| Printable Version of Topic
Click here to view this topic in its original format |
| თბილისის ფორუმი > პოლიტიკა > მდგომარეობა ივანე ჯავახიშვილის სახელობის უნივერსიტეტში |
| Posted by: bochormeli 3 Mar 2013, 10:35 |
| ჩვენ - თბილისის სახელმწიფო უნივერსიტეტის სტუდენტები და პროფესორები, თავს ვალდებულად ვთვლით საგანგებო განცხადებით მივმართოთ საზოგადოებასა და რექტორს უნივერსიტეტში არსებული მდგომარეობის შესახებ. ორშაბათს 4 მარტს, თბილისის სახელმწიფო უნივერსიტეტში ახალი სემესტრი იწყება. ჩვენ ვაპირებთ შევიკრიბოთ 13 საათზე უნივერსიტეტის პირველ კორპუსში და გავაპროტესტოთ თსუს ადმინისტრაციის საქმიანობა. http://www.facebook.com/events/428345900584274/ http://netgazeti.ge/GE/105/Life/12586/ 2012.09.05 ლექტორები აცხადებენ, რომ თსუ–დან პოლიტიკური ნიშნით დაითხოვეს განათლება, თბილისის სახელმწიფო უნივერსიტეტის ლექტორების ნაწილი, მათ შორის ფილოსოფოსი ლელა გაფრინდაშვილი, ჩატარებული კონკურსის შედეგად, უნივერსიტეტს მიღმა აღმოჩნდა. ლელა გაფრინდაშვილი აღნიშნულ ფაქტს უნივერსიტეტში ანდრო ბარნოვის გამოჩენასა და პოლიტიკური ნიშნით წმენდას უკავშირებს. "ჩემს ადგილზე გამოცხადებულ კონკურსში განაცხადი შემოატანინეს თავიანთი ბოლშევიკური არმიიდან ერთ–ერთს და გამაგდეს უნივერსიტეტიდან. ჩემს ადგილზე დანიშნეს კახა ქეცბაია, რომელიც ვერანაირი კრიტერიუმით ჩემი კონკურენტი ვერ იქნება. ის იყო ფილოსოფიის ინსტიტუტში დირექტორის მოადგილე და მას იქიდანაც გამოაყრევინეს ფილოსოფოსები. მას უნივერსიტეტის ნაცვლად კერძო კანტორა აქვს დამთავრებული და არა აქვს არანაირი კვალიფიკაცია. ის მოიყვანეს ჩემს ადგილას," – განუცხადა ლელა გაფრინდაშვილმა "ნეტგაზეთს". როგორც ლელა გაფრინდაშვილი ამბობს, ის თბილისის ივანე ჯავახიშვილის სახელობის სახელმწიფო უნივერსიტეტში 2000 წლიდან მუშაობდა, ბოლო წლებში კი სოციალურ და პოლიტიკურ მეცნიერებათა ფაკულტეტის ასოცირებული პროფესორი იყო. "ჩემი გათავისუფლება მხოლოდ და მხოლოდ პოლიტიკური მიზეზით მოხდა. ეს ადამიანი რომ ყოფილიყო ჩემი კონკურენტი, ჩემზე მეტი სტატიები რომ ჰქონოდა გამოქვეყნებული, მეტი სალექციო კურსი ჰქონოდა წაკითხული, მეტი პროექტები ჰქონოდა შესრულებული, ვიტყოდი, რომ ჩემი კონკურენტია", – მიაჩნია ლელა გაფრინდაშვილს. თბილისის სახელმწიფო უნივერსიტეტს ასოცირებულ პროფესორთან, ლელა გაფრინდაშილთან, სამწლიანი ხელშეკრულება ჰქონდა გაფორმებული, რომელიც მიმდინარე წელს ამოიწურა და აღნიშნულ პოზიციაზე კონკურსი ხელახლა გამოცხადდა. "ძველი დეკანი, ეტყობა, ვერ იყო სათანადო ბოლშევიკი, ამიტომ ბარნოვი მოიყვანეს, ეს კი "ჩისტკას" იწყებს," – ამბობს ლელა გაფრინდაშილი. ის ამ ეტაპზე აპირებს უნივერსიტეტის რექტორისგან მოითხოვოს განმარტება, თუ რის საფუძველზე მოხდა მისი დატოვება კონკურსს მიღმა და რა უპირატესობის გამო შეირჩა მისი კონკურენტი. ამის შემდეგ ლელა გაფრინდაშვილი იურისტთან კონსულტაციის გავლას და სასამართლოში ჩივილს გეგმავს. სოციალურ და პოლიტიკურ მეცნიერებათა ფაკულტეტზე კონკურსს მიღმა დარჩა ჟურნალისტიკის მიმართულების ლექტორი, ასისტენტ პროფესორი ხათუნა ჩარკვიანი. ის თბილისის სახელმწიფო უნივერსიტეტში 1994 წლიდან ასწავლიდა და ბოლო დროს კითხულობდა სალექციო კურსს, რომელთა შორის იყო პიარი და მედია, სოციალური საკითხების გაშუქება, ბავშვთა საკითხების გაშუქება, ჟურნალის წარმოება და გაზეთის წარმოება. ხათუნა ჩარკვიანმა 4 სექტემბერს შეიტყო, რომ მან კონკურსის პირველი ეტაპი ვერ გადალახა და ზეპირ გასაუბრებაზე ვერ გავიდა. მან უკვე მიწერა წერილი სოციალურ და პოლიტიკურ მეცნიერებათა ფაკულტეტის დეკანს ანდრო ბარნოვს და მისგან მოითხოვა ოფიციალური განმარტება, თუ რატომ დაიწუნეს ასისტენტ–პროფესორის პოზიციაზე. "როცა ოფიციალური პასუხი მექნება, ამაზე ღიად მერე ვილაპარაკებ, თუმცა რაღაც ეჭვები მაქვს, რატომაც არ მოხდა ჩემი კონკურსის მეორე ეტაპზე გადაყვანა. ეს შესაძლოა უკავშირდებოდეს ჩემს პოლიტიკურ და საზოგადოებრივ აქტიურობას", – განუცხადა ხათუნა ჩარკვიანმა "ნეტგაზეთს". ხათუნა ჩარკვიანი რამდენიმე თვის წინ პარტია "განახლებული საქართველოს" წევრი გახდა, მას შემდეგ კი, რაც აღნიშნულმა პარტიამ არჩევნებზე რეგისტრაცია ვერ გაიარა, ის შეუერთდა "ქართულ დასს", რომელთან ერთადაც მონაწილეობს 2012 წლის საპარლამენტო არჩევნებში. ხათუნა ჩარკვიანი სწორედ "ქართული დასის" პარტიული სიით იყრის კენჭს არჩევნებზე. ხათუნა ჩარკვიანი ამბობს, რომ მას თბილისის სახელმწიფო უნივერსიტეტმა ჯერ კიდევ 2012 წლის მარტში შრომითი ხელშეკრულება ცალმხრივად შეუცვალა და გაუნახევრა როგორც სალექციო საათები, ისე ანაზღაურება. ამის შესახებ მან მხოლოდ მაშინ შეიტყო, როცა ბანკომატიდან კუთვნილ ხელფასს იღებდა. თბილისის ივანე ჯავახიშვილის სახელობის უნივერსიტეტის უკვე ყოფილი ლექტორი დამატებითი განცხადების გაკეთებას მხოლოდ მას შემდეგ აპირებს, რაც უნივერსიტეტიდან მიიღებს ოფიციალურ პასუხს, თუ რის გამო დაიწუნეს კონკურსზე. "ნეტგაზეთი" შეეცადა დაკავშირებოდა თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის დეკანს, ანდრო ბარნოვს და მისგან მოესმინა განმარტებები ბრალდებეზე, თუმცა, მასთან დაკავშირება ამ ეტაპზე ვერ ხერხდება. თბილისის სახელმწიფო უნივერსიტეტის საზოგადოებასთან ურთთიერთობის დეპარტამენტის ხელმძღვანელმა ნანა მამაგულიშვილმა "ნეტგაზეთს" განუცხადა, რომ საზოგადოებრივ და პოლიტიკურ მეცნიერებათა ფაკულტეტზე კონკურსი აკადემიური თანამდებობების დასაკავებლად ჯერ დასრულებული არ არის და შესაბამისად, ოფიციალური შედეგები არ გამოქვეყნებულა. "წინასწარ რაიმე განცხადების, ან კომენტარის იმაზე გაკეთება, რისი შედეგიც არ არის ცნობილი, აბსურდულია. თვითონ საიდან იციან, რომ კონკურსი ვერ გაიარეს? საიდან გაიგეს? ხომ არ დაესიზმრებოდათ? შედეგი ჯერ არ დადებულა. შეხვერაზე ვარ და ამდენ კომენტარსაც ვერ გავაკეთებ", – განუცხადა ნანა მამაგულიშვილმა "ნეტგაზეთს". უნივერსიტში ლექტორთა კონკურსის მიღმა დარჩენას უკვე აპროტესტებს სტუდენტური მოძრაობა "ლაბირატორია 1918". საკითხის ისტორია http://live.ge/interview-17 ლელა გაფრინდაშვილი მიიჩნევს, რომ მისი დათხოვნა პოლიტიკური ანგარიშსწორება იყო და მის ვარაუდებს ადასტურებს სააპელაციო სასამართლოს განაჩენიც, რომელმაც ბათილად ცნო კონკურსის შედეგები. ლელა გაფრინდაშვილი ახალი კონკურსის დანიშვნას სასამართლოს განაჩენის მიხედვით 21 დღის ვადაში ელოდება. *** http://www.for.ge/view.php?for_id=18294&cat=3 როგორ დააბრუნეს თსუ-ში ნოდარ ხადური და დავით ნარმანია მარიამ თოდაძე 2012-11-05 11:25:53 არჩევნებამდე ცოტა ხნით ადრე რამდენიმე პროფესორი თბილისის სახელმწიფო უნივერსიტეტმა დაიწუნა. მაშინვე ითქვა, რომ პროფესორ-მასწავლებლები პოლიტიკური ნიშნით დატოვეს უნივერსიტეტის გარეთ და ეს თემა სხვათა შორის, მედიაშიც საკმაოდ პოპულარული იყო... რამდენიმე დღის წინ კი აღმოჩნდა, რომ კვიტაშვილის მიერ დაწუნებული ორი მინისტრი, ნოდარ ხადური და დავით ნარმანია უცებ მოწოდების სიმაღლეზე აღმოჩნდნენ და სრული პროფესორების თანამდებობებზე დაამტკიცეს. როგორ ტარდება პროფესორ-მასწავლებელთა შესარჩევი კონკურსები და ამ კუთხით რა პოლიტიკა ტარდება ამ თემებზე ივანე ჯავახიშვილის სახელობის თბილისის სახელმწიფო უნივერსიტეტის მოწვეული ასოცირებული პროფესორი მაია გიორგობიანი გვესაუბრება. ქალბატონო მაია, დღეს ბევრს ლაპარაკობენ, რა ხდება თბილისის სახელმწიფო უნივერსიტეტში. განსაკუთრებით საინტერესოა კონკურსების თემა, რადგან ფაქტობრივად, ამ კონკურსების შედეგად კომპლექტდება უნივესიტეტი პროფესორ-მასწავლებლებით. შეგიძლიათ გაიხსენოთ, რა ხდებოდა ბოლო რამდენიმე წლის მანძილზე? - უნივერსიტეტში კონკურსი აკადემიურ თანამდებობებზე ტარდება და ვინც გაიმარჯვებს, ისინი ხდებიან არჩეული პროფესორები. არსებობს სრული პროფესორი, ასოცირებული პროფესორი და ა.შ. ეს საშტატო ერთეულები მიბმული უნდა იყოს საათების რაოდენობაზე - რამდენი საათიცაა თითო საგანში, ამის მიხედვით... თუმცა ეკონომიის მიზნით ნაკლებ ადგილებს აცხადებენ საკონკურსოდ, ვიდრე საჭიროა. პირველი კონკურსი უნივერსიტეტში გია ხუბუას მოსვლას უკავშირდება. 2006 წელს, ასე თუ ისე, რაღაც პრინციპების გათვალისწინებით ჩატარდა კონკურსი. როცა ხუბუა უნივერსიტეტში მოვიდა, მაშინ პრორექტორი იყო ავთანდილ სილაგაძე, ხოლო ბიზნესისა და ეკონომიკის ფაკულტეტის დეკანი - მიხეილ ჯიბუტი. ავთანდილ სილაგაძემ და მიხეილ ჯიბუტმა მალევე დატოვეს თანამდებობები, რადგან არ დაეთანხმნენ ხუბუას პოლიტიკას. შემდეგ რა ხდებოდა? - ხელოვნურად შემცირდა საათები, საგნები ამოიღეს სპეციალურად, რაკი საშტატო ადგილები საათებზე იყო მიბმული. მიუხედავად ამისა, საათებსაც კი აღარ უყურებდნენ, მიკერძოებულად აცხადებდნენ კონკურსებს. 2009 წელს ჩატარდა ისეთი კონკურსი, რომლის მსგავსიც ალბათ არსად არაფერი არ მომხდარა. კონკურსი გერმანელმა მრჩეველმა იოჰენ ციმერმანმა ჩაატარა. ციმერმანისა და მაშინდელი ადმინისტრაციის ინიციატივით გამოცხადდა ვაკანსიები მხოლოდ და მხოლოდ სიმპათია-ანტიპათიის შესაბამისად. ეს დღემდე დისბალანსს იწვევს სასწავლო პროცსში. იქ, სადაც ნაკლები ადგილი იყო და მეტი პროფესურა მიიღეს, მერე ადგნენ და სხვა სპეციალობებში აკითხებდნენ საგნებს - მათი წაკითხული საგნები, გასაგებია, რამდენად დააკმაყოფილებდა სტუდენტების სწავლის ხარიხს. როგორც უკვე ვთქვი, 2009 წელს, როდესაც ძალზე სამარცხვინო კონკურსი ჩატარდა, შედეგები სასამართლოში გავასაჩივრეთ. მოსამართლე თინათინ შავერდაშვილმა ოქმის გარეშე ისიც აღნიშნა, თქვენ მართლები ხართო, მაგრამ შემდეგ მაინც გამამტყუნებელი განაჩენი გამოგვიტანა. მაშინ, დაახლოებით, 20-ზე მეტმა პროფესორ-მასწავლებელმა გავასაჩივრეთ კონკურსის შედეგები. მკითხველს შევახსენოთ როგორ ჩატარდა ეს კონკურსი... - ორდღენახევარში გამოცხადდა შედეგები, მაშინ, როდესაც მთელი თვე უნდა გაგრძელებულიყო. წარმოუდგენელია, როგორ შეეძლოთ ამ დროში 180-მდე კაცის ნამუშევრის წაკითხვა, თუ გავითვალისწინებთ, რომ თითო ნაშრომი მინიმუმ 80 გვერდიანი მაინც იყო.. არ ვიცი, ციბერმანი იმიტომ დანიშნეს, რომ თავიდან აეცილებინათ პასუხისმგებლობა და მას დაბრალებოდა ყველაფერი თუ – რა მოტივით. თვითონვე აღიარა სასამართლოზე, ვისი გვარებიც ვიცოდით, იმის ნაშრომს წაკითხვა რად უნდოდაო. ერთ-ერთ სხდომაზე რა თქვა იცით ციბერმანმა? - როდესაც ჰკითხეს, რა ენაზე წაიკითხეთ ნაშრომებიო - ვისაც სქელტანიანი ნაშრომი ჰქონდა, ჩავთვალეთ, რომ მას უკეთესად ჰქონდა ნამუშევარიო! უამრავი დარღვევა იყო და თვითონ წევრებიც აღიარებდნენ, მაგალითად, რომ არ უნდა ყოფილიყო კონკურსანტების საბუთები გახსნილი. ერთმა წევრმა თქვა – გახსნილი გვხვდებოდაო, მეორე ამბობდა – ჩვენ თვითონ ვხსნიდითო და ა.შ... ვაკანსიები დარჩა მაშინ, როდესაც მთელი რიგი გამოცდილი სპეციალისტები გარეთ დატოვეს. არსებობს კომისიის მუშაობის წესი. ჩვენ, პროფესორებს შეგვაქვს ერთი სამეცნიერო ნაშრომი, რომლის მიხედვითაც უნდა შევფასდეთ. თუ კომისიაში დარგის სპეციალისტი არ გყავს, წარმოუდგენელია, როგორ უნდა შეგიფასოს ნაშრომი. ზოგიერთ პროფესორს სახელმძღვანელო ჰქონდა შეტანილი, ზოგს – მონოგრაფია, ესენი გაცილებით მოცულობითია, 500-800 გვერდზეა ლაპარაკი. ეს ხომ უნდა წაიკითხოს კომისიის წევრმა და დადოს დასკვნა? კომისიის წევრები ვინ იყვნენ? - კომისიაში იყვნენ იოსებ არჩვაძე, ქეთევან ლაფაჩი და თამარ ბერუჩაშვილი. ბერუჩაშვილმა ხელი არ მოაწერა და საერთოდ უარი თქვა კომისიის წევრობაზე. როგორც ჩანს, მაშინაც არსებობდნენ ხელისუფლებაში ადამიანები, რომლებიც ყველაფერზე ხელს არ აწერდნენ. გამოდის, რომ აბსოლუტურად ყველაფერი პოლიტიზირებული იყო? - რა თქმა უნდა. ორჯერ დავრჩი გარეთ და დარწმუნებული ვარ იმიტომ, რომ იცოდნენ არ ვიყავი ხელისუფლების მხარდამჭერი. დეკანებიც ამ ნიშნით ირჩეოდნენ? - მაგალითად, ბიზნესისა და ეკონომიკის ფაკულტეტზე მოიყვანეს აკაკი ხელაძე და დასვეს ისე, რომ ის უნივერსიტეტელი არ არის - სრულმა პროფესორებმა გამოუცხადეს ნდობა და აირჩიეს. იგივე შეიძლება ითქვას ანდრო ბარნოვზეც... მარტო ეს პრობლემა კი არ იყო, საგნების „პრივატიზება“ ხდებოდა. მაგალითად, ეკონომიკური ინფორმატიკის კათედრის საგანი წამოიღეს ბუღალტერიის კათედრაზე. შემდეგ ამ საგნის წაკითხვაზე კონკურსი გამოაცხადეს. ხელაძის წინამორბედმა ელენე ხარაბაძემ თავისი ფავორიტი თეა მუნჯიშვილი გაიყვანა კონკურსზე. როდესაც საკონკურსო კომისიის სხდომაზე ხარაბაძეს ვკითხე, ეს რატომ მოხდა, მითხრა - საგანი მაშინდელმა კათერდის გამგემ, მურთაზ მაღრაძემ მომცაო. არ მესმის რას ნიშნავს „საგანი მომცა“! თუ მუნჯიშვილს კათედრასთან კონფლიქტი ჰქონდა, პრობლემა ასე უნდა გადაწყვეტა? მაშინ, კომისიის თავმჯდომარემ იაკობ მესხიამ საკონკურსო კომისიის შემაჯამებელ ოქმში დააფიქსირა, რომ ამ საკითხის დამატებითი განხილვა იყო საჭირო, მაგრამ რა თქმა უნდა, არავის არ განუხილავს. პრობლემა საიდან დაიწყო, იმის გარდა, რომ ხუბუა მოვიდა უნივერსიტეტში? - პრობლემა იმით დაიწყო, რომ 102 კაციანი აკადემიური საბჭო 12 კაცამდე შეამცირეს - თქვეს, რომ თითქოს, უფრო მობილური გახდა, მაგრამ მობილური კი არა, უფრო ადვილად მართვადი გახდა ნაციონალური მოძრაობისთვის. თანაც, ამ საბჭოში გაიზარდა ისეთი წევრების რაოდენობა, ვისაც პარლამენტთან ჰქონდა კავშირი. აკადემიური საბჭო სამეცნიერო ორგანოა და ძალიან ბევრ რამეს განსაზღვრავს. აკადემიური საბჭო ირჩევს უნივერსიტეტის რექტორს და წარმოიდგინეთ, სად 12 კაცი რომ აირჩევს და სად 102. ყველაზე საინტერესო რა არის იცით? უმაღლესი განათლების შესახებ კანონში ცვლილებები შეიტანეს - გადაწყვიტეს, რომ რექტორს არ სჭირდება სამეცნიერო ხარისხი, მთავარია ის იყოს კარგი მენეჯერი, მაგრამ რექტორი სამეცნიერო საბჭოს თავმჯდომარეც რომ არის, ეს დაავიწყდათ. დღესაც ასეა, აკადემიურ საბჭოს ხელმძღვანელობს ადამიანი, რომელსაც სამეცნიერო ხარისხი არ აქვს, სანდრო კვიტაშვილზე მაქვს ლაპარაკი. საკონკურსო კომისიის წევრებზე რას იტყვით, მათაც მხოლოდ მენეჯერობა მოეთხოვებათ? - 2012 წელს ბიზნესისა და ეკონიმიკის ფაკულტეტის საკონკურსო კომისიაში ისეთი წევრებიც შეიყვანეს, რომლებსაც სამეცნიერო ხარისხი არ გააჩნდათ. კონკურსი როგორ ჩატარდა? იმ ინფორმაციის მიხედვით, რაც მაშინ მედიაში ვრცელდებოდა, მაშინაც მოხდა პროფესორების პოლიტიკური ნიშნით გაცხრილვა... - კომისიის თავმჯდომარე იყო აკაკი ხელაძე, ამჟამინდელი ეკონომიკისა და ბიზნესის ფაკულტეტის დეკანი. მაგალითად, კომისიის ერთ-ერთი წევრი იყო ალექსანდრე ჯეჯელავა. აკადემიურმა საბჭომ საკონკურსი კომისიის შემაჯამებელი ოქმი 13 აგვისტოს დაამტკიცა. სექტემბერში კი გაირკვა, რომ ჯეჯელავა დოქტორანტიც კი არ ყოფილა და თსუ-ში დღეს დოქტორანტურაში სწავლობს. კომისიის წევრმა, რომელიც დოქტორიც კი არ იყო, აირჩია სრული და ასოცირებული პოროფესორები და მხოლოდ ამის შემდეგ გაუჩნდა სურვილი, რომ დოქტურანტურაში ესწავლა. მაშინვე გაავაპროტესტე, მივწერე რექტორსაც ადმინისტრაციის უფროსსაც, მაგრამ, უშედეგოდ. ეს იმ კონკურსზეა საუბარი, ნოდარ ხადური და დავით ნარმანია, კიდევ სხვები გარეთ რომ დატოვეს? - ბოლო კონკურსის შემდეგ დარჩა ვაკანსიები. კონკურსის დასრულებიდან რამდენიმე დღეში ხელახალი კონკურსი გამოცხადდა, მაგრამ იმ ვაკანსიებზე კი არა, რაც დარჩენილი იყო, არამედ საკუთარი შეხედულებისამებრ შეარჩიეს. მაგალითად, მენეჯმენტის კათედრაზე არ დარჩენილა ვაკანსია, მაგრამ კონკურსი გამოცხადდა. როდესაც დეკანს ვკითხე, ასე რატომ მოხდა, მიპასუხა, კომისიის წევრებმა იმსჯელეს და დაადგინეს, რომ დავით ნარმანიასა და გია ღაღანიძეს ერთნაირი შეფასება ჰქონდათ და ამიტომ ჩავთვალეთ საჭიროდ ვაკანსიის გამოცხადებაო. ბუნებაში ორი ერთნაირი დონის მეცნიერი არ არსებობს. თუ მენეჯმენტის კათედრას ორი სრული პროფესორი სჭირდებოდა, მაშინ ეს თავის დროზე უნდა გამოეცხადებინათ. სტატისტიკის კათედრაზე დარჩა ორი ვაკანსია და კონკურსი დღემდე არ გამოცხადებულა. მარკეტინგზეც დარჩა ვაკანსია, იქაც არ არის გამოცხადებული. ინფორმატიკის კათედრაზე კი ყველა ადგილი ვაკანტურია. როდესაც ბატონი ნოდარ ხადური დატოვეს გარეთ (მიუხედავად იმისა, რომ მას ნამდვილად ეკუთვნოდა სრული პროფესორის პოზიცია. იგივეს ვიტყვი დავით ნარმანიაზეც) და რექტორს ერთ-ერთმა ჟურნალისტმა ჰკითხა, ეს პოლიტიკური დევნის შედეგი იყო თუ არა, მან უპასუხა, რომ ნოდარ ხადური არ აკმაყოფილებდა ამ პოზიციის მოთხოვნებს. 29 ოქტომბერს დასრულდა მეორე კონკურსი ვაკანტურ ადგილებზე და ორივე, ნოდარ ხადურიც და დავით ნარმანიაც დღეს სრული პროფესორები არიან, რასაც გულწრფელად ვულოცავ. თუმცა კითხვა მაქვს, თუ ერთი თვის წინ ამ პოზიციას ვერ აკმაყოფილებდნენ, მაგალითად, ნოდარ ხადური და იაკობ მესხია, რა გააკეთეს ამ ერთ თვეში ისეთი, რომ მისაღებები აღმოჩნდნენ? ასეთი კითხვაც მაქვს - წინა კომისია იყო ტენდენციური თუ ახლანდელი კომისია ტყუის? თუ იმ კომისაიამ კარგად ვერ იმუშავა, მისი თავმჯდომარე ხომ დღესაც ჩვენი დეკანია, პასუხი არავინ არ უნდა აგოს? ან აუცილებელია, მინისტრი გახდე, რომ უნივერსიტეტში შენზე აზრი შეიცვალონ? გარეთ დატოვეს, საქართველოს მეცნიერებათა ეროვნული აკადემიის წევრი ავთანდილ სილაგაძე, პროფესორი ბიკენტი გაბიძაშვილი, რომელიც დღევანდელ საქართველოში სტატისტიკის მეტრად შეიძლება ჩაითვალოს, პროფესორი მერაბ ხმალაძე და სხვები. ასე მოკლე დროში როგორ მოახერხეს, რომ ახალი მინისტრები უნივერსიტეტში დააბრუნეს? - როდესაც პოლიტიკური სიტუაცია შეიცვალა, კვიტაშვილს და ხელაძეს გაუჩნდათ განცდა, რომ შეიძლებოდა ქვეყანაში რაღაც შეცვლილიყო. შემდეგ კონკურსზე საბუთების მიღება 5 ოქტომბერს მთავრდებოდა, როდესაც უკვე სრულიად გასაგები იქნებოდა, ვინ მოვიდოდა ხელისუფლებაში. ეჭვი მაქვს, პოლიტიკური სიტუაცია რომ არ შეცვლილიყო, ჩვენი მინისტრები ისევ გარეთ დარჩებოდნენ. თუ ისევ ასე გაგრძელოდება, უნივერსიტეტში კონკურსების ჩატარებას აზრი არ ექნება. უკვე დიდი ხანია, ვისაც საჭიროდ თვლიან ირჩევენ აკადემიურ თანამდებობებზე, ვისაც არა - არა. თუ ვერ ვასწავლით და მოთხოვნებს ვერ ვაკმაყოფილებთ, მაშინ რატომღა გვიწვევენ და მოწვეული პროფესორის სტატუსით რატომ გვატარებინებენ ლექციებს, აქვს ამას ლოგიკური ახსნა? http://maestro.ge/?address=uc&id=43630&page=1 |
| Posted by: vaho 3 Mar 2013, 10:56 |
| საქართველოში არსებული ყველა უნივერსიტეტი უნდა დაიხუროს, ჩატარდეს დეზინფექცია - დეგაზაცია, დაქლორვა და შემდეგ გაიხსნას ახალი, კონკურსების საფუძველზე... |
| Posted by: tsvrkaua 3 Mar 2013, 10:59 | ||
!!! |
| Posted by: bochormeli 3 Mar 2013, 11:03 |
| 27.02.2013 კონფლიქტი თსუ-ს პროფესორებსა და საკონკურსო კომისიას შორის სტატიები სოფო აფციაური თბილისის სახელმწიფო უნივერსიტეტში ეკონომიკისა და ბიზნესის ფაკულტეტზე აკადემიური თანამდებობის დასაკავებლად გამოცხადებული კონკურსი 9 თებერვლიდან 22 თებერვლის ჩათვლით მიმდინარეობდა. კონკურსის შედეგების გამოცხადებიდან რამდენიმე დღეში, მასში მონაწილე პროფესორებმა, რომლებმაც კონკურსის ეტაპები ვერ გადალახეს, უნივერსიტეტის რექტორს, ალექსანდრე კვიტაშვილს, განცხადებით მიმართეს. განცხადებაში საუბარია, კომისიის თავმჯდომარისა და მისი წევრების მიერ არაობიექტურ და უსამართლო ქმედებებზე, რის გამოც, პროფესორებმა რექტორს სთხოვეს, რომ აკადემიურ საბჭოს არ დაემტკიცებინა საკონკურსო კომისიის გადაწყვეტილება. „კონკურსში მონაწილე პროფესორები აღშფოთებული ვართ კომისიის თავმჯდომარის, მაია მარგველაშვილის, და კომისიის ზოგიერთი წევრის მიზანდასახული დანაშაულებრივი ქმედებებით. აშკარად გამოხატულია უსამართლობა, მიკერძოებისა და სრული განუკითხაობის ფაქტები“- წერია განცხადებაში და პუნქტობრივადაა ჩამოთვლილი ის პროცედურული დარღვევები, რასაც, პროფესორების აზრით, კონკურსის განმავლობაში ჰქონდა ადგილი. კერძოდ, საუბარია, საკონკურსო კომისიის შემადგენლობაზე, რომელიც, კონკურსის მონაწილეების თქმით, დაკომპლექტებული არ იყო ყველა საკონკურსო პოზიციაზე შესაბამისი დარგის სპეციალისტებით. მაგალითად, საერთაშორისო ბიზნესის კათედრიდან მონაწილეობდა კათედრის გამგე, სრული პროფესორი თეიმურაზ შენგელია და იაშა მესხია, ხოლო მარკეტინგისა და ინფორმატიკის მიმართულებით შესაბამისი დარგის სპეციალისტები არ მონაწილეობდნენ: „მესხია კონკურსანტებს მარკეტინგის, საერთაშორისო ბიზნესის, სტატისტიკის, ინფორმატიკის და სხვა საკონკურსო პოზიციებზეც აფასებდა, რაც უხეშ დარღვევად მიგვაჩნია“, - აღნიშნავენ პროფესორები. თსუ-ს საზოგადოებასთან ურთიერთობის დეპარტამენტის მიერ მოწოდებული ინფორმაციით, კომისია დაკომპლექტებული უნდა იყოს შესაბამისი დარგის სპეციალისტებითა და ექსპერტებით. განცხადებაში ასევე წერია, რომ კომისიის ერთ-ერთი წევრი, მარკეტინგის სრული პროფესორი ნუგზარ თოდუა, თავმჯდომარე მაია მარგველაშვილმა იმის გამო მოხსნა, რომ ის თოდუამ კონკურსანტ ნანა კაციტაძის მიმართ განსაკუთრებულ ლობირებაში დაადანაშაულა. თსუ-ს საზოგადოებასთან ურთიერთობის დეპარტამენტის ხელმძღვანელის მიერ მოწოდებული ინფორმაციით, ნუგზარ თოდუას კონკურსიდან მოხსნა ინტერესთა კონფლიქტის გამო მოხდა, რადგან კონკურსში მისი მეუღლე მონაწილეობდა. გარდა ამისა, პროფესორების განცხადებით, იურისტი ვასილ ბარამიძე, რომელიც პროცედურული დარღვევებისა და არასამართლიანობის აღკვეთის მიზნით მონაწილეობდა კომისიაში, პარალელურად ხმის უფლებითაც სარგებლობდა: „მიგვაჩნია, რომ მის ხმას საკმაოდ „ეფექტიანად“ გამოიყენებდნენ დაინტერესებული კომისიის თავმჯდომარე და ზოგიერთი კომისიის წევრი „სასურველი“ კონკურსანტების მხარდასაჭერად“,- აღნიშნავენ განცხადების ავტორები. პროფესორები ასევე გასაუბრების დროს გამოვლენილ ხარვეზებზეც საუბრობენ, მათი თქმით, მაია მარგველაშვილი, კომისიის წევრი იაშა მესხია და კომისიის მდივანი მათ ბუნდოვან და დაუზუსტებელ შეკითხებს უსვამდნენ. „გასაუბრების დროს მაია მარგველაშვილმა ბოლომდე საუბარიც არ მაცადა, როგორც კი ჩემს სამეცნიერო კონცეფციაზე დავიწყე ლაპარაკი, გამაჩერა და მითხრა, რომ ჩემ მიერ მიტანილი 3 სილაბუსიდან, 2-ში ლიტერატურა ერთმანეთს ემთხვეოდა. არადა, შემიძლია დავამტკიცო, რომ ეს ცრუ ბრალდებაა“, - აღნიშნავს თსუ-ს სრული პროფესორი ლალი ხიხაძე „ლიბერალთან“ საუბრისას. განცხადებაში ასევე საუბარია, რომ ლალი ხიხაძესა და კომისიის წევრს, იაშა მესხიას შორის ინტერესთა კონფლიქტი არსებობდა, რის შესახებაც ხიხაძემ უნივერსიტეტის რექტორს კონკურსის დაწყებისთანავე აცნობა. „იაშა მესხიას მიმართ უამრავი პრეტენზია მქონდა, რის შესახებაც ალექსანდრე კვიტაშვილმა კარგად იცოდა. 2012 წელს რექტორთან შრომითი ვალდებულებების დარღვევაში ვამხილე და, შესაბამისად, ეჭვი მიჩნდება, რომ მესხიას კომისიაში დანიშვნა, ჩემთვის ანგარიშსწორების მიზნით მოხდა“,- ამბობს ლალი ხიხაძე. აღსანიშნავია, რომ კომისიის დაკომპლექტებისას, კომისიის წევრებსა და კონკურსანტებს შორის ინტერესთა კონფლიქტის არსებობა დაუშვებელია. გარდა ამისა, განცხადებაში წერია, რომ შემაჯამებელ ოქმს ხელს არ აწერს კომისიის 2 წევრი: სრული პროფესორი სიმონ გელაშვილი და თემურ შენგელია. საკონკურსო კომისიის მუშაობის წესის 22–ე პუნქტის მიხედვით კი აკადემიური საბჭოს დასამტკიცებლად შემაჯამებელ ოქმს ხელს უნდა აწერდეს კომისიის ყველა წევრი. ალექსანდრე კვიტაშვილმა აღნიშნული განცხადება წაიკითხა, თუმცა კონკურსის შედეგები მაინც დადებითად შეაფასა. „ლიბერალი“ კონკურსში დამარცხებულ რამდენიმე პროფესორს გაესაუბრა. ლამარა ბერიძე თბილისის ეკონომიკურ ურთიერთობათა სახელმწიფო უნივერსიტეტში(თეუსუ) მისი დაარსების დღიდან კათედრის გამგედ მუშაობდა. როდესაც მთავრობის დადგენილებით თეუსუ თბილისის სახელმწიფო უნივერსიტეტს შეუერთდა, ლექტორებს განუცხადეს, რომ ზაფხულში კონკურსი ჩატარდებოდა და მათ საფრთხე არ ემუქრებოდათ. თუმცა, კვიტაშვილის რექტორად დანიშვნის შემდეგ, ლამარა ბერიძეს ასოცირებული პროფესორის სტატუსი შეუწყდა და უნივერსიტეტში ლექციების მხოლოდ რამდენიმე საათი დაუტოვეს. „დავკარგე სტატუსი, საგრძნობლად შემიმცირდა ხელფასი, იქამდე 2000-2500 ლარს ვიღებდი, საათობრივად კი 750 ლარი მქონდა. სწორედ ამიტომ, ჩემი ხელმძღვანელობით, 100-კაციანი ხელმოწერები შევაგროვე, კონკურსის გამოცხადებამდე სტატუსისა და ხელფასის შენარჩუნების მოთხოვნით, თუმცა რექტორის მხრიდან ამას რეაგირება არ მოჰყოლია. მეტიც, მეორე სემესტრიდან გამოგვიცხადეს, რომ ჩვენ მიმართ ვალდებულება მხოლოდ ერთი სემეტრი ჰქონდათ აღებული და საათების მოცემაზეც უარს მეუბნებოდნენ“,- ამბობს ბერიძე, რომელსაც კონფლიქტი ჰქონდა ასევე თსუ-ს ეკონომიკის და ბიზნესის ფაკულტეტის დეკანის მოადგილე გიორგი ღაღანიძესთან. ბერიძე მას საგანმანათლებლო პროგრამის მითვისებაში ადანაშაულებს და პროკურატურაში უჩივის. „დარწმუნებული ვარ, რომ სანდრო კვიტაშვილის დავალებით ისეთი კომისია შეიქმნა, რომ გარანტირებული ყოფილიყო ჩემი დამარცხება. ეს არის დევნა, რექტორისა და ღაღანიძის მხრიდან“- ამბობს ბერიძე და აპირებს, რომ კონკურსის შედეგები პროკურატურაში გაასაჩივროს. შედეგების გასაჩივრებას აპირებს კონკურსის კიდევ ერთი მონაწილე გაგა გაბრიჩიძე, რომელიც კონკურსს პირველივე ეტაპზე გამოეთიშა. „კომისიის მიერ მიღებულ გადაწყვეტილებას პირდაპირ კავშირშია კომისიის წევრ ლევან ალექსიძის ჩემ მიმართ უარყოფითი დამოკიდებულება. მიმაჩნია, რომ გადაწყვეტილება არის თვითნებური ხასიათის და სამართლიანი კონკურენციის პრინციპი არის სრულიად იგნორირებული. კონკურსის შედეგებს აუცილებლად გავასაჩივრებ,“- აღნიშნა „ლიბერალთან“ საუბრისას გაბრიჩიძემ. “ლიბერალმა“ კონკრეტული შეკითხვებით უნივერსიტეტის საზოგადოებასთან ურთიერთობის დეპარტამენტს მიმართა. მაგალითად, ჰქონდა თუ არა იურისტ ვასილ ბარამიძეს ხმის მიცემის უფლება, თუმცა რადგან ალექსანდრე კვიტაშვილი ამ დროისთვის საქართველოში არ იმყოფება, კომისიის ახსნა-განმარტება დეპარტამენტის ხელმძღვანელმა მოგვაწოდა, სადაც აღნიშნულია, რომ ნებისმიერ პროფესორს, რომელსაც კომისიის მუშაობის ობიექტურობაში ეჭვი შეაქვს, შეუძლია სრული დოკუმენტაცია გამოითხოვოს და მიმართოს შესაბამის ინსტანციებს. http://www.liberali.ge/ge/liberali/articles/114112/ საკითხის ისტორია http://www.pirweli.com.ge/?menuid=23&id=19676 თსუ პროფესორი რექტორს, დეკანსა და საკონკურსო კომისიის თავმჯდომარეს კონკურსის შედეგების გაყალბებაში ადანაშაულებს თარიღი: 14:53 - 25.02.13 თსუ პროფესორი რექტორს, დეკანსა და საკონკურსო კომისიის თავმჯდომარეს კონკურსის შედეგების გაყალბებაში ადანაშაულებს თსუ მოწვეული პროფესორი ლამარა ბერიძე უნივერსიტეტის რექტორს სანდრო კვიტაშვილს, უნივერსიტეტის დეკანს ავთანდილ ხელაძეს და საკონკურსო კომისიის თავმჯდომარეს მაია მარგველაშვილს კონკურსის შედეგების გაყალბებაში ადანაშაულებს. როგორც ,,ჯი-ეიჩ-ენთან" საუბარში ბერიძემ განაცხადა ეკონომიკისა და ბიზნესის ფაკულტეტზე გამოცხადებული კონკურსი არაკანონიერად ჩატარდა. ,,ეკონომიკისა და ბიზნესის ფაკულტეტზე აგვისტოს თვეში გამოცხადებული კონკურსის შემდეგ ვაკანსიები დარჩენილი იყო და დეკემბრის თვეში ხელახალი კონკურსი გამოაცხადა. კონკუსრის შედეგებს აყალბებენ და რამდენიმე ადამიანს მათ შორის მეც გვბლოკავენ და გაყავთ ის ადამიანები ვინც უნდათ. მე არ სურთ, კონკურსში გავიმარჯვო, რადგან ასეთია რექტორის ბრძანება, რადგან ყველას ვაჯობე და საუკეთესო შედეგები ვაჩვენე კათედრაზე ვაკანსია დატოვეს", -განაცხადა ლამარა ბერიძემ და აღნიშნა, რომ აგვისტოში გამოცხადებული კონკურსიც არაკანონიერად ჩატარდა და საქმე სარჩენი პროკურატურაში თავად შეიტანა რის შემდეგაც დაკითხვაზე იმყოფებოდნენ უნივერსიტეტის დეკანი და კომისიის მდივანი. ,,აქამდე გაჩერებული ვიყავი, რადგან იმედი მქონდა, რომ ახალი კონკურსის გამოცხადების შემდეგ მაინც გონს მოეგებოდნენ და კონკურსში გავიდოდი, მაგრამ იმავეს აკეთებენ. იცით რამხელა შეურაცხყოფაა ეს ჩემთვის ,,თბილის ეკონომიკის ურთიერთობათა სახელმწიფო უნივერსიტეტში", 15 წელი კათედრის გამგე, სრული პროფესორი ვიყავი. მას შემდეგ, რაც უნივერსიტეტი თსუ შეუერთდა კვიტაშვილმა პირობა მოგცვა, რომ შეგვინარჩუნებდა სტატუსს, ხელფასს, თუმცა როგორ კი შევუერთდით ყველაფერი დაივიწყა და უმუშევარი დაგვტოვა ყველა", _ განაცხადა ლამარა ბერიძემ და აღნიშნა, რომ გაყალბებული კომისიის შედეგები არ უნდა დამტკიცდეს. შეგახსენებთ, რომ თბილისის ივანე ჯავახიშვილის სახელმწიფო უნივერსიტეტის პირველ კორპუსში 16:00 საათზე აკადემიური საბჭოს სხდომა გაიმართება, სადაც კონკურსის შედეგები უნდა დაამტკიცონ. http://www.ghn.ge/print-84151.html |
| Posted by: FRIDRIX 3 Mar 2013, 11:08 | ||
|
| Posted by: ლივერმენ 3 Mar 2013, 11:10 |
| მკიდია ჩაამატეთ პოლში.... |
| Posted by: mister-X 3 Mar 2013, 11:10 |
| წულუკიანის დიპლომის გაჟღერებასთან ხომ არ არის ეს ყველაფერი დაკავშირებული ? |
| Posted by: bochormeli 3 Mar 2013, 11:16 |
| http://live.ge/interview-17 თბილისის ივანე ჯავახიშვილის სახელობის სახელმწიფო უნივერსიტეტიდან ბოლო წლების განმავლობაში არაერთი პროფესორ-მასწავლებელი გაათავისუფლეს. უმეტესობა მიიჩნევდა, რომ მათი დათხოვნა პოლიტიკური ნიშნით მოხდა. ერთ-ერთი ყველაზე გახმაურებული ფაქტი პროფესორის, ფილოსოფოს ლელა გაფრინდაშვილის გათავისუფლება გახდა, რომელმაც, საკონკურსო კომისიის განმარტებით, კონკურსი ვერ გაიარა. ლელა გაფრინდაშვილი მიიჩნევს, რომ მისი დათხოვნა პოლიტიკური ანგარიშსწორება იყო და მის ვარაუდებს ადასტურებს სააპელაციო სასამართლოს განაჩენიც, რომელმაც ბათილად ცნო კონკურსის შედეგები. ლელა გაფრინდაშვილი ახალი კონკურსის დანიშვნას სასამართლოს განაჩენის მიხედვით 21 დღის ვადაში ელოდება. ინტერვიუ ლელა გაფრინდაშვილთან თქვენ ამბობთ, რომ უნივერსიტეტიდან თქვენი დათხოვნა პოლიტიკური ნიშნით მოხდა. კონკრეტულად, რა მიზეზი შეიძლება ჰქონოდა ყოფილი ხელისუფლების მხრიდან ამგვარ ნაბიჯებს: ანგარიშსწორება პოლიტიკური შეხედულებების გამო თუ საფრთხე, ლექტორის შეხედულებებს გავლენა არ მოეხდინა სტუდენტებზე? ბოლოს პოლიტიკური სიტუაცია ყველას გვახსოვს, როგორი იყო: ნებისმიერი განსხვავებული აზრი აღიქმებოდა მტრულ აზრად. უნივერსიტეტშიც იყო ანალოგიური სიტუაცია. ის გარემოება, რომ მე ვიყავი, ფაქტობრივად, ერთადერთი ლექტორი, რომელიც ღიად, საჯაროდ აკრიტიკებდა ე.წ. “იუგენდების” არსებობას უნივერსიტეტში, რომელთაც ძალადობრივი, აბსოლუტურად უკანონო ქმედება განახორციელეს იმ თანატოლების მიმართ, რომლებიც ითხოვდნენ კონსტიტუციით გარანტირებული უფლების შესრულებას (კულუარებში, შეიძლება, სხვებსაც არ მოსწონდა და მე დარწმუნებული ვარ, რომ უმრავლესობა უკმაყოფილო იყო იმით, რაც ხდებოდა უნივერსიტეტში). მე 80-იან წლებში ვსწავლობდი და ამ ტიპის კომკავშირელებს არ მოვსწრებივარ; მაგრამ ბევრი რამ წამიკითხავს 20-30-იანი წლების კომკავშირელებზე და ეს იყო ტიპური, აგრესიული პარტნომენკლატურის ინსტრუქციებს დაქვემდებარებული ქვედანაყოფი უნივერსიტეტში, რომელიც ძალადობრივ, ღია, აბსოლუტურად დაუფარავ აგრესიას ახორციელებდა იმ სტუდენტების მიმართ, რომლებიც, როგორც გითხარით, ითხოვდნენ სწავლას, სახელმძღვანელოებს, არაფერს განსხვავებულს და ისეთს, რაც ნონსენსი იქნებოდა. ეს გარემოება, რომ მე ღიად ვაკრიტიკებდი და ასევე ამას ვუკავშირებდი პოლიტიკურ სიტუაციას ქვეყანაში, ბუნებრივია, ფაკულტეტისა და უნივერსიტეტის ადმინისტრაციაზეც მოქმედებდა გამაღიზიანებლად. მე კონტრაქტი დამიმთავრდა თებერვალში; ეს არის პერიოდი, როცა სასწავლო პროცესი მიმდინარეობს. უკვე თებერვლიდან შევამჩნიე, რომ დაიწყეს ჩემი დევნა. ფაქტობრივად, კონტრაქტი დამიმთავრდა და აღმოჩნდა, რომ მე ხელფასს ვეღარ მივიღებდი; არაფერი ფაკულტეტმა არ გააკეთა იმისათვის, რომ მე კონტრაქტი გამგრძელებოდა; ამისთვის ფაკულტეტს უნდა ეზრუნა, ხომ? ამიტომ, მე იძულებული გავხდი, რექტორისთვის მიმემართა. რექტორთან შეხვედრა რამდენჯერმე ვერ მოხერხდა. შემდეგ გაეროსთან ერთად გავაკეთე ქალებთან დაკავშირებული გამოფენა და ეს გამოფენა უნივერსიტეტშიც გაიხსნა; სწორედ აქ მობრძანდა რექტორი; სრულიად შემთხვევით მომეცა საშუალება, მისთვის მიმემართა და დაველაპარაკე. იგი შეწუხდა ძალიან (გარეგნულად, ყოველ შემთხვევაში, ასე ჩანდა) და არ ვიცი, რა მექანიზმებით, რა მოხდა, მაგრამ გამიგრძელეს კონტრაქტი ივნისამდე _ როდესაც უკვე სასწავლო პროცესი დამთავრდებოდა. შემდეგ უკვე კონკურსი იწყებოდა ჩვეულებრივ, როგორც _ დანარჩენებისთვის, ისე _ ჩემთვის და უნდა მიმეღო მონაწილეობა. კონკურსის ძველი წესი იყო ასეთი: დოკუმენტები, რომლებიც ჩვენ მოგვეთხოვებოდა, იყო ჩამოწერილი ფურცელზე. ამიტომ ადამიანს, ვისაც ვაბარებდით ამ საბუთებს, ედო ეს ჩამონათვალი და, აი, მაგალითად, გეკითხებოდა: პირველი დოკუმენტი გაქვს? აბარებ... მეორე, მესამე და ა.შ. სასწრაფოდ შევიტანეთ საბუთები ძველი წესით. დაახლოებით ერთი თვის განმავლობაში ეს საბუთები ედოთ, მაგრამ ივლისში შეიცვალა საკონკურსო წესი, ჩვენ საბუთები გამოვიტანეთ უკან და ისევ შევიტანეთ. ახალი წესები _ ეს იყო აბსოლუტურად ბოლშევიკური მეთოდები. დარწმუნებული ვარ, თქვენც ბევრი წაგიკითხავთ და მკითხველიც, რომელიც ამ ინტერვიუს ნახავს, მიხვდება, რომ ეს მეთოდოლოგია არის ტიპური ბოლშევიზმი. შეცვალეს საკონკურსო წესი, სადაც ჩამონათვალში არ იყო ერთ-ერთი დოკუმენტი _ ეს არის სილაბუსები, ანუ სალექციო კურსის გეგმა. მაგრამ დაემატა ერთი დოკუმენტი, _ანკეტა (სადაც ჩვენ ვწერთ, რა დროიდან ვმუშაობთ უნივერსიტეტში, რა სალექციო კურსს ვკითხულობთ, რა სამეცნიერო კვლევები გვაქვს, სტატიები და ა.შ.). ანკეტა რამდენიმე ბლოკისგან შედგებოდა და თითოეული ბლოკი ფასდებოდა. იქ, სადაც მე სილაბუსები ჩამოვთვალე, იმ პუნქტში იყო მინაწერი, რომ დაგვერთო კიდევაც ისინი, რასაც მე არ მივაქციე ყურადღება, რადგან ჩამონათვალში არ იყო ეს სილაბუსები; იქ ეწერა მხოლოდ ანკეტა. და იმ ჩამონათვალშიც არ არის მინიშნებული _ გთხოვთ, მიაქციოთ ყურადღება, რომ ანკეტაში მითითებული დოკუმენტები მოგეთხოვებათ. არადა, ხომ შეიძლებოდა, ყოფილიყო? ეს იყო სპეციალურად გაკეთებული, რომ ადამიანებს, რომელთა გაგდებაც უნდოდათ, ათპროცენტიანი, ოცპროცენტიანი ვარაუდით, შეიძლებოდა, გამორჩენოდათ ეს. საკონკურსო წესი ასევე ითვალისწინებდა, რომ თუ მიმღები კომისია აღმოაჩენს, რომ კონკურსანტს რაღაც დოკუმენტი აკლია, მან უნდა გააფრთხილოს კონკურსანტი და ის ვალდებულია, რაღაც ვადაში ეს საბუთები წარადგინოს. ასეთი გაფრთხილება არავის მოუცია. პირიქით. მე ძველი საქაღალდე მქონდა, რომელსაც, უბრალოდ, დავამატე ეს ანკეტა, რაც ახალი წესით მომეთხოვებოდა და სილაბუსები მეწყო ამ ანკეტაში; იმ ქალის თვალწინ, რომელიც საბუთებს იბარებდა, ეს სილაბუსები მე წამოვიღე უკან. მან არც კი მითხრა, რომ ეს სილაბუსები მე უნდა წარმედგინა. ძალიან გახარებული ჩანდა და იმისათვის, რომ ჩემი კეთილგანწყობა დაემსახურებინა, ერთ-ერთ დოკუმენტზე (რომელზეც სრული სათაური არ მეწერა) მითხრა, ისე, განდობილად, რომ დამეწერა სრული სათაური და ისე გადამეგზავნა. 26 ივლისს ხდება ეს ყველაფერი. მე იმავე დღეს მოვდივარ სახლში, ვუგზავნი მას დოკუმენტს და დამთავრდა ამით ჩემი კომუნიკაცია ამ ქალთან. შეიკრიბა კომისია, ნახეს ჩემი საბუთები და არ არის სილაბუსი. ერთი საბუთი რომ არ არის, ეს მექანიკურად გხსნის კონკურსიდან. ასევე საკონკურსო კომისიის დასკვნაში არის, რომ, თურმე, ვერ წაიკითხეს ჩემი სტატია, რომელიც ერთ-ერთი საერთაშორისო პუბლიკაციაა. ამობეჭდვის მომენტში ხომ იმეორებს ზოგჯერ პრინტერი გვერდებს? და სამი გვერდი იყო გამეორებული. ეს ჩათვალეს მიზეზად, რომ “ვერ წაიკითხეს” სტატია. ანუ, წარმოუდგენელი არგუმენტები მოვისმინე და მთავარი მათ შორის იყო სილაბუსი. ამ საკონკურსო კომისიის წარმომადგენლებს არანაირი კითხვა არ გასჩენიათ ჩემს აკადემიურ დონესთან; სილაბუსები არ იყო და მომხსნეს კონკურსიდან, არ გამიშვეს გასაუბრებაზე. გარდა ამისა, ის ანკეტა, შეფასების კითხვარი, რომ ნახოთ, იქიდანაც ცხადი ხდება ყველაფერი: პირველ ბლოკში, სადაც, ვთქვათ, 6 კრიტერიუმია, მე მაქვს 20, ჩემს კონკურენტს აქვს 3... რატომღაც მას ამ ბლოკში აქვს უმაღლესი შეფასება, მე _ საშუალო ან დაბალი. აი ასეთი რაღაცები ხდებოდა. მაგრამ მთავარი აქ მაინც არის ის ყბადაღებული სილაბუსი, რომელიც მე, თითქოს, არ მქონდა. არადა, წარმოუდგენელია უნივერსიტეტში ვინმე მუშაობდეს დღეს და არ ჰქონდეს სილაბუსი. გარდა ამისა, ეს სილაბუსები კომისიაში მყოფ რამდენიმე ადამიანს თავისი თვალით აქვს ნანახი; ისინი ასევე იდო უნივერსიტეტის ვებ-გვერდზე. პირველი, რასაც ვაკეთებ, როცა ლექციაზე შევდივარ, სტუდენტებს ვუგზავნი სილაბუსებს და იმ მასალას, რაც მე მჭირდება სალექციო კურსისთვის. ანუ, ეს არ იყო აკადემიური კონკურსი, ეს იყო პოლიტიკური კონკურსი, ამიტომ, ბუნებრივია, რომ ჩემი აკადემიური დონე არავის აინტერესებდა, მათ ჰქონდათ ინსტრუქცია, რომ მე არ უნდა გავსულიყავი კონკურსში და მათ ეს ინსტრუქცია შეასრულეს წარმატებით. რის საფუძველზე გააუქმა სასამართლომ საკონკურსო კომისიის გადაწყვეტილება? როდესაც მე ეს გავასაჩივრე, საბუთების ჩამბარებელ ქალს დააწერინეს ახსნა-განმარტებითი ბარათი, თითქოს მან მე გამაფრთხილა, რომ უნდა მიმეტანა სილაბუსები, მე კი ვუთხარი, რომ არა, არ მოვიტან. ანუ, მე ვმონაწილეობ კონკურსში, ვიღაც ქალი მოდის და მეუბნება, რომ შენ ეს საბუთები თუ არ მოიტანე, ვერ გახვალ კონკურსში, და მე ვეუბნები _ არა, არ მოვიტან! სრულიად აბსურდული, წარმოუდგენელი რაღაც. როდესაც თანამედროვე საქართველოში აკადემიურ კონკურსში არ არის შენ წინააღმდეგ აკადემიური არგუმენტები, ეს აპრიორი ნიშნავს, რომ არის პოლიტიკური დევნა და პოლიტიკური არგუმენტები, რის გამოც შენ არ უნდა გახვიდე კონკურსში. ამას ვამტკიცებდი მე მთელი ამ 6 თვის განმავლობაში. პირველი პროცესი წავაგე, მაგრამ მეორე პროცესიდან მოსამართლეს, უბრალოდ, გაუჩნდა კითხვა, რაზეც ახლა ჩვენ ვისაუბრეთ _ რომ, თითქოს, მე განგებ არ მივიტანე საბუთები, რომლის არმიტანის შემთხვევაშიც კონკურსიდან მოხსნა მემუქრებოდა. მოსამართლე ხომ მხოლოდ კანონების მიხედვით არ იღებს გადაწყვეტილებას; არსებობს ეგეთი ცნება _ მოსამართლის შინაგანი რწმენა, რაც ლოგიკას ექვემდებარება. ანუ, სასამართლოს გადაწყვეტილება ადასტურებს, რომ თქვენი გათავისუფლება პოლიტიკური ნიშნით მოხდა? არა, ეგ არ იყო ჩემი მოთხოვნა. მე ვითხოვდი, რომ გაუქმებულიყო კონკურსის შედეგები და ჩატარებულიყო ახალი კონკურსი. მოსამართლემ ეს მოთხოვნა დააკმაყოფილა. ახლა არის 21 დღიანი ვადა; თუ უნივერსიტეტმა სააპელაციო სასამართლოს გადაწყვეტილება არ გაასაჩივრა საკონსტიტუციო სასამართლოში, მაშინ უნდა ჩატარდეს კონკურსი, მე უნდა შევიტანო საბუთები და საკონკურსო კომისიამ უნდა განიხილოს ისინი. თუ გაასაჩივრა, მაშინ ჩვენ იმ საჩივარს უნდა დაველოდოთ, შემდეგ უკვე საკონსტიტუციო სასამართლოში გაიმართება ჩვეულებრივი პროცესი და იქაც წავა ეს შეჯიბრი. ეს პირველი პრეცედენტია თუ იყო სხვა შემთხვევებიც, როდესაც უნივერსიტეტის წინააღმდეგ სარჩელი სასამართლომ დააკმაყოფილა? თუ გაქვთ ინფორმაცია, რა ვითარებაშია ახლა იმ ლექტორთა საქმეები, რომლებიც, მათი თქმით, ასევე პოლიტიკური ნიშნით გაათავისუფლეს? შემთხვევები ალბათ იყო, მაგრამ აქ არის ძალიან მნიშვნელოვანი აღსრულება. შეიძლება სასამართლომ მიიღოს გადაწყვეტილება, მაგრამ უნივერსიტეტმა არ აღასრულოს. შემდეგ ამის გასაჩივრებაც ხდება და ა.შ. თანაც, მოგეხსენებათ, ეს ხარჯებთან არის დაკავშირებული. მე საია მიცავდა და ამიტომ არანაირი ფინანსური ხარჯი არ მქონია. ასე რომ, არიან ადამიანები, რომლებიც ვერ ასაჩივრებენ, არიან ასევე, რომლებიც არ ასაჩივრებენ. იმიტომ, რომ ვინც კონკურსში ვერ გადის, უნივერსიტეტი სთავაზობს მათ ხელშეკრულებით მუშაობას და ბევრი თანხმდება. მეც შემომთავაზეს ეს და მე არ დავთანხმდი. ხელშეკრულებით მუშაობაზე წასვლა ნიშნავს, რომ შენ დაეთანხმე იმას, რაც მოხდა. ჩემთვის კი ძალიან მნიშვნელოვანია, რომ მე არ ვეთანხმები, რაც მოხდა და ამას განვიხილავ პოლიტიკურ დევნად. ვნახოთ, როგორ განვითარდება მოვლენები, სანამდე წავალთ. არიან ასევე ადამიანები, რომლებიც ასაჩივრებენ, რომ კომისიის გასაუბრებაზე ესწრებოდა 4 ადამიანი და სხდომის ოქმზე არის 5 ხელმოწერა. ან ესწრებოდა 6 და არის 8 ხელმოწერა. ეს არის დარღვევა და იყო უამრავი ასეთი შემთხვევა. რა მექანიზმები არსებობს იმისათვის, რომ მართლაც არაკვალიფიციური კადრის სამსახურიდან გაშვებას არ მიეწეროს პოლიტიკური ნიშანი? აქ და, ზოგადად, დემოკრატიაში მთავარი არის პროცედურა. მე, შეიძლება, არ მომწონდეს ვიღაც. ვთქვათ, ვარ დეკანი ან ლექტორი, აკადემიური საბჭოს წევრი, ან სტუდენტი, და არ მომწონს ეს ლექტორი. მას აქვს ჩამორჩენილი იდეები, სილაბუსი არ ვარგა, მე ფაქტობრივად ვაცდენ დროს, როდესაც შემოვდივარ ლექციაზე, არადა უნდა მივიღო განათლება და ამაში ვიხდი ფულს. მაგრამ აქ მნიშვნელოვანი ის კი არაა, ეს ლექტორი ვარგა თუ არა (რაც, თავისთავად, ძალიან მნიშვნელოვანია), არამედ ის, თუ როგორ გავაკეთებთ ჩვენ ამას. არ შეიძლება ადამიანების გაშვება სამსახურიდან შეურაცხმყოფელი და ძალადობრივი მეთოდით, როდესაც ადამიანს სამსახურიდან უშვებ, ისეთი მეთოდებით უნდა აკეთებდე ამას, რომ ის თანახმა იყოს, კანონი იცავდეს მას, მისი უფლებები არ უნდა ირღვეოდეს _ ეს არის მთავარი. ცხადია, თუ უნივერსიტეტი შეიმუშავებდა სტრატეგიას, იქნებოდა საყოველთაო კონსენსუსი უნივერსიტეტში პროფესორ-მასწავლებელთა შორის და ეს დაწერილი სახით იარსებებდა, ან სტუდენტების მოთხოვნა იქნებოდა ამასთან დაკავშირებით, ის ლექტორი ან გააუმჯობესებდა სწავლების მეთოდოლოგიას და შინაარსს, ან წავიდოდა უნივერსიტეტიდან. ეს უნდა იყოს ღია, გამჭვირვალე და სამართლიანი პროცესი. რა მდგომარეობაა ამჟამად უნივერსიტეტის სტუდენტურ თვითმმართველობაში? ახლა არ ვიცი, რა ხდება იქ; მე ვიცი, რომ თვითმმართველობაში პოლიტიკური ნიშნით შედიოდნენ ადამიანები, და სტუდენტი, რომელიც კრიტიკული იყო უნივერსიტეტის, ან ნაციონალური მოძრაობის მიმართ, თვითმმართველობაში ვერ მოხვდებოდა. მოხდა რაღაც ფაკულტეტებიდან გარკვეული რაოდენობის დამოუკიდებელი სტუდენტების შეღწევა, მაგრამ ეს ის რაოდენობაა, რომელიც გადაწყვეტილებებს ვერ შეცვლის. თვითმმართველობა სტუდენტების უფლებებს უნდა იცავდეს; ახდენდეს სწავლების პროცესის სისტემატიზაციას და ანალიზს... ასეთი რამე არ ხდება. ეს არის არა სტუდენტებზე, არა სტუდენტების პრობლემებზე ორიენტირებული რაღაც გაერთიანება, რომელსაც ჩემი (და არამარტო ჩემი) აზრით, სჭირდება სერიოზული გარდაქმნა. დღეს უკვე ყოფილი ხელისუფლების მომხრეები მსგავს ბრალდებებს უყენებენ სტუდენტურ გაერთიანება “ლაბორატორია 1918”-საც... ვგულისხმობ, პოლიტიკურ მიკერძოებულობას. მე პოლიტიკური ლოიალურობა ამ ჯგუფისთვის, ყოველ შემთხვევაში, იმ ხალხისთვის, რომელსაც მე ვიცნობ, არ შემიმჩნევია. აქ არიან ადამიანები, რომლებიც ჩემი სტუდენტები იყვნენ და ჩართულები იყვნენ “თარგმნეს” კამპანიაში, უნივერსიტეტში ძალადობის წინააღმდეგ კამპანიაში და რომელიმე პოლიტიკური ძალის მიმართ გამოკვეთილი სიმპათიები მათ მოთხოვნებშიც არ ჩანდა. რომ იყოს ასეთი პოლიტიკური ლოიალობა და სიმპათიები, მე მგონი, ამ ახალგაზრდებს არაფერი არ შეაჩერებთ, რომ ეს გამოთქვან ღიად. მე დარწმუნებით და გადაჭრით ვერაფერს ვიტყვი, მაგრამ იქ, სადაც მე ვმონაწილეობდი მათთან ერთად (არა იმიტომ, რომ მათ დამიძახეს, იმიტომ, რომ მე ვგრძნობდი პასუხისმგებლობას და აუცილებლობას) რაღაც განსაკუთრებული პოლიტიკური ლოიალობა არ ყოფილა. კი, ეს არის პოლიტიკური გაერთიანება და ნებისმიერი პროტესტი პოლიტიკურია. ეს იყო პოლიტიკური პროტესტი, მაგრამ არა რომელიმე პარტიისა ან ძალისადმი მიკერძოებული. მსგავსი რამე მე არ შემიმჩნევია და არც მათ გამოუთქვამთ. ისინი ფოკუსირებული იყვნენ შიდა საუნივერსიტეტო პროცესებზე და ყველა მოთხოვნა და პროტესტი, რაშიც მე მათთან ერთად მიმიღია მონაწილეობა, დაკავშირებული იყო სწავლების პროცესთან. ასევე იყო იმ ძალადობის საწინააღმდეგო პროტესტებიც, რაც გარეთ ხდებოდა (26 მაისთან დაკავშირებით, მაგალითად) და ეს პროტესტი უნდა ჰქონდეს კიდეც ახალგაზრდას, ბუნებრივია. არსებობს თუ არა დღესდღეობით იმის პერსპექტივა და შესაძლებლობა, რომ უნივერსიტეტი არ იყოს პოლიტიზირებული და არ განიცდიდეს ხელისუფლებისაგან ზეწოლას? შესაძლებელი, რა თქმა უნდა, არის. მთავარია, რომ ეგრეთ წოდებული “ვოჩდოგური” სიტუაცია იყოს ყოველთვის. პოლიტიკური პარტიები, ხელისუფლება ყოველთვის ეცდება, რომ ახალგაზრდული ფრთა და ინიციატივები მიიმხროს და სიმპათიებით იყვნენ ახალგაზრდები განწყობილი მათი პოლიტიკის მიმართ; ჩემი შეხედულებით, პოლიტიკური პროცესის მიმართ ახალგაზრდებს მგრძნობელობა უნდა ჰქონდეთ, მაგრამ ისინი არ უნდა იყვნენ მიკერძოებულები. რაღაც იდეოლოგია მათ შეიძლება ჰქონდეთ _ ან მემარჯვენული, ან მემარცხენული, ან ცენტრისტული, მაგრამ რომელიმე პოლიტიკური მხარის, ძალის და ხელისუფლების მხარდამჭერებად ისინი არ უნდა იქცნენ. იმიტომ, რომ როგორც კი ეს მოხდება, მაშინვე მოწყდებიან რეალობას. კრიტიკაში ვერასოდეს იქნები თავისუფალი, როდესაც ხარ პოლიტიკურად მიკერძოებული. რაღაცაზე მოგიწევს გაჩუმება. ავტორი: მაგდა კალანდაძე |
| Posted by: zura_2107 3 Mar 2013, 12:30 | ||
დაჩი ცაგურია2?  ისე მართალია ეს ხალხი, კიდევაა დასანაწილებელი თანამდებობები და თბილი ადგილები |
| Posted by: atasss 3 Mar 2013, 12:31 |
| saertod unda gauqmdes universiteti da mis adgilas oficiantebis da ucxoelebis momsaxurebis centri gaixsnas mainc maqetken mivdivart |
| Posted by: bochormeli 3 Mar 2013, 13:50 |
| თბილისის ივანე ჯავახიშვილის სახელობის უნივერსიტეტიდან გაუშვეს ჩვენი ლექტორი ბ-ნ ბეჟან ჯავახია. ბ-ნი ბეჟანი არის მედიევისტი და უნივერსიტეტში კითხულობს ლექციებს ჰუმანიტარულ მეცნიერებათა ფაკულტეტის ისტორიის მიმართულებაზე. ის ერთ-ერთი საუკეთესო ლექტორია, რომელიც აღიარებულია ევროპის პრესტიჟული უნივერსიტეტების მიერ, სადაც ის კითხულობდა ლექციებს მიწვევით. სწორედ ამ ადამიანს უშვებენ მოტივით, რომ სტუდენტები გაურბიან ლექციიდან, რაც მტკნარი სიცრუეა. უფრო მეტიც, თუ გადავხედავთ სასწავლო პროცესსა და სტუდენტების დასწრების თუ აკადემიური მოსწრების მაჩვენებელს მივხვდებით, რომ სტუდენტები კი არ გარბიან პირიქით, ინტერესით ისმენენ ბ-ნი ბეჟანის ლექციებს. ვფიქრობთ, რომ თსუ-ს აკადემიური საბჭო გაგებით მოეკიდება ჩვენს მიმართვას და დააბრუნებს ბატონ ბეჟანს უნივერსიტეტში. http://www.gopetition.com/petitions/სოლიდარობა-ბეჟან-ჯა.html?utm_medium=RSS http://maestro.ge/?address=uc&id=43630&page=1 |
| Posted by: მენდოსა 3 Mar 2013, 15:27 | ||||||
bochormeli
გაუშვეს არა კონკურსში მონაწილეობა მიიღო და მის კონკურენტს მასზე უკეთესი მონაცემები აღმოაჩნდა. მეტი სიზუსტისთვის, რომ ვთქვათ შუა საუკუნეების ისტორიის მიმართულებაზე წინა კონკურსი ამ ზაფხულს ჩატარდა, რომელშიც ასევე ბეჟან ჯავახიას დამარცხებით დამთავრდა, მაგრამ გარკვეული პოლიტიკური ზეწოლის გამო ეს შედეგები არ დამტკიცდა და ახალი კონკურსი დაინიშნა.
ეს ინფორმაცია არის ტყუილი, არც ერთ ევროპულ უნივერსიტეტში ბეჟან ჯავახია ლექციების წასაკითხად არ მიუწვევიათ. ერთადერთი იყო ჰუმბოლტის უნივერსიტეტში Visiting scholars-ს სტატუსით მაგრამ კვლევითი პროგრამით არა სალექციოთი.
აკადემიური საბჭო ვალდებულია დაამტკიცოს მის მიერვე დამტკიცებული ჟიურის შედეგები, სტუდენტებს რომლებსაც უნდათ, რომ ბეჟან ჯავახიამ ლექციები წაიკითხონ მიმართონ თხოვნით ფაკულტეტის საბჭოს რომ მოიწვიონ მოწვეულ პროფესორად. ისე მეტი სიზუსტისთვის 2006 წელიც გავიხსენოთ ჰუმანიტარულ მეცნიერებათა ფაკულტეტზე დაწყებულ "რეფორმებს" ვინ ატარებდა და შედეგები მოიტანა თავისუფლების ინსტიტუტის მითითებით ჩატარებულმა "რეფორმებმა". |
| Posted by: miriani777 3 Mar 2013, 15:30 |
| მისახედია ეს უნივერსიტეტი........................................................... |
| Posted by: შიიტი1 3 Mar 2013, 15:35 |
| ეს გიჟი დედაკაცი (ლელა გაფრინდაშვილი) რა ფილოსოფისია. გარეკილი აქვს ფემინისტურ იდეებზე და მსგავს სისულელეებზე. |
| Posted by: May21 3 Mar 2013, 16:27 | ||||
არაფერიც არ მკიდია..განათლებას დავიკიდებთ დააა...ისე დაგვიკიდებს ღAმე დღეთ მოგვეჩვენება...
|
| Posted by: Pinturicch10 3 Mar 2013, 16:29 |
| ცოტა მოკლედ არა? რა წაიკითხავს ამდენს  |
| Posted by: bagda 3 Mar 2013, 17:05 |
ხადური რექტორად!!!  |
| Posted by: Solveig 3 Mar 2013, 17:15 | ||||||
ივანე ჯავახიშვილი მერამდენედ გადაბრუნდა საფლავში და შოთა მესხიაც ასევე... May21
დაკიდების შედეგები უკვე აშკარაა. ფორუმზეც. vaho
კონკურსს ვინ ჩაატარებს, ამაშია საქმე. |
| Posted by: bochormeli 3 Mar 2013, 17:59 |
| რექტორს ალექსანდრე კვიტაშვილს გამოეცხადოს მადლობა და დაჯილდოვდეს ივანე ჯავახიშვილის სახელობის მედლით [ 7 ] [30.43%] კარგი აზრია |
| Posted by: don gajetino 3 Mar 2013, 18:11 |
| ე ბიჭო თუ რომელიმე ფაკულტეტზე ვერ ალაგებთ სიტუაციას ჩემი სახელით რატო ლაპარაკობთ თუ ზემოდან გინდათ ვინმეს დანიშვნა პირადპირ თქვით... მაგ ქალმა კონკურსი ვერ გაიარა და ეგ იყო... |
| Posted by: Pantelini 3 Mar 2013, 18:28 | ||||
ვიცი მე ეს ბეჯან ჯავახია ვინც არის ეგ არ იყო გიორგი ხუბუას რექტორობის დროს ჰუმანიტარების დეკანთან ნინო ჩიქოვანთან ერთად, რომ ყრიდა პროფესორ-მასწავლებლებსა და სხვა თანამშრომლებს უნივესიტეტიდან?!  ახლა თუ თავად ბეჟან ჯავახიას ამოკრეს პანღური ძალიანაც კარგი ქნეს, მე მგონი თემაც არის სადღაც გახსნილი, სადაც ის არის სრულიად სამართლიანად მხილებული უნივერსიტეტის პროფესორების დევნაში მხილებული, როგორ ნაც.მოძრაობის ერთ-ერთი გამპრავებელი სააკაშვილის რეჟიმის დროს. ნახევარი უნივერსიტეტის თანამშრომლების ამათმა გაყარეს უნივერსიტეტიდან და ახლა პოლიტიკურ დევანაზე აქვთ პრეტენზია, სასაცილოა პირდაპირ მგონი ეს უფროა საბაბი რაც მენდოსამ დაწერა მენდოსა
გასაგდები გააგდეს, ძალაინაც კარგი სხვა ნაცების კუდებიც თუ მიყვება მას უკეთესი იქნება მაგალითად ნინო ჩიქოვანი და მისი ბრიაშკა |
| Posted by: bochormeli 3 Mar 2013, 20:06 |
| http://forum.ge/?f=29&showtopic=34504550 ლობირება გძელდება! |
| Posted by: Johnnie Walker 3 Mar 2013, 20:40 | ||
ნამდვილად. ამით უნდა დაიწყოს. |
| Posted by: bochormeli 3 Mar 2013, 20:48 |
| თსუ პროფესორების განცხადება ივ. ჯავახიშვილის სახელობის თბილისის სახელმწიფო უნივერსიტეტის რექტორს, აკადემიური საბჭოს თავმჯდომარეს ალექსანდრე კვიტაშვილს აკადემიური საბჭოს წევრებს თსუ ეკონომიკისა და ბიზნესის ფაკულტეტის კონკურსში მონაწილე პროფესორების გ ა ნ ც ხ ა დ ე ბ ა მოგახსენებთ, რომ ვმონაწილეობდით თბილისის სახელმწიფო უნივერსიტეტის აკადემიური საბჭოს N12–2013 დადგენილების საფუძველზე, თსუ ეკონომიკისა და ბიზნესის ფაკულტეტზე აკადემიური თანამდებობის დასაკავებლად გამოცხადებულ კონკურსში. საკონკურსო კომისია მუშაობდა 2013 წლის 9 თებერვლიდან 22 თებერვლის ჩათვლით. კონკურსში მონაწილე პროფესორები აღშფოთებული ვართ კომისიის თავმჯდომარის მაია მარგველაშვილის და კომისიის ზოგიერთი წევრის მიზანდასახული დანაშაულებრივი ქმედებებით, რადგანაც აშკარად გამოხატულია არაობიექტურობა, არასამართლიანობა, მიკერძოებისა და სრული განუკითხაობის ფაქტები. ამგვარი შეფასების უფლებას გვაძლევს შემდეგი გარემოებები: საკონკურსო კომისიის შემადგენლობა არ იყო დაკომპლექტებული ყველა საკონკურსო პოზიციაზე შესაბამისი დარგის სპეციალისტებით. საერთაშორისო ბიზნესის კათედრიდან მონაწილეობდა კათედრის გამგე, სრული პროფესორი თ. შენგელია, სრული პროფესორი ი.მესხია, ხოლო მარკეტინგისა და ინფორმატიკის მიმართულებით არ მონაწილეობდა შესაბამისი დარგის სპეციალისტები. ი. მესხია ახორციელებდა მარკეტინგის, საერთაშორისო ბიზნესის, სტატისტიკის, ინფორმატიკის და სხვა საკონკურსო პოზიციებზეც კონკურსანტების შეფასებას, რაც მიგვაჩნია უხეშ დარღვევად. კომისიის თავმჯდომარის მ. მარგველაშვილის კატეგორიული მოთხოვნით და რექტორთან ოპერატიული შეთანხმებით, კომისიიდან გაყვანილი იქნა მარკეტინგის სრული პროფესორი ნ. თოდუა და მის ნაცვლად შემოყვანილი იქნა მენეჯმენტის კათედრის ასოცირებული პროფესორი ვასილ კიკუტაძე. აღნიშნული ცვლილება განპირობებული იყო იმ გარემოებით, რომ ნ. თოდუამ კომისიის თავმჯდომარე მაია მარგველაშვილი დაადანაშაულა კონკურსანტ ნანა კაციტაძის მიმართ განსაკუთრებულ ლობირებაში. ამ გარემოების შესახებ ნ. თოდუამ აცნობა რექტორ ა. კვიტაშვილსაც. აღნიშნული საკითხი განსაკუთრებულ შესწავლასა და გამოძიებას საჭიროებს. კონკურსანტების მიერ წარდგენილ დოკუმენტაციებზე მუშაობდა კომისიის თავმჯდომარე მ. მარგველაშვილი და თითქმის ყველა პოზიციაზე ი. მესხია, ხოლო ნ. პაიჭაძე – მხოლოდ მენეჯმენტის მიმართულებით. კომისიის მდივანი ე. ლეკაშვილი დაკავებული იყო სილაბუსების შეფასებით, ხოლო დანარჩენ კომისიის წევრებს დოკუმენტებთან წვდომისა და ყველა კონკურსანტის მიმართ არგუმენტირებული შეფასების განხორციელების უფლება გარკვეული პრობლემების გამო და სამართლიანი კორექტირების შესაძლებლობაც არ გააჩნდათ. აღნიშნულ საკითხს ჭირდება დეტალური შეფასება და დანაშაულებრივი ფაქტების დაზუსტება, რასაც იმედია აკადემიური ღირსების მქონე კომისიის წევრები დაადასტურებენ. იურისტი ვასილ ბარამიძე, რომელიც თითქოსდა პროცედურული დარღვევებისა და არასამართლიანობის აღკვეთის მიზნით მონაწილეობდა კომისიაში და ამავე დროს, იგი სარგებლობდა ხმის უფლებითაც, რაც უხეშ დარღვევად მიგვაჩნია, რადგანაც ვ. ბარამიძე არ არის ისეთი კომპეტენციის პროფესიონალი, რომ ეკონომიკისა და ბიზნესის დარგის პროფესორებს აკადემიური მოთხოვნების დაცვით შეაფასებდა. მიგვაჩნია, რომ მის ხმას საკმაოდ „ეფექტიანად“ გამოიყენებდნენ დაინტერესებული კომისიის თავმჯდომარე და ზოგიერთი კომისიის წევრი „სასურველი“ კონკურსანტების მხარდასაჭერად. გასაუბრების ეტაპზე კომისიის თავმჯდომარე – მაია მარგველაშვილი, კომისიის წევრი ი. მესხია, კომისიის მდივანი – ე. ლეკაშვილი ბუნდოვან და დაუზუსტებელ შეკითხებს აძლევდნენ კონკურსანტებს და საკუთარი აზრის ბოლომდე ჩამოყალიბების უფლებასაც არ აძლევდნენ (ამ ფაქტებს დაადასტურებს ვიდეო კამერის ჩანაწერებიც). ასეთი დარღვევები აშკარად გამოიკვეთა შ. ვეშაპიძესთან, ი. ჯანდიერთან, მ. თეთრუაშვილთან, ვ. ლობჟანიძესთან, თ. ზუბიაშვილთან, ლ. ხიხაძესთან, დ. მღებრიშვილთან და სხვა პროფესორებთან მიმართებაში. ინტერესთა კონფლიქტი არსებობდა კომისიის წევრს, ი. მესხიასა და კონკურსანტ ლალი ხიხაძეს შორის (იხ. რექტორისადმი წარდგენილი წერილი N2008-02), რომლის საფუძველზე ინფორმირებული იყო რექტორი ა. კვიტაშვილი, თსუ ეკონომიკისა და ბიზნესის ფაკულტეტის დეკანი აკაკი ხელაძე, თსუ იურიდიული დეპარტამენტის ხელმძღვანელი არჩილ კუკულავა, იურისტი – ვასილ ბარამიძე, მაგრამ ინტერესთან კონფლიქტის მოგვარება მათ მიერ არ განხორციელდა მიზანდასახულად, რადგან ი. მესხიას ბოლომდე შეძლებოდა ლ. ხიხაძის მიმართ ანგარიშსწორება და შურისძიება. ეკონომიკის პრინციპების, სტატისტიკის, ინფორმატიკის და სხვა საკონკურსო პოზიციებზე მრავალი წარმატებული და ღირსეული პროფესორი მონაწილეობდა. რამდენადაც ჩვენთვის ცნობილია აღნიშნულ პოზიციებზე დატოვებულია ვაკანსიები და სრულიად არ ადარდებთ კომისიის წევრებს ქვეყანაში შექმნილი დაუსაქმებლობის ასეთი დონე. საკონკურსო კომისიის თავმჯდომარესთან მ. მარგველაშვილთან და კომისიის წევრ ი. მესხიასთან „უნისონში თანამშრომლობდა“ თსუ აკადემიური საბჭოს წევრი, წარმომადგენელი ეკონომიკისა და ბიზნესის ფაკულტეტიდან პროფ. ქეთევან მარშავა, რომელიც საკონკურსო კომისიის მუშაობის პროცესში ხვდებოდა რექტორს და დეკანს და მყარ პოზიციებს ქმნიდა მისთვის სასურველი კონკურსანტების ლ. ყორღანაშვილის, ზ. შონიას და სხვათა კონკურსში გასამარჯვებლად. საკონკურსო კომისიის მუშაობის წესის 22–ე პუნქტის მიხედვით შემაჯამებელ ოქმს ხელს უნდა აწერდეს კომისიის ყველა წევრი, რამდენადაც ჩვენთვის ამ ეტაპზე ცნობილია შემაჯამებელ ოქმს ხელს არ აწერს კომისიის 2 წევრი: სრ. პროფესორი სიმონ გელაშვილი და სრ. პროფესორი თემურ შენგელია (აღნიშნული ფაქტი დეტალურ ახსნა–განმარტებას საჭიროებს). ვიმედოვნებთ, რომ ზემოთაღნიშნული უხეში დარღვევები და დანაშაულებრივი ქმედებები შეფასდება აკადემიური საბჭოს თითოეული წევრის მიერ, თქვენი მაღალი პასუხისმგებლობისა და სამართლიანობის დაცვის მიზნით მხარს არ დაუჭერთ თსუ ეკონომიკისა და ბიზნესის ფაკულტეტის საკონკურსო კომისიის საბოლოო შეფასების გადაწყვეტილების მიღებას. საქმის არსებით განხილვამდე და სამართლებრივ შეფასებამდე. აღნიშნული შინაარსის წერილი გადაეგზავნება არასამთავრობო ორგანიზაციებს, პრესას, ტელევიზიას და სხვა ორგანოებს. პატივისცემით პროფესორები. http://studentebi.com/ |
| Posted by: ErK 3 Mar 2013, 21:19 | ||||
| Pantelini მენდოსა
დეკანთან ერთად როგორ ყრიდა რიგითი პროფესორი? არაა ბეჟან ჯავახია ასეთი პიროვნება. 25 წელია ვიცნობ ბოლო-ბოლო (იმაზე მეტი, ვიდრე ზოგი თქვენგანია ასაკით ), ლექციებითაც, და თქვენსავით მხოლოდ სამსახურში (დაინტერესებული  ) ურთიერთობით არა.თავად - კი, წლების მანძილზე იყო უნივერსიტეტიდან დათხოვნილი და დევნის ობიექტი ზვიადისტობის გამო. კი ამბობთ, "არ ყოფილა მასეთი ფაქტი, არავინ გაუგდიათო", მაგრამ იყო ასე, და არამარტო ჯავახიას შემთხვევაში. კონკურენტს რა "უკეთესი მონაცემები" ჰქონდა? სხვა თუ არაფერი, ის ზუგდიდის ფილიალში სამსახურებრივი უფლებამოსილების ბოროტად გამოყენების ბრალდებით პატიმრობაში http://www.humanrights.ge/index.php?a=main&pid=7231&lang=geo (მერე, ჩანს, ქ-ნი გიულის მფარველობამ გაჭრა ). ის მართლაც არ ყოფილა საზღვარგარეთ მიწვეული ლექციების წასაკითხად (განსხვავებით ჯავახიასგან, - http://www.humanrights.ge/index.php?a=main&pid=7231&lang=geo 2010 წელს), არც აქაური სალექციო მდგომარეობით არაა შესადარებელი რაიმე.სიტყვაზე, გახსნილია http://www.gopetition.com/petitions/%E1%83%A1%E1%83%9D%E1%83%9A%E1%83%98%E1%83%93%E1%83%90%E1%83%A0%E1%83%9D%E1%83%91%E1%83%90-%E1%83%91%E1%83%94%E1%83%9F%E1%83%90%E1%83%9C-%E1%83%AF%E1%83%90.html?utm_medium=RSS ამ საკითხზე, http://www.ipetitions.com/petition/solidaroba-bejan-javakhias/. |
| Posted by: Pantelini 3 Mar 2013, 21:55 | ||||||||
ErK
რიგითი პროფესორი არ იყო, მე როგორც ვიცი შუა საუკუნეების და ზოგადად მსოფლიო ისტორიის მიმართულებას კურირებდა, ანუ მსოფლიო ისტორიის მიმართულებაზე ვინ უნდა დარჩენილიყო და ვინ არა, 2006 წელს ჩატარებული კონკურსების შედეგად გადაწყვეტილებას იღებდა ბეჟან ჯავახია, როგორც ნინო ჩიქოვანი ნდობით აღჭურვილი პირი. შეგიძლია გადაამოწმო უნივერსიტეტის თანამშრომლებთან, მათგან მაქვს ეგ ინფორმაცია,მათ შორის იმათგან ვინც ჟანა-ბეჟანმა თავად გაყარა, მაგალითად პროფესორი გურამ კუტალია, პროფესორი ია ხუბაშვილი, ერეკლე ჟორდანია და სხვები, რომლებიც წლებია უნივერსიტეტში მუშაობდნენ და სტუდენტებში დიდი პოპულარობით სარგებლობდნენ, მათ შორის მეც მასწავლიდნენ და განსხვავებით ბეჟან-ჟანა ჯავახიასგან ჭემარიტი პროფესიონალებიც იყვნენ და რაც მთავარია ადამიანობა ჰქონდათ და გაიძვერები არ ყოფილან! ისინი ყველა გაყარეს! და არამარტო ისინი! ამ მიმართულებაზე უამრავი პროფესორ-მასწავლებელი ნინო ჩიქოვანის წაქეზებით სწორედ ბეჟან ჯავახიამ გაყარა, სამაგიერო საკუთარი პოზიცია წლების მანძილზე გაიმყარა იქ, მაგრამ როდესაც ეგონა, რომ კარგად იყო მოსკუპებული სწორედ მაშინ გამოაბუნძულეს, ახია მასეთ ვაი-პროფესურაზე
ხოდა თუ იცნობთ წადით და მის სამსახურში გაიკითხეთ, სადაც მეც ბევრს ვიცნობ, რას ამბობენ მის შესახებ და ნახავთ მერე ან რომელ საერთოშორისო პრაქტიკაზეა საუბარი და უცხოეთში ლექციების წაკითხვაზე კაცი ორ ღერ ინგლისურს ვერ ატრიალებს ნორმალურად
ხოდა ეგ ვითომ დევნილი "ზვიადისტები", რომლებიც სააკაშვილს შეეკრნენ ლობირებდნენ ბეჟან ჯავახიას მათ შორის ისეთი ნაცმაცუნები როგორებიც არიან ბოცო წიკლაური, თამარ ოჩიაური, ეკა ხერხეულიძე და სხვები ნაცმოძრაობის გამპრავებლები და ჟანა-ბეჟანის ძმადნაფიცები
ფიტული რომ დადგა, ის უკეთესად წაიკითხავს ლექციას, ვიდრე ჟანა-ბეჟან ჯავახია, თუმცა რომელ ლექციაზეა საუბარი, როდესაც კაცი იმით იყო დაკავებული, თუ როგორ გაეშვა უნივერსიტეტიდან ადგილობრივი კადრები და სამაგიეროდ საკუთარი პოზიცია გაემყარებინა და ნაცების დავალება შეესრულებინა გაუჭირდა ეტყობა ჟანა-ბეჟანს ახლა და პეტიციებს აცხობს არაუშავს სამართალი არ დაიკარგება და ეგ ნაცმაცუნების გამპრავებლები და დამქაშები ყველა თავისას მიიღებენ. თუ მაგას ჰგონია, რომ სტუდენტების დაგოიმება და პეტიციების წერა უშველის და თავისას არ მიიღებს, ძალიან ცდება |
| Posted by: ErK 3 Mar 2013, 23:04 | ||||||
Pantelini
ანუ ახლა კადრების შერჩევა, ანუ "კონკურსი" პოლიტიკური ნიშნით უნდა მიდიოდეს? არა და - არ ყოფილა ჯავახია მიშისტი. იმ ხელისუფლების შეფასებაზე ხშირად გვიკამათია, მაგრამ ნაციონალი და მიშისტი რასაც ჰქვია, არ ყოფილა და მაგას ნუ მასწავლი. მასე მეც კი არ ვხედავ მარტო შავ-თეთრ ფერებში, თუმცა მათი მოსვლის დღიდანვე დღეებს ვითვლიდი, როდის წავიდოდნენ. შენ თუ წინა ხელისუფლების ქმედებებში მხოლოდ უკუნს და ბნელს ხედავ, - მაგარი ისტორიკოსი ყოფილხარ და მაგარი ლექტორები გყოლია.
ვისთან რა უნდა გადავამოწმო, "ნდობით აღჭურვილი პირი" და "გადაწყვეტილების მიღება" რას ჰქვია? ლექციები - ბანზე ნუ აგდებ სიტყვას. გავიგე, რომ სხვები გიკითხავდნენ. "ვითომ დევნილი" ზვიადისტები ფაქტია და ვერანაირი უარყოფა ვერ უშველის. მასე რომ უარყოფდნენ მთელი ათწლეული, და ის ხალხი მთლიანად გარიყული იყო შევარდნაძის ხროვის მიერ, იქნებ ამანაც მისცა ბიძგი ზვიადისტების ნაწილს, რომ სააკაშვილთან მისულიყვნენ. "ადამიანობას" რაც შეეხება, "როგორც ვიცი"-თ არ უნდა იმსჯელო.  ...როცა "ვითომ დევნილი" ჯავახია გერმანიაში იყო მიწვეული, იმ დროს მოხდა აქ გადატრიალება. ბეჟანი უზენაესი საბჭოს დეპუტატი იყო. იქ მყოფი ერთი ღრმად იდეური ლიბერალი ქართველი გერმანელ პროფესორს, რომელიც კურირებდა ჯავახიას იქ ყოფნას, დაჟინებით ჩასჩიჩინებდა, ეგ ცუდი კაცია, თავს გაჩვენებთ, თორემ სინამდვილეში ფაშისტია, დამხობილი ფაშისტური ხელისუფლების მომხრეა, პოლიციას შეატყობინეთ, რომ ქვეყნიდან გააძევონო. ეს ის დროა, როცა თბილისის ქუჩებში ხალხს იმ მოტივით იჭერენ, რომ "ზვიადისტის თვალები" აქვთ, და "ვითომ"-ზე ღლიცინი ამას არ უნდა! რა მოელოდა ჯავახიას აქ, თუ მას მართლაც გამოასახლებდნენ იმ პერიოდში? ან ისედაც, რატომ უნდა გაუკეთო შენებურს ეს? მაგრამ ამ "არაადამიანმა" ადამიანური ურთიერთობების შენარჩუნების გულისთვის (საერთოდაც არანაირად არაა კონფლიქტური პიროვნება) ამ 20 წლის განმავლობაში არც კი აგრძნობინა იმ კაცს, რომ ეს ამბავი თავად იმ გერმანელმა მოუყვა. ...შენ კი დგახარ ახლა და ურცხვ ცილისწამებას ავრცელებ, თითქოს ეს კაცი, თავადაც პოლიტიკური ნიშნით დევნილი მთელი ათი წელი, "თავისუფლების ინსტიტუტის უშუალო მითითებით" ვიღაცეებს ყრიდა სამსახურიდან. 
გერმანული იცის კარგად. არ შეიკიკინეს ამ ინგლისურით... |
| Posted by: geopolitik 3 Mar 2013, 23:20 |
| ერთი ცხადია,რომ ნაციონალური მოძრაობის მართველობამ საქართველოში მეცნიერება მოსპო! |
| Posted by: bochormeli 3 Mar 2013, 23:29 |
| ბექა ახლოური თსუ-ში უფროს სპეციალისტად მუშაობს სალომე ცეცხლაძე „სტუდია მონიტორის“ მასალის მიხედვით, ბექა ახლოური 2012 წლის 18 ოქტომბრიდან, თსუ-ში მატერიალური რესურსების მართვის დეპარტამენტის სამეურნეო განყოფილების უფროსი სპეციალისტია. ის უნივერსიტეტის სტუდენტური თვითმმართველობის ვიცე - პრეზიდენტი იყო. 2011 წლის 15 აპრილს საინიციატივო ჯგუფ „თარგმნეს“ პრეზენტაციაზე ჩხუბი მოხდა. სტუდენტები ძალადობაში სტუდენტური თვითმმართველობის სხვა წევრებთან ერთად ბექა ახლოურსაც ადანაშაულებდნენ. ინციდენტი ამ ამბიდან 1 წლის შემდეგაც მოხდა. ერთ-ერთი დაზარალებული თორნიკე უსტარაშვილი ამბობდა, რომ თვითმმართველობის წევრებმა მასზე შური ბლოგის გამო იძიეს, სადაც თვითმმართველობის წინააღმდეგ კრიტიკულ მასალებს აქვეყნებდა. უსტარაშვილი მოძალადეებს შორის ბექა ახლოურსაც ასახელებდა. რექტორის დაპირების მიუხედავად ამ ფაქტის გამო არავინ დასჯილა http://www.liberali.ge/ge/liberali/news/114155/ |
| Posted by: gochaj 3 Mar 2013, 23:33 | ||
geopolitik
ყველაფერს ნაც. მოძრაობას ნუ დააბრალებ. საქართველოში საუნივერსიტეტო და აკადემიური მეცნიერების ნგრევა დაიწყო 90-იან წლებში, როცა ქვეყანა ქაოსში გაეხვია და არაერთი მეცნიერი შიმშილით მოკვდა. როცა ხელფასი მიზერულზე დაბალი იყო, როცა არ იყო სინათლე და გაზი, არ იყო ტრანსპორტი და ლექტორები ლექციებზე უფულობის გამო ვერ მიდიოდნენ. მდგომარეობა მერე რამდენადმე გამოსწორდა, მაგრამ ისევ და ისევ უფულობამ გამოიწვია ახალი ნგრევა - ამჟერად აკადემიური ინსტიტუტებისა. ასეთი რაოდენობის ინსტიტუტებს მაღალგანვითარებული ქვეყნებიც ვერ შეინახავდნენ. ამასობაში მეცნიერება დაბერდა და გადაბერდა. ახალგაზრდობა დაბალი ხელფასების გამო ამჯობინებს სარფიან საქმეს მოკიდოს ხელი. . |
| Posted by: FRIDRIX 3 Mar 2013, 23:34 |
| "სისტემას რო ანგრევდნენ" იქიდან ბევრი დარჩა დაჯილდოვების გარეშე ხოდა ახალი მუხტებია საჭირო თუმცა მესიას უკვე ეგ მუხტები აღარ ჭირდება და ჯილდოებიც აღარ იქნება უმჯობესია "წამებულ დაჩის ან მელორს" მიაკითხონ დასაქმებისთვის |
| Posted by: 7171 3 Mar 2013, 23:36 |
| სხვები არ ვიცი და ლამარა ბერიძეებისნაირები თუ გყავდათ აქამდე უნივრსიტეტში, მაშინ კიდევ კაი ხანი არ ეშველება გოსუნივერსიტეტს. |
| Posted by: ,Katie 3 Mar 2013, 23:40 |
| თესეუში კომპლექსური პრობლემებია, ყველას ერთად მოგვარების შანსი -არარეალური. ამიტომ, მგონია, რომ პირველ რიგში უნივერსიტეტის ფინანსები და ბიუჯეტი უნდა გახდეს საჯარო, რომ გაირკვეს რატომ ვერ ხდება არსებული პრობლემების (ბაზების გამართვა, ლექტორების ხელფასების/კვალიფიკაციის გაზრდა დაა.შ.) მოგვარება. |
| Posted by: gochaj 3 Mar 2013, 23:43 |
| ზემოთ მარტის თეზისებია - გამოკითხვის სახით წარმოდგენილი. ის, რაც ახლა უნივერსიტეტში ხდება, რექტორატი ყველაზე ნაკლებადაა დამნაშავე. |
| Posted by: Pantelini 3 Mar 2013, 23:50 | ||||
ErK
მე დავწერე, რომ ყველგან არიან კარგები და ცუდები მეთქი და ამის მაგალითად რუსუდან ლორთქიფანიძე, თსუ ყოფილი რექტორი მოვიყვანე, რომელმაც არ შეასრულა ნაცების ბინძური ბრძანება და არ გაისვარა ხელი თანამშრომლების გაყრაში, რის გამოც დატოვა რექტორის თანამდებობა! მაგრამ რა ჰქნეს ახალმა რექტორმა გიორგი ხუბუამ, მის მიერ დანიშნულმა ახალმა დეკანმა ნინო ჩიქოვანმა და ამ უკანასკნელის დამქაშმა და როგორც აქ დაწერეს ნათესავმა ბეჟან ჯავახიამ? ამათმა უსინდისოდ გაყარეს თსუ თანამშრომლები თან ასეულობით და რომ გეკითხა ამას რატომ აკეთებო, ამბობდნენ ამათ რა უნდათ უნივერსიტეტშიო! ყრიდნენ ხალხს, დახურეს მთელი რიგი სპეციალობები და მიმართულებები, ხომ ვამბობ მთელი აზია-აფრიკის მიმართულება დახურეს და იქაური პროფესორ-მასწავლებლები დაითხოვეს, ასევე უამრავი სხვა კათედრა, როგორც ამბობენ ზოგმა პროფესორმა ამის გამო გულის შეტევაც კი მიიღო და გარდაიცვალა. ეს იყო "საქმე", რაც ბეჟან ჯავახიამ და ნინო ჩიქოვანმა და გია ხუბუამ გააკეთეს უნივერსიტეტში! და ახლა ერთ-ერთ მათგანს პრეტენზია აქვს იმაზე, რომ თურმე დევნიან "ვაჟბატონს" დევნიან კი არა სულ კინწის კვრით უნდა დაისროლო ეგ არაკაცი უნივერსიტეტიდან!!!
არ ვიცი მე მაგას, როგორ ზვიადისტს ვინ დევნიდა და ვინ არა! ერთი ვიცი რომ მან გაყარა უნივერსიტეტის თანამშრომლები, თან არაერთი, თან უსინდისოდ და უნამუსოდ და ახლა, როდესაც სამართალმა მას მიუკაკუნა კარზე ადგა და სტუდენტებს იყენებს ურცხვად და თავის გადარჩენა უნდა! ვერ გადაირჩენს! სამაგისო არც მორალური უფლება აქვს და არც ლეგალური, ყველა აგებს ადრე თუ გვიან პასუხს იმაზე, რაც ჩაიდინეს მათ შორის ბეჟან ჯავახიაც, ნინო ჩიქოვანიც და ყველა ის ვინც ურცხვად აკეთებდა ნაცების დაკვეთას გაეწმინდათ სასწავლებლები არასასურველი ელემენტისგან და რაც შეეხება ზვიადისტობას, რამდენად მე ვიცი სწორედ მისი ეს ე.წ. "ზვიადისტი" მეგობრები წიკლაური, ოჩიაური, ხერხეულიძე და სხვები ლობირებდნენ და რეკავდნენ იმისთვის, რომ მისი ტყავი გადაერჩინათ ანუ ნაცები თავიანთ კუდებს ლობირებდნენ და იგივეს აგრძელებენ დღესაც. ხოდა სანამ ამ ნაცების ჯალათების პარპაში იქნება უნივერსიტეტში მანამდე არ იქნება სამართლიანობის შეგრძნება. ის რომ შენ გდევნიან არ უნდა იყოს იმის მიზეზი შენს სასარგებლოდ, რომ შემოტრიალდება ყველაფერი ადგე და შენც სხვა დევნო და რეპრესიების ქვეშ გაატარო, ეს ამორალურია და უკანონოა, იმედი მაქვს სამართლიანობა აღდგება და უნივერსიტეტი მშვიდ აკადემიურ რითმში იმუშავებს, მას მერე, რაც ეს "ბნელი" ელემენტები იქიდან ამოიძირკვებიან! |
| Posted by: bochormeli 4 Mar 2013, 00:21 | ||
Pantelini
რაღაც თქვენს პოსტებში ზედმეტი დაინტერესება და აგრესია იკვეთება |
| Posted by: Thunder88 4 Mar 2013, 00:35 | ||
ესენი არავითარ შემთხვევაში არ შეიძლება . |
| Posted by: Pantelini 4 Mar 2013, 00:36 | ||||
აგრესიას ვინ სთესავს, ის აგრესიასვე იმკის, რა არის გასაკვირი ამაში? ამასთან, რაც დავწერე ჯობია იმაზე გაამახვილო ყურადღება, როგორც ვატყობ გაინტერესებს, რაც ხდება უნივერსიტეტში, მე მაინტერესებს, ადრეც მაინტერესებდა და რაც ვიცი ყველაფერს ვწერ. ხოლო შენ თუ გაინტერესებს თემის ირგვლივ იტრიალე იმის მაგიერ, რომ ჩემს პოსტებში აგრესიის ელემენტები ეძიო! |
| Posted by: gochaj 4 Mar 2013, 00:54 | ||
[Thunder88
უნივერსიტეტმა ყოველგვარი ჩარევის გარეშე თავად უნდა მოაგვაროს საკუთარი პრობლემები. ცნობისათვის: გერმანიის მიერ ვარშავის ოკუპაციის დროსაც კი გერმანელთა სპეცსამსახურები არ შედიოდნენ ვარშავის უნივესიტეტში. თითქოსდა საოცარია, მაგრამ პატივს სცემდნენ უნივერსიტეტის ავტონომიას, რაც ჩვეულებრივი ამბავი იყო ევროპაში. |
| Posted by: bochormeli 4 Mar 2013, 01:02 | ||||
gochaj
მაგის ერთადერთი ვარიანტია სტუდენტებმა აიძულონ აკადემიური საბჭოს წევრები გადადგნენ, თავისით ეგენი არ გადადგებიან gochaj
აბა ვისი ბრალია? ან იქნებ არავისი ბრალიც არ არის? |
| Posted by: tenochtitlan 4 Mar 2013, 01:08 | ||
ამდენ სხვადასხვა მიმართულებით დაფშტვენილს რომ უძლებს. |
| Posted by: Thunder88 4 Mar 2013, 01:24 | ||
gochaj
|
| Posted by: geopolitik 4 Mar 2013, 01:30 | ||
მენდოსა
ჰუმანიტარულ ფაკულტეტის პრობლემებზე ვერაფერს ვერ გეტყვით, მაგრამ შემიძლია პოლიტიკური მეცნიერების ფაკულტეტის შესახებ გითხრათ, სადაც აგრეთვე თავისუფლების ინსტიტუტის მონები ატარებდნენ რეფორმებს. რეფორმების შედეგად პროფესიონალი კადრები განთავისუფლებულ იქნა და, მათი ადგილი დაიკავეს გაუნათლებელმა ღლაპებმა, რომლებსაც თავისუფლების ინსტიტუტის და მისი მსგავსი ორგანიზაციების მიერ მოწყობილ რამოდენიმე სემინარზე თუ კონფერენციაზე ქონდათ მიღებული მონაწილეობა. სხვები კი, რომლებიც მათ იდეოლოგიას არ იზიარებდნენ სახლში გაუშვეს. |
| Posted by: gochaj 4 Mar 2013, 01:33 | ||||
bochormeli
არა ხარ საქმის კურსში. რატომ უნდა გადადგეს აკადემიური საბჭო? შარშან ზაფხულში ატესტაციაზე ჯავახია ჩააგდო კომისიის რამდენიმე წევრმა. იმ მიზეზების გამო, რასაც ზემოთ წერდა ერთ-ერთი იუზერი. მე შურისძიება არასდროს მიმაჩნდა საუკეთესო გამოსავლად, მაგრამ სხვები ასე არ ფიქრობდნენ. სწორედ აკადემიური საბჭოს გადაწყვეტილებით (რომლის გადადგომაც თურმე სტუდენტებმა უნდა გადაწყვიტონ), საატესტაციო კომისიას ხელახლა დაუბრუნდა მისი საკითხი განსახილველად. ამჯერადაც ვითარება არ შეიცვალა, ადგილი გავაკანტურდა და ახლა მესამედ ჩატარდა ატესტაცია. ახალმა კომისიამ იგივე გადაწყვეტილება მიიღო. ისევ აკადემიური საბჭო ორშაბათს ხელახლა განიხილავს ამ საკითხს. დაველოდოთ ხვალინდელ დღეს. რაც შეეხება სტუდენტებს, უკეთესი იქნება, რომ ლექციებზე წავიდნენ და ისწავლონ. უნივერსიტეტს ჰყავს კარგი პროფესურა, ახალგაზრდებიც და საშუალო ასაკის თაობა. პირველ კორპუსში კარგი ბიბლიოთეკა მოეწყო. უბედურება ისაა, რომ სტუდენტების დიდმა ნაწილმა არ იცის უცხო ენები, ხოლო დამატებითი ლიტერატურა რუსულად და ინგლისურადაა. უნდა ისწავლონ. ესაა ყველაზე კარგი. აქ საუბარი იყო ბაზებზე. ყველაფერი ვერ არის რიგზე, სამწუხაროა. მაგრამ, ჩემს ახალგაზრდობაში, ერთ-ერთ უძნელეს აღმოსავლურ ენას 10 კაცი ერთი დახეული ლექსიკონით ვსწავლობდით, მაგრამ არ დავკარგულვართ. ახლა გაცილებით უკეთესი შესაძლებლობებია. |
| Posted by: ვიღაცაგადარეული 4 Mar 2013, 01:35 |
| tsurkava რა ფინანსური პოლიცია ხო არ აკაჩავებ ბაბუ  პატრიარქმა დალოცოს ბაზები რატო არაა პოლში? ჩემი ხმა მაგას. და ვაფშე მეტი საქმე არ გაქვთ რა ძმაო რამდენი ვიღაც ლეღვი ლექტორი გამოუშვეს სამსახურიდან იმდენი აქციებს აწყობენ... ან თუ აწწყობთ ლექციები მაინც ჩაშალეთ ბლია რა უდრაკოები ხართ  უნივერსიტეტი ხალხს იიიიიიი რა გინდათ მშვენიერი უნივერსიტეტია, სწავლა გინდა ისწავლი, უმცირესობების დაცვა გინდა დაიცავ, არ გინდა სწავლა ###ზე გკიდია ჩემსავით და ეგეც მოსულა  მშვენიერი კორპუსიც გაგვირემონტა ბიძინამ ერთი ეგაა კაი ნაშები არ გვყავს და მაგ მოთხოვნას თუ დააყენებთ მეც კი მოვალ აქციაზე  |
| Posted by: LIKA-KHATIA 4 Mar 2013, 01:43 | ||
შვილი მაბარებს ხოლმე ანგარიშებს უნიში მიმდინარე მოვლენებზე. სიტუაციაა. |
| Posted by: Lapis 4 Mar 2013, 01:54 |
| კაროჩე როგორაა ეხლა უნივერსიტეტში მდგომარეობა არ შეცვლილა არჩევნების მერე აისტიპები ვინც სტუდენტებს სცემდნენ, ახლა თსუ-ს ადმინისტრაციაში მუშაობენ(ახლოური და ა.შ.) ხოდა მოგიტყნათ ცოდნის ტაძარიც, მაგის ადმინისტრაციაც, აკადემიური საბჭოც, რექტორიც და ის უტრაკო ლექტორებიც ხმას რო არ იღებდნენ არასდროს და სულ ამბობდნენ სტუდენტებმა სწავლას მიხედეთ თქვენი საქმე არააო... არაა და კი იხრჩობით მძღნერში ******** ანუ ჭაობის ბაზარია რა სანამ არავინ არ მოძრაობს, ყველა თბილადაა და წყალიც არაა ამღვრეული როგორც კი ვინმე მოძრაობას იწყებს და უნდა რომ ჭამობიდან ამოვიდეს იწყება უკმაყოფილება იმათი ვისაც ჭაობში გაუნძრევლად ჯდომა და უქმად ჭამა ევასება |
| Posted by: gochaj 4 Mar 2013, 02:03 |
| ErK [quote]კონკურენტს რა "უკეთესი მონაცემები" ჰქონდა? სხვა თუ არაფერი, ის ზუგდიდის ფილიალში სამსახურებრივი უფლებამოსილების ბოროტად გამოყენების ბრალდებით პატიმრობაში იმყოფებოდა (მერე, ჩანს, ქ-ნი გიულის მფარველობამ გაჭრა ). მე ბევრ რამეში გეთანხმები, მაგრამ ზოგიერთი რამ გაცილებით უკეთ ვიცი. გიული არაფერ შუაშია და შენი შენიშვნა არაკორექტულია. არც კონკურენტის დანაშაული იყო გამოკვეთილი. სამწუხაროა, რომ უკვე შარშან, ზაფხულში ეს გაუხსენა მისმა მეტოქემ. ხოლო იქ, სადაც კონკურენტი მუშაობდა, საკმაოდ წარმატებული იყო. სამეცნიერო პროდუქციაც აქვს, მონოგრაფიები და ახლა ძალზე საინტერესო თემაზე მუშაობს, ქრისტეფორე კასტელის ჩვენთვის უცნობ მასალებზე. მაგრამ, როგორც მკვლევარი, ჩემთვის ჯავახიაა მისაღები. სამჯერ კონკურსში რომ ვერ გავიდა, მე არ მიმაჩნია მართებულად. მაგრამ ამ შემთხვევაში კომისიის წევრებზე იმოქმედა არა აკადემიურმა მხარემ, არამედ სრულიად სხვა ფაქტორებმა. |
| Posted by: ErK 4 Mar 2013, 02:42 |
| gochaj გასაგებია. მაგრამ რექტორის და დეკანის ტოლ როლს რომ აკუთვნებენ სხვების გაგდებაში, ჯავახიას რა საშუალებები და რა უფლებები ჰქონდა, ხალხი გაეყარა. ვიღაცას თუ ვიღაცაზე უარყოფითი აზრი აქვს, უფლებამოსილი პირიც ხომ უნდა იყოს, რომ განახორციელოს. საერთოდ, სამეცნიერო დაწესებელებებში ხომ ხშირად არანაკლები ინტრიგებია, ვიდრე თეატრში. ბრძოლა ადგილისათვის, ერთმანეთის დაჭმა. უღირსმაც რომ წააგოს, მაშინვე ხელს დაადებს და იმას დააბრალებს, ვინც გავიდა მის ნაცვლად. შეიძლება ღირსეულიც იყოს, მაგრამ ეგონოს, რომ კონკურენტმა ცუდი ხერხებით მოიგო... შარშან ზაფხულში ბევრი კურიოზი მოხდა. ზოგჯერ ისიც იკვეთებოდა, რომ თითქოს ნაციონალების მომხრეობა უნდა ყოფილიყო მავანთა ჩაგდების მიზეზი. იმის წინა კონკურსიც ბევრი კურიოზით აღინიშნა. ზოგჯერ ისიც გადიოდა, ვინც საერთოდ ვერ აკმაყოფილებდა მოთხოვნებს (მაგალითად, არ ჰქონდა შესაბამისი რაოდენობის პუბლიკაციები). უსამართლოდ დაზარალებულთა შორის ჯავახიას ძალიან ახლობელი ხალხიც იყო, მაგრამ ეს "ყოვლისშემძლე" ჯავახია რატომღაც ვერაფრით დაეხმარა მათ. ...არის რაღაც ჯგუფი. ჰყავთ თავისი მხარდამჭერები, რომლებიც ზომაზე მეტად აქტიურობენ, და ეს დაინტერესება სხვებსაც ხვდებათ თვალში. ძველი თაობა რომ გააგდეს ლომაია-ხუბუამ, მაშინაც იყვნენ ახალგაზრდა მოხალისეები, რომლებსაც თავი სამყაროს ცენტრი ეგონათ და "ამოძირკვას" და "ამოშანთვას" ესწრაფოდნენ. ახლა სხვები არიან, იგივე და უარესი ტერმინოლოგიით და მიდგომით, მაგრამ ითვლება, რომ ისინი ცუდები იყვნენ, მათი ახლანდელი კლონები კი - "სამართლიანობისათვის მებრძოლნი". არაფერი არ შეცვლილა, კომკავშირი უკვდავია. |
| Posted by: NO_CEILING 4 Mar 2013, 03:05 | ||
ქართველი კაცების შემხედვარე რა გასაკვირია თუ გარეკა |
| Posted by: hipotenuza 4 Mar 2013, 03:14 | ||||||
ამ ლელა გაფრინდაშვილმა ხომ ვერ ისწავლა საუბრის გაფილტრვა |
| Posted by: bochormeli 4 Mar 2013, 08:30 | ||
| საკითხის ისტორია: http://forum.ge/?act=ST&f=29&t=33662273&st=1050#entry35450684 http://forum.ge/?showtopic=33662218&hl=%E1%83%A0%E1%83%94%E1%83%A4%E1%83%9D%E1%83%A0%E1%83%9B%E1%83%90 * * * gochaj
ბაკალავრიატის სტუდენტი ქართულ ენაზე უნდა ეცნობოდეს ლიტერატურას და უნივერსიტეტმა უნდა უზრუნველყოს. სამწუხაროდ სტუდენტებს აიძელებენ სხვა ენაზე იკითხონ სავალდებულო ლიტერატურაც კი. |
| Posted by: gochaj 4 Mar 2013, 08:53 | ||
bochormeli
არის სფეროები, სადაც არსებობს სავალდებულო ლიტერატურა მშობლიურ ენაზე. მე არ ვიცი, ვინ ვის და რას აიძულებს. თუ სტუდენტი კითხულობს დამატებით, ან თუნდაც სავალდებულო, ლიტერატურას უცხო ენებზე, ეს მხოლოდ მისასალმებელია. მაგრამ ძირითადად ლიტერატურა არის მშობლიურ ენაზე. თუ არ იყიდება წიგნის ბაზარზე (წიგნი არ არის დღეს იაფი), უნდა დაჯდეს ბიბლიოთეკებში, მათ შორის თსუ-ში. თუ გაწყრა ღმერთი და იქაც არ არის, ლექტორი კითხულობს ლექციას და სტუდენტმა უნდა მოისმინოს და ჩაიწეროს (ასე ვაკეთებდით ახალგაზრდობაში). ბაკალავრიატში სტუდენტი ემზადება, რომ ავიდეს უფრო მაღალ საფეხურზე, გააგრძელოს განათლება მაგისტრატურაში და თუ არ იქნა სათანადოდ მომზადებული, რა აზრი აქვს მაშინ ასეთ სწავლას? |
| Posted by: მენდოსა 4 Mar 2013, 09:46 | ||||||||||||
ErK
დეკანის მოადგილე იყო ბეჟან ჯავახია მაგ დროს, პროფესორიც არ ყოფილა, პროფესორი 2006 წელს სამარცხვინო კონკურსების მერე გახდა.
ძალიან კარგი გამოთქმა არსებობს "საქმემან შენმან წარმოგაჩინოსო" ფაქტია, რომ ჯავახიამ თავისუფლების ისტიტუტის საქმე გააკეთა და შემდეგ დაუფასდა კიდეც და წლების მანძილზე სრული პროფესორი იყო, მათ შორის 2012 წლის ზაფხულშიც, როცა კონკურსით ვერ გავიდა ბეჟანა აკადემიურმა საბჭომ პოლიტ ზეწოლას ვერ გაუძლო და გაგდებული ბეჟანა 1 სემესტრით დატოვა.
პარადოქსი, გაგდებული კი არ იყო გერმანიში დაითესა, ხელფასი გამოწერილი ქონდა მის ლექციებს სხვა ატარებდა და ხელფასს ბეჟან იღებდა, სხვა რომელი ზვიადისტი ლექტორები გაუშვეს ზვიადისტობის გამო ? მარიკა ლორთქიფანიძეზე არაფერს ვიტყვი, მაგრამ როინ მეტრეველი საკმაოდ პატრონობდა ზვიადისტებს.
არაფერ ცილისწამებას არ წერს სწორს წერს ყველაფერს, რა დევნილი კაცს ხელფასი შეუნარჩუნეს. ბეჟან ჯავახიას სწორედაც, რომ დიდი "დამსახურებაა" რომ 2006 წლის კონკურსები უნამუსოდ ჩატარდა ისტორიის მიმართულებაზე ხალხს კი არ ძინავს. მომსწრე ვარ მაგ ყველაფერს სიები როგორ დგებოდა ვინ გაეყვანათ და ვინ არა. Pantelini ყველაფერში გეთანხმები, გეტყობა, რომ კარგად ხარ იმ ამბებში გარკვეული, მაგრამ
აი ეს მართლა ერთადერტი პოზიტივი იყო, აზია-აფრიკის მიმართულება მამა-შვილ მენთეშაშვილების კლანი მართლა გასაშვები იყო. ErK
მაგალითად ვინ იყო "უსამართლოდ დაზარებული" ? ჯავახიას საკუთარი ტყავი ქონდა გადასარჩენი. ყველაფერს რომ თავი დავანებოთ რა ჩაციკვლა აქვს მაგ კაცს სრულ პროფესორობაზე, ხო ცხადია 2006 წლიდან მიმართულების ხელმძღვანელია და ერთი კონფერენცია არ ჩაუტარებია და ერთი კრებული არ გამოუცია დეპარტამენტს. იყოს რიგითი ლექტორი და იკითხოს ლექციები, თუმცა ჩემი აზრით იგივე ბიზანტიის ისტორიაში სხვები გაცილებით უკეთეს კურსს გააკეთებდნენ. |
| Posted by: bochormeli 4 Mar 2013, 09:55 | ||
მენდოსა
მარიკა ლორთქიფანიძე ზვიადისტი რომელ წლებში იყო? |
| Posted by: მენდოსა 4 Mar 2013, 10:04 | ||||
bochormeli
მსგავსი არაფერი არც გამიფიქრებია. აი რა დავწერე.
ანუ მარიკაზე არაფერს ვიტყვი რომ პატრონობდა მეთქი, უფრო ალბათ პირიქით, მაგრამ როინ მეტრეველზე რაც ვიცი საკმაოდ პატრონობდა ზვიადისტებს, მათ შორის ბეჟან ჯავახიაც, როდესაც გერმანიაში იყო წასული ვითონ "გაგდებული" როინის და გივი ჟორდანიას მხარდაჭერით ეგ კაცი ისე რო ლექციებს არ ატარებდა ხელფასს იღებდა, რა დევნაზეა ლაპარაკი. |
| Posted by: sqvoto 4 Mar 2013, 10:08 |
| უნივერსიტეტს კი არა რაღაც სექტას მაგონებს-ერთი იდეოლოგიის ხალხს გზა ხსნილი აქვს. ჩარჩნენ 700-იანებში(მცირე გამმონაკისის გარდა). ეს სამარცხვინო კონკურსები ხომ საერთოდ. ესეთი სიტუაცია ყველა კათედრსზე |
| Posted by: bochormeli 4 Mar 2013, 10:12 |
| მენდოსა ასე რომ აქტიურობ, დავდოთ ჯავახიას და მისი კონკურენტის, ასევე ეკა ავალიანის და მისი კონკურენტის CV-ები და მერე ვიკამათოთ. ისე თქვენი ბრალდებები აკადემიურ სფეროს სცდება |
| Posted by: sqvoto 4 Mar 2013, 11:35 |
| აი მორიგი მარგალიტი მეხუთე კორპუსიდან http://www.myvideo.ge/?video_id=373743 )))))) და აკადემიურ თანამდებობაზე აქვს ქალს პრეტენზია |
| Posted by: ErK 4 Mar 2013, 21:22 | ||||
მენდოსა
პარადოქსი ესაა. ხელფასს გერმანიაში ურიცხავდნენ 1992 წლის დასაწყისში თუ როგორ იყო? რა შეუნარჩუნეს? ჩამოვიდა და მალევე, იმავე წელს გაცხრილეს უნივერსიტეტი პოლიტიკური ნიშნით. სწორედ როინ მეტრეველის დროს სცემდა პოლიცია ზვიადისტ სტუდენტებს მისსავე კაბინეტში, და მეტრეველმა გაყარა ზვიადისტი ლექტორები ჯავახიას ჩათვლით.
ბოლოსწინა კონკურსზე? ამ ზაფხულისას არ ვამბობ. და არც დავასახელებ. არანაირად არ ვარ დარწმუნებული, რომ ეს ხალხი მიზანში არ იქნება ამოღებული სამომავლოდ, როგორც არასასურველი. |
| Posted by: მენდოსა 5 Mar 2013, 02:41 | ||||||
ErK
მაგალითად ? ჰუმანიტარულ მიმართულებაზე მსგავსი არაფერი მომხდარა.
ერთი რამ არის აშკარა, მიმართულება რომელიც გივი ჟორდანიას და მერე გურამ კუტალიას ხელმძღვანელობით საკმაოდ ძლიერი იყო ბეჟანამ ისტორიის მიმართულებაზე ერთ-ერთ ჩამორჩენილ მიმართულებად აქცია, ბოლო ბოლო 2011 წლის ზაფხულში გივი ჟორდანიას დაბადებიდან 100 წელი გავიდა, ერთი კონფერენცია მაინც ჩაეტარებინა ან საიუბილეო კრებული გამოეცა, გივი ჟორდანიას დამსახურებაა თუ მაგ კაცში როგორც მეცნიერში რამე ღირებულია. bochormeli
არაკადემიური რა დავწერე ? უნივერსიტეტსი "რეფორმის" ამბები ზუსტადაც რომ აკადემიური საკითხია, რაც შეეხება CV-ებს მოდი ჯერ ბეჟანამ ნამდვილი მონაცემები წარმოადგინოს და ტყუილები არ წეროს, გაირჩეს კონცეფციები დარგის განვითარების, ისე სასაცილოა კონცეფცია მოთხოვო ადამიანს რომელსაც 6 წლის მიმართულებისთვის თითი თითიზე არ დაუდია. მაგას გარდა შეფასდეს ნაშრომები, მედიევისტიკის უბრალო მცოდნეც მიხვდება რომ კომისიამ აბსოლუტურად სწორი გადაწყვეტილება მიიღო. |
| Posted by: bochormeli 5 Mar 2013, 05:59 |
| მენდოსა აი ჯავახიას მონაცემები http://www.caucasology.com/members/javakhia.pdf დადეთ მისი კონკურენტის და შევადაროთ * * * http://www.gurianews.com/index.php?option=com_content&view=article&id=8529:2013-03-04-15-58-44&catid=67:2010-11-25-16-47-44&Itemid=112 თსუ-ს სტუდენტები და პროფესორები რექტორის გადადგომას ითხოვენ ქეთი მიქაძე, ორშაბათი, 04 მარტი 2013 19:58 უნივერსიტეტის პირველ კორპუსში თსუ-ს სტუდენტებმა და პროფესორებმა რექტორ ალექსანდრე კვიტაშვილის გადადგომის მოთხოვნით ბრიფინგი გამართეს. მათი თქმით, უმაღლეს სასწავლებელში დღეს ბევრი პრობლემაა, რაშიც პასუხისმგებლობა რექტორს და ადმინისტრაციას აკისრია. ნიკოლოზ მეტრეველი (სტუდენტი) –დღეს უნივერსიტეტში შექმნილია უმძიმესი ვითარება, ის ზონდერები, რომლებიც წლების განმავლობაში სტუდენტების ცემით იყვნენ დაკავებულები, დღეს უნივერსიტეტის ადმინისტრაციაში არიან დასაქმებულნი, მაგალითად ბექა ახლაური, ერთ–ერთი გამორჩეული ზონდერი, რომელიც წლების განმავლობაში ავალიანის და ლადო ვარძელაშვილის დავალებით სასტიკად უსწორდებოდა სტუდენტებს. საკმაოდ სერიოზული პრობლემებია ბაზებთან დაკავშირებით, სტუდენტები ვერ ირჩევენ საგნებს, პოლიტიკური ნიშნით უნივერსიტეტიდან განთავისუფლებულები არიან წამყვანი პროფესორები. ბატონ კვიტაშვილს და მის ადმინისტრაციას არ შესწევთ უნარი მართონ უნივერსიტეტი, ამიტომ მოვითხოვთ, რომ უახლოეს დღეებში რექტორმა დატოვოს დაკავებული თანამდებობა. გიორგი ყიფიანი (თსუ-ს პროფესორი) –პროფესორებს აღარ აქვთ შესაძლებლობა მონაწილეობა მიიღონ მართვის პროცესში. კონკურსები აკადემიურ თანამდებობაზე მიმდინარეობს ტენდენციურად, სოციალურ–პოლიტიკურ მეცნიერებათა ფაკულტეტზე, ეკონომიკისა და ბიზნესის ფაკულტეტზე არის ვაკანტური ადგილები, პროფესორებს, რომლებიც ადრე ამ ადგილებზე მუშაობდნენ აქვთ სურვილი დაბრუნდნენ, მაგრამ მათ იწვევენ მოწვეულებად და სამჯერ მეტ სამუშაოში უხდიან სამჯერ და ოთხჯერ ნაკლებ ხელფასს. ეს ადგილები კი კვლავ თავისუფალი რჩება. ჩვენ ვითხოვთ შეიცვალოს უნივერსიტეტის წესდება, ვითხოვთ პროფესორების მონაწილეობას გადაწყვეტილებების მიღებაში, გარდა ამისა, მოვითხოვთ განათლების სამინისტროს მიერ გადახედილი იქნეს კონკურსების შედეგები. სტუდენტების განცხადებით, კვიტაშვილმა ვერ შეძლო დაეცვა სტუდენტთა უფლებები, მოეწესრიგებინა სასწავლო ბაზები, მატერიალურ-ტექნიკური პრობლემები და უზრუნველყო ჯანსაღი სასწავლო გარემოს შექმნა. ბრიფინგს უნივერსიტეტის ადმინისტრაციიდან პასუხი არ მოჰყოლია. |
| Posted by: მენდოსა 5 Mar 2013, 20:51 | ||
bochormeli
საქმეც იმაშია, რომ ამ ჯავახიას მონაცმებში კომისიამ რამდენიმე უზუსტობა იპოვა, გარდა ამისა კომისია მარტო მაგას არ ითვალისწინებს ვის უფრო მეტი ნაშრომები აქვს, გასათვალისწინებელია ნაშრომების ხარისხი, სამეცნიერო კვლევების და მიმართულების განვითარების კონცეფცია, ისე პარადოქსია ჯავახიას მიმართულების განვითარების კონცეფცია მოთხოვო, როცა 6 წელიწადია მიმართულების ხელმძღვანელია და მიმართულების განვითარებისთვის თითი თითზე არ დაუდია. |
| Posted by: gochaj 5 Mar 2013, 21:04 | ||
მენდოსა
იყო უზუსტობები, მაგრამ არა გადამწყვეტი. მათი ჩასწორება ადვილად შეიძლებოდა. კიდევ ერთხელ გავიმეორებ, აკადემიური თვალსაზრისით, ის ჯობდა პაპაშვილს. მაგრამ იყო ის მიზეზები, რომლებზედაც ზემოთ იყო საუბარი. უკვე გადაწყდა, სრულ პროფესორად დაამტკიცეს მურმან პაპაშვილი. |
| Posted by: bochormeli 8 Mar 2013, 11:16 | ||
gochaj
სამაგიეროდ სრული პროფესორი გახდა თემურ თოდუა http://www.google.ge/url?sa=t&rct=j&q=%E1%83%97%E1%83%94%E1%83%9B%E1%83%A3%E1%83%A0+%E1%83%97%E1%83%9D%E1%83%93%E1%83%A3%E1%83%90&source=web&cd=1&ved=0CC8QFjAA&url=http%3A%2F%2Fwww.gtu.ge%2Ffaculties%2Fbef%2Fdepartamentebi%2Fsaertashoriso_germanulenovani_departamenti%2Fgermanulenovani_CV%2FCV_t.todua.doc&ei=oIQ5Uf_ePITeOY7JgTA&usg=AFQjCNHXKSLnpPENaxh2Wnu0YYQoKowliw რომელიც ერთდროულად ორი დარგის პროფესორი ყოფილა გპი-ში, 12 წელი სახემწიფო მართვას კითხულობდა, ეხლა ძველი მსოფლიოს ისტორიის მიმართულებას უხელმღვანელებს, უნდა ერთ დარგში იმუშავებს – უნდა მეორეში: ბიოგრაფიიდან: საქართველოს ტექნიკური უნივერსიტეტის სახელმწიფო მართვის მიმართულების სრული პროფესორი _ 2009-2012; საქართველოს ტექნიკური უნივერსიტეტის ჰუმანიტარულ-სოციალური ფაკულტეტის სრული პროფესორი 2009-2013 რა კადრი დაკარგა პოლიტექნიკურმა და რა იშოვა თსუ–მ! |
| Posted by: Geooo 8 Mar 2013, 11:28 | ||
ეს, მაგრამ სამწუხაროდ, ჩემი აზრით, ძალიან ცუდი შედეგები მოყვება ..... მაგრამ თუ ერთხელ და სამუდამოდ მკაცრად არ გადაიჭრა პრობლემა, ისევ ასეთი პოლიტმართველური სიტუაცია იქნება ყოველთვის |
| Posted by: Gambino 8 Mar 2013, 11:34 |
| http://forum.ge/?showtopic=34472699&view=findpost&p=35505481 https://www.facebook.com/Fedatleastonechild |
| Posted by: gochaj 8 Mar 2013, 11:35 | ||
bochormeli
შარშან ზაფხულში თოდუა გახდა ასოცირებული პროფესორი. მას შეეძლო, დებულებით, სხვაგანაც ემუშავა და მუშაობდა. რატომ? მამლის ყივილზე, როგორც ერთ ქართულ ფილმშია, ერბოკვერცხს ვერ გააკეთებ. გავიდა დამსახურებულად და ცოტა ხნის შემდეგ ჩაება მეორე კონკურსში ძველი მსოფლიოს ისტორიის მიმართულებით, სრული პროფესორის თანამდებობაზე. მაშინ კონკურსი ჩაიშალა და ახლა გაიმარჯვა. დებულებით, სრულ პროფესორს სხვაგან მუშაობა არ შეუძლია. ეს უნდა იცოდე. ამდენად, იძულებული გახდება დატოვოს ტექნიკური უნივერსიტეტი. |
| Posted by: bochormeli 8 Mar 2013, 12:10 | ||
gochaj
რა დამსახურებულად? სად "სახელმწიფო მართვა" და სად "ძველი მსოფლიოს ისტორია"? ერთი დარგია? მე მგონი საერთოდ სხვადასხვა მეცნიერებაა |
| Posted by: gochaj 8 Mar 2013, 19:17 | ||
bochormeli
კონკურსში მის გამარჯვებაში ასოცირებულ პროფესორად, ეჭვი არავის შეუტანია. თუ ეჭვი გეპარება, ჩახედე მის ანკეტურ მონაცემებს. შედი ინტერნეტში და ნახე აქვ თუ არა შრომები ძველ ისტორიაში. |
| Posted by: bochormeli 10 Mar 2013, 08:28 |
| კართაგენად ქცეული კვიტაშვილი ანუ რა ხდება ჯავახიშვილის უნივერსიტეტში 09-03-2013 თბილისის სახელმწიფო უნივერსიტეტის სტუდენტთა ნაწილი რექტორის, ალექსანდრე კვიტაშვილის გადადგომას ითხოვს. როგორც ”თავისუფალ სტუდენტთა კავშირის" თავმჯდომარე, ნიკოლოზ მეტრეველი აცხადებს, რექტორი უნივერსიტეტის განვითარებასთან დაკავშირებით გაცემული დაპირებების შესრულებას და სტუდენტთა უფლებების დაცვას ვერ ახერხებს. პარალელურად, უნივერსიტეტიდან პოლიტიკური ნიშნით გათავისუფლდნენ კვალიფიციური ლექტორები. მისივე თქმით, თსუ-ს ადმინისტრაციაში თანამდებობებზე ”ნაციონალური მოძრაობის" მხარდამჭერებს ნიშნავენ. ნიკოლოზ მეტრეველი: - ნეპოტიზმის სრულიად კონკრეტული მაგალითები არსებობს. სულ ბოლოს, ადმინისტრაციაში დაინიშნა ბექა ახლოური, რომელიც ”ერთიანი სტუდენტური მოძრაობის" წევრი და ”ნაციონალების" აქტიური მხარდამჭერი იყო. მას შემდეგ, რაც ხელისუფლებაში ”ნაციონალური მოძრაობა" მოვიდა, თსუ პარტიული კადრების სამჭედლოდ გადაიქცა, ამ საქმის ორგანიზება სპორტის სამინისტრომ და სტუდენტურმა თვითმმართველობამ შეითავსეს. ბოლო წლებში მოდად იქცა სტუდენტური თვითმმართველობის წევრების მიერ სტუდენტების ცემა, რასაც პოლიტიკური სარჩული ჰქონდა. რექტორი არაერთხელ შეგვპირდა მოძალადეების გარიცხვას, მაგრამ არ გაუკეთებია. პირიქით, როგორც გაირკვა, მოძალადე თვითმმართველობის წევრები დღეს უნივერსიტეტში სპეციალისტის თანამდებობებს იკავებენ. ამის გაგრძელება არ შეიძლება და გამოსავალიც აშკარაა - რექტორი უნდა გადადგეს! - რა მოხდება იმ შემთხვევაში, თუ რექტორი თქვენს მოთხოვნას არ დააკმაყოფილებს? - მაშინ მას საზოგადოებრივ-სტუდენტური აქტივობის წევრები დაუპირისპირდებიან და მას მაინც მოუწევს თანამდებობის დატოვება... საქმე ის არის, რომ ბატონ კვიტაშვილს აკადემიური ხარისხიც არ აქვს, რაც გამაოგნებელია იმ უნივერსიტეტში, სადაც მსოფლიო მასშტაბის არაერთი მეცნიერი მოღვაწეობდა და დღეს უნივერსიტეტს მართავს "უხარისხო" ადამიანი... მით უმეტეს, რომ მის ამ "უხარისხობას" კანონიც კი მოარგეს.... ამის მერე რომ თეა წულუკიანს შეედავებიან რამეს, ეს უკვე სასაცილოა... ნიკოლოზ მეტრეველის ეს განცხადება ჩვენთან საუბარში პარლამენტარმა ლევან ბერძენიშვილმაც დაადასტურა: -ნიკოლოზ მეტრეველი მართალია, დანამდვილებით ვიცი, კანონი იმიტომ შეცვალეს, რომ კვიტაშვილს არ ჰქონდა პროფესორის წოდება და შესაბამისად რექტორიც ვერ გახდებოდა. სააკაშვილის ხელისუფლებამ დაამკვიდრა ტენდენცია, რომ უნივერსიტეტის რექტორი შეიძლება იყოს ადამიანი, რომელსაც პროფესორის სტატუსი არ გააჩნია, რაც, ჩემი აზრით, გაუმართლებელი და სულელურია, რადგან არც ერთ ქვეყანაში არ ხდება ასეთი გადაწყვეტილებების ასე ხელაღებით მიღება. სტუდენტების მოთხოვნას, რექტორის გადადგომასთან დაკავშირებით, ის ლექტორებიც უერთდებიან, ვისაც, მათი თქმით, უნივერსიტეტი პოლიტიკური ნიშნით დაატოვებინეს. გიორგი ყიფიანი, ყოფილი ლექტორი: - ამ ეტაპზე დაახლოებით 15 ლექტორს დაატოვებინეს სამსახური, მათ სასამართლოსაც მიმართეს, ორმა მოიგო კიდეც პროცესი, დანარჩენის საქმე მიმდინარეობს. ბოლო დროს უნივერსიტეტის მიერ შეცვლილი რეგულაციების თანახმად, შიდა საპრეტენზიო საჩივრის დაწერაც კი არ შეიძლება, მომჩივანმა პირდაპირ სასამართლოს უნდა მიმართოს... საქმე ის არის, რომ "ზემდგომებმა" ერთობ საინტერესო სისტემა შეიმუშავეს: უნივერსიტეტში თავისუფალი ადგილები არის, მაგრამ მათ ამ ადგილებზე არ იღებენ, მოწვეულის სტატუსს აძლევენ და სამჯერ ნაკლებ ხელფასს უხდიან. მაშინ, როდესაც ლექტორებმა ლექცია 4 საათი უნდა წაიკითხონ, სამჯერ მეტს აკითხებენ და სამჯერ ნაკლებ ანაზღაურებას აძლევენ. არადა, მათთვის თანხა გამოყოფილია, მაგრამ ვის ჯიბეში მიდის და რაში იხარჯება, გაურკვეველია. მაქვს ინფორმაცია, თუ ვინ ისარგებლა ამ თანხებით და მოგვიანებით ამაზეც ვისაუბრებ. - თქვენ პოლიტიკური ნიშნით გათავისუფლებაზე საუბრობდით, კონკრეტულად ვის შეეხო ეს? - მე სამჯერ მივიღე უნივერსიტეტის შიდა კონკურსში მონაწილეობა და სამივეჯერ უარი მითხრეს, პასუხი იყო კურიოზული: - ასისტენტ-პროფესორის სტატუსზე მითხრეს, თქვენი მონაცემები ამაზე ბევრად მაღლა დგასო და ლექციების წაკითხვაზე მითხრეს, სტატუსის გამო ამ საქმეს ვერ ჩაგაბარებთო. მათ იცოდნენ და ახლაც იციან ჩემი დამოკიდებულება მათი პოლიტიკური ორიენტაციის მიმართ და სწორედ ამას უკავშირდება ეს ფარსი. პოლიტიკური დევნა აშკარაა ლელა გაფრინდაშვილის, ხათუნა ჩარკვიანის შემთხვევაში. ასევე ასოცირებული პროფესორის, ჟურნალისტიკის მიმართულებით, ბატონი ღვინერიას შემთხვევაშიც, რომელიც ყოველგვარი არგუმენტაციის გარეშე გაათავისუფლეს. - მიგაჩნიათ, რომ ამ ყველაფრის უკან უნივერსიტეტის რექტორატი დგას? - ეს არის აკადემიური საბჭოს მუშაობის სტილი, რომელშიც მხოლოდ კვიტაშვილი არ მონაწილეობს, ამ სტილის ერთ-ერთი აქტიური წამაქეზებელი იყო ანდრო ბარნოვიც, მისი უნივერსიტეტში ყოფნის პერიოდში. ბარნოვი იყო იმ კონკურსის კომისიის მონაწილე, რომელმაც მითხრა, თქვენი მონაცემები ასისტენტ-პროფესორზე მაღლა დგასო... ანდრო ბარნოვი, შიდა ქართლის გუბერნატორი: - არც კი ვიცი, რა გითხრათ, სასაცილოა უბრალოდ ეს ყველაფერი. ნახევარ წელზე მეტია რაც უნივერსიტეტიდან წამოვედი და ჩემს შემდეგ იქ მოვლენები როგორ ვითარდება თვალყური არ მიმიდევნებია. იმაზე, რომ მაშინ გათავისუფლებული ლექტორები ახლა აცხადებენ პრეტენზიას და ამაში ჩემს წვლილს ხედავენ, უბრალოდ კომენტარის გაკეთებაც არ შემიძლია... სანდრო ცაგარელი, თსუ სტუდენტური ჯგუფი ”ლაბორატორია 1918-ის" წევრი, ერთი-ერთი დამფუძნებელი: - არჩევნებისწინა პერიოდში თქვენი მოძრაობა აქტიურად მონაწილეობდა უნივერსიტეტის მაშინდელი ხელმძღვანელობის წინააღმდეგ გამართულ აქციებში. საზოგადოებას განსაკუთრებით დაამახსოვრდა თქვენი რეპლიკა: გეშინოდეთ ჩვენი, ბატონო ალექსანდრე! რამდენიმე დღის წინ გამართულ აქციებზე კი "ლაბორატორია 1918" უკვე აღარ ჩანდა. რა მოხდა მას შემდეგ უნივერსიტეტში, რა შეიცვალა თქვენთვის? - ბოლო დროს ისეთი ავტორიტარიზმი აღარ არის, როგორც წინა წლებში იყო, თუმცა კი, ჩვენს მიერ დაყენებული მოთხოვნები ბოლომდე დაკმაყოფილებული არ არის. ისინი ძალაში რჩება, უბრალოდ, ვინაიდან ვითარება შეიცვალა და ისეთი დაძაბული ფონი აღარ არის და განთლების რეფორმაზე აქტიურად მიდის საუბარი, ბრძოლის მეთოდებს ვცვლით. აქციების სახით გამოხატული პროტესტი უკვე აღარ არის აქტუალური, ახლა საგანმათლებლო დისკუსიებით ჯობია პრინციპული საკითხების გადაჭრა. ჩვენ სოლიდარობას ვუცხადებთ, იმ ახალაზგრდებს, ვინც ალექსანდრე კვიტაშვილის გადადგომას ითხოვს, მაგრამ მიგვაჩნია, რომ ამ წუთისთვის ეს არ არის ეფექტური, რადგან კვიტაშვილის მოთხოვნაზე მნიშვნელოვანია უნივერსიტეტის მოწყობა, თუნდაც იმიტომ, რომ მერე არ თქვან, რომ პერსონალიების დევნა პოპულარულია... http://www.kvirispalitra.ge/politic/16075-karthagenad-qceuli-kvitashvili-anu-ra-khdeba-javakhishvilis-universitetshi.html |
| Posted by: ochka 10 Mar 2013, 18:42 |
| http://www.versia.ge/index.php/2012-11-27-08-16-10/item/803-სტუდენტები-და-პროფესორები-ალექსანდრე-კვიტაშვილის-გადაყენებას-ითხოვენ დაინტერესდება თუ არა პროკურატურა თსუ-ს რექტორის საქმიანობით და რას პასუხობს სასწავლებლის ადმინისტრაცია მომჩივნებს ივანე ჯავახიშვილის სახელობის თბილისის სახელმწიფო უნივერსიტეტის სტუდენტებისა და პროფესორების ნაწილი რექტორის, ალექსანდრე კვიტაშვილის თანამდებობიდან გადაყენებას ითხოვს. ,,პროტესტანტები'' სასწავლებელში გამოვლენილ დარღვევებზე საუბრობენ და ხელმძღვანელობის პასუხისმგებლობის საკითხს აყენებენ, თუმცა თსუ-ს იურიდიულ დეპარტამენტს ამ მოთხოვნებზე მარტივი პასუხი აქვს: ,,ყველაფერს სასამართლოში გავარკვევთ“. თავისუფალ სტუდენტთა კავშირის თავმჯდომარის, ნიკოლოზ მეტრეველის თქმით, სახელმწიფო უნივერსიტეტში უმძიმესი ვითარებაა და ალექსანდრე კვიტაშვილი სასწავლო პროცესს ვერ მართავს: ,,თითოეული ჩვენგანისთვის შოკისმომგვრელი იყო, როცა შევიტყვეთ, რომ ცნობილი ზონდერი ბექა ახლოური, რომელიც სტუდენტებს, წლების განმავლობაში, ფიზიკურად უსწორდებოდა, უნივერსიტეტში დაბრუნდა და ადმინისტრაციაში დაასაქმეს და ეს მაშინ, როცა თსუ-დან არაერთი ლექტორი, ძალიან დამსახურებული ადამიანი პოლიტიკური ნიშნით განდევნეს. მართალია, მათ სასამართლოები მოიგეს, მაგრამ უნივერსიტეტში მაინც არ აბრუნებენ. ჩვენი მოთხოვნაა, ბატონმა კვიტაშვილმა თანამდებობა უახლოეს დღეებში დატოვოს. მას, ელემენტარულად, აკადემიური ხარისხიც არ აქვს. ამასთან, უნივერსიტეტის მატერიალურ-ტექნიკური ბაზა კრიტიკას რომ ვერ უძლებს და აუდიტორიები გადაჭედილია, პირველ რიგში რექტორის პასუხისმგებლობამდე მივყავართ“. სტუდენტთა პროტესტს თამაშგარე მდგომარეობაში დარჩენილი პროფესორებიც უერთდებიან. ეკონომიკის აკადემიური დოქტორი თამაზ ზუბიაშვილი ამ ზაფხულს ჩატარებულ კონკურსში ,,ჩაიჭრა'' და ამტკიცებს, რომ უნივერსიტეტში კონკურსები მიკერძოებით ტარდება: „წინასწარ ამბობენ, ვინ უნდა გავიდეს. კონკურსი ზაფხულში ჩატარდა, განმეორებით _ დეკემბერში. საბუთები ტურიზმის ხაზით შევიტანე, რადგან თავს ღირსეულ კანდიდატად მივიჩნევ: საბაზო განათლება მაქვს _ გეოგრაფიისა და მხარეთმცოდნეობის სპეციალისტ ვარ. სტუდენტობისას, საერთაშორისო კონკურსში გავიმარჯვე და სტაჟირება დამასკოს უნივერსიტეტში გავიარე. ამის შემდეგ, საერთაშორისო კონკურსებში კიდევ რვაჯერ გავიმარჯვე. სხვადასხვა პროგრამაში ვმონაწილეობდი, ხუთი წელი კი ამერიკულ უნივერსიტეტებში გავატარე. ყველაფერ ამის დამადასტურებელი სერტიფიკატებიც მაქვს, მაგრამ ამით არავინ ინტერესდება. კონკურსში მონაწილეობისას, ამერიკიდან შუამდგომლობის წერილებიც მომივიდა, მაგრამ ყურადღება არც ამას მიაქციეს, რადგან კვალიფიკაციას არაფრად აგდებენ... უნივერსიტეტში წესრიგი უნდა დამყარდეს და სამართლიანობა აღდგეს, რადგან დღეს სასწავლებელში ანარქია და ქაოსია. თსუ-ს სათავეში ის უნდა მოვიდეს, ვინც საქმეს კარგად და პროფესიულად გაუძღვება. კონკურსებიც თავიდან უნდა ჩატარდეს''. ეკონომიკის აკადემიური დოქტორი, პროფესორი ლალი ხიხაძე კონკურსში საერთაშორისო ბიზნესის მიმართულებით მონაწილეობდა. ქალბატონი ლალიც ამბობს, რომ კონკურსს ფორმალური სახე ჰქონდა: ,,კონკურსი 9-დან 22 თებერვლამდე მიმდინარეობდა, მაგრამ წინასწარ იყო გადაწყვეტილი, ვის უნდა გაემარჯვა. ვთქვათ, ტურიზმის ხაზით ნანა კაციტაძე უნდა გასულიყო, საერთაშორისო ბიზნესის მიმართულებით _ ლარისა ყორღანაშვილი... კომისიის ერთ-ერთი წევრი, იაშა მესხია კანონდარღვევაში ვამხილე _ თუ პროფესორი უნივერსიტეტში კონტრაქტით მუშაობს და ორმაგი დატვირთვა აქვს, სხვა დაწესებულებაში მუშაობა არ შეუძლია. ამ დროს, მესხია ქუთაისის უნივერსიტეტის სრული პროფესორია, თან რეგიონული განვითარებისა და ინფრასტრუქტურის სამინისტროში მთავარ სპეციალისტად მუშაობს. ჩემზე შური რომ ეძია, კონკურსის კომისიაში შევიდა. ამის შესახებ რექტორს წერილობით ვაცნობე, იაშა მესხიასა და ჩემს შორის ინტერესთა კონფლიქტი არსებობს-მეთქი. რექტორმა მიპასუხა, იაშა მესხიას ხომ უჩივლეთ და ახლა ნახეთ, რა მოგივათო. ოთხი საათი ველოდებოდი რექტორთან შეხვედას, მაგრამ ჩემი პოზიციის დაფიქსირება, კომისიიდან მესხია გამოეყვანათ, მხოლოდ მისაღებში მოვახერხე... ბოლოს, ყველაფერი ისე მოხდა, როგორც უნდოდათ _ ჩემს პოზიციაზე პროფესიით ინჟინერი ლარისა ყორღანაშვილი გაიყვანეს, რომელიც ჯერ კომერციის ფაკულტეტზე იყო, შემდეგ _ საერთაშორისო ეკონომიკის, მერე _ ტურიზმის ხარისხის უზრუნველყოფის სამსახურის უფროსი. მას აკადემიურ საბჭოში დაქალი, ქეთევან მარშავა ჰყავს და კონკურსშიც სწორედ ამ ხელშეწყობით გაიმარჯვა... თუ რექტორის საახლობლო-სამეგობროდან არ ხარ, კონკურსში ვერც გაიმარჯვებ. ამის გამო, უნივერსიტეტში დარღვეულია სტუდენტების ინტერესები, იგნორირებულია წარმატებული პროფესურა. სტუდენტებისა და პროფესურის უმრავლესობის პოზიციაა, რომ კვიტაშვილი პოსტიდან უნდა წავიდეს. 21-ე საუკუნეში უნივერსიტეტს არ ჰყავს მეცნიერი, მკვლევარი რექტორი _ მას ლექციების წაკითხვაც არ შეუძლია და უნივერსიტეტს ასეთი შემთხვევითი პიროვნება მართავს''. ლამარა ბერიძე თბილისის ეკონომიკური ურთიერთობათა სახელმწიფო უნივერსიტეტის (თეუსუ) ეკონომიკისა და ბიზნესის ფაკულტეტზე მოწვეულ პროფესორად მუშაობდა. მას შემდეგ, რაც ამ სასწავლებლის რეორგანიზაცია მოხდა და თსუ-ს შეუერთდა, დაპირდნენ, რომ სტატუსსაც შეუნარჩუნებდნენ და ხელფასსაც, ამასთან, პრობლემები არც სტუდენტებს შეექმნებოდათ, მაგრამ აბსოლუტურად საპირისპირო რეალობის წინაშე აღმოჩნდა: ,,ყველაფერში მოგვატყუეს, ახლა კი, კვიტაშვილი ჩვენთან შეხვედრასაც გაურბის. იმედი გვქონდა, სამართლიანი კონკურსი ჩატარდებოდა, მაგრამ ერთი ადგილიც არ დაამატეს _ გამონაკლისი ჩვენი ყოფილი რექტორი, თუთნაშვილი იყო, რომელიც ახლა კვიტაშვილის მოადგილეა. მეორეც, კონკურსში გამარჯვებულთა სია წინასწარ იყო ცნობილი. ყველაფერ მას ადმინისტრაცია ხელმძღვანელობდა. ტოტალური გაყალბების გამო, საქმე პროკურატურაში მაქვს შეტანილი _ კონკურსის ოქმს ხელს მხოლოდ ორი ადამიანი აწერს. აქედან, მდივნის ხელმოწერა გაყალბებულია _ მის მაგივრად, ხელს ჩვენი დეკანი, აკაკი ხელაძე აწერს. სხვათა შორის, დევნილი პროფესორი ვარ და როდესაც თეუსუ ჯავახიშვილის უნივერსიტეტს უერთდებოდა, პროტესტი ღიად გამოვთქვი, ხელმოწერებიც შევაგროვე. დღემდე ამას მახსენებენ და კონკურსში ჩაჭრით ჩემზე, თავიანთი ჭკუით, შური იძიეს. კომისიის წევრებისგან ვიცი, ჩემი დოკუმენტები სხვებზე უკეთესი იყო... კათედრის გამგის, ელგუჯა მექვაბიშვილისადმი მადლობის მეტი არაფერი მეთქმის _ საათები დამიტოვა, მაგრამ უარი ვთქვი, რადგან აკადემიურ პერსონალის სიაში არ ვირიცხები და ლექციებს მესამედი და მეოთხედი ანაზღაურებით ხომ არ ჩავატარებდი?.. ალექსანდრე კვიტაშვილის რექტორობა არ შეიძლება, რადგან ყოველი კონკურსის ჩატარების მერე გვაშაყირებს _ ჩვენს დეკანთან ერთად, საზღვარგარეთ მიდის ხოლმე. მაინტერესებს, სადაა ამდენი თანხა? ჯავახიშვილის უნივერსიტეტს რომ შემოვუერთდით, თეუსუ-ს სტუდენტებისგან 5 მილიონი შემოსავალი ჰქონდა და აქედან, 2 მილიონის ეკონომიას ვაკეთებდით. ეს თანხა სად წავიდა, ვისზე განაწილდა? ვინც ამათთან გარიგებაში შევიდა, ახლა კარგადაა, მათ შორის, ჩვენი სასწავლებლის ხარისხის უზრუნველყოფის უფროსი გიორგი ღაღანიძე, რომელიც აგვისტოს არჩევნების შემდეგ, სრული პროფესორია. იმის გამო, რომ მოთხოვნები დავაყენე, ვიდევნები. რექტორი კი არც მელაპარაკება, რაღაცებს წერ და არ შეგხვდებიო. ,,მეილზეც'' მივწერე და სოციალურ ქსელშიც, როგორი დარღვევებით ჩატარდა კონკურსი, მაგრამ პასუხი არ გაუცია... აუდიტი შემოვიდეს და დაადგინოს, სად წავიდა ჩვენი თანხა''. თსუ-ს იურიდიული დეპარტამენტის უფროსი არჩილ კუკულავა პრეტენზიების მქონე სტუდენტებს სასამართლოსკენ ანუ პრობლემების ცივილიზებული გზით გადაწყვეტისკენ მოუწოდებს. მისი თქმით, უნივერსიტეტის ადმინისტრაციაში დასაქმებული, შეიძლება, ნებისმიერი პარტიის მხარდამჭერი იყოს. კუკულავას განმარტებით, თსუ-ს გარეთ დარჩენილ პროფესორებთან დაკავშირებით გარკვეული დავები სასამართლოში უკვე მიმდინარეობს: ,,უსამართლო და უკანონო ნამდვილად არაფერი მომხდარა. თუ ვიღაცას მიაჩნია, რომ ადგილი დარღვევას ჰქონდა _ კონკურსი არასწორად ჩატარდა ან გადაცდომა იყო, უფლებამოსილია, სასამართლოს მიმართოს და ყველაფერი ცივილიზებული გზით გავარკვიოთ. სხვათა შორის, დავები უკვე მიმდინარეობს _ ნაწილს საჩივარი შეტანილი აქვს... მიკვირს, როცა პროკურატურაზე საუბრობენ _ რაში დაინახეს კონკურსთან დაკავშირებით დანაშაული? ყველა ზოგადი ფრაზებითა და ლოზუნგური მოთხოვნებით შემოიფარგლება... რექტორის გადადგომის მოთხოვნაზე კი კომენტარს ვერ გავაკეთებ''. ნათქვამია, კვამლი უცეცხლოდ არ არსებობსო. ჰოდა, ფაქტია, რომ ქვეყნის უპირველეს უმაღლეს სასწავლებელშიც პრობლემებია. პროფესორებთან კონსტრუქციულ დიალოგზე უარის თქმა და მათი მოთხოვნების გაუთვალისწინებლობა დადებითად არავის ახასიათებს. სასამართლოს გარდა, ალბათ, უნივერსიტეტის შიგნითაც უნდა არსებობდეს სივრცე, სადაც მხარეები იმსჯელებენ და მისაღებ გადაწყვეტილებას მოძებნიან. მერაბ ბერიძე |
| Posted by: bochormeli 10 Mar 2013, 19:32 | ||
ისე მიაწერს თავის გვარს პროფესორსაც და დოქტორსაც ალექსანდრე, წარბსაც არ შეიხრის , ეტყობა სცხვენია ბიჭს და რა ქნას, არ ჰქონდა დრო დისერტაციის მოსამზადებლად. აგერ საბუთებიც, უმეტეს უცხოელ სტუმარს უწერია, რომ პროფესორია ან დოქტორი, იშვიათად ორივე, კვიტაშვილს კი ორივე უწერია, მაააშ, პრაფესორიცაა და კიდო დოქტორიც, ამ დროს არც ლექციებს კითხულობს და არც სამეცნიერო სტატიას არ წერს: http://aict.info/2012/info/AICT2012-Conference-Program.pdf http://www.hepi.edu.ge/en/news/news/fz_viziti_tbs/Agenda_Tbilisi_Dec2011.pdf http://ictptsu.tsu.edu.ge/data/file_db/files/Discussions%20+%20Agreements%20Session%20(3.11.2011).pdf http://www.artsmanagement.net/downloads/nl/amnl108.pdf |
| Posted by: ochka 10 Mar 2013, 19:35 | ||
bochormeli
კი მაგრამ ეგ ხომ სიყალბეა, ეგეთი რაღაცის გამო ხალხს ციხეში სვავენ |
| Posted by: bochormeli 10 Mar 2013, 19:37 | ||
რა ქნას აბა უთხრას უცხოელ პროფესორებს მიშამ დამნიშნა და უარი ვერ ვუთხარიო? |
| Posted by: ochka 10 Mar 2013, 20:33 | ||
ვინ გავიდა უკეთესი?! |
| Posted by: bochormeli 10 Mar 2013, 20:37 |
| მკითხველის კომენტარი (4) http://www.kvirispalitra.ge/politic/16075-karthagenad-qceuli-kvitashvili-anu-ra-khdeba-javakhishvilis-universitetshi.html?add=1#comments გედევანი 10 მარტი 2013 14:37 რატომ არავინ კითხულობს სად წავიდა უნივერსიტეტის პოპულარული ახალგაზრდა პროფესურა? shota 10 მარტი 2013 14:27 თსუ-ში ნეპოტიზმის უკონტროლობამ წარმატებული ლექტორები გარეთ დატოვა maka 09 მარტი 2013 20:08 კვიტაშვილის თემა ძალიან აქტუალურია, მისი მოყვანის (უფრო სწორად მისი მოტანის) დღიდან. დავაზუსტებ ბ-ნ ლევან ბერძენიშვილის კომენტარს - კანონი პარლამენტმა მიიღო არა კვიტაშვილისთვის, არამედ გაბაშვილისთვის. გაბაშვილი უნდა გადმოესროლათ თსუ-ში რექტორად. მაგრამ იმ პერიოდში მოხდა სხვა ფაქტი ჯანდაცვის სამინისტროში. კვიტაშვლი სწორედ რომ ჯანდაცვის სამინისტროში მომხდარი ამბის მერე გადმოისროლეს და თავი შეაფარებინეს უნივერსიტეტს. მაგის მოადგილე ფრუიძე რომ დაიჭირეს, ეგეც წესით უნდა მიეყოლებინათ და ციხეში ჩაესვათ, მაგრამ ჟორდანიას შთამომავალი ჰყავს ცოლად და სააკაშვილმა თსუ-ში შეაფარებინა თავი. რაც თსუ-ში მოვიდა გაყიდა უნივერსიტეტის ტერიტორიები - ვაკეში, თსუ მე-5 კორპუსის ეზო - 55 სკოლის გვერდით, და ვაკის ლეჩ-კომბინატის ტერიტორია. კვიტაშვილმა მოიყვანა თავის საძმაკაცო და დეკანებად ჩამოარიგა. მაგრამ ყველგან ვერ გაუვიდა თავისი. თანამშრომლებმა მოისროლეს ორი თვის წინ ანდრო ბარნოვი დეკანის თანამდებობიდან. ხალხი კვიტაშვილთან წლობით არის მიღებაზე ჩაწერილი და ვერ ახერხებენ შესვლას. არაფრად აგდებს ადამიანებს და აბუჩად იგდებს. ნაცების იმედი აქვს. ნაცებით არის გავსებული უნივერსიტეტიც. ყველას დასმენა და დაბეზღება ჩვეულებრივ მოვლენად გადააქციეს. რომ აღარაფერი ვთქვათ ამორალიზმზე რაც კვიტაშვილის მოსვლის მერე ხდება თსუ-ში. აკადემიურ თანამდებობებზე კონკურსის წესი ისეთი შეიმუშავა კვიტაშვილმა და ნაცებმა, რომ იგნორირება გაუკეთეს მეცნიერებას და დამსახურებას. მხოლოდ ე. წ. „გასაუბრებით“ გაყავთ თავისი ხალხი. კორუფცია არის გამეფებული. ასეთ რამეს როინ მეტრეველიც კი ვერ ბედავდა, რასაც ეხლა კვიტაშვილი აკეთებს. საკმარისია ვინმეს წიგნი რუსულიდან ათარგმნინო, შენი გვარი მიაწერო და ამ წიგნით გახვალ კონკურსში. არავითარი დარგის კვლევით ნაშრომებს არ ექცევა ყურადღება. თავი მაგრად უჭირავთ მაგას და კიდევ მაგის მოყვანილ ორ დეკანს - სერგი კაპანაძეს (რომელმაც ანდრო ბარნოვი შეცვალა ორი თვის წინ) და აკაკი ხელაძეს(ამას თავად მინისტრი მარგველაშვილი დაპირებია რომ შეუნარჩუნებს თანამდებობას). ვინც ხმას საჯაროდ ამოიღებს პრესითა და ტელევიზიით, კვიტაშვილი ყველას ქრთამავს და აჩუმებს. რამდენია კიდევ ისეთი ვინც, საჯაროდ არ ამხელს მის და მის მიერ (საძმაკაცო-სანათესაოდან) მოყვანილი დეკანების ცოდვებს. თენგიზ 09 მარტი 2013 18:41 კვიტაშვილის რექტორად დანიშვნა იყო ქვეყნის შეურაცყოფა. რა ხედვა შეიძლება ჰქონდეს ადამიანს, რომელსაც არავითარი ხარისხი არ ჰქონდა დაცული და შესაბამისად ინტელექტუალურად ვერ შეესაბამებოდა რომელიმე აკადემიურ თანამდებობას. რადგან უნივერსიტეტები წარმოადგენენ ინტელექტუალური კადრების სამჭედლოს და ამ სფეროში ქვეყნის სვლას, კვიტაშვილის დანიშვნით მოხდა ანტიხალხური აქტი და ამიტომ უნდა დაისაჯოს ის ხალხი, რომელმაც ის დანიშნა. ცხადია თვითონ კვიტაშვილიც უნდა დაისაჯოს, რომ ის ასეთ უკანონობაზე დათანხმდა. უნივერსიტეტში მისი ყოფნის წლები იყო ანტიპროდუქტიული და სახელმწიფომ ამისგან იზარალა. სასწრაფოდ უნდა დაიწყოს გამოძიება და ზარალის ანაზღაურება. |
| Posted by: ochka 10 Mar 2013, 20:53 | ||
ეს მართAლია? |
| Posted by: bochormeli 10 Mar 2013, 20:54 |
| რა გამოსავალს ხედავთ ივანე ჯავახიშვილის სახელობის უნივერსიტეტში შექმნილი მდგომარეობიდან? გადადგეს თანამდებობიდან უნივერსიტეტის რექტორი [ 18 ] [20.00%] დაინიშნოს ახალი, გაფართოებული აკადემიური საბჭოს არჩევნები [ 8 ] [8.89%] ხელისუფლების მიერ დაინიშნოს უნივერსიტეტში დროებითი მმართველობა [ 4 ] [4.44%] უნივერსიტეტში შევიდეს ფინანსური პოლიცია და პროკურატურა [ 26 ] [28.89%] რექტორს ალექსანდრე კვიტაშვილს გამოეცხადოს მადლობა და დაჯილდოვდეს ივანე ჯავახიშვილის სახელობის მედლით [ 23 ] [25.56%] სხვა [ 3 ] [3.33%] არ ვიცი [ 8 ] [8.89%] Total Votes: 90 ყველა კმაყოფილი რომ დარჩეს, მედლით დავაჯილდოვოთ და ახალი რექტორიც ავირჩიოთ |
| Posted by: ochka 11 Mar 2013, 12:54 |
| ახალი 9 | დაპირისპირება .უნივერსიტეტში | 10.03 დაპირისპირება ივანე ჯავახიშვილის სახელობის სახელმწიფო უნივერსიტეტში. სტუდენტთა ერთი ნაწილი ალექსანდრე კვიტაშვილის გადადგომას ითხოვს. რექტორის წინააღმდეგ საკმაოდ მძიმე ბრალდებები ისმის - სტუდენტები მას კორუფციაში, თანხის არამიზნობრივ ხარჯვასა და ადამიანების პოლიტიკური ნიშნით დევნაში ადანაშაულებენ. თავად ალექსანდრე კვიტაშვილი ამ თემაზე კომენტარს არ აკეთებს. მისი პასუხი მომავალ კვირაში გახდება ცნობილი, მომდევნო კვირა კი უნივერსიტეტში დაძაბული იქნება. რექტორის გადადგომის მოთხოვნით სტუდენტები პერმანენტულ აქციებს იწყებენ. http://www.youtube.com/watch?v=RbGFP1pFj44&feature=youtu.be ვლადიმერ პაპავა - თსუ რექტორად! http://www.facebook.com/groups/518046591558020/?fref=ts |
| Posted by: bochormeli 11 Mar 2013, 13:10 |
| შესადარებლად, თუ შემოწმებები ყველგან ტარდება, რატომ არ ხდება თსუ-ს შემოწმება? "ნ.კ.: დავით, პირდაპირ გეკითხები, ვიცი, არ გიყვართ ბენდუქიძე, არც შენ, არც მარგევლაშვილს და არც სხვა მთავრობის წევრებს. ამის გამო უნივერსიტეტს ართმევთ? ასეთი რამ სააკაშვილსაც არ უქნია! დავით ზურაბიშვილი:.: ნათია, არ გინდა ახლა რა პოლიტიკური პოლემიკა. სააკაშვილი რომ იყოს ჩვენს ადგილას, აგრარულიც წართმეული ექნებოდა ბენდუქიძეს, სხვა ქონებაც და თვითონ კი იჯდებოდა ციხეში მილიონიანი საპროცესოს გადახდამდე … მასე რომ არ ვიქცევით, ეს თუ ობიექტურობის ნასახი შერჩენია ვინმეს, კი უნდა აღიაროს – ისედაც ათასობით ძველი კადრი მყავს უკვე გადაკიდებული მეც და მარგველასაც ამის გამო, მაგრამ არავის ჭკუაზე არ დავდივართ. ამიტომ ვამბობ მკაფიოდ: თუ არაფერი დაუშავებია, არც არაფერი ემუქრება. თუ ექნება დარღვევები, პასუხისმგებლობაც იქნება შესაბამისი. ესაა და ეს! იგივე შემთხვევაა სხვა უნივერსიტეტებთანაც — შემოწმებები ყველგან ტარდება, მაგრამ არსად არავინ არ გაგვიგდია პოლიტიკური ნიშნით და არავისთვის არაფერი არ წაგვირთმევია. ბოლო-ბოლო ეს სფერო (უნივერსიტეტები) ჩემი საკურაციოა და პასუხისმგებლობაც შემიძლია ავიღო იმაზე, რომ არანაირი პოლიტიკური ანგარიშსწორება ჩვენის მხრიდან არ იქნება" http://zgharbi.ge/2013/03/541/?fb_source=pubv1 |
| Posted by: ochka 11 Mar 2013, 13:19 | ||||
bochormeli
bochormeli
ესაა მთავარი ეტყობა |
| Posted by: ErK 11 Mar 2013, 15:25 | ||
დავით ზურაბიშვილის საკურაციო რომ იქნება საუნივერსიტეტო სფერო. |
| Posted by: bochormeli 11 Mar 2013, 15:33 | ||
ErK
რას უწუნებთ? |
| Posted by: ErK 11 Mar 2013, 15:48 | ||
პირველ რიგში იმას, რომ უპირველესად არის პოლიტიკოსი და თან გამოკვეთილად ცალმხრივი, - ერთ-ერთი იდეოლოგი ერთი მიმართულებისა. ამდენად, არის საფრთხე, რომ ის გაატარებს ამ იდეოლოგიას საუნივერსიტეტო სფეროში. კერძოდ - გაატარებს ჭიაბერაშვილის მიერ გადმოცემულ თეზისებს, რომელთა მიხედვით უნივერსიტეტი - ერთ-ერთი მთავარი სამიზნეა, რომელიც "დაპყრობილი" უნდა იქნას "ახალი ქართველის" აღსაზრდელად. მაგალითისთვის: მახსოვს მისი სიტყვები, როცა ძალიან გულნაკლული იყო, რომ საქართველოშიც მასშტაბურად არ აღინიშნა მილენიუმის დასაწყისი მცდარ დროს, - ვთქვათ, შეცდომაა, მთელი მსოფლიო ასე აღნიშნავს და ჩვენ რატომ დავაკლდით საერთო ზეიმსო. თუ ასეთი ელემენტარული შემთხვევისასაც კი დანარჩენების მიბაძვით უნდა მოვიქცეთ, რა იქნება მართლა სერიოზულ, იდეოლოგიურად მოტივირებულ შემთხვევებში? |
| Posted by: bochormeli 11 Mar 2013, 15:59 | ||
ErK
ეგ სადმე წერია? ლინკი გაქვთ? "მცდარ დროს" რას ნიშნავს? |
| Posted by: მენდოსა 11 Mar 2013, 18:02 | ||
ErK
კიდევ კარგად არის განათლების სისტემა და უნივერსიტეტი ამნაირების ხელში, სხვათა შორის ვინც არ იცის ან არ ახსოვს შევახსენებ, რომ დავით ზურაბიშვილი და ლევან ბერძენიშვილი კახა ლომაიას პოლიტიკის ძალიან აქტიური მაქებ-მადიდებლები იყვნენ, ეგ ხალხი თავისუფლების ინსტიტუტიდან მოდიან ერთად და თავისუფლების ისნტიტუტის პოლიტიკამ ქვეყანას და მათ შორის განათლების სისტემას რაც უქნა ძალიან კარგად დავინახეთ. |
| Posted by: bochormeli 11 Mar 2013, 18:22 | ||
მენდოსა
ესე იგი არაფერი შეცვლილა? |
| Posted by: მენდოსა 11 Mar 2013, 19:49 | ||
bochormeli
მე პირადად განათლების სიტემაში ვერანაირ იდეოლოგიურ ცვლილებას ვერ ვხედავ, არ ჩანს მკაფიოდ თუ როგორი თაობის გაზრდა უნდა ახალ ხელისუფლებას, რა მიზნებს ისახავს ამ საკითხებზე. |
| Posted by: Zyklon 11 Mar 2013, 19:52 | ||
კი მჯერა, რომ პირადად ზურაბიშვილის მხრიდან არ იქნება, მარა საიდანაც საჭიროა, იქიდან რო დაურეკავენ და დატუქსავენ, კი იქნება მერე ყველაფერი, რაც საჭიროა მაგის პრინციპულობა და სიმტკიცე ვნახეთ უკვე |
| Posted by: Johnnie Walker 11 Mar 2013, 20:10 | ||||||
bochormeli
ბევრად უფრო მეტი შეურაცხყოფა იყო ხუბუას დანიშვნა ხმა ამოიღო ვინმემ?
უნივერსიტეტი მაგათი დანგრეულია, უზნეობაა მაგათი იქ ატანა. უნდა გააგდონ ყველა დაუფარავად პოლიტიკური ნიშნით. უნდა მოხდეს თსუ დენაციფიკაცია. მთლიანად უნვერსიტეტს ამით დიდი ვერაფერი ეშველება, მაგრამ ბევრი ბრიყვი მოაკლდება იქაურობას, ეგეც კარგია. ხო, მაგ საუნივერსიტეტო ნაცების ნაწილი ხუბუას მეთაურობით (ისევ შემძვრალა იქ ) ნამდვილად პროკურატურის შესასწავლია და პასუხისმგებლობაში მისაცემი.ამიტომ, თემის დასაწყისის პოლს რომ დავუბრუდეთ,
|
| Posted by: bochormeli 11 Mar 2013, 21:03 | ||
Johnnie Walker
ხუბუა ლექციას მაინც კითხულობა და თავის საქმე ესმოდა, შედარება არ შეიძლება, ხმა ვინ ამოიღებდა იმ საბჭოში. |
| Posted by: ErK 12 Mar 2013, 07:12 | ||
bochormeli
მცდარი დრო იყო 2000 წლის 1-ლი იანვარი. ახალი ათწლეული, საუკუნე და ათასწლეული 01 წლის 1 იანვარს იწყება, სრული რიცხვი ამთავრებს ათიანს, ეს მათემატიკისა და ასტრონომიის ელემენტარული ნორმაა... უფრო საყურადღებოა, რომ ზურაბიშვილს, განსხვავებით ბევრი სხვისგან, კარგადაც ესმოდა, რომ ეს შეცდომაა, მაგრამ მაინც უნდოდა, რომ დანარჩენ მსოფლიოსთან (უფრო ზუსტად - დასავლეთთან) ერთად გვეზეიმა. ეს მაშინ გამოთქვა ერთ ინტერვიუში, მგონი "დილის გაზეთში". ჭიაბერაშვილის ლეგენდარული თეზისები, რომელთან შედარებითაც ფრაზა "ქართლის დედაზე" მხოლოდ მსუბუქი ხუმრობაა, დაიბეჭდა ათიოდე წლის წინ. არავის არც უცდია მათი არსებობის უარყოფა. ქსელში არ იძებნება, პრესაში მოძებნას დრო უნდა. |
| Posted by: bochormeli 12 Mar 2013, 12:02 |
| ErK [quote]ჭიაბერაშვილის ლეგენდარული თეზისები, რომელთან შედარებითაც ფრაზა "ქართლის დედაზე" მხოლოდ მსუბუქი ხუმრობაა, დაიბეჭდა ათიოდე წლის წინ. არავის არც უცდია მათი არსებობის უარყოფა. ქსელში არ იძებნება, პრესაში მოძებნას დრო უნდა.[quote] რომელ წელს იყო და სად, ხომ არ გახსოვთ? |
| Posted by: Umanko Serapioni 12 Mar 2013, 12:13 |
| კართაგენად ქცეული კვიტაშვილი ანუ რა ხდება ჯავახიშვილის უნივერსიტეტში 09-03-2013 სტუდენტების ცემის მოდად ქცეული პოლიტიკა "კვიტაშვილს აკადემიური ხარისხიც არ აქვს... დღეს უნივერსიტეტს მართავს "უხარისხო" ადამიანი... ამის მერე რომ თეა წულუკიანს შეედავებიან რამეს, ეს უკვე სასაცილოა..." http://www.kvirispalitra.ge/politic/16075-karthagenad-qceuli-kvitashvili-anu-ra-khdeba-javakhishvilis-universitetshi.html |
| Posted by: bochormeli 12 Mar 2013, 18:40 |
| მკითხველის კომენტარი (7) mec 11 მარტი 2013 13:44 უნივერსიტეტში არაპროფესიონალიზმის და კორუფციის ზეიმია! მაკა-"კორუფცია არის გამეფებული. ასეთ რამეს როინ მეტრეველიც კი ვერ ბედავდა, რასაც ეხლა კვიტაშვილი აკეთებს"- ვერ დაგრთანხმებით, მეტრეველს 11 თვიანი საფინანსო რევიზია ჩაუტარეს ცალკე პროკურატურამ და ცალკე კონტროლის პალატამ და შეწუხებული რევიზორები "მნიშვნელოვანი დარღვევები ვერ აღმივაჩინეთო", გაწბილებული წავიდნენ უნივერსიტეტიდან. მას შემდეგ სპეცსახსრების თანხების რევიზია არც ერთხელ არ ჩატარებულა. ჩატარდეს ფინანსური სახსრების წესიერი რევიზია და გაირკვევა, რაში იხარჯება სტუდენტების მიერ წვითა და დაგვით გადახდილი სწავლის საფასური! nanuka 10 მარტი 2013 17:22 კვიტაშვილი კორუფციული სისტემის ზედა რგოლია აკადემიურ საბჭოსთან ერთად,სისტემის სათავე დეკანები, მათი მოადგილეები და ფაკულტეტის ადმინისტრაციულ რგოლებში მოკალათებული ე.წ. პროფესურაა, რომლებიც ვერ უწევენ რეალურ კონკურენციას ნამდვილ პროფესორებს, ამიტომ ხდება კონკურსებზე დეკანის მიერ დაკომპლექტებული კომისიის მიერ ამ კონკურენტუნარიანი პროფესურის წმენდა. etoeto 10 მარტი 2013 16:49 კვიტშვილის ვინც აგინებს ისაა ადამიანი? გედევანი 10 მარტი 2013 14:37 რატომ არავინ კითხულობს სად წავიდა უნივერსიტეტის პოპულარული ახალგაზრდა პროფესურა? shota 10 მარტი 2013 14:27 თსუ-ში ნეპოტიზმის უკონტროლობამ წარმატებული ლექტორები გარეთ დატოვა maka 09 მარტი 2013 20:08 კვიტაშვილის თემა ძალიან აქტუალურია, მისი მოყვანის (უფრო სწორად მისი მოტანის) დღიდან. დავაზუსტებ ბ-ნ ლევან ბერძენიშვილის კომენტარს - კანონი პარლამენტმა მიიღო არა კვიტაშვილისთვის, არამედ გაბაშვილისთვის. გაბაშვილი უნდა გადმოესროლათ თსუ-ში რექტორად. მაგრამ იმ პერიოდში მოხდა სხვა ფაქტი ჯანდაცვის სამინისტროში. კვიტაშვლი სწორედ რომ ჯანდაცვის სამინისტროში მომხდარი ამბის მერე გადმოისროლეს და თავი შეაფარებინეს უნივერსიტეტს. მაგის მოადგილე ფრუიძე რომ დაიჭირეს, ეგეც წესით უნდა მიეყოლებინათ და ციხეში ჩაესვათ, მაგრამ ჟორდანიას შთამომავალი ჰყავს ცოლად და სააკაშვილმა თსუ-ში შეაფარებინა თავი. რაც თსუ-ში მოვიდა გაყიდა უნივერსიტეტის ტერიტორიები - ვაკეში, თსუ მე-5 კორპუსის ეზო - 55 სკოლის გვერდით, და ვაკის ლეჩ-კომბინატის ტერიტორია. კვიტაშვილმა მოიყვანა თავის საძმაკაცო და დეკანებად ჩამოარიგა. მაგრამ ყველგან ვერ გაუვიდა თავისი. თანამშრომლებმა მოისროლეს ორი თვის წინ ანდრო ბარნოვი დეკანის თანამდებობიდან. ხალხი კვიტაშვილთან წლობით არის მიღებაზე ჩაწერილი და ვერ ახერხებენ შესვლას. არაფრად აგდებს ადამიანებს და აბუჩად იგდებს. ნაცების იმედი აქვს. ნაცებით არის გავსებული უნივერსიტეტიც. ყველას დასმენა და დაბეზღება ჩვეულებრივ მოვლენად გადააქციეს. რომ აღარაფერი ვთქვათ ამორალიზმზე რაც კვიტაშვილის მოსვლის მერე ხდება თსუ-ში. აკადემიურ თანამდებობებზე კონკურსის წესი ისეთი შეიმუშავა კვიტაშვილმა და ნაცებმა, რომ იგნორირება გაუკეთეს მეცნიერებას და დამსახურებას. მხოლოდ ე. წ. „გასაუბრებით“ გაყავთ თავისი ხალხი. კორუფცია არის გამეფებული. ასეთ რამეს როინ მეტრეველიც კი ვერ ბედავდა, რასაც ეხლა კვიტაშვილი აკეთებს. საკმარისია ვინმეს წიგნი რუსულიდან ათარგმნინო, შენი გვარი მიაწერო და ამ წიგნით გახვალ კონკურსში. არავითარი დარგის კვლევით ნაშრომებს არ ექცევა ყურადღება. თავი მაგრად უჭირავთ მაგას და კიდევ მაგის მოყვანილ ორ დეკანს - სერგი კაპანაძეს (რომელმაც ანდრო ბარნოვი შეცვალა ორი თვის წინ) და აკაკი ხელაძეს(ამას თავად მინისტრი მარგველაშვილი დაპირებია რომ შეუნარჩუნებს თანამდებობას). ვინც ხმას საჯაროდ ამოიღებს პრესითა და ტელევიზიით, კვიტაშვილი ყველას ქრთამავს და აჩუმებს. რამდენია კიდევ ისეთი ვინც, საჯაროდ არ ამხელს მის და მის მიერ (საძმაკაცო-სანათესაოდან) მოყვანილი დეკანების ცოდვებს. თენგიზ 09 მარტი 2013 18:41 კვიტაშვილის რექტორად დანიშვნა იყო ქვეყნის შეურაცყოფა. რა ხედვა შეიძლება ჰქონდეს ადამიანს, რომელსაც არავითარი ხარისხი არ ჰქონდა დაცული და შესაბამისად ინტელექტუალურად ვერ შეესაბამებოდა რომელიმე აკადემიურ თანამდებობას. რადგან უნივერსიტეტები წარმოადგენენ ინტელექტუალური კადრების სამჭედლოს და ამ სფეროში ქვეყნის სვლას, კვიტაშვილის დანიშვნით მოხდა ანტიხალხური აქტი და ამიტომ უნდა დაისაჯოს ის ხალხი, რომელმაც ის დანიშნა. ცხადია თვითონ კვიტაშვილიც უნდა დაისაჯოს, რომ ის ასეთ უკანონობაზე დათანხმდა. უნივერსიტეტში მისი ყოფნის წლები იყო ანტიპროდუქტიული და სახელმწიფომ ამისგან იზარალა. სასწრაფოდ უნდა დაიწყოს გამოძიება და ზარალის ანაზღაურება. http://www.kvirispalitra.ge/politic/16075-karthagenad-qceuli-kvitashvili-anu-ra-khdeba-javakhishvilis-universitetshi.html როგორ მოხდა უნივერსიტეტის დეგრადაცია: გურამ შარაძე: ივანე ჯავახიშვილს მეორედ კლავენ! “ასავალ-დასავალი”, 11-17 ოქტომბერი, 2004 http://www.facebook.com/guram.sharadzissazogadoeba/posts/460491284024348 გურამ შარაძე: ივანე ჯავახიშვილის სახელობის თბილისის სახელმწიფო უნივერსიტეტის დიდი საბჭოს წევრებო, არ მოკლათ ხელმეორედ ივანე ჯავახიშვილი! “ასავალ-დასავალი”, 1-7 ნოემბერი, 2004 http://www.facebook.com/guram.sharadzissazogadoeba/posts/460499457356864 |
| Posted by: ErK 12 Mar 2013, 20:34 |
| bochormeli დაახლოებით 2004-ში იყო, მე ვნახე კონკრეტულად გაზეთში, რომელიც ბევრს ასე ძალიან არ უყვარს - "ასავალ-დასავალში", - ამიტომ ვახსენე, რომ არავის უცდია ამ საგრანტო თემის არსებობის უარყოფა, რომ მოგონილია და მსგავსი; თუ იყო ამის ცდა, მხოლოდ იმ კუთხით, რომ "ეს ის არაა, რაც თქვენ გგონიათ". ნაშრომის თემა იყო ის, რომ საქართველოში ახალი ტიპის ადამიანის აღზრდის საქმის წარმატებას ხელს უშლის რამდენიმე ტრადიციული ინსტიტუტი, რომელთა გავლენა ადამიანების გონებაზე ძალიან ძლიერია, და მათი ნიველირების ან თვისობრივად ცვლილების გარეშე მიზანი ვერ განხორციელდება. ეს ინსტიტუტებია: ეკლესია, უნივერსიტეტი (რადგან სკოლის რეფორმა არაა საკმარისი, იმიტომაც, რომ უნივერსიტეტი ეროვნული ცნობიერების ერთ-ერთი მთავარი კერააო) და ოჯახი. |
| Posted by: gochaj 12 Mar 2013, 21:07 | ||||
bochormeli
მე ახალგაზრდობიდან ვიცნობდი გურამ შარაძეს. ის იყო კარგი ფილოლოგი, ტექსტოლოგი, გამომცემელი. ავტორი მრავალი ნაშრომისა, რის საფუძველზეც ის აირჩიეს მეცნიერებათა აკადემიის წევრ-კორესპონდენტად. მისი სიკვდილი დანაკლისია ქართული კულტურისათვის. მის გარდაცვალებასთან ერთად შეწყდა ემიგრანტული ლიტერატურის გამოცემა, რომელშიც ყველაზე ფასულად მიმაჩნია ვიქტორ ნოზაძის რუსთველოლოგიური შრომები. ზემომოტანილ სტატიებში, რომლებიც "ასავალ-დასავალში" დაიბეჭდა, გურამ შარაძე, რომელიც მეცნიერებათან ერთად კარგად გლობდა პოლემიკის ხერხებს, დაუპირისპირდა გადაწყვეტილებას უნივერსიტეტის რექტორად რუსუდან ლორთქიფანიძის დანიშვნისა და მერე მის დანიშვნას.მე მისი გამოსვლები არ მიმაჩნდა სწორად. ქალბატონი რუსუდანი, ეს უკეთილშობილესი ადამიანი, წინააღმდეგი იყო ფაკულტეტების მასობრივი სეკვესტრისა, და იცავდა პროფრსორ-მასწავლებელთა ინტერესებს. ეს გახდა მიზეზი მისი გათავისუფლებისა. თანახმა რომ ყოფილიყო, არ გადააყენებდნენ. მახსოვს, ოპოზიციონერთა ჯგუფმა, რუსუდანთან შეხვედრისას, მას დააბრალა, რომ საცვლების მაღაზია გახსნა. როცა რექტორმა მოითხოვა, წარმოედგინა საბუთი, ერთადერთი, რაც გურამმა შეეძლო, უთხრა: ყველა ელჩი ხსნის და ალბათ თქვენც გახსნიდითო. ჯერ ერთი ყველა ელჩი სრულიადაც არ იყო დაკავებული მაღაზიების გახსნით და მეორეც, რუსუდანი ამ საქმეში სუფთა იყო. მაგრამ გურამი ყველა ხერხს იყენებდა, რომ ლორთიფანიძე გაეშავებინა. შედეგი რა იყო? ლორთქიფანიძის გადაყენება და ის, რაც მერე მოხდა. ამიტომ ყველას ვთხოვ, იყავით ობიექტურები. ადამიანებს არც კარგი უნდა დავუკარგოთ და არც მის შეცდომებზე უნდა დავხუჭოთ თვალი. ჩემი ვალი იყო, ეს მეთქვა და ვთქვი. დასარულ იმასაც ვიტყვი, რომ სტუდენტების მოვალეობა სწავლაა. ეს აქსიომა, ბევრს არ ესმის. და როცა სტუდენტთა 80 პროცენტმა მაინც, ქართულის გარდა სხვა ენა არ იცის, ეს კატასტროფაა. ჯარისკაცები ყაზარმებში უნდა იყვნენ, სტუდენტები - აუდიტორიებში და როცა განახლებულ სემესტრში ვხედავ სანახევროდ ცარიელ აუდიტორიებს, ეს სრულიადაც არ გამოიწვევს მათი ცოდნის დონის ამაღლებას. ამ მიტინგომანიას ბოლო უნდა მოეღოს. ზემოთ ასე მომეჩვენა, რომ ცოტა აგდებულად მოიხსენიეს სერგი კაპანაძე. ამ დროს ის არის უმაღლესი დონის ინტელექტუალი და ვისურვებდი, რომ მისი მსგავსი ბევრი ჰყავდეს ქვეყანას. მე არ ვთანხმები იმ თეზასაც, რომ აკადემიურ თანამდებობებზე კონკურსის წესი ისეთი შეიმუშავა კვიტაშვილმა და ნაცებმა, რომ იგნორირება გაუკეთეს მეცნიერებას და დამსახურებას. მხოლოდ ე. წ. „გასაუბრებით“ გაყავთ თავისი ხალხი უნივერსიტეტში. კონკურსის წესები საკმაოდ დაწვრილებითი იყო და პრიორიტეტი ენიჭებოდა აკადემიურ მხარეს, პუბლიკაციებს, მონაწილეობას კონფერენციებში, გრანტებში, მუშაობას სტუდენტებთან. იყო პრეტენდენტის მოსმენაც, რომელიც არ იყო გადამწყვეტი, თუ ის სრულ უაზრობას არ იტყოდა. ამიტომ ყველაფრის გაშავება აწყობს მხოლოდ მას, ვინც კონკურსში ვერ გავიდა. |
| Posted by: Solveig 12 Mar 2013, 21:46 | ||
Johnnie Walker
 სისხლის სამართლის საქმე მიფარცხეს? |
| Posted by: bochormeli 12 Mar 2013, 22:08 | ||
gochaj
1. სამწუხაროდ საკონკურსო კომისიაში მონაწილეობით სერგი კაპანაძე უკვე გაერია კრიმინალში და მისი მაღალი ინტელექტი დღეს ტყუილად იფლანგება 2. სწორედ კვიტაშვილის დროს ხდება თსუ წესდებისა და კონკურსის წესის ისე შეცვლა 4 მაჩვენებელში, რომ მაქსიმალურად სუბიექტური გადაწყვეტილების მიღების შესაძლებლობა ჰქონდეს თსუ-ს 3. პრაქტიკულად ხდება მთელი ამ ჩამონათვლის (აკადემიური მხარე, პუბლიკაციები, მონაწილეობა კონფერენციებში, გრანტებში, მუშაობა სტუდენტებთან) უგულებელყოფა სოც-პოლ, ჰუმანიტარულ და ეკონომიკის ფაკულტეტებზე 4. სწორედ გასაუბრებაა გადაქცეული გადამწყვეტ ეტაპად, სოც-პოლზე ასეთი ფორმულირების – "ბუნდოვანი საუბარი" საფუძველზე პროფესორებს უნივერსიტეტიდან უშვებენ 5. ამ თემაში რაც წერია, ის კიდევ მონაგონია იმასთან შედარებით, რაც კვიტაშვილის ხელში ხდება უნივერსიტეტში, სამინისტროში 40 პროფესორის საჩივარია, ადმინისტრაციულ სასამართლოში 15-მდე პროფესორის სარჩელია http://www.tcc.gov.ge/index.php?m=560&date_start=&date_end=&adm_search_in=2&search_products=%E1%83%A3%E1%83%9C%E1%83%98%E1%83%95%E1%83%94%E1%83%A0%E1%83%A1%E1%83%98%E1%83%A2%E1%83%94%E1%83%A2%E1%83%98&geo=on&action=adm_search&x=27&y=7 სამი პროკურატურაში, ასე რომ გაშავება მერე ნახეთ. ისიც გაითვალისწინეთ, რომ პროფესორები უნივერსიტეტის სახელსაც უფრთხილდებიან და თავის კოლეგებისაც და ბევრ რამეს არ ამბობენ, ასევე ისიც ,რომ ბევრს არც სასამართლოსი სჯერა და არც სამინისტროსი, ხელი აქვს ჩაქნეული და კაპიკების გამო აგრძელებს დამცირებულ მდგომარეობაში სწავლებას ისე თქვენ უნივერსიტეტში მუშაობთ, ესე რომ იცავთ კვიტაშვილს? მეცნიერებათა დოქტორად რომ ასაღებს თავს, ამ დროს არც ლექციებს კითხულობს და არც სამეცნიერო სტატიას არ წერს: http://aict.info/2012/info/AICT2012-Conference-Program.pdf http://www.hepi.edu.ge/en/news/news/fz_viz...isi_Dec2011.pdf http://ictptsu.tsu.edu.ge/data/file_db/fil...(3.11.2011).pdf http://www.artsmanagement.net/downloads/nl/amnl108.pdf |
| Posted by: ochka 13 Mar 2013, 07:56 |
| მიხეილ მახარაძე 12 მარტი 2013 18:23 კვიტაშვილს კიდევ ერთი დანაშაული აქვს ჩადენილი უნივერსიტეტის წინაშე. მან მოახსნევინა კოკი მახარაძის უნიკალური პანო სააქტო დარბაზიდან "მიწა ქართული" რომელიც შეიქმნა ენის დღესთან დაკავშირებით 1978 წელს!!! მოტივი იყო ის რომ კიდევ ერთხელ არ აგორებულიყო საპროტესტო აქცია მისი კედლებიდან. პირადად მან მითხრა "ჩოხოსანი ქართველები" მოძველებულიაო თანამედროვე აზროვნებისთვისო... http://www.kvirispalitra.ge/politic/16075-karthagenad-qceuli-kvitashvili-anu-ra-khdeba-javakhishvilis-universitetshi.html?add=1#comments |
| Posted by: gochaj 13 Mar 2013, 11:53 | ||
bochormeli
ჯერ ერთი, მე მოვახდინე ფაქტის კონსტატაცია, როგორ მიმდინარეობდა ატესტაცია და რა დეტალური ცნობები უნდა წარმოედგინა პრეტენდენტს. თუ ეს სოც. პოლიტიკურზე ასე არა ხდებოდა, მე საქმის კურსში არა ვარ. მეორეც, მე არავინ დამიცავს, რუსუდან ლორთქიფანიძის გარადა. სხვა შემთხვევაში მოვახდინე ფაქტის კონსტატაცია. მესამეც, მე ვმუშაობ თსუ-ში და თუ შენ, ან ვინმეს ეჭვი შეეპარება ჩემი მეცნიერული დონისა და პატიოსნების შესახებ, მზად ვარ ნებისმიერ ადგილზე გავცე პასუხი ყველას, მათ შორის იმ ისტორიკოსებს, რომლებიც დღეს კომისიებს უჩივიან. და მეოთხე, ძალიან ადვილია, ინკოგნიტოდ ბრალდებების წამოყენება. ყველაფერი იცი, ყველაფრის საქმის კურსში ხარ? პროკურორი ხარ? თუ თავად უნივერსიტეტში ხარ, შემიძლია დღესვე დაგინიშნო შეხვედრა პირველ კორპუსში და უფრო დაწვრილებით გესაუბრო. |
| Posted by: bochormeli 13 Mar 2013, 11:58 | ||||
gochaj
ეგ საკითხი აქ არ წამოჭრილა
საჩქარო არ არის , მოვასწრებთ |
| Posted by: gochaj 13 Mar 2013, 12:18 | ||
bochormeli
ეს შენ გაქვს ალბათ ბევრი დრო. მე ყოველი წუთი მაქვს გამოზომილი. ასე რომ თუ გინდა, დღეს მზადა ვარ. არ გინდა? შენი საქმეა. უკვე სერგი კაპანაძეც გასვარეთ. "სამწუხაროდ საკონკურსო კომისიაში მონაწილეობით სერგი კაპანაძე უკვე გაერია კრიმინალში და მისი მაღალი ინტელექტი დღეს ტყუილად იფლანგება". სასაცილოა, სატირელი რომ არ იყოს. |
| Posted by: bochormeli 13 Mar 2013, 13:21 | ||
gochaj
რატომ ჩქარობთ? რისი გარკვევა გსურთ? აგერ ფორუმი და აგერ http://forum.ge/?act=Msg&CODE=04&MID=115541 |
| Posted by: gochaj 13 Mar 2013, 20:07 | ||
bochormeli
ჩემთვის უფრო მეტი რამაა გარკვეული, ვიდრე თქვენთვის. მე ვიფიქრე თავად დაგაინტერესებდა. მე ამით ვასრულებ ამ თემაში მონაწილეობას. |
| Posted by: bochormeli 13 Mar 2013, 21:18 |
| gochaj პმ–ი კითხვა გამოგიგზავნეთ და მიპასუხეთ თუ შეიძლება |
| Posted by: gochaj 14 Mar 2013, 00:59 |
| bochormeli ამ კითხვაზე, დარწმუნებული ვარ, პასუხი უკვე გაქვთ. ამდენად ზედმეტია ამის შესახებ საუბარი. |
| Posted by: bochormeli 14 Mar 2013, 12:05 | ||
| http://liberali.ge/ge/liberali/articles/102828/ *** gochaj
პასუხი რომ მქონდეს, თქვენ არ გკითხავდით |
| Posted by: bochormeli 16 Mar 2013, 13:25 |
| ირაკლი კაკაბაძე: "ბოლო 9 წლის განმავლობაში სააკაშვილის რეჟიმმა ბევრი უმაღლესი სასწავლებელი დახურა და თბილისის სახელმწიფო უნივერსიტეტშიც კი პოლიტიკური "წმენდა" ჩაატარა. ამ დროს სააკაშვილის მიერ მართული მედია ან დუმდა, ან კი მიესალმებოდა განათლების მორიგი კერის დახურვას ან დაკნინებას." http://blogs.liberali.ge/ge/blog/1160/114267/?fb_comment_id=fbc_136981806476460_185690_137587033082604#f2230521fb8067 |
| Posted by: bochormeli 18 Mar 2013, 09:01 |
| http://www.ambebi.ge/sazogadoeba/73811-qdghes-universiteti-iseth-savalalo-mdgomareobashia-niko-keckhovelic-ver-ushvelisq.html?fb_action_ids=576809215664704&fb_action_types=og.recommends&fb_source=other_multiline&action_object_map=%7B%22576809215664704%22%3A272275762906763%7D&action_type_map=%7B%22576809215664704%22%3A%22og.recommends%22%7D&action_ref_map=%5B%5D 07:33 / 17-03-2013 "დღეს უნივერსიტეტი ისეთ სავალალო მდგომარეობაშია, ნიკო კეცხოველიც ვერ უშველის" ქვეყნის პირველი უმაღლესი სასწავლებელი, თბილისის სახელმწიფო უნივერსიტეტი 1918 წელს დამოუკიდებელ საქართველოსთან ერთად დაარსდა და დღემდე სახელმწიფოებრიობის, ეროვნული თვითმყოფადობის ერთ-ერთი ქვაკუთხედია... თბილისის სახელმწიფო უნივერსიტეტში ამჟამად შექმნილ ვითარებაზე ფილოლოგიის მეცნიერებათა დოქტორი, პროფესორი გიორგი გოგოლაშვილი და პროფესორი, ფიზიკის ფაკულტეტის ყოფილი დეკანი ჯემალ მებონია გვესაუბრებიან. გიორგი გოგოლაშვილი: - საზოგადოებას კარგად ახსოვს "ვარდების რევოლუციის" შემდგომ, 2004-2006 წლებში უნივერსიტეტში მიმდინარე პროცესები, როცა აღვირახსნილმა უკანონობამ უნივერსიტეტი, ფაქტობრივად, შეიწირა. ოქტომბრის არჩევნების შემდეგ ქვეყანაში თანდათან დაიწყო სამართლიანობის აღდგენის პროცესი, თუმცა, უნივერსიტეტს ჯერჯერობით ეს არ შეხებია. ამიტომ უნდა აღდგეს ყოველივე ის, რაც დაინგრა, წახდა და რაც უნივერსიტეტის სახეს ქმნიდა. - ბატონო გიორგი, როგორ შეაფასებთ მეცნიერების, სამეცნიერო კვლევის თვალსაზრისით უნივერსიტეტში შექმნილ მდგომარეობას? - განათლების ყოფილ მინისტრს ლომაიას ეკუთვნის სამარცხვინო ფრაზა: "რა უნდა უნივერსიტეტში მეცნიერს?" ხელის ერთი მოსმით, ფაქტობრივად, მთელი სამეცნიერო სექტორი გააუქმეს. 2005 წლიდან უნივერსიტეტის ბიუჯეტს მთლიანად ჩამოეჭრა სამეცნიერო სექტორის დაფინანსება, 1500 თანამშრომელი უხელფასოდ დარჩა. მათ თავხედურად ეუბნებოდნენ, უნივერსიტეტში სიარულს არ გიშლით, მაგრამ ხელფასი არ გექნებათო; ათეულობით ლაბორატორიასა და სამეცნიერო კაბინეტში შეჩერდა მუშაობა. გაუქმდა რუსთაველისა და ვაჟა-ფშაველას კაბინეტები. ეს ქართული მეცნიერების მკვლელობა იყო, რომლის შედეგის გამოსწორებას ათეულობით წელი დასჭირდება. ამიტომ თქვა კახა ლომაიამ: ჯავახიშვილის უნივერსიტეტს ნაჯახით ამოვძირკვავთო. სოფელ ცხრუკვეთში მყოფმა სააკაშვილმა კი უნივერსიტეტის პროფესორებს საჯაროდ წითელი პროფესურა, კორუმპირებულები, უსინდისოები და რუსეთის აგენტები გვიწოდა. - რამდენი თანამშრომელი გათავისუფლდა ბოლო წლებში თბილისის სახელმწიფო უნივერსიტეტიდან? - უნივერსიტეტში კატასტროფულად შემცირდა აკადემიური სექტორი. რეფორმამდე უნივერსიტეტის აკადემიურ სექტორში 4000-მდე თანამშრომელი იყო, განათლების იმჟამინდელ მინისტრ ლომაიას მოთხოვნით კონკურსი მხოლოდ 700 საშტატო ერთეულზე გამოცხადდა, რის შედეგადაც აკადემიური სექტორი უნივერსიტეტში თითქმის ხუთჯერ შემცირდა, სხვა უმაღლეს სასწავლებლებში კი - მხოლოდ 3-4 პროცენტით. - რა ხდება დღეს უნივერსიტეტის ქართული ენის კათედრაზე? - უნივერსიტეტის ძველი ქართული ენის კათედრაზე, რომელსაც აკაკი შანიძის კათედრას უწოდებდნენ, "რეფორმამდე" 23 თანამშრომელი იყო, ამჟამად ძველი ქართული ენის დეპარტამენტში მხოლოდ სამი თანამშრომელია, მათგან მხოლოდ ერთია ძველი ქართული ენის გრამატიკის სპეციალისტი... - რამ გადაგაწყვეტინათ უნივერსიტეტიდან წამოსვლა? - რეფორმის პერიოდში სამი კონკურსი ჩატარდა: 2006, 2009 და 2012 წლებში. 2006 და 2009 წლებში, ვინც "რეფორმის" ამ სახით ჩატარებას ვეწინააღმდეგებოდით, უარი ვთქვით კონკურსში მონაწილეობაზე. 2010 წელს უნივერსიტეტიდან გაუშვეს მთავარი დამნაშავე ხუბუა. ამის შემდეგ, როცა 2012 წელს კონკურსი გამოცხადდა, უნივერსიტეტის რექტორს ალექსანდრე კვიტაშვილს მივმართე განცხადებით, რომ ხუბუას წასვლა უნივერსიტეტიდან სამართლიანობის აღდგენის იმედს იძლეოდა და ამიტომ გადავწყვიტე კონკურსში მონაწილეობა. ჩემს კონკურენტად ჰუმანიტარულ მეცნიერებათა ფაკულტეტის დეკანი დარეჯან თვალთვაძე დასვეს, რომელიც კლასიკური ფილოლოგიის სპეციალისტია და სამეცნიერო ხარისხი ლიტერატურაში აქვს დაცული. რექტორმა ჩემთან შეხვედრა არც ისურვა; უბრძანებია, ყველაფერი კომისიას მივანდოთო, კომისიის წევრები კი "ერთგულებისა და მორჩილების პრინციპით" იყვნენ შერჩეული (კომისია თვალთვაძემ შეადგინა!); და ქართული ენის პროფესორის ადგილი დაიკავა არაენათმეცნიერმა დარეჯან თვალთვაძემ. იმავე პერიოდში (ეს არჩევნების წინა ხანებში ხდება), ჩატარებული კონკურსით უკმაყოფილება გამოთქვეს პროფესორებმა ნოდარ ხადურმა და დავით ნარმანიამ, ამჟამად მთავრობის წევრებმა. არჩევნების შემდეგ ხადური და ნარმანია უნივერსიტეტში დააბრუნეს. უნივერსიტეტში კვლავ პოლიტიკური ნიშნით წყდება თანამშრომლების მიღება-არმიღების საკითხი... - უნივერსიტეტს ამჟამად ოთხი წლით არჩეული რექტორი ჰყავს. თქვენ მის გადაყენებას ითხოვთ? - უნივერსიტეტში უმძიმესი ვითარებაა: 23 ფაკულტეტი იყო, დღეს ექვსია, გაუქმდა არაერთი კათედრა, გაქრა სპეციალობები. უნდა გამოძიონ ყველა ის დანაშაული, რაც უნივერსიტეტში მოხდა. ამიტომ მივმართეთ საუნივერსიტეტო საზოგადოებამ, პროფესორ-მასწავლებლებმა, სამეცნიერო წრეების წარმომადგენლებმა საგანგებო წერილით პრემიერ-მინისტრ ბიძინა ივანიშვილს და პარლამენტის თავმჯდომარე დავით უსუფაშვილს; მოვითხოვთ, შეიქმნას კომპეტენტური კომპლექსური კომისია, რომელიც 2004-2012 წლებში უნივერსიტეტში მიმდინარე პროცესებსა და კანონდარღვევებს შეისწავლის, მას პოლიტიკურ-სამართლებრივ შეფასებას მისცემს. თბილისის სახელმწიფო უნივერსიტეტში გარდამავალი პერიოდი უნდა დაწესდეს, შეიქმნას დროებითი მმართველობა, რომელიც უნივერსიტეტის გადარჩენისა და განვითარების გზებს შეისწავლის, მოამზადებს საკანონმდებლო ბაზას მისი რეალური ავტონომიისთვის. უნივერსიტეტის რექტორის გადაყენებას ამ ეტაპზე არ ვითხოვთ, რადგან ამ ვითარებაში რექტორის შეცვლა არაფერს შეცვლის. 2010 წელს ხუბუა, როგორც დამნაშავე, გაუშვეს უნივერსიტეტიდან და მოვიდა ალექსანდრე კვიტაშვილი, თუმცა ამით არაფერი შეცვლილა: იგივე სტრუქტურები, იგივე ადმინისტრაცია, იგივე სასწავლო გეგმა, კვიტაშვილს თანაშემწეც კი იგივე ჰყავს, ვინც ხუბუას ჰყავდა. ასე რომ, მარტო რექტორის ჩანაცვლებას აზრი არ აქვს, შესაკრებთა გადანაცლებით ჯამი არ იცვლება. დღეს უნივერსიტეტი ისეთ სავალალო მდგომარეობაშია, ნიკო კეცხოველიც ვერ უშველის, ჯერ ძირეული, მათ შორის, მსოფლმხედველობრივი ცვლილებები, რეფორმაა გასატარებელი. ჯემალ მებონია: "უნივერსიტეტს განსაკუთრებული სტატუსი უნდა მიენიჭოს" - ე.წ. განათლების რეფორმას, რომელიც "ვარდების რევოლუციის" შემდეგ დაიწყო, ყველაზე აქტიური წინააღმდეგობა ფიზიკოსებმა გაუწიეს. შესაბამისად, ყველაზე დიდი დარტყმა "რეფორმატორებისგან" სწორედ თბილისის სახელმწიფო უნივერსიტეტის ფიზიკის ფაკულტეტმა იწვნია. აღსანიშნავია, რომ ამ ფაკულტეტზე 2006 წლამდე 112 პროფესორ-მასწავლებელი იყო, კონკურსი კი 23 ადგილზე გამოაცხადეს. ეს გაუთვლელი, გაუმართლებელი ნაბიჯი იყო, რადგან შემდეგ, დამატებით 100 პედაგოგის მოწვევაც კი დასჭირდათ იმისათვის, რომ სასწავლო პროცესი არ ჩაშლილიყო! იმჟამინდელმა მინისტრმა კახა ლომაიამ ერთ-ერთი დებატებისას მითხრა: თქვენი ბიოგრაფიის კაცი ჩვენს გვერდით უნდა იდგეს, თქვენ კი ბნელ ძალებთან დგახართო.. არადა, სწორედ თვითონ არიან ბნელები და უმეცრები, თუნდაც იმიტომ, რომ უნივერსიტეტის საბუნებისმეტყველო, ტექნიკური ფაკულტეტები უმძიმეს ვითარებამდე მიიყვანეს. ფიზიკის ლაბორატორიები, ფაქტობრივად, აღარ არსებობს, მათ შორის ორი ისეთი, რომლებიც ჩვენი თანამშრომლების ხელით იყო გაკეთებული. ლაბორატორიების გარდა, ბიბლიოთეკებსაც ემტერებოდნენ, ჩემი თვალით მაქვს ნანახი მეორე კორპუსის კიბეებზე მიმოფანტული ფიზიკის სახელმძღვანელოები, თუმცა, რა უნდა გაგიკვირდეს იმ ხელისუფალისგან, რომლის განათლების მინისტრი პირდაპირ ამბობდა: წიგნმა თავისი დანიშნულება დაკარგაო. თუ ინტერნეტს გულისხმობდა, საიდანაც ინფორმაციის სწრაფად მიღებაა შესაძლებელი, მწარედ ცდებოდა, რადგან წიგნის გარეშე ფუნდამენტური ცოდნის მიღება შეუძლებელია. ვიმედოვნებ, დღევანდელი პოლიტიკური ცვლილებების ფონზე უნივერსიტეტში ყველაფერი უკეთესობისკენ შემობრუნდება. - თქვენი ოპონენტები ამბობენ, რომ ფუნდამენტური მეცნიერებების განვითარება ზედმეტი ფუფუნებაა ისეთი ღარიბი ქვეყნისთვის, როგორიც საქართველოა. - ეს ან ბრიყვული, ან დანაშაულებრივი აზროვნებაა. საზოგადოების წინსვლა მხოლოდ მაშინ არის შესაძლებელი, როცა მეცნიერების ყველა დარგი ჰარმონიულად ვითარდება, რადგან ისინი ერთმანეთზეა გადაჯაჭვული. ფუნდამენტური დისციპლინების განვითარება არ ნიშნავს მხოლოდ ძვირად ღირებული დანადგარებისა და ხელსაწყოების ქონას, მას, უპირველესად, ცოდნის მემკვიდრეობითობა, განათლება სჭირდება. დღეს თბილისის სახელმწიფო უნივერსიტეტის ფიზიკის ფაკულტეტის კურსდამთავრებულები მსოფლიოს წამყვან სამეცნიერო ცენტრებში მუშაობენ. ასე რომ, ამ დარგში კონკურენტუნარიანი ცოდნის მიღება პატარა ქვეყანაშიც შეიძლება დიდი ფინანსური დანახარჯების გარეშე. ასევე აუცილებელია სკოლის სახელმძღანელოების შეცვლა, რადგან დღევანდელი ფიზიკის სახელმძღვანელოები უვარგისია. - უნივერსიტეტში სამართლიანობის აღდგენას ითხოვთ, კონკრეტულად, რა გაქვთ მხედველობაში? - ჩემი აზრით, ორი მთავარი ფაქტორია ერთმანეთთან დაკავშირებული, ეს ეხება არა მხოლოდ ფიზიკის ფაკულტეტს, არამედ მთლიანად უნივერსიტეტს. ბევრი პროფესორ-მასწავლებელი არ შეეგუა იმ უსამართლობას, რაც მის კედლებში ხდებოდა, რის გამოც უნივერსიტეტს მიღმა დარჩა. მათ უნდა მიეცეთ უნივერსიტეტში დაბრუნების საშუალება. მეორე მხრივ, აუცილებელია თვითონ უნივერსიტეტის რეორგანიზაცია, რაც ამ პროფესიონალების დაბრუნების გარეშე წარმოუდგენელია. ეს ორი ფაქტორი ურთიერთგანმსაზღვრელია. ალბათ ძნელად თუ მოიძებნება უნივერსიტეტი, რომელმაც ასეთი დიდი როლი შეასრულა თავისი ქვეყნის ისტორიაში, ამიტომ მივიჩნევთ, რომ თბილისის სახელმწიფო უნივერსიტეტს განსაკუთრებული სტატუსი უნდა მიენიჭოს; გარდამავალ პერიოდში დროებითი მმართველობა უნდა დაინიშნოს, რასაც ორი წელი დასჭირდება. უნდა შეიქმნას მმართველობის მოქნილი სისტემა და არა ისეთი, როგორიც დღეს არის! განა არსებობს მსოფლიოში სხვა უნივერსიტეტი, სადაც ადმინისტრაციულ თანამდებობის პირთა რაოდენობა ორჯერ აღემატება აკადემიურს?! არადა, პირიქით უნდა იყოს. დღევანდელ უნივერსიტეტში სიტუაციას მკვდარი წერტილიდან ვერ დაძრავ, რადგან იქაურობა ციხესიმაგრედ აქვთ გადაქცეული, თვითონ კი შიგ თავს კარგად გრძნობენ. უნდა ვიჩქაროთ, რადგან ისედაც მთელი თაობები დაგვრჩა საფუძვლიანი განათლების გარეშე, უცოდინართა არმია არ უნდა გავზარდოთ. ესაუბრა ნინო კვიტაშვილი წყარო/Source: http://www.ambebi.ge/sazogadoeba/73811-qdghes-universiteti-iseth-savalalo-mdgomareobashia-niko-keckhovelic-ver-ushvelisq.html?fb_action_ids=576809215664704&fb_action_types=og.recommends&fb_source=other_multiline&action_object_map=%7B%22576809215664704%22%3A272275762906763%7D&action_type_map=%7B%22576809215664704%22%3A%22og.recommends%22%7D&action_ref_map=%5B%5D#ixzz2NrfGkNV5 |
| Posted by: bochormeli 20 Mar 2013, 18:00 |
| http://www.youtube.com/watch?v=ri04Ptr-nxE&feature=share უნივერსიტეტის სტატუსის ცვლილებაზე |
| Posted by: bochormeli 28 Mar 2013, 21:19 |
| http://frontnews.ge/index.php?action=news_read&npid=16730&lang=geo თელავის უნივერსიტეტში პროკურატურა და სახელმწიფო აუდიტის სამსახური შევიდა |
| Posted by: bochormeli 8 Apr 2013, 18:25 |
| გაუმჭირვალე უნივერსიტეტი – თსუ საჯარო ინფორმაციას ისევ მალავს ივ. ჯავახიშვილის სახელობის თბილისის სახელმწიფო უნივერსიტეტში პრემიებთან დაკავშირებული ინფორმაციის მოძიება შეუძლებელია. უცნობია რაში იხარჯება სახელმწიფო და კერძო შემოსავლებიდან მიღებული თანხები, ბიუჯეტი გაუმჭირვალე, ხოლო თანამდებობრივი სარგოები დამალულია. ინფორმაციის თავისუფლების განვითარების ინსტიტუტმა უნივერსიტეტიდან საჯარო ინფორმაცია 13 თებერვალს გამოითხოვა, ხოლო პასუხი 10 დღიანი ვადის დარღვევით 2013 წლის 3 მარტს მიიღო. ინფორმაცია არასრული, გაუმჭირვალე და ბუნდოვანია. პრემიებთან და თანამდებობრივ სარგოსთან დაკავშირებით თსუ-მ ინსტიტუტს მხოლოდ თანამშრომლებზე გაცემული პრემიების ჯამური რაოდენობა მიაწოდა, ხოლო კონკრეტულ პიროვნებებზე გაცემული სარგო და პრემია დამალა. IDFI-ს მოთხოვნაზე უარი თსუ-მ იმ მიზეზით ახსნა რომ, პირების თანხმობის გარეშე პერსონალურ ინფორმაცია ვერ გასცემდა. სჩანს უნივერსიტეტის პროფესურა და ადმინისტრაციის თანამშრომლები არ არიან მზად განასაჯაროვონ შემოსავლები ან უნივერსიტეტს დაეზარა აღნიშნული ინფორმაციის მოგროვება. ორივე შემთხვევაში საქმე გაუმჭვირვალობასთან და ანგარიშვალდებულებების არქონასთან გვაქვს. სულ ჯამში უნივერსიტეტის აკადემიურ, ადმინისტრაციულ და დამხმარე პერსონალზე თსუ-მ 2012 წელს 1 935 603 ლარი გასცა, ხოლო ხელფასის სახით 2212 თანამშრომელზე 23 259 466 ლარი. თსუ-მ არ გაასაჯაროვა 2012 წლის იანვრიდან უნივერსიტეტის მიერ დაფინანსებული ღონისძიებების შესახებ ინფორმაცია. ამის მიზეზად კი შესაბამისი ადამიანური რესურსის არაარსებობა დაასახელა. უნივერისტეტმა 2012-2013 წელს 2 ერთეული ავტომობილი კია მოტორსი შეიძინა, რაშიც ჯამში 48 400 ლარი დახარჯა. უნივერსიტეტმა ნაცვლად სრული ბალანსისა, გაასაჯაროვა მხოლოდ ბიუჯეტიდან კატეგორიების ჯამური ამონაწერი. უნივერსიტეტიდან საკუთარი განცხადების საფუძველზე გათავისუფლდა 43 თანამშრომელი, ხოლო ხელმძღვანელობის მიერ გათავისუფლდა 5 თანამშრომელი. მოპოვებული საჯარო ინფორმაცია სრულად იხილეთ აქ: http://www.opendata.ge/#!lang/ka/cat/news/topic/759 |
| Posted by: bochormeli 13 Apr 2013, 19:26 |
| IDFI-ს შეფასებით, თსუ ყველაზე გაუმჭვირვალე საჯარო დაწესებულებას წარმოადგენს 17:16 13.04.2013 2012 წლის მანძილზე თბილისის ივანე ჯავახიშვილის სახელობის სახელმწიფო უნივერსიტეტის 2212 თანამშრომელზე პრემიის სახით 1 935 603 ლარი გაიცა. ინფორმაციას ამის შესახებ ინფორმაციის თავისუფლების განვითარების ინსტიტუტი (IDFI) აქვეყნებს, რომელმაც საქართველოს ათი უმაღლესი სასწავლებლიდან (თბილისის ივანე ჯავახიშვილის სახელობის სახელმწიფო უნივერსიტეტი, საქართველოს ტექნიკური უნივერსიტეტი, ილიას სახელმწიფო უნივერსიტეტი, სოხუმის სახელმწიფო უნივერსიტეტი, თბილისის სახელმწიფო სამედიცინო უნივერსიტეტი, გორის სახელმწიფო სასწავლო უნივერსიტეტი, ი. გოგებაშვილის სახელობის თელავის სახელმწიფო უნივერსიტეტი, შ. მესხიას სახელობის ზუგდიდის სახელმწიფო უნივერსიტეტი, შოთა რუსთაველის სახელმწიფო უნივერსიტეტი და აკაკი წერეთლის სახელმწიფო უნივერსიტეტი) საჯარო ინფორმაცია გამოითხოვა. IDFI-ს ცნობით, ათივე უნივერსიტეტმა სრულყოფილად უპასუხა მხოლოდ ორ მოთხოვნას - ავტოპარკის ხარჯებისა და საკუთარი განცხადების საფუძველზე განთავისუფლებული თანამშრომლების შესახებ. ერთადერთი სასწავლებელი, რომელმაც ყველა მოთხოვნას სრულად გასცა პასუხი, სოხუმის უნივერსიტეტია. მისივე ინფორმაციით, გაგზავნილ მოთხოვნებზე უნივერსიტეტების მიერ გაცემული პასუხების მიხედვით, ყველაზე გაუმჭვირვალე დაწესებულება თბილისის სახელმწიფო უნივერსიტეტია, რადგან მის მიერ რვა მოთხოვნიდან ორზე არასრული ინფორმაციაა მოწოდებული, ხოლო ორ შემთხვევაში დაწესებულებამ ინფორმაციის მოწოდებაზე უარი განაცხადა. IDFI-ს ცნობით, თსუ-მ არასრულყოფილად წარმოადგინა ინფორმაცია თანამდებობის პირთა და თანამშრომელთა პრემიებისა და 2012 წლის ბიუჯეტის ბალანსის შესახებ. პრემიებთან დაკავშირებით თსუ-მ მხოლოდ თანამშრომლებზე გაცემული პრემიების ჯამური რაოდენობის შესახებ ინფორმაცია მიაწოდა, ხოლო თანამდებობის პირების შესახებ მოთხოვნაზე უარი განაცხადა იმ მოტივით, რომ პერსონალური ინფორმაციის შემცველია. მიღებული ინფორმაციით ირკვევა, რომ 2012 წლის მანძილზე თსუ-ის 2212 თანამშრომელზე სულ პრემიის სახით 1 935 603 ლარი გაიცა. ბიუჯეტის შემთხვევაში სრული ბალანსის ნაცვლად, კი თსუ-მ IDFI-ს ბიუჯეტიდან მხოლოდ კატეგორიების ჯამური ამონაწერი მიაწოდა. გარდა ამისა, IDFI-ს ინფორმაციით, თსუ-მ ასევე უარი თქვა დაფინანსებული ღონისძიებებისა და საშტატო ნუსხის შესახებ ინფორმაციის გაცემაზე. "ღონისძიებების შემთხვევაში უარის მიზეზად დასახელდა ის, რომ ინფორმაციის დასამუშავებლად დიდი დრო არის საჭირო და ასევე დეპარტამენტს საკმარისი ადამიანური რესურსი არ გააჩნია. რაც შეეხება საშტატო ნუსხას თანამდებობრივი სარგოს მითითებით, თსუ-მ მიიჩნია, რომ აღნიშნული ინფორმაცია პერსონალურ მონაცემებს შეიცავს. უნდა აღინიშნოს, რომ თსუ-ის წესდების მიხედვით, "უნივერსიტეტი არის საქართველოს კანონმდებლობის საფუძველზე მოქმედი არასამეწარმეო (არაკომერციული) იურიდიული პირი. უნივერსიტეტზე და მის მიერ განხორციელებად საქმიანობაზე ვრცელდება საქართველოს ზოგადი ადმინისტრაციული კოდექსით დადგენილი ინფორმაციის თავისუფლების ნორმები. (14.03.2013 N 39/ნ)"[1]. შესაბამისად, მიუხედავად იმისა, რომ თსუ-მ სხვა უნივერსიტეტებთან ერთად შეიცვალა იურიდიული სტატუსი და საჯარო სამართლის იურიდიული პირის ნაცვლად გახდა არასამეწარმეო (არაკომერციული) იურიდიული პირი, მას საჯარო ინფორმაციის გაცემის ვალდებულების დაცვა კვლავ ევალება", - ნათქვამია IDFI-ს მიერ გავრცელებულ ინფორმაციაში. IDFI იმედს გამოთქვამს, რომ საჯარო ინფორმაციის ხელმისაწვდომობა საქართველოს სახელმწიფო უნივერსიტეტებისთვისაც ერთ-ერთი უმთავრესი ფასეულობა იქნება. "სამწუხაროდ, ამ ეტაპზე ჩვენ შეგვიძლია, აღვნიშნოთ, რომ საჯაროობის ტრადიცია მხოლოდ ნაწილობრივ არის დამკვიდრებული ამ სექტორში. ხოლო, თბილისის ივანე ჯავახიშვილის თბილისის სახელმწიფო უნივერსიტეტი, მიუხედავად წესდებით განსაზღვრული ვალდებულებებისა, ყველაზე გაუმჭვირვალე საჯარო დაწესებულებას წარმოადგენს", - ნათქვამია IDFI-ს მიერ გავრცელებულ ინფორმაციაში. http://pirweli.com.ge/?menuid=23&id=30759 |
| Posted by: bochormeli 20 Apr 2013, 21:24 |
| http://alia.ge/com/news/view/344 რატომ ემალება სანდრო კვიტაშვილი ლექტორებს? 15.04.2013 251 თეა თუთბერიძე რომ უნივერსიტეტის სრული პროფესორია, სერგო რატიანი კი _ პრორექტორი, ეს ჩვენ ნამდვილად აღარ გვიკვირს, მაგრამ იმან, რაც თსუ-ში ხდება, ნამდვილად გააოცა აშშ-ს არაერთ უნივერსიტეტში მოღვაწე ქართველი პროფესორი. მოკლედ, ამბავს თავად ეკონომიკის აკადემიური დოქტორი თამაზ ზუბიაშვილი მოგვიყვება: _ უნივერსიტეტში ვასწავლიდი 2006-2008 წლებში, 2008 წლიდან კი ვმუშაობდი შტატებში და იქ მეკავა პროფესორის თანამდებობა. 2012 წელს ჩამოვედი საქართველოში და აქედან იწყება ეს გაუგებრობა. თსუ-ში ისეთი სიტუაციაა, რომ, თუ სიაში არ ხარ, კონკურსში ვერ გადიხარ, უფრო სწორად, არ გადიხარ. როცა ამას ვინმესგან ვისმენდი, არ მჯეროდა. მერე ვნახე, რომ ეგრეა. _ ვინ ლაპარაკობდა ამაზე? _ ყველა. ყველამ იცის, წინასწარ, კონკურსში ვინ გავა. მე როგორც ქართულად ვკითხულობ საგანს, ასევე სრულფასოვნად ვკითხულობ ინგლისურად და ზუსტად ვიცი, რომ ჩემნაირი სპეციალისტები სჭირდება ჩვენს უნივერსიტეტს, მაგრამ გარეთ ვარ. ამ დროს 8-ჯერ ვარ გამარჯვებული საერთაშორისო კონკურსებში, ამერიკაში ვიმუშავე წლების მანძილზე და იქ ვერ ჩააწყობ, დამიჯერეთ. აქ კი თურმე სხვა მექანიზმი მოქმედებს. თან არ შემიძლია ეს "ჩაწყობა" და ამიტომაც ვრჩები დღემდე მოწვეულ სპეციალისტად, მომცეს საათობრივი დატვირთვა და ვარ ასე. _ წესით, ვისთან ეწყობა საქმე? _ ადმინისტრაციაში. უნივერსიტეტში ხომ გაუთავებელი კონკურსობანაა. მოკლე პერიოდში უკვე სამი კონკურსი ჩატარდა. როგორ ხდება, იცით? ვთქვათ, ერთხელ ვერ გახვედი, არადა, მათთვის მისაღები პიროვნება ხარ, მაშინ ადმინისტრაციაში იმწამსვე "გამოაცხობენ" შენთვის ახალ ადგილს და უცებ შტატში ხარ. თან ყველა კათედრაზე კი არ აცხადებენ კონკურსს, სადაც თვითონ უნდათ, მარტო იქ. მაგალითად, ჩემს საერთაშორისო ეკონომიკის კათედრაზე არ გამოაცხადეს კონკურსი, რადგანაც არ დასჭირდათ. გამოცხადდა ტურიზმზე, რადგანაც იქ უკვე თავისი კაცი ჰყავდათ შეგულებული და ის მიიღეს. სპეციალობით ვარ ეკონომ-გეოგრაფი, სტაჟირება გავიარე ჩემი სპეციალობით დამასკოს უნივერსიტეტში, მერე სამი წელი გავატარე ჯორჯ ვაშინგტონის უნივერსიტეტში, მერე ვიყავი ჯორჯთაუნის უნივერსიტეტში, ჯორჯ მეისონის უნივერსიტეტში, ვასწავლიდი გრენობლის უნივერსიტეტში, ინსბრუკის უნივერსიტეტში, ჩიკაგოს უნივერსიტეტში და რა ვიცი... საერთაშორისო კონფერენციებს მხოლოდ კი არ ვესწრებოდი, მოხსენებით გამოვდიოდი და მეტი რა ვქნა? _ ამ ჩვენს უნივერსიტეტში რატომ არ დასჭირდით არავის? _ რაც აქ ვარ, სულ მაგაზე ვფიქრობ. აქ როგორი დამსახურებაც არ უნდა გქონდეს, ვინც უნდათ, მაინც იმას უყურებენ და შენი პროფესიონალიზმი არ აინტერესებთ. თავს არ ვიქებ, მაგრამ ჩემნაირ პედაგოგს რატომ არ უნდა იღებდნენ? უნივერსიტეტში კონკურსი რომ ჩატარდა, რეკომენდაციას მიწევდნენ მსოფლიოს წამყვანი უნივერსიტეტები და მოსწერეს კვიტაშვილს. ამერიკელი არ გაგიწევს რეკომენდაციას, თუ არ იმსახურებ, მაგრამ არაფერი... _ კომისიაში ვინც იყო, იმათ ჰქონდათ ეს თქვენი მონაცემები? _ რასაკვირველია, არა. კომისიაში შეიყვანეს მაგისტრი, ვინმე ჯეჯელავა, რომელმაც მერე ჩვენთან ჩააბარა სადოქტოროზე და ის როგორ შემარჩევდა მე? ამას ჰქვია დისკრიმინაცია! მე კარგად შევისწავლე ეს კონკურსები და ვხედავ, რომ აქ სრული სუბიექტივიზმია. კომისიის წევრები სულ სხვა სპეციალობების არიან, მომცეს ძალიან არაკომპეტენტური და სულელური კითხვები. გამეცინა. ერთ-ერთი კომისიის თავმჯდომარე იყო მაია მარგველაშვილი, რომელიც ატარებს სრული პროფესორის სახელს და არის პლაგიატი. _ როგორ, პლაგიატი? _ დისერტაცია აქვს გადაწერილი. აგერ კომპიუტერში მაქვს. ამ ქალს მფარველობს რექტორი. ეტყობა, მასთან დაახლოებულია, ან რექტორს ვიღაცამ დაავალა. ეს მარგველაშვილი ამ დროს არის კათედრის გამგე და მე ასოცირებულიც არ ვარ. სულ ცოტა ხნის წინ მაია მარგველაშვილს რექტორმა შეუქმნა ტურიზმის ინსტიტუტი და მისი დირექტორი გახდა. ამავე დროს კვიტაშვილმა მასვე დაავალა საკონკურსო კომისიის თავმჯდომარეობა. ზუსტად ვიცი, რომ არსებობს სია და იმის მიხედვით ხდება ლექტორების დასაქმება. _ ეს ხალხი ვინ არის და როგორ უნდა მოხვდე იმ სიაში? _ არ ვიცი. ხომ ფაქტია, რომ ხადური გარეთ დატოვეს ზაფხულში და როგორც კი მინისტრი გახდა, იმწამსვე დააბრუნეს, სრული პროფესორი გახადეს. ახლა, რა ვქნა, აუცილებელია მინისტრი გავხდე? ერთ პროფესორს ვიცნობ, რომელიც კვიტაშვილის ნათესავი ყოფილა და შემთხვევით გარეთ დატოვეს, მერე გონს მოეგნენ და უცებ ისიც მიიღეს. ანუ, ყველანაირად უნდა შეეცადო ადგილის დაშვებას, თუ ვერ მოახერხე, არ მიგიღებენ. ამისთვის საჭიროა აუცილებელი კავშირები ადმინისტრაციასთან და რექტორთან. მინდოდა კვიტაშვილთან შეხვედრა. თქვენ რა გგონიათ, კვიტაშვილთან ვინმე მიგაღწევინებთ? სანდრო კვიტაშვილს მწარედ ჰყავს გაფრთხილებული მდივანი და მას ახლოსაც ვერ ნახავ, მარტო ის ვიცით, რომ სულ მოგზაურობს და სულ საზღვარგარეთაა. შევედი კანცლერთან, მაგრამ მითხრა, რომ ამ საკითხებში არ არის კომპეტენტური. მერე რექტორთან შევაგზავნე წერილი, მაგრამ არაფერი. ახლა გადავწყვიტე, სასამართლოში შევიტანო. თან ვერც მეუბნებიან, რატომ ვიბლოკები. აპოლიტიკური მეცნიერი ვარ და რა უნდათ? დიდი იმედი მქონდა, ესენი რომ მოვიდოდნენ, რამე შეიცვლებოდა, მაგრამ არაფერი! პირდაპირ, გაოცებული ვარ, რა ვქნა? _ უნივერსიტეტში შიგნით რა ხდება? _ საშინელი დაძაბულობაა ყველა ფაკულტეტზე. სემინარზე მიზის 50 კაცი. იმ სტუდენტებმა რა უნდა ისწავლონ, როცა ხედავენ, რა განუკითხაობაა? აკადემიური თავისუფლება არ არსებობს. ლექტორი ვერ განსაზღვრავს საბოლოო გამოცდის შეფასებას. უნივერსიტეტს აქვს ერთადერთი სილაბუსი და ყველა პროფესორს მხოლოდ ეს აქვს, მე კი ამერიკიდან ჩამოვიტანე მარტო ერთი კათედრის 20 სილაბუსი, სადაც თვითონ შეფასებები განსხვავებულია. სილაბუსში არავინ არ უნდა ერეოდეს, რადგან ეს არის მასწავლებლის სამუშაო გეგმა და ადმინისტრაციას ამაში რა ესაქმება? რაზე მეცინება, იცით? განათლების სამინისტრომ გამოაცხადა, ვინც დაზარალებულები ხართ, განცხადება შემოიტანეთო. შევიტანე და მომდის ამ ცოტა ხნის წინ პასუხი, რომელსაც დავით ზურაბიშვილი აწერს ხელს. იცით, რას მწერს? |
| Posted by: bochormeli 28 Apr 2013, 15:00 |
| ისტორიისთვის: http://www.liberali.ge/ge/liberali/articles/114112/ სოფო აფციაური თბილისის სახელმწიფო უნივერსიტეტში ეკონომიკისა და ბიზნესის ფაკულტეტზე აკადემიური თანამდებობის დასაკავებლად გამოცხადებული კონკურსი 9 თებერვლიდან 22 თებერვლის ჩათვლით მიმდინარეობდა. კონკურსის შედეგების გამოცხადებიდან რამდენიმე დღეში, მასში მონაწილე პროფესორებმა, რომლებმაც კონკურსის ეტაპები ვერ გადალახეს, უნივერსიტეტის რექტორს, ალექსანდრე კვიტაშვილს, განცხადებით მიმართეს. განცხადებაში საუბარია, კომისიის თავმჯდომარისა და მისი წევრების მიერ არაობიექტურ და უსამართლო ქმედებებზე, რის გამოც, პროფესორებმა რექტორს სთხოვეს, რომ აკადემიურ საბჭოს არ დაემტკიცებინა საკონკურსო კომისიის გადაწყვეტილება. „კონკურსში მონაწილე პროფესორები აღშფოთებული ვართ კომისიის თავმჯდომარის, მაია მარგველაშვილის, და კომისიის ზოგიერთი წევრის მიზანდასახული დანაშაულებრივი ქმედებებით. აშკარად გამოხატულია უსამართლობა, მიკერძოებისა და სრული განუკითხაობის ფაქტები“- წერია განცხადებაში და პუნქტობრივადაა ჩამოთვლილი ის პროცედურული დარღვევები, რასაც, პროფესორების აზრით, კონკურსის განმავლობაში ჰქონდა ადგილი. კერძოდ, საუბარია, საკონკურსო კომისიის შემადგენლობაზე, რომელიც, კონკურსის მონაწილეების თქმით, დაკომპლექტებული არ იყო ყველა საკონკურსო პოზიციაზე შესაბამისი დარგის სპეციალისტებით. მაგალითად, საერთაშორისო ბიზნესის კათედრიდან მონაწილეობდა კათედრის გამგე, სრული პროფესორი თეიმურაზ შენგელია და იაშა მესხია, ხოლო მარკეტინგისა და ინფორმატიკის მიმართულებით შესაბამისი დარგის სპეციალისტები არ მონაწილეობდნენ: „მესხია კონკურსანტებს მარკეტინგის, საერთაშორისო ბიზნესის, სტატისტიკის, ინფორმატიკის და სხვა საკონკურსო პოზიციებზეც აფასებდა, რაც უხეშ დარღვევად მიგვაჩნია“, - აღნიშნავენ პროფესორები. თსუ-ს საზოგადოებასთან ურთიერთობის დეპარტამენტის მიერ მოწოდებული ინფორმაციით, კომისია დაკომპლექტებული უნდა იყოს შესაბამისი დარგის სპეციალისტებითა და ექსპერტებით. განცხადებაში ასევე წერია, რომ კომისიის ერთ-ერთი წევრი, მარკეტინგის სრული პროფესორი ნუგზარ თოდუა, თავმჯდომარე მაია მარგველაშვილმა იმის გამო მოხსნა, რომ ის თოდუამ კონკურსანტ ნანა კაციტაძის მიმართ განსაკუთრებულ ლობირებაში დაადანაშაულა. თსუ-ს საზოგადოებასთან ურთიერთობის დეპარტამენტის ხელმძღვანელის მიერ მოწოდებული ინფორმაციით, ნუგზარ თოდუას კონკურსიდან მოხსნა ინტერესთა კონფლიქტის გამო მოხდა, რადგან კონკურსში მისი მეუღლე მონაწილეობდა. გარდა ამისა, პროფესორების განცხადებით, იურისტი ვასილ ბარამიძე, რომელიც პროცედურული დარღვევებისა და არასამართლიანობის აღკვეთის მიზნით მონაწილეობდა კომისიაში, პარალელურად ხმის უფლებითაც სარგებლობდა: „მიგვაჩნია, რომ მის ხმას საკმაოდ „ეფექტიანად“ გამოიყენებდნენ დაინტერესებული კომისიის თავმჯდომარე და ზოგიერთი კომისიის წევრი „სასურველი“ კონკურსანტების მხარდასაჭერად“,- აღნიშნავენ განცხადების ავტორები. პროფესორები ასევე გასაუბრების დროს გამოვლენილ ხარვეზებზეც საუბრობენ, მათი თქმით, მაია მარგველაშვილი, კომისიის წევრი იაშა მესხია და კომისიის მდივანი მათ ბუნდოვან და დაუზუსტებელ შეკითხებს უსვამდნენ. „გასაუბრების დროს მაია მარგველაშვილმა ბოლომდე საუბარიც არ მაცადა, როგორც კი ჩემს სამეცნიერო კონცეფციაზე დავიწყე ლაპარაკი, გამაჩერა და მითხრა, რომ ჩემ მიერ მიტანილი 3 სილაბუსიდან, 2-ში ლიტერატურა ერთმანეთს ემთხვეოდა. არადა, შემიძლია დავამტკიცო, რომ ეს ცრუ ბრალდებაა“, - აღნიშნავს თსუ-ს სრული პროფესორი ლალი ხიხაძე „ლიბერალთან“ საუბრისას. განცხადებაში ასევე საუბარია, რომ ლალი ხიხაძესა და კომისიის წევრს, იაშა მესხიას შორის ინტერესთა კონფლიქტი არსებობდა, რის შესახებაც ხიხაძემ უნივერსიტეტის რექტორს კონკურსის დაწყებისთანავე აცნობა. „იაშა მესხიას მიმართ უამრავი პრეტენზია მქონდა, რის შესახებაც ალექსანდრე კვიტაშვილმა კარგად იცოდა. 2012 წელს რექტორთან შრომითი ვალდებულებების დარღვევაში ვამხილე და, შესაბამისად, ეჭვი მიჩნდება, რომ მესხიას კომისიაში დანიშვნა, ჩემთვის ანგარიშსწორების მიზნით მოხდა“,- ამბობს ლალი ხიხაძე. აღსანიშნავია, რომ კომისიის დაკომპლექტებისას, კომისიის წევრებსა და კონკურსანტებს შორის ინტერესთა კონფლიქტის არსებობა დაუშვებელია. გარდა ამისა, განცხადებაში წერია, რომ შემაჯამებელ ოქმს ხელს არ აწერს კომისიის 2 წევრი: სრული პროფესორი სიმონ გელაშვილი და თემურ შენგელია. საკონკურსო კომისიის მუშაობის წესის 22–ე პუნქტის მიხედვით კი აკადემიური საბჭოს დასამტკიცებლად შემაჯამებელ ოქმს ხელს უნდა აწერდეს კომისიის ყველა წევრი. ალექსანდრე კვიტაშვილმა აღნიშნული განცხადება წაიკითხა, თუმცა კონკურსის შედეგები მაინც დადებითად შეაფასა. „ლიბერალი“ კონკურსში დამარცხებულ რამდენიმე პროფესორს გაესაუბრა. ლამარა ბერიძე თბილისის ეკონომიკურ ურთიერთობათა სახელმწიფო უნივერსიტეტში(თეუსუ) მისი დაარსების დღიდან კათედრის გამგედ მუშაობდა. როდესაც მთავრობის დადგენილებით თეუსუ თბილისის სახელმწიფო უნივერსიტეტს შეუერთდა, ლექტორებს განუცხადეს, რომ ზაფხულში კონკურსი ჩატარდებოდა და მათ საფრთხე არ ემუქრებოდათ. თუმცა, კვიტაშვილის რექტორად დანიშვნის შემდეგ, ლამარა ბერიძეს ასოცირებული პროფესორის სტატუსი შეუწყდა და უნივერსიტეტში ლექციების მხოლოდ რამდენიმე საათი დაუტოვეს. „დავკარგე სტატუსი, საგრძნობლად შემიმცირდა ხელფასი, იქამდე 2000-2500 ლარს ვიღებდი, საათობრივად კი 750 ლარი მქონდა. სწორედ ამიტომ, ჩემი ხელმძღვანელობით, 100-კაციანი ხელმოწერები შევაგროვე, კონკურსის გამოცხადებამდე სტატუსისა და ხელფასის შენარჩუნების მოთხოვნით, თუმცა რექტორის მხრიდან ამას რეაგირება არ მოჰყოლია. მეტიც, მეორე სემესტრიდან გამოგვიცხადეს, რომ ჩვენ მიმართ ვალდებულება მხოლოდ ერთი სემეტრი ჰქონდათ აღებული და საათების მოცემაზეც უარს მეუბნებოდნენ“,- ამბობს ბერიძე, რომელსაც კონფლიქტი ჰქონდა ასევე თსუ-ს ეკონომიკის და ბიზნესის ფაკულტეტის დეკანის მოადგილე გიორგი ღაღანიძესთან. ბერიძე მას საგანმანათლებლო პროგრამის მითვისებაში ადანაშაულებს და პროკურატურაში უჩივის. „დარწმუნებული ვარ, რომ სანდრო კვიტაშვილის დავალებით ისეთი კომისია შეიქმნა, რომ გარანტირებული ყოფილიყო ჩემი დამარცხება. ეს არის დევნა, რექტორისა და ღაღანიძის მხრიდან“- ამბობს ბერიძე და აპირებს, რომ კონკურსის შედეგები პროკურატურაში გაასაჩივროს. შედეგების გასაჩივრებას აპირებს კონკურსის კიდევ ერთი მონაწილე გაგა გაბრიჩიძე, რომელიც კონკურსს პირველივე ეტაპზე გამოეთიშა. „კომისიის მიერ მიღებულ გადაწყვეტილებას პირდაპირ კავშირშია კომისიის წევრ ლევან ალექსიძის ჩემ მიმართ უარყოფითი დამოკიდებულება. მიმაჩნია, რომ გადაწყვეტილება არის თვითნებური ხასიათის და სამართლიანი კონკურენციის პრინციპი არის სრულიად იგნორირებული. კონკურსის შედეგებს აუცილებლად გავასაჩივრებ,“- აღნიშნა „ლიბერალთან“ საუბრისას გაბრიჩიძემ. “ლიბერალმა“ კონკრეტული შეკითხვებით უნივერსიტეტის საზოგადოებასთან ურთიერთობის დეპარტამენტს მიმართა. მაგალითად, ჰქონდა თუ არა იურისტ ვასილ ბარამიძეს ხმის მიცემის უფლება, თუმცა რადგან ალექსანდრე კვიტაშვილი ამ დროისთვის საქართველოში არ იმყოფება, კომისიის ახსნა-განმარტება დეპარტამენტის ხელმძღვანელმა მოგვაწოდა, სადაც აღნიშნულია, რომ ნებისმიერ პროფესორს, რომელსაც კომისიის მუშაობის ობიექტურობაში ეჭვი შეაქვს, შეუძლია სრული დოკუმენტაცია გამოითხოვოს და მიმართოს შესაბამის ინსტანციებს. |
| Posted by: iliax 28 Apr 2013, 15:07 |
| ჩემი ლექტორები მახსენდებიან, სრული ენთუზიასტები, 90-იან წლებში უხელფასოდ მუშაობდნენ, თაობები გაზარდეს და ამ დედა#####ულებმა აგინეს, დარბაზში ჩაკეტეს და ტუალეტშიც არ უშვებდნენ. და ეს ხალხი მოდის და რაღაცაზე ლაპარაკობს, ჩასაქოლები ხართ და რომ არ გქოლავთ ნუ გგონიათ რომ უნდა ილაპარაკოთ, ჩაიჯვით და ხმას ნუ იღებთ საერთოდ, თორემ ამოუვა ვიღაცას ყელში და ჩაგიტარებთ ხოცვა ჟლეტვას ბენზოხერხით. |
| Posted by: lilu-1986 28 Apr 2013, 20:26 |
| ეგ, პრობლემა არის საყოველთაო მთელს საუნივერსიტეტო სივრცეში........ნაცებმა გააკეთეს ის რაც კომუნისტებს ფორმალურად არ დაურღვევიათ......................ყველა უნივერსიტეტში, საქართველოში, მოიყვანეს რექტორებად კუდ-ის და ნაცხროვის ის კონტიგენტი, რომლებიც მონური მორჩილებით იყვნენ გამორჩეული............ეს არის ერთერთი პირველი რიგის პრობლემა, რაც დროულ რეგირებას მოითხოვს!!!!!!!!!!!!!!!!!!!!!!!!!!!!!!!!!!! |
| Posted by: bochormeli 4 May 2013, 10:10 |
| უშიშროების ზეწოლა უნივერსიტეტზე ...ისინი პირდაპირ ჩარევას ცდილობდნენ, ანუ უნდოდათ, ოპოზიციურად განწყობილ ადამიანებს პროფესორის წოდება არ ჰქონოდათ, ხანდახან საქმე ისეთ კომიკურ სიტუაციამდეც მიდოდა, რომ უნივერსიტეტის პროფესორის მიერ გამოქვეყნებული კრიტიკული სტატიის გამო, ჩემთან "სტუმრად" მოდიოდნენ განათლების სამინსიტროსა და უშიშროების სამსახურის თანამშრომლები და მეუბნებოდნენ, რომ ამ ადამიანის ადგილი უნივერსიტეტში არ არისო. ისინი უნივერსიტეტში მოღვაწე 1600 ადამიანის ტოტალურ კონტროლს ითხოვდნენ. იყო შემთხვევები, რომ უშიშროების სამსახურის თანამშრომლები პირდაპირ მოითხოვდნენ ფაკულტეტების დეკანებისა და საერთოდ, უნივერსიტეტის საბჭოს სხდომაზე დასწრებას. მეუბნებოდნენ, რომ უნივერსიტეტი სახელმწიფოსგან ფინანსდებოდა და იქაური პერსონალი ჩვენს კონტროლქვეშ უნდა იყოსო... http://www.kvirispalitra.ge/politic/16931-gia-khubua-qrodesac-shashkins-vkithkhe-ratom-unda-tsavide-methqi-mipasukha-bevri-moithkhovs-shens-thavsoq.html |
| Posted by: 200000 4 May 2013, 10:26 | ||
|
| Posted by: bochormeli 4 May 2013, 10:39 | ||
lilu-1986
გია ხუბუა: "უნივერსიტეტის პროფესორის მიერ გამოქვეყნებული კრიტიკული სტატიის გამო, ჩემთან "სტუმრად" მოდიოდნენ განათლების სამინისტროსა და უშიშროების სამსახურის თანამშრომლები და მეუბნებოდნენ, რომ ამ ადამიანის ადგილი უნივერსიტეტში არ არისო. ისინი უნივერსიტეტში მოღვაწე 1600 ადამიანის ტოტალურ კონტროლს ითხოვდნენ." http://www.kvirispalitra.ge/politic/16931-...ns-thavsoq.html |
| Posted by: bochormeli 8 May 2013, 10:24 |
| https://www.facebook.com/groups/358546210904960/permalink/451580344934879/ თბილისის ეკონომიკურ ურთიერთობათა სახელმწიფო უნივერსიტეტის პროფესორ–მასწავლებელთა მიმართვა განათებისა და მეცნიერების სამინისტროს, სამოქალაქო საზოგადოებას!.. როგორც ცნობილი გახდა დღეს მიმართვას ავრცელებს ილიას სახელმწიფო უნივერსიტეტის და თესეუს რექტორები ბატონები ალექსანდრე კვიტაშვილი და გიგი თევზაძე. მიმართვაში ნათქვამია შემდეგი: "მის აღმატებულებას, საქართველოს პრეზიდენტს, ბ-ნ მიხეილ სააკაშვილს ბატონო პრეზიდენტო, როგორც თქვენთვის ცნობილია, საქართველოს პარლამენტმა 2013 წლის 19 აპრილს მიიღო შემდეგი შესწორება საქართველოს სამოქალაქო კოდექსში: „38.1.არასამეწარმეო (არაკომერციული) იურიდიული პირის სამართლებრივი ფორმის შეცვლა დაუშვებელია, გარდა იმ შემთხვევისა, როდესაც სამართლებრივი ფორმის შეცვლით ის გარდაიქმნება საჯარო სამართლის იურიდიულ პირად; 38.11 . არასამეწარმეო (არაკომერციული) იურიდული პირის გაყოფა (დაყოფა, გამოყოფა), შერწყმა (გაერთიანება, მიერთება) და ლიკვიდაცია ხორციელდება მეწარმე სუბიექტის ლიკვიდაციისათვის/რეორგანიზაციისათვის საქართველოს კანონმდებლობით დადგენილი წესით.“ ეს შესწორება უფლებას აძლევს მთავრობას უხეშად ჩაერიოს არასამეწარმეო (არაკომერციული) იურიდიული პირის ფორმით არსებული უმაღლესი სასწავლებლების - სახელმწიფო უნივერსიტეტების ფუნქციონირებაში და მოახდინოს მათი რეორგანიზაცია უმაღლესი სასწავლებლის მოქმედი სუბიექტების, პროფესორების და სტუდენტების მიერ არჩეული - კოლეგიალური მმართველობითი ორგანოების დაუკითხავად და მათი ნების საწინაამღდეგოდ. ამით უქმდება უნივერსიტეტების ფუძემდებლური პრინციპი - აკადემიური თავისუფლება, რომლის უპირობო წყაროც უნივერსიტეტების თვითმმართველობაა. გარდა ამისა, ეს შესწორება გააადვილებს მთავრობის მიერ ააიპ უმაღლესი სასწავლებლების უძრავი, მოძრავი და ინტელექტუალური საკუთრების მითვისებას: საჯარო სამართლის იურიდიული პირის ქონების სახელმწიფოს ხელში გადასვლა ბევრად უფრო ადვილი და სამართლებრივად ნაკლებად წინაამღდეგობრივი პროცესი შეიძლება გახდეს, ვიდრე ეს კერძო სამართლის სუბიექტი უნივერსიტეტის შემთხვევაშია. ამით დაირღვევა პროფესორების, მკვლევრების და სტუდენტების ერთობის მფლობელობაში მყოფი და მათ მიერ შექმნილი კერძო და ინტელექტუალური საკუთრების ხელშეუხებლობის უფლება. როგორც თქვენთვის ცნობილია, კერძო და ინტელექტუალური საკუთრების ხელშეუხებლობა და თვითმმართველობა უმაღლესი სასწავლებელის წარმატების უპირობო და გარდაუვალი საფუძველია: ყველა არსებული აკადემიური რეიტინგით, მსოფლიოს საუკეთესო უნივერსიტეტები, დამფუძნებლის მიუხედავად, კერძო საკუთრების მფლობელნი და თვითმმართველნი არიან: მათი წარმატება უკავშირდება კერძო და ინტელექტუალური საკუთრების ხელშეუხებლობას და შეუფერხებელი განვითარების უფლებას. ინტელექტუალური და კერძო საკუთრების ხელშეუხებლობის გარეშე შეუძლებელია უნივერსიტეტის სრულყოფილი ფუნქციონირება და შესაბამისად, ქვეყანაში ცოდნაზე და ინოვაციებზე დამყარებული ეკონომიკის გაჩენა. 19 აპრილის შესწორება სპობს იმ საფუძველს, რომელიც საქართველოში ბოლო 9 წლის განმავლობაში ვითარდებოდა უნივერსიტეტებთან მიმართებაში, რამაც გამოიწვია საქართველოს უნივერსიტეტებში სწავლების და კვლევის ხარისხის უპრეცენდენტო ზრდა და შესაბამისად, მათი მნიშნველოვანი წინსვლა საერთაშორისო აკადემიურ რეიტინგში. მეორე მხრივ, ჩვენ არ ვართ წინაამღდეგი, რომ რომელიმე უნივერსიტეტმა გადაწყვიტოს საჯარო სამართლის სუბიექტად გახდომა, სახელმწიფოსთან მჭიდრო ურთიერთობაში შესვლა და ავტონომიურობის დათმობის ხარჯზე კონკრეტული პრივილეგიების მიღება. ვფიქრობთ, რომ ამის საკანონმდებლო დონეზე დაფიქსირება შესაძლებელია, თუმცა, საკანონმდებლო დონეზე ასევე საჭიროა დაფიქსირდეს, რომ ეს პროცესი უნდა განხორცილდეს უნივერსიტეტის ყველა კოლეგიალური მმართველი საბჭოს თანხმობით და სურვილით. ამიტომ, მოგმართავთ თხოვნით, გამოიყენოთ თქვენი კონსტიტუციური უფლება და დაადოთ ვეტო სამოქალაქო კოდექსში ა.წ. 19 აპრილ შეტანილ ცვლილებას. პატივისცემით, ალექსანდრე კვიტაშვილი ივანე ჯავახიშვილის სახელობის თბილისის სახელმწიფო უნივერსიტეტის რექტორი გიგი თევზაძე ილიას სახელმწიფო უნივერსიტეტის რექტორი" გვინდა ამ მიართვის ავტორებს და ფართო საზოგადოებას შევახსენოთ, რომ , 2010 წლის 15 ნოემბერს საქრთველოს მთავრობამ გამოსცა დადგნილება N 346 " საჯარო სამართლის იურიდიული პირის – თბილისის ეკონომიკურ ურთიერთობათა სახელმწიფო უნივერსიტეტის საჯარო სამართლის იურიდიულ პირთან – ივანე ჯავახიშვილის სახელობის თბილისის სახელმწიფო უნივერსიტეტთან მიერთების გზით რეორგანიზაციისა და შპს ,,საქართველოს ეკონომიკისა და სამართლის სასწავლო უნივერსიტეტის“ ლიკვიდაციის წარმოების დაწყების შესახებ". ჩვენი უნივეტსიტეტი ჯავახიშვილისთვის შეერთებინათ, ისე რომ ჩვენ ამ ამბის შესახენ მხოლოდ წინა დღით შევიტყვეთ. ფაქტიურად ჩვენ ფაქტის წინაშე დაგვაყენეს. გარდა ამისა ტელეკომპანია "კავკასიის" ეთერში ამ დადგენილების მიღებამდე 12 დღით ადრე, გავიდა სიუჟეტი ჩვენი უნივერსიტეტის გარშემო განვითარებულ მოვლენებთან დაკავშირებით, სადაც მინისტრმა ასეთი რამ თქვა: უნივერსიტეტი არ იხურება, უბრალოდ ხორციელდება "თეუსუს" მატერიალურ ტექნიკური ბაზის ჯავახიშვილთან მიერთება, რადგან ამ უკანსკნელს ფინანსური პრობლემები ჰქონდაო. შაშკინმა აშკარად იცრუა, რითაც თვალებში ნაცარი შეგვაყარა. განხორციელდა არათუ რეორგანიზაცია, არამედ თეუსუს ლიკვიდაცია, რეორგანიზაციის მანტიაში გახვეული... ჩამოგვართვეს შენობები, წაგვართვეს სტუდენტები, (ამას სტუდენტთა დიდი საპროტესტო აქციები მოჰყვა.) მიითვისეს ჩვენი ინტელექტუალური აქტივობით და ეკონომიით დაგროვილი ქონება, დაგვირღვიეს ხელშეკრულებები, ყოველგვარი ახსნა განმარტების გარეშე დაგვატოვებინეს სამუშაო, რიგი თანამშრომლებისა ღირსადაც არ გახადეს ეცნობებინათ, რომ შეუწყდათ ხელშეკრულება და სამუშაო, ამის შესახებ მხოლოდ მეორე სემესტრის ლექციების დაწყების შემდეგ "მივხვდით"...დაირღვა აბსოლუტურად ყველა პუნქტი, რაც ახლა ასე აღშფოთებთ ზემოხსენებული უნივერსიტეტის რექტორებს... ეს ჩვეული ცინიზმია თუ წყალშემდგარი, სხვისი ჭირის ღობის ჩხირად ამღიარებელთა უკანასკნელი გაბრძოლება?!...სად იყვნენ მაშინ, რატომ არ ეტკინათ გული და აღეძრათ პროტესტისა და მხარდაჭერის გრძნობები?...რატომ არ აღიმაღლეს ხმა უკანონოდ გაუქმებული და ძალმომრეობაზე დაფუძნებული ღირსება აყრილი უნივერსიტეტის, პროფესორ –მასწავლებელთა და სტუდენტთა უფლებების დასაცავად!...იქნებ ახლა მაინც მივიღოთ პასუხი ამ კითხვებზე... პატივისცემით ყოფილი თეუსუელები... |
| Posted by: bochormeli 14 May 2013, 09:29 |
| თსუ-ს სტუდენტები უნივერსიტეტისთვის სტატუსის აღდგენას ითხოვენ ნინო ჟღენტი 2013-05-13 19:01:34 თბილისის სახელმწიფო უნივერსიტეტი იურიდიული ფაკულტეტის სტუდენტთა საინიციატივო ჯგუფი საქართველოს პარლამენტს მიმართავს და უნივერსიტეტისთვის საჯარო სამართლის იურიდიული პირის სტატუსის მინიჭებას ითხოვს. ამის შესახებ განცხადება საინიციატივო ჯგუფის წევრებმა for.ge-ს პრეს-კლუბში გააკეთეს. იურიდიული ფაკულტეტის საინიციატივო ჯგუფის წევრის, თორნიკე ჭეიშვილის განცხადებით, საინიციატივო ჯგუფი ორი თვის განმავლობაში აქტიურად ეწეოდა ხელმოწერების შეგროვებას თბილისის სახელმწიფო უნივერსიტეტისთვის საჯარო სამართლის იურიდიული პირის სტატუსის მისანიჭებლად. თორნიკე ჭეიშვილი ამბობს, რომ შეგროვილია 22 000 ხელმოწერა, საიდანაც 10 000 არის სტუდენტების, ხოლო დანარჩენი ჩვეულებრივი მოქალაქეების ხელმოწერები. „მოგეხსენებათ, გასულ კვირას საქართველოს პრეზიდენტმა ვეტო დაადო სამოქალაქო კოდექსში შესატან ცვლილებებს. ეს ცვლილებები ქმნის იმის საკანონმდებლო საფუძველს, რომ სახელმწიფოს მიერ დაფუძნებულ უმაღლეს საგანმანათლებლო დაწესებულებებს საჯარო სამართლის იურიდიული პირის სტატუსი მიენიჭოთ. აქედან გამომდინარე, ჩვენ მივმართავთ საქართველოს პარლამენტს (როგორც უმრავლესობის, ასევე უმცირესობის წარმომადგენლებს), რომ მოხდეს ვეტოს დაძლევა, რადგან მიგვაჩნია, რომ ამ საკითხთან დაკავშირებით სტუდენტური პოზიცია არის გასაზიარებელი“, - აცხადებს თორნიკე ჭეიშვილი. მისი თქმით, თსუ-ს რექტორისა და აკადემიური საბჭოს პოზიცია სცდება და სრულ წინააღმდეგობაში მოდის სტუდენტების პოზიციასთან. ჭეიშვილი საუბრობს იმ წერილზე, რომლითაც საქართველოს პრეზიდენტს ილიას უნივერსიტეტის რექტორი, გიგი თევზაძე და თსუ-ს რექტორი, ალექსანდრე კვიტაშვილმა მიმართეს და პრეზიდენტის მიერ ვეტოს გამოყენება მოითხოვეს. ამიტომ საინიციატივო ჯგუფის წარმომადგენელი აცხადებს, რომ უნივერსიტეტში და ზოგადად უმაღლეს საგანმანათლებლო დაწესებულებებში სისტემური პრობლემებია, მათ შორის ადმინისტრაციაში, რაც დაუყოვნებლივ მოგვარებას საჭიროებს და სტუდენტები აპირებენ, რომ პროცესების ავანგარდში იყვნენ და სტუდენტების პოზიცია რექტორისა და აკადემიური საბჭოს მხრიდან იქნეს გათვალისწინებული. რექტორთან თუ გქონდათ საუბარი და მას თუ გააცანით თქვენი პოზიცია? - რექტორთან შეხვედრები და საუბრები გვქონდა ზუსტად იმ პერიოდში, როდესაც ხელმოწერების შეგროვებას ვახორციელებდით. ბატონი სანდრო ამის შესახებ ინფორმირებულია, თუმცა აღნიშნული წერილის მომზადება და პრეზიდენტისადმი მიმართვა, ასე ვთქვათ, ავტონომიურ რეჟიმში მოხდა. სხვათაშორის, როდესაც ამ საკითხთან დაკავშირებით პრეს-კონფერენცია გაიმართა, აკადემიური საბჭოს ერთ-ერთმა წევრმა, ბატონმა ზურაბ დავითაშვილმა განაცხადა, რომ უნივერსიტეტს საჯარო სამართლის იურიდიული პირის სტატუსი არ სურს. მაინტერესებს, რაზე დაყრდნობით გააკეთა მან ეს განცხადება მაშინ, როდესაც ხედავთ, რომ წარმოდგენილია თსუ-ს სტუდენტების ათასობით ხელმოწერა და ისინი უნივერსიტეტისთვის საჯარო სამართლის იურიდიული პირის სტატუსის აღდგენას ითხოვენ. რა არის თქვენი არგუმენტი, როდესაც ამ სტატუსის აღდგენას ითხოვთ? - ჩვენ ვფიქრობთ, რომ საჯარო სამართლის იურიდიული პირის სტატუსი უზრუნველყოფს იმას, რომ სახელმწიფომ უნივერსიტეტის წინაშე აიღოს მაქსიმალურად დიდი ვალდებულებები, ვგულისხმობთ როგორც საფინანსო - ეკონომიკურ, ასევე ქონებრივ ვალდებულებებს და ა.შ. ის აბსურდული არგუმენტები, რომლებიც არაკომერციული იურიდიული პირის სასარგებლოდ იყო გაცხადებული, არის ძალიან სუსტი. კერძოდ, თუ ჩვენ ვსაუბრობთ უნივერსიტეტის ავტონომიაზე, მოგახსენებთ, რომ სწორედ არაკომერციულ იურიდიულ პირად გარდაქმნის შემდეგ თსუ დაექვემდებარა რეგენტთა საბჭოს უფლება-მოსილებებს. საბჭო ფაქტობრივად პირდაპირი წესით ნიშნავს ადმინსიტრაციის უფროსს და ეს მდგომარეობა დღემდე შენარჩუნებულია, ამასთანავე რეგენტთა საბჭო ამტკიცებს უნივერსიტეტის ბიუჯეტს, შესაბამისად, ზღუდავს როგორც ადმინისტრაციულ, ასევე ეკონომიკურ ავტონომიას. ამიტომ, ჩვენ ვფიქრობთ, რომ საჯარო სამართლის იურიდიული პირის სტატუსი უნივერსიტეტისთვის აღდგენა (რადგან დაახლოებით ერთი წლის წინ უნივერსიტეტს სწორედ ეს სტატუსი ჰქონდა) სიტუაციის ეტაპობრივად გამოსწორებას დაიწყებს და იქნება ძალიან კარგი საფუძველი იმისათვის, რომ როგორც თსუ-ში, ასევე ზოგადად უმაღლეს სასწავლებლებში გატარდეს რეფორმები, რაც სასიცოცხლოდ მნიშვნელოვანია. თქვენ ახლა სტუდენტთა გარკვეული ჯგუფის პოზიციას გამოხატავთ? - ჩვენ გამოვხატავთ თსუ-ს სტუდენტების პოზიციას, რისი ლეგიტიმაციაც ჩვენ გვაქვს ამ ხელმოწერების საფუძველზე. სხვა უნივერსიტეტების სტუდენტების პოზიცია როგორია ამ საკითხთან დაკავშირებით? - რაც შეეხება სხვა უნივერსიტეტებს, ჩვენ გვქონდა გარკვეული კონსულტაციები ილიას უნივერსიტეტის და სხვა უნივერსიტეტების წარმომადგენლებთან. თავს ვერ დავდებ, რომ ჩვენს პოზიციას აბსოლუტურად ყველა სტუდენტი იზიარებს, მაგრამ მათი დიდი უმეტესობა უმაღლესი სასწავლებლებისთვის საჯარო სამართლის იურიდიული პირის სტატუსის აღდგენას უჭერს მხარს. თქვენი აზრით, უნივერსიტეტის რექტორმა რატომ არ გაითვალისწინა სტუდენტების პოზიცია? - ეს მართლაც ძალიან საინტერესო საკითხია. როგორც მოგახსენეთ, მან იცოდა, რომ ხელმოწერების შეგროვება მიმდინარეობდა. როგორც ჩანს, მის ამ გადაწყვეტილებაში რაღაც ვიწრო მერკანტილური ინტერესი იკვეთება. უნივერსიტეტის ადმინისტრაციისა და რექტორის მხრიდან სასწავლებლის სამართლებრივი სტატუსის ცვლილება აღქმულია, როგორც პირადი საფრთხე, იქიდან გამომდინარე, რომ რეორგანიზაციის პროცესში შესაძლოა გარკვეული საკადრო ცვლილებები განხორციელდეს. ეს არ არის გამორიცხული. თქვენს ყურადღებას ასევე ერთ მნიშვნელოვან საკითხზე გავამახვილებ. ძალიან ხშირად მიმდინარეობს ქონებით აპელირება, თითქოს რადგანაც არაკომერციულ იურიდიულ პირს ეს ქონება საკუთრებაში აქვს გადაცემული, ის არის აბსოლუტურად დამოუკიდებელი და ა.შ. ქონების განკარგვისას უნივერსიტეტი, რომელიც არაკომერციული იურიდიული პირის სტატუსისთ სარგებლობს, უნივერსიტეტი რეგენტთა საბჭოს თანხმობას საჭიროებს, ანუ თუკი არ იქნება რეგენტთა საბჭოს თანხმობა, უნივერსიტეტი ვერანაირ ქონებას ვერ გაასხვისებს. შესაბამისად, ეს არგუმენტიც ჩვენთვის მიუღებელია. უფრო მეტიც, უნივერსიტეტებს არ უნდა უწევდეთ საკუთარი ქონებით ვაჭრობა იმისათვის, რომ ნორმალური სასწავლო პროცესი უზრუნველყონ. ეს პერიოდი ერთხელ და სამუდამოდ უნდა დასრულდეს და ის ნაბჯიები, რომლებიც უმაღლესი სასწავლებლების სრული კომერციალიზაციისაკენ იდგმებოდა, აუცილებლად უნდა შეჩერდეს. არ შეიძლება საქართველოში განათლება კონკრეტულ ბიზნესინტერესებზე დაფუძნებული და დამოკიდებული იყოს. http://www.for.ge/view.php?for_id=23544&cat=3 |
| Posted by: bochormeli 15 May 2013, 21:31 |
| დისკუსია პარლამენტში http://www.youtube.com/watch?v=Nf4_S9RtM4E&feature=youtu.be |
| Posted by: bochormeli 31 May 2013, 00:34 |
| http://www.myvideo.ge/?act=dvr&chan=caucasia&seekTime=30-05-2013%2020:52 ბიძინა უნივერსიტეტზე |
| Posted by: bochormeli 11 Jun 2013, 13:56 |
| http://forum.ge/?f=29&showtopic=34541079 |
| Posted by: bochormeli 12 Jun 2013, 19:04 |
| http://forum.ge/?f=29&showtopic=34541626 http://forum.ge/?act=ST&f=29&t=34541610&view=getnewpost პროკურატურის შეეშინდა |