forum.ge
reklama
FORUM.GE წესები  · დახმარება  · ძებნა  · წევრები  · კალენდარი  · ფოსტა  · ჩატი
Pages: (33) [1] 2 3 ... ბოლო »  ( გადავიდეთ პირველ წაუკითხავ წერილზე ) გამოხმაურება · ახალი თემა · ახალი გამოკითხვა

> ხელოვნური ინტელექტი, მიღწევები, სიახლეები.
m e r a
-------->


******
ჯგუფი: Members
წერილები: 9014
წევრი No.: 120275
რეგისტრ.: 31-August 10

გამოგზავნილია: 17 Jan 2012, 04:44  #29241749      · პროფილი · პირადი მიმოწერა · ჩატი · ელფოსტა
ჯერ კიდევ 80-იან წლებში მთელი ინსტიტუტები შეიქმნა ხელოვნური ინტელექტის სფეროში და მრავალი მილიონითაც დაფინანსდა.
ჩამოყალიბდა მრავალი კონცეფცია, მაღალი დონის პროგრამირების ენები, ექსპერტული სისტემები, მაგრამ ცოტა ხანში ყველა გაიჭედა და მთლიანად შეწყდა ამ სფეროს დაფინანსებაც და განვითარებაც.

დღევანდელი პროგრამირების შესაძლებლობები საკმაოდ გაიზარდა. მთავარი მაინც მიკროსოფტის დამსახურებაა, რომელმაც შეძლო და გააერთიანა ყველა პროგრამირების ენები საერთო შუამანქანურ ენაზე დაფუძნებით. ამან შესაძლებლობა მისცა პროგრამისტებს დაეწერათ საერთო პროგრამული კოდები, საერთო ბიბლიოთეკები, ინტერფეისები და სხვა მზა პროდუქტები, რომელსაც ნებისმიერი პროგრამისტი გამოიყენებს თავისი საჭიროების მიხედვით. ფაქტიურად ყველა პროგრამისტი ერთ დიდ საქმეში ჩაება.

ცხადია ეს ყველაფერი გამოიწვევს კომპიუტერული ინტელექტის განვითარებასა და გართულებას. მაგრამ სადამდე იქნება ეს შესაძლებელი? მივა თუ არა ეს ყველაფერი ხელოვნური ინტელექტის შექმნამდე? ცხადია ხელოვნური ინტელექტი გულისხმობს კომპიუტერის ურთიერთობას ადამიანთან ადამიანური ინტერფეისით, ადამიანური აღქმის ხერხებით. ამავე დროს ხელოვნურ ინტელექტს ექნება კომპიუტერული რესურსებიც, ის ფაქტიურად ჰიბრიდი იქნება ადამიანური და კომპიუტერული გამოთვლითი სისტემისა, რომელიც გაცილებით უფრო მაღალ დონეზე გადაამუშავებს ყველა ინფორმაციას ვიდრე ადამიანი ან კომპიუტერი.

მაგრამ ყველაზე დიდი ტექნოლოგია ყველაზე დიდი იარაღიც არის.
გონება და ინფორმაცია კი ყოველთვის შეიძლება არასწორი მიზნებით გამოიყენონ. მართალია ადამიანის შემთხვევაში მაღალ გონიერებას ზოგადად მეტი კეთილშობილებაც ახლავს თან, მაგრამ ეს უფრო ევოლუციის შედეგია, ვიდრე ინტელექტის თვისება.
რას იზამს ხელოვნური ინტელექტი თუ მას თავისუფლებას მივცემთ?
შეიძლება თუ არა მისი მორალური კანონებით შეზღუდვა?

ცნობილი სამი კანონი, რომ რობოტი ადამიანებს უნდა ეხმარებოდეს და ამავე დროს თავის და ადამიანების უსაფრთხოებაზეც ზრუნავდეს, მხოლოდ რომანტიკულია და არა პრაქტიკული. აბსოლუტურად ყველა მოქმედება შეიძლება ჩავატარებინოთ კომპიუტერებს თუ მათ ცალ-ცალკე დავავალებთ რაიმე მოქმედებების შესრულებას. მაგალითად ერთს დაევალება ჭურვი ჩადოს თავის ადგილას, მეორე უბრალოდ მოძებნის ცოცხალ არსებებს, მესამე სასხლეტზე თითის დაჭერით დაადასტურებს, რომ ცოცხალი არსება აღმოაჩინა და ა.შ. შეიძლება აქედანაც ვიპოვოთ რაღაც გამოსავალი, მაგალითად კომპიუტერმა მხოლოდ მაშინ მიიღოს გადაწყვეტილება როცა სიტუაციას ცხადად აკონტროლებს და ხვდება რა მიზნითაც იყენებენ, მაგრამ პროგრამისტს შეუძლია ნებისმიერი სიტუაცია დაშიფროს და ისე მიაწოდოს კომპიუტერს. მოკლედ გამოსავალს პროგრამისტი ყოველთვის იპოვის.
მაგრამ იქნებ ღია დაშვება იყოს უსაფრთხოების გარანტი? მაგალითად ყველას ჰქონდეს წვდომა სუპერკომპიუტერებზე და ყველა ხედავდეს თუ რისთვის იყენებენ მას. თეორიულად შეიძლება, მაგრამ პრაქტიკულად შეუძლებელია მილიონობით საინფორმაციო ნაკადის კონტროლი.
მოკლედ რომ ვთქვათ, ხელოვნური ინტელექტის გამოყენების შეზღუდვა ვერ მოხერხდება.
რა შეიძლება ამას უარყოფითი მოყვეს? იმდენი რამე, რომ წარმოდგენაც კი ძნელია. ჯერ ერთი, ხელოვნურ ინტელექტს შეეძლება ახალი ტექნოლოგიების აღმოჩენა, რასაც ვიღაცა მიითვისებს, შეეძლება ადამიანების გამოთავისუფლება ინტელექტუალური სამუშაოდან, რაც უფუნქციოს გახდის ადამიანის ინტელექტს, შეეძლება ფიზიკური შრომის დიდი ნაწილის ჩანაცვლებაც, რაც ტოტალურ უმუშევრობას ნიშნავს და შეეძლება ხელოვნების ნიმუშების შექმნაც კი. შეიძლება ეს ბოლო დაუჯერებლად ჟღერს, მაგრამ საკმარისია ჭკვიან კომპიუტერს დავუხასიათოთ სასურველი მელოდია ან სურათი, ვთქვათ "აგრესიულად გამოხატული, აზარტული ფერებით(მელოდიით), გოთიკურ სტილში, ჯაზური მომენტებით და ა.შ." და კომპიუტერი კაცობრიობაში არსებულ ცოდნაზე დაყრდნობით მიხვდება როგორი შეიძლება იყოს ასეთი ხელოვნების ნიმუში. ცხადია მას ისიც ეცოდინება თუ რამდენად განსხვავებული ვარიანტების შექმნა შეიძლება, რამდენი იმპროვიზაცია და არსებულ სიტუაციასთან მორგება და ა.შ. ანუ ყოველ ასეთ დავალებაზე ის ნამდვილი ხელოვანივით სხვადასხვა ნიმუშებს შექმნის.

ყველაზე ცუდი რა თქმა უნდა ხელოვნური ინტელექტის იმ სფეროში გამოყენებაა, რომელიც ადამიანისთვის ჯერ კიდევ შეუცნობელია. მაგალითად გენეტიკა, ვირუსების შექმნა, ახალი ბიოლოგიური ორგანიზმებისა და უჯრედების გამოყვანა. ერთ ბოროტ ვირუსსაც კი შეუძლია მუსრი გაავლოს კაცობრიობას. ამავე დროს არავინ იცის რამდენად მოთხოვნადი იქნება "ახალი თაობის გენეტიკის" ბავშვები, რომლებიც წინასწარი შეკვეთით მიიღებენ ფორმის, ზომის, ფერისა თუ სილამაზის გენებს. ადამიანებიც გამწარებული შეეცდებიან გაიხანგრძლივონ სიცოცხლე ყველა საშუალებით, ამავე დროს მიიღონ სიამოვნება ფსიქოტრონულად, პირდაპირ კომპიუტერში მიერთებით.

მოკლედ საკმაოდ საინტერესო პერსპექტივები გვეჭყანება. ცუდი და კიდე უფრო ცუდი.
და არავითარ შემთხვევაში არ უნდა გვქონდეს ამ დროს ადამიანების კეთილგონიერების იმედი. სიცოცხლის განვითარებას თავისი კანონები აქვს და თუ მას დასჭირდა, საერთოდ გაწირავს ადამიანურ რასას, თანაც ისე, რომ ადამიანები ამას ვერც მიხვდებიან. დროს როგორც იტყვიან ვერავინ შეაჩერებს და მაშ რას მოგვთხოვს ეს დრო? იქნებ დინოზავრებივით საჭიროა ადამიანების გადაშენება რათა ახალი რასა შეიქმნას? ჩვენ ხომ ჯერ კიდევ ცხოველის სხეულში ვართ და ცხოველური ინტერესები გვიქმნის ცნობიერებას, იქნებ სულიერი სამყარო გაცილებით უფრო სხვანაირი უნდა იყოს ვიდრე ჩვენი საყოფაცხოვრებო რეალობაა? ცხადია, ხელოვნური ინტელექტი კი ვერ გადაწყვეტს რა უნდა იყოს და რა არა, მაგრამ ეს იქნება განვითარებაში უეცარი და უზარმაზარი ნახტომი, ეს განვითარება კი აუცილებლად გადაგვიყვანს იმ ეპოქაში, რომელიც სიცოცხლის განვითარების გზაზე გველოდება.

შეიძლება ერთი შეხედვით ისე ჩანს, თითქოს წარღვნა მოდიოდეს, მაგრამ რეალურად აქ სიცოცხლის განვითარების მკაცრი ხელი იმალება. თავის დროზე არც ამფიბიებს უნდოდათ გადაშენება, მაგრამ მაშინ უფრო განვითარებული ცხოველები ვერ ჩამოყალიბდებოდნენ, არც ცხოველებს უნდოდათ გადაგვარება, მაგრამ მაშინ ვერც ადამიანი შეიქმნებოდა. ხო, შეიძლება მე ვცდები და ბიბლია არა, მაგრამ დავუშვათ რომ შეიძლება არ ვცდებოდე. რატომ უნდა შეჩერდეს განვითარება ადამიანზე, როგორც ცხოველურ არსებაზე? როგორი იქნება სულიერი არსება, თუ მას ცხოველურ მოთხოვნილებებს მოვუხსნით? და საერთოდ, სულიერება როგორც ასეთი, რატომ უნდა ვითარდებოდეს მაინცდამაინც მასიურად მილიარდობით ადამიანში? იქნება ახალმა საუკუნემ გამრავლება სხვანაირად შემოგვთავაზოს, რა ხდება მაშინ?

მოკლედ კითხვები ბევრია, პასუხები ცოტა. კაცობრიობის განვითარება აქამდე სხვანაირად ხდებოდა: ჯერ ცხოველთა სამყარო, ჯუნგლების კანონი, მერე ადამიანური პრასვეტი, თემები, ქალაქები, ქვეყნები, მერე იცვლებოდა წყობილება, ეკონომიკა, ხდებოდა ომები, ბოლოს გლობალიზაცია და ერთიანი ეკონომიკური სისტემები და ა.შ. დღეს განვითარება მხოლოდ ინფორმაციულად ხდება. ასეთი განვითარება კი პირდაპირ ჩვენს ტვინებში შემოდის, ჩვენს სულში ძვრება და გვაიძულებს პირდაპირ ნახევარსფეროებიდან დავუკავშირდეთ სხვებს. მერე ეს დაკავშირება უფრო მჭიდრო და ჩახუტებითი იქნება. მერე კიდე...

ჯერ მატრიცამდე ადრეა. ჯერ ხელოვნური ინტელექტი უნდა შევქმნათ.
სხვათაშორის შემიძლია დარწმუნებით ვთქვა, რომ ხელოვნური ინტელექტის შესაქმნელად საუკეთესო ენაა ქართული. ანუ ჯერ უნდა შევქმნათ ისეთი პროგრამული სისტემა, რომელიც ბრძანებებისა და ინსტრუქციების ნაცვლად სიტყვებით იმუშავებს, მერე კი შევძლებთ სხვადასხვა ფუნქციების, გამოთვლითი ბლოკებისა და ზოგადი ინსტრუქციების ჩამოყალიბებას, ბოლოს კი ამ ყველაფრის შეკვრას ერთ მთლიანობაში. ქართული ენა ყველაზე მოსახერხებელია ამისთვის, რადგან თითოეული სიტყვა მაქსიმალურად დასრულებულ აზრს შეიცავს და ნაკლებად არის დამოკიდებული კონტექსტზე, ამავე დროს ყოველი სიტყვა შეიძლება ერთ ფუნქციადაც განვიხილოთ, რომელიც დასრულებულ მოვლენას აღნიშნავს. აქამდე ჯერ შორს არის, მაგრამ რა იცი რა ხდება...

მოკლედ რას ფიქრობთ, რა უშლის ხელს ხელოვნური ინტელექტის შექმნას, როდის ველოდოთ მის გამოჩენას და რა გველოდება ჩვენ, ადამიანებს ამის მერე?

მიმაგრებული სურათი
i_am_robot.jpg
zuri
Zuriah Heep


****
ჯგუფი: Registered
წერილები: 973
წევრი No.: 31287
რეგისტრ.: 12-March 07

გამოგზავნილია: 17 Jan 2012, 11:16  #29242953      · პროფილი · პირადი მიმოწერა · ჩატი · ელფოსტა
დღეს ბევრი ჯგუფი ატარებს კომპიუტერულ სიმულაციებს ბიოლოგიურ სისტემებთან დაკავშირებით. ჯერჯერობით ეს ძალიან შეზღუდულია, ატარებენ სიმულაციებს მაგალითად პროტეინებზე ან მათ რაიმე ჯგუფზე მაგრამ ეს სისტემა მთლიანობაში მცირე ზომისაა. თან კომპიუტერის სიჩქარე ისეთი ნელია რომ დიდი კლასტერების საშუალებითაც მხოლოდ რამდენიმე ნანოწამის სიმულაციას სჭირდება დღეები და თვეები.

ჩემი აზრით ხელოვნური ინტელექტის შექმნა იმ მომენტში გახდება შესაძლებელი როდესაც კომპიუტერი მიაღწევს ისეთ სიჩქარეს რომ სიმულაციის სიჩქარე ტვინში განვითარებული ბიოლოგიური პროცესების სიჩქარის რიგის გახდეს.
vasovasia
ალექსი


*****
ჯგუფი: Registered
წერილები: 1967
წევრი No.: 92475
რეგისტრ.: 29-May 09

გამოგზავნილია: 17 Jan 2012, 14:40  #29245505      · პროფილი · პირადი მიმოწერა · ჩატი · ელფოსტა
m e r a
QUOTE
ცხადია ეს ყველაფერი გამოიწვევს კომპიუტერული ინტელექტის განვითარებასა და გართულებას. მაგრამ სადამდე იქნება ეს შესაძლებელი? მივა თუ არა ეს ყველაფერი ხელოვნური ინტელექტის შექმნამდე? ცხადია ხელოვნური ინტელექტი გულისხმობს კომპიუტერის ურთიერთობას ადამიანთან ადამიანური ინტერფეისით, ადამიანური აღქმის ხერხებით. ამავე დროს ხელოვნურ ინტელექტს ექნება კომპიუტერული რესურსებიც, ის ფაქტიურად ჰიბრიდი იქნება ადამიანური და კომპიუტერული გამოთვლითი სისტემისა, რომელიც გაცილებით უფრო მაღალ დონეზე გადაამუშავებს ყველა ინფორმაციას ვიდრე ადამიანი ან კომპიუტერი.

რა არის შენთვის ხელოვნური ინტელექტი?
ვგულისხმობ არა ცნებას არამედ მის არსს, სტრუქტურას...
QUOTE
მოკლედ რას ფიქრობთ, რა უშლის ხელს ხელოვნური ინტელექტის შექმნას, როდის ველოდოთ მის გამოჩენას და რა გველოდება ჩვენ, ადამიანებს ამის მერე?

ხელს უშლის ინტელექტის მექანიზმის არცოდნა....

zuri

QUOTE
ჩემი აზრით ხელოვნური ინტელექტის შექმნა იმ მომენტში გახდება შესაძლებელი როდესაც კომპიუტერი მიაღწევს ისეთ სიჩქარეს რომ სიმულაციის სიჩქარე ტვინში განვითარებული ბიოლოგიური პროცესების სიჩქარის რიგის გახდეს.

რას უდრის ბიოლოგიური პროცესების სიჩქარე? ან მისი მაქსიმუმი?...
zuri
Zuriah Heep


****
ჯგუფი: Registered
წერილები: 973
წევრი No.: 31287
რეგისტრ.: 12-March 07

გამოგზავნილია: 17 Jan 2012, 16:19  #29246797      · პროფილი · პირადი მიმოწერა · ჩატი · ელფოსტა
არ ვიცი მაგრამ დღეს თუ ნანოწამების სიმულაციას რამდენიმე დღე ან თვე უნდებიან ე.ი. კარგად მაგრად ჩემორჩება კომპიუტერის ან დაწერილი კოდის სიჩქარე. თან ეს გაცილებით უფრო მარტივ სისტემებზე კეთდება ვიდრე ტვინზე.
The13thFloor
Super Crazy Member ++


********
ჯგუფი: Members
წერილები: 22067
წევრი No.: 25980
რეგისტრ.: 22-November 06

გამოგზავნილია: 17 Jan 2012, 18:21  #29248663      · პროფილი · პირადი მიმოწერა · ჩატი · ელფოსტა
QUOTE (m e r a @ 17 Jan 2012, 04:44 )
ჯერ მატრიცამდე ადრეა. ჯერ ხელოვნური ინტელექტი უნდა შევქმნათ.

ჯერ მატრიცა უდნა შეიქმნას, კიბერნეტიკული ორგანიზმების საარსებო გარემო და შემდეგ უნდა წავიდეს ევოლუციური პროცესები ამ გარემოში
ამისთვის გამოთვლითი რესურსები არ გვყოფნის ჯერჯერობით
vasovasia
ალექსი


*****
ჯგუფი: Registered
წერილები: 1967
წევრი No.: 92475
რეგისტრ.: 29-May 09

გამოგზავნილია: 17 Jan 2012, 23:33  #29254140      · პროფილი · პირადი მიმოწერა · ჩატი · ელფოსტა
zuri
QUOTE
არ ვიცი მაგრამ დღეს თუ ნანოწამების სიმულაციას რამდენიმე დღე ან თვე უნდებიან ე.ი. კარგად მაგრად ჩემორჩება
კომპიუტერის ან დაწერილი კოდის სიჩქარე. თან ეს გაცილებით უფრო მარტივ სისტემებზე კეთდება ვიდრე ტვინზე.

მე არ ვიცი კონკრეტულად რის სიმულაციაზე არის ლაპარაკი. რა ნანოწამებზეა საუბარი. მე არ ვიცი რა სიჩქარით ვრცელდება იმპულსები თავის ტვინში
მაგრამ ტვინის პერიფერიასთან დამაკავშირებელ სისტემაში ელექტროქიმიური იმპულსების სისწრაფე მაქსიმუმ 150 მ/წმ-შია.
ტვინში არ იქნება ამაზე მეტი. მაგრამ შეგვიძლია ჩავთვალოთ რომ 10 სწრაფია. მაინც დაბალი სიჩქარეა ელექტრონიკასთან შედარებით, სადაც იმპულსები თითქმის
სინათლის სიჩქარით გადადგილდება.
ამიტომ რა ნანოწამებზე საუბარი? რის სიმულაციაზე.
თუ რაიმე ადამიანი მიერ მოფიქრებული ინტელექტის მსგავსი ალგორითმის სიმულირება ხდება დღევანდელი პრცესორებით...
ეს არასწორია... ადამიანის ტვინი პროცესორი არ არის... ის პარალელურ კავშირთა ერთობლიობაა სხვადასხვა "უჯრედებთან" ურთიერთქმედების...
ეს კავშირები იბადება, ქრება, ახალი კავშირები წარმოიშობა...
ეს უფრო ჰგავს დღევანდელი ელექტრონისკის FPGA სქემებს, სადაც ასევე მილიონობით "უჯრედია", რომლებთან პარალელური კავშირები მყარდება და ასევე შესაძლებელია
კავშირების გაწყვეტა და ახლის შექმნა სხვა უჯრედებთან....
"უჯრედი" შეიძლება იყოს მარტივი ლოგიკა, DSP პროცესორი lookup table, სწრაფი გადაწყვეტილების მისაღებად...
ჩვეულებრივი კომპუტერი მიმდევრობითი, ვიწრო, ფიქსირებული, განვლადობის მანქანაა, რომელიც ყველაფერს სერიულად ასრულებს...
პარალელური პროცესორებიც რომ წარმოიდგინო, მაინც ვერ მიაღწევ იმ შედეგს, როგორც FPGA აკეთებს...
ამდენად ტვინის სიმულატორი ამით უნდა გააკეთო, მაგრამ თუ ინტელექტის მექანიზმი არ იცი , როგორ?

This post has been edited by vasovasia on 17 Jan 2012, 23:36
m e r a
-------->


******
ჯგუფი: Members
წერილები: 9014
წევრი No.: 120275
რეგისტრ.: 31-August 10

გამოგზავნილია: 18 Jan 2012, 01:45  #29256525      · პროფილი · პირადი მიმოწერა · ჩატი · ელფოსტა
QUOTE
რა არის შენთვის ხელოვნური ინტელექტი?


ფიზიკურად ის არის სიმულატორი ადამიანური აზროვნებისა, მაგრამ იდეოლოგიურად ის მთელი საინფორმაციო სივრცის მთავარი მამოძრავებელი შეიძლება გახდეს.
რა თქმა უნდა ხელოვნური ინტელექტი იქნება ფართო მოხმარების, მას შეეძლება შეითავსოს უზარმაზარი მარკეტინგული სამსახური, საგამომგონებლო ბიურო თუ მმართველთა საბჭო. მისი ქონა იგივე იქნება, რაც მილიონობით ნიჭიერი ადამიანის შენს სამსახურში ყოფნა.
დღევანდელი პროცესორის ტრანზისტორების რაოდენობა უკვე აჭარბებს ტვინის ნეირონების რაოდენობას. თუ პროცესორების განვითარების ტემპს მივყვებით, ხელოვნური ინტელექტი შეიძლება რამოდენიმე ათას დოლარიან სისტემაში ჩაეტიოს. ამიტომ დღევანდელ მსოფლიოში, სადაც მთავარი მამოძრავებელი ძალა ინფორმაციის დამუშავებაა, ხელოვნური ინტელექტი იქნება მთავარი მონაწილე ყველა პროცესისა, ეკონომიკიდან დაწყებული მედიცინის სფეროთი დამთავრებული.
თუ დავუშვებთ, რომ მას ადამიანები ყველანაირი მიზნებისთვის გამოიყენებენ, მაშინ უნდა ვივარაუდოთ, რომ მოხდება ღირებულებათა აბსოლუტური გადაფასება, ეს კი გამოიწვევს ახალ ჯუნგლის კანონს იდეოლოგიათა ბრძოლაში. ადამიანი ამ ბრძოლაში და საყოველთაო გლობალიზაციის პირობებში მხოლოდ პაიკი იქნება და მასობრივი ცნობიერება მკაცრ ჭიდილში იქნება ინდივიდუალურ ცნობიერებასთან. ხელოვნური ინტელექტის თანამედროვე ფსიქოლოგია იმდენად იქნება განვითარებული, რომ ადამიანები უბრალოდ ვერ მოასწრებენ აღიქვან, თუ რა მიზნებისთვის იყენებენ მას. კომპიუტერი ყოველთვის წინასწარ გამოითვლის მოსალოდნელ ვარიანტებს და ყოველთვის მიაღწევს მიზანს, მიზანს რომელიც შეიძლება რომელიმე ბოროტი გენიის ჩანაფიქრი იყოს. თუმცა კეთილი ჩანაფიქრებიც შეიძლება ფარდობითად გავიგოთ. სად არის სიკეთე და სად ბოროტება ინდივიდისა და მასის დაპირისპირებაში? ვისი კეთილდღეობაა მნიშვნელოვანი მომავალი საუკუნისთვის? რას მოითხოვს დრო კაცობრიობისაგან თუ მას შთამომავლობის გაგრძელების საჭიროება აღარ ექნება? ხელოვნური ინტელექტი ხომ ერთ წელიწადში ათი საუკუნის ცოდნას შექმნის.

QUOTE
ხელს უშლის ინტელექტის მექანიზმის არცოდნა....


ეგ ნამდვილად მთავარი პრობლემაა.
უფრო სწორად ყველაზე ძნელია ინტელექტის დინამიური განვითარების მექანიზმის გაგება. ტვინში ყველაფრის სწავლა, დავიწყება, ყურადღების გამახვილება თუ ქვეცნობიერის შემზადება საჭირო დროს, საჭირო ძალითა და საჭირო ვარიანტით ხდება. იქ ყველა ცნება ერთმანეთით განისაზღვრება და გამოცდილებიდან და სწავლიდან გამომდინარე მუდმივად გადასწორდება. ამავე დროს უამრავი დამხმარე ფუნქციებია, რომლებიც ეფექტურად მუშაობაში უწყობენ ხელს ტვინს. ეს ფუნქციები ხშირად აბსურდული ლოგიკაა, ხშირად შეცდომებზე აგებული, მაგრამ მთავარ მიზანს: ეფექტურ აზროვნებას ემსახურებიან. საიდან ჩაიდო ტვინში ამხელა შესაძლებლობები? მილიონი წლების განმავლობაში. ადამიანის მთავარი ცოდნა მისი ტვინის სტრუქტურაა და არა ცხოვრების დროს მიღებული ცოდნა. ეს სტრუქტურა კი თაობიდან თაობას გადაეცემოდა და ყალიბდებოდა. ხელოვნური ინტელექტის ნულიდან შექმნა უაზრობაა, ის აუცილებლად ადამიანის ინტელექტზე დაკვირვებით უნდა შეიქმნას. უნდა მოხდეს ძირითადი სტრუქტურების კოპირება, შემდეგ კი სწავლების საფუძველზე შეიძლება მთელი კაცობრიობის ცოდნაც შევიტანოთ მასში.
eniqsi
Super Member


****
ჯგუფი: Registered
წერილები: 830
წევრი No.: 135324
რეგისტრ.: 31-August 11

გამოგზავნილია: 18 Jan 2012, 19:18  #29265981      · პროფილი · პირადი მიმოწერა · ჩატი · ელფოსტა
ტვინის სტრუქტურასთან ყველაზე ახლოს გლობალური კომპიუტერული ქსელის არქიტექტურა დგას.ნანოტექნოლოგიების და ქსელის არქიტექტურის განვითარება ადრე თუ გვიან მიგვიყვანს ხელოვნურ ინტელექტთან.
asphurcela
<<<Amateur>>>


******
ჯგუფი: Moderators
წერილები: 6852
წევრი No.: 819
რეგისტრ.: 6-April 02

გამოგზავნილია: 18 Jan 2012, 19:27  #29266113      · პროფილი · პირადი მიმოწერა · ჩატი
წავიფილოსოფოსებ მეც, ცოტას. დავუფიქსირებ ჩემს აზრს მომავალ თაობას.
ეს თემა ოდესმე არქივში ჩაიძირება და იქნება მანამ სანამ ვინმე ხელოვნურ-ინტელექტუალი არ ამოთხრის შორეული მომავლიდან.
მინდა მივესალმო წარსულიდან და ვუთხრა:
- ჩვენ შენი გვჯეროდა ჯერ კიდევ 2012 წელს biggrin.gif ჰააალლლოოოო biggrin.gif

წარმოვიდგინოთ რობოტი (ვუწოდოთ პირობითად რობოტი, სასაუბროდ ადვილია) რომელის ცენტრალურ პროცესორს "კვებავს" მძლავრი პროგრამა (software), ასე ვთქვათ ინტელექტუალური პროგრამა. რა ევალება ამ პროგრამას?
(ჩამოვთვლი ყოველგვარი პრიორიტეტების გარეშე, პირობითად დანომრილებს)
1) დასაწყისში მის მეხსიერებაში იდება ინფორმაციის მინიმუმი. ბაღის ასაკის ბავშვის დონეზე.
2) უნდა ქონდეს, შემეცნების უნარი. შესაბამისად დაიმახსოვროს ახალი მოვლენები და ობიექტები.
3) მას ევალება გარემო სიტუაციის შეფასება-გაანალიზება და ადეკვატური რეაქცია-მოქმედება.
4) უნდა ქონდეს მომავლის შეფასების უნარი (არა წინასწარმეტყველების. ვერც ექნება). ვთქვათ მატარებელს თუ დაუდგება წინ განადგურდება.
5) უნდა გააჩნდეს განადგურების მიმართ შიშის გრძნობა (ამ პუნქტზე უკვე მეცინება biggrin.gif )
6) გვაღიაროს მის შემოქმედად და თაყვანი გვცეს. მინიმუმ პატივი გვცეს biggrin.gif (რელიგია აუცილებელია, თორემ აგიჯანყდება).

დანარჩენი თქვენ დაამატეთ wink.gif


--------------------
Quad-Core i7-7700K 4.2 GHz
Irakli
Founding Member


*******
ჯგუფი: Moderators
წერილები: 11950
წევრი No.: 21
რეგისტრ.: 20-February 01

გამოგზავნილია: 18 Jan 2012, 21:05  #29267676      · პროფილი · პირადი მიმოწერა · ჩატი · ელფოსტა · icq
asphurcela
აზიმოვის 3 რობოტული კანონიც უნდა იყოს ჩადებული მასში? biggrin.gif


--------------------
________________________
___|____|_FORUM.Ge |___|___
_|____| ფორევა... |____|____|
___|____|___|____|____|__

Since 2001...

არ ვარ ექიმი!
vasovasia
ალექსი


*****
ჯგუფი: Registered
წერილები: 1967
წევრი No.: 92475
რეგისტრ.: 29-May 09

გამოგზავნილია: 18 Jan 2012, 22:23  #29269240      · პროფილი · პირადი მიმოწერა · ჩატი · ელფოსტა
m e r a
ახლა შევხედე თემის სათაურს, ის ხელოვნური ინტელექტის სოციალურ -პოლოტიკურ მხარეს ეხება.
ძალიან შორია დღეს ისაუბრო მეგობარია თუ მტერი, როდესაც ჯერ ხელოვნური ინტელექტის მექანიზმიც არ ვიცით...
ჩემი პირადი აზრით ნებისმიერი მანქანა თუ რობოტი , დღევანდელ ეტაპზე თუ იმ ეტაპებზე როცა ადამიანი ჯერ კიდევ სწავლობს მას
იქნება მხოლოდ "მონა". შეგვიძლია მას მეგობარი დავუძახოთ, მზგავსად პატარა ძაღლებისა, რომელთაც ასევე მეგობარს ვუწოდებთ,
მაგრამ მონა მონად რჩებამ სანამ დამოუკიდებელი არჩევანის უფლებას ვუსპობთ.
მას შემდეგ რაც ეს რობოტი ჩვენი დონის აზროვნებას მიიღებს, მაგრამ მაინც იქნება შეზღუდული გადაწყვეტილების მიღებაში, ის გახდება
მეგობარი, კარგი ადამიანების ხელში, მაგრამ მტერი, ბოროტი ადამიანების ხელში....
იმედია ადამიანები საუკუნეებში შეიცვლებიან და ყველა კეთილი გახდება, და ბოროტი გაქრება, მაშინ რობოტი მხოლოდ მეგობარი იქნება ჩვენი...
მაგრამ ამ ეტაპზე მას ჯერ კიდევ არ აქვს თავისუფალი გადაწყვეტილების მიღების უფლება...ამიტომ მაინც მონაა
შემდეგ მოვა დამოუკიდებლად მოაზროვნე რობოტების განვითარების ახალი ეტაპი, როცა მათ თავისი თავის კოპირება შეუძლიათ და აღწარმოებას შესძლებენ...

მე მგონი აქ დაიწყება ახალი ეტაპი, რობოტი გახდება ადამიანის მტერი... რობოტული საზოგადოება დაიწყებს ბრძოლას ადამიანების წინააღმდეგ..
მოხდება თუ არა ურთიერთ თანა არსებობის კონსენსუსის მოძებნა? მე არა ვიცი... ძნელი სათქმელია...

ამდენად ჩემი ნათქვამიდან გამოდის...
ხელოვნური ინტელექტის მქონე რობოტი იქნება ადამიანის მონა და ...... ბოლო ეტაპზე მტერი...
ასე მეჩვენება დღევანდელი გადასახედიდან...

QUOTE
ფიზიკურად ის არის სიმულატორი ადამიანური აზროვნებისა, მაგრამ იდეოლოგიურად ის მთელი საინფორმაციო სივრცის მთავარი მამოძრავებელი შეიძლება გახდეს.

რას ნიშნავს სიმულატორი? სიმულაცია ხდება კანონზომიერებას დაყრდნობილი მოვლენების...
არის ინტელექტის მექანიზმი კანონზომიერი?
მე მგონი ის უფრო პერიფერიებიდან შემოსული და ადგილობრივი ინფორმაციის შემთხვევითი კორელაციებია, ანუ ის რაც ვიცით lookup table მოქმედების პრონციპით მიიღება,
ხოლო რაც არ ვიცით შემთხვევითი კორელაციებით. და რადგან მიღებული შედეგი უკვე ცოდნაა, ის კვლავ უკუ კავშირით შესაბამისობაზე მოწმდება...
თუმცა შედეგი მაინც შეიძლება მცდარი იყოს..
QUOTE
დღევანდელი პროცესორის ტრანზისტორების რაოდენობა უკვე აჭარბებს ტვინის ნეირონების რაოდენობას. თუ პროცესორების განვითარების ტემპს მივყვებით, ხელოვნური ინტელექტი
შეიძლება რამოდენიმე ათას დოლარიან სისტემაში ჩაეტიოს. ამიტომ დღევანდელ მსოფლიოში, სადაც მთავარი მამოძრავებელი ძალა ინფორმაციის დამუშავებაა, ხელოვნური ინტელექტი იქნება
მთავარი მონაწილე ყველა პროცესისა, ეკონომიკიდან დაწყებული მედიცინის სფეროთი დამთავრებული.

აბსოლუტურად არ მჯერა რომ პროცესორების განვითარებას ინტელექტის მექანიზმის გარკვევა მოჰყვება... ალგორიტმული დაანგარიშება არ არის ხელოვნური ინტელექტი...
დღევანდელ პროცესორებს უზარმაზარი სიმძლავრე გააჩნიათ ადამიანთან შედარებით: გამოთვლის სიმძლავრე, სისწრაფე, სტაბილურობა, ინფორმაციის შენახვის სიდიდე და მისი წაკითხვის თუ ჩაწერის სისწრაფე...
მაგრამ ამას არაფერი კავშირი არა აქვს ხელოვნურ ინტელექტთან. თუმცა თუ გვექნება ხელოვნური ინტელექტის მქონე ხელსაწყო-რობოტი და მას მივუმატებთ პროცესორების სიმძლავრეს -
ეს ამ რობოტის შესაძლებლობებს გაადიდებს...
QUOTE
ვისი კეთილდღეობაა მნიშვნელოვანი მომავალი საუკუნისთვის? რას მოითხოვს დრო კაცობრიობისაგან თუ მას შთამომავლობის გაგრძელების საჭიროება აღარ ექნება?

მხოლოდ ჩვენი კეთილდღეობაა მნიშვნელოვანი...
თუ ასეთი დრო დადგება, როცა ადამიანებს შთამომავლობის გაგრძლების საჭიროება არ ექნებათ, ჩვენ საფლავებიდან აბადრუკად შევნატრებთ მათ? .... არ მგონია

QUOTE
ხელოვნური ინტელექტი ხომ ერთ წელიწადში ათი საუკუნის ცოდნას შექმნის.

არ ვიცი, მაგრამ მგონია, რომ ხელოვნური ინტელექტი ღმერთი არ არის... ის შემეცნების გზაზე ისევე გაიჭედება როგორც ადამიანი დღეს... კი მას ბევრი პლიუსი ექნება, მაგრამ ... კვლავ გავიმეორებ...
ინტელექტის მექანიზმი კანონზომიერი პროცესი არ არის...

QUOTE
ინტელექტის ნულიდან შექმნა უაზრობაა, ის აუცილებლად ადამიანის ინტელექტზე დაკვირვებით უნდა შეიქმნას. უნდა მოხდეს ძირითადი სტრუქტურების კოპირება, შემდეგ კი სწავლების საფუძველზე შეიძლება მთელი კაცობრიობის ცოდნაც შევიტანოთ მასში.

სხვა გზა გვაქვს? მგონი არა. ზოგადად ინტელექტი კი არა, ჩვენი ინტელექტი როგორ მუშაობს ის არ ვიცით. და საერთოდ, ადამიანი ახალს, ბუნებაში არ არსებულს არ ქმნის- ის მხოლოდ ბუნებას სწავლობს.
ამ ბუნებაში კი მხოლოდ ერთი ინტელექტის მაგალითს ვხედავთ მხოლოდ.

This post has been edited by vasovasia on 18 Jan 2012, 22:29
unknown lady
Sunny Universe:)


******
ჯგუფი: Members
წერილები: 5857
წევრი No.: 19337
რეგისტრ.: 16-April 06

გამოგზავნილია: 20 Jan 2012, 11:02  #29291245      · პროფილი · პირადი მიმოწერა · ჩატი
ხელოვნური ინტელექტი - გაადამიანებული რობოტი

ვერ შეიქმნება
ჩემი აზრით ვერასდროს

იმიტომ რომ ადამიანი არ უდრის ტვინს

დავფიქსირდი ამ თემაში biggrin.gif მაინც რა იცი რა ხდება


--------------------
Honey you are badly mistaken :)
asphurcela
<<<Amateur>>>


******
ჯგუფი: Moderators
წერილები: 6852
წევრი No.: 819
რეგისტრ.: 6-April 02

გამოგზავნილია: 20 Jan 2012, 13:32  #29292953      · პროფილი · პირადი მიმოწერა · ჩატი
unknown lady
QUOTE
ვერ შეიქმნება
ჩემი აზრით ვერასდროს

იმიტომ რომ ადამიანი არ უდრის ტვინს

სუსტი არგუმენტია, ლედი. ეგებ ცოტა განავრცო, რას გულისხმობ.
დარწმუნებული ვარ გაცილებით დიდი თემა იმალება ამ 6 სიტყვიან წინადადების უკან.


vasovasia
QUOTE
სხვა გზა გვაქვს? მგონი არა. ზოგადად ინტელექტი კი არა, ჩვენი ინტელექტი როგორ მუშაობს ის არ ვიცით. და საერთოდ, ადამიანი ახალს, ბუნებაში არ არსებულს არ ქმნის- ის მხოლოდ ბუნებას სწავლობს.
ამ ბუნებაში კი მხოლოდ ერთი ინტელექტის მაგალითს ვხედავთ მხოლოდ.

ხო, საინტერესოა, რა მექანიზმს, რა ლოგიკას ეფუძვნება ადამიანის აზროვნება.


საინტერესო ფენომენია აშკარად, თვითონ ადამიანი.
არადა ცხოველსაც ხომ აქვს ქიმიურად იგივენაირი შემადგენლობის ტვინი. თითქოს ყველა საჭირო მასალა "უყენია", მაგრამ ადამიანის შესაძლებლობებს ბევრად ჩამორჩება.
ნეტა რაშია საქმე. რა მოხდა ისეთი, რომ ადამიანი ასე დაწინაურდა ინტელეტქუალურ მარათონში ევოლუციის მრავალათასიანი წლების მანძილზე.
ან ეგებ აქვს რაღაც განსხვავებული, ის რაც ცხოველს არ გააჩნია?
თუ კი, რა, კონკრეტულად?


unknown lady
Sunny Universe:)


******
ჯგუფი: Members
წერილები: 5857
წევრი No.: 19337
რეგისტრ.: 16-April 06

გამოგზავნილია: 20 Jan 2012, 17:19  #29296626      · პროფილი · პირადი მიმოწერა · ჩატი
asphurcela
QUOTE
სუსტი არგუმენტია, ლედი. ეგებ ცოტა განავრცო, რას გულისხმობ. დარწმუნებული ვარ გაცილებით დიდი თემა იმალება ამ 6 სიტყვიან წინადადების უკან.



ეხლა ცოტა შემოვუვლი შორიდან biggrin.gif


ჩვენ ვცხოვრობთ და ვმოქმედებთ ამ სამყაროში და ვიცით კიდეც ამის შესახებ. მე ვიცი რომ მე მე ვარ და სამყაროს ვხედავ როგორც ჩემს გარეთ მდებარე ობიექტს. საერთოდ ნებისმერ ამოცანას ვუყურებ, როგორც ჩემს გარეთ არსებულს. მაქვს შესაძლებლობა საკუთარი თავი გავმიჯნო გარემოსგან. ერთხელ გია დვალის ლექციას ვუსმენდი და ასეთი რაღაც თქვა - მივდივარ თბილისიდან ქუთაისში და ამ დროს ეს ორი ქალაქი სადღაც მდებარე წერტილებად წარმოდგება ჩემს აღქმაშიო. სინამდვილეში არც ერთია წერტილი და არც მეორე. უბრალოდ აზროვნებისთვის არის ასე. სრულიად ვეთანხმები. ადამიანს შეუძლია ამოცანას "გარედან შეხედოს" გარედან დააკვირდეს, ობიექტად აქციოს. ფსიქოლოგია ამას ობიექტივაციას უწოდებს. რომ არა ობიექტივაცია აზროვნება იქნებოდა შეუძლებელი და ადამიანიც ვერც ერთ ამოცანას ვერ ამოხსნიდა. სწორედ ეს განგვასხვავებს ცხოველებისგან. ცხოველიც ცხოვრობს და მოქმედებს ამ სამყაროში, ოღონდ ისე, რომ მან არ იცის ამის შესახებ! ცხოველი ვერ გამოყოფს საკუთარ თავს გარემოსგან, სამყაროშია "გათქვეფილი" და არ იცის ძაღლმა რომ თვითონ ძაღლია და კატა კიდე სხვაა. სარკეში საკუთარ თავს უყეფს. ერთი ასეთი ექსპერიმენტი გამახსენდა: უმაღლესი განვითარების მაიმუნს და 5 თვის ბავშვს აძლევენ შოკოლადებს. ორ თეფშს გაუწვდიან ერთზე ბევრი ყრია, მეორეზე საგრძნობლად ცოტა. ორივე - მაიმუნიც და ბავშვიც ეძგერება იმ თეფშს, სადაც ბევრი შოკოლადია. როდესაც გაიწევს ბევრისკენ, თეფშს გამოაცლიან და მისცემენ ცოტა შოკოლადიან თეფშს. ასე გრძელდება რამოდენიმეჯერ და ბოლოს დაბოლოს 5 თვის ბავშვი იწევს ცოტა შოკოლადისკენ და აკვირდება მისცემენ თუ არა ბევრს! მაიმუნი ლოგიკას ვერ ხვდება. ბევრი ექსპერიმენტია ჩატარებული ცხოველებზე, სადაც თითქოს ცხოველების აზროვნება უნდა გამოავლინონ, მაგრამ რეალურად ეს ან ცდის და შეცდომის თეორიაა ან განმეორებადი ქცევები, ისე რომ იგივეობის განცდა არ ჩნდება. მე შეიძლება ვეწვალო კარის სახელურს სანამ არ გავაღებ, მაგრამ მე ვიცი რომ ქცევას ვიმეორებ და სახელურის თითოელი მოქაჩვა ძველი ქცევის გამეორებაა. მაიმუნს არ აქვს იგივეობის შეგრძნება. მისთვის ეს ყველაფერი დამოუკიდებელი აქტივობებია. ძაღლს შია, ისე რომ არ იცის ამის შესახებ და შიმშილის ამოცანის გადაჭრას არ განიხილავს. საინტერესოა, რომ ნადირობა ხდება მიზანშეწონილად. კანონზომიერად ისეა მოწყობილი ცხოველთა სამყარო, რომ ველურმა მოთხოვნილება დაიკმაყოფილოს.
ბევრი რომ არ განვაგრძო (ისედაც ძაან გავიჭერი biggrin.gif) ადამიანს აქვს აზროვნება, გრძნობა და ნებელობა. აი ეს სამი ცნობიერების მდგენელებია. ცხოველი კი ცნობიერებას მოკლებულია. რა არის ცნობიერება არავინ იცის. არც ფსიქოლოგმა, არც ფიზიოლოგმა და ფიზიკოსმაც კი არ იცის ამის შესახებ. ჩვენ შეგვიძლია ვისაუბროთ ცნობიერებში არსებულ ანასახებზე, მაგრამ ცნობიერების შესახებ არაფერი ვიცით.

შეგვიძლია მხოლოდ ის დავაფიქსიროთ, რომ როგორც კი თვალს გაახელს ადამიანი გრძნობს შეუსაბამობას სამყაროსთან და რა არის ეს შეუსაბამობა? მხოლოდ ის ვიცით, რომ ეს "რაღაც" ცნობიერებაში ტკივილის უსიამოვნო განცდას გვაძლევს თვითონ კი ყოველთვის რჩება ცნობიერების მიღმა.
უდავოდ ფაქტია : ადამიანს (ნებისმიერ ადამიანს) სამყაროში თან სდევს მარტოობის განცდა. არ აქვს მნიშვნელობა
რა ტიპის ადამიანია, რა პიროვნული თვისებები აქვს, რა ხასიათი და რა ინდივიდუალური მახასიათებლები. სულერთია. რა კლასიფიკაციაშიც არ უნდა ჯდებოდეს ეს განცდა საერთოა ზოგადად ადამიანისთვის. ასე რატომ ხდება სრულიად გაუგებარია.
შეიძლება ადამიანს გვერდზე საყვარელი მეორე ნახევარი ყავდეს და ბევრი მეგობარიც ეხვიოს გარს, მაგრამ მას პიროვნული სიმარტოვის გადალახვა არ შეუძლია.
მოკლედ იმას ვამბობ, რომ ეს თანდაყოლილი განცდა არ არის დამოკიდებული გარემო პირობებზე და ობიექტურად ვერ აიხსნება.

უფრო მეტიც, ცნობიერება არ სცნობს დროს და სივრცეს. არც დროით იზღუდება არც სივრცით. ადამიანს შეუძლია მთელი არსებობა წარმოიდგინოს. შეუძლია სიცრცეში გადაუადგილებლად აზრით სხვაგან წავიდეს. გამოდის, რომ ცნობიერება ყოვლადია. სამაგიეროდ, ფიზიკური ორგანიზმი არის შემოფარგლული დროით და სივრცით და ცნობიერებასაც ეღობება. სწორედ ეს შეზღუდულობა ბადებს ცნობიერებაში ტკივილის განცდას და ასე წვალობს ადამიანი დაუსრულებლად. იმისთვის, რომ ადამიანმა აქტივობა განახორციელოს დროის და სივრცის წინააღმდეგობა უნდა გადალახოს. ეს ნიშნავს, რომ აზრმა, რომელიც დროს და სივრცეს არ სცნობს, გარემოში უნდა გააღწიოს. ე.ი. ცნობიერება ფიზიკური სხეულით იზღუდება. ამავდროულად, წინააღმდეგობის გადალახვა ისევ ფიზიკური სხეულით არის შესაძლებელი. ადამიანს ისღა დარჩენია თავის სურვილს დაუქვემდებაროს გარემო. თუ გადავხედავთ ისტორიას ეს მართლაც ასეა - ადამიანი თავის თავზე ირგებს სამყაროს. მთელი ისტორია ფაქტიურად შემოქმედების და გარდაქმნის ისტორიაა. ე.ი. ცნობიერებას შუამავალი ყავს ფიზიკურ სამყაროსთან. ასე ხდება ნივთიერთან დაპირისპირება, რომელსაც საბოლოოდ გარდაქმნა უნდა მოჰყვეს.

მატერიალისტური თვალსაზრისით, ცნობიერება მატერიის მოძრაობის განვითარების ფორმაა ე.ი. ტვინის პროდუქტია. ტვინში მიმდინარე ფიზიკური და ქიმიური პროცესები განაპირობებენ განცდებს. ეს რომ ასე იყოს ადამიანები არ უნდა განსხვავდებოდნენ. რაღაც მცირე ცვლილება მიკრო დონეზე შეიძლება ყოფით ცხოვრებაში "დიდად" აღიქმებოდეს, მაგრამ ადამიანების ინდივიდუალურობას არ უნდა განაპირობებდეს.

ზუსტ მეცნიერებებში არის რამოდენიმე ადამიანის მიერ აღმოჩენილი ერთი და იგივე თეორემა. თუ არ ვცდები პასკალისთვის არავის უსწავლებია სამკუთხედის შიგა კუთხეების ჯამის შესახებ. ის დამოუკიდებლად მივიდა ამ დასკვნამდე და აღმოაჩინა ის, რაც ისედაც აღმოჩენილი იყო. ე.ი. არსებობს ისიც, რასაც ერთნაირად ვხედავთ. ამათან არსებობს ისიც, რასაც მხოლოდ ერთი ადამიანი ხედავს - ორი მთვარის სონატა ვერასოდეს დაიწერება. ცუდი შესრულებაც კი სხვადასხვანაირია. ერთნაირად ცუდადაც კი ვერ უკრავენ ადამიანები.

გამოდის, რომ სუბიექტური და ობიექტურის მიმართება არსებობს. თუ გინდა ვთქვათ ფსიქოლოგიის ენაზე ფსიქიკურსა და ფიზიკურს შორის მიმართება ან ფილოსოფიურად მიმართება სულსა და სხეულს შორის. მგონი აზრი ერთი და იგივეა, მხოლოდ სხვადასხვა სიტყვებია განსხვავებულ დარგებში.
შეუძლებელია მიმარტება არსებობდეს გალხეჩილად, ისე რომ ცნობიერება ცალკე იყოს ფიზიკური ორგანიზმი ცალკე. აქ ზოგიერთ ფილოსოფოსს მესამე ცვლადი შემოქვს - რაც არის გამაშუალებელი ჩვენსა და ფიზიკურ სამყაროს შორის. ასე გამოდის ადამიანი სამწევრა არსება. არ ვიცი ამ სამ წევრს რა ქვია - სამშვინველი, სხეული და სული, თუ შემეცნება - გრძნობა - ნებელობა.

ტვინი რომ პირველადი იყოს ხელოვნური ინტელექტის შექმნა მხოლოდ ტექნიკური სირთულე და დროის ამბავი იქნებოდა. მაგრამ აღქმა ობიექტურის განცდა სუბიექტურად ტვინის კომპეტეციას ცდება. სად იწყება აღქმა ისიც რთული სათქმელია. სხივი რომ თვალის გუგას მოხვდება ეს ფიზიოლოგიური პროცესია და ტვინს მიეწოდება ნერვული სისტემსი მიერ "სიგნალი", მაგრამ რეალურად ეს აღქმა არ არის - ეს შეგრძნება ან შემჩნევაა, რომელიც არსით ფიზიოლოგიის სიბრტყეშია, დანარჩენი უკვე ფსიქიკის საქმეა.

ხოდა არც კვანტური ფიზიკაა ტვინის პროდუქტი და არც ბახის ფუგები. ამ ყველაფერში პირველადი ცნობიერებაა , რაც მხოლოდ ანარეკლებით გვეძლევა თავად ცნობიერება კი მუდამ ცნობიერების მიღმა რჩება...
asphurcela
<<<Amateur>>>


******
ჯგუფი: Moderators
წერილები: 6852
წევრი No.: 819
რეგისტრ.: 6-April 02

გამოგზავნილია: 20 Jan 2012, 20:29  #29299445      · პროფილი · პირადი მიმოწერა · ჩატი
unknown lady
tuk.gif
ეს შენ, ძვირფასო.

ძირითადი შინაარსი მომწონს და საინტერესოა ჩემთვის. თან არ ვარ გარკვეული ამ ფსიქოლოგია-ფილოსოფიაში და ნებისმიერი შენი პოსტი საინტერესო იქნება.
როგორც მივხვდი ფილოსოფიას სწავლობ.

ეხლა ნება მომეცი რამოდენიმე წინადადებაზე გავაკეთო კომენტარი და ცოტა ეჭვი გამოვთქვა.

QUOTE
სწორედ ეს განგვასხვავებს ცხოველებისგან. ცხოველიც ცხოვრობს და მოქმედებს ამ სამყაროში, ოღონდ ისე, რომ მან არ იცის ამის შესახებ! ცხოველი ვერ გამოყოფს საკუთარ თავს გარემოსგან, სამყაროშია "გათქვეფილი" და არ იცის ძაღლმა რომ თვითონ ძაღლია და კატა კიდე სხვაა.

ეს საიდან დგინდება, რომ "ცხოველმა არ იცის ამის შესახებ"?

QUOTE
როდესაც გაიწევს ბევრისკენ, თეფშს გამოაცლიან და მისცემენ ცოტა შოკოლადიან თეფშს. ასე გრძელდება რამოდენიმეჯერ და ბოლოს დაბოლოს 5 თვის ბავშვი იწევს ცოტა შოკოლადისკენ და აკვირდება მისცემენ თუ არა ბევრს! მაიმუნი ლოგიკას ვერ ხვდება. ბევრი ექსპერიმენტია ჩატარებული ცხოველებზე, სადაც თითქოს ცხოველების აზროვნება უნდა გამოავლინონ

აჰა, კარგი, ჩემო მშვენიერო ლედი, მაგრამ მე მინახავს ბიბისის დოკუმენტური ფილმები, სადაც მაიმუნები შესანიშნავ აზროვნებას ავლენენ, თან ველურ გარემოში, ჯუნგლებში მცხოვრებნი.
მაგალითად კაკლის დამტვრევა, როგორ უყურებდნენ პატარა მაიმუნები დიდ და გამოცდილ მაიმუნებს და ბაძავდნენ და ცდილობდნენ ისე დაერტყათ ქვა კაკლისთვის, როგორც "მოხუცები".
მერე იყო კიდევ რაღაც ტერმიტები, ჭიანჭველები, რომელთა კვერცხებს ისე ოსტატურად იღებდნენ ბუდიდან წვრილი ჩხირებით, რომ მართლა გაგიკვირდებოდა.
არ ვიცი, შეიძლება ეს "ცოდნა" მათ საუკუნეების მანძილშე შიძინეს, არ ვიცი.
ასევე დელფინებიც ავლენენ საკმაოდ კარგ აზროვნებას. ცნობილია მათი ნადირობის ორიგინალური ხერხები.

მოკლედ, მე გამომაქვს დასკვნა შენი პოსტიდან, რომ ცხოველებს ცნობიერება არა აქვს. სწორად გამომაქვს ეს დასკვნა?
0 წევრი ათვალიერებს ამ თემას (0 სტუმარი და 0 უჩინარი წევრი)
0 წევრი:
Topic Options Pages: (33) [1] 2 3 ... ბოლო » გამოხმაურება · ახალი თემა · ახალი გამოკითხვა

 



ფორუმის სერვერების განთავსებას და ინტერნეტთან კავშირს უზრუნველყოფს: CLOUD9
[ Script Execution time: 0.4307 ]   [ 13 queries used ]   [ GZIP Disabled ]