imereti
კაი ახლა ამ ხალხს რაღას ატყუებ შე კაცო...
აი სკამი სადაც მოთავსდი თამაშის დროს  ))
ეს კი თამაშამდე ხარ შენ სადაც მეუბნები,რომ დღეს დინამო იგებს და ვყვირით ყველა დინამოსო და აქედან მივდივართ ყველანი ჯერ ფოთში და მერე თბილისშიო (მაგარი ბუხოი ივიყავი და არ მახსოვსო არ დაწერო ახლა )
როგორც იქნა, მოიგო “ტორპედომ” და ის ფსიქოლოგიური წნეხი, რომელიც სეზონში დღემდე მოუგებელ გუნდს “მხრებზე აწვა”, აღარ აწუხებს. თუმცა, ვიდრე ქუთათურთა “ისტორიული” გამარჯვების პერიპეტიებზე საუბარს მოვყვებოდეთ, იმაზე ვთქვათ, ვის მოუგეს. ამ თემას ადრეც შევხებივართ, ახლა კი თამამად შეიძლება ამის თქმა - ცხინვალის “სპარტაკი” უსუსტესი გუნდია მიმდინარე საუმაღლესლიგო გათამაშებაში.
სტადიონზე მისულ ჟურნალისტებს არავინ დაახვედრა გადაქსეროქსებული მატჩის ოქმები, რომლიდანაც მონაწილე გუნდების ფეხბურთელთა ვინაობას გაიგებდნენ. “მიხეილ მესხის” სტადიონის დირექციას საფეხბურთო არენის დამქირავებელი მხარე ელექტროენერგიით რომ ჰყავდა უზრუნველყოფილი, რადიოში თამაშამდე გაჟღერებული მუსიკის ჰანგები მოწმობს (ტაბლოც ავად თუ კარგად აჩვენებდა მატჩის ანგარიშს). იგივე რადიომდე კაცს რომ ოქმის ასლი მიეტანა და შემადგენლობა გამოეცხადებინა, ალბათ, ქვეყანა არ დაიქცეოდა. ასეთივე უპასუხისმგებლობით მოეკიდა ცხინვალური კლუბის ადმინისტრაცია მაყურებელს, რომელსაც შეცვლაზე შემოსულთა ვინაობაზე რომ არაფერი ვთქვათ, გოლის ავტორებსაც არავინ უცხადებდა.
შესაძლოა, არც ამაზე უნდა ვამახვილებდეთ ყურადღებას, მაგრამ ისეთი ბურთებით, რომლითაც სტუმრებს მასპინძელმა მხარემ შესთავაზა თამაში, საქართველოში ბავშვთა ტურნირებზე აღარ ბურთაობენ. მოკლედ, როგორც ჩანს, ძალიან უჭირს ამ გუნდს, მაგრამ ჩვენ რა დავაშავეთ, ვისაც ამ გაჭირვების ყურება, წერა და მეტიც, მკითხველის იმაში დაჯერება გვიწევს, რომ “სპარტაკმა” “სიონს” 3:0 მოუგო, ან კიდევ ზუგდიდიდან, ევროლიგის საგზურზე “კბილებალესილ” “ბაიასთან” ქულა მოიპოვა (1:1).
ყოველივე ზემოთ თქმულის გამო, “სპარტაკის” დამარცხება ვინმეს სატურნირო აქტივში თუ ჩაეწერება, თორემ - თუ ყველამ ერთხმად დაიწყო ძახილი, ეს რა გვიქნიაო, “დათვური სამსახურის” მეტი არაფერი გამოვა. თუმცა, ყველაფრის მიუხედავად, რიონისპირელებს ეს მოგება ძალიან სჭირდებოდათ და უმაღლესი ლიგის დებიუტანტ მწვრთნელსაც, უკეთესი მეტოქე როგორ უნდა ენატრა.
შეხვედრა სტუმართა სრული უპირატესობით წარიმართა და მათივე დამსახურებული გამარჯვებით დასრულდა. ცხინვალელებმა მატჩის განმავლობაში ერთხელ მოახვედრეს ბურთი მეტოქის კარის ჩარჩოში და გოლიც გაიტანეს. ეს, არბიტრის მიერ კომპენსირებულ დროში, დეკანოიძისგან საჯარიმოდან ჩაწოდებას და ნიკა მგელაძის თავურს მოჰყვა. მანამდე კი, შესაძლებლობის და სურვილის ფარგლებში, მხოლოდ “ტორპედო” უტევდა.
მატჩს ჰყავდა გმირიც. ის “ავაზა-ვისოლის” საფეხბურთო სკოლის 18 წლის აღზრდილი ლაშა კემუხტაშვილი გახლდათ. მან დუბლი შეასრულა და ბევრჯერ ისეთი მწვავე საგოლე გადაცემები გააკეთა, მათი გამოუყენებლობა უფრო ძნელი იყო, ვიდრე პირიქით.
პირველ ტაიმში მწვრთნელებმა კემუხტაშვილს მარჯვენა ფლანგიდან აქტიურობა დაავალეს და მანაც პირნათლად შეასრულა დავალება. წინწაწეულ ნიკა საბანაძეს (ისიც “ავაზას” სკოლადამთავრებულია), ყველაზე ხშირად მისი პასები მისდიოდა, მაგრამ ფორვარდს გამოცდილება და სიზუსტე ერთდროულად აღალატებდა.
გოლი ქუთათურებმა სწრაფი შეტევის შედეგად გაიტანეს. მეკარის წამოწყებულ კომბინაციას, მოედნის ცენტრში დათუნაიშვილის თავური და საბანაძის საგოლე გაგრძელება მოჰყვა. კემუხტაშვილს მეტოქის კარისაკენ ცარიელი სივრცე დარჩა, რომელიც შედარებით მაღალი სიჩქარით დაფარა და როცა საჯარიმოში შესულს გრიშიკაშვილი შემოხვდა, ბურთი კიპერისაგან მარჯვენა დაბალ კუთხეში გაგზავნა - 0:1. ეს 24-ე წუთზე მოხდა. აქედან ათიოდე წუთიც არ იყო გასული, სტუმართა მორიგ გააზრებულ კომბინაციას, თარხნიშვილმა ეფექტური გაგრძელება მოუძებნა. არანაკლებ ეფექტური იყო საბანაძის მიერ ბურთის მკერდით მიღება და ძირსდაუშვებელი ბურთის კარისკენ დარტყმა - ხარიხა. ტაიმის ბოლომდე, საბანაძემ კიდევ ერთი მომენტი გააცუდა. საჯარიმოში მყოფმა, მცველი მოატყუა და კარში დაარტყა - ბურთი ბადეს გარედან მოხვდა.
შესვენების შემდეგ თამაში ახალი განახლებული იყო, როცა კემუხტაშვილმა მარჯვენა ფლანგიდან მორიგი საგოლე გადაცემა გააკეთა, მაგრამ დათუნაიშვილმა თავით ცარიელ კარში ვერ შეძლო გატანა. ეს იყო ბოლო მომენტი, როცა კემუხტაშვილი “სპარტაკის” კარს ფლანგიდან დაემუქრა - მწვრთნელებმა მისი ცენტრში გადაადგილება “ბრძანეს” და არც არაფერი წაუგიათ. პირველი ხიფათი, რომელიც ქუთაისელთაგან საუკეთესო ფეხბურთელის მონაწილეობით ცენტრიდან შეიქმნა, ცხინვალელთა გამოცდილი მეკარის გაძევებით დასრულდა. გრიშიკაშვილმა საჯარიმოს ფარგლები დატოვა და მასთან პირისპირ დარჩენილი კემუხტაშვილის შეტევა რომ შეეჩერებინა, ბურთს ხელით შეეხო. სილაგავას ვერდიქტი ულმობელი, მაგრამ სამართლიანი იყო - “სპარტაკმა” დაახლოებით 2 წუთი დაკარგა, ვიდრე ნიკა დაუშვილი მეკარის სათამაშო ფორმას მოირგებდა. ჩიკვილაძის მიერ საჯარიმო დარტყმის 18 მეტრიდან შესრულება იმით დამთავრდა, რომ ბურთი ძელს მოხვდა.
“ტორპედომ” შეხვედრის ბოლომდე კიდევ არაერთი საგოლე მომენტი შექმნა “სპარტაკის” კართან, მაგრამ მხოლოდ ერთი გამოიყენა. 73-ე წუთზე საბანაძემ ბურთი დასარტყმელად კემუხტაშვილს დაუგორა და მანაც დაახლოებით 20 მეტრიდან, ბურთი დაბალი ტრაექტორიით გაგზავნა კიპერისაგან დაუცველ კუთხეში.
როგორც ვთქვით, სტუმართა უპირატესობას წუთითაც არ გაუჩენია იმის ეჭვი, რომ “ტორპედო” ვერ მოიგებდა. ამ მოგებით, გუნდის თავკაცის პოსტზე გიგატაძის წარმატებული დებიუტი შედგა. რიონისპირელთა გუნდშიც და კლუბშიც, ალბათ, კარგად მოეხსენებათ, რომ ცხრილის ზედა ნახევრამდე მისაღწევად, ქუთათურებს ვარჯიშებზე გვარიანი ოფლისღვრა მოუწევთ. ფაქტია, რომ გუნდის საუკეთესო რგოლი დაცვაა, ყველაზე პრობლემური - თავდასხმა. ნახევარდაცვა, სადაც დიღმელაშვილისა და დათუნაიშვილის სახით, მრავლისმნახველი ფეხბურთელები ირიცხებიან, მეტ სისწრაფესა და პასების კარგად გამნაწილებელ კადრებს საჭიროებს. აკი “ვისოლში” ირწმუნებიან, ახალი წლიდან კიდევ გავძლიერდებითო. თუ ახალბედა კემუხტაშვილსა და საბანაძეს დროულად არ გამოუჩნდათ “კომპანიონები”, ჩემპიონატის უსუსტეს გუნდთან მოგება, “ლაკმუსის ქაღალდად” ვერ გამოდგება - წინ საქართველოს ჩემპიონატის ელ-კლასიკოა...
“სპარტაკი” (ცხინვალი) - “ტორპედო” (ქუთაისი) 1:2 (0:1)
29 სექტემბერი, თბილისი. “მიხეილ მესხი”, 400 მაყურებელი.
“სპარტაკი”: გრიშიკაშვილი, ბოიომო, მგელაძე, ხაჭვანი (ვალერი ბოლქვაძე, 46), კორსანტია (ნიკა დაუშვილი, 57), სალარიძე, შონია, ჩალაძე, შოთა კაშია, კლოვისი (ბუზალაძე, 46), დეკანოიძე.
მთავარი მწვრთნელი: გოჩა ჩიქოვანი.
“ტორპედო”: მიგინეიშვილი, ფოფხაძე, ფარულავა, სევასტი თოდუა, ჩიკვილაძე, მერაბ გიგაური (გურული, 76), თარხნიშვილი, გიორგი დათუნაიშვილი, დიღმელაშვილი, კემუხტაშვილი (ცნობილაძე, 76), საბანაძე (ლევან კირკიტაძე, 83).
მთავარი მწვრთნელი: გია გიგატაძე.
გაფრთხილებები: კორსანტია (26), ცნობილაძე (90).
გაძევებები: გრიშიკაშვილი (57), ბოლქვაძე (90+3).
გოლები: 0:1 კემუხტაშვილი (24), 0:2 კემუხტაშვილი (73), 1:2 მგელაძე (90+1).
არბიტრი: ლაშა სილაგავა (თბილისი).
http://pix.ge/ |
რაღაც რაღაცეებ რო მაქინაციობდნენ 
მაგარი კაცია....აქ იყო ბოლოს და ძმებივით იყვნენ და 
. 
ამ ქალაქს ამყოფებდნენ უფეხბურთოდ ამდენი წელი? .... 
[/URL]
