ახალგაზრდა ქალი, სახელად სარა კონორი აღმოაჩენს რომ მას მისთვის უცნობი უმოწყალო მკვლელი დასდევს მოსაკლავად (არნოლდ შვარცენეგერი როლში) რომელიც ქალაქში ეძებს და კლავს ყველა ქალს ვისაც სარა კონორი ჰქვია. მაგრამ სარასთან მიდის კაილ რისი (მაიკლ ბიენი მის როლში) და უხსნის საქმის ვითარებას: მომავალში ხელოვნური ინტელექტი სახელად „სკაინეტი“ რომელსაც სამხედროები შექმნიან სტრატეგიული მიზნების გადასაწყვეტად, მოულოდნელად თვითმართვადი გახდება და ამის გამო ადამიანები გადაწყვეტენ მის გამორთვას. მაგრამ სკაინეტი, რომლის განკარგულებაშია მძლავრი რობოტები გადაწყვეტს ადამიანებისათვის ომის გამოცხადებას და დაიწყებს ბირთვულ ომს რომელიც საბოლოოდ ადამიანებსა და მანქანებს შორის ომში გადაიზრდება . მაგრამ ადამიანები, რომელთაც ჯონ კონორი ხელმძღვანელობს თანდათანობით იგებენ ომს და სკაინეტი მიმართავს უკანასკნელ საშუალებას-იყენებს დროის მანქანას და წარსულში აგზავნის ტერმინატორს, მძლავრ მკვლელ მანქანს იმისათვის, რომ მოკლას მისი მთავარი მტრის - ჯონ კონორის დედა - სარა კონორი და არ მისცეს საშუალება ჯონ კონორს გამოჩნდეს მომავალში. ჯონ კონორიც თავის მხრივ დედის დასაცავად აგზავნის მის ერთ-ერთ თანამებრძოლს, კაილ რისს.

კაილ რისის მისიაში მთავარი სირთულე იმაში მსგომარეობს რომ მას ბრძოლა უხდება მეტად მძლავრი მანქანის წინააღმდეგ რომლის განადგურება საკმაოდ ძნელია. რადგან დროში მოგზაურობა საშუალებას არ იძლევა რაიმე იარაღის წამოღების საშუალებას მომავლიდან, რისი ჩამოდის შიშველი და უაირაღო, ხოლო 80-იანი წლების ცეცხლსასროლი იარაღი ნაკლებად ეფექტურია ტერმინატორის წინააღმდეგ. ამას გარდა ტერმინატორი დაფარულია ცოცხალი ტყავით რაც ძალიან აძნელებს მის გარჩევას ადამიანებისგან. ეს თითქმის შეუძლებელს ხდის 80-იან წლებში რომ ვინმე დაარწმუნო მტერი არსებითად ძალიან განვითარებული მანქანაა.

ტერმინატორი 1984 წელში ჩამოსვლისთანავე სწრაფად შოულობს ტანისამოსს და იარაღის არსენალს და საქმეს შეუდგება. ის კლავს პირველ ორ სარა კონორს რომელთა მისამართებს ტელეფონის წიგნში აღმოაჩენს. სარას სახლში მისვლისას ტერმინატორი სარას ორ მეგობარსაც კლავს. იგი შემდგომ აღმოაჩენს რომ სარა ღამის კლუბ Tech Noir -ში იმყოფება სადაც იგი პოლიციას ელოდება. ტერმინატორი სწრაფად გაეშურება ამ კლუბში და ცდილობს სარას მოკვლას მაგრამ კაილ რისი მას გზაზე ეღობება. ხანმოკლე სროლის და დევნის შემდეგ ტერმინატორი ძალით იტაცებს პოლიციის მანქანას და დაედევნება გაქცეულებს.

მანქანების სადგომში მალვისას რისი დაწვრილებით უხსნის სარას საქმის არსს. მაგრამ ტერმინატორი სწრაფად მიაგნებს მათ და ქალაქის ქუჩებში დევნა-სროლის შემდეგ ტერმინატორის მანქანა დაიმტვრევა, ხოლო სარას და რისს პოლიცია აკავებს. პოლიციის განყოფილებაში სარა ლეიტენანტ ტრაქსლერის და სერჟანტ ვუკოვიჩის მზრუნველობის ქვეშაა, ხოლო რისის დაკითხვას აწარმოებს კრიმინალური ფსიქოლოგი დოქტორი სილბერმანი, რომელიც ასკვნის რომ რისის "ჰალუცინაციები" საოცრად ჩახლართულია და ისეთნაირადაა მოწყობილი რომ დამამტკიცებელი საბუთები არ სჭირდება და რომ რისის "ჰალუცინაციებზე" კარიერის გაკეთებაც კი შეიძლება. ამასობაში ტერმინატორი დაკავებულია სროლის დროს დაზიანებული ნაწილების-მარჯვენა ხელის და თვალის შეკეთებით და ამის შემდეგ მიაშურებს პოლიციის განყოფილებას.

ტერმინატორი მიდის პოლიციის განყოფილებში და კითხულობს სარას, ასაღებს რა თავს მის მეგობრად. მორიგისგან პასუხის მიღების შემდეგ რომ სარას ნახვა ახლა არ შეიძლება, ტერმინატორი ამბობს "მე დავბრუნდები" ( "I'll be back") რომელიც ძალიან ცნობილი ფრაზა გახდა შემდეგში. ტერმინატორი სწრაფად ტოვებს პოლიციის შენობას მაგრამ ერთი წუთის მერე მის კარებს შეანგრევს მანქანით და მორიგეს გაჭყლიტავს. ტერმინატორი გადმოდის მანქანიდან და იწყებს პოლიციელების განადგურებას. ამასობაში რისი ახერხებს მისი კამერიდან გაქცევას და სარასთან მისვლას სანამ მას ტერმინატორი მიაგნებდეს და ორივენი გაქცევით შველიან თავს.

სანამ ორივენი იმალებიან ერთ-ერთ მიყრუებულ ადგილას ქალაქგარეთ, ფილმში ჩვენ ვხედავთ რისის წარსულს (ანუ 1984წლისათვის-მომავალს) მოგონებების სახით. ამ, ბირთვული ომის შემდეგ სამყაროში, ერთ მომენტში ჩანს სარას ფოტოსურათი რომელიც რისს ჰქონდა. ეს ფოტოსურათი მოგვიანებით დაიწვება ტერმინატორების შეტევის შედეგად.

მეორე დღეს სარა და რისი სასტუმროში პოულობენ თავშესაფარს სადაც რისი ამზადებს თვითნაკეთ ყუმბარებს, ამ დროს სარა მასთან სასიყვარულო ურთიერთობას გააბამს. მოგვიანებით ტერმინატორი მიაგნებს მათ და მისდევს მოტოციკლეტით ქალაქის ქუჩებში სადაც ახერხებს დაჭრას რისი. სარა ახერხებს გადმოაგდოს ტერმინატორი მოტოციკლეტიდან მაგრამ ამასობაში მისი მანქანაც ამოყირავდება. ტერმინატორი ხელში ჩაიგდებს სატვირთო მანქანა-ტანკერს და მისი საშუალებით მისდევს ორივეს. მძიმედ დაჭრილი რისი ახერხებს ტანკერის აფეთქებას მისი თვითნაკეთი ყუმბარით. ტერმინატორი იწვება აფეთქების შედეგად.

სანამ სარა და რისი ფიქრობენ რომ ტერმინატორი განადგურებულია, მისი ლითონის ჩონჩხი (უკვე ტყავის გარეშე რომელიც მას გარედან ეკვროდა და რომელიც დაიწვა აფეთქების შედეგად) წამოიმართება ცეცხლიდან და კვლავ მისდევს მათ ქარხანაში. რისი ახერხებს ბოლო თვითნაკეთი ყუმბარის მეშვეობით ტერმინატორის აფეთქებას მაგრამ თვითონაც იღუპება ამ დროს. სანამ სარა რწმუნდება რომ რისი მკვდარია, ტერმინატორის ზედა ნაწილი რომელიც ჯერ კიდევ ფუნქციონირებს მისდევს სარას, მაგრამ სარა ბოლოსდაბოლოს ახერხებს მის გაჭყლეტვას ჰიდრავლიკურ წნეხში.

ფილმის ბოლოში ჩანს ორსული სარა რომელიც მექსიკაში მოგზაურობს. იგი მაგნიტოფონზე იწერს თავის აზრებს რომელთაც იგი აპირებს რომ მოუყვეს თავის შვილს (სწორედ იგია ჯონ კონორი) მისი მომავალი ცხოვრების შესახებ. სარას მონოლოგიდან ჩანს რომ სწორედ კაილ რისია სარას ბავშვის მამა. სანამ სარას მანქანა ივსება ბენზინით, პატარა მექსიკელი ყმაწვილი სურათს გადაუღებს მას მოულოდნელად და სთხოვს რომ იყიდოს იგი ხუთ დოლარად. ფილმიდან ჩანს რომ ეს სწორედ ის სურათია რომელიც რისს ჰქონდა ნანახი მომავალში. შემდეგ ყმაწვილი ამბბობს რომ ქარიშხალი ახლოვდება რაზეც სარა ამბობს "ვიცი" და დაძრავს მანქანას.

ათი წლის შემდეგ რას სარა კონორმა გაანადგურა ტერმინატორი რომელსაც სარას მოკვლა ჰქონდა დავალებული, ორი ახალი ტერმინატორი ჩამოდის ლონ-ანჯელესში 2029 წლის შემდეგდროინდელი მომავლიდან. ამათგან პირველი არის T-800 მოდელი 101 (არნოლდ შვარცენეგერი მის როლში) - ისეთივე კიბორგი როგორიც ადრე სარას მოსაკლავად იყო გამოგზავნილი, ხოლო მეორე T-1000 (რობერტ პატრიკი).

ჯონ კონორი (ედუარდ ფურლონგი მის როლში) ცხოვრობს მის მეურვეებთან. ის ადრე იზრდებოდა დედამისთან, სარა კონორთან ერთად რომელიც მას ეუბნებოდა რომ ჯონი ოდესმე ადამიანთა ლიდერი გახდებოდა და მათ გაუძღვებოდა მანქანების წინააღმდეგ საბრძოლველად. სარას შეხვედრამ ტერმინატორთან და რისთან იგი მკვეთრად შეცვალა. იგი უკვე აღარ არის ის სუსტი და ჩვეულებრივი ქალი, არამედ გახდა უფრო გამძლე და მტკიცე რომელმაც იცის თუ რა უნდა მოხდეს მომავალში და ამის გამო განუწყვეტლივ ტანჯავს კოშმარები. მისი პიროვნების ამგავრი ცვლილება და მისი საქციელი აფიქრებინებს მის გარშემო მყოფთ და მათ შორის მის შვილს — ჯონს რომ სარა იგი არანორმალურია. საბოლოო ჯამში სარა ხვდება პესკადეროს ფსიქიატრიულ საავადმყოფოში.

ამასობაში ორივე ტერმინატორი ჯონს ეძებს. ამათგან ერთ-ერთი, T-800 რომელიც ადამიანებმა მომავალში დაიჭირეს და გადააპროგრამეს, ჯონის დასაცავადაა გამოგზავნილი მაშინ როცა მეორე ტერმინატორი-T-1000, ბევრად გაუმჯობესებული — ჯონის გასანადგურებლად არის გამოგზავნილი „სკაინეტის“ მიერ. ეს უკანასკნელი, T-1000 თხევადი ლითონებისგან არის დამზადებული და სურვილისამებრ შეუძლია ფორმის შეცვლა და ნებისმიერი საგნისადმი (რთული მანქანების გარდა) და სხვა ადამიანებისადმი დამსგავსება.

Edward Furlong aka John Connor ამ ნაწილში არ აჩვენეს. არადა ოფიციალურად უნდა ყოფილიყო ფილმში

ვერ მოვითმინე და ვუყურე მაინც, როგორც ვტქვი მე-5 ნაწილის ნაირი ლეღვობა არ იქნებოდა, მაგრამ კემერონმა როგორ დაუშვა ამის გადაღება? ფენიმისტური რიმეკი მეტი არაფერი. ძლიერი ქალი კიბორგი, პროფესიანალი ტერმინატორებზე მონადირე დეიდა სარა და კაცობრიობის ახალი გადამრჩენელი ლათინო ამერიკელი მუშა ქალი კაცები ბოროტები და საზარბაზნჰე ხორცები არიან. ის ახალი ტერმინატორიც (კოლუმბიელ მებაღეს რომ გავს) იმენა რამდენი ამ ქალებს დაეწევა ლამაზად აფეთქებენ და ყველაფერი თავიდან იწყება. მოკლედ ჩემგან 4/10 ისე კი დარწმუნებული ვარ როტენის კრიტიკოსები გააღმერთებენ და კარგ ქულებს დაუწერენ