Printable Version of Topic
Click here to view this topic in its original format |
თბილისის ფორუმი > General Discussion > "ჭკვიანი ბეჭდების" ქართულმა ბრენდმა Cnick |
Posted by: zindiosama 13 Feb 2024, 18:03 |
საქართველოში წარმოებული "ჭკვიანი ბეჭდები", რომლებსაც ტექნოლოგიური სტარტაპი Cnick აწარმოებს, ამიერიდან ბერლინში, Mall of Berlin-ში გახსნილ ბრენდირებულ მაღაზიაში გაიყიდება. ამის შესახებ cnick-ი საკუთარი სოციალური ქსელებიდან იტყობინება. “კნიკის" გუნდმა მრავალი დაბრკოლების და სირთულის გადალახვის შემდეგ, ბერლინის გულში, კონკრეტულად კი Mall of Berlin-ში გავხსენით უნიკალური დიზაინის მქონე მაღაზია, სადაც მომხმარებლებს მრავალფუნქციურ "ჭკვიან ბეჭედს" შევთავაზებთ. ჩვენ შევქმენით შოურუმის უნიკალური დიზაინი, რომელიც გამოხატავს მომავალში გახსნილ პორტალებს და ხაზს უსვამს ჩვენი გუნდის განსაკუთრებულ ხედვას. თითოეული დიზაინის დეტალი შექმნილია ჩვენი გუნდის მიერ”, - ნათქვამია გავრცელებულ განცხადებაში. როგორც “კნიკის” დამფუძნებელი, კობა ცერცვაძე BM.GE-სთან განმარტავს, მაღაზიის გასახსნელად გერმანია პარტნიორთა დიდი ქსელის გამო შეირჩა. “ბერლინში პირველი მაღაზია 1-ელ თებერვალს გავხსენით. შოურუმში არის წარმოდგენილი ბეჭდები რომლებიც არის ვერცხლის, ოქროს, კერამიკის და ხის მასალისგან დამზადებული. ამ ბაზარზე შესასვლელად მთავარი მიზეზი ის იყო, რომ გერმანიაში გვყავს პარტნიორთა ბანკების ყველაზე დიდი ქსელი. გარდა ამისა, გერმანიის ბაზარი ძალიან დიდია”, - ამბობს კობა ცერცვაძე. შეგახსენებთ, რომ cnick-ი ჭკვიან ბეჭდებს აწარმოებს, რომლებიც საგადამხდელო ფუნქციასთან ერთად, ავტომობილის, ამ ეტაპზე მხოლოდ Tesla-ს, გასაღების თვისებებსაც ირგებს. cnick-ის დამფუძნებელი bm.ge-სთან საუბარში ასევე აღნიშნავს, რომ სტარტაპისათვის გასული 2023 წელი წარმატებული აღმოჩნდა - კომპანიამ ბეჭდების ახალი პატენტები შეიმუშავა. “2023 წელი იყო წარმატებული როგორც შემოსავლების და გაყიდვების ზრდის მხრივ, ასევე პროდუქტის განვითარების მხრივ. შევქმენით ვერცხლისა და ოქროს პირველი ჭკვიანი ბეჭდები, რომლებზეც პატენტიც გვაქვს შევსებული (Pending patent)”, - განმარტავს “კნიკის” დამფუძნებელი და დასძენს, რომ კომპანია 2024 წელს პროდუქტის განვითარებასა და დახვეწაზე, ასევე გაყიდვების ზრდაზე იმუშავებს. cnick-ი გლობალურ ბაზარზე აქტიურად 2019 წლიდან ოპერირებს და ჭკვიანი ბეჭდების რეალიზაციას 20-ზე მეტ ქვეყანაში ახდენს. https://bm.ge/news/ratom-airchia-seb-ma-ripple-i-tsifruli-laris-proeqtze-samushaod-interviu-kompaniis-vitse-prezidenttan ვსო. ჩაცუცქულებს მხიარული დღეები დაუდგებათ მალე უნივერსალური გასაღები ხო თვითონვე შექმნეს რომელიც ყველა ბინის კარს ერგება და ეხლა ესენი კიდე უნივერსალურ ბეჭედსაც დაუმატებენ ალბათ. თან ჭკვიანს აგერ ტესლას ერგება თურმე უკვე და მალე ალბათ Cnick-ის ბეჭდებით ხაკერული ოპერაციების ჩატარებაც იქნება შესაძლებელი შესაბამის ჭკუაზე თუ მოიყვანეს |
Posted by: kodeqsi 13 Feb 2024, 18:32 |
მოკლედ, მომავლის პერსპექტივაში, ეს ბეჭედი თუ გექნა, ბიძგვინა გამხდარხარ ადამიანი, მთელი ქვეყნის ავლა-დიდება შენია!.. |
Posted by: Dface 14 Feb 2024, 02:32 | ||
ბეჭდების მბრძანებელი იქნები |
Posted by: Atom 14 Feb 2024, 09:43 |
გვჩიპავენ ხალხოოო |
Posted by: oligarh 14 Feb 2024, 10:40 |
სუარონაა მოვიდეს და გაგვცეს პასუხი რომელი საყვირია................ და გვითხრა მან, არ მიიღოთ იგი........... |
Posted by: Holybrett 14 Feb 2024, 16:00 |
ანტიქრისტეს ბეჭედი საქართველოში ვერ გაყიდენ და გერმანიას მიადგნენ. |