: ენერგეტიკული ბალანსის აღსადგენად!. ასე რომ, ვერავითარი გენი თავის პირველსახით ვერ გადარჩება თქვენს კუჭებში. ხოლო მრავალრიცხოვანი საწამლავები (პესტიციდები და ინსექტიციდები), რომლითაც შეიძლება სავსე იყოს პროდუქტები მავნებლებისა და დაავადებების თავიდან აცილების მიზნით, არავითარ კავშირში არ არიან გენეტიკურ მოდიფიცირებასთან. უმჯობესია იბრძოლოთ «ქიმიური ეკოლოგიისათვის» და არა «გენეტიკურისათვის». რა არის საშიში იმაში, რომ ჩვეულებრივი ბაღის მარწყვი იწონიდეს 70 გრამს 20-ის ნაცვლად! |
| Posted by: EXTRAORDINARY 1 Jul 2008, 17:27 | ||
ჩვენ კანს ბევრი მტერი ყავს - ყინვა და მზე, მტვერი და ქარი, სტრესი და სიგარეტის კვამლი, ზოგჯერ კი თავად ჩვენი თავი. როცა სასარგებლო პროდუქტების ნაცვლად მივირთმევთ ჩიპსებს და ბუტერბროდს, ვიცავთ სხვადასხვა დიეტას, დილიდან საღამომდე ვსვამთ ყავას, ამით მხოლოდ ჩვენი კუჭი არ ზარალდება, არამედ კანიც ხდება ფერმკრთალი, ცხიმიანი ან მშრალი, კარგავს სიმკვრივეს, წითლდება. თუ გსურთ ყოველთვის კარგად გამოიყურებოდეთ, შეადგინეთ კანის სილამაზის და ჯანმრთელობის საკუთარი მენიუ და მკაცრად დაიცავით ის. თქვენ რაციონში უნდა შედიოდეს ვიტამინები, შეუცვლელი ნაჯერი მჟავები, ცხიმები და სხვა სასარგებლო ნივთიერებები, რომელთა გარეშე ეფექტს ვერ მიიღებთ. საკვები, როგორ ბანალურადაც უნდა ჟღერდეს, სახისთვის იგივე მკვებავი კრემია, ამიტომ იგი სწორად უნდა შეირჩეს. კოსმეტოლოგებმა ყურადღება მიაქციეს, რომ ბერძნებს, იტალიელებს და თურქებს პრაქტიკულად არ აქვთ კანთან დაკავშირებული პრობლემები. ფაფუკი თმები, მაგარი ფრჩხილები. . .იტყვით რატომაც არა, მთელ ცხოვრებას კურორტზე ატარებენ-მზე, ჰაერი, წყალი! რა თქმა უნდა რბილი კლიმატი და სუფთა ჰაერი გასათვალისწინებელია, მაგრამ არანაკლები მნიშვნელობა ენიჭება სწორ კვებასაც, რომლის ძირითადი შემადგენელი არის ბოსტნეული, ხილი და ზეითუნის ზეთი. ხმელთაშუა ზღვის ლამაზმანები სწორედ ზეითუნის ზეთს უმატებენ უხვად თითქმის ყველა კერძში და იყენებენ თავის მოსავლელად. თავის ჩაუქრობელ სილამაზეს სოფი ლორენი უმადლის: ”სიცოცხლის სიყვარულს, სპაგეტის და აბაზანას ზეითუნის ზეთით”. დღეს ზეითუნის ზეთი ყველასთვის ხელმისაწვდომია. იგი მდიდარია შეუცვლელი ცხიმოვანი მჟავებით ომეგა-3 და ომეგა-6, რომლებიც ხელს უწყობენ კანის თვითდატენიანებას, თმების და ფრჩხილების ჯანმრთელობას და სიძლიერეს. ჯანმრთელობისთვის ასევე სასარგებლოა სელის, ხორბლის და პარკოსნების ზეთი. მაგრამ ზეითუნის ზეთს ბადალი არ ყავს. მიირთვით ყოველდღე 2 ს.კ. ზეითუნის ზეთი- შეაზავეთ სალათა, მოამზადეთ მასში ხორცი და ბოსტნეული, დაამატეთ სუპებსა და სხვა კერძებშიც. ორგანიზმისთვის საჭირო ნახევრად უჯერი მჟავები შეიძლება მიიღოთ არამარტო პროდუქტებისგან, არამედ სხვადასხვა საკვები. მსგავს საშუალებებს, რომლებიც რეკომენდებულია პროფილაქტიკისთვის სხვადასხვა დაავადებების დროს, გააჩნიათ კოსმეტოლოგიური “უკუეფექტი” კარგი მნიშვნელობით - კანის ბუნებრივი ლიპიდური შრის აღდგენით ისინი დამატებით ატენიანებენ მას, ხდიან გლუვს და ხავერდოვანს. ცოტა ხნის წინ მედიკოსებმა დაამტკიცეს, რომ ქალები, რომლებიც თავიანთ მენიუში ამატებენ ზეითუნის ზეთს დღეში 2-ჯერ, 4-ჯერ უფრო ნაკლებად ავადდებიან მკერდის კიბოთი, ვიდრე ისინი ვინც საერთოდ არ მოიხმარს მას. საერთოდ ზეითუნის ზეთის მომხმარებლებს 40%-ით იშვიათად უვითარდებათ სიმსივნე. |
| Posted by: LIKA@LIKA 1 Jul 2008, 17:35 | ||
ყველასათვის ცნობილია ჟოლოს (მალინა) სიცხის დამწევი თვისების შესახებ, რომელსაც ყოველთვის უნიშნავენ ექიმები მწვავე რესპირატორული დაავადებების დროს. მეცნიერებმა დაადგინეს, რომ ჟოლოს ნაყოფი შეიცავს სალიცილის მჟავას, ამიტომ იგი ასპირინის აბივით მოქმედებს, და არ აღიზიანებს კუჭის ლორწოვან გარსს. ამას გარდა, ჟოლოს აქვს სისხლის შემაჩერებელი და ანტიტოქსიური თვისება, აუმჯობესებს მადას და გამოიყენება სისხლნაკლებობის დროს. და კიდევ: ჟოლო აუცილებლად უნდა მიირთვან ქალებმა, რადგან იგი დადებითად მოქმედებს ტონუსზე და სახის კანის ფერზე, რადგან შეიცავს ვიტამინებს - А, Е, РР, С, В. სპილენძის დიდი შემცველობის წყალობით, იგი სასარგებლოა ადამიანებისათვის, რომელთა ცხოვრება და სამუშაო დაკავშირებულია დიდ ნერვულ დაძაბულობასთან. ფოლის მჟავა, რომელსაც შეიცავს ჟოლო, დადებითად მოქმედებს ქალის ორგანიზმზე, რომელიც ორსულობისათვის ემზადება. ამას გარდა, ჟოლოს და მის ფოთლებს აქვთ შარდმდენი ეფექტი, რაც თიკმელებს მუშაობაში ეხმარება. ასე რომ, ფოთლებისა და ჟოლოს წიპწისგან დამზადებული ნაყენი (ჩაი) სასარგებლო სასმელია. სხვა კენკროვანებისაგან განსხვავებით, ჟოლო არ კარგავს თავის თვისებებს თერმული დამუშავებისას. ამიტომ ჟოლოს მურაბა – საუკეთესო საშუალებაა გაციების დროს. |
| Posted by: EXTRAORDINARY 1 Jul 2008, 17:38 | ||
რას აღარ ეძახდნენ მას კულინარიის ოსტატები: "უწმინდური სული"(ჩინეთი), "ჯოჯოხეთის მოციქული"(ინგლისი), "მყრალი ვარდი"(იტალია). მაგრამ 1720 წელს დიასახლისები იძულებულნი გახდნენ ტუჩი აღარ აებზუებინათ ნივრის დანახვაზე – გალანძღულმა მცენარემ ევროპა ჭირისაგან იხსნა. ძველად ადამიანებს გადასარევად ესმოდათ ნივრის ძალა: ეგვიპტეში მას ყველა მიირთმევდა – უბრალო მონაც და ფარაონიც. ნივრის კვლები გადიოდა ბაბილონის კედლის გასწვრივ მთელს სიგრძეზე, არც თუ ცოტა ადგილი ეჭირა სემირამიდას დაკიდულ ბაღებშიც. პომპეიშიც კი, გაციებული ლავის ქვეშ, ნივრის მარაგებია აღმოჩენილი. მაშინ ამ მცენარეს სამგვარი გამოყენება ჰქონდა: იყო სანელებელი, ჯანმრთელობის გასამაგრებელი და იცავდა შავი ძალებისაგან. რომელი მათგანისათვის მიენიჭებინა უპირატესობა, ამას ყოველი ადამიანი თავად არჩევდა. ნიორი სინამდვილეში უამრავ დაავადებას შველის, თუმცა, მარტო შავი ჭირი და ქოლერაც საკმარისი იქნებოდა. გიშველით ანთებისას და ჭრილობისას, გველის ნაკბენისაგან და ეპილეფსიისაგან... ნიორი შეიცავს ანთების საწინააღმდეგო, კიბოს საწინააღმდეგო და იმუნიტეტის გამააქტიურებელ თვისებებს. ასტიმულირებს ღვიძლის დაცვას სხვადასხვა მავნე ზემოქმედებისაგან, ხელს უშლის ათეროსკლეროზის განვითარებას, ნორმაში აყენებს წნევას, აღადგენს ორგანიზმს სტრესებისა გადატვირთვის შემდეგ. და კიდევ, ჯერ კიდევ ძველ საბერძნეთში ათლეტები ოლიმპიადაზე გამოსვლის წინ ნიორს დოპინგივით იყენებდნენ, ხოლო ძველი რომაელი მეომარი არსად გაემგზავრებოდა ნივრის მარაგის გარეშე. და რაღა ოლიმპიადები, მეოცე საუკუნეში ნიორი ადამიანთან ერთად გაფრინდა კოსმოსში. რამდენიმე თვის განმავლობაში იგი შესანიშნავად ინახავს ორბიტალური სადგურის ეკიპაჟის იმუნიტეტს. ესეც თქვენი "მყრალი ვარდი!" თუმცაღა, სუნს ვერსად გაექცევით. "თვითონ ნივრის სუნი შეურაცხმყოფელია!" - გამოაცხადა ერთმა ინგლისელმა მზარეულმა ქალმა. და აქამდე ბრიტანულ კულინარიულ ლიტერატურაში ნიორი არ მოიხსენიება. თუმცა მიირთმევენ, მაგრამ გააჩნია როგორი ფორმით. მაგრამ მოხარშული, შემწვარი და ორთქლზე გატარებული ნიორი თავის თვისებებს კარგავს, მაშ როგორ როგორ შევინარჩუნოთ მიკროელემენტები? დასახმარებლად მეცნიერება მოვიდა – ახლა უშვებენ სპეციალურ ბიოლოგიურ დანატებს ნიორთან ერთად. იაპონელი მეცნიერები განსაკუთრებით ურჩევენ მათ მსხვილი ქალაქის მცხოვრებლებს: ნივრის ექსტრაქტი დაგიცავთ მძიმე მეტალების ზემოქმედებისაგან – ტყვიისაგან, ვერცხლის წყლისა და კადმიუმისაგან. მათი დადებითი ზემოქმედება ორგანიზმზე ეჭვს არ იწვევს, მაგრამ არის ერთი დიდი მაგრამ. საქმე იმაშია, რომ ნივრის აქტიური ნივთიერებები ყოველთვის ვერ ეთავსება სხვა სამკურნალო პრეპარატებს. ძირითადად ანტივირუსულებს, რომელთა მოქმედებაც ნულამდე დადის. მაგალითად, შიდსის მკურნალობის ეფექტურობის გაძლიერების მცდელობისას ნივრის ბიოლოგიურად აქტიური დანამატების მეშვეობით იქამდე მივიდა, რომ ანტივირუსული პრეპარატის ძალა ნულამდე დავიდა. ამ შემთხვევაში გრიპის საწინააღმდეგო საშუალებებიც კი უსარგებლო აღმოჩდა. ანუ უარი უნდა თქვათ თუ არა ნივრის დანამატებზე? არავითარ შემთხვევაში! ანუ მხოლოდ მაშინ, როცა თქვენს ორგანიზმს ანტივირუსული პრეპარატები სჭირდება. როგორც ხედავთ, უკეთესი ვარიანტია – ნივრის სუფთა სახით მიღება. მთავარია, სწორად განსაზღროთ მიღების დრო. ახალგაზრდობის ელექსირი: თუ მას ოდესმე გამოიგონებენ, ნიორი მის შემადგენლობაში აუცილებლად შევა. საქმე იმაშია, რომ ნიორი ასტიმულირებს მამაკაცისა და ქალის სასქესო ჰორმონების სინთეზს, რაც პირდაპირი გამაახალგაზრდავებელი ეფექტია! მაგრამ, ელექსირი ჯერ არ არსებობს, თუმცაღა არსებობს ნივრის ბაზრობა: კვირაში ერთხელ, საფრანგეთის ქალაქ სენ-კლერში იხსნება ბაზრობა, სადაც არაფერია ნივრის გარდა! ხოლო წელიწადში ერთხელ, აგვისტოში, აქ ჩამოდიან ტურისტები ნივრის დღესასწაულზე. დროც იცვლება, სამკურნალო საშუალებებიც, მაგრამ ნიორი, როგორც იყო შეუცვლელი, ისევე რჩება. |
| Posted by: MAKKA 1 Jul 2008, 17:41 | ||||||||||
ძველი ინფორმაცია: ტენესის უნივერსიტერტის გამოკვლევების თანახმად, რძის პროდუქტები ხელს უწყობენ წონაში დაკლებას. რძის დიეტის დაცვით, ადამიანმა შეიძლება დაკარგოს ცხიმის დაახლოებით 5%. ახალი ინფორმაცია: რძის პროდუქტები წონაში დაკლებასთან არანაირ კავშირშია, აცხადებს თერაპევტთა კომიტეტი სამედიცინო პასუხისმგებლობის დარგში. სინამდვილეში: ეს არა ერთმნიშვნელოვანი კამათია: ტენესის უნივერსიტეტის გამოკვლევა ფინანსდებოდა რძის ინდუსტრიისაგან, ხოლო სამედიცინო პასუხისმგებლობის თერაპევტთა კომიტეტი ყოველთვის ახდენდა ვეგეტერიანული დიეტის პროპაგანდას, აქვთ რა რადიკალური შეხედულებები კვებაზე საერთოდ. მაგრამ ყველა სწავლულმა იცის, რომ კალცი ამაღლებს ქოლეკალციფეროლის(ჰორმონის) დონეს, რის შემწეობითაც ხდება ნაკლები ცხიმის დაგროვება, ხოლო კალცის მიღება ნატურალური პროდუქტებიდან უფრო მეტად აუმჯობესებს შედეგს.
ძველი ინფორმაცია: თევზის რეგულარული გამოყენება საკვებში აქვეითებს გულის დაავადებების რისკს 30%-თ. ახალი ინფორმაცია: უკანასკნელი გამოკვლევბის თანახმად, არა თვითონ თევზის გამოყენება იწვევს დაავადებების შემცირების რისკს, არამედ სწორი კვება, რომელსაც თევზის მოყვარულები ეწევიან. სინამდვილეში: უკანასკნელმა გამოკვლევებმა არ უარყო ინფორმაცია იმის შესახებ, რომ სახელდობრ თევზში შემავალი ცხიმმჟავები ომეგა-3 ამცირებს გულის დაავადებების რისკს, ამბობს Nieca Gоldberg (The Wоmen’s Healthy Heart Prоgram). იგი ასევე იძლევა რეკომენდაციას, მიირთვათ თევზი საკვებად 2-3-ჯერ კვირაში (და არა უმეტეს 2-სა ორსულებმა), თევზიდან მაქსიმალური სარგებლიანობის მისაღებად თქვენი ორგანიზმისათვის. [
\ ძველი ინფორმაცია: წითელი ღვინო გეხმარებათ ბრძოლაში გულის დაავადებების, კიბოს და ალცჰეიმერის დაავადების წინააღმდეგ. ყურძნის კანში აღმოჩენილი ანტიოქსიდანტი ანტოციანი აჩერებს უჯრედების რღვევას, გამოწვეულს დაავადების მიერ. ახალი ინფორმაცია: თეთრი ღვინო ისეთივე საასარგებლოა, როგორც წითელი. სინამდვილეში: საჭიროა შემდგომი გამოკვლევები ამ საკითხთან დაკავშირებით. აღსანიშნავია ასევე ისიც, რომ ახლახანს მეცნიერები მივიდნენ დასკვნამდე: ლუდს და სპირტიან სასმელებს მოაქვთ ერთნაირი სარგებლობა ორგანიზმისათვის. მაგრამ ნუ გამოიყენებთ ამას თავის გასამართლებლად. ალკოჰოლის გადაჭარბებული მიღება ორგანიზმს არანაირ სიკეთეს არ მოუტანს.
ძველი ინფორმაცია: სოიოს შეუძლია შეამციროს გულის დაავადებებისა და კიბოს გაჩენის რისკი. ასეთი დასკვნა გამოიტანეს მეცნიერებმა იმ ინფორმაციაზე დაყრდნობით, რომ აზიის მცხოვრებთა შორის, რომლებიც იცავენ სოიოს დიეტას, შეინიშნება ასეთი დაავადებების ძალიან დაბალი მაჩვენებელი. ახალი ინფორმაცია: სოიოს არ ძალუძს ამ დაავადებების რისკის შემცირება. სინამდვილეში:მიუხედავად იმისა, რომ სოიო შეიცავს დიდი რაოდენობით კალცს, ცილას და ცხიმებს ექსპერტები ამტკიცებენ, რომ სოიოს ხშირი გამოყენება არ ამცირებს გულის დაავადებებისა და კიბოთი დაავადების რისკს. |
| Posted by: mtvareuli 1 Jul 2008, 18:48 |
| EXTRAORDINARY ორი კითხვა მაქვს არა, სამი 1- საიდან აკოპირებ ამ ყველაFერს? წყარო უნდა მიუთითო, ისე არ შეიძლება 2- შენ თვითონ კითხულობ ხოლმე? 3- შენ და MAKKA ერთიდაიგივე ხართ? |
| Posted by: EXTRAORDINARY 1 Jul 2008, 19:15 |
| mtvareuli კი ვერ ვისწავლე ერთად როგორ დავყარო რამდენიმე სურათი რადიკალითო მარა რარაც ვერ გავიგე. ხომ ვერ დამეხმარები? მე თვითონ ვკითხულობ მარა იმ დღეს არა ნამეტანი მომივა )) რუსულებს სხვადასხვა საიტებიდან და ქართულებს 2 კაი საიტია ისინი კი თარგმნიან რუსული საიტებიდან. მაგალითად. www.kosmetichka.ru |
| Posted by: ikebana 1 Jul 2008, 19:24 | ||
mtvareuli
LIKA@LIKA-ც |
| Posted by: LIKA@LIKA 1 Jul 2008, 19:35 |
| ikebana ლიკა ლიკა ჩემი დაქალიააააა ბავშვობიისსს , დავიღალე უკვე ახსნით ))) MAKKA და MAKUCHA მე ვარ. ადრე რამდენიმე ნიკით დავრეგისტრირდი მეგონა ერთ თემას ერთი ნიკი უნდოდა! სხვამაც თუ გკითხა გადაეცი კაი ? აბა დაწერილ თემებს მგონი ერთ სახელზე ვერ გადმოვამისამართებ (( |
| Posted by: ikebana 1 Jul 2008, 19:44 | ||||
LIKA@LIKA
კაი, ვინც მკითხავს ყველას გადავცემ  * * *
რომელ თემებს? სულ ერთი თემა გაქვს აქ გახსნილი. ისე კარგი იქნებოდა ფორუმის წესებში, ტერმინოლოგიაში და ა.შ. გარკვეულიყავი ჯერ. |
| Posted by: irinka1983 1 Jul 2008, 21:13 |
| LIKA@LIKA ლიკა ლიკა შენი დაქალი როგორაა, აბა შენ თვითონ ვინ ხარ? აშკარად ლიკალიკათი გაქვს დაბეჭდილი. თუ შემეშალა sorry |
| Posted by: LIKA@LIKA 2 Jul 2008, 10:45 |
| irinka1983 ikebana ლიკამაც რომ დამიპოსტოს არ შეილება თუ დაქალებს ეკრძალებათ დაპოსტვა?  ბევრი თემები მაქვს გახსნილი ამ ნიკებით თქო. ხო ფორუმის წესებს უნდა გავეცნო ერთი მარა არამგონია ერთ ნიკზე გადმომაწერონ! თორემ მართლა შევწუხდი(( |
| Posted by: ikebana 2 Jul 2008, 12:08 |
| LIKA@LIKA მრავალნიკიანობა იკრძალება ფორუმის წესებით. |
| Posted by: libertad de pensamiento 2 Jul 2008, 17:31 | ||
ikebana
ხოდა ხანდახან თავისი ერთი ნიკით რამეს რომ პოსტავს და მხარს არავინ უჭერს მეორე ნიკს მიაშველებს ხოლმე ვითომ უცხოა და თანამოაზრე გამოუჩნდა |
| Posted by: LIKA@LIKA 2 Jul 2008, 17:40 |
| libertad de pensamiento მოგცლიათ თქვენ მართლა თუ რას გადამეკიდეთ ამ 9 თვის ორსულს ძაან მაინტერესებს ? ვერ დავამუღამე ეს რამდენიმე სურათის და თემის თანმიმდევრულად გაშვება და ამიტომ ვიყენებ სხვადასხვას. ეს რადიკალ.რუ ვერ გავიგე რა ტიპისააა ჯერჯერობით და რომ გავიგებ აღარ გალაპარაკებთ ამ ნიკებზე. აქ ბევრი ისეთი თემა დევს რომ მხარის დაჭერა კი არა უბრალოდ ინფორმაციააა რომელსაც იგებ და საჭიროების შემთხვევაში გადახედავ აბა მასხარაობით და კაიფით არა მგონია რამე გამოვიდეს. და თუ ვინმესთვის არა საჭირო და არასაინტერესო ინფორმაციები დავდე მომიტევეთ , მე მაპატიეეთ!   |
| Posted by: mtvareuli 2 Jul 2008, 17:45 |
დასტოვა ჩეთი  |
| Posted by: EXTRAORDINARY 3 Jul 2008, 21:41 |
| დასახელებულია დავადების 25 უპირობო, საექიმო პრაქტიკით დადასტურებული გამოვლინება სახეზე - ასე აცხადებს ერთი ცნობილი გამოცემა, როცა შემდეგ სიას აწვდის მკითხველს. ბევრი სიგრძივი ნაოჭი შუბლზე (გარმონივით შუბლი), თითქოს გაკვირვებისგან წარბების აწევის ჩვევა - ახასიათებთ ალკოჰოლიზმისკენ მიდრეკილ ადამიანებს. «მწარე» ნაკეცი წარბებ შორის (განსაკუთრებით, მჭიდროდ მოკუმულ ტუჩებთან დუეტში) იმაზე მეტყველებს, რომ ადამიანი ხანგრძლივად იტანჯება რომელიმე ქრონიკული ტკივილიანი სინდრომისგან. თვალის თეთრი ნაწილის სიყვითლე ღვიძლის ავადმყოფობის ნიშანია ე. წ. ტომრები, შავი წრეები თვალებქვეშ - სნეული თირკმელები ან საშარდე ბუშტი. თმის ინტენსიური ცვენა - ავადმყოფონის შედეგად ან მის ფონზე იმუნური სისტემის დასუსტების სიმპტომია ამიმიკური, ნიღბისებური სახე, (მიმიკა არ შეეფერება ადამიანის ემოციას) - მძიმე ფსიქოლოგიური დაავადების სიმპტომი. დანაოჭებული სახის კანი ახალგაზრდა ადამიანის შემთხვევაშიც კი - ენდოკრინული დარღვევები. წითელი “ძაფები” თვალის თეთრ ნაწილში - ნერვული გადაღლილობისა და ქრნიკული დაღლილობის ნიშანია. სახის მკვრივი კანი - ჯანმრთელობის ნიშანია. ხოლო მოშვებული, მჭლე კანის ნაადრევი სიბერის მაუწყებელია. ეს ნივთიერებათა ცვლის დარღვევებისა და კუჭ-ნაწლავის პრობლემების დროს ხდება ხოლმე. სახის საერთო შესიება - ავადმყოფი გული. მიწისფერი სახე - სიმსივნური დაავადების განვითარების მაუწყებელია ხოლმე. კაპილარული ბადე ლოყებზე - მაღალი წნევისა და ინსულტისკენ მიდრეკილების ნიშანი - აპოპლექსიური ტიპი ღია ფერის პიგმენტაცია ქალის სახეზე - ფეხმძიმობის ნიშანია მოყვითალო-ყავისფერი პიგმენტური ლაქების სახეზე გაჩენა - თირკმლის პრობლემაზე მიუთითებს. ვარდისფერი, მოწითალო ლოყები და ამ დროს გალურჯებული ტუჩები - გულის მიტრალური მანკი. მოლურჯო ფერმკრთაი სახე - შეიძლება იყოს ანემიისა და ფილტვის პათოლოგიის ნიშანი. სანთლისებური სიფერმკრთალე - ტუბერკულოზის ნიშანია პირის და თვალების ქვევით დახრილი კუთხეები - დეპრესიის გარეგნული გამოვლინება ქვედა ტუჩი შევარდნილია, ზედა თანდათან დიდდება - ონკოლოგიური პრობლემების ალბათობა დიდია. მშრალი ტუჩები, კუთხეებში დამსკდარი და “ჩაჭრილი” - მიუთითებენ გასტრიტზე ან კუჭის წყლულზე. მტვრევადი თმა - ნივთიერებათა ცვლის დარღვევა, ავიტამინოზი. ზედმეტად ცხიმიანი თმა - ენდოკრინული პრობლემების ნიშანი, კუჭის ან ნაწლავების დაავადება. |
| Posted by: EXTRAORDINARY 26 Jul 2008, 15:45 |
| გვირილა - ძალიან სასარგებლო მცენარეა!!! მაშ ასე, პირდაპირი დანიშნულება: გვირილას იყენებენ ანტისეპტიკის და ანთების საწინააღმდეგო საშუალებად, ნაწლავური სპაზმების დროს. გარდა ამისა გვირილას გააჩნია სხვა დადებითი თვისებებიც: 1. ნიღაბი თმებისთვის (მხოლოდ ქერა თმისთვის ) აადუღეთ 2 ჩასი კოვზი გვირილა 200 მლ. წყალში, დაამატეთ 1 ჩაის კოვზი თაფლი, ოდნავ შეაგრილეთ და შეიზილეთ თმაში. თმაზე შემოიხვიეთ ცელოფნის პარკი და შემდეგ პირასახოცი. დაიტოვეთ 1 საათი, შემდეგ ჩამოიბანეთ. 2. გავხდეთ გვირილით დღეში 2-ჯერ, დილა-საღამოს დალიეთ თითო ჭიქა გვირილის ნაყენი (1 ჩაის კოვზი ჭიქა წყალზე). გვირილა ძალიან კარგი საშუალებაა ორგანიზმიდან შლაკების გამოსადევნად და არეგულირებს ნაწლავების მუშაობას. 2. გავხდეთ გვირილით დილით-საღამოს სახე და ყელი ჩამოიბანეთ გვირილის ნაყენით, ეს ბევრად უფრო ეფექტურია ვიდრე იხმაროთ სახის რძე ან გელები. გვირილის მოხმარების შედეგად კანი ხდება უფრო რბილი და ელასტიური, სახე იღებს უფრო ბუნებრივ ფერს და ქრება სახეზე გამონაყარიც. 4. თვალის სიწითლის დროს აადუღეთ გვირილა (1 ჩაის კოვზი ჭიქა წყალზე), ჩაალბეთ შიგნით საფენი (ბამბა ან მარლა) და დაიდეთ თვალებზე 10-15 წუთით. სიწითლე ქრება თვალებიდან და ხსნის თვალის დაძაბულობას. გვირილის გამოყენება შეიძლება ასევე გაციების დროს, შეგიძლიათ მისი ნაყენით გამოივლოთ ყელი. წყარო www.elen.ge |
| Posted by: EXTRAORDINARY 26 Sep 2008, 14:47 |
| თაფლი თაფლი კაცობრიობისთვის ცნობილი ერთ-ერთი უძველესი ნატურალური დამატკბობელია, შაქრის ჯანსაღი შემცვლელი და მარგებელი პროდუქტია. ფართოდ გამოიყენება კოსმეტოლოგიაში, მედიცინასა და კულინარიაში. იყიდება მთელი წლის მანძილზე, მაგრამ სჯობს, ზაფხულსა და შემოდგომაზე შეიძინოთ, როცა ახალი აღებულია. საკვები ღირებულება თაფლი შეიცავს ფრუქტოზასა და გლუკოზას, რიგ მინერალებს (კალიუმი, მაგნიუმი, გოგირდი, ქლორი, ნატრიუმი, ფოსფატი და რკინა). მდიდარია ვიტამინებით: B1, B2, B6, B3, B5 და C. ამ სასარგებლო ნივთიერებების კონცენტრაცია დამოკიდებულია ნექტარისა და მტვრის ხარისხზე. ცოტაოდენი სპილენძისა და იოდის გარდა, თაფლში ზოგი ნატურალური ჰორმონიცაა. თაფლი მედიცინაში * თაფლი განთქმულია ანტიბაქტერიული, ანტივირუსული და სოკოს საწინააღმდეგო მოქმედებით. * რამდენიმეჯერ აჩქარებს ჭრილობების, დამწვრობის შეხორცებას და ანტისეპტიკურ საშუალებადაც გამოიყენება * ზრდის სპორტული მეცადინეობების შედეგს, რასაც მასში არსებული ე.წ. ერგოგენური კომპონენტი უზრუნველყოფს: ის შრომისუნარიანობას ამაღლებს. * აუმჯობესებს სისხლის ხარისხს და აკონტროლებს თავისუფალი რადიკალების რაოდენობას. * შესანიშნავად ჩაანაცვლებს შაქარს მე-2 ხარისხის დიაბეტით დაავადებულებისთვის და სისხლში ქოლესტერინის სიჭარბის დროს. აუმჯობესებს საჭმლის მონელების პროცესს, ეხმარება კონიუქტივიტის მოშორებას. კარგია მისი რძესთან ერთად მიღება * ხსნის ქსოვილების ანთებას და კაციუმის ორგანიზმში დაკავებას უწყობს ხელს. * ანემიის მკურნალობის ეფექტური საშუალებაa. * თაფლის სისტემატური გამოყენება იმუნურ სისტემას აძლიერებს. თაფლი კოსმეტოლოგიაში * შხაპის მიღებამდე ცოტაოდენი თაფლი ტანზე წაისვით და მსუბუქი მასაჟი გაიკეთეთ, სანამ კანი წებოვანი არ გახდება, ეს სისხლის მიმოქცევას აუმჯობესებს და კანს ბუნებრივ მბზინვარებას მატებსო. * თავზე გადასავლებ წყალში დაამატეთ თაფლი - თმა მბზინვარე გახდება. * შეურიეთ თაფლი შვრიას და გახეხილ ნიგოზს - ეს სახის შესანიშნავი “სკრაბია”. * შეურიეთ ერთმანეთს ტაფლი და ვაშლის წვენი, წაისვით სახეზე და 15 წუთი გააჩერეთ - ეს დამატენიანებელი ნიღაბია, რომელიც ამკვრივებს და არბილებს კანს. * სახის ნიღაბის მოსამზადებლად 2 ჩ.კ. რძე და 2 ჩ.კ. თაფლი არიეთ. ათი წუთით დადგით და შემდეგ სახეზე წაისვით. * თაფლი მშრალი კანის ლოსიონის ფუნქციასაც ასრულებს. 1/4 ჩ.კ. ლიმონის წვენი, 1 ჩ.კ. მცენარეული ზეთი და 1 ჩ.კ. თაფლი, დადგით 10 წუთით და შემდეგ გამოიყენეთ. * * * ხშირად გვავიწყდება, რომ ჩვენი ჯანმრთელობა ჩვენსავე ხელთაა და ყურადღებით თუ ვიქნებით, შემდგომ გართულებებს თავს მარტივად დავაღწევთ. მით უმეტეს, ამაში თვითონ ბუნება გვეხმარება. გარგარი ცნობილია, რომ 100 გრ. გარგარში იმდენი სასარგებლო ნივთიერება შედის, რამდენიც 250 გრ. ღვიძლში ან 1 კგ. ვაშლში. ის მდიდარია კალიუმის მარილებით, რაც შესანიშნავად მოქმედებს გულ-სისხლძარღვთა სისტემაზე. გარდა ამისა, გარგარში ბევრია A ვიტამინი, რომელიც თვალებისა და კანისთვის აუცილებელია. სოკო ბრიტანელმა მეცნიერებმა დაამტკიცეს, რომ ადამიანის იმუნური სისტემის მდგომარეობას არეგულირებს და კიბოთი დაავადების რისკს თითქმის 2-ჯერ ამცირებს - სოკო. ის მდიდარია ცილებითა და ვიტამინებით. თეთრ გამხმარ სოკოში ცილები 2-ჯერ მეტია, ვიდრე * * * ძროხის ხორცში და 3-ჯერ უფრო მეტი, ვიდრე თევზში. მინერალური ნივთიერებების შემცველობით კი სოკო მეტოქეობას ხილსაც უწევს. მასში შემავალი ექსტრაქტოვანი ნივთიერებები კი მადას აღვიძებს. ატამი აძლიერებს კუჭ-ნაწლავის ტრაქტის ჯირკვლების სეკრეციას, აადვილებს ცხიმიანი და მძიმე საკვების მონელებას. ატმის კომპოტი კარგია თირკმლებისა და ღვიძლის დაავადებების, ასევე გულ-სისხლძარღვთა პათოლოგიების დროს. თუმცა ფრთხილად უნდა იყვნენ ის ადამიანები, ვისაც ნერვული სისტემა სუსტი აქვს, რადგან ატამი აღგზნებას იწვევს. ასევე, არ არის მისი მიღება კარგი მსუქანი და დიაბეტით დაავადებული ადამიანებისთვის. |
| Posted by: EXTRAORDINARY 12 Nov 2008, 21:06 | ||||||||||||||||||||||||||||||||||||||||||||||||||||||||
| ზღვის წყალი - სასარგებლო თვისებები იცით თუ არა რომ ჩვენ ძარღვებში ძველი ზღვის წყალი ჩქეფს? მეცნიერებმა დაადგინეს პალეოზოური ერის დროინდელი ზღვის წყლის ფორმულა. აღმოჩნდა, რომ მისი შემადგენლობა მთლიანად ემთხვევა ჩვენი სისხლის მინერალურ შემადგენლობას. ზოგადად სიცოცხლის ზღვაში ჩასახვის თეორია საკმაოდ ახალგაზრდაა, დაახლოებით საუკუნისაა. 1898 წელს იგი გამოთქვა მეცნიერმა ბუნგემ, რომელიც ამტკიცებდა, რომ თანამედროვე ცხოველებმა წინაპრებისგან მემკვიდრეობით მიიღეს სისხლის არაორგანული შედგენილობა. ოდესღაც წყალი ცოცხალი ორგანიზმების შიდა და გარე საარსებო გარემო იყო, ამიტომ ისინი შეეგუენ ძველი სამყაროს დამახასიათებელ იონთა თანაფარდობას. დედამიწაზე ზღვების შემადგენლობა წლების განმავლობაში იცვლებოდა. ორგანიზმები ან უნდა შეცვლილიყო, ან უნდა შეენარჩუნებინა შიდა გარემო. ბუნებამ გამოიყენა ორივე შესაძლებლობა და ამიტომ ჩვენში არის ძველი ზღვა და მას მემკვიდრეობით გადავცემთ. შეგვიძლია ეს ინფორმაცია ჩვენ სასარგებლოდ გამოვიყენოთ. მაგ. აზოვის და კასპიის ზღვაში ბანაობა მეტად სასარგებლოა, თუ კომფორტს და წონასწორობას ესწრაფვით. უფრო მარილიან ზღვებზე მაგ. ხმელთაშუა და მკვდარ ზღვაზე შეინიშნება სწრაფი გახდომის მომენტი. თუმცა რეალურ გახდომასთან მას კავშირი არ აქვს. მაღალი მარილიანობის გამო სხეული თითქოს გარეთ გამოდის, ჩვეულებრივ პირობებში სხეული სტატუს კვოს აღიდგენს. პირველი ნაშრომი ზღვის წყლის სარგებლობის შესახებ გამოქვეყნდა ოქსფორდში 1750 წელს. ამის შემდეგ დაიწყეს ზღვის აბაზანების გამოყენება სამკურნალო მიზნით. ზღვაში ბანაობა კი დაიწყეს მე-19 საუკუნეში, როცა კოჭის ზევით ფეხის გამოჩენა ფრივოლური აღარ იყო. მანამდე ბანაობად ითვლებოდა სანაპიროზე მეჩხერ წყალში გასეირნება. დღესდღეობით მეცნიერები თვლიან, რომ ზღვაზე ბანაობა აუმჯობესებს ცალკეული ორგანოების სისხლის მიმოქცევას, ამცირებს წნევას, გულისცემის სიხშირეს. და რაც მთავარია აკაჟებს ორგანიზმს. რევმატოლოგები აგიხსნიან, რომ ზღვის წყალი მდიდარია მინერალებით და მიკროელემენტებით, ამიტომ დადებით ზეგავლენას ახდენს ართროზით დაავადებულებზე. პულმონოლოგები თვლიან, ზღვის წყალი და ჰაერი აძლიერებს იმუნიტეტს, ზრდის ორგანიზმის ბრძოლისუნარიანობას ტუბერკულოზის გამომწვევი მიკრობების წინააღმდეგაც. დერმატოლოგები ზღვაში ბანაობაში მხოლოდ ერთ მინუს ხედავენ: ბანაობის შემდეგ იზრდება კანის მგრძნობელობა ულტრაისფერი სხივებისადმი, ამიტომაც შესაძლოა პლაჟზე მზის დამწვრობა მიიღოთ. ბანაობისას ეპიდერმისში აღწევს ელექტროლიტები, რომლებიც ააქტიურებენ ნივთიერებათა ცვლას და აუმჯობესებენ უჯრედების მდგომარეობას. იმუნოლოგებსაც აქვთ თავიანთი არგუმენტები: ზღვის წყალი შეიცავს მაგნიუმის იონებს, რომლებიც ასტიმულირებენ სასიცოცხლო პროცესებს: ძვლის ტვინის წარმოქმნას, უჯრედების გაყოფას და ა.შ. ასე რომ საკმაო მიზეზი გაქვთ ზღვაში საბანაოდ. ზღვის წყალი და ჰაერი შეიცავს იოდსაც, ერთ-ერთ ყველაზე აუცილებელ მინერალს. იგი აწესრიგებს ფარისებრი ჯირკვლის მუშაობას, აძლიერებს ნერვულ და იმუნურ სისტემას. ააქტიურებს ტვინის მუშაობას და აუმჯობესებს მეხსიერებას. ზაფხულობით წყლის სანაპიროზე გასეირნებას მეტად სასარგებლოა. ერთი-ორი კვირის განმავლობაში ზღვის სანაპიროზე სირბილი ააქტიურებს კანის ტემპერატურულ და ტაქტილურ რეცეპტორებს, ასევე მის ქვედა ფენებს. ამ მარტივი პროცედურის თერაპიულ ეფექტს ზრდის ქვიშა და წვრილი ქვები, რომლებიც ქუსლის რეფლექსურ წერტილებს გააქტიურებს. ამასთან სწრაფი სირბილი მოძრავ ქვიშაზე საკმაოდ ძნელია, ფიზიკურ დატვირთვას იღებს ფეხების, მუცლის, თეძოების ყველა კუნთი. მთავარი მომენტია, რომ ფეხი მუდმივად უნდა ამოწიოთ წყლიდან. ასევე სასარგებლოა დილა-საღამოს ცვარიან ბალახზე გასეირნება. რაც დაგეხმარებათ უძილობისას, ვენების ვარიკოზული გაგანიერებისას... მოკლედ გამოიყენეთ დრო თქვენ სასარგებლოდ პლაჟზე, როცა გვერდით უნიკალური ბუნებრივი ტრენაჟორი გაქვთ. * * * სიმართლე პიტნის ჩაის შესახებ პიტნის ჩაის ძველ რომში განწყობის ასამაღლებლად და გასაუმჯობესებლად იყენებდნენ და ამტკიცებდნენ, რომ იგი დადებითად მოქმედებს თავის ტვინზე, ხოლო რუსეთში იყენებდნენ მადის გასაუმჯობესებლად და ასევე ამატებდნენ შესასუნთქ თამბაქოში. პიტნის მთავარ სამკურნალო კომპონენტს წარმოადგენს მენთოლი, რომელსაც შეიცავს ამ მცენარის ეთერზეთი. პიტნის ჩაი ასტიმულირებს გულის მუშაობას, აქვეითებს არტერიულ წნევას, თავის ტკივილს, გამოიყენება ჰიპერტონიული დაავადებების, სტენოკარდიისა და ათეროსკლეროზის მკურნალობისას. ცნობილია, რომ ბევრ მამაკაცს არ უყვარს პიტნის ჩაი, რადგან იგი ერთგვარ "მოდუნებას" იწვევს. რა თქმა უნდა, ყველა ორგანიზმი ინდივიდუალურია და ერთსა და იმავე პროდუქტს სხვადასხვანაირად იღებს, მაგრამ რეაქცია პიტნის ჩაიზე ყველა მამაკაცისათვის ერთმნიშვნელოვანია. ქალის ორგანიზმი ამ მცენარის ჩაის ცოტა თავისებურად ითვისებს, მაგრამ ამაზე მოგვიანებით. ჯერ კი მამაკაცებზე ვისაუბროთ: ერთის მხრივ პიტნის ჩაი ძალიან სასარგებლო საშუალებაა: ხსნის გაღიზიანებას, ნევროზულობას, აუმჯობესებს ძილს. მეოეს მხრივ – აქვეითებს აღგზნებულობას, მათ შორის სექსუალურს. თანაც ეფექტი ხანგრძლივი მიღებისაგან გროვდება, და ერთ მშვენიერ დღეს მამაკაცი, რომელიც მუდმივად იყენებს პიტნის ჩაის, აღმოაჩენს, რომ "საერთოდ აღარ უნდა". უბრალოდ აღარ უნდა და მორჩა. რა თქმა უნდა ეს უკიდურესი შემთხვევაა, და "დამუხრუჭება" მაშინვე გაივლის, როგორც კი ჩაის სმას თავს დაანებებს. თანაც რეაქცია მასზე ყველას სხვადასხვანაირი აქვს. ასე რომ, პრინციპში, არაფერი საშიში ამ ჩაის სმაში არ არის. მით უმეტეს, რომ ერთჯერადი მიღება "მშიერ" მამაკაცს ვერაფრით დააწყნარებს. ასევე ცნობილია, რომ საშინაო პროდუქტების სიაში, რომელთაც პირობითად შეიძლება "ანტი–სექსი" დავარქვათ, შედიან სხვა "პრეპარატებიც". ეს არის თითქმის ყველა პროდუქტი, რომელიც აქვეითებს წნევას, ახდენს დამამშვიდებელ ზემოქმედებას, ასევე ვიტამინ А–თი მდიდარი პროდუქტები, მაგალითად – ნაღების კარაქი. საინტერესოა, რომ იგივე დამამშვიდებელი საშუალებები განსაზღვრულ პირობებში შეიძლება იქცნენ სექსუალური აქტივობის "უშუალო აღმგზნებებად". ეს ეფექტი იმ შემთხვევაში ვლინდება, როცა მამაკაცის თავი (უფრო ზუსტად თავის ტვინის ქერქი) დაკავებულია უამრავი პრობლემით და შემაშფოთებელი აზრებით. ასე რომ, ამ ეფექტში არავითარი პარადოქსი არ არის, მთავარია "დაიცვათ" დოზები და არ ელოდოთ, ვიდრე ქერქთან ერთად სხვა დანარჩენიც არ "დამშვიდდება", თუ რა თქმა უნდა ეს არ შედიოდა თქვენს მიზნებში. როგორც ცნობილია, ალკოჰოლიც, ისევე, როგორც სისხლძარღვების გამაფართოებელი სხვა საშუალებები, იწვევს ქერქის "დამამუხრუჭებელ" ზემოქმედებას. ნაწილობრივ ამით აიხსნება მისი თითქოსდა სექსუალური ლტოლვის გადაჭარბებული შესაძლებლობა. ადამიანი უბრალოდ "ნაკლებად იწყებს ფიქრს". ამასთან, ალკოჰოლი ჩაისაგან განსხვავებით მხოლოდ დიდი დოზებით იწვევს ორგანიზმის "დაწყნარებას". და მაინც, მისი ბოროტად გამოყენება არ ღირს, რადგან "გვერდითი მოვლენის" სახით იგი იწვევს ორგანიზმის ნერვული დაბოლოებების შესამჩნევ დაჩლუნგებას, რაც ერთგვარი "მსუბუქი ანესთეზიაა". რაც შეეხება ქალებს. მეცნიერებმა არცთუ ისე დიდი ხნის წინ აღმოაჩინეს, რომ პიტნის ჩაი ხელს უშლის ქალის სხეულზე არატრადიციულ ადგილებში თმის ზრდას. მეცნიერები დღემდე კამათობენ მზგავსი ზემოქმედების მექანიზმზე, თუ რატომ ახდენს "შემაჩერებელ ეფექტს" ქალის თმის საფარზე პიტნის ჩაი. თუმცა ამას რა მნიშვნელობა აქვს? მთავარი ხომ შედეგია! და ბოლოს, პიტნის ჩაი ძლიერი საშუალებაა ცუდი სუნთქვის, დიარეის, გაჭედილი ცხვირის, კუნთებისა და ნაწლავების ტკივილების დროს. ასევე, აუმჯობესებს სისხლის მიმოქცევას, უძილობას, თავის ტკივილებს, აქტიურად აქვეითებს ტემპერატურას, ადუნებს, ხსნის სტრესსა და დაძაბულობას. ამ საოცარი ჩაის მიღება დღის ნებისმიერ დროს შეიძლება: დილით გაგამხნევებთ, შუადღეს – დაგეხმარებათ სხვადასხვა ტკივილების მოსახსნელად, საღამოს – მოგადუნებთ ნებისმიერ მასაჟისტზე უკეთესად. ასე რომ, მიირთვით პიტნის ჩაი და დაივიწყეთ პრობლემები. * * * ყავის საიდუმლო: მივირთვათ თუ არა ყავა? ყავა ნამდვილად უნიკალური სასმელია. მეცნიერებმა დღემდე ვერ ახსნეს მისი საიდუმლო და ვერ დაადგინეს მისი თვისებები. კოფეინის გამოყენების სფერო მეტად დიდია, ამიტომ მნიშვნელოვანია ამ ენერგეტიკის ყოველმხრივი შესწავლა. ყავის არომატით ტკბებოდა კაცობრიობა უხსოვარი დროიდან. მრავალი ლეგენდის თანახმად ყავა პირველად მუჰამედმა დააგემოვნა, მისი მეშვეობით იგი მძიმე დაავადებისგან განიკურნა. ყავა მეტად კაპრიზული სასმელია, თითოეულ ადამიანს უყალიბდება განსაკუთრებული დამოკიდებულება მის მიმართ. ყავა ყველას ჩუქნის თავის განუმეორებელ გემოს და არომატს, გვანებივრებს ჯიშების და მომზადების მეთოდების მრავალფეროვნებით. მისი ზემოქმედება ორგანიზმზე ინდივიდუალურია და ყოველთვის სასარგებლო არ არის. მკვლევარები უსასრულოდ კამათობენ ყავის სარგებლობა-ზიანის შესახებ, თუმცა ერთმნიშვნელოვან დასკვნამდე ჯერ არ მისულან. ებრძვის დაავადებებს ყავის ყველაზე აქტიური ელემენტია კოფეინი, რომელიც წარმოადგენს ცენტრალური ნერვული სისტემის სტიმულატორს. კოფეინის შემცველი ყველაზე გავრცელებული პროდუქტებია- ყავა, შოკოლადი, კაკაო, ჩაი და კიდევ 60-მდე მცენარე. მას იყენებენ მსუბუქ სასმელებში, როგორიცაა კოკა-კოლა, პეპსი-კოლა, მადის და სიმხნევის მოსამატებელ სამკურნალო პრეპარატებში, ასევე გაცივებისას, ბრონქული ასთმისას. რაშია საიდუმლო? რატომ ვეჩვევით ყავას? ყველაზე გავრცელებული მოტივია- ყავის თვისება სწრაფად მოიყვანოს ადამიანი ტონუსში ძილის შემდეგ, აავსოს ენერგიით, გააძლიეროს აზრობრივი და ფიზიკური რეაქციები. ეს ეფექტი განპირობებულია ყავის ზემოქმედებით თავის ტვინის გარკვეულ უბნებზე. კოფეინის მოქმედებით ჰიპოფიზი იწყებს ჰორმონის გამოყოფას, რომელიც ხელს უწყობს ადრენალის გამომუშავებას. ადრენალი იწვევს გულის მუშაობის აჩქარებას, ღვიძლის მიერ სისხლში გლუკოზის მეტი რაოდენობით გამოყოფას, შესაბამისად ენერგიის გაზრდას. კოფეინი ავიწროვებს სისხლძარღვებს, ადუნებს სასუნთქ გზებს, რაც აადვილებს სუნთქვას და კუნთების შეკუმშვას. ამგვარად ფინჯანი ყავა ახდენს ორგანიზმის მობილიზებას აქტიური მოქმედებებისთვის მთელი დღის განმავლობაში. თუმცა... ყავას ურთიერთსაწინააღმდეგო მოქმედება გააჩნია. რაც განაპირობებს თუ ვინ სვამს ყავას, რა რაოდენობით და რამდენჯერ. ყავის მისაღები დოზა თითოეული ადამიანისთვის ინდივიდუალურია. გთავაზობთ კოფეინის ადამიანზე ზემოქმედების სპექტრს და თავად განსაზღვრეთ რამდენი ფინჯანი უნდა მიირთვათ. მომხრე : კოფეინი ეხმარება გონებრივი სამუშაოთი დაკავებულ ადამიანებს. იგი აღაგზნებს ტვინის უჯრედებს, ზრდის მათ მიმღეობას და განაწყობს მობილიზებული აზროვნებისკენ. წინააღმდეგ : ჭარბი რაოდენობით მიღება იწვევს თავის ძლიერ ტკივილს, ნერვოზულობას, თავბრუსხვევას, შიშს და დაძაბულობას. მომხრე: უკვე დამტკიცებულია, რომ ყავის რეგულარული მიღება (3-4 ჭიქა დღეში) ამცირებს ღვიძლის ცეროზის განვითარების ალბათობას ალკოჰოლის მომხმარებელთა შორის. წინააღმდეგ: თუ ალკოჰოლს ყავას მიაყოლებთ, ალკოჰოლის მავნე ზემოქმედება ორგანიზმზე იზრდება. მომხრე: ყავა მეტად სასარგებლოა დაბალწნევიანი ადამიანებისთვის. წინააღმდეგ: ყავა და სიგარეტის მოწევა ერთდროულად, ზრდის ჰიპერტონიის განვითარების ალბათობას 35-60 %-ით. მომხრე: ყავა დადებითად მოქმედებს კბილებზე, იცავს კარიესისგან, ეფექტურად იცავს პირის ღრუს მავნე ბაქტერიებისგან. წინააღმდეგ: შესაძლოა კბილების სითეთრის დაკარგვა, რადგან ყავა დაცვასთან ერთად აყვითლებს მინანქარს. მომხრე: კოფეინი ხელს უწყობს ორგანიზმში ბედნიერების ჰორმონის-სეროტონინის დაგროვებას. წინააღმდეგ: მეცნიერები მსგავს მოქმედებას ნარკოტიკულს მიაკუთვნებენ. კოფეინის დეფიციტისას შესაძლოა განვითარდეს ნამდვილი დეპრესია. მომხრე: ძალიან სასიამოვნო სიახლე: ყავა შეიცავს ვიტამინ pp და 300-მდე მინერალურ ნივთიერებას, მათ შორის ანტიოქსიდანტებს. და ეს ყველაფერი არ არის! წინააღმდეგ: როგორც ყველა სტიმულატორს, ყავასაც გააჩნია უკუჩვენება. მისი მიღება არ შეიძლება საძილე და დამამშვიდებელ საშუალებებთან ერთად. ფაქტები მთელი მსოფლიოდან ინგლისელი მეცნიერები ამტკიცებენ, რომ ყავას აქვს ტკივილგამაყუჩებელი ეფექტი მხოლოდ ქალებისთვის. ცდებმა აჩვენა, რომ მამაკაცებზე კოფეინი მსგავს გავლენას არ ახდენს; გერმანელი მეცნიერები ამტკიცებენ, რომ დიდი რაოდენობით კოფეინის მოხმარება თავიდან აცილებს გამელოტებას. ამასთან კოფეინი ამგვარად მოქმედებს გარეგნული მოხმარებისას. ექსპერტების მოსაზრებით, თმის სასურველის სიგრძის მისაღწევად საჭიროა დღეში 60-80 ფინჯანი ყავის შეზელვა! მეცნიერებმა დაადგინეს, რომ ყავა დადებითად მოქმედებს მხედველობაზე და ზრდის ბადურის მგრძნობელობას. სწორედ კოფეინი აიძულებს მას ინტენსიურად მოახდინოს რეაგირება გარემოზე. კანადელი მეცნიერებმა აღმოაჩინეს, რომ კოფეინი ზრდის ორგანიზმის გამძლეობას ფიზიკური დატვირთვის მიმართ. ასევე ხელს უწყობს ცხიმის გარდაქმნას კუნთების საწვავად. ლამაზები რომ ვიყოთ ყავა შესანიშნავი საგემოვნო თვისებების გარდა შეიცავს ძვირფას კოსმეტიკურ ინგრედიენტებს. მასში შემავალი პინოლის მჟავა აღადგენს კანის ელასტიურობას, ხელს უშლის მის დაბერებას, ასევე გააჩნია ანთების საწინააღმდეგო და ფოტოდაცვითი თვისებები. მსოფლიოში ცნობილი მარკები იყენებენ ყავის ამ თვისებას სახის ძვირფასი კრემების შესაქმნელად. კოფეინის ზემოქმედებით მკვრივდება კანი, იჭიმება სახის ოვალი და ნელდება დაბერების პროცესი. კოფეინში შემავალი ბუნებრივი კომპონენტები ხელს უწყობს ტოქსინებისგან გათავისუფლებას, ააქტიურებს ცხიმების დაშლას, ამიტომ ანტიცელულიტური კრემების უმრავლესობა შეიცავს კოფეინს. ისინი შექმნილია განსაკუთრებული მწვანე ყავის საფუძველზე. ასევე იქმნება სპეციალური სურნელები კოფეინის არომატით, რადგან იაპონელმა მეცნიერებმა დაადგინეს, რომ ყავის არომატი ხელს უწყობს წონის შემცირებას ფსიქოლოგიურ დონეზე. წყარო www.lady.ge * * * კალციუმის პრეპარატები - მითი თუ აუცილებლობა? სატელევიზიო რეკლამა დაჟინებით გვირჩევს, რომ შევიძინოთ კალციუმი, რომ კალციუმიანი კრემი კანს უფრო გლუვს და ელასტიურს გახდის. რძის მწარმოებლები ყურადღებას ამახვილებენ თავიანთ პროდუქტებში კალციუმის და D ვიტამინის შემცველობაზე. 20 წლის წინ ამის შესახებ არავინ ფიქრობდა და საუბრობდა. არის თუ არა ეს პროდუქტები აუცილებელი თუ უბრალოდ მოდის კაპრიზია? კალციუმი არის ორგანიზმის საბაზისო მაკროელემენტი, მისი საერთო მასა მოზრდილ ადამიანში შეადგენს 1-1,5 კგ-ს. კალციუმი არის ძვლის ჩონჩხის საფუძველი (99%), იგი უზრუნველყოფს კუნთების ნორმალურ შეკუმშვას და გულის მუშაობას. არეგულირებს არტერიულ წნევას და სისხლის შედედებას. სისხლში კალციუმის დონის დაწევა იწვევს გულის რიტმის დარღვევას, სახსრების და მენსტრუალურ ტკივილის. ადამიანისთვის კალციუმის წყაროა საკვები. არასაკმარისი მიწოდებისას ორგანიზმი კალციუმს იღებს ძვლებისგან, რაც იწვევს სხვადასხვა მეტაბოლურ დარღვევებს. სხვადასხვა ქვეყნებში ჩატარებულმა გამოკვლევებმა აჩვენა, რომ საკვებთან ერთად ორგანიზმს ნაკლები კალციუმი მიეწოდება. ამის მიზეზი რამდენიმეა: თანამედროვე ადამიანის კვების ხასიათის შეცვლა, კალციუმის შეწოვის დონის დამწევი პროდუქტების გამოყენება, დიეტები და მსგავსი შეზღუდვები, ვეგეტარიანელობა, სპეციალურად დამუშავებული პროდუქტების გამოყენება და სხვა. კალციუმის დეფიციტი იწვევს 150-მდე დაავადებას. ართრიტი, სახის დამბლა, ოსტეოპორეზი, ინსულინ-დამოკიდებული დიაბეტი და სხვა. თირკმელებში ქვების გაჩენაც არის ორგანიზმის რეაქცია კალციუმის დეფიციტზე და არა სიჭარბეზე. ქვების გაჩენას თან ახლავს ძვლებში კალციუმის შემცირება და ოსტეოპოროზის განვითარება. სიცოცხლის გახანგრძლივებასთან ერთად მიმდინარეობს ადამიანის ორგანიზმის რეზერვების შესწავლა მისი ცხოვრების ხარისხის შენარჩუნებისთვის. გამოკვლევები მიმდინარეობს პროფილაქტიკური მედიცინის დარგში, რომელიც ნაკლებად ხარჯიანია და მეტად ეფექტურია. გაიზარდა ისეთი მასიური დაავადებების პროფილაქტიკის მნიშვნელობა, როგორიცაა ოსტეოპოროზი, რომელსაც იწვევს ძვლის ქსოვილის მინერალიზაციის დარღვევა, შედეგად კი ძვალი მცირე ტრამვისას ტყდება. მისი საფრთხე გამომდინარეობს ინფორმაციულობის, დიაგნოსტიკის და მკურნალობის დაბალი დონისგან. მეცნიერების გათვლით უახლოეს მომავალში დედამიწაზე ყოველ მეორე ქალს და მერვე მამაკაცს ოსტეოპოროზი შეაწუხებს. 50 წლის ზევით ყოველ მეორე ქალს გამოავლინდება ოსტეოპენიური სინდრომი. საშუალო და ხანდაზმული ასაკის ადამიანების მოტეხილობების მთავარი მიზეზია-ოსტეოპოროზი. კალციუმის დეფიციტის და ოსტეოპოროზის პროფილაქტიკის პროგრამა მოიცავს კალციუმის და D ვიტამინის კომბინირებული პრეპარატების მიღებას, რაც ისახავს რამდენიმე მიზანს: საკვებში კალციუმის და D ვიტამინის დეფიციტის კომპენსაციას; ძვლოვანი მასის შემცირების შენელება და შეჩერება; მისი ნაწილობრივი აღდგენა; ტკივილის შემცირება ან გაჩერება; მოძრაობის აღდგენა; ძვლის მოტეხილობისგან დაცვა. მეტად მნიშვნელოვანია პრეპარატის სწორად შერჩევა. ყველაზე დიდი რაოდენობით კალციუმს შეიცავს კალციუმ კარბონატი. იგი შედის კალციუმის ყველა პრეპარატის შემადგენლობაში, გარდა ამისა მასში ვიტამინი D-ც იგივე რაოდენობით უნდა შედიოდეს. იგი უზრუნველყოფს კალციუმის შეწოვას ნაწლავებიდან და მის ათვისებას ძვლის ქსოვილის მიერ. ოპტიმალური თანაფარდობაა: 500 მგ. კალციუმი და 200 ME ვიტამინი D3. 45 წლის ზევით რეკომენდებულია დღეში 800 ME და მეტი ვიტამინი D. ამიტომ აქტუალურია ისეთი პრეპარატები, რომელიც შეიცავს 500 მგ. კალციუმს და 400 ME ვიტამინი D3. კალციუმის და ვიტამინი D3-ს თანაფარდობა განაპირობებს პრეპარატის ეფექტურობას, მისი მიღების რაოდენობას. მედიკოსების რეკომენდაციით კალციუმის და ვიტამინი D3-ს დღიური დოზა უნდა აკმაყოფილებდეს ადამიანის დღიურ ნორმას. ოსტეოპოროზის პროფილაქტიკა და კალციუმის დეფიციტის კომპენსაცია ერთწუთიანი პროცესი არ არის, არამედ ცხოვრების ჯანსაღი წესი და ჯანმრთელობაზე მუდმივი ზრუნვა * * *
© Invision Power Services (http://www.invisionpower.com) |
მადლობა საყვარელო. 
გაიხარე