#48197515 · 26 Jun 2016, 18:03 · · პროფილი · პირადი მიმოწერა · ჩატი
მინდა დავწერო და ყველამ იცოდეს იმის შესახებ რაც გადამხდა თავს... რადგან ჯეოსელმა ყურადღება არ მომაქცია და გადაწყვიტა ფეხებზე დაეკიდებინა ჩემი პრობლემა, ჩემი ძალებით ამ პრობლემის მოგვარება ვერ შევძელი, სწორედ ამიტომ ვწერ ყველა სოციალურ ქსელში და ვცდილობ გავავრცელო ეს ინფორმაცია. თავიდან ძალიან გამეხარდა ის ფაქტი, რომ როგორც იქნა ვიღაც გახდა (ჯეოსელი) apple-ის ოფიციალური შემომტანი საქართველოში, სწორედ ამის გამო მივედი ქუთაისის ჯეოსელის ოფისში და შევიძინე iPhone 6s - 64GB. 2628 ლარად როდესაც მეორადის ფასი 1700-იყო! შეძენის დღეს თითქოსდა (ქარხნულად) შეფუთული ტელეფონი, ჯეოსელის ოპერატორმა ჩემს თვალწინ გახსნა. თავიდანვე ძალიან გამიკვირდა ის ფაქტი, როდესაც ტელეფონსა და ეკრანზე დამცავ ცელოფნის საფარს შორის, მტვერი აღმოვაჩინე, მაშინვე ვკითხე ოპერატორს, რატომ ჰქონდა „გაუხსნელ“ ტელეფონს მტვერი, „ხომ ნამდვილად ახალი ტლეფონია“ თქო. ოპერატორმაც გაიკვირვა მტვერის არსებობა ტელეფონზე და დამიდასტურა რომ ახალი ტელეფონია და რომ პირველად გაიხსნა ჩემს თვალწინ. სახლში რომ დავბრუნდი, apple-ის ოფიცილურ საიტზე შევამოწმე ტელეფონის საერთაშორისო გარანტიის დეტალები (გარანტია არის ერთწლიანი და ამოქმედება ხდება ტელეფონის პირველად გააქტიურების შემდეგ) და აღმოვაჩინე რომ გარანტიის ვადის ათვლა უკვე ერთი თვის დაწყებული იყო. უკვე დავრწმუნდი რომ ის მტვერი იმის გამო იყო ტელეფონში ჩარჩენილი, რომ ჩემს მიერ ტელეფონის შეძენამდე ერთი თვით ადრე აქვს ვიღაცას ტელეფონი ჩანართავი და გააქტიურებული. პრობლემა მხოლოდ ამაში არარის, კამერას რომ ჩავრთავ 5-10 წამი გაშეშებულია ბოლოს გადანაღები ფოტო. მეორე დღესვე მივმართე ჯეოსელის ოფისს და მოვითხოვე სკითხის გარკვევა, თუმცა მათთან რამოდენიმე თვეა უშედეგოდ ვცდილობ ჩემი სიმართლის დამტკიცებას. ფილიალშიც დავაფქსირე და ქოლ ცენტრშიც, apple-ის ოფიციალური საიტის მონაცემებიც გავაცანი რომ დარწმუნებულიყვნენ სიმართლეში და პასუხად მივიღე ის რომ თურმე apple-ის საიტი ხანდახან ცდება და არასწორ ინფორმაციას აჩვენებს. როდესაც ოფიციალურად ტელევიზიით აკეთებ რეკლამას, რომ ქვეყანაში მხოლოდ შენ გაქვს ბრედნის შემოტანის უფლება და რომ საუკეთესო ხარისხის ტელეფონები მხოლოდ ჯეოსელშია, და ამ დროს ხელმეორედ შეფუთულ მეორად ტელეფონს ყიდი ახალი ტელეფონის ფასად (საერთოდ არ არის გამორიცხული რომ იმ ერთი თვის მანძილზე ტელეფონი ვინმეს გამოეყენებინა..) თუკი მე მომხმარებელი ამ ხარვეზსს ვპოულობ და გიფიქსირებ პირადად შენ-კომპანიას, და გთხოვ რომ მოხდეს პრობლემის აღმოფხვრა, კომპანიის ინტერესებში რატომ არ უნდა შედიოდეს რომ დროულად მომიგვაროს პრობლემა და არ მაიძულოს სოციალურ ქსელებში ვწერო თუ როგორი მოტყუებული დავრჩი და სხვებს გავუზიარო ჩემი პრობლემა...
ყველას გირჩევთ ნუ გადაყრით ტყუილად ამდენ ფულს ვითომ და ახალ ტელეფონში, როდესაც იგივე ტელეფონს თქვენთვითონაც ჩამოიტანთ ბევრად იაფად ვიდრე ჯეოსელშია!
|