დაიბადა 1914 წლის 26 აგვისტოს ბრიუსელში, სადაც მისი მშობლემი მამის მივლინების დროს იმყოფებოდნენ. 1914 წელს დაიწყო პირველი მსოფლიო ომი და შექმნილი ვითარების გამო ოჯახი იძულებული გახდა 1918 წელს არგენტინაში დაბრუნებულიყო. მამამ ოჯახი ევროპიდან დაბრუნების შემდეგ მალევე მიატოვა, ხულიომ ბავშვობა ბუენოს-აირესის მახლობელ ბამფილდში გაატარა. გაიზარდა ქალთა გარემოცვაში (დედასთან, დეიდასთან, ბებიასთან და მასზე ერთი წლით უმცროს დასთან ერთად), ამ გარემოებამ ძლიერი ზეგავლენა იქონია მისი მომავალი მსოფლმხედველობის ჩამოყალიბებაზე, მან არაერთხელ გაიბრძოლა გაბატონებული მატრიარქატის წინააღმდეგ.
წერა 9 წლის ასაკში დაიწყო. დაწყებითი განათლების მიღების შემდეგ სწავლა მასწავლებელთა საშუალო სკოლაში გააგრძელა (Escuela Normal de Profesores Mariano Acosta). 1932 წელს მიიღო ლიტერატურის მასწავლების სტატუსი. მასწავლებლად მუშაობდა Saladillo, Bolívar y Chivilcoy. 1935 წელს უმაღლესი განათლების მისაღებად ჩააბარა ბუენოს-აირესის უნივერსიტეტის ფილოსოფიისა და ლიტერატურის ფაკულტეტზე, სადაც ეკონომიკური პრობლემების გამო მხოლოდ ორი წელი შეძლო სწავლა. თავდაპირველად ხულიო თავის ნაშრომებს "Julio Denis"-ის ფსევდონიმით აქვეყნებდა. 1951 წელს, მისი პოლიტიკური შეხედულებების გამო, იძულებული გახდა გასცლოდა ხუან დომინგო პერონის მმართველობის ქვეშ მოქცეულ არგენტინას და პარიზში ეპოვა ნავსაყუდელი. საფრანგეთში იუნესკო-ს დამოუკიდებელ თარჯიმნად მუშაობდა, რაც საშუალებას აძლევდა თავისი ლიტერატურული მოღვაწეობისათვის დაეთმო დრო და ემოგზაურა. 1953 იქორწინა აურორა ბერნარდესზე და მთარგმნელობით საქმიანობას მიჰყო ხელი. მნიშვნელოვანოა მის მიერ შეტანილი წვლილი ამ სფეროში. ედგარ ალან პოს კორტასარისეული თარგმანი საუკეთესოდ არის მიჩნეული. მისი ყველაზე აღიარებული ნაშრომია "კლასობანა" ("Rayuela"), წიგნის წაკითხვა შეიძლება ავტორის მიერ შემოთავაზებული თავების ნუსხის ან თქვენი ნება–სურვილის მიხედვით.
გატაცებები: კრივი და მუსიკა, განსაკუთრებით ჯაზი, ეს გატაცებები სიცოცხლის ბოლომდე გაჰყვა. (Wikipedia)
ერთი 4 წლის წინ შევიძინე წიგნი, რომელშიც ორი რომანი იყო, ერთი იყო "ეკზამენ" და ძალიან მომეწონა და მეორის სახელი არ მახსოვს სამწუხაროდ, ვიღაცამ გამომართვა და იმის მერე აღარც მინახავს არც ვიღაცა და არც წიგნი
მოთხრობები მომწონს ძალიან კიდევ, განსაკუთრებით ის ვრცელი მოთხრობა, ჩარლი პარკერს რომ მიუძღვნა - "პრედსლედავაწელ"
რას იტყვით? ვის მოგწონთ და რეები მოგწონთ?
და ვის არ მოგწონთ კიდევ