მამუკა კაციტაძე - მიხეილ სააკაშვილს, შესაძლოა, პრეზიდენტად კენჭისყრის შესაძლებლობა მესამე ვადითაც მიეცესროგორც "ინტერპრესნიუსს" ფრაქცია "მემარჯვენე ოპოზიციის" წევრმა მამუკა კაციტაძემ განუცხადა, უკვე ინიცირებულია კონსტიტუციაში ცვლილება, რომელის მიხედვითაც
პრეზიდენტად ორჯერადი არჩევის შეზღუდვა უქმდება და იგი იცვლება ნორმით, რომ პრეზიდენტს არ შეუძლია ამ თანამდებობაზე 10 წელზე მეტი ხანგრძლივობით იყოს.
კაციტაძის თქმით, არსებული რეალობიდან გამომდინარე, ეს ცვლილება პრეზიდენტ მიხეილ სააკაშვილს მესამედ კენჭისყრის შესაძლებლობას აძლევს.
კერძოდ, დეპუტატი განმარტავს, რომ
მიხეილ სააკაშვილი არჩეული იქნა 2004 წლის 25 იანვარს, 2007 წლის ნოემბერში გადადგა – ის პრეზიდენტი იყო სამი წელი და 9 თვე. მეორე ვადით მისი არჩევა მოხდა 20 იანვარს - მას შეუძლია პრეზიდენტად იყოს 2013 წლის ოქტომბრამდე.
"ეს ნიშნავს, რომ ჯამში სააკაშვილი იპრეზიდენტებს 9 წელი და 2 თვე" – აღნიშნა კაციტაძემ და დასძინა, რომ ამ პერიოდისთვის თუ ჩატარდა არჩევნები ისე, რომ ორჯერადი არჩევის ნორმა მოხსნილი იქნება, მას შეეძლება, კიდევ იყაროს კენჭი და 9 თვით პრეზიდენტობა მოისურვოს."მიხეილ სააკაშვილს რომ, შესაძლოა, მესამე ვადით კენჭისყრის შესაძლებლობა მიეცეს, ამის ერთ-ერთ საშუალება ამავე პროექტში პარლამენტის დათხოვნასთან დაკავშირებით არსებული ცვლილებაა. კერძოდ, თუ პრეზიდენტი მისი ერთი ვადით უფლებამოსილების პერიოდში პარლამენტს ორჯერ დაითხოვს, მეორედ დათხოვნისას თავადაც უნდა გადადგეს და საპარლამენტო არჩევნებთან ერთად საპრეზიდენტო არჩევნები დანიშნოს",-აცხადებს კაციტაძე.
მისივე თქმით, თუ მაისში ჩატარდა არჩევნები და სააკაშვილი მისთვის არასასურველ პარლამეტნს მიიღებს, 6 თვის შემდეგ დაითხოვს და ხელახალი არჩევნების შემდეგ კიდევ 6 თვის შემდეგ კვლავ დაითხოვს, ამის შემდეგ მას უკვე უჩნდება მესამე ვადით არჩევის უფლებაც.
"აქ სააკაშვილზე არ არის ლაპარაკი, აქ ლაპარაკია მსოფლიოში მიღებულ პრაქტიკაზე, სადაც პრეზიდენტის შეზღუდვები არჩევითობის რაოდენობით განისაზღვრება და არა ერთიანი არჩევითობის ვადით", – განაცხადა მამუკა კაციტძემ.
"მემარჯვენეებისთვის" არჩევითობის ვადებთან დაკავშირებით ინიციტივა მიუღებელია. რაც შეეხება პარლამენტის დათხოვნასთან დაკავშირებით საკონსტიტუციო ცვლილების პროექტს, მამუკა კაციტაძე ამბობს, რომ ეს მისასალმებელია, რადგან პრეზიდენტმა პარლამენტის დათხოვნის ნაბიჯი დაფიქრებით უნდა გადადგას.
აღნიშნული საკონსტიტუციო ცვლილების ინიცირება ნოემბერში განხორციელდა, თუმცა მას პროექტის სახით დეპუტატები მხოლოდ ახლა გაეცნენ.
გურჯუსტან პრეზიდენტსი, ბაშბაკან ილჰამ ჰეიდარ მიშა სააკაშვილისი,
გიხაროდენ ნაცმაცუნებო!
თუმცა, II ვადას თუ დაასრულებს ჯერ ეგეც საკითხავია
მიშა III ვადითაც?
