ჩვენი მუსიკალური აღმოჩენები - თბილისის ფორუმი

Printable Version of Topic
Click here to view this topic in its original format

თბილისის ფორუმი > კლასიკური მუსიკა > ჩვენი მუსიკალური აღმოჩენები

Posted by: WAGNERITE 28 Apr 2008, 20:05

ეს თემა ჩვენ მუსიკალურ აღმოჩენებს მივუძღვნათ. რაგინდარა ცნობილიც არ უნდა იყოს ესა თუ ის მუსიკოსი ან ნაწარმოები, სანამ მას შენთვის არ "აღმოაჩენ", მანამ ყოველთვის სხვისი ან სულაც არავისი იქნება.

დღეს მე კირილ კონდრაშინის მალერი აღმოვაჩინე.

Kirill Kondrashin was an important, at times great Mahler conductor. While the British press keeps up an ongoing historical commentary about the beginnings of "the acceptance of Mahler in Britain" in the late 1950s and early '60s (accompanied by a spate of generally terrible broadcast airchecks by Horenstein and Barbirolli) no one ever discusses the similar phenomenon in Russia, for which Kondrashin was largely responsible. -- http://www.classicstoday.com/review.asp?ReviewNum=5212

კონდრაშინს კარგა ხნის მანძილზე მარტო სოციალისტური სამშობლოს ღალატით თუ ვიცნობდი. მისი მალერი ბლომად დამიგროვდა, მაგრამ მოსასმენად ვერც ერთხელ ვერ მოვიცალე.

წეღან მეცხრე სიმფონია მომხვდა ხელთ და ვიფიქრე, ვნახავ ერთი რა არის მეთქი. ორიოდე ფრაგმენტის გასინჯვას ვაპირებდი და ვეღარ კი მოვწყდი.

მეცხრეს ერთ-ერთი პირველი სტუდიური ჩანაწერია, 1964 წლისა, ბერნსტაინის, ანჩერლის, კლემპერერის, კუბელიკის, შოლტის, ნოიმანის, აბრავანელის, ჰაიტინკის ცნობილ ვერსიებზე ადრე გაკეთებული.

ეხლა, ცხადია, მოსკოვის ფილარმონიის ორკესტრი კონსერტგებაუ არ არის, მაგრამ ის კი უნდა ვთქვა, რომ ესოდენ კარგი მალერი ბევრი არ მომისმენია.

კონდრაშინს თავიდანვე ასე იცნობენ და მალერის მართლა დიდი შემსრულებელი ყოფილა.

Posted by: inana 28 Apr 2008, 20:31

WAGNERITE
ძალიან კარგი თემა გახსენი. ჩემთვის ბოლო ერთი წელი, შეიძლება ითქვას, რომ საერთოდ არის მუსიკალური აღმოჩენების წელი, აღმოჩენა და სასწაული არ არის ბრუკნერის სიმფონიები? ვაგნერის ,,პარსიფალი", ,,ლოენგრინი", ,,ნიბელუნგების ბეჭედი", ზიგფრიდ იდილი", მალერის ,,ერდე", მეათე, შტრაუსის ,,მეტამორფოზები", ,,გმირის ცხოვრება", ,,სალომე", ,,ელექტრა", პეტერსონის მეშვიდე, ლისტის ,,დანტე სიმფონია", იქით მონტევერდის ,,ორფეო", კიდევ ბევრი, პირველები რაც გამახსენდა, ესენია. გეთანხმები, წიგნისა არ იყოს, თუ შენთვის არ აღმოაჩინე, როგორი სახელიც არ უნდა ჰქონდეს, როგორი შარავანდედითაც არ უნდა იყოს მოსილი, ვერაფერს გახდები, ეს ,,შენთვის აღმოჩენა" კი, ვგონებ, ის არის, რაც ნაკლებად არის დამოკიდებული ძალისხმევასა და მონდომებაზე. შეხვედრა უნდა შედგეს. და თუ შედგა, ამ ბედნიერებას და ნეტარებას ცოტა რამ თუ შეედრება დედამიწის გულზე.

Posted by: weisenhaus 28 Apr 2008, 22:27

ყველაზე კარგი ვინც არ ვიცოდი და აღმოვაჩინე ეს ვებერია. იმის მემილიონედითაც არაა ცნობილი , რაც სინამდვილეში მისი მუსიკაა. შემდეგ მოსდევს გუნო და მასნე , აგრეთვე ლორტცინგი, ბუალდე , მარშნერი , ალევი, ობერი და კიდევ რამოდენიმე.

Posted by: Pathetikos 28 Apr 2008, 23:44

ჰენდელი!

რამდენჯერ მოვუსმინე და რამდენნაირს, თითქოს ბოლო დროს "ქსერქსეც" შემაყვარა ჩემი საყვარელი მორინ ფორესტერის და ლუჩია პოპის გენიალურმა სიმღერამ, მაგრამ, საბოლოო ჯამში, ჰენდელში მე ყოველთვის ბრწყინვალე მომღერლების ტექნიკა მხიბლავდა და მიყვარდა, და არა თვითონ ჰენდელი. თუმცა შესრულებასა და "ორიგინალს" შორის მკვეთრი განსხვავება მუსიკაში ცოტა არის იყოს და უადგილოა...

ხოდა, უკვე კვირაზე მეტია ჩაციკლული ვარ ორადორ არიაზე "არიოდანტედან", რომლებიც (განსაკუთრებით, პირველი!) ისეთი სიხარულის განცდას მანიჭებენ, როგორი ცოცხალი და კონკრეტული განცდაც კაი ხანია არცერთ მუსიკალურ ნაწარმოებს არ მოუნიჭებია.
რაც არ უნდა გასაკვირი იყოს, ამ შემთხვევაში "ორიგინალი" ჰენდელით აღფრთოვანება ჩემში ანე სოფი ფონ ოტერის არაჩვეულებრივად ელეგანტურმა სიმღერამ გამოიწვია. ეს ქალი კლასიკური მაგალითია იმისი, თუ როგორ შეიძლება არ ფლობდე განსაკუთრებულ ხმას, მაგრამ არტისტიზმით და სიმღერის უნარით მიაღწიო ძალიან დიდ შედეგებს.

არიოდანტეს პირველი არია:
http://files.ge/file/229134/-ali-di--constanza-mp3.html

არიოდანტეს მეორე არია:
http://files.ge/file/229141/H--ndel---Ariodante--1997-Minkowski-Otter-Dawson-Cangemi----CD3---15---Atto-3---Scena-8---Aria-Ariodante--Dopo-notte--atra-e-funesta-mp3.html

რა ვიცი, ალბათ თქვენ ისე ვერ მოისმენთ როგორც მე და ან ჩვეულებრივ ჩახუჭუჭებულ ბაროკოდ მოგეჩვენებათ ან რამე ჩემ აღმოჩენაზე უფრო მაგარს აღმოაჩენთ, მარა მაინც გიზიარებთ. აქაურებთან ამართლებს ხოლმე.

Posted by: Contralto 29 Apr 2008, 12:32

ეს უკრაინელი პიანისტი იუთუბზე აღმოვაჩინე შარშან, მანამდე არც მსმენოდა.

ნუ, რა უნდა ვთქვა, მისი სახელია ვალენტინა ლისიცა. და ის წარმოუდგენელი ვირტუოზია. თუმცა, მისი ერთადერთი ღირსება, ალბათ, მხოლოდ ესაა.

მაგრამ მოუსმინეთ და თავად დარწმუნდით:

პაგანინი-ლისტი "კამპანელა"
http://youtube.com/watch?v=hVrgRQCcRGc

რახმანინოვი, ეტიუდ სურათები, ოპ. 39, #6
http://youtube.com/watch?v=DAb2nI2hVqk

უყურეთ და ტემპებს დააკვირდით კარგად

იგივე ნაწარმოები (რახმანინოვი) სხვა, კიდევ უფრო სწრაფი შესრულებით: არ გინდათ, რომ სპორტულებში ჩაცმულმა ნათესავმა ასე დაგიკრათ სახლში?

http://youtube.com/watch?v=OICSVujrtJU&feature=related

Posted by: Fitzcarraldo 1 May 2008, 03:51

აი, კრისტა ლუდვიგის ერბარმე მინდა რომ აღმოჩენად მექცეს, დაიდოს ჩანაწერი!

Posted by: Pathetikos 1 May 2008, 10:04

Fitzcarraldo
მე კარაიანისაში მოვისმინე და მართლა აღმოჩენა იყო. მისი ყველა არია.

Posted by: MaShiko-MuSicology 1 May 2008, 14:06

QUOTE

მისი სახელია ვალენტინა ლისიცა. და ის წარმოუდგენელი ვირტუოზია

ლისიცა მხოლოდ დუეტებში მყავს მოსმენილი, მგონი თავისსავე ქმართან ერთად. რახმანინოვის პირველ სუიტას, ვებერის რონდოს და, თუ სწორად მახსოვს, ლისტის "რემინისცენციებს" უკრავენ. აი, მანდ, ტემპები, ჩემი აზრით მეტისმეტია, სუიტის ბოლო ნაწილი საერთოდ გაუგებარია...

Posted by: WAGNERITE 2 May 2008, 18:11

Pathetikos
ხო იცი, ლუდვიგი კლემპერერთან და კარაიანთან ერთნაირად არა მღერის

Posted by: Pathetikos 2 May 2008, 18:27

WAGNERITE

თუ გავითვალისწინებთ, თუ როგორ მღერის ლუდვილი მალერს კარაიანთან და როგორ მღერის იგივეს კლემპერერთან, ლუდვიგი კლემპერერის ბახში ცუდი უნდა იყოს, რადგან კარაიანისაში კარგია.

ისე, მუსიკალური აღმოჩენებიო, და შენ მიერ დადებული ლუდვიგის ბრიუნჰილდე მართლა აღმოჩენა იყო. გვინეთ ჯოუნსი ხოა ველური და არაფერი არ ღლის და არ აჩერებს, მარა ხანდახან ზედმეტად არაზუსტია ხოლმე. ლუდვიგი რაღაც სასწაულს შვრება.

Posted by: inana 14 Jun 2008, 21:09

ბელა ბარტოკი : ლურჯწვერა ჰერცოგის სასახლე

აღმოჩენად მექცა.

Posted by: loza 14 Jun 2008, 23:42

ლისტი: დანტეს წაკითხვის შემდეგ.
რაღაცით ჰგავს მაზეპას, სადღაც - პირველ მეფისტოს. თითქოს h-moll-ის ინტონაციებიც გესმის კაცს.
პრინციპში, გულთან ახლოს ვერ მიმაქვს (მეათე კლასში რომ ვიყავი, მაშინ მიმქონდა), გუშინწინისწინისწინდელი დღეა.

Posted by: Fitzcarraldo 15 Jun 2008, 00:19

loza

QUOTE

ლისტი: დანტეს წაკითხვის შემდეგ.

დანტე-სონატაში და ლისტის ნებისმიერ ოპუსში, იცი რა მიყვარს? - სხვადასხვანაირი ინტერპრეტაცია, ასე რომ, დღეს რომ მოგეწონოს, ისე დაუკარი, თორემ, ლაზარ ბერმანი რომ უკრავს, ის რა თქმა უნდა გუშინწინისწინისწინისწინდელი დღეა

Posted by: WAGNERITE 15 Jul 2008, 20:05

ახალს რას ვიტყვი, აღმოჩენა ყოველთვის იქ გველოდება, სადაც ჩვენ არ ველოდებით ხოლმე. ახლაც ასე მოხდა.

კოლექციონერის ამბავი ხომ იცით. თუკი ვინმეს სადმე რიხარდ შტრაუსი დაუკრავს, ყველაფერი შემიგროვებია.

ბოლოს შტრაუსის საორკესტრო ნაწარმოებების შვიდდისკიანი კომპლექტი დავიმატე, ციურიხის ტონჰალესა და დავიდ ცინმანის შესრულებით. არ ვაპირებდი, მაგრამ კომპლეტიზმის ცდუნებამ წამძლია (ცუდი ჩვევაა, გამოცდილი გექნებათ).

ცინმანის ხოტბას ხშირად კი გადავწყდომივარ, მაგრამ ებრაულ სოლიდარობას მივაწერდი ხოლმე. უფრო ბეთჰოვენს უქებენ, ზოგჯერ მალერსაც (მთელი ბეთჰოვენი მაქვს, სიმფონია-კონცერტებიანად, ოღონდ არ მომისმენია).

გმირის ცხოვრებით დავიწყე. ჯერ დისკს ვუყურებ - 49:15. რა ამბავია, ასე ნელა კარაიანიც არ უკრავს. მოკლედ, კარგს არაფერს ველოდები.

ჰოდა, ჩემო მეგობრებო, ერთ წუთში ყბა რომ ჩამომივარდა, კარგა ხანს დავრჩი ასე. ასეთი პირდაპირი და არამანერული დასაწყისი ხომ რაინერის მერე არ მინახავს, ასეთი შტრაუსი კი საერთოდ არ გამიგონია და ვერც წარმოვიდგენდი.

ცინმანი არ ცდილობს კემპეს, კარაიანს თუ სინოპოლის ფერადოვნებაში შეეჯიბროს. ტონჰალესთან ერთად ამის ცდა უგუნურება იქნებოდა. სამაგიეროდ ისეთ სიზუსტეს, საორკესტრო დისციპლინასა და კონტროლს გვთავაზობს, რომ ტოლს არავის არ უდებს.

ნამდვილად არ მეგონა, შტრაუსის მძიმე ფაქტურაში ყველა ხმის ასეთი მკაფიო გამოკვეთა შესაძლებელი თუ იქნებოდა - თან ისე ძალდაუტანებლად და თავისთავად, თითქოს ეს ჩვეულებრივი ამბავი იყოს.

ვნახოთ, დროის გამოცდას როგორ გაუძლებს. ის კი ახლავე შემიძლია ვთქვა, რომ დავიდ ცინმანი და ტონჰალეს ორკესტრი შტრაუსის ახალ საშემსრულებლო სტილს ამკვიდრებენ.

Posted by: WAGNERITE 22 Oct 2008, 22:54

ლამაზი მუსიკაა. არ მოველოდი. სამი საათი გრძელდება და მთლიანად მოვუსმინე.

http://www.musicweb-international.com/classRev/2007/Sept07/Bantock_Omar_Khayyam_CHSA5051.htm
http://www.musicweb-international.com/classRev/2008/Jan08/Bantock_CHSA5051.htm

Posted by: inana 23 Oct 2008, 17:11

რამე რო იყოს, როგორ უნდა მოისმინოს კაცმა?

Posted by: JSB14BSJ 20 Nov 2016, 23:59

WAGNERITE

QUOTE

კირილ კონდრაშინის მალერი

ვერ წარმოვიდგენდი, თუ მომეწონებოდა.
მეშვიდე მომეწონა ძალიან, თუ როგორცაა.
ბერნსტაინი ვერ არის, რა თქმა უნდა, მაგრამ აბადოს კი სჯობნის.
რეტლის მალერის ხსენებაც არ ღირს.
რვა წელია, ეს თემა არსებობს და თითქოს ახლა შემოვიხედე პირველად.
Contralto

QUOTE

ვალენტინა ლისიცა

დიდი არაფერი...

Posted by: djbachi 21 Nov 2016, 13:15

ძაან ძვირფასი თემაა. ეს მაინც ვაცოცხლოთ თუ ყველა სხვა თემას საფლავი გავუთხარეთ? :დ

ჩემი ბოლოდროინდელი ნამდვილი აღმოჩენა სტივ რაიხია. კომპოზიტორთან ესე გამეკეთებინოს თვითიდენტიფიკაცია, არ მახსოვს.

Posted by: Chacha13 26 Nov 2016, 14:47

https://www.youtube.com/watch?v=x3Y77YHGakQ

[/YOUTUBE]

Posted by: JSB14BSJ 15 May 2017, 23:52

QUOTE

ჩვენი მუსიკალური აღმოჩენები

მუსორგსკი

Posted by: zamzumi 15 Aug 2017, 00:59

კარლ რიხტერი : ორღანისტი, ბახის უბადლო შემსრულებელი.

Posted by: JSB14BSJ 16 Aug 2017, 15:59

QUOTE

კარლ რიხტერი

მამაა
აგვისტოს ნათელზე კი არა და სიცხეზე ლუდივით მიდის.
ბახში ახლოს ვერავინ მივა (თავის პროფილში) და სხვა ძველ მუსიკაში კოპმანსაც არა უშავს, უბრალოდ წაურომანტიულებს.

Posted by: *Mandala 20 Aug 2017, 10:23

weisenhaus
მასნეს ვერთერი

მე შუმანის კარნავალი რამდენიმე წლის წინ მოვისმინე

Posted by: zamzumi 23 Aug 2017, 00:25

QUOTE

ძველ მუსიკაში კოპმანსაც არა უშავს

ინტერნეტში არაფერი არ დევს.
ან მე ვერ ვიპოვე...

Posted by: humanoidi 28 Aug 2017, 22:28

* * *
ესეც დიდებულია. ♥

Charles IX
მოი, გასინჯე. ;
* * *
.

Posted by: Charles IX 3 Sep 2017, 22:10

humanoidi
არ მიყვარს პროფანაცია - ასე უსმენო და უნიჭო მუსიკოსები უკრავენ

Posted by: humanoidi 4 Sep 2017, 00:33

Charles IX
ბრაიან ინომაც მიიღო მანდ ჩაწერებში მონაწილეობა.
უბრალოდ კაიფია მთელი პროექტი. : ))

აი, ფლორენსა არ კაიფობდა, სერიოზულად მღეროდა ასე და სუპერპოპულარული ქალი იყო.

დიდი ხანია მეც ვეტრფი და შიგადაშიგ ვუსმენ კიდეც.

P. S. რამდენი ნახვა დაუგროვებია ვიდეოს ფლორენსზე მერილ სტრიპის ამ ფილმის გამოსვლის შემდეგ.

Posted by: Charles IX 4 Sep 2017, 21:31

humanoidi

QUOTE

უბრალოდ კაიფია მთელი პროექტი.

გასაგებია.
მაგრამ კაიფიც შეიძლება პროფანაცია იყოს...

მაგ ქალის პოპულარობა კი ჩემთვის იმაზე ბეევრად უფრო დიდი გამოცანაა, ვიდრე სურამელაშვილის მომღერლობა, კალაძის პოლიტიკოსობა თუ ბიძინას ფსიხოანალიტიკოსობა

Posted by: humanoidi 4 Sep 2017, 21:57

Charles IX

QUOTE

მაგ ქალის პოპულარობა კი ჩემთვის იმაზე ბეევრად უფრო დიდი გამოცანაა, ვიდრე სურამელაშვილის მომღერლობა, კალაძის პოლიტიკოსობა თუ ბიძინას ფსიხოანალიტიკოსობა

ყველაფერში გეთანხმები, გიალოს გარდა.

Posted by: Q 7 10 Sep 2017, 10:33

QUOTE (humanoidi @ 28 Aug 2017, 22:28 )

* * *
ესეც დიდებულია. ♥

Charles IX
მოი, გასინჯე. ;
* * *
.

ასწორებს

ეს გამახსენდა ამაზე.
უძლიერესია

Posted by: humanoidi 13 Sep 2017, 11:07

Q 7

QUOTE

ეს გამახსენდა ამაზე.
უძლიერესია

როგორც მახსოვს, მაგის მერე დაიწყო ომი სირიაში.

Posted by: zamzumi 24 Jun 2020, 21:50

https://youtu.be/YsbrRAgv1b4

სიბელიუსი - ჩემი ბოლო აღმოჩენა

Posted by: ajax-amsterdam 24 Jul 2020, 17:02

რამე ჰოლანდიური კაი ჯგუფები მოიტათ

))

Posted by: zamzumi 24 Jul 2020, 23:55

QUOTE

რამე ჰოლანდიური კაი ჯგუფები მოიტათ))

https://youtu.be/JnxsCPXr9-Y

Posted by: ajax-amsterdam 4 Aug 2020, 01:51

zamzumi

ასწორებს. ერთი ეგ ვიცი რო ევროვიზიებს Xშირად იგებდნენ ჰოლანდიელები

Posted by: THH 11 Aug 2020, 02:32

მაქს ბრუხის სავიოლინო კოკცერტი

https://www.youtube.com/watch?v=TM0kQSvxHhU

Posted by: zamzumi 27 Sep 2020, 21:36

გუშინ "აღმოვაჩინე" საოცრად საინტერესო პიანისტი.
ბეთხოვენის პათეტიკური და მთვარის სონატა დაუკრა.

დღეს მინდოდა ინტერნეტში დამეძებნა და გვარს ვეღარ ვიხსენებ.
იქნებ ვინმე დამეხმაროთ

ანოტაციიდან რაც მახსოვს:
მიხეილი ჰქვია და ნალჩიკშია დაბადებული.
ჩრ,ამერიკული, ევროპული და რუსული კრიტიკა ერთხმად აღიარებს მის
არაჩვეულებრივ ტალანტს.

Posted by: zamzumi 24 Jan 2021, 14:49

https://youtu.be/EUKFK2ezoCQ

მიხეილ ჰაიდნი, რექვიემი

Posted by: ზილფა 11 Oct 2022, 01:54

QUOTE (THH @ 11 Aug 2020, 02:32 )

მაქს ბრუხის სავიოლინო კოკცერტი

https://www.youtube.com/watch?v=TM0kQSvxHhU

აუ, კიი. მეც ძალიან მიყვარს.
ჰილარი ჰანის შესრულებით მოგისმენია? ცოტა უხეშია, მაგრამ გემრიელად უკრავს. არანაირი ზედმეტი პათეტიკა და ემოცია

[YOUTUBE]KDJ6Wbzgy3E&t=1037s[/YOUTUBE]

პ.ს. რატომღაც ვერ ჩავსვი იუთუბის ლინკი

Posted by: zamzumi 6 Sep 2023, 00:08

https://youtu.be/zZwk-c4nUOA

Bruch Violin Concerto No.1 | Kerson Leong - Live in Brussels