ჩრდილოეთ კავკასიის მომავალი - თბილისის ფორუმი

Printable Version of Topic
Click here to view this topic in its original format

თბილისის ფორუმი > საზოგადოებრივი მეცნიერებები > ჩრდილოეთ კავკასიის მომავალი

Posted by: ingfari 12 Feb 2018, 01:06

მოკლედ რა ხდება, დაღესტანის სამაგალითოდ დასჯა მიდის ამ დღეებში.
წირვა გამოუყვანეს ამათ "ავტონომიას" კრემლიდან, მთელი ელიტა დააპატიმრეს ან გაყარეს, ბრალდებები სამართლიანია(კორუფცია, ბანდიტიზმი, გამოძალვა, მკვლელობები და ა.შ.) თუმცა იგივე ბრალდებები შეიძლება ნებისმიერ ჩინოვნიკს მიეყენოს რუსეთში....მოკლედ საბაბია.
უმთავრესი ამბავი-პრეზიდენტად რუსი დაუნიშნეს.
შემთხვევითი არაა, მრავალეროვანი რესპუბლიკაა და ამით სარგებლობენ.

ამ მოვლენების ფონზე რას ფიქრობთ, რა მომავალი ელის ჩრდილოეთ კავკასიას? პოლიტიკური, ეთნიკური, ენობრივი და დემოგრაფიული კუთხით....
ჩემი აზრით, იწყება რუსეთის აგრესიის ახალი ეტაპი ჩრდ.კავკასიაში. 1990-ან, 2000-ან წლებში მიზანი რეგიონზე კონტროლის დამყარება იყო-ეს შესრულდა ომით და ადგილობრივი ელიტების მოსყიდვით.
ახლა უკვე ადგილობრივი ელიტები აღარაფერში ჭირდებათ, ამათი ავტონომიაც ეზედმეტებათ, როგორც ჩანს, სრული და საბოლოო გადაწყვეტაა საკითხის დღის წესრიგში მოსკოვში.
სერიოზული სიმპტომია.

ჩემი ვარაუდი ასეთია-ჯერ რუს/გარუსებულ რესპუბლიკის მეთაურებს დაუნიშნავენ, მერე ავტონომიებს მოუსპობენ ადმ.რეფორმის მომიზეზებით, მერე ბოლომდე გარუსებას ეცდებიან.
ქრისტიანებს/წარმართებს(ოსები,ჩერქეზების ნაწილი) იოლად გაარუსებენ, ჩრდილო-დასავლეთ კავკასიელებს(ჩერქეზები და აბაზინები+ყარაჩა-ბალყარელები და ნოღაელები ) რელიგიის გარდა ყველაფერს რუსულს მიაღებინებენ.
დაგებთან, ჩეჩნებთან და ინგუშებთან ძნელია რამის თქმა, აქ ბრძოლა იქნება, XXII საუკუნემდე ამ სამის გარდა არამგონია რომელიმე ჩრდ.კავკასიელმა ხალხმა მიაღწიოს.
სრული რუსიფიკაცია ელით აფხაზებსაც.

თქვენ რა ვარაუდები გაქვთ ამ თემაზე?

Posted by: Perfecto_77 12 Feb 2018, 01:48

რავიცი, პუტინი მგონი თვითონ უშენებს მეჩეთებს ჩეჩნებს. ოსები ფაქტიურად გარუსებულები არიან კიდეც უკვე. ჩრდილოდასავლეთ კავკასიელებიც დანაწევრებულ-შევიწროებულები არიან.

Posted by: brdzolisunariani 12 Feb 2018, 02:22

საინტერესო საკითხია ...

რაღაც რომ მოხდა დაღესტანში ვიცოდი . პრეზიდენტად რუსის დანიშვნაზე არ მქონდა ინფო .

ისეთი ერი არ არსებობს რომელიც ბოლომდე დაცულია სხვა დიდ ერთან ასიმილაციისგან , მითუმეტეს თუ ამ ერს საკუთარი სახელმწიფო არ გააჩნია.
იმიერკავკასიის დასავლეთი ნაწილი უკვე შეეხო რუსიფიკაციის ბუნებრივ ფორმებს. სლავური მოსახლეობაც დასავლეთ იმიერკავკასიაში ბლომად არის წარმოდგენილი.

ჩემის აზრით , ყველაფერი მორჩენილი მაინც არაა . რუსეთში ძნელად ხდება ხოლმე ძალაუფლების გადაცემ-გადაბარებ-ჩამოგდებ-რევოლუციობანა
ასე მოხდება პუტინის შემთხვევაშიც

ამ ყველაფრის გამო ვფიქრობ 1 ომის მსგავსი კიდევ მოხდება მთების მეორე მხარეს
არ ვიცი ისლამისტური სახე ექნება ამ ომს , გავლენების გადანაწილების სახე , თუ ნაციონალური სეპარატიზმი მაგრამ მგონია ჯერ მორჩენილი არაა ყველაფერი.

აფხაზები - მათი გადარჩენა სამწუხაროდ შეუძლებელია . ხშირად ამბობენ ხოლმე ჩვენთან , აფხაზების გადარჩენა მხოლოდ ქართულ სივრცეშია შესაძლებელიო
მე არ მგონია თუნდაც ''ქართულმა სივრცემ'' გადაარჩინოს ისინი (დროს გაუხანგრძლივებს ალბათ სიცოცხლისას). ძალიან ბევრი ღონისძიება უნდა გატარტეს რომ აფხაზი გადარჩეს , ამ ღონისძიებებს არავინ გაატარებს ...

ოსები(ჩრდ.) - არ ვიცი როგორ ჟღეს მაგრამ , თუ ოდესმე ჩრდ.კავკასია განთავისუფლდა , ყველაზე მეტი მზადყოფნა სახელმწიფოს შესაქმნელად ექსნება ოსეთს .
დიდი პრობლემების წინაშე დადგება რა თქმა უნდა , თუმცა ისლამისტურ ფანატიზმს რომ გამოაკლებ ამ პრობლემებს მაინც დიდი შეღავათია

დღეს ოსები ყველაზე მეტად ემხრობიან რუსეთის კავკასიაში ყოფას .

ძურძუკნივაინახეთი - ჯერ გაგრძელდება ჩეჩნეთის მიშვება თავის გემოზე , ლეზგინკები , კადიროვცები , მეჩეთები , ვნახოთ სადამდე მივა ეს ყველაფერი ...
რუსეთის წაფახფახების შემთხვევაში ისლამისტები გამოვლენ დღის შუქზე კალაშებით ხელში.

ლეკსა დაღესტნისა - ეს იმდენად ჭრელია , იმდენი შესაძლო დაპირისპირების კერაა ,ვერავინ გაიგებს რა მოხდება , ვისი აზრი გახდება დომინანტური.

საბოლოოდ ყველა დალევს ვოდკას
დაველოდოთ პუტინის დაღზევების ხანას ,
შეიძლება ამ მომენტმა ცოტა დროში გაწელოს გარუსება...

Posted by: Perfecto_77 12 Feb 2018, 11:04

ისე ჩრდილოკავკასიურ რესპუბლიკებში ოფიციალური ენები რუსულის გარდა ადგილობრივი ენებიცაა?
* * *
ანუ სკოლები, სასამართლო, ოფიციალური დოკუმენტები და ეგეთი რამეები რა ენებზეა?

მაგალითად ოსეთში მგონი ოსური სკოლა სულ არ აქვთ.

Posted by: ingfari 12 Feb 2018, 12:05

brdzolisunariani
1.აფხაზები განწირული არიან, რუსეთის ხელში გარუსდებიან(ყოფით, მენტალობით, ენით), რაღაც ჩუვაშების/მარიელების/მორდვინების და ა.შ. მსგავსი იქნებიან. საქართველოს ხელში უფრო მალე გარუსდებიან, რადგან მათი აბს.უმრავლესობა დატოვებს აფხაზეთს თუ იქ საქართველოს კონტროლი აღდგა.
2.ოსები რუსეთს ცოცხალი თავით არ დატოვებენ, ის კი არა რუსეთი რომ წავიდეს კავკასიიდან, ბლომად ოსიც მიყვება ფიზიკურად, ძალიან ცოტა უკლიათ და ზემოთნახსენები ვოლგისპირელი ხალხების დონეზე დავლენ, ესენი პირველი გარუსდებიან ბოლომდე.

მითუმეტეს ეს ორი ხალხი ვერც მრავლდება.

Posted by: Perfecto_77 12 Feb 2018, 12:45

ingfari

QUOTE

რადგან მათი აბს.უმრავლესობა დატოვებს აფხაზეთს თუ იქ საქართველოს კონტროლი აღდგა.

რატო? არამგონი ქართველების მხრიდან რამე საფრთხე დაემუქროთ. პირიქით, ხო იცი ქართველების ხასიათი. მათ უფლებებზე იმაზე მეტს ილაპარაკებენ, ვიდრე თვითონ აფსუები.

Posted by: ingfari 12 Feb 2018, 13:00

Perfecto_77
თვითონ წავლენ.
საქართველოში და ქართველებთან ეგენი არ იცხოვრებენ.

Posted by: brdzolisunariani 12 Feb 2018, 13:44

ingfari

QUOTE

საქართველოს ხელში უფრო მალე გარუსდებიან, რადგან მათი აბს.უმრავლესობა დატოვებს აფხაზეთს თუ იქ საქართველოს კონტროლი აღდგა.

გააჩნია რა ფორმით და სტატუსით დაბრუნდება აფხაზეთი.

Posted by: ingfari 12 Feb 2018, 14:05

brdzolisunariani
ფორმა-ომი.
სტატუსი-არანაერი.
სხვა ვარიანტი არ არსებობს.

Posted by: Perfecto_77 12 Feb 2018, 14:32

ingfari

QUOTE

თვითონ წავლენ.
საქართველოში და ქართველებთან ეგენი არ იცხოვრებენ.

ხოდა მაგას ვამბობ რომ თვითონ არ წავლენ, რადგან ქართველების მხრიდან ადგილი ექნება უშინაარსო ფსევდოლიბერალობას და მათი "უფლებების" დაცვას. ანუ მათ ჩვენგან საფრთხე არ დაემუქრებათ, დარჩებიან აქ და გააგრძელებენ პარაზიტობას. პირიქით, უსუსტესი ქართული სახელმწიფოს პირობებში მათ გზა უფრო გაეხსნებათ, ახლა ჩაკეტილები მაინც არიან და ვერსად გადიან იმ ღორლანდიის გარდა, შემდეგ კი ევროპაშიც გავლენ და მთელ მსოფლიოშიც. დაიწყებენ "აფხაზური ნაციონალური ინტერესების" გატარებას მთელ მსოფლიოში და აშკარა ანტიქართულ პროპაგანდას, რომელსაც საქართველოდან არავინ შეუშლის ხელს.

Posted by: brdzolisunariani 12 Feb 2018, 16:13

ingfari

QUOTE

სტატუსი-არანაერი.

სტატუსი აქვს უკვე თითქმის 100 წელია.

Posted by: ingfari 12 Feb 2018, 18:43

Perfecto_77
ქართველების ძალდატანების გარეშე წავა უმეტესობა, უბრალოდ არ იცხოვრებენ ქართველების გვერდით, მიუღებელია ეს მათთვის. პლუს რუსულ ენაზე, რუსულ-ჩრდ.კავკასიური კულტურის, მენტალობის ნარევზე არიან გაზრდილი, ყოფაც იქაური აქვთ. სრულიად უცხოა მათთვის საქართველო.

brdzolisunariani
აქვთ და აღარ ექნებათ. რომის იმპერია იყო და აღარ არის, გადაიტანა მსოფლიომ.

Posted by: qariana 12 Feb 2018, 19:20

QUOTE (ingfari @ 12 Feb 2018, 01:06 )

XXII საუკუნემდე ამ სამის გარდა არამგონია რომელიმე ჩრდ.კავკასიელმა ხალხმა მიაღწიოს.
სრული რუსიფიკაცია ელით აფხაზებსაც.

თქვენ რა ვარაუდები გაქვთ ამ თემაზე?

მაგათი მომავალი დიდად არ მაღელვებს. ეგენი კი არა, ჩვენ თუ მივაღწევთ 22-ე საუკუნემდე საინტერესოა

აგერ გაერო გვეუბნება ამ ტემპებით კლება თუ გააგრძელეთ 2050-ისთვის 1.5 მლნ იქნებითო

Posted by: ingfari 12 Feb 2018, 19:28

qariana
მივაღწევთ.
გაერო საეჭვო ორგანიზაციაა, რბილად რომ ვთქვათ.

Posted by: qariana 12 Feb 2018, 19:37

ingfari

გაერო რა შუაშია აგერაა ციფრები და დათვალე

http://www.worldometers.info/world-population/georgia-population/

მაგალითად უკანასკნელი 8 წლის მონაცემები რომ აიღო დაახლოებით 300 000 -ით შევმცირდით
ამ ტემპებით რომ გავაგრძელოთ, მერწმუნე 100 წელში უბრალოდ გავქრებით

Posted by: brdzolisunariani 12 Feb 2018, 20:39

QUOTE

აქვთ და აღარ ექნებათ.

შენს პოსტს შაქარი

Posted by: არწივი9 12 Feb 2018, 22:38

brdzolisunariani

QUOTE

აფხაზები - მათი გადარჩენა სამწუხაროდ შეუძლებელია . ხშირად ამბობენ ხოლმე ჩვენთან , აფხაზების გადარჩენა მხოლოდ ქართულ სივრცეშია შესაძლებელიო

სად ამბობენ?

Posted by: ingfari 12 Feb 2018, 23:03

qariana
მაგ საიტის მიხედვით 2050 წელს 3,393 მილიონი უნდა იყოს საქართველოს მოსახლეობა.
ასეთ შორეულ დროზე გათვლების კეთება სისულელე მგონია, ბევრი რამე იცვლება.
რაც შეეხება უახლოეს 10-20 წელს, თუკი არაფერი განსაკუთრებული არ მოხდა 3,5-3,7 მილიონის ფარგლებში იქნება საქართველოს მოსახლეობა, აქედან 90%-მდე ქართველი.
შობადობა არც ისე დაბალია საქართველოში, პრობლემა მიგრაციაა, მაგრამ არც ეს იქნება უსასრულო, ხოლო თუ ეკონომიკური მდგომარეობა გაუმჯობესდა ზრდაც გვექნება.

Posted by: Kakha.G 12 Feb 2018, 23:20

აფხაზების და ოსების რუსეთში გადინება არ შეიძლება, ისინი იქ ანტიქართულ დაჯგუფებებს შექმნიან.
რომ გავიმარჯვებთ აფხაზები და ოსები ახლოს უნდა ვიყოლიოთ რაც შეიძლება ახლოს.

Posted by: brdzolisunariani 12 Feb 2018, 23:40

არწივი9

QUOTE

სად ამბობენ?

აქ........ არ ამბობენ ?

Posted by: ingfari 13 Feb 2018, 00:48

Kakha.G
ჯობს იქ შექმნან ვიდრე აქ.

კიდევ ერთი დაკვირვება ჩრდ.კავკასიაზე, მისი ჩრდილო-დასავლეთ ნაწილი პრაქტიკულად ასიმილაციის გზაზე ყავთ დაყენებული რუსებს.
როგორ მიაღწიეს ამას?
მარტივად. შექმნეს 2 აბსურდული რესპუბლიკა ყარაჩაი-ჩერქეზეთი და ყაბარდო-ბალყარეთი, არადა ყველა ლოგიკით უნდა შეექმნათ ყარაჩაი-ბალყარეთი(1 ხალხია, თურქული მოდგმის) და ყაბარდო(1 ხალხია ესენიც).
ახლა რა სიტუაციაა, არის ყარაჩაი-ჩერქეზეთი:ყარაჩაელებით, ნოღაელებით და მათთან მეტოქეობაში მყოფი ჩერქეზებითა და აბაზინებით(აფხაზების განაყრები), იქვე არიან რუსებიც.
ამ რესპუბლიკაში "უპირატესობა" შეგნებულად თურქულ ელემენტზეა გადაცემული.
არის ყაბარდო-ბალყარეთი, აქ პირიქით ადიღეურ ელემენტზეა(ყაბარდოელები) გადაცემული "უპირატესობა".

შედეგად ვღებულობთ რას:
ადიღ-აბაზინებს სძულთ თურქული მოდგმის ხალხები, იმათ კიდევ პირიქით, 1 რესპუბლიკაში ადიღეური ელემენტი გრძნობს თავს დაჩაგრულად, მეორეში თურქული.
მუდმივი კონფლიქტია მიწებზე და ისტორიაზე.
თანაც რადგან სრულიად სხვადასხვა და განუვითარებელი ენები აქვთ, ენობრივი რუსიფიკაცია ძალიან ძლიერია, მათ შორის უკვე ყოფით დონეზეც.

პრაქტიკულად დარწმუნებული ვარ, რომ სწორედ ამ მოტივით დატოვეს გალის ქართული მოსახლეობა აფხაზეთში(ბერკეტი აფხაზებზე), ნუ აზერბაიჯან-სომხეთის კონფლიქტზე როგორ პარაზიტირებენ ეს ხომ ცალკე სახელმძღვანელოებში შესატანი ხელოვნებაა.

divide et impera(დაყავი და იბატონე) ქმედებაში, ჟანრის კლასიკაა, იციან რუსებმა საქმე.

Posted by: Kakha.G 13 Feb 2018, 01:19

ingfari
ადიღე აბაზა მუხლზე გადატეხილი ხალხია, მაგრამ ყარაჩა ბალყარლებმა შეინარჩუნეს ეთნიკური ბირთვი და დიდ თურქულ იდენტობასთან ერთობა.საზოგადოდ ყველას ყველა ძულს ყარაჩა ბალყარლებს ადიღეები და ოსები , ადიღეებს ყარაჩა ბალყარლები + აფხაზებააც ექიშპებიან.
ოსების უმრავკესობის პოზიციაა ქართველები ჩვენი ძმები არიან მაგრამ...
გეოგრაფიულად დაჩიხული და ამიტომ უპერსპექტივო რეგიონია.
ჩ.კავკასიელს და რუსს ძულთ ერთმანეთი მაგრამ გრძნობენ რომ გადაჯაჭვულნი არიან ერთმანეთთან.
ჭირდება პუტინს ეს დოტაციური ჯიგიტების ხროვა, რადგან იცის საჭიროების შემთხვევაში ისინი უკანასკნელ რუსამდე დაიცავენ მას.

Posted by: ingfari 13 Feb 2018, 13:30

Kakha.G
ეს რუსეთის პოლიტიკის შედეგია, შორს ვარ იმ აზრისგან, რომ თუ რუსეთი არ იქნებოდა ერთმანეთის სიძულვილი არ ექნებოდათ, მაგრამ რუსეთმა ყველაფერი გააკეთა იმისთვის რომ ეს სიძულვილი შეინარჩუნოს, გააღვივოს და მათ მუდმივ დაპირისპირებაზე ითამაშოს.
კლასიკური იმპერია, რაც უფრო ვუკვირდები რუსეთის პოლიტიკას მით უფრო ვრწმუნდები, რომ კიდევ კარგად გადავურჩით ამათ, ძალიან ვერაგი ხალხია კიდევ უფრო ვერაგი ხელისუფლებით.

Posted by: brdzolisunariani 13 Feb 2018, 15:25

ისე ჩვენც გვეკუთვნის ''საყვედური''
ამდენი ხანია მეზობლად ვცხოვრობთ ,
დამწერლობა შეგვიქმნია ,
წიგნი გვიწერია ,
ოქროს ხანა გამოგვივლია ;
როგორ ვერ მოვახდინეთ მათზე გავლენა ?
რატომ ვერ დავეხმარეთ ქრისტიანობას იმიერკავკასიაში ფეხის მოკიდებაში ?
ზარმაცები ვიყავით , ჩვენს მღვდლებს მთის იქით გადასვლა ეზარებდათ ...
ჩვენს მეფეებს გაჭივრების დროს ახსენდებოდათ ხოლმე მთის მეორე მხარე , როგორც ადგილი სადაც შეგიძლია ჯარი იყიდო .
არადა დარწმუნებული ვარ , ისტორიაში არა1ხელ შეგვეძლო დადებითი როლის თამაში ჩრდ.კავკასიისთვის.

Posted by: FLEA_ 13 Feb 2018, 15:36

კავკასიას დამართებენ რუსები იმას ,რაც დამართეს რუსეთის ჩრდილო რესპუბლიკებს. გადააქციეს ოკრუგებად ,ოლქებად ანუ და ნელ ნელა შლიან მათ ისტორიას თუ თვითმყოფადობას, ყველაფერს.
ეს ელის კავკასიასაც.
რუსეთი ამ ეტაპზე ერჩის ყველაზე ძლიერს.
შლის და ანადგურებს საქართველოს.
მუშაობს უამრავ შიდა ფრონტზე.
თავისთავად იმ რესპუბლიკებს რომლებიც მის შემადგენლობაში არიან,
უკეთებს იგივეს, თუმცა ჩრ.კავკასიურ ქვეყნებში მაინც უჭირდა ისლამის გამო.
მაგრამ ისლამსაც გარკვეულ იარაღად იყენებს უკვე რუსეთი.

Posted by: Perfecto_77 13 Feb 2018, 15:47

brdzolisunariani

QUOTE

რატომ ვერ დავეხმარეთ ქრისტიანობას იმიერკავკასიაში ფეხის მოკიდებაში ?

რატო? ხო ვავრცელებდით იქით ქრისტიანობას. ჯვარიცაა აღმოჩენილი, ავარული წარწერაა ზედ შესრულებული ქართული ასოებით. თავის დროზე ჩრდილოკავკასია ხომ ქრისტიანული იყო.

Posted by: Kakha.G 13 Feb 2018, 17:48

ჩ.კავკასია კი არა აგერ ლევან დადიანმა სიცოცხლეში 50000 აფხაზი მონათლა, მეორე წელს როცა მათთან მღვდელი ჩადიოდა აფხაზებს არც კი ახსოვდათ რომ მონათლულები იყვნენ.
ქრისტიანობა ხალხის მაღალ კულტურულ და სოციალურ განვითარებას საჭიროებდა და ასევე ქართულის ცოდნას.
ხოლო თემური წყობილების დონეზე მყოფი ტერიტორიების საქართველოს შემადგენლობაში შეყვანა არ ხერხდებიდა.
ისევე როგირც მუსლიმური ტერიტორიების სადაც განსხვავებული სოციალური წყობა იყო, საქართველო მხოლოდ ყმადნაფიცობას ჯერდებოდა, რადგან საქართველოსთან გაერთიანებისთვის ერთი სოციალური სისტემა იყო საჭირო

Posted by: ingfari 13 Feb 2018, 19:12

brdzolisunariani
საქართველოს აღმავლობა X-XIV საუკუნეებია, ამ დროს იყო რაღაც მცდელობები, მაგრამ არც სამაგისო რესურსი გააჩნდათ ჩვენ მეფეებს და მთავრებს, არც იმათში იყო მზაობა ქრისტიანობის მისაღებად, რელიეფიც არ დავივიწყოთ სად ცხოვრობენ.
FLEA_
ასე იქნება, ნაწილობრივ არის კიდეც უკვე.
Kakha.G
გეთანხმები სრულად.

Posted by: brdzolisunariani 13 Feb 2018, 19:34

Perfecto_77

QUOTE

მცირე აქტივობანი იყო ეგენი , ფონზე იმისა რომ ბევრად მეტი შეგვეძლო ....
ingfari

QUOTE

საქართველოს აღმავლობა X-XIV საუკუნეებია, ამ დროს იყო რაღაც მცდელობები, მაგრამ არც სამაგისო რესურსი გააჩნდათ ჩვენ მეფეებს და მთავრებს, არც იმათში იყო მზაობა ქრისტიანობის მისაღებად, რელიეფიც არ დავივიწყოთ სად ცხოვრობენ.

პოლიტიკური გავლენით უნდა დაწყებულიყო ყველაფერი , განათლება , გაქრისტიანება .
ეს გავლენა არ იყო საკმარისი .
იმიერკავკასია იყო არადა ერთადერთი ლოგიკური რეგიონი სადაც საქართველოს 'კოლონიზაცია' შეეძლო(თეორიულად მაინც).

Posted by: არწივი9 13 Feb 2018, 19:43

QUOTE (brdzolisunariani @ 12 Feb 2018, 22:40 )

არწივი9

QUOTE

სად ამბობენ?

აქ........ არ ამბობენ ?

მერე ჩვენს ნათქვამს იმათ მომავალზე რა ფასი აქვს?
* * *
ingfari

QUOTE

ენობრივი რუსიფიკაცია ძალიან ძლიერია, მათ შორის უკვე ყოფით დონეზეც.

რუსულზე გადავიდნენ უკვე?

Posted by: Perfecto_77 13 Feb 2018, 20:06

brdzolisunariani

QUOTE

მცირე აქტივობანი იყო ეგენი , ფონზე იმისა რომ ბევრად მეტი შეგვეძლო ....

XIV საუკუნის შემდეგ ჩვენი თავი გაგვჭირვებია, მაგრამ მანამდე იქნებოდა სერიოზული აქტივობა და გავლენები.

Posted by: Dehumanizer 13 Feb 2018, 20:16

Kakha.G

QUOTE

ადიღე აბაზა მუხლზე გადატეხილი ხალხია, მაგრამ ყარაჩა ბალყარლებმა შეინარჩუნეს ეთნიკური ბირთვი და დიდ თურქულ იდენტობასთან ერთობა.საზოგადოდ ყველას ყველა ძულს ყარაჩა ბალყარლებს ადიღეები და ოსები , ადიღეებს ყარაჩა ბალყარლები + აფხაზებააც ექიშპებიან.

აფხაზებთან ქიშპია მაინც შიდა ამბავია
სამომავლოდ ჩვენს წინაშე, რომ აფხაზეთის შეიარაღებული გზით დაბრუნების პერსპექტივა დადგეს, აფხაზების N 1 დამხმარეები მაინც ადიღები იქნებიან
მთლად გადატეხილს ვერ დავარქმევდი, მიუხედავად იმისა, რომ საკუთარ ტერიტორიაზე კუნძულებადღა შემორჩნენ, დიასპორის სახით დიდი რესურსი აქვთ
დასანანია, რომ აფხაზეთის გამო კონფრონტაციაში ვართ, ეგ რომ არა, მეზობლებიდან ჩვენი ყველაზე ბუნებრივი მოკავშირეები, ალბათ ადიღე-ჩერქეზები იქნებოდნენ

Posted by: Kakha.G 13 Feb 2018, 20:19

რა კიტრად უნდოდა საქართველოს ჩ.კავკასია?
ჯერ ერთი 9თვე ეგ ტერიტორია იზოლირებულია საქართველოდან,ან რა შემოსავალი უნდა ენახა საქართველოს ხაზინას მწირ მთებში?
საქართველო იმას დაჯერდა რომ უღელტეხილებზე კონტროლი დააწესა
საქართველო უძველესი , მუშქების დროიდან ცდილობდა ტრაპიზონ-არზრუმ-დვინ-თავრიზის სავაჭრო გზაზე დაემყარებინა კონტროლი და ჩ.კავკასიაზე რესურსის დახარჯვა სისულელე იყო.ამავე კონტექსტში საქართველო ცდილობდა სომხების გადიოფიზიტებას და სრულიად არ ჭირდებოდა ჩ.კავკასიელებში მისიონერობა.

Posted by: zezva43 13 Feb 2018, 20:26

QUOTE

ჩრდილო კავკასიაში ქრისტიანობას ჯერ კიდევ აფხაზტა მეფეები ავრცელებდნენ, მერე სხვა ქართველმა მეფე მთავრებმა გააგრძელეს ეს საქმეები. ჩრდ კავკასიის ისლამიზაცია იწყება თემრულ ლენგის პერიოდიდან მანამდე ისინი ბაგრატიონებს თავიანთ მეფეებად აღიარებდნენ და საომრადაც ბაგრატიონების დროშის ქვეშ იბრძოდნენ! საყოველთაოდ ცნობილია მთიანეთში მთელი კავკასია გიორგი მეშვიდის დროშის ქვეშ იბრძოდა და დაამარცხეს თემურა იმ ბრძოლაში დიდი ზარალის მიუხედავათ
* * *
საქართველოს იმ პერიოდში უდიდესი გავლენა ჰქონდა ჩრდილო კავკასიელებზე და ქატუყლადაც კი მეტყველ;ებდნენ ჩრდილო კავკასიელი დიდებულები და ეკლესიებშიც ქართულად მიდიოდა წირვა ლოცვა! სამწუხაროდ თემურ ლენგმა შეაფერხა ეს გავლენა მათზე

Posted by: brdzolisunariani 13 Feb 2018, 20:54

Kakha.G

QUOTE

რა კიტრად უნდოდა საქართველოს ჩ.კავკასია?

მოდი რბილად ვთქვათ, საქართველოს ისტორიაში ბევრჯერ იყო სასურველი რომ მათი ლოიალურობა ჩვენდამი უფრო ძლიერი ყოფილიყო.

დიდი ხნის მანძილზე ჩვენს წინ იდო თეთრი ფურცელი , რომელზეც არაფერი დავწერეთ საჩვენო,თუ რამე დავწერეთ არ ემჩნევა დღეს.

Posted by: ingfari 13 Feb 2018, 21:39

brdzolisunariani
ცადეს, ვერ შეძლეს.
მიზეზი ბევრია-მთებში არიან ე.ი. ძნელი მისადგომია, არავითარ ღირებულებას არ წარმოადგენდა მაქაობის დაპყრობა განსხვავებით სამხრეთ ტერიტორიებისგან.
არავინ იყო ისეთი ვისაც მოელაპარაკებოდნენ, შეიძლება მეფეს/ფეოდალს მიაღებინო ქრისტიანობა შემდეგ ის თავის ხალხს მიაღებინებს იგივეს, მაგრამ როცა არავინაა ისეთი ვინც რაიმე სახის საყოველთაო ავტორიტეტით სარგებლობს ადგილზე და ჯერ კიდევ ლამის პირველყოფილი ცხოვრება აქვთ, თითო-თითო დიდოს, ხუნძს და ღლიღვს ცალ-ცალკე ხომ არ დაუწყებ დევნას, რომც დაუწყო სულ იქ ხომ არ იქნები.
უხეშად რომ ვთქვა თუ ფეოდალი არის იმის მოქცევა შეიძლება, მაგრამ ადგილზე ის უნდა იყოს და ნებით თუ ძალით ყმებსაც იგივე მიაღებინოს, თუ ეგეთი არავინაა მაშინ ძნელია ძალიან.
ოსმალებმაც კი საათაბაგოში ჯერ არისტოკრატიას მოუთავეს ხელი და მერე არისტოკრატიასთან ერთად გლეხები გაამუსლიმეს.
როსტომ-ფაშამ ცოლი იძულებით გაამუსლიმა, ხოლო იმისთვის რომ მას რწმენა შეეცვალა მთელ საათაბაგოში ქალი არ დატოვა გაუმუსლიმებელიო.

Posted by: brdzolisunariani 13 Feb 2018, 21:58

ingfari
ამიტომაც ვახსენე სიტყვა კოლინიზაცია, რომ მათი განვითარების დონე დაბალი იყო .

QUOTE

არავითარ ღირებულებას არ წარმოადგენდა მაქაობის დაპყრობა განსხვავებით სამხრეთ ტერიტორიებისგან.

აი ჩრდილოეთი რომ დაეპყროთ , შეიძლება მართლაც მომხდარიყო სამხრეთის დაპყრობა.
ლაშქრის შესავსებად ცუდი მხარე არაა .
რამდენი დამპყრობელი ყოფილა , სხვადასხვა ხალხის (ზოგი მაღალგანვითარებულის, ზოგი დაბალგანვითარებულის) შერეული ლაშქრის რეიდებით
შეუქმნია დოვლათი .რამდენი იმპერიის ჯარი ყოფილა ''ჭრელი'' .
როგორ არც მეფეს , არც მეფის განდგომილს არ მოსვლია თავში მტაცებლური,ძარცვის ,ჟლეტის სურვილები ...

QUOTE

ცადეს, ვერ შეძლეს.

ხო ,
თუმცა მეტად ცდადაც ღირდა.

Posted by: ingfari 13 Feb 2018, 22:14

brdzolisunariani
გასაძარცვი ყოფილიყო რამე მანდ მაშინ იქნებოდა სულ შეტევები.
მანდ ლაშქრობა ალბათ თავის დანახარჯებსაც ვერ იღებდა.
იქ ქართველების შეჭრა იწყება გვიან, ისიც იშვიათად და სადამსჯელო ექსპედიციების სახით, მაგ.თეიმურაზ პირველმა დიდოეთში ილაშქრა....
მერე ჭარ-ბელაქნის ბანდიტური ბუდე გაჩნდა, ვიღას ახსოვდა დაღესტანი.

Posted by: urekhi 13 Feb 2018, 22:31

ჩეჩნები კარგდ იყენებენ რუსებს სწორი პოლიტიკა აქვთ პირდაპირი ომით ესეთ სიტუაციაში ვერაფერს გახდებიან

Posted by: Perfecto_77 13 Feb 2018, 22:50

ingfari
ვახტანგ მეექვსემ არ ილაშქრა კიდე დვალეთში?

Posted by: კუსლარხევი 13 Feb 2018, 23:05

იმათ რა ელის არვიცი მაგრამ ჩვენ რომ ძლიერი სახელმწიფო გვქონდეს მაგათი ელიტა აქ უნდა იზრდებოდეს საერთოკავკასიური პროქართული ფასეულობებით და არა პროსაუდიტური რადიკალური ისლამით და ფანატიზმის გავლენით.

ადგილობრივი ენების მდგომარეობა კავკასიის არაიზოლირებულ საზოგადოებებში ანუ დიდ ქალაქებში ზალიან მძიმეა აფხაზების ფეისბუქებს რომ გადახედოთ 2 აფხაზურ სიტყვას ვერ მონახავთ მათი უმეტესი ნაწილისათვის რუსულია პირველი სასაუბრო ენა ადგილობრივი ენები შინასასაუბრო ფუნქციასაც კარგავენ

Posted by: ingfari 13 Feb 2018, 23:21

კუსლარხევი
პირიქით.
ღმერთმა კავკასიის ქედი მოგვცა მაგათგან გამოსაყოფად, ეგ უნდა დავიცვათ კარგად.
ისინი თავისთვის, ჩვენ ჩვენთვის.
საერთოკავკასიური ფასეულობები არ არსებობს, მაგათი პროქართულობა ხომ აბსურდია, ზომებში არ ავირიოთ, ჩვენ იმპერია არ ვართ, არც რამე რესურსი გვაქვს ვინმეს ელიტა გავზარდოთ, თავს მივხედოთ მეტი არაფერი გვევალება.

Posted by: brdzolisunariani 13 Feb 2018, 23:22

ingfari

QUOTE

გასაძარცვი ყოფილიყო რამე მანდ მაშინ იქნებოდა სულ შეტევები.
მანდ ლაშქრობა ალბათ თავის დანახარჯებსაც ვერ იღებდა.
იქ ქართველების შეჭრა იწყება გვიან, ისიც იშვიათად და სადამსჯელო ექსპედიციების სახით, მაგ.თეიმურაზ პირველმა დიდოეთში ილაშქრა....
მერე ჭარ-ბელაქნის ბანდიტური ბუდე გაჩნდა, ვიღას ახსოვდა დაღესტანი.

მანდ კონტაქტის დამყარებით შეიძლებოდა საქართველოს ყოლოდა ბევრად ძლიერი ლაშქარი ვიდრე ყავდა
ამ ლაშქრით შეიძლება მოერბიათ ეს სამხრეთიც, ან იქნებ ყირიმისკენაც გასულიყვნენ (ნუ გაგეცინებათ...)
კონტაქტის/კოლონიზაციის დამყარებით შეიძლებოდა მანდ შექმნილიყო სახელმწიფო სადაც სათავეში ქართული წარმოშობის დინასტია იქნებოდა. შეიძლებოდა იქ შექმნილიყო
სახელმწიფო რომელიც ისტორიულად იქნებოდა ახლობელი საქართველოსთვის (არ ვიცი , როგორც შვედეთ-ფინეთი)

ვერ შევძელით სხვა რამეა
ოღონდ იმას ნუ ვიტყვით რომ არ გვჭირდებოდა
ძალიანაც გვჭირდებოდა

კიდევ 1ხელ გავიმეორებ :
იმიერკავკასია იყო ერთადერთი ლოგიკური რეგიონი სადაც საქართველოს 'კოლონიზაცია' შეეძლო(თეორიულად მაინც).
* * *

QUOTE

ღმერთმა კავკასიის ქედი მოგვცა მაგათგან გამოსაყოფად, ეგ უნდა დავიცვათ კარგად.

ინგლისელებს რომ ეთქვათ იგივე ზღვაზე ,როგორი ინებოდა დღევანელი ინგლისი ?
ბარიერი იმისთვისაა რომ გადალახო ,
მიითვისო უნდა მიწა ,
უნდა დაიპყრო ,
უნდა დაიმონო ,
უნდა მართო...
თუ ასე არ მოიქცევი
მიითვისებენ შენს მიწას ,
დაგიპყრობენ,
დაგიმონებენ,
გმართავენ...

Posted by: Perfecto_77 14 Feb 2018, 09:49

brdzolisunariani

QUOTE

მანდ კონტაქტის დამყარებით შეიძლებოდა საქართველოს ყოლოდა ბევრად ძლიერი ლაშქარი ვიდრე ყავდა
ამ ლაშქრით შეიძლება მოერბიათ ეს სამხრეთიც

ასეც ხდებოდა ძველ დროში.

QUOTE

ან იქნებ ყირიმისკენაც გასულიყვნენ (ნუ გაგეცინებათ...)

არ გამეცინება, სწორს ამბობ, თეორიულად შესაძლებელია ჩრდილოდასავლეთში შექმნილიყო დაახლოებით ისეთი სახელმწიფო, როგორიც ტრაპიზონის იმპერია იყო. ნუ მთლად ყირიმში არამგონია.
ისე დავით აღმაშენებლის ტიტულატურაში ჩამონათვალში ბოლოში არის "მეფე რუსთა", რომელსაც ხშირად არ ახსენებენ რატომღაც. სავარაუდოდ ეს "მეფე რუსთა" იმას ნიშნავს რომ აღმაშენებელს ჩრდილოეთში ჰქონდა გავლენა რაიმე სლავურ ტომზე ან ტომებზე.

Posted by: ingfari 14 Feb 2018, 10:54

brdzolisunariani
ობიექტურად არ გვქონდა მაგის რესურსი და ვერც იმ ძალისხმევის სანაცვლოდ რისი გაღებაც მოუწევდათ ჩრდ.კავკასიის დასაპყრობად(გავლენის სფეროში მოსაქცევად), ხედავდნენ ადეკვატურ მოგებას, სავარაუდოდ ასე იქნებოდა.
ამიტომაც შემოიფარგლენ რამდენიმე ლაშქრობით, მისიონერული საქმიანობით და მოსაზღვრე ხეობების ფორმალურ გავლენის სფეროში მოქცევით(მაგ.დიდოეთი XVII-მდე).

იგივე ინგლისი მაშინ იწყებს კოლონიების დაარსებას და ერთვება ბრძოლაში "ახალი მიწებისთვის", როცა თავად შიგნით გაძლიერდა და გაიზარდა ისე, რომ ამის გაკეთება შესაძლებელი გახდა, ანუ XVII საუკუნეში.
თორემ XV-ში და XVI-ის I ნახევარში როცა პორტუგალიამ და ესპანეთმა ახალ-ახალი მიწები აღმოაჩინეს, კოლონიების დაარსება დაიწყეს და ა.შ. ინგლისელებს პრაქტიკულად არაფერი გაუკეთებიათ(1 საწყალი ექსპედიცია და მორჩა), არ ქონდათ ამის თავი და იმიტომ.
გოგრაფიულ მდებარეობას აქვს მნიშვნელობა, მაგრამ მხოლოდ იმ დროს როცა სახელმწიფო/საზოგადოება მზადაა ის გამოიყენოს, ჩვენ მასეთი სიძლიერე და მზაობა არასდროს გვქონია, მითუმეტეს ხანგრძლივი პერიოდის განმავლობაში.

Posted by: Perfecto_77 14 Feb 2018, 12:12

მამენტს რაზე ვდისკუსიობთ, როცა ტრაკი გვქონდა კი გავავრცელეთ ჩვენი პოლიტიკური გავლენა ჩრდილოეთ კავკასიაში.

Posted by: brdzolisunariani 14 Feb 2018, 12:51

ingfari
სინამდვილეში ზუსტად არ ვიცით რისი თავი გვქონდა ჩ.კავკასიასთან მიმართებაში , მითუმეტეს IX-X საუკუნეებამდე შედარებით ბუნდოვანია ძალთა გადანაწილების ისტორია ამიერკავკასიაში (და იმიერკავკასიაში ხომ საერთოდ...)
რაც შეეხება საჭიროებას და სარგებლის მიღებას , როცა წიგნს კითხულობ 1 ფურცელს გადაშლი და ახალ ინფორმაციას იღებ, მერე მეორეს შლი , მესამეს , მეოთხეს და ახალ-ახალი ინფრომაციები იშლება სულ თვალწინ ... ასეა , იმიერკავკასიის ''ფურცელი'' რომ გადაგვეშალა სულ სხვანაერი ტიპის ისტორია შეიძლება გვქონდოა,შეიძლებოდა მიგვეღო მათგანაც რაღაც ინფორმაცია სხვა შემდეგ ხალხებზეც . ეს ტერიტორია არაა მარტო
მთა , მისი სამხრეთია მთიანი , სხვა ნაწილები გამოყენებადია , უბრალოდ კარგა ხანი არ გამოუჩნდა ჭკვიანი პატრონი .

ინგლისელებმა სკოტებს მიხედეს , ირლანდიელებს , შემდეგ ყველა კონტინენტზე ჩაყეს ფეხი . პორტუგალია, საფრანგეთი , ცოტა ნიდერლანდ-ბელგიაც , ამათ ვერ შევეჯიბრებით პყრობის სურვილებში , გინდ საშუალებებშიც(მართალი ხარ) უბრალოდ ბარიერის გადალახვის ჟინის გამო მოვიყვანე ინგლისი მაგალითისთვის ,როგორც ოკეანის მბრძანებლნი.

საქართველოს კარგი ისტორია აქვს ნამდვილად და საამაყო .
1 მინუსი ჩვენი ისტორიისა ისაა რომ ექსპანსიის სურვილი არ ჩანს მასში.

Posted by: mtiuli... 14 Feb 2018, 13:21

Perfecto_77
brdzolisunariani
სინამდვილეში დრო არ გვეყო. ყველაფერი ეტაპობრივად ხდება.

მე-10 საუკუნის მიწურულს გაერთიანდა საქართველო (თუმცა არა ბოლომდე, კახეთი და თბილისი დარჩენილი იყო).

ეს საქმე აღმაშენებელმა დაამთავარა მე-12 საუკუნეში (შუალედში დიდი თურქობა)

+ ქართული მიწების გარდა დას. შირვანი და სომხეთი დაამატა (ექსპანსიაა აბა რა არის)
რაც ვერ მოასწრო გავლენა დაამყარა.

ასევე გავლენა/კავშირი დაამყარა ალანებთან/ყივჩაღებთან

მე-13-ში ჩვენი ტერიტორია და გავლენა გაიზარდა. შემდეგ მონღოლები

(

ანუ რეალურად თავიდან ჯერ ჩვენი მიწები გვქონდა დასაბრუნებელი, ამის შემდეგ სულ რაღაც 1 საუკუნე გვქონდა დრო. ამ დროში საკმარისად ბევრი მოვასწარით. მათ შორის ჩრდ კავკასიაში გავლენაც.

დროის ამბავი იყო, თორე ჩრდ კავკასიასაც მთლიანად ავითვისებდით, ტრაპიზონსაც პირდაპირ შევიერთებდით (შესაბამისად ყირიმსაც). შირვანზე ხო საუბარიც ზედმეტია.

Posted by: brdzolisunariani 14 Feb 2018, 14:02

mtiuli...
ინერციაა ეგ გავლენები რაც ქონდა საქართველოს(ყველა შემთხვევაში არა რა თქმა უნდა) ,მეტწილად შეძენილი იყო კარგი თავდაცვით , რის შედეგადაც მტერი უკან იჩოჩებდა .

QUOTE

სინამდვილეში დრო არ გვეყო.

სინამდვილეში საჭირო იყო 1 კარგი სამხედრო ალღოს მქონე მმართველი ,
რომელსაც ყველაფერი ფეხებზე ეკიდებოდა გარდა დაპყრობებისა და ძარცვისა . არაა აუცილებელი მაღალკულტურულ არსებასთან გვქონოდა საქმე.
ბაგრატიონების საქართველომდეც შეიძლებოდა რაღაც ''ფანჯრების'' გამონახვა ამის გასაკეთებლად - არაა გამორიცხული .

არ ვიცი ,
ვამბობ იმას რაც საქართველოს ისტორიაში ''მაკლია'' .

Posted by: კუსლარხევი 14 Feb 2018, 14:10

ingfari

QUOTE

პირიქით.
ღმერთმა კავკასიის ქედი მოგვცა მაგათგან გამოსაყოფად, ეგ უნდა დავიცვათ კარგად.
ისინი თავისთვის, ჩვენ ჩვენთვის.
საერთოკავკასიური ფასეულობები არ არსებობს, მაგათი პროქართულობა ხომ აბსურდია, ზომებში არ ავირიოთ, ჩვენ იმპერია არ ვართ, არც რამე რესურსი გვაქვს ვინმეს ელიტა გავზარდოთ, თავს მივხედოთ მეტი არაფერი გვევალება.

გულუბრყვილო მიდგომაა. უნდა ეცადო გარშემო შენი გავლენა გაავრცელო და თუ შენ არ იზამ ამას მაშინ სხვა იზამს და გავრცელდება იქ საუდიტების ისლამური გავლენა, პრორუსული გავლენა და ა.შ ესეთი უაზრო მიამიტური მიდგომა ღუპავს ამ ქვეყანას. არ აქვს მნიშვნელობა რა ზომის ხარ მთავარია რომ შენი შესაძლებლობების შესაბამისად ეცადო ამის განხორციელებას.

თავის დროზე ჩრდ კავკასიაში რომ ქრისტიანობა გაგვევრცელებინა საქართველოს ისტორია კარდინალურად სხვა იქნებოდა. ფაქტია რო დაღესტნის გამაჰმადიანებამდე ჩვენ ქვეყანას ზურგი დაცული ჰქონდა . ლეკიანობამ მიიყვანა ერეკლეს დროს ჩვენი ქვეყანა ისეთ დაუძლურებამდე რომ კახეთში აღარაფერი ითესებოდა და ხალხი შიმშილით კვდებოდა. რო არა ეს ფაქტორი ერეკლეს ალღოს და სამხედრო ნიჭის მმართველი ბევრს მიაღწევდა და ვერც აღამახმადი მოსჭამდა რამეს, იქნებ საქართველოც გაერთიანებულიყო

Posted by: Kakha.G 14 Feb 2018, 18:32

ერთი დაგეძახა საომრად და ოსი ლეკი და ჩერქეზი უარზე როდის იყო? ფარნავაზიანებიდან დაწყებული ერეკლემდე
საქართველოს არანაირი დემოგრაფიული რესურსი არ ქონდა ჩ.კავკასიის კოლონიზაციისთვის.
მხოლოდ თამარის დროს დასახლდა ტაოს ნაპირები ზემო არტაანი და ბამბაკ ყაზახი, ასევე ქართული კოლონიები შეიქმნა სომხეთში.

Posted by: კუსლარხევი 14 Feb 2018, 21:10

Kakha.G

QUOTE

კოლონიზაციის არა მაგრამ მინიმუმ ისლამის გავრცელებისთვის მაინც რომ ხელი შეგვეშალა ურიგო არ იქნებოდა

Posted by: Kakha.G 14 Feb 2018, 22:15

კუსლარხევი
ისლამისთვის რომ ხელი შეგვეშალა მაშინ წარმართები დარჩებოდენ

Posted by: mtiuli... 14 Feb 2018, 23:20

რუსეთი თუ ძლიერი იქნება, შემდეგ საუკუნეში მართლა მორჩება ამათი ეროვნული თვითშეგნება.

თუ რუსეთს დაერხა, დამოუკიდებლობას ჩეჩნები, ინგუშები და დაღესტნელები მოიპოვებენ. შეიძლება რამე საერთო ისლამური ვილაიეთი შექმნან და იქნებიან სირია-ავღანეთივით.

ჩრდ-დასავლეთზე ვერაფერს ვიტყვი. ყაბარდოელები არაა მცირე ეთნიკური ჯგუფი, ის ვიცი რო რადიკალი მუსლიმები არ არიან. რუსებთან როგორ დამოკიდებულებაში არიან?

Posted by: ingfari 15 Feb 2018, 15:43

mtiuli...
წუპაკი ხალხია, აფხაზების მოკავშირე და რამე.
კახამ სწორი დაწერა გადატეხილი ხალხია ეგენი.

Posted by: Perfecto_77 15 Feb 2018, 16:51

QUOTE

ისე ეს საკითხი მგონი ძაან საინტერესოა და გაქვთ ამაზე ინფორმაცია?

Posted by: mtiuli... 15 Feb 2018, 18:55

QUOTE (Perfecto_77 @ 15 Feb 2018, 16:51 )

QUOTE

ისე ეს საკითხი მგონი ძაან საინტერესოა და გაქვთ ამაზე ინფორმაცია?

ქაღალდზე რუსულთან ერთად ადგილობრივი ენებიცაა ოფიციალური. ოსეთში - ოსური; ყაბარდო-ბალყარეთში - ყაბარდოული და ყარაჩა-ბალყარული; ყარაჩაი-ჩერქეზეთში იგივე + აბაზური, ადიღეში - ადიღეური.

სკოლაში როგორც ვიცი დაწყებით კლასებში სწავლობენ ადგილობრივ ენებზე, შემდეგ უკვე რუსულად.

Posted by: Perfecto_77 15 Feb 2018, 19:33

mtiuli...
ანუ ადგილობრივ ენებზე მეცნიერება, ლიტერატურა განვითარებული არაა ან ნაკლებად განვითარებულია როგორც ჩანს.

ნაციონალური სკოლები არცერთ ჩრდილოკავკასიელ ნაციას არ აქვს?

Posted by: mtiuli... 15 Feb 2018, 21:30

QUOTE (Perfecto_77 @ 15 Feb 2018, 19:33 )

ამაზე ბუტკუჯა შემოვა და გაგცემს ზუსტ პასუხს.

ნაციონალური სკოლებში თუ იმას გულისხმობ რო სრული საშ განათლება ხელმისაწვდომი იყოს ადგილობრივ ენებზე, მაშინ არა.

Posted by: ingfari 15 Feb 2018, 23:22

Perfecto_77
ნაციონალურ სკოლაში რას გულისხმობ მაგის მიხედვით.
რეალურად ნაციონალურ სკოლებში სწავლობენ მშობლიურ ენას+დაწყებით კლასებში 1-2 საგანი შეიძლება ისწავლონ კიდევ, სულ ეგაა.
დანარჩენი ყველაფერი რუსულად.
ანუ სკოლა რუსულია ისეთიც და ასეთიც, არაა ჩრდ.კავკასიელების არცერთი ენა იმ დონეზე განვითარებული საშუალო განათლების მაგ ენებზე მიღება შესაძლებელი რომ იყოს.
უნივერსიტეტზე ხომ არცაა ლაპარაკი.

Posted by: Perfecto_77 16 Feb 2018, 09:41

ingfari

QUOTE

ნაციონალურ სკოლაში რას გულისხმობ მაგის მიხედვით.

ანუ საქართველოში ხომ გვაქვს ქართული სკოლები. ასევე არსებობს რუსული სკოლა, სომხური სკოლა და ა.შ.

ხოდა ჩრდილოკავკასიაში ოსური სკოლა არსებობს? ან ჩეჩნური სკოლა? ან ჩერქეზული სკოლა? სადაც თავიდან ბოლომდე სწავლება ამ ენებზეა. მაგალითად ფიზიკა ისწავლება ამ ენებზე, ან ალგებრა და ა.შ.

როგორ ვიცი მაგალითად ოსეთში ოსური სკოლა არ არსებობს, მაშინ როცა იმავე ოსეთში ქართული სკოლაა.

პრინციპში ამ კითხვაზე კი გამეცით უკვე ნაწილობრივ პასუხი, მაგრამ მაინც საინტერესოა ეს საკითხი დეტალებში, თუნდაც ასიმილაციის ამბავში.

ასევე უნივერსიტეტები. რომელიმე ჩრდილოკავკასიელ ერს თავისი უნივერსიტეტი აქვს? თუ იქაც რუსულადაა ყველაფერი? საერთოდ ჩრდილოკავკასიაში უნივერსიტეტი არსებობს?
* * *
ნუ, გუგლით კი იპოვი კაცი ასეთ რამეებს, მაგრამ რეალურად ასეთი უნივერსიტეტები რამეს წარმოადგენენ? საინტერესოა.
https://en.wikipedia.org/wiki/Chechen_State_University

Posted by: ingfari 16 Feb 2018, 13:01

Perfecto_77
ფორმალურად არსებობს, მაგრამ რეალურად მხოლოდ თავის ენას ასწავლიან და 1-2 საგანი დაწყებითებში, ეგაა მაგალითად "ოსური" სკოლა ან "აფხაზური" სკოლა.
ქართულს ან სომხურს ვერც შეედრება, აქ სრულყოფილად ქართულად მიდის სწავლება.
უნივერსიტეტებშიც იგივე, ან არაფერი ან თავიანთი ენა შეიძლება გაატარონ გაღრმავებულად.

Posted by: akaki-bakaki 16 Feb 2018, 13:33

ჩრდილო კავსაკიასთან დაკავშირებით აქტიურობას რაც შეეხება ვფიქრობ რომ ჩვენი მეფეები არ იყნენ გულზე ხელდაკრეფილები როგორც აქ ითქვა
ჯერ კიდევ მირიანის დროს როგორც ჩანს პირიქითა თუშეთის ინტეგრირება მოხდა ქართლის სამეფოში. არც კახეთ-ჰერეთი იყო ყოველთვის ქართული მხარე ალბანელებს ეჭირათ ეს ტერიტორია და ნელნელა გაქართველდნენ. ჩეჩნეთში და ინგუშეთშიც არის ბევრი ქართული სალოცავების ნაშთები ასევე ბალკარეთშიც სვანეთის ზევით. ყველანაირი ექსპანსიაზე ლაპარაკი ზედმეტია თემურ ლენგის 7 ჯერადი შემოსევის შემდეგ, საქართველო თვითგადარჩენისთვის იბრძოდა თემურლენგმა ერთი შესევით დაიმორჩილა და ააოხრა მთელი ჩრდილო კავკასია და ძალით გაამუსულმანა და ჩვენ კიდევ 7 აგვიკლო და აგვაოხრა რომ საქარტელომ რომ არსებობა გაააგრძელა როგორც ქრისტიანულმა ქვეყანამ კიდე სასწაულის ტოლფასია და მეტს ნუ მოვთხოვთ. რაც იმათ გაუძლეს და იბრძოლეს ჩვენ რომ დღეს იმის ნახევარი გავაკეთოთ სულ სხვა სიმაღლეზე ვიქნებით

Posted by: brdzolisunariani 5 May 2022, 05:24

QUOTE

ჩრდილოეთ კავკასიის მომავალი

უკრებმა აპტეიტი გაუკეთეს ამ თემას

Posted by: ingfari 9 May 2022, 17:58

brdzolisunariani
რაზე ატყობ? ზოგადად რუსეთს რომ დაერხევა და იმპერიაზე უარის თქმა მოუწევს უდავოა, მათ შორის საქართველოს ოკუპირებული ტერიტორიებიდანაც წავლენ ამა თუ იმ ფორმით. რაც შეეხება ჩრდილოეთ კავკასიის რესპუბლიკებს, მათი დათმობა რუსეთის სახელმწიფოს სრული კოლაფსის შემთხვევაში თუ მოხდება, სირიის მსგავსი მრავალწლიანი სამოქალაქო ომი უნდა გაჩაღდეს.

ერთადერთი რესპუბლიკა, რომლის მოსახლეობასაც რუსეთიდან გამოყოფის სურვილი ალბათ აქვს (უნდა ჰქონდეს) ჩეჩნეთია, სხვა მანდ 1990-იანებში არ გამოჩენილა და ახლაც მეეჭვება. ვოლგისპირეთში თათარსტანია კიდევ, მაგრამ მანდ რა განწყობებია არ ვიცი, მითუმეტეს გეოგრაფიული მდებარეობა აქვთ არასახარბიელო.

Posted by: brdzolisunariani 11 May 2022, 13:41

ingfari

QUOTE

რაზე ატყობ?

ომზე , რომელიც ვეღარ მთავრდება ისე როგორც უნდოდათ კრემლში.

QUOTE

რაც შეეხება ჩრდილოეთ კავკასიის რესპუბლიკებს, მათი დათმობა რუსეთის სახელმწიფოს სრული კოლაფსის შემთხვევაში თუ მოხდება, სირიის მსგავსი მრავალწლიანი სამოქალაქო ომი უნდა გაჩაღდეს.

რუსეთის მორყევის შანსი დიდია , რა ფორმით შეირყევა არ ვიცით, ცოტა რთული სათქმელია .
ეს პროცესი, უეჭველად გამოიწვევს ჩრდ.კავკასიაში, ან ეთნიკურ სეპარატიზმს , ან რელიგიურ ექსტრემიზმს , ან ვიწრო ეთნო კონფლიქტებს ერთმანეთში, ან ყველაფერს ერთად. . .
დამოუკიდებელი ქვეყნები თუ ვერ შეიქმნება, მინიმუმ გადაიწევა მათი რუსიფიცირება .

უკრაინის ომი მოახდენს გავლენას ყველაზე და ყველაფერზე კავკასიაში

ამიტომ ვთქვი რომ თემამ განიცადა აფდეიტი.

Posted by: ingfari 11 May 2022, 18:57

brdzolisunariani
ჰო, ამაში გეთანხმები, გარკვეულ პროცესებს აუცილებლად მისცემს ბიძგს რუსეთის დამარცხება, მათ შორის ჩრდ.კავკასიაშიც. რაც ჩამოთვალე ეგენი სავარაუდოა, მასშტაბები და შედეგები ვნახოთ (ამ უკანასკნელში ვარ ცოტა სკეპტიკურად). თუ ამ ფიასკოს ფონზე საერთოდ არაფერი მოხდა ჩრდ.კავკასიაში ე.ი. დახოცილან ეგენი, როგორც ერები და ვერ გაგვიგია. თუმცა მე მაგის ალბათობას გამოვრიცხავ, იქნება რუსებისთვის უსიამოვნო მოძრაობები, ჩეჩნეთში მაინც, შეიძლება 1-2-გან კიდევ.

Posted by: Hooked 22 Jul 2022, 17:53

QUOTE