დათიკო
Taba
კიდევ ერთხელ ვცადე, შემეჯამებინა არსებული სიტუაცია, განსაკუთრებით კი _ ის მომენტი თუ რა დროს ხდება დასჯა განყოფილებაში.
ცვლილებებზე და შერბილებაზე შეგვიძლია ერთად ვიმსჯელოთ, თუ საჭიროდ ჩავთვლით.
ამოღებულია წინა ვერსიასთან შედარებით ერთ-ერთი პუნქტი, რომელიც არააუცილებლად ჩავთვალეთ მსჯელობებში.
კერძოდ კი:
"2.გ.2. განყოფილებაში იკრძალება ე.წ. ირიბი შეურაცხყოფები, როდესაც ესა თუ ის მონაწილე აცხადებს რომ ამა თუ იმ მონაწილის ნათქვამი არის "სისულელე", "სიბნელე", "უვიცობა" და ა.შ., სინამდვილეში კი მსგავსი მიმართვით ის შეურაცხყოფს ადრესატს."
ორივემ გამოთქვით აზრი, რომ ეს პუნქტი ზედმეტი იყო.
გადავანაცვლე თავები ისე, რომ მე-4 თავი გამოსულიყო აკრძალვები.
შევცვალე ტერმინი "ავტორიტეტი" "სიმბოლიკით".
დავუმატე განმარტებები შეურაცხყოფასთან და შებღალვასთან დაკავშირებით.
რელიგია-ფილოსოფიის განყოფილების წესები
ვერსია 13.10.08
პრეამბულა
რელიგიისა და ფილოსოფიის განყოფილება წარმოადგენს გახსნილი და სეკულარული ურთიერთობების ადგილს, სადაც ადამიანებს ეძლევათ საშუალება, გამოხატონ და გაუზიარონ სხვა ადამიანებს საკუთარი აზრები, განყოფილების პროფილთან შესაბამისობაში.
გამოდის რა ასპარეზზე "სხვა", იბადება ეთიკა, რომელიც განყოფილების განსაკუთრებული თემატიკის გამო, აქტიურად არის დაკავშირებული მონაწილეთა ფაქიზ ან სარწმუნოებრივ ემოციებთან. ამის გათვალისწინებით, მოდერატორი ცდილობს არა მხოლოდ დაიცვას წესები, არამედ მოახერხოს ცივილური გარემოს ჩამოყალიბება, სადაც არავინ იქნება შეურაცხყოფილი.
შესაბამისად, აუცილებელი ხდება „თამაშის წესების“ დაწესება.
განყოფილება მიესალმება თავის მონაწილედ ყველა პირს, განურჩევლად მისი ინდივიდუალიზმისა, რომელიც მზად არის დაიცვას წესები და პატივი სცეს განსხვავებულ აზრს.
საქართველოს კონსტიტუციის მე-19 და 24-ე მუხლების, ადამიანის უფლებათა და თავისუფლებათა საყოველთაო დეკლარაციის მე-18 მუხლის, თბილისის ფორუმის საერთო წესების, განყოფილებაში არსებული ადრინდელი წესების (აჩრდილისა და დათიკოს ავტორობით), ასევე ფორუმის თანამედროვე პრაქტიკისა და იუზერებთან კონსულტაციების საფუძველზე, რელიგია-ფილოსოფიის განყოფილების მოდერატორები ვადგენთ განყოფილების შემდეგ წესებს (ძალაში შედის სამივე მოდერატორის მიერ მოწონების შემდეგ):
თავი 1. ზოგადი ნაწილი
1.1. წინამდებარე წესები არეგულირებს „რელიგია და ფილოსოფიის“ განყოფილების მონაწილეთა და მოდერატორთა ქცევის და მათი ურთიერთობის წესებს;
1.2. მოცემულ წესებში გამოყენებული ტერმინოლოგია, სადაც ეს შესაძლებელი იყო, ზუსტ თანხვედრაში იმყოფება საერთო წესებთან, სადაც დასაწყისშივე მოცემულია ძირითადი ტერმინების განმარტება.
1.3. ფორუმის მონაწილე, რომელიც პოსტავს თბილისის ფორუმის „რელიგია და ფილოსოფიის“ განყოფილებაში, ავტომატურად ითვლება ფორუმის საერთო წესების გარდა განყოფილების ამ წესების სუბიექტადაც;
1.4. მოდერატორებთან სადავო საკითხების გადასაწყვეტად ფორუმის მონაწილეს შეუძლია გამოიყენოს მოცემული განყოფილების თემა „მიმართეთ მოდერატორებს“, ასევე ქვეგანყოფილება „პირადი თემები“, რომლის მისამართია განყოფილება „ფორუმის შესახებ“.
თავი 2. მოდერატორთა ვალდებულებები და პასუხისმგებლობა
ა) მოდერატორი ვალდებულია (დროითი ვადები და დედლაინები ფიქსირებული არაა, იგულისხმება გონივრული ვადები შესაძლებლობის ფარგლებში):
2.ა.1. წესები გაავრცელოს ყველა წევრზე თანაბრად, მიუხედავად პოლიტიკური მრწამსისა და რელიგიური, ფილოსოფიური რასობრივი თუ ეთნიკური კუთვნილებისა;
2.ა.2. დაიცვას ფორუმის საერთო წესები და განყოფილების მოცემული წესები, გამოავლინოს ამავე წესების დამრღვევი მონაწილეები და მოახდინოს შესაბამისი რეაგირება;
2.ა.3. გამოავლინოს ფორუმის ის მონაწილეები, რომლებმაც საინტერესო ინიციატივებით ხელი შეუწყეს მოდერაციას და წაახალისოს ისინი.
2.ა.4. გააერთიანოს ერთსა და იმავე საკითხზე გახსნილი თემები;
2.ა.5. ჩაასწოროს თემის სათაური თუ ის შეიცავს უცენზურო ან შეურაცხმყოფელ სიტყვებს ან თუ სათაური არ შეესაბამება თემის შინაარსს;
2.ა.6. ზოგიერთი სადავო შემთხვევა, რომლის განსჯა შესაძლებელია განყოფილების ფარგლებში, განსაჯოს მონაწილეებთან შეთანხმებით, სხვა მოდერატორებთან ერთობლივი მსჯელობით და კენჭისყრით. მოდერატორთა კენტი რიცხვი იძლევა იმის საშუალებას, რომ ყველა საკითხზე მიღებული იქნას კონკრეტული ბინარული გადაწყვეტილება.
ბ) მოდერატორის პასუხისმგებლობა:
2.ბ.1. თუ მეორე თავში აღწერილი აკრძალვები დაარღვია თვით მოდერატორმა ან თუ განახორციელა არასწორი მოდერირება, მიიღოს მონაწილეობა მოდერატორთა ერთობლივ მსჯელობაში და დაექვემდებაროს ყველა სასჯელს (გაფრთხილება, პოსტის წაშლა, გახსნილი თემის დახურვა), გარდა ვორნისა და ბანისა.
2.ბ.2. თვით მოდერატორის მიერ განხორციელებული მრავალჯერადი უხეში დარღვევების ან მრავალჯერადი არასწორი მოდერირების შემთხვევაში, ანდა თუ ხანგრძლივი პერიოდის განმავლობაში იგი არ ან ვერ ასრულებს თავის მოვალეობებს, დადგეს მისი დაკავებული თანამდებობიდან გათავისუფლების და ახალი მოდერატორის დანიშვნის საკითხი.
2.ბ.3. იგივე საკითხი, მოდერატორის გათავისუფლების შესახებ, შეიძლება დადგეს იმ შემთხვევაში, თუ დადასტურდება, რომ მოდერატორი ბოროტად იყენებს თავის ფორუმულ პრივილეგიებს და რეალურ ცხოვრებაში ცდილობს მათ გადატანას, იქცევა საზოგადოების წესრიგთან და მორალთან შეუსაბამოდ.
თავი 3. წახალისება
3.1. მონაწილეს, რომელიც მოდერაციას ეხმარება განყოფილების აკადემიური ნაწილის განვითარებით, დამრღვევთა გამოვლინებით, ქართული ენის სიწმინდის დაცვით და სხვა ქველპოსტინგით, მოდერაცია გამოუცხადებს ქებას (პმ-ში ან საჯაროდ, როგორც ამას მოდერაცია გადაწყვეტს), იგივე საკითხი შეიძლება მხედველობაში იქნას მიღებული სასჯელის შემსუბუქების განხილვის დროს. მსგავს მონაწილეს დარღვევის შემთხვევაში გამონაკლისის სახით მოდერატორმა შეიძლება მისცეს ერთზე მეტი გაფრთხილება დასჯამდე და დაურთოს დამანამუსებელი ტიპის განმარტებაც.
3.2. თუ განყოფილებას დასჭირდება ახალი მოდერატორი, წასახალისებელ საქმიანობას და სუფთა ვორნოლოგს ჩავუთვლით უპირატესობაში.
თავი 4. აკრძალვები
მოცემული თავის პარაგრაფები ნუმერირებულია ისე, რომ თანხვედრაში იყოს ფორუმის საერთო წესებთან.
4.2.1. თემის შექმნა იმ საკითხზე, რომელიც უკვე განხილული იყო ფორუმზე.
4.2.2. თემის შექმნა კითხვით, რომელზეც პასუხი მოინახება FAQ-ში.
4.2.3. თემის შექმნა კითხვით, რომელზეც პასუხის მონახვა ძალიან ადვილია სხვადასხვა საძიებო პორტალების მეშვეობით.
4.2.4. თემის შექმნა თემატურად შეუსაბამო ფორუმში.
4.2.5. თემის შექმნა რამდენიმე ფორუმში.
4.2.6. თემის შექმნა სტატისტიკური მონაცემების შეგროვების მიზნით (non-poll თემები).
4.2.7.1. თემის შექმნა სათაურში დიდი ასოების (UPPERCASE) გამოყენებით.
4.2.7.2. თემის შექმნა სათაურის მორთვით.
4.2.7.3. თემის შექმნა სათაურში პასუხის სწრაფად მიღების საჭიროების ხაზგასმით.
4.2.7.4. თემის შექმნა სათაურში ჟარგონების ხმარებით.
4.2.7.5. თემის შექმნა სათაურში მართლწერის შეცდომებით.
4.2.8. თემის შექმნა ნაკლებად ინფორმატიული სათაურით.
4.2.9. თემის შექმნა პირადი განხილვებისთვის.
4.3.1. საქართველოს მოქმედი კანონმდებლობის დარღვევა.
4.3.1.1. ეროვნული, რასობრივი ან რელიგიური შუღლის გაღვივება.
4.3.1.2. ეროვნული თავმოყვარეობის შელახვა.
4.3.1.3. მოქალაქეების უპირატესობის ან არასრულფასოვნების პროპაგანდა.
4.3.1.4. მისთვის ცნობილი ცრუ ინფორმაციის მიზანმიმართული გამოქვეყნება.
4.3.1.5. არაკანონონიერი ობიექტების შეძენის, გავრცელების, მოხმარების გზების განხილვა.
4.3.1.6. პორნოგრაფიული ბმულების ძებნა, დადება, განხილვა.
4.3.1.7. ტექნიკური საშუალებების მწყობრიდან გამოყვანის გზების გარჩევა.
4.3.1.8. კონფიდენციალური ინფორმაციის გავრცელება.
4.3.1.9. ნარკოტიკული, ფსიქოტროპული ნივთიერებების პროპაგანდა, განხილვა.
4.3.2.1. დავაში არასამართლიანი მეთოდების გამოყენება: საკუთარი გზავნილების დამალვა.
4.3.2.2. დავაში არასამართლიანი მეთოდების გამოყენება: სოფისტიკა, დემაგოგია და ა.შ.
4.3.3.1. პროვოკაციული ქმედებები: პირდაპირი პროვოკაცია
4.3.3.2. პროვოკაციული ქმედებები: ირიბი პროვოკაცია.
4.3.4. სარეკლამო ხასიათის შემცველი გზავნილი ან თემა.
4.3.5.1. კომერციული ხასიათის განცხადება.
4.3.5.2. ინფორმაციული ხასიათის განცხადება (დაკოპირება ყოველგვარი განხილვის გარეშე).
4.3.5.3 განცხადება ყიდვის, გაყიდვის ან გაცვლის თაობაზე; ძებნა, მომსახურების შეთავაზება (გარდა ფორუმისა).
4.3.6.1. უტაქტო ან შეურაცხმყოფელი გამონათქვამები.
4.3.6.2. უცენზურო ლექსიკა.
4.3.6.3. ანტიმატისათვის (უცენზურო სიტყვების ფილტრის) გვერდის ავლა.
4.3.6.4. თავხედური გამოხტომები ან თავდასხმები.
4.3.6.5. მონაწილის ნიკნეიმის მიზანმიმართული დამახინჯება მისი დამცირების მიზნით.
4.3.6.6. ჟარგონული, არაკორექტულად დაწერილი გამონათქვამები ნეგატიური ელფერით.
4.3.6.7. უხამსი, თავხედური, უტაქტო, უცენზურო, შეურაცხმყოფელი გამონათქვამების ციტირება.
4.3.7. დისკუსიის თემიდან გადახვევა (ოფტოპიკი).
4.3.8.1. ფლეიმი: ფანატიზმი, Holy Wars-ში მონაწილეობა.
4.3.8.2. ფლეიმი: დავების დაყვანა თანამოსაუბრის პირად შეურაცხყოფამდე.
4.3.8.3. ფლეიმი: სიტყვიერ ომებში მონაწილეობა.
4.3.8.4. ფლეიმი: სამასხარაო პასუხი სერიოზული შინაარსის თემაში.
4.3.9. უაზრო, უშინაარსო გზავნილი (ფლუდი).
4.3.10. ღრმად პირადული მიმოწერა.
4.3.11. მოდერების მიერ აკრძალული თემის განხილვის გაგრძელება.
4.3.12. გზავნილში მისალმება ან ხელმოწერები.
4.3.13.1. ორთოგრაფიული შეცდომებით მიზანმიმართულად, ბოროტად სარგებლობა.
4.3.13.2. გრამატიკული, სინტაქსური შეცდომებით ბოროტად სარგებლობა.
4.3.13.3. პუნქტუაციური შეცდომებით ბოროტად სარგებლობა.
4.3.13.4. გრამატიკული შეცდომებით ნაწერი(მიზანმიმართული) ან დამახინჯებული ენით დაწერილი.
4.3.13.5. დიდი და პატარა ასოების არევა.
4.3.13.6. ჟარგონული სიტყვების ან ტრანსლიტერაციის დიდი ოდენობით გამოყენება.
4.3.13.7. ტრანსლიტი.
4.5. ურთიერთობისთვის უცხო ენის გამოყენება.
4.6. ერთი შეტყობინების დატოვება განსხვავებულ თემებში (კროსს-პოსტინგი).
4.7. წესების დამრღვევ გზავნილზე გამოპასუხება.
4.8. თვითნებური მოდერირება.
4.9. ჩეთი.
4.10. საკუთარი თემის 'ამოწევა'.
4.12.1. გრაფიკული სმაილაკების დიდი რაოდენობით გამოყენება.
4.12.2. დიდი ზომის სურათის დადება.
4.12.3. სპეციალური ტეგებით ბოროტად სარგებლობა.
4.12.4. ჭარბი ციტირება (ოვერქვოთინგი).
4.13. შეტყობინების გაფორმების არასტანდარტული სტილი.
4.15. კონფერენციის ადმინისტრაციისა და მისი ქმედებების საჯარო განხილვა.
4#ა თანაფორუმელის შეურაცხყოფა.
4#ბ ჰომოფობია, ადამიანის დამცირება/შეურაცხყოფა მისი ორიენტაციის გამო.
4#გ hate speech (სიძულვილით სავსე გზავნილი ადამიანის ეროვნების, რელიგიის თუ მგომარეობის გამო).
4#დ თანაფორუმელის პირადი ინფორმაციის (სახელის გვარის, საცხოვრებელი ადგილის) ღიად გამოქვეყნება.
4#ე სხვისი ფოტოსურათის გამოქვეყნება ნებართვის გარეშე.
4#ვ რასიზმი ანდა ანტისემიტიზმი.
აქედან განყოფილების თემატიკასთან პირდაპირ კავშირშია შემდეგი:
„4.3.1.1. ეროვნული, რასობრივი ან რელიგიური შუღლის გაღვივება.
„4.3.8.1. ფლეიმი: ფანატიზმი, Holy Wars-ში მონაწილეობა.
„4#გ hate speech (სიძულვილით სავსე გზავნილი ადამიანის ეროვნების, რელიგიის თუ მგომარეობის გამო).“
ეს აკრძალვები შევსებული და დამატებულია განყოფილებაში შემდეგი სახით:
ა. ჯგუფური შეურაცხყოფის, სიძულვილის ან აგრესიის შინაარსის მქონე პოსტების ან თემების აკრძალვები.
4.ა.1. იკრძალება რომელიმე რელიგიური ან ფილოსოფიური ჯგუფის ან მიმდინარეობის მიმართ უკიდურესი ნეგატივიზმით გამსჭვალული განცხადებები, მაგალითად, მათი გამოცხადება ერესად, მათი ჩათვლა ჯადოქრებად ან ბოროტების მსახურებად, მუქარა ჯოჯოხეთით და სხვა სახის სამუდამო ანგარიშსწორებით. მოდერაციის რეაქცია იქნება მსგავსი პოსტის წაშლა, შესაბამისი სათაურის მქონე თემის დახურვა და ავტორის დასჯა*.
4.ა.2. რელიგიური ან იდეოლოგიური ნიშნით გამოკვეთილი შეურაცხყოფა** შეფასდება, როგორც ფორუმის წესების დარღვევა, მიუხედავად იმისა თუ ვისი მისამართითაა გამოთქმული. ამგვარი პოსტი წაიშლება ან ჩასწორდება, ამგვარი სათაურის მქონე თემა დაიხურება, ხოლო დამრღვევი დაისჯება.
4.ა.3. დაუშვებელია ნებისმიერი რელიგიური ან ფილოსოფიური ჯგუფის მიმართ დამცინავი, კნინობითი ან შეურაცხმყოფელი ტერმინების (მაგ., პაპისტის, პრავოსლავნიკის ან მათი სხვა ვარიაციების) გამოყენება. მსგავსი ტერმინების შემცველი პოსტი წაიშლება, მსგავსი სათაურის მქონე თემა დაიხურება, ავტორი კი _ დაისჯება.
ბ. რელიგიურ-ფილოსოფიური სიმბოლიკის*** შეურაცხყოფის (შებღალვის)**** შინაარსის მქონე პოსტების ან თემების აკრძალვები
4.ბ.1. ფორუმის მონაწილეთ მართებთ ტაქტისა და ზომიერების დაცვა, როდესაც საუბარი ეხება იმ ობიექტებს, რაც სხვა ჯგუფისთვის სიწმინდეს ან სიმბოლიკას წარმოადგენს. მათზე საუბარი არგუმენტების და ფაქტების გარეშე, მხოლოდ მათი შებღალვა-შეურაცხყოფის მიზნით, წარმოადგენს განყოფილების წესების დარღვევას და დაისჯება სწორედ ისევე, როგორც ჯგუფური ან პიროვნული შეურაცხყოფის შემცველი პოსტინგი. მეტი ინფორმაციისათვის, იხილეთ თანდართული განმარტებები.
გ. პიროვნული შეურაცხყოფის შინაარსის მქონე პოსტების ან თემების აკრძალვები
4.გ.1. იკრძალება ფორუმის მონაწილის ან ნებისმიერი სხვა პირის შეურაცხყოფა ნებისმიერ ნიადაგზე (მათ შორის, თვითშეურაცხყოფაც).
4.გ.2. იკრძალება ნებისმიერი საჯარო ან სასულიერო პირის შეურაცხყოფა და არგუმენტებსა და ფაქტებს მოკლებული ისეთი მტკიცებულებითი განცხადებები*****, რომლებიც შეურაცხყოფენ ამ პირის ღირსებას და პატივს.
დ. სხვა აკრძალვები
4.დ.1. იკრძალება ფიზიკური ანგარიშსწორების მუქარის შემცველი განცხადებები, იქნება ეს ფორუმელის მიმართ მუქარა თუ სხვა ნებისმიერი პირის ან პირების მიმართ. იკრძალება თვითმკვლელობით ან თვითდაზიანებით დამუქრება. იკრძალება ფორუმის კონფლიქტის გადატანა რეალურ ცხოვრებაში, მსგავსი დარღვევის დადასტურების შემთხვევაში შესაბამისი მონაწილეები დაისჯებიან პირდაპირ სამუდამო ან IP-ბანით.
4.დ.2. იკრძალება ისეთი სახის დეზინფორმაციის გავრცელება კონკრეტული თარიღების მითითებით, რომელშიც საუბარია ომზე ან ბუნებრივ კატაკლიზმებზე, სამყაროს დასასრულზე ან მეორედ მოსვლაზე;
4.დ.3. შეურაცხმყოფელი და უცენზურო ფრაზების, ხელმოწერების და "იუზერ ტაიტლების" ციტირება წარმოადგენს დარღვევას და გაფრთხილების შემდეგ დაექვემდებარება დასჯას.
4.დ.4. არასაგნობრივი დისკუსიის შემცველი პოსტი (ოფტოპიკი) განიხილება, როგორც წაშლის ან ჩასწორების ობიექტი, ხოლო განყოფილების შინაარსთან შეუსაბამო თემა მოდერაციის გადაწყვეტილებისამებრ დაიხურება ან გადატანილი იქნება შესაბამის განყოფილებაში. ამგვარი პრაქტიკის ზედმეტად ხშირი გამოყენება ფორუმის მონაწილის მიერ ჩაითვლება ბოროტ განზრახვად და დამრღვევი დაისჯება.
4.დ.4. იკრძალება ნებისმიერი შინაარსის (მათ შორის, კონკრეტული რელიგიის ან ფილოსოფიური მიმდინარეობის სხვა ნებისმიერ რელიგიაზე ან ფილოსოფიურ მიმდინარეობაზე აღმატებულობის) რეკლამა სპამის, მრავალჯერ განმეორებული ერთი და იგივე ინფორმაციისა ანდა კამათის კონტექსტს მოწყვეტილი განცხადებების სახით. იკრძალება როგორც რეკლამა, ისე ანტირეკლამა, იქნება ეს პოსტში თუ თემის სათაურში. მოდერაციის რეაქცია იქნება მსგავსი პოსტის წაშლა, შესაბამისი სათაურის მქონე თემის დახურვა და ავტორის დასჯა.
ან იგივე შინაარსის მქონე პუნქტი ტაბას ავტორობით (მცირედი ცვლილებებით):
4.დ.4. იკრძალება საკუთარი მოსაზრების მართებულობის მტკიცება თუ ეს ხდება არაგონივრულად მრავალჯერ განმეორებით სხვადასხვა პოსტში ან თემაში. ეს ჩაითვლება ფლუდად, პოსტები წაიშლება, ამგვარი სათაურის მქონე თემები დაიხურება და დამრღვევი დაისჯება.
4.დ.5. ერთი პირის მიერ ორი ან მეტი ნიკის გამოყენების ფაქტის გამოვლინების შემთხვევაში მოდერატორი მთავარ (ყველაზე მეტპოსტიან) ნიკს მისცემს გაფრთხილებას ან ვორნს, ხოლო ყველა დანარჩენ ალტერნიკს დაადებს ბანს.
განმარტებანი
* დასჯა, სასჯელი გულისხმობს სიტყვიერ გაფრთხილებას; არცთუ ისე გამოკვეთილ შეურაცხყოფაზე ან პროვოკაციაზე მოდერატორს შეუძლია, პირადი გადაწყვეტილების საფუძველზე, მისცეს მრავალჯერადი დამატებითი გაფრთხილება და განმარტება და მხოლოდ შემდეგ _ ვორნი. განმეორებითი დარღვევის შემთხვევაში დასჯა გულისხმობს + 20% ვორნს, განსაკუთრებით ჯიუტი და უხეში დარღვევის შემთხვევაში _ ბანს (საჭიროა განისაზღვროს, რა შემთხვევაში როგორი ბანი მიეცემა)
** სუბიექტის შეურაცხყოფა გულისხმობს პიროვნების პატივისა და ღირსების განზრახ დამცირებას, გამოხატულს უწესო ფორმით. შეურაცხყოფის დროს დამნაშავე აკნინებს სხვის პატივსა და ღირსებას სიტყვიერი ძალადობის მეშვეობით (გინება, სალანძღავი სიტყვა).
რელიგიურ-ფილოსოფიური ნიშნით შეურაცხყოფა გულისხმობს: რელიგიური ან ფილოსოფიური განსხვავებული აზრის გამო რომელიმე პირის გამოცხადებას ერეტიკოსად, სატანად ან ბოროტების მსახურად, მის ჩათვლას ზომბად ან მკვდარი მატერიის რომელიმე ფორმად, უწმინდურად ან დაბალ კასტად, მის ან მისთვის ძვირფასი ადამიანების მოხსენიებას გინებით ან სალანძღავი სიტყვებით.
*** რელიგიური ან ფილოსოფიური სიმბოლიკა გულისხმობს:
ა) რელიგიურ ან ფილოსოფიურ ფუძემდებლურ წიგნებს ან შრომებს (ბიბლია, ყურანი, ვედები, თორები და თალმუდი, etc.; პლატონის, არისტოტელეს და ფილოსოფიის სხვა კორიფეების ნაშრომები).
ბ) ამა თუ იმ რელიგიის ან ფილოსოფიის გამოჩენილ ავტორებს, ღმერთებს, ღმერთკაცებს ან ზებუნებრივ არსებებს, წმინდანებს, ფილოსოფიურ ან მითოლოგიურ გამოგონილ პერსონაჟებს ან მათს გამოსახულებებს, შესაბამისი აუდიო -ან ვიდეო-ინფორმაციის ჩათვლით.
გ) რელიგიურ ან ფილოსოფიურ სიმბოლოებს (მაგ., ჯვარი, დავითის ვარსკვლავი, ნახევარმთვარე, სხვადასხვა კაბალისტიკური ან ფილოსოფიური სიმბოლოები, მათემატიკური სიმბოლოები), ჰიმნებს, გერბებს ან დროშებს (თუ იქნება ასეთი), შეკრების ადგილებს ან შენობებს, ეკლესიებს, ტაძრებს, ინსტიტუტებს, კლუბს, შტაბ-ბინას და ა. შ.
****ობიექტის შებღალვა-შეურაცხყოფა გულისხმობს ჩამოთვლილს:
- მისი შინაარსის გამოცხადება სისულელედ, სიბნელედ, ველურობად ან ჩამორჩენილობად, ერესად, სიმახინჯედ, ანაქრონიზმად. რა პირადი აზრიც არ უნდა გქონდეთ ამა თუ იმ ისტორიულ ნაშრომზე, ფორუმზე იგი უნდა შეარბილოთ. თუ ვინმესთან ზედმეტი გულახდილობა გსურთ, გამოიყენეთ პმ. მისაღებია მხოლოდ აკადემიური და ადეკვატური გამოთქმები, როგორიცაა: არ ვეთანხმები, არასწორია, მცდარია, არ შეესაბამება სინამდვილეს, არაესთეტიკურია, ამას სჯობია სხვა ვარიანტი და ა. შ.
- დაწვა, აფეთქება ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა
- ზედ ურინაცია, დეფეკაცია, დაფურთხება ან გულის არევა ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს ქცევას ან მსგავსი შინაარსის ვიზუალური ან აუდიო-მასალის დაპოსტვა
- წაშლა ან გადაშლა (საღებავით ან ტალახით და მსგავსი სიბინძურით) ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა
- მასზე სიარული, გათელვა, ტერფით ან ფეხსაცმლით ზედ შეხება, მანქანის ბორბლის ან მუხლუხოს ზედ გადატარება ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა
- ჩაქოლვა ან დამარხვა, სიმაღლიდან გადაჩეხვა, სანაგვეზე გადაგდება ან მსგავსი უპატიური ადგილის მიჩენა და ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა
- დაცხრილვა, სროლა ან დაზიანება ნებისმიერი იარაღით ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა;
- მისი გაპიროვნება და მის მიმართ შეურაცხმყოფელი ფრაზების განცხადება ან შეურაცხმყოფელი ჟესტების ჩვენება ანდა მსგავსი შინაარსის ვიზუალური ან აუდიო-მასალის დაპოსტვა;
- მისი დაჭრა, დაშლა, დანაწევრება ან დახევა ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა;
- მისი არასწორი გამოყენება, მაგ., თავდაყირა დაკიდება ან შებრუნებულ ფერებში გამოსახვა ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა;
- მისგან ტუალეტის ქაღალდის, ხელსაწმენდის ან სხვა ერთჯერადი საგნების დამზადება, მისი გამოსახვა შარვალზე უხერხულ ადგილებში ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა.
- იგივე ქმედებები ჩადენილი ობიექტის მოდელის, მაკეტის ან გამოსახულების მიმართ ან ფორუმზე მისი ეკვივალენტი _ ვირტუალური განცხადება, რომ ამართლებს მსგავს მოქცევას ან მსგავსი შინაარსის ვიზუალური ან აუდიო-მასალის დაპოსტვა.
***** დასახელებული არგუმენტების საფუძვლიანობას განსაზღვრავს განყოფილების მოდერაცია და თუკი ის ჩათვლის რომ დასახელებული არგუმენტაცია ყალბია, ის ჩაითვლება ბათილად და ავტორი დაექვემდებარება სასჯელს.
შენიშვნა: გთხოვთ პატივი სცეთ სხვების რწმენასა თუ შეხედულებებს, რათა საპასუხოდ იგივეს მიღების მორალური უფლება გქონდეთ.
დანართი
საქართველოს კონსტიტუციის მე-19 მუხლი
"1. ყოველ ადამიანს აქვს სიტყვის, აზრის, სინდისის, აღმსარებლობისა და რწმენის თავისუფლება.
"2. დაუშვებელია ადამიანის დევნა სიტყვის, აზრის, აღმსარებლობის ან რწმენის გამო, აგრეთვე მისი იძულება გამოთქვას თავისი შეხედულება მათ შესახებ.
"3. დაუშვებელია ამ მუხლში ჩამოთვლილ თავისუფლებათა შეზღუდვა, თუ მათი გამოვლინება არ ლახავს სხვათა უფლებებს".
საქართველოს კონსტიტუციის 24-ე მუხლი
1. ყოველ ადამიანს აქვს უფლება თავისუფლად მიიღოს და გაავრცელოს ინფორმაცია, გამოთქვას და გაავრცელოს თავისი აზრი ზეპირად, წერილობით ან სხვაგვარი საშუალებით.
2. მასობრივი ინფორმაციის საშუალებები თავისუფალია. ცენზურა დაუშვებელია.
3. სახელმწიფოს ან ცალკეულ პირებს არა აქვთ მასობრივი ინფორმაციის ან მისი გავრცელების საშუალებათა მონოპოლიზაციის უფლება.
4. ამ მუხლის პირველ და მეორე პუნქტებში ჩამოთვლილ უფლებათა განხორციელება შესაძლებელია კანონით შეიზღუდოს ისეთი პირობებით, რომლებიც აუცილებელია დემოკრატიულ საზოგადოებაში სახელმწიფო უშიშროების, ტერიტორიალური მთლიანობის ან საზოგადოებრივი უსაფრთხოების უზრუნველსაყოფად, დანაშაულის თავიდან ასაცილებლად, სხვათა უფლებებისა და ღირსების დასაცავად, კონფიდენციალურად აღიარებული ინფორმაციის გამჟღავნების თავიდან ასაცილებლად ან სასამართლოს დამოუკიდებლობისა და მიუკერძოებლობის უზრუნველსაყოფად.
ადამიანის უფლებათა და თავისუფლებათა საყოველთაო დეკლარაციის მე-18 მუხლი
„ყოველ ადამიანს აქვს უფლება აზრის, სინდისისა და რელიგიის თავისუფლებისა, ეს უფლება მოიცავს თავისუფლებას თავისი რელიგიის თუ რწმენის შეცვლისა და თავისუფლებას თავისი რელიგიის თუ რწმენის აღმსარებლობისა როგორც ერთპიროვნულად, ასევე სხვებთან ერთად, მოძღვრებაში, ღვთისმსახურებაში და რელიგიურ და რიტუალურ წესჩვეულებათა შესრულებაში საჯარო თუ კერძო წესით.“ |
