forum.ge
reklama
FORUM.GE წესები  · დახმარება  · ძებნა  · წევრები  · კალენდარი  · ფოსტა  · ჩატი
Pages: (33) 1 [2] 3 4 ... ბოლო »  ( გადავიდეთ პირველ წაუკითხავ წერილზე ) გამოხმაურება · ახალი თემა · ახალი გამოკითხვა

> ხელოვნური ინტელექტი, მიღწევები, სიახლეები.
The13thFloor
Super Crazy Member ++


********
ჯგუფი: Members
წერილები: 22073
წევრი No.: 25980
რეგისტრ.: 22-November 06

გამოგზავნილია: 20 Jan 2012, 20:49  #29299731      · პროფილი · პირადი მიმოწერა · ჩატი · ელფოსტა
QUOTE
ცხოველიც ცხოვრობს და მოქმედებს ამ სამყაროში, ოღონდ ისე, რომ მან არ იცის ამის შესახებ! ცხოველი ვერ გამოყოფს საკუთარ თავს გარემოსგან, სამყაროშია "გათქვეფილი" და არ იცის ძაღლმა რომ თვითონ ძაღლია და კატა კიდე სხვაა. სარკეში საკუთარ თავს უყეფს.


ზოგიერთ ცხოველებს აქვთ საკუთარი თავის შეცნობის უნარი: http://en.wikipedia.org/wiki/Mirror_test
unknown lady
Sunny Universe:)


******
ჯგუფი: Members
წერილები: 5857
წევრი No.: 19337
რეგისტრ.: 16-April 06

გამოგზავნილია: 21 Jan 2012, 00:56  #29304064      · პროფილი · პირადი მიმოწერა · ჩატი
asphurcela
QUOTE
როგორც მივხვდი ფილოსოფიას სწავლობ.



არაა, დამავიწყდა მიმეწერა, რომ ფილოსოფიას არ სწავლობ. ფსიქოლოგიის ფაკულტეტზე ვაბარებდი 2010 წელს მაგისტრატურაში და შემიშალა რაღაცამ ხელი.
ახლა ვაპირებ და იმედია მალე დიპლომიც მექნება biggrin.gif სამაგიეროდ ლექცია არ გამიმაზავს, არაოფიციალურად დამთავრებული მაქვს, შეიძლება ითქვას.
ფილოსოფიასთან არ მაქვს შეხება და უბრალოდ ვკითხულობ დიდი ხანია. ფსიქოლოგიის კუთხდან ასე ვფიქრობ, რომ ფილოსოფია აზროვნებას ავითარებს. შეფასებას, სიღრმეს, ანალიზს. ისევე როგორც მათემატიკის უაღრესად დიდ მნიშვნელობას ვერ უარვყოფთ. ფილოსოფია სხვა კუთხით მუშაობს და სხვა უნარებს აღვიძებს.

ამიტომ რასაც ვწერ დილეტანტურია, თუმცა წყაროს მითითება შემიძლია ყველაფერზე.

ეხლა საკითხს დავუბრუნდები biggrin.gif

QUOTE
მე გამომაქვს დასკვნა შენი პოსტიდან, რომ ცხოველებს ცნობიერება არა აქვს. სწორად გამომაქვს ეს დასკვნა?


კი ზუსტად ეს დავწერე. ცხოველს ცნობიერება არ აქვს. ცოცხალ ორგანიზმებში ცნობერება აქვს მხოლოდ ადამიანს. მაგალითად, უზნაძე ასე თვლის. მისსავე მაგალითს მოვიტან.

QUOTE
მაგრამ მე მინახავს ბიბისის დოკუმენტური ფილმები, სადაც მაიმუნები შესანიშნავ აზროვნებას ავლენენ, თან ველურ გარემოში,


სწორედ ეს აღვნიშნე მეც. ნადირობაც ნანახი გექნება. ისე მიზანშეწონილად მიმდინარეობს თითქოს ნადირი აზროვნებს! და უამრავი მაგალითი შეიძლება მოვიტანოთ სადაც ცხოველი (მაიმუნი, ძაღლი, და ბევრი სხვა) თითქოს ავლენს აზროვნებას და ქცევას აცნობერებს. არ დავწერ, ისედაც გასაგებია, რომ ვგულისხმობ გართულებულ შემთხვევებს. ვთქვათ პური გადავაგე ფანჯრიდან და ძაღლმა დაინახა. ის ფანჯრიდან კი არ გადახტება, კარიდან გავა ეზოს გადაირბენს და "მოუვლის". ეხლა წარმოვიდგნოთ უფრო გართულებული ქცევები ცხოველთა სამყაროში და ერთიანად განვიხილოთ, რომ განვსაზღვროთ არის თუ არა ეს აქტივობა ცნობიერი.

უნდა დავაფიქსიროთ სამი მომენტი: 1. ცხოველების აქტივობა მიმდინარეობს მიზანშეწონილად - ე.ი. ისე, რომ მოთხოვნილება დაკმაყოფილდს. თუ შია ვეფხვს, ინადირებს, ჩასაფრება და მთელი ამბები (რაც გარეგნულად ისე ჩანს თითქოს წინასწარ დაგეგმა ცხოველმა) ისეა წარმართული, რომ მიზანს ემსხურება.

2. ახლადგამოჩეკილ წიწლას რომ დაუყარო ხორბალი და ქვიშა აკენკავს ხორბალს და არ აქვიშას. ეს ინსტინქტია. თანდაყოლილია და წიწილას განვითარებაზე ლაპარაკი ზედმეტია. ციყვის ინსტინქტია ზამთრისთვის საკვების შეგროვება. გარეგნულად ისე ჩანს თითქოს ციყვი მომავალზე ფიქრობს. სინამდვილეში ციყვი მოათავსეს ოთახში სადაც ბევრი საკვები იყო და მან ქცევა არ შეცვალა, ინსტინქტს მიჰყვა. მიუხედავად იმისა, რომ იქ შეგროვებას აზრი არ ჰქონდა. არსებითად, ციყვის ქცევა მარაგს არ ნიშნავს.

ჯერ კიდევ მარქსმა აღნიშნა, რომ ურთულეს ქცევის აქტებშიც კი ცხოველი ინსტინქტით განისაზღვრება, ადამიანი კი ი დ ე ი თ. ცხოველი ყოველთვის მოქმედებს ერთი მოთხოვნილები იმპულსით და წინააღმდეგობრივი მოთხოვნილებები არ უჩნდება. ეს იქიდან ჩანს, რომ ძაღლი არ შეჩერდება და არ "იფიქრებს" ჭამოს თუ არა პური, თუ ის გაწვრთნილი არ არის იმაზე, რომ რაღაც შემთვევაში პურს არ შეეხოს. მაგრამ განსხვავება ინსტინქტსა და გართულებულ ქცევას შორის მაინც არსებობს და ვერ გავაიგივებთ! წიწილა რომ კენკავს ეგ ინსტინქტია, მაგრამ მაიმუნი რომ გალიას აღებს ეგ ინსტინქტი არ არის. მოკლედ, აზრით ერთი და იგივე არ გამოდის ინსტინქტი და გართულებული ქცევა.

3. მიზანშეწონილობა მხოლოდ ცხოველის აქტივობას არ ახასიათებს. ამ ნაწილში ადამიანი და ცხოველი ერთმანეთს ფარავენ. მაგალითად, მე შემიძლია ქუჩაში ვისეირნო და თან ჩემს გვერდზე მდგომს ვესაუბრო, ისე რომ ორიენტაცია არ დამეკარგება. მე ვერ ვგრძნობ, როგორ მუშაობს ჩემი თირკმელი - ეს ჩემგან ძალისხმევას არ მოითხოვს. ასევეა სუნთქვაც. უჯრედის გაყოფას ცნობიერება არ სჭირდება. უნდა ჩავთვალოთ, რომ ეს მიზანშეწონილი პროცესები ცნობიერებას მოკლებულია - არაცნობიერია.

ახლა გადავხედოთ ცოტა ისტორიას რა გვაქვს მეცნიერულ მონაპოვრებში biggrin.gif
კელერი იკვლევდა ცხოველთა სამყაროს და აინტერესებდა - არსებობს თუ არა ისეთი აქტივობა, რომელიც შეიძლება აზროვნების თუნდაც უამრტივეს ფორმად მივიჩნიოთ. ექსპერიმენტს ატარებდა ასე: უმაღლესი განვითარების მაიმუნებს ათავსებდა ისეთ პირობებში, სადაც მიზნის მიღწევა პირდაპირი გზით შეუძლებელი იყო. ე.ი. შემოვლილი გზის არჩევას კელერი გონების აქტად თვლიდა. აინტერესებდა რა სირთულემდე შეიძლებოდა მიეღწია "რთულ ქცევას".
მაგალითისთვის მოვიტან ერთ-ერთი ექსპერიმენტის აღწერას:

"მაიმუნი გალიაშია ჩამწყვდეული. მის წინ 50 სანტიმეტრზე ყუთია, რომელშიც ბანანი გდია, სწორდ იმ კედლისკენ, რომელიც მაიმუნთან ახლოს არის. ყუთს ერთი კედელი აკლია, მაგრამ სწორედ ის კედელი, რომელიც მაიმუნისგან ყველაზე შორს არის. გალიაში არის ჯოხები: სხვა და სხვა სიგრძის და მხოლოდ ერთია ისეთი ჯოხი, რომლის სიგრძეც ამოცანას გადაჭრის. ე.ი. ბანანის მოპოვების ერთადერთი გზა ასეთია: მაიმუნმა უნდა აიღოს შესაფერისი ჯოხი, ბანანი თვისკენ კი არ უნდა მოსწიოს, საპირისპირო მიმართულებით გადააგდოს, ღია კედლისკენ. მერე ყუთიდან გარეთ გამოაგოროს, ამის შემდეგ იმავე ჯოხით გვერდით გასწიოს სანამ ყუთს არ გასცდება და მერე თავისკენ მოსწიოს". არც ისე მარტივი ქცევაა და ექსპერიმენტში ამაზე ბევრად რთულებიც იყო. ყველა ამოცანა წარმატებით გადაწყვიტა მაიმუნმა და კელერმაც დაასკვნა, რომ საქმე გვაქვს გააზრებულ ქცევასთან. ფაქტიურად, კელერის აზრით, აზროვნება მეტყველების გარეშეც შესაძლებელი გამოდიოდა.

კელერის აზრს უპირისპირდებიან ამერიკელი და გერმანელი ფსიქოლოგები (და კელერის აზრი იმიტომ მოვიტანე, რომ ზოგადად ყველა კითხვის ნიშანს მოიცავს. სწორედ იმ საკითხს იკვლევს აქვს თუ არა ცხოველს ცნობიერება. ამიტომ კარგი განზოგადებაა და ექსპერიმენტებიც მრავალფეროვანია + არ არღვევს. ექსპერიმენტის სიწმინდეს). ამერიკელები თვლიან, რომ არსებითად აქ ცხოველი შემთხვევით აღწევს მიზანს და წინასწარგანზრახულად სულაც არ მოქმედებს. ამაზე ის მეტყველებს, რომ არასოდეს არ ხდება შეჩერება. ადამიანი შეჩერდება, გარემოს ობიექტად აქცევს (ობიექტივაცია) და მერე მიმართავს აქტივობას. ერთი სიტყვით ჩვენ "ჯერ ვზომავთ და მერე ვჭრით". ადამიანთან აზროვნება წინ უსწრებს მოქმედებას. ცხოველი პირდაპირ ეტაკება ხან ერთ კარს, ხან მეორეს და ბოლოს და ბოლოს მრავალი ცდის შემდეგ მიზანს აღწევს. ამას დაარქვეს ცდის და შეცდომის თეორია. ჩათვალეს, რომ არამიზანშეწონილი აქტივობების აღმოფხვრა და ერთგვარი დასწავლა როგორ ამოხსნას მაიმუნმა იგივე ამოცანა მეორედ უკავშირდება სიამოვნება/უსიამოვნებას. ცხოველს არ სიამოვნებს ზედმეტი აქტივობა და იცილებს.

გერმანელი ფსიქოლოგებიც არ ეთანხმებიან კელერს. პირველ რიგში აღნიშნავენ შემდეგს: ცხოველში აზროვნების აქტი მხოლოდ იმ შემთხვევაში უნდა ვაღიაროთ, თუ აღმოჩნდება, რომ მაიმუნის ქცევა სხვა უფრო მარტივი ფსიქიკური ფუნქციების გამოყენებით ვერ აიხსნება. თუ შესაძლებელია ცხოველსი ქცევის მარტივ ფსიქიკურ ფუნქციებამდე დაყვანა, მაშინ უპირატესობა სწორედ ამ უკანასკნელს უნდა მიეცეს. ეს მხარეც ამტიკცებს, რომ ცხოველის მოქმედება და აზროვნება ერთმანეთშია გათქვეფილი. განსაკუთრებით დიდ სისუსტედ თვლიან იმას, რომ ცხოველი მხოლოდ მაშინ ამყარებს მიმართებას საგნებს შორის თუ ეს საგნები მხედველობის ერთ ველშია! (ვთქვათ ბანანი და ჯოხი ერთდროულად უნდა ჩანდეს, თორემ ჯოხს თვალი თუ არ მოკრა, ძებნას არ დაუწყებს. ამას კელერიც აღნიშნავდა, რომ მიმართებები მხოლოდ მაშინ მყარდება თუ ეს საგნები ერთდროულად "ჩანს".

გართულებულ ქცევაში ვერასოდეს განიცდება იგივეობა. კელერის ცდებში მაიმუნბი ვერ ხვდებოდნენ, რომ ყუთი ერთ ოთახში და ყუთი ეზოში ერთი და იგივეა და რომ ყუთი ყუთია. ასევე არ შეეძლოთ უკვე შექმნილი იარაღის (მაგალითად, ორი ჯოხის მიმაგრება) შენახვა მომავალში გამოსაყენებლად. იფარგლებოდნენ ცალკეული აქტებით.

მნიშვნელოვანია ისიც, რომ უზნაძის აზრით, გართულებული ქცევა (მაიმუნი მოქმედებს გარემოზე) უშუალოდ ვერ მიმდინარეობს (როგორც ინსტინქტის შემთხვევაში იქნებოდა) როგორც ადამიანს სჭირდება აღქმისთვის შუა წევრი - ქცევის წინა მდგომარეობა, რაც არაცნობიერია, ისე სჭირდება ცხოველსაც. (ამ შუა წევრს უზანძე განწყობას არქმევს. საელი ცოტ ამოუხერხებელია, მაგრამ იმ პერიდში იდეალიზმს ებრძოდნენ) . ამ თვალსაზრისით, განსხვავება ცხოველს და ადამიანს შორის არაფერია, მაგრამ განსხავება მაინც დ ი დ ი ა. იმიტომ რომ, საკმარისია ცხოველი მოიმართოს ქცევის შესასრულებლად წინ ვერაფერი გადაეღობება, მაშინ როდესაც ადამიანი ვიდრე ფიზიკურად შეასრულებს ქცევას იქამდე ფსიქიკაში გაატარებს ე.ი. წარმოიდგენს და მერე შეასრულებს (ან არ შეასრულებს , მაგრამ შეუსრულებლობაგადაწყვეტის კერძო შემთხვევაა). ე.ი. - აცნობიერებს. ცხოველებზე ჩატარებულ ცდაში ეს შეჩერება არსად დასტურდება. არის შემთხვევები, როცა ცხოველი მიაშტერდება ბანანს, არსებოთად ეს ერთი იმპულსით არის გამოწვეული.

მოკლედ რომ ვთქვათ, ადამიანს აქვს რაღაც ისეთი, რაც ცოცხალ ორგანიზმებში მხოლოდ ადამიანს აქვს და მეტი არავის.

მე მინახავს და ხშირად დავკვირვებივარ როგორ ურტყამს ბექჰემი საჯარიმოს, მოძრაობაზე ეტყობა, სანამ ფიზიკურად დაარტყამს, წარმოსახვამ გაასწრო - მისმა ფსიქიკამ გოლი უკვე გაიტანა!.

გადაჭრით არ შემიძლია რამის თქმა. ამას წინათ ძაღლის პატრონებს ველაპარაკბოდი და რომ ვთქვი ძაღლს ცნობიერება არ აქვს-მეთქი კინაღამ მცემეს biggrin.gif არადა ეს ცუდს არაფერს ნიშნავს. სწორედ ამიტომ ძაღლის ერთგულება უპირობოა. ის მოქმედებს თავისი ბუნების აუცილებლობიდნ გამომდინარე. მაშინ როცა ადამიანს უპირობო სიყვარული არ შეუძლიაsad.gif

ასეთია ადამიანის სპეციფიკური ფუნქციების ზოგადი შტრიხები - უმთავრესად ესაა შემეცნება, გრძნობა და ნებელობა. ამიტომაც ადამიანი ცნობილია, როგორც ყველაზე რთული. მისი ბუნება კი, როგორც უზნაძე იტყოდა, გაუფნტავი ბურუსით არის მოცული.

რამდენი ვწერე biggrin.gif მომენატრა ფსიქოლოგია

This post has been edited by unknown lady on 21 Jan 2012, 01:04


--------------------
Honey you are badly mistaken :)
m e r a
-------->


******
ჯგუფი: Members
წერილები: 9014
წევრი No.: 120275
რეგისტრ.: 31-August 10

გამოგზავნილია: 21 Jan 2012, 01:08  #29304248      · პროფილი · პირადი მიმოწერა · ჩატი · ელფოსტა
vasovasia
QUOTE
როცა ადამიანი ჯერ კიდევ სწავლობს მას,  იქნება მხოლოდ "მონა".

მე შემიძლია ჩემს მონას ცხოვრების იდეა მივცე და თავისუფლება ვუბოძო.
ასე რომ, ინტელექტუალური კომპიუტერები იქნებიან იმდენნაირი იდეოლოგიისა და მორალის მქონენი, რამდენიც ეს შესაძლებელია.
QUOTE
იმედია ადამიანები საუკუნეებში შეიცვლებიან და ყველა კეთილი გახდება, და ბოროტი გაქრება, მაშინ რობოტი მხოლოდ მეგობარი იქნება ჩვენი...

სიკეთე და ბოროტება ძალიან ფარდობითი ცნებებია, ისინი სინამდვილეში დაპირისპირებული ძალებია და მთელი სიცოცხლის განვითარებაც ამ დაპირისპირებებით ხდება. ასე რომ, განვითარების ნებისმიერ ეტაპზე იქნება ბოროტება, ოღონდ უფრო ჰუმანური, მაგრამ უფრო ცივსისხლიანიც.
QUOTE
რობოტული საზოგადოება დაიწყებს ბრძოლას ადამიანების წინააღმდეგ..

ყველა ყველას წინააღმდეგ იქნება. მაგრამ საკმარისია გაიმარჯვოს რაიმე იდეამ, როგორც პროგრესულმა და კომპიუტერებიც ამ იდეის ხორცშესხმაზე გადავლენ. ეს იდეა კი შეიძლება იყოს დაპროგრამებული ადამიანების გაჩენა, ან სულაც შექმნა, ადამიანის დისტანციურად მართვა, ტოტალური კონტროლი, სრულმასშტაბიანი გლობალიზაცია და ა.შ. ეს ყველაფერი რა თქმა უნდა სიკეთის სახელით იქნება. ამიტომ ყველაფერს, რასაც დრო და ტექნოლოგიები მოიტანენ ეყოლება მოწინააღმდეგენი და მომხრენი, საბოლოო ჯამში კი გაიმარჯვებს ის, რაც იქნება დროის მოთხოვნა. დროის მოთხოვნა კი შეიძლება იყოს სულ სხვა რასის შექმნა და ადამიანების, როგორც ცხოველების უკანასკნელი წარმომადგენლების გაქრობა.
QUOTE
აბსოლუტურად არ მჯერა რომ პროცესორების განვითარებას ინტელექტის მექანიზმის გარკვევა მოჰყვება...

ეგ ხო, მაგრამ თუ გავიგებთ ინტელექტის მუშაობის პრინციპს, მაშინ ის თავისუფლად იმუშავებს ჩვეულებრივი პროცესორის სიმძლავრეზეც.
QUOTE
თუ ასეთი დრო დადგება, როცა ადამიანებს შთამომავლობის გაგრძელების საჭიროება არ ექნებათ

ბიოლოგიური საჭიროება აღარ ექნებათ. ის იქნება არა მშობელი, არამედ შემოქმედი მისი მომავალი თაობისა. ეს ძალიან მიმზიდველი ჩანს ადამიანის პატივმოყვარეობის მასშტაბებს თუ გავითვალისწინებთ, ამ დროს ამაზე აღორძინდება ინდუსტრია, რომელიც თავის რეკლამაში შემოგვთავაზებს საუკეთესო შთამომავლობის გენეტიკურ კოდებს, კორპორაციები, რომლებიც აქტიურად ნერგავენ თავიანთი წარმოების "სულიერ პროდუქტებს", პოლიტიკოსები, რომლებიც თავს ახვევენ საზოგადოებას სულიერი განვითარების თავიანთ პროგრამებს. მოკლედ ინფორმატიკული ხანის კაპიტალიზმი სასწაული რაღაც იქნება...
QUOTE
ხელოვნური ინტელექტი ღმერთი არ არის... ის შემეცნების გზაზე ისევე გაიჭედება როგორც ადამიანი დღეს...

რა თქმა უნდა ის არ არის შემოქმედი, ის საშუალებაა, რომ სიცოცხლის განვითარება სწრაფად გადავიდეს ახალ ეტაპზე. ის იარაღია ტრანსცენდენტული გონისა, რომელიც წარმართავს არა მარტო ადამიანთა საზოგადოების განვითარებას, არამედ მთელი ცოცხალი სამყაროს მიმართულებასაც. სწორედ ამ გონის კარნახით ისინი ისევე შეასრულებენ დროის მოთხოვნებს, როგორც ამას ჭიანჭველების საზოგადოება აკეთებს, და ამ დროს ცალკეულმა ჭიანჭველამ არც კი იცის რა არის მათი საერთო მიზნები.
unknown lady
QUOTE
ხელოვნური ინტელექტი - გაადამიანებული რობოტი  ვერ შეიქმნება ჩემი აზრით ვერასდროს

განსულიერებული არა, მაგრამ ადამიანივით მოაზროვნე და მასზე უფრო მეტის მცოდნე კი. მასში უბრალოდ სიმულაციურად გამოიხატება ადამიანის ცოდნა, აზრები, მისწრაფებები, სურვილები, მორალი, ჩვეულებები და მთელი "ადამიანური" გაქანებით ჩაერთვება ყოფაცხოვრებაში.
QUOTE
ცხოველიც ცხოვრობს და მოქმედებს ამ სამყაროში, ოღონდ ისე, რომ მან არ იცის ამის შესახებ!

ყველაფერი შეფარდებითია. ცხოველის "მსოფლმხედველობა" თავისივე მოთხოვნებით არის შემოფარგლული, მაგრამ არის ისეთი რაღაცეები, რაც მასში არანაკლებია, ვიდრე ადამიანში.
შიში, ტკივილი და სიყვარული. ის ძირეული გრძნობები, რომლებიც ნებისმიერ ცოცხალ არსებაში მთელი ძალითაა ჩადებული. ცხადია, ადამიანის გრძნობები უფრო რთული და ძლიერია, მაგრამ არა ისეთი განსხვავებით, როგორითაც ინტელექტები განსხვავდება. სრულიად გაველურებული ადამიანი ოდნავ უფრო განსხვავებული გრძნობებით იცხოვრებს, ვიდრე ვთქვათ მაიმუნი. მხოლოდ საკუთარი არსებობის განცდა ექნება გაცილებით უფრო გამოკვეთილი.
QUOTE
ადამიანს აქვს აზროვნება, გრძნობა და ნებელობა. აი ეს სამი ცნობიერების მდგენელებია. ცხოველი კი ცნობიერებას მოკლებულია. რა არის ცნობიერება არავინ იცის.

ცხოველებთან შედარებით კი, ოღონდ მხოლოდ შედარებით.
ადამიანი ძალიან არის ყოფა-ცხოვრებით შებოჭილი, მისი ყურადღება მთლიანად შემოფარგლული აქვს სხვადასხვა წვრილმან და არც ისე მნიშვნელოვან საქმეებს, მის ტვინში მუდმივად იდება წინასწარი განწყობები, რომ ამა და ამ დროს და ამა და ამ ვითარებაში ეს აქვს გასაკეთებელი, ამაზე უნდა იფიქროს და ამით დაკავდეს. მას თავისუფალი დრო აღარ რჩება თავისუფლად აზროვნებისთვის, უმეტეს შემთხვევაში თავისუფალ დროს ის სიცარიელეს და გამოშტერებას გრძნობს, რადგან მთელი მისი ტვინის რესურსები უკვე გადაწყობილია ძალიან ბევრი პრობლემის დასამუშავებლად, ამიტომ მთელი მისი ნებელობა არის მოჩვენებითი. თუ კარგად დავუკვირდებით, ადამიანის მთელი ცხოვრება რამოდენიმე ნებელობითი გადაწყვეტილებაა და მერე მთელი ცხოვრება მოუსვენარი შრომა და პროგრამირებული ფუსფუსი. თუ ცოტა ხანი დაუკვირდებით საკუთარ თავს, სულ რაღაც ერთ წამში ახალი ფიქრი მოგტაცებთ ყურადღებას, თუ შეძლებთ და ამ ახალ მდგომარეობასაც "ზევიდან" შეხედავთ, იგრძნობთ საკუთარი არსებობის შეგრძნების გაძლიერებას. მაგრამ ორი-სამი წამი საკმარისია რათა ისევ სხვა ფიქრთა დინებაში აღმოჩნდეთ. ტვინში იმდენად ძლიერად ყავს ქვეცნობიერ პროცესებს სულიერის მიმდენარეობა დამორჩილებული, რომ მხოლოდ რამოდენიმე წამი შეუძლია ადამიანს ყურადღების გადადინების გარეშე დააკვირდეს საკუთარ არსებობას. არადა ეს რამოდენიმე წამი რომ გადავლახოთ, მივხვდებით, რომ ადამიანის ცხოვრება არაფრით არ არის მექანიკური სათამაშოს წინასწარ განსაზღვრულ მოძრაობაზე მეტი. იმასაც მივხვდებით, როგორი სასტიკი და დაუნდობელია ის რეალობა, რომელსაც სამყარო ჰქვია და იმასაც სრული არსებით შევიგრძნობთ, როგორ უსუსურად ვართ გამოკეტილი დასამარხად განწირულ კუბოში, რომელსაც სხეული ჰქვია.
QUOTE
ადამიანს (ნებისმიერ ადამიანს) სამყაროში თან სდევს მარტოობის განცდა

ფილოსოფია თავიდან ძალიან რომანტიული იყო, დიდი იმედებითა და აღმოჩენებით აღფრთოვანებული. მერე სასტიკ რეალობას შეეჩეხა და კრიზისში ჩავარდა. ვერც ეგზისტენციალიზმმა და ვერც გონის ფილოსოფიამ გამოსავალი ვერ ნახა, ნიცშეც გაუფასურდა და ახალი ავანგარდული მიმართულებებიც აბსურდამდე მივიდა. მარტოობა არ არის დროებითი და შემთხვევითი, ის რეალობაა, სასტიკი და ცივსისხლიანი რეალობა, რომელშიც სულიერი არსებობს. რაც უფრო მეტად შევიცნობთ სამყაროს, მით უფრო მეტი სევდა შეგვიპყრობს და რაც უფრო მძაფრად აღვიქვამთ რეალობას, მით უფრო მარტო დავრჩებით საკუთარ თავთან.
QUOTE
უფრო მეტიც, ცნობიერება არ სცნობს დროს და სივრცეს.

დრო და სივრცე ცნობიერების პროდუქტია. მაგრამ ცნობიერებას ამ დროსა და სივრცეში მხოლოდ შეზღუდული პროცესების მართვა შეუძლია. არავინ იცის როგორია "ობიექტური" რეალობა როგორც ასეთი, მაგრამ სრულიად შესაძლებელია მას სულიერი სახე ჰქონდეს, ცნობიერი და არაცნობიერი სახით. თუ ჩვენი მეხსიერება ჩვენივე იარაღია და ვიყანებთ სულიერი პროდუქტების შექმნაში, მაშინ სრულიად შესაძლებელია სამყაროც მსგავსი იარაღი იყოს რაღაც დიდი გონისა, რომელიც შეიძლება არაცნობიერი სახითაც არსებობდეს. საერთო ჯამში კი მაინც ვერ გავიგებთ საიდან მოვდივართ და საით მივდივართ...
QUOTE
რა ლოგიკას ეფუძვნება ადამიანის აზროვნება.

ლოგიკა დინამიურად ცვალებადი და საჭიროებაზე მორგებული განსაკუთრებული პროგრამული პროდუქტია. მისი აგებულება ერთი შეხედვით არც ისე რთულია. მთელი გონებრივი ცნობიერება ხდება თავისივე სივრცეში. ყველა გრძნობა და აღქმა ამ სივრცეში წარმოიდგინება. ამავე დროს რაც უფრო შინაგანია ეს გრძნობა, მით უფრო არალოკალიზებულია მისი სივრცე, ხოლო რაც უფრო გარეგანია გრძნობა, მით უფრო კონკრეტდება სივრცეში. მხედველობა მაგალითად მთლიანად სივრცეზეა ორიენტირებული, სმენა და ტკივილი შედარებით ნაკლებად, ხოლო ემოციები უფრო შიგნიდან მოდის, ვიდრე რომელიმე ადგილას იყოს. მოკლედ მთელი გონება არის სივრცეში გამოვლენილი. აქედან გამომდინარე, შეგვიძლია ვთქვათ რომ აზროვნება და ინტელექტი არის სივრცეში წარმოდგენილი მოძრაობითი სახის პროცესი. თითქოს ჩვენ ვაკვირდებით როგორ ხდება ვირტუალური მოძრაობა, დაყოფა და გაჩენა ჩვენივე სივრცეში. ყველა სიტყვა და ყველა ცნება ასეთ მოძრაობებს ასახავს, ყველა გაფიქრებაც, მარტივი თუ რთული, მოძრაობების სახით წარმოიდგინება. ამავე დროს ეს მოძრაობები ხდება რამოდენიმე განზომილებით ერთდროულად. მაგალითად, წერტილის წარმოდგენა ერთდროულად ხდება სივრცეში მდებარეობით, გარკვეული ზომით, გარკვეული ფერით, გარკვეული სიმკვრივით, სიმპათიურობის, სასურველობისა თუ საჭიროების ნიშნით. ანუ ნებისმიერ დროს გონებაში ერთდროულად მუშაობს მრავალი ფუნქცია, ისინი ყველაფერს, რაც გონებაში შევა თავიანთი საზომით აფასებენ და საზღვრავენ. ამ ფუნქციებს აქვთ თავიანთი ქვე და ზე ფუნქციებიც. ყურადღება მაგალითად მთელ ფუნქციათა კომპლექსს მართავს, ქვეცნობიერება კი წინასწარ ამზადებს ფუნქციების ნაკრებსა და მათ პარამეტრებს, რომლებიც საჭირო მომენტში უნდა ჩაერთონ გონებრივ პროცესში. მნიშვნელოვან როლს თამაშობს მეხსიერებაც, რომელიც ოპერატიულად ახარისხებს მთელ ცოდნას და საჭირო მომენტში აწვდის მას გონებას. მოკლედ ინტელექტი შედგება ერთი "მუშა" სივრცისგან, რომელსაც ცნობიერი ჰქვია, მეხსიერებისგან, უთვალავი რაოდენობის ფუნქციებისგან და "შეტანა-გამოტანის" მოწყობილობებისაგან. ერთი შეხედვით კომპიუტერის იდენტურია, მაგრამ მთელი სირთულე ინტელექტის დინამიურობაშია, მისი ყველა მილიონობით პარამეტრი მილიონი წლობით ჩამოყალიბებული და დარეგულირებულია. საკმარისია ეს პარამეტრები ცოტათი შევცვალოთ და მივიღებთ სულიერად ავადმყოფს, რომელიც ვეღარ ერგება არსებულ ყოფა-ცხოვრებას. ხელოვნური ინტელექტის "სულიერი ავადმყოფობა" კი ძალიან სახიფათოა.
QUOTE
ცნობიერება კი მუდამ ცნობიერების მიღმა რჩება...

ცნობიერებას აქვს ერთი საოცარი თვისება, მას შეუძლია თავის ნებისმიერ გრძნობას "ზევიდან" შეხედოს, ანუ იგრძნოს თუ რა იგრძნო. მას ამ შეგრძნების შეგრძნებაც შეუძლია და საკუთარი არსებობის შეგრძნებაც კი. ადამიანის გონება ამისთვის მზად არის უკვე, ადამიანთა ცხოვრება კი ჯერ არა. ამიტომ რადგან ბიოლოგიური განვითარება ჩამორჩა გონებრივს, უნდა მოხდეს გარღვევა, ეს გარღვევა ინფორმაციულ ხანაში იქნება და შედეგები კი აპოკალიფსის ტოლფასი.
asphurcela
<<<Amateur>>>


******
ჯგუფი: Moderators
წერილები: 6860
წევრი No.: 819
რეგისტრ.: 6-April 02

გამოგზავნილია: 21 Jan 2012, 01:26  #29304498      · პროფილი · პირადი მიმოწერა · ჩატი
unknown lady
ძალიან საინტერესოა.
მადლობა რომ არ დაგეზარა ამხელა პოსტის დაწერა.
2 - ჯერ წავიკითხე biggrin.gif
ჩემს საქმეს რომ მოვრჩები, ასე 1 წლის მერე, აუცილებლად "ჩავუღრმავდები" ამ საკითხებს.



ეხლა, მაქვს ასეთი კითხვები/შენიშვნები
1) ქართულ ენასთან დაკავშირებით, ეს მეც გამომადგება.
"მაგალითის მოტანა" თუ "მაგალითის მოყვანა"?
მოტანა შენი ჩვევაა, თუ დანამდვილებით იცი რომ ესაა სწორი ფორმა?

2) წიწილზე უფრო პატარა შესწორბას შევიტანდი.
ახალგამოჩეკილი წიწილისთვის მე დამირყია პატარა კენჭები, აუკენკია, ოღონდ უკან გადმოუგდია biggrin.gif არ ვიცი როგორ მიხვდა, მაგრამ არ გადაყლაპა.
მაგრამ მაინც იგივე გამოდის რაც შენც დაწერე ზემოთ. ინსტინქტი.. ალბათ გენებით გადაეცემა.

მაიმუნებზეც საინტერესოა. მაგრამ ეს თვალთა ხდევის არეში მოხვედრილი საგნების განმარტება, ცოტა მაეჭვებს. ალბათ ეგეც კარგად აქვთ გამოკვლელული, მაგრამ მე მგონი შეუძლია ისედაც მოძებნოს საჭირო საგანი. თუმცა არ ვარ დარწმუნებული და არ მახსოვს ის კადრები ზუსტად, კაკლის გასატეხ ქვას როგორ და საიდან იღებდნენ, ჩემს მიერ ზევით ნახსენები დოკუმენტური ფილმის დროს.

მოკლედ საინტერესო მიმოხილვა გამოგვდის.
მემგონი თემასაც არ ვუხვევთ ძალიან, ავტორი რომ არ გავანაწყენოთ.
ვარკვევთ ინტელექტის საკითხებს და კითხვა იყო ცხოველის და ადამიანსი ინტელექტს შორის მსგავსება/განსხვავებაზე.
იყო რა, არის. smile.gif

m e r a
QUOTE
ადამიანი ძალიან არის ყოფა-ცხოვრებით შებოჭილი, მისი ყურადღება მთლიანად შემოფარგლული აქვს სხვადასხვა წვრილმან და არც ისე მნიშვნელოვან საქმეებს, მის ტვინში მუდმივად იდება წინასწარი განწყობები, რომ ამა და ამ დროს და ამა და ამ ვითარებაში ეს აქვს გასაკეთებელი, ამაზე უნდა იფიქროს და ამით დაკავდეს. მას თავისუფალი დრო აღარ რჩება თავისუფლად აზროვნებისთვის, უმეტეს შემთხვევაში თავისუფალ დროს ის სიცარიელეს და გამოშტერებას გრძნობს, რადგან მთელი მისი ტვინის რესურსები უკვე გადაწყობილია ძალიან ბევრი პრობლემის დასამუშავებლად, ამიტომ მთელი მისი ნებელობა არის მოჩვენებითი. თუ კარგად დავუკვირდებით, ადამიანის მთელი ცხოვრება რამოდენიმე ნებელობითი გადაწყვეტილებაა და მერე მთელი ცხოვრება მოუსვენარი შრომა და პროგრამირებული ფუსფუსი. თუ ცოტა ხანი დაუკვირდებით საკუთარ თავს, სულ რაღაც ერთ წამში ახალი ფიქრი მოგტაცებთ ყურადღებას, თუ შეძლებთ და ამ ახალ მდგომარეობასაც "ზევიდან" შეხედავთ, იგრძნობთ საკუთარი არსებობის შეგრძნების გაძლიერებას. მაგრამ ორი-სამი წამი საკმარისია რათა ისევ სხვა ფიქრთა დინებაში აღმოჩნდეთ. ტვინში იმდენად ძლიერად ყავს ქვეცნობიერ პროცესებს სულიერის მიმდენარეობა დამორჩილებული, რომ მხოლოდ რამოდენიმე წამი შეუძლია ადამიანს ყურადღების გადადინების გარეშე დააკვირდეს საკუთარ არსებობას.

ეს ვის ეხება კონკრეტულად? მე? შენ? თუ პლანეტის 99%-ს? smile.gif
რაღაც ძაან დააკნინე და გაასაცოდავე ადამიანი აქ.
არიან ხალი 24/7 ბირჟაზე დგანან, ან ლოთობენ. აი მაგათ აქვთ თავისუფალი დრო თუ აქვთ.
არიან ადამიანები ვისაც სწორად აქვთ დაგეგმილი დრო. მუშაობენ კიდევაც და ისვენებენ კიდევაც.
მოკლედ ვის აღწერ ასე, საინტერესოა smile.gif

This post has been edited by asphurcela on 21 Jan 2012, 01:33


--------------------
Quad-Core i7-7700K 4.2 GHz
unknown lady
Sunny Universe:)


******
ჯგუფი: Members
წერილები: 5857
წევრი No.: 19337
რეგისტრ.: 16-April 06

გამოგზავნილია: 21 Jan 2012, 01:38  #29304677      · პროფილი · პირადი მიმოწერა · ჩატი
asphurcela

QUOTE
1) ქართულ ენასთან დაკავშირებით, ეს მეც გამომადგება. "მაგალითის მოტანა" თუ "მაგალითის მოყვანა"? მოტანა შენი ჩვევაა, თუ დანამდვილებით იცი რომ ესაა სწორი ფორმა?



ვაიმე, შემეშალა. ვერც შევამჩნიე. მე ვხმარობ არასწორ ფორმას.

სწორია მაგალითის მოყვანა. მოვიყვანოთ მაგალითი (და არა მოვიტანოთ)
ეს მოტანა საიდან მოვიტანე ნეტა biggrin.gif
ზუსტად ვიცი, რომ მოტანა შეცდომაა და მოყვანაა სწორი.

QUOTE
2) წიწილზე უფრო პატარა შესწორბას შევიტანდი. ახალგამოჩეკილი წიწილისთვის მე დამირყია პატარა კენჭები, აუკენკია, ოღონდ უკან გადმოუგდია biggrin.gif არ ვიცი როგორ მიხვდა, მაგრამ არ გადაყლაპა. მაგრამ მაინც იგივე გამოდის რაც შენც დაწერე ზემოთ. ინსტინქტი.. ალბათ გენებით გადაეცემა.


ხო ძირითადი აზრი უცვლელი რჩება- არსებობს რაღაც თანდაყოლილი რაც გამოცდილების შედეგი არ არის და მაგას ვარქმევთ ინსტინქტს. მნიშვნელოვანია, რომ ინსტინქტი არ გავაიგივოთ გართულებულ ქცევასთან და არც მისი როლი უგუვებელვყოთ.


QUOTE
მაგრამ მე მგონი შეუძლია ისედაც მოძებნოს საჭირო საგანი.


კელერის შემდეგ მეცნიერება განვითარდა და ეგ ცდები სავარაუდოდ ხელახლაა ჩასატარებელი. დაცული უნდა იყოს ერთის მხრივ რაოდენობრივი, მეორეს მხრივ თვსებრივი სიწმინდე. უკვე არის ამის შესაძლებლობა დღეს. ალბათ სადღაც ტარდება კიდეც ექსპერიმენტები.
მე უბრალოდ დაკვირვება / დოკუმეტური ფილმები მაჩვენებს, რომ რაღაც არის ისეთი, რაც მხოლოდ ადამიანს აქვს. მაგრამ დაკვირვება ხომ დამკვირვებელზეა დამოკიდებული facepalm.gif თუმცა სუბიექური თუ გახდა ბევრი გაობიექტურდება

QUOTE
მოკლედ საინტერესო მიმოხილვა გამოგვდის.


კი, ნამდვილად... მიუხედავად იმისა, რომ ვეთანხმები კანტის აზრს, რომლის მიხედვითაც შემეცნება შეუძლებელია. სამაგიეროდ განვითარებაა შესაძლებელი. უბრალდო დროში ვართ შეზღუდულები.



m e r a

შენს პოსტში რამოდენიმე რაღაცამ ძალიან დამაინტერესა და ორშაბათს დავწერ. თორემ ჩამომეძინება
კიდე კარგი ხვალ შაბათია! biggrin.gif
* * *
QUOTE
მოკლედ ვის აღწერ ასე, საინტერესოა smile.gif



ადამიანების უმრავლესობას აღწერს და მართლაც ასეა.
შენ თუ არ ხარ ასე, უმცირესობა გამოდიხარ და გამონაკლისი ამტკიცებს ჭეშმარიტებას

ისე კი არ ვეთანხმები დეტერმინიზმს...
ამაზე მოგვიანებით განვავრცობ. ალბათ ორშაბათს დავბრუნდები

არ მგონია ადამიანის ცხოვრება მექანიკური

This post has been edited by unknown lady on 21 Jan 2012, 01:46
asphurcela
<<<Amateur>>>


******
ჯგუფი: Moderators
წერილები: 6860
წევრი No.: 819
რეგისტრ.: 6-April 02

გამოგზავნილია: 21 Jan 2012, 02:00  #29304995      · პროფილი · პირადი მიმოწერა · ჩატი
m e r a
QUOTE
ყველაფერი შეფარდებითია. ცხოველის "მსოფლმხედველობა" თავისივე მოთხოვნებით არის შემოფარგლული, მაგრამ არის ისეთი რაღაცეები, რაც მასში არანაკლებია, ვიდრე ადამიანში.
შიში, ტკივილი და სიყვარული. ის ძირეული გრძნობები, რომლებიც ნებისმიერ ცოცხალ არსებაში მთელი ძალითაა ჩადებული. ცხადია, ადამიანის გრძნობები უფრო რთული და ძლიერია, მაგრამ არა ისეთი განსხვავებით, როგორითაც ინტელექტები განსხვავდება. სრულიად გაველურებული ადამიანი ოდნავ უფრო განსხვავებული გრძნობებით იცხოვრებს, ვიდრე ვთქვათ მაიმუნი. მხოლოდ საკუთარი არსებობის განცდა ექნება გაცილებით უფრო გამოკვეთილი.


ვფიქრობ, ჩამოთვლილი ეს გრძნობები, უბრალოდ აუცილებელია ცხოველის ან ადამიანის სიცოცხლისთვის, გადარჩენისთვის, ასევთქვათ ერთგვარი თავდაცვითი იარაღია ორივესთვის. ასევე მგონია რომ ეს ყველაფერი შეძენილი და განვითარებულია ევოლუციის რთულ გზაზე.
ღომ წარმოვიდგინოთ, ცხოველი, ვთქვათ, კურდღელი, რომელსაც შიშის გრძნობა არა აქვს, მას ძAლიან ადვილად შეჭამს მელა/მგელი/ტურა.. ამიტომ დამღუპველია.
ხოლო ის კურდღლები, რომლებიც საუკუნეების წინ გამოირჩეოდნენ დიდი გულადობით და უშიშრობით - შეჭამეს მტაცებლებმა. სამაგიეროდ გადარჩნენ და შთამომავლობა დატოვეს მშიშრებმა. დასკვნა: შიში აუცილებელი თავდაცვითი იარაღია კურდღლისთვის. ეს რა არის - ეს ევოლუციაა.
ასევეა ტკივილზე. თუ ცხოველს ტკივილს გავუქრობთ - ის მალე დაავადდება და მოკვდება. რადგან ვერ გაიგებს ფეხი ეკალს დააბიჯა თუ ბალახს.
აღარ მოერიდება ბასრ საგნებს და საბოლოოდ იარებით და სისხლდენით გარდაიცვლება.
ესეთი ყველა ცხოველი იფილტრება ბუნებრივი გადარჩევის გზით და რჩებიან და შთამომავლობას ტოვებენ ის ცხოველები/მწერები/თევზები/... რომლებსაც მოცემულ გარემო პირობებში ყველა საჭირო "იარაღი" გააჩნიათ.

იგივე შემიძლია ვთქვა ინტელექტზე. ეგებ აქ იმალება გასაღები. ეგებ ადამიანს გაცილებით მეტად აზროვნება ესაჭიროებოდა თავის გადასარჩენად?
იქნებ გადარჩა და შთამომავლობა დატოვა "მოაზროვნე" ველურმა ადამიანმა? "უტვინოები" კი შეეწირნენ თავიანთ უტვინოობას?

ანუ, მე ვცდილობ გავაბა რამე პარალელი ადამიანის და ცხოველის ინტელექტს შორის...

ისიც შეიძლება ერთი დიდი სისულელე დავწერე ზემოთ smile.gif

ან, ეგებ, ჩვენც ერთი პატარა ბიოლოგიური რობოტები ვართ... დახვეწილი და უნიკალური software-თი?
ჰა, ძაან ხო არ გავიჭერი?
დრრრრრრ მაშინ..

This post has been edited by asphurcela on 21 Jan 2012, 02:14
vasovasia
ალექსი


*****
ჯგუფი: Registered
წერილები: 1967
წევრი No.: 92475
რეგისტრ.: 29-May 09

გამოგზავნილია: 21 Jan 2012, 04:53  #29306201      · პროფილი · პირადი მიმოწერა · ჩატი · ელფოსტა
asphurcela
QUOTE

ხო, საინტერესოა, რა მექანიზმს, რა ლოგიკას ეფუძვნება ადამიანის აზროვნება.


საინტერესო ფენომენია აშკარად, თვითონ ადამიანი.
არადა ცხოველსაც ხომ აქვს ქიმიურად იგივენაირი შემადგენლობის ტვინი. თითქოს ყველა საჭირო მასალა "უყენია", მაგრამ ადამიანის შესაძლებლობებს ბევრად ჩამორჩება.
ნეტა რაშია საქმე. რა მოხდა ისეთი, რომ ადამიანი ასე დაწინაურდა ინტელეტქუალურ მარათონში ევოლუციის მრავალათასიანი წლების მანძილზე.
ან ეგებ აქვს რაღაც განსხვავებული, ის რაც ცხოველს არ გააჩნია?
თუ კი, რა, კონკრეტულად?


მე არ ვთვლი რომ ადამიანი მაიმუნისგან წარმოიშვა.
ცხოველების და ადამიანის ტვინი ყველანაირად განსხვავდება ზომით, ფუნქციონალობით და რაც მთავარია
უამრავი პარალელური კავშირებით და ამ კავშირების თვით ჩამოყალიბებით და შექმნით.
ადამიანის ტვინი და განსაკუთრებით მისი ცნობიერების მექანიზმი, პროცესორი არა არის. ის პარალელურ კავშირებზე
დამყარებული ლოგიკური მოწყობილებაა, რომელიც შედეგებს შემავალი ინფორმაციის კორელაციებში ხედავს...

რაც მეტი ნეირონული კავშირების შექმნა შეუძლია ტვინს, მით განვითარებულია ის...
რადგან ჩვენს ტვინს არ ჰყავს დამპროგრამებელი. ეს კავშირები ყალიბდება დროში ტვინის ტრენინგით...

შესაძლებლობა არსებული ნეირონული კავშირების გადამისამართების ტვინის სხვადასხვა ფუნქციონალურ მოდულებს შორის არის ტვინის განვითრების მაჩვენებელი...

არსებობს მთAვარი შეკითვა ცნობიერების საკითში.
ვინ არის ცნობიერების მექანიზმის შედეგების მფლობელი?
ანუ ვინ არის "მე" , ცნობიერების იდენტიფიკატორი. მე ვფიქრობ, ვაკეთებ....
ვინ არის ეს მე, იდენტიფიკატორი, მფლობელი ცნობიერების. არსებობს ისეთი შთაბეჭდილება თითქოს არსებობს
ცნობიერება, შედეგი ინტელექტის და მას ვიღაც კედევ ზევით მდგომი ფლობს... ჩვენში მჯდომი...
ბევრნი ცნობიერების შედეგს, აღქმას, ამ მესთან აიგივებენ...
თუ ეს ასეა, მაშინ ადამიანის ტვინი კიდევ უფრო რთული და შეუცნობელი გამოდის...
მე ვფიქრობ რომ ეს მე არა არსებობს, ის არის უბრალოდ ჩვენი სუბიექტური გამოხატულებაა გრძნობების, ნერვული სისტემის მოტორიზირებადი ფუნქციების მოქმედების შედეგი.

ცნობიერებას შეუძლია ამ მეს გარეშეც იარსებოს გარკვეულ საწყის ეტაპზე.
ამდენად თუ შეიქმნება რაიმე პარალელურ კავშირებიანი უკუკავშირებით ჩაკეტილი სისტემა, რომელსაც ექნება საშუალება დააგროვოს ინფორმაცია, გამოცდილება, ცოდნა და ასევე ცვალოს- გაადიდოს ან შეამციროს, ან გადაამისამართოს პარალელურ კავშირები. იქნება პირველი მერცხალი ცნობიერების მქონე მექანიზმი...
ეს იქნება აუცილებლად FPGA ტიპის განვითარებული მიკროსქემული სისტემები. თვით გადაპროგრამირების
თვისებებით...
მე მჯერა ერთი რამის: რაც უფრო მეტ ფილოსოფიურს და ფსიქოლოგიურს დავინახავთ ცნობიერებაში, მით დავცილდებით მის გაგებას და შექმნას.
რაც მეტად მოვაცილებთ სუბიექტურ გრძნობად ნაწილს ცნობიერებას, მით მეტად გაშიშვლდება ის და დაექვემდებარება ჩვენს შესწავლას...
* * *
m e r a
QUOTE

სიკეთე და ბოროტება ძალიან ფარდობითი ცნებებია, ისინი სინამდვილეში დაპირისპირებული ძალებია და მთელი სიცოცხლის განვითარებაც ამ დაპირისპირებებით ხდება. ასე რომ, განვითარების ნებისმიერ ეტაპზე იქნება ბოროტება, ოღონდ უფრო ჰუმანური, მაგრამ უფრო ცივსისხლიანიც.

სიცოცხლის განვითარებას იწვევს ოპოზიციური აზრი და მოქმედება და არა ბოროტება. ბოროტება ანტაგონისტური გამანადგურენბელი ძალაა. არ ვიცი რა არის ჰუმანური ბოროტება.
ბოროტების აზრი არის სიცოცხლის განადგურება. ეს ჩემი სუბიექტური აზრია ...
შეგიძლია შეალამაზო ბოროტება, მაგრამ მისი აზრი არ შეცვლება...
QUOTE

ყველა ყველას წინააღმდეგ იქნება. მაგრამ საკმარისია გაიმარჯვოს რაიმე იდეამ, როგორც პროგრესულმა და კომპიუტერებიც ამ იდეის ხორცშესხმაზე გადავლენ. ეს იდეა კი შეიძლება იყოს დაპროგრამებული ადამიანების გაჩენა, ან სულაც შექმნა, ადამიანის დისტანციურად მართვა, ტოტალური კონტროლი, სრულმასშტაბიანი გლობალიზაცია და ა.შ. ეს ყველაფერი რა თქმა უნდა სიკეთის სახელით იქნება. ამიტომ ყველაფერს, რასაც დრო და ტექნოლოგიები მოიტანენ ეყოლება მოწინააღმდეგენი და მომხრენი, საბოლოო ჯამში კი გაიმარჯვებს ის, რაც იქნება დროის მოთხოვნა. დროის მოთხოვნა კი შეიძლება იყოს სულ სხვა რასის შექმნა და ადამიანების, როგორც ცხოველების უკანასკნელი წარმომადგენლების გაქრობა.

ეს ძალიან დამთრგუნველი მდგომარეობა დახატე. იმედია ადამიანი უფრო ჭკვიანი აღმოჩნდება და არ დაუშვებს ბევრი არასწორი მიმართულებების განვითრებას...
მსგავსად, ბევრი ატომური ელექტროსადგურები აშენდა ბოლო წლებში... რაც ჩემი აზრით დიდი დანაშულია..
ეს იმ ტოტის მოჭრაა, რომელზეც ზიხარ.... ახლა მიხვდნენ და დაიწყო ნელე ნელა კანონების მიღება ატომური სადგურების მშენებლობის შეჩერებაზე და მომავალში მათ სულ აღმოფხვრაზე...
QUOTE

ეგ ხო, მაგრამ თუ გავიგებთ ინტელექტის მუშაობის პრინციპს, მაშინ ის თავისუფლად იმუშავებს ჩვეულებრივი პროცესორის სიმძლავრეზეც.ჯ

პროცერსორი შეიძლება იყოს რაიმე უჯრედი მაგალითად FPGA ზე დაფუძნებულ ხელოვნური ინტელექტის მქონე სისტემაში მაგრამ ისიNი ვერ გახდებიან ვერასოდეს ხელოვნური ინტელექტის მქონენი....
ჩემთვის ეს გამორიცხულია.. ვერც სტანდარტული პროცესორი, და ვერც DSP ინტელექტის მფლობელნი ვერ გახდებიან... მუშაობის პრინციპი გამორიცხავს..
QUOTE
ბიოლოგიური საჭიროება აღარ ექნებათ. ის იქნება არა მშობელი, არამედ შემოქმედი მისი მომავალი თაობისა. ეს ძალიან მიმზიდველი ჩანს ადამიანის პატივმოყვარეობის მასშტაბებს თუ გავითვალისწინებთ, ამ დროს ამაზე აღორძინდება ინდუსტრია, რომელიც თავის რეკლამაში შემოგვთავაზებს საუკეთესო შთამომავლობის გენეტიკურ კოდებს, კორპორაციები, რომლებიც აქტიურად ნერგავენ თავიანთი წარმოების "სულიერ პროდუქტებს", პოლიტიკოსები, რომლებიც თავს ახვევენ საზოგადოებას სულიერი განვითარების თავიანთ პროგრამებს. მოკლედ ინფორმატიკული ხანის კაპიტალიზმი სასწაული რაღაც იქნება...

როგორც გაქრება სექსი დაიწყება ადამიანის გადაშენება. სექსის ფუნქციის მოხსნა დაუკარგავს ადამიანს არსებობის აზრს....

თუ ასეთ განვითარებულ საზოგადოებაში შევალთ კაპიტალიზმი რატომ უნდა დავიტოვოთ. შტამპმავლობით გვერგო?
იქამდე მაგასაც მოვიცილებთ. მაგ დროისთვის მაგის შენარჩუნება დიდი შეცდომა იქნება.
იმედია საზოგადოება რამოდენიმე საუკუნეში ახალ ფორმაციას მოძებნის.

This post has been edited by vasovasia on 21 Jan 2012, 05:00
Komponent
გამოქვაბულის ამბები


*****
ჯგუფი: Members
წერილები: 2634
წევრი No.: 137852
რეგისტრ.: 30-October 11

გამოგზავნილია: 21 Jan 2012, 13:09  #29308090      · პროფილი · პირადი მიმოწერა · ჩატი · ელფოსტა
ჩემ ნაცნობს აქვს ხელოვნური ინტელექტის ბლოკები, ერთი დავითრიე და თქვენც გაგაცნობთ, ეს არის აზროვნების ალგორითმი.
gagulicha
Super Member


****
ჯგუფი: Registered
წერილები: 620
წევრი No.: 118277
რეგისტრ.: 11-July 10

გამოგზავნილია: 21 Jan 2012, 13:09  #29308097      · პროფილი · პირადი მიმოწერა · ჩატი · aim
QUOTE
ცხოველიც ცხოვრობს და მოქმედებს ამ სამყაროში, ოღონდ ისე, რომ მან არ იცის ამის შესახებ! ცხოველი ვერ გამოყოფს საკუთარ თავს გარემოსგან, სამყაროშია "გათქვეფილი" და არ იცის ძაღლმა რომ თვითონ ძაღლია და კატა კიდე სხვაა. სარკეში საკუთარ თავს უყეფს.

იქნებ სულაც არაა ასეთი სულელი ის კატა და ძაღლი რომელიც სარკეში საკუთარ თავს უყეფს, რადგან მართლაც არაა სარკეში არეკლილი გამოსახულება იგივე, ადამიანი ისეთი ტუკადუნია ვერც კი ხვდება, რომ საკუთარი თავის შებრუნებულ გამოსახულებას უყურებს biggrin.gif
asphurcela
<<<Amateur>>>


******
ჯგუფი: Moderators
წერილები: 6860
წევრი No.: 819
რეგისტრ.: 6-April 02

გამოგზავნილია: 21 Jan 2012, 14:38  #29309060      · პროფილი · პირადი მიმოწერა · ჩატი
vasovasia
QUOTE
რაც მეტი ნეირონული კავშირების შექმნა შეუძლია ტვინს, მით განვითარებულია ის... რადგან ჩვენს ტვინს არ ჰყავს დამპროგრამებელი. ეს კავშირები ყალიბდება დროში ტვინის ტრენინგით...

ამ ნეირონულ კავშირებზე მეც მინახავს გადაცემები.
ითვლება, რომ მეხსიერებას ნეირონული კავშირები განსაზღვრავენ.
თუმცა მაინც ვერ ვიგებ როგორ.
კარგი, შიქმნა კავშირი - მერე რა ამით?
მაინც უცნობია კოდირების რა სისტემას იყენებს ტვინი. ეს კავშირებიც უნდა განსხვავდებოდნენ ერთმანეთისგან რაღაცით.
ანუ, ასე დავსვათ საკითხი:
რა ლოგიკას ან რა მექანიზმს ექვემდებარება ადამიანის მეხსიერება?
როგორ განარჩევს ადამიანი ვაშლს მსხლისგან, ნეირონული კავშირების დახმარებით.
მემგონი ეს უცნობია დღევანდელ მედიცინაში.

QUOTE
QUOTE

ყველა ყველას წინააღმდეგ იქნება. მაგრამ საკმარისია გაიმარჯვოს რაიმე იდეამ, როგორც პროგრესულმა და კომპიუტერებიც ამ იდეის ხორცშესხმაზე გადავლენ. ეს იდეა კი შეიძლება იყოს დაპროგრამებული ადამიანების გაჩენა, ან სულაც შექმნა, ადამიანის დისტანციურად მართვა, ტოტალური კონტროლი, სრულმასშტაბიანი გლობალიზაცია და ა.შ. ეს ყველაფერი რა თქმა უნდა სიკეთის სახელით იქნება. ამიტომ ყველაფერს, რასაც დრო და ტექნოლოგიები მოიტანენ ეყოლება მოწინააღმდეგენი და მომხრენი, საბოლოო ჯამში კი გაიმარჯვებს ის, რაც იქნება დროის მოთხოვნა. დროის მოთხოვნა კი შეიძლება იყოს სულ სხვა რასის შექმნა და ადამიანების, როგორც ცხოველების უკანასკნელი წარმომადგენლების გაქრობა.

ეს ძალიან დამთრგუნველი მდგომარეობა დახატე. იმედია ადამიანი უფრო ჭკვიანი აღმოჩნდება და არ დაუშვებს ბევრი არასწორი მიმართულებების განვითრებას... მსგავსად, ბევრი ატომური ელექტროსადგურები აშენდა ბოლო წლებში... რაც ჩემი აზრით დიდი დანაშულია.. ეს იმ ტოტის მოჭრაა, რომელზეც ზიხარ.... ახლა მიხვდნენ და დაიწყო ნელე ნელა კანონების მიღება ატომური სადგურების მშენებლობის შეჩერებაზე და მომავალში მათ სულ აღმოფხვრაზე...


ეს ცოტა ფანტასტიკის სფეროდან მგონია მეც. რაღაც ჰოლივუდის ფილმის ჟანრი.
არამგონია ადამიანმა დაუშვას თავისმა ქმნილაბამ იბატონოს მასზე.
ისევ ადამიანი იბატონებს ადამიანზე (პრინციპში ახლაც იგივე ხდება, ოღონს ცოტა სხვა ფორმით)

gagulicha
QUOTE
ადამიანი ისეთი ტუკადუნია ვერც კი ხვდება, რომ საკუთარი თავის შებრუნებულ გამოსახულებას უყურებს

დავაკონკრეტოთ ხოლმე ვის გულისხმობთ, თორემ თავს შეურაცყოფილად ვგრძნობ smile.gif
თქვენ თუ ვერ ხვდებით, ეგ თქვენი პრობლემაა. wink.gif

This post has been edited by asphurcela on 21 Jan 2012, 14:40
gagulicha
Super Member


****
ჯგუფი: Registered
წერილები: 620
წევრი No.: 118277
რეგისტრ.: 11-July 10

გამოგზავნილია: 21 Jan 2012, 16:17  #29310337      · პროფილი · პირადი მიმოწერა · ჩატი · aim
asphurcela
QUOTE
დავაკონკრეტოთ ხოლმე ვის გულისხმობთ, თორემ თავს შეურაცყოფილად ვგრძნობ
თქვენ თუ ვერ ხვდებით, ეგ თქვენი პრობლემაა.

მე მომიტევეთ თქვენი შეურაცყოფა არც მიფიქრია 2kiss.gif მოდი წარმოვიდგინოთ ასეთი სიტუაცია, ახლახანს გამოიგონეს სარკე biggrin.gif თქვენ ჯერ გაგონილიც კი არ გაქვთ მის შესახებ რათქმაუნდე ჯერ არც ნანახი, ვთქვათ ხართ 15 წლის და გყავთ პატარა საყვარელი ცუგა, ნუ მოკლედ თქვენს ცუგასთან ერთად მოხვდით ოთახში სადაც ძალიან დიდი სარკეა, არ დაგავიწყდეთ აქამდე არც გაგონილი გაქვთ მის შესახებ და არც ნანახი biggrin.gif მიხვედით ამ ჯადოსნურ რაგაცასთან ცუგაც თან მოგყვებათ და იხედებით შიგნით, და რას ხედავთ თქვენს თავს, ცუგაც ხედავს მაგრმ ხვდება რომ რაღაც ისე არა არის იქ სხვა ცუგაა და იწყებს ყეფას, ისე ძაღლს მაგდენი ტვინი სადა აქვს biggrin.gif მემგონი კატა უფრო შესაფერისი კანდიდატი იქნებოდა biggrin.gif მოკლედ როგორ ფიქრობთ მიხვდებით იმ მომენტში რომ თქვენი თავის შებრუნებულ გამოსახულებას უყურებთ?
asphurcela
<<<Amateur>>>


******
ჯგუფი: Moderators
წერილები: 6860
წევრი No.: 819
რეგისტრ.: 6-April 02

გამოგზავნილია: 21 Jan 2012, 17:07  #29310992      · პროფილი · პირადი მიმოწერა · ჩატი
gagulicha
2kiss.gif alk.gif

QUOTE
მოკლედ როგორ ფიქრობთ მიხვდებით იმ მომენტში რომ თქვენი თავის შებრუნებულ გამოსახულებას უყურებთ?

თუ გმოვიკვლევ და ანალიზის უნარი თუ მაქვს, რატომ ვერ უნდა მივხვდე?
გადაბრუნებულ ასოებს რომ დავინახავ, წარწერიანი მაისური თუ მაცვია, მითუმეტეს უნდა მივხვდე.
თან კიდევ უფრო თუ გამოვიკვლევ, იმასაც დავინახავ რომ "გადაბრუნება" მხოლოდ თვალებზე გამავალ სიბრტყეში ხდება.
ანუ, თუ მე ჰორიზონტალურად ვდგავარ, გადატრიალება ხდება მარჯვენა-მარცხენას მიმართ და არა ზედა-ქვედას მიმართ.
ნუ ამას დაკვირვება სჭირდება.

კატა კი ასე მოიქცევა:





* * *
Komponent
QUOTE
ჩემ ნაცნობს აქვს ხელოვნური ინტელექტის ბლოკები, ერთი დავითრიე და თქვენც გაგაცნობთ, ეს არის აზროვნების ალგორითმი.

biggrin.gif რაღაც ვერ მუშაობს კარგად ეგ შენი ბლოკი. დაუბრუნე, ან გამომიცვალეთქო, ან უკან დაიბრუნეთქო biggrin.gif

This post has been edited by asphurcela on 21 Jan 2012, 17:10
gagulicha
Super Member


****
ჯგუფი: Registered
წერილები: 620
წევრი No.: 118277
რეგისტრ.: 11-July 10

გამოგზავნილია: 21 Jan 2012, 18:12  #29311915      · პროფილი · პირადი მიმოწერა · ჩატი · aim
asphurcela
alk.gif biggrin.gif ნუ რა თქმა უნდა მაგდენს თუ იჩალიჩებ მიხვდები, biggrin.gif მაგრამ არ დააკვირდები მაგდენს, ჯერ ხომ ბავშვი ხარ კაცო biggrin.gif შეიძლება უცებ მარცხენა ყურიც მოგეფხანოს და ვერ მიხვდე, რომ შენი ანარეკლი მარჯვენას იფხანს biggrin.gif ჩვენი ფისოს კი მართალია არ გააჩნია ანალიზის უნარი რადგან ცნობიერება არ აქვს, მაგრამ იგი მიხვდა ყოველგვარი ანალიზის გარეშე და შესაბამის ზომებსაც მიმართაbiggrin.gif მოკლედ ვბოდავ ყურადღებას ნუ მომაქცევ biggrin.gif
punch.gif gigi.gif
The13thFloor
Super Crazy Member ++


********
ჯგუფი: Members
წერილები: 22073
წევრი No.: 25980
რეგისტრ.: 22-November 06

გამოგზავნილია: 21 Jan 2012, 18:58  #29312561      · პროფილი · პირადი მიმოწერა · ჩატი · ელფოსტა
აჰა თქვენ ვიდეო და შეწყვიტეთ ცხოველთა სარკული დისკრიმინაცია : )



This post has been edited by The13thFloor on 21 Jan 2012, 19:00
vasovasia
ალექსი


*****
ჯგუფი: Registered
წერილები: 1967
წევრი No.: 92475
რეგისტრ.: 29-May 09

გამოგზავნილია: 22 Jan 2012, 06:12  #29321395      · პროფილი · პირადი მიმოწერა · ჩატი · ელფოსტა
asphurcela
QUOTE
ამ ნეირონულ კავშირებზე მეც მინახავს გადაცემები.
ითვლება, რომ მეხსიერებას ნეირონული კავშირები განსაზღვრავენ.
თუმცა მაინც ვერ ვიგებ როგორ.
კარგი, შიქმნა კავშირი - მერე რა ამით?

ერთი პერიოდი შრედინგერის ბიოფისიკის წიგნის წაკითხის შემდეგ ეს საკითხები მაინტერესებდა და ცოტათი შევისწავლე ტვინის ტექნიკური მხარე და ვცდილობდი მის FPGA მოდელირებას. მაგრამ მაშIნ არსებობდა მხოლოდ ფირმა actel ის მიკროსქემები და ძალიან მოუხერხებელი იყო რადგან გადაპრაგრამირება უკვე შექმნილი კავშირების არ შეიძლებოდა. მერე დავანებე თავი. ახლა არსებობს ფირმა xilinx ის მრავალჯერად გადაპროგრამირებადი მიკროსქემები და უფრო მოხერხებულია...
დამტკიცებულია რომ ნეირონების რაოდენობა ადამიანის ტვინში გაიზარდა არამარტო ადამიანის ევოლუციის დროს არამედ ახლაც ბავშვს ის ეზრდება განვითარებასთან ერთად და შემდეგ 20 წლის მახლობელ ასაკშიც შესაძლებელია
მათი რაოდენობის ზრდა. ჭკვიანია ის ადამიანი ვისაც უფრო მეტი რაოდენობა აქვს.
მე მრავალჯერ დავწერე ტვინი პროცესორი არ არის მეთქი. ეს ნიშნავს ტვინი რა არის ციფრული, ის ანალოგური მანქანაა. მას არ აქვს სპეციალური ვიწრო გამტარებლობის მონაცემთა მაგისტრალები. არა აქვს მახსოვრობასთან თუ პერიფერიასთან შემართებელი ადრესული ხაზები.
მილიარდობით ნეირონები განაპირობებენ ინფორმაციის გადაცემას პარალელური ანალოგური იმპულსების სახით..
ტვინი ძალიან ნელი ორგანიზმია, საერთოდ ადამიანი. იმპულსების გადადგილების სიჩქარე 150მ/წმ ს არ აღემატება
ეს ხომ ძალიან დაბალი სიჩქრეა.
წარმოიდგინე ცნობიერებას უნდა ინფორმაციის ამოღება მახსოვრობიდან. რადგან არ გაქვს ადრესი არ იცი სად არის ინფორმაცია. ერთადერთ გზაა არის სკანირება მთელი მახსოვრობის. მაგრამ ეს ხომ უაზრობაა, ვერასოდეს დაამთავრებ....
მაგრამ ჩვენი მახსოვრობა მაინც ასოციატურია ანუ ინფორმაციას ამოიღებ მხოლოდ მონაცემთა ნიშნებით სკანირების დროს. მაგრამ არა მთელი მახსოვრობის არამედ მისი ფუნქციონალური ჯგუფების და თვითOეული ეს ჯგუფები დამოუკიდებელი ნეირონებით მოქმედებენ. რაც მეტია ნეირონები, მით მეტია დამოუკიდებელი ჯგუფების რაოდენობა და მით სწრაფია მოძებნის სიჩქარე.
ასეთ სტილით მოქმედებს მთელი ურთიერთქმედება ტვინის ნაწილებს შორის. ამდენად რაც მეტი აქტიური ნეირონული კავშირებია მით ჭკვიანია ტვინი.
როგორ მოქმედებს ცნობიერება და იღებს გადაწყვეტილებებს ტვინის სხვადსხვა ნაწილებიდან და სენსორული ნერვებიდან მიღებული ინფორმაციის ბაზაზე, მე მგონი არავინ იცის. აქ არის ჩამალული ცნობიერებს მექანიზმის არსი.
QUOTE

მაინც უცნობია კოდირების რა სისტემას იყენებს ტვინი. ეს კავშირებიც უნდა განსხვავდებოდნენ ერთმანეთისგან რაღაცით.
ანუ, ასე დავსვათ საკითხი:
რა ლოგიკას ან რა მექანიზმს ექვემდებარება ადამიანის მეხსიერება?
როგორ განარჩევს ადამიანი ვაშლს მსხლისგან, ნეირონული კავშირების დახმარებით.
მემგონი ეს უცნობია დღევანდელ მედიცინაში.

რატომ გგონია რომ ადამიანის ტვინი რაიმე კოდირებას იყენებს, რაში სჭირდება ეს მას. მით უმეტეს კოდირება დროს მოითხოვს და ადამინის ნერვული სისტემა, როგორც ვთქვი ნელია.
მედიცინა რა შუაშია. მას მხოლოდ მკურნალობა შეუძლია. და არა მეცნიერული კვლევა ამ მიმართულებით.
ბიოლოგიის, ქიმიის და ფიზიკის ერთობამ უნდა ამოხსნას ცნობიერების მექანიზმი...
ვაშლს და მსხალს ნეირონები არა განარჩევენ. ტვინის გარკვეული ნაწილი ემსახურება იმიჯის აღქმის საკითხს.
ეს ნაწილი დღეს ინფორმატიკაში მათემატიკურად კარგ დონეზეა. ნეირონების როლი აქ გამოიხატება თვალიდან წამოსული ინფორმაციის დამუშავები პარალელიზაციაში და ამდენად ობიექტის ამოცნობის სისწრაფეში...

This post has been edited by vasovasia on 22 Jan 2012, 06:18
0 წევრი ათვალიერებს ამ თემას (0 სტუმარი და 0 უჩინარი წევრი)
0 წევრი:
Topic Options Pages: (33) 1 [2] 3 4 ... ბოლო » გამოხმაურება · ახალი თემა · ახალი გამოკითხვა

 



ფორუმის სერვერების განთავსებას და ინტერნეტთან კავშირს უზრუნველყოფს: CLOUD9
[ Script Execution time: 0.0435 ]   [ 13 queries used ]   [ GZIP Disabled ]