თუ არის განსაზღვრული თარიღი მმართველი უმრავლესობის მიერ - როდის დაინიშნება ადგილობრივი თვითმმართველობის არჩევნები?
- ამ საკითხთან დაკავშირებით, პოლიტიკური განცხადებები უკვე დიდი ხანია კეთდება. ჯერ კიდევ 2009 წლის ზაფხულში პრეზიდენტმა შესთავაზა ოპოზიციური პარტიების წარმომადგენლებს, რომ არჩევნები ჩაგვეტარებინა უფრო ადრე, ვიდრე ეს იყო 2010 წლის შემოდგომა. როდესაც წესით უნდა გამართულიყო არჩევნები. მაგრამ, პრეზიდენტის შემოთავაზება იყო არჩევნების თარიღი ყოფილიყო 30 მაისი. ამის შემდეგ, არჩევნების თარიღთან დაკავშირებით არაერთი განცხადება იყო გაკეთებული და ჩვენც მრავალჯერ დავადასტურეთ, რომ არჩევნმები სწორედ 30 მაისს გაიმართებოდა.
თუმცა, ვინაიდან ჩვენს ოპონენტებს, მათივე თქმით, ჭირდებათ უფრო მეტი გარანტიები, რომ თარიღი არ შეიცვლება - ჩვენ ამისთვის შევიტანეთ ცვლილებები კონსტიტუციაში. გარდამავალ დებულებებში ჩავწერეთ, რომ 2010 წლის ადგილობრივი თვითმმართველობის არჩევნები, მათ შორის ქალაქ თბილისის მერის პირდაპირი წესით არჩევნები გაიმართება არაუგვიანეს 1 ივნისისა. ბუნებრივია, ყველა პროცედურას თავისი ვადა აქვს. კოდექსის მიხედვით, 60 დღით ადრე იწყება საარჩევნო კამპანიასთან დაკავშირებული პროცედურები. მაგრამ, თუ კიდევ ასეთი კითხვის ნიშნები რჩება, მე ვფიქრობ, რომ უახლიეს მომავალში კიდევ ერთხელ, კონკრეტულად, სადმე ნორმატიულ აქტში ჩავწეროთ, რომ არჩევნები ჩატარდება 30 მაისს. ეს პოლიტიკური განაცხადი, რომელიც გაკეთდა ადრე - არ შეიცვლება.
- თქვენი - უმრავლესობის მხრიდან, როდის მოხდა გიგი უგულავას წარდგენა, რომ ის იქნება თბილისის მერობის კანდიდატი?
- ოფიციალურად, ვერცერთი კანდიდატურის წრადგენა ვერ მოხდება, ვიდრე არ დაინიშნება არჩევნები. არჩევნების თარიღი განისზღვრება 60 დღით ადრე. პროცედურები იწყება 60 დღით ადრე. 30 მაისს რომ ინიშნება არჩევნები, შეგვიძლია იქიდან გადმოვთვალოთ 60 დღე და ამ თარიღიდან შეუძლია ვინმეს განაცხადოს - რომ არეგისტრირებს მერობის კანდიდატს. ჯერ-ჯერობით არცერთი კანდიდატი დარეგისტრირებული არ არის და აქედან გამომდინარე - თუ როდიდან დაიწყო წინასაარჩევნო კამპანია და ასე შემდეგ - არასწორია.
წინასაარჩევნო კამპანია დაიწყება მას შემდეგ, რაც გამოცხადდება არჩევნების თარიღი, ანუ დაიწყება არჩევნებამდე 60 დღით ადრე. რაც შეეხება ჩვენს კანდიდატურას, ბუნებრივია, პოლიტიკური განაცხადი შეიძლება უფრო ადრეც გაკეთდეს. ასეთი პოლიტიკური განაცხადი გაკეთდა კიდეც. ამიტომ, მე არ ვფიქრობ, რომ ეს რაიმე პრობლემას ქმნის სამართლებრივი რეგულაციის მხრივ.
- თქვენი ოპონენტები სწორედ ამ მომენტს იშველიებენ ხოლმე და ამბობენ, რომ სწორედ გიგი უგულავამ უკვე დიდი ხანია დაიწყო წინასაარჩევნო კამპანია...
- აბსოლუტურად ვეთანხმები ჩემს ოპონენტებს. გიგი უგულავამ წინასაარჩვენო კამპანია დაიწყო 2005 წელს, როდესაც ის გახდა ქალაქის მერი. ამ დღიდან მოყოლებული, ყველაფერი რაც კეთდება, ბუნებრივია კეთდება იმისთვის, რომ საზოგადოებამ შეაფასოს როგორ მუშაობს მერია, როგორ მუშაობს საკრებულო. თუ ამას ვთვლით საარჩევნო კამპანიად - შემიძლია დავადასტურო: კი,
2005 წლის შემდეგ, რაც გიგი უგულავა გახდა ქალაქის მერი, ის მუდმივად არის საარჩევნო რეჟიმში, თუ გულისხმობთ იმას, რომ აკეთოს საქმე, რომელიც მოსახლეობას აინტერესებს.- ეს სხვა კანდიდატებითან არათანაბარ პირობებში ჩაყენებასაც ალბათ იწვევს.
- როგორ იწვევს არათანაბარ პირობებში ჩაყენებას?
- მაგალითად გიგი უგულავას აქვს საშუალება გახსნას კერძო ბიზნესის წარმომადგენლების მიერ შექმნილი ობიექტები; ასევე, საშობაო „ალილოს" დროს გიგი უგულავამ პირდაპირ მოუწოდა რესტორნების მეპატრონეებს - კეთილი ინებეთ და დააპურეთ უპოვარი ხალხიო. ეს არის თუ არა საარჩევნოდ ხმებზე ნადირობა?
- მსგავსი მოწოდება შეიძლება გააკეთოს ნებისმიერმა სხვა პოლიტიკურმა ძალამაც. მოდი ვთქვათ ასე: რა არის მთავარი პლუსი და მთავარი მინუსი, როდესაც ხელისუფლების წარმომადგენელი იყრის კენჭს. მთავარი პლუსი, ბუნებრივია არის ის, რომ მას შეუძლია თქვას - „აი ეს, გაკეთდა მას შემდეგ, რაც მე ვარ ხელისუფლებაში, ან ის პოლიტიკური გუნდია, რომელსაც მე წარმოვადგენ". მაგრამ, აქვს მინუსიც: ბუნებრივია, ყველაფერი ამ 4-5 წელიწადში ვერ გაკეთდებოდა. ამიტომ ვიღაცეებს შეუძლიათ თქვან: ეს ადამიანები 6 წელია არიან ხელისუფლებაში და რატომ არ გააკეთეს ესა თუ ის საქმე და ჩამოთვალონ. თუ ვინმე ამბობს, რომ რატომ ამბობს გიგი უგულავა, რომ ეს მან გააკეთა - იმიტომ ამბობს, რომ მისი მერობის პერიოდში გაკეთდა ძალიან ბევრი რამ.
ჩვენს ოპონენტებსაც, თუ უნდათ წინასაარჩევნო კამპანია აწარმოონ, შეუძლიათ დღესვე დაიწყონ საუბარი, იმაზე, რაც არ გაკეთდა და საუბრობენ კიდეც. არ გინახავთ, რომ ამბობენ რა არ გააკეთა გიგი უგულავამ? არ გინახავთ გზა, რომელზეც უთქვამთ რომ „მთელ ქალაქში დაგებულია გზები და მხოლოდ ამ ქუჩაზე არ დააგესო?"
რაც ვერ გაკეთდა იმაზე აპელირება ოპოზიციის მხრიდან არის კონკურენციის ერთ-ერთი შემადგენელი ნაწილი. - გასაგებია, მაგრამ, აქ მინიშნებაა იმაზე, რომ მოუწოდა კერძო ბიზნესის მფლობელებს კეთილი ინებონ და დააპურონ უპოვარი ხალხი.
- ასეთივე მოწოდებები მესმოდა აგრეთვე სხვა პარტიების მხრიდან და მე არ ვფიქრობ რომ აქ რამე პრობლემა იყოს. შეიძლება ნებისმიერმა პარტიამ თავის დამფინანსებელ ბიზნეს-პარტნიორებს უთხრას, რომ მოდი, დავეხმაროთ უპოვრებს, ან გავაკეთოთ რაღაც სხვა. ესეთი რამე ჩვეულებრივი მოვლენაა.
- და ეს კერძო ბიზნესზე ზეწოლას არ ნიშნავს?
- არანაირად არ ნიშნავს. თუ ვიღაცას სურს, რომ ამის უკან დაინახოს ზეწოლა, გამიჭირდება მისგან რაიმეს მოსმენა. მე ვიცი, რომ ასეთი არგუმენტების მოტანა არ შეიძლება. გარდა იმისა, რომ იტყვიან - „ეს გამონათქვამი პირდაპირ იყო მიმართული ბიზნესის წინააღმდეგ" - ამის გარდა ვერაფერს ვერცერთი ჩვენი ოპონენტი ვერ იტყვის.
- ოპოზიციის მხრიდან იყო პრეტენზია მმართველი უმრავლესობის მიმართ: პრეზიდენტმა დაარღვია ვადები, როდესაც 8 იანვარს არ წარადგინა ცესკოს თავმჯდომარეობის 3 კანდიდატურა. ამ შემთხვევაში მართლაც დაირღვა თუ არა კანონი და ეს უშლის თუ არა ხელს სამართლებრივი სახელმწიფოს ჩამოყალიბებას, როცა პრეზიდენტის მხრიდან ვადაა დარღვეული?
- არანაირი ვადა და კანონი არ დარღვეულა. ყველა მოქმედება განხორციელდა კანონით დადგენილი წესით. მათ შორის განხორციელდა იმ ვადებში, რომელიც პარლამენტის მიერ იქნა დადგენილი ცვლილებების გათვალისწინებით. მაგრამ, მოდით გავყვეთ პროცედურას - რა არ ჩატარებულა. იყო კომუნიკაცია და კონსულტაცია არასამთავრობო სექტორთან; მათ მიერ დასახელებული კანდიდატურებიდან შეირჩა 3 კანდიდატი, რომელიც წარედგინა ცენტრალურ საარჩევნო კომისიას; ცენტრალურ საარჩევნო კომისიაში მხოლოდ ოპოზიციის მიერ დანიშნულმა ექვსმა წევრმა მიღო მონაწილეობა პირველ არჩევაში. როდესაც მათ - ოპოზიციის წარმომადგენლებმა ვერ შეარჩიეს ამ სამი კანდიდატურიდან ერთი, მაშინ უკვე გადმოვიდა შემდგომი მოქმედებები პარლამენტში და შესაბამისად, უკვე პარლამენტმა დაასრულა ის პროცედურა, რაც კანონით იყო გათვალისწინებული.
- ერთ-ერთი კანდიდატურა, რომელიც ოპოზიციის მეტ ნდობას იმსახურებდა, ეს იყო ეკა სირაძე. ამ შემთხვევაში პრეზიდენტს რომ წარედგინა ეკა სირაძე ერთ-ერთ კანდიდატად და იქიდან ამოერჩიათ ოპოზიციას სასურველი კანდიდატი, ეს ოპოზიციის მხრიდან არჩევნების მიმართ ნდობის ხარისხს ხომ უფრო გაზრდიდა?
- მე მესმოდა ქრისტიან-დემოკრატების მხრიდან, იგივე ლევან ვეფხვაძისგან - რატომ არ შეარჩიეთ ქალბატონი ეკა სირაძის კანდიდატურაო. მაშინ, როდესაც წინა არჩევნებზე ეკა სირაძის წინასწარი გამოკითხვების შედეგები ზუსტად იგივე იყო, რაც მერე გამოაცხადა ცენტრალურმა საარჩევნო კომისიამ. ანუ, ბატონი ლევან ვეფხვაძე და მისი მხარდამჭერები ერთი მხრივ ამბობენ, რომ არ შეიძლებოდა თარხნიშვილი დასახელებულიყო, რადგან არჩევნების შედეგები არასწორად დაფიქსირდა და ციფრებით მანიპულირებდნენ. მაგრამ, ქალბატონი ეკა სირაძის მიერ იგივე დღეს ჩატარებული კვლევების და პარალელური დათვლის შედეგად იგივე ციფრები რომ დაჯდა - ცესკოს თავმჯდომარედ მისი კანდიდატურა მაინც მისაღები იყო? აქ სხვა არაფერია, თუ არა პოლიტიკური ჭიდილი კონკრეტული თანამდებობის გარშემო.
- ეკა სირაძე რომ ყოფილიყო დასახელებული, მაშინაც მსგავსი სიტუაცია იქნებოდა?
- რაღაც მოყვებოდა ყველა შემთხვევაში. შესაბამისად, მე არ ვფიქრობ, რომ წარმოდგენილი კანდიდატურები რაიმე ფორმით ხარვეზიანი იყო ან პროცედურები არ იყო დაცული. სამივე კანდიდატურა, რომელიც იყო წარმოდგენილი, იყო ძალიან კვალიფიციური და აკმაყოფილებდა ყველა იმ მოთხოვნას, რომელიც კანონით იყო გათვალისწინებული. შესაბამისად გაკეთდა კიდეც არჩევანი.
- ზურაბ ხარატიშვილის მიმართ აქვთ წინასწარ უნდობლობა გამოცხადებული არჩევნების შედეგებზე...
- ნებისმიერის მიმართ გამოაცხადებდნენ უნდობლობას. საუბარი სხვა კანდიდატურებზეც იყო და მათ მიმართაც იყო უნდობლობა გამოცხადებული. ერთ-ერთ კანდიდატზე ისიც თქვეს, რომ ის არის პრეზიდენტის ნათესავის მეზობელი თუ რაღაც ასეთი. ამიტომ, მათი მოტივაცია გასაგებია. მათ სურთ, რომ გაამართლონ თავიანთი მომავალი მარცხი. შესაბამისად,
ემზადებიან ერთადერთი რამისთვის - თავი იმართლონ, თუ რატომ წააგეს მომავალი არჩევნები. ამ თავის სამართლებლად დღეს ხელჩასაჭიდი აქვთ ცესკოს თავმჯდომარის არჩევის პროცედურები. ამიტომ ამბობენ დღეს და ამასვე იტყვიან მაისის ბოლოს, როგორც კი არჩევნების შედეგები გამოქვეყნდება. გამოვლენ და იტყვიან, რომ ეს ყველაფერი მოხდა იმიტომ, რადგან ცესკოს თავმჯდომარე იყო ზურაბ ხარატიშვილი. აქ სახელს და გვარს არავითარი მნიშვნელობა არა აქვს. ზურაბ ხარატიშვილი იქნებოდა თუ ვინმე სხვა, ყველა შემთხვევაში შედეგი იქნებოდა ერთი და იგივე - წინასწარი კრიტიკა არჩევნების შედეგების მიმართ.
- არჩევნებს ჯერ კიდევ დეკემბერში ბოიკოტს უცხადებდა ნინო ბურჯანაძე, ასევე იყვნენ ზოგიერთი ოპოზიციური პარტიები, რომლებიც აპირებდნენ არჩევნებში მონაწილეობას, მაგრამ, მაინც თითქოს უნდობლად იყვნენ არჩევნების გამჭვირვალობის მიმართ განწყობილი. დღეს უკვე დაიწყეს განცხადებების კეთება საპროტესტო აქციების შესახებ, რომელიც უნდა გაიმართოს აპრილში. თქვენი აზრით, ეს რამ გამოიწვია?
- მე ნამდვილად გამიჭირდება ოპოზიციური სპექტრის ერთი ნაწილის ქმედებების და გეგმების პროგნოზირება.
ძალიან რთულია ივარაუდო რას მოიმოქმედებს პარტია, რომელიც წინასწარ განწირულია დამარხცხებისთვის და ეს მათ ძალიან კარგად იციან. ამიტომ მათი მხრიდან სხვადასხვაგვარი პოზციის დაფიქსირება სხვადასხვა დროს მიმაჩნია, რომ მათ რიგებში დაბნეულობას უფრო ჰგავს.- კონკრეტულად რომელიმე პარტიას გულისხმობთ თუ მთლიან ოპოზიციას?
- ვგულისხმობ ოპოზიციური სპექტრის ძალიან დიდ ნაწილს, რომელიც არ არის ჩამოყალიბებული ამ ეტაპზე არჩევნებში მონაწილეობასთან დაკავშირებით.
ცხადია, რომ არჩევნების გზით საკრებულოში ისინი უმრავლესობით ვერ მოვლენ. ისევე, როგორც მერობის კანდიდატებს წარმატების შესაძლებლობა არა აქვთ. ის კანდიდატები, რომლებიც არიან დასახელებული და პრაიმერში მონაწილეობენ, თქვენ როგორ ფიქრობთ, რომელიმე მათგანს მართლა ჰგონია, რომ თბილისის მოსახლეობის უმრავლესობა მხარს დაუჭერს? თქვენ როგორ ფიქრობთ, მათ არა აქვთ საკუთარ რეიტინგებზე ზუსტი წარმოდგენა? აქვთ! მაგრამ, ამ ყველაფერს,
ამ ქაოსსაც ქმნიან იმიტომ, რომ სხვა გზას, გარდა არეულობისა, ისინი ვერ ხედავენ ხელისუფლებაში მოსასვლელად. არეულობას ბუნებრივია არავინ დაუშვებს. შესაბამისად, ყველას ექნება საშუალება გამოხატოს პოზიცია მშვიდობიანი გზით. მაგრამ ის, რომ ამ ფორმით არჩევნების პროცესი შეაფერხონ, ან არჩევნების გარეშე სხვა გზით მოვიდნენ ხელისუფლებაში, ბუნებრივია ამას არავინ არ დაუშვებს.[B].- საპრეზიდენტო არჩევნების დროს დედაქალაქში უმრავლესობამ წააგო და მეტი ხმა მიიღო ლევან გაჩეჩილაძემ. თქვენი აზრით, დღეს რატომ არა აქვს ოპოზიციას არჩევნების მოგების შანსი? „ალიანსს" გამარჯვების დიდი იმედი აქვს.
- მე მგონი ნათლად გამოჩნდა დედაქალაქის პოზიცია შემდგომ საპარლამენტო არჩევნებში. ამიტომ, მე არ ვფიქრობ, რომ საზოგადოების პოზიცია ამ საკითხთან დაკავშირებით ვინმესთვის უცნობია[color=red]. ყველამ კარგად იცის, რომ ნებისმიერ ქალაქში, მათ შორის თბილისში ყველაზე მაღალი რეიტინგი აქვს „ნაციონალურ მოძრაობას". შესაბამისად, რომელიმე სხვა კანდიდატის უპირატესობას ამ შემთხვევაში მე პირადად გამოვრიცხავ. თუმცა, პროგნოზები პოლიტიკოსების საქმე ალბათ ნაკლებად არის, ეს უფრო პოლიტიკურ მიმომხილველებს შეგიძლიათ ჰკითხოთ.
- უბრალოდ, ოპოზიცია ამბობს, რომ ერთი არჩევნები ხომ მოვიგეთ - რატომ ვერ მოვიგებთ ახლაც?
- ყველაფერი ძალიან კარგად გამოჩნდება არჩევნების პროცესში. თუ ვინმეს აქვს წარმოდგენა, რომ მას შეუძლია ადგილობრივი თვითმმართველობის არჩევნებში რაიმე წარმატებას მიაღწიოს თუნდაც დედაქალაქში ან სხვა ქალაქში -კი არ უნდა გაემიჯნოს ამ პროცესს - უნდა მიიღოს მონაწილეობა. საზოგადოებას უთხრას, რისი გაკეთება შეუძლია არჩევის შემთხვევაში. დარწმუნებული ვარ, რომ ძალიან ბევრი იმ ოპონენტთაგან, რომელიც დღეს ძალიან ხმამაღლა გაიძახის თავის რეიტინგებთან დაკავშირებით - საზოგადოებას ვერცერთ კონკრეტულ საკითხზე საკუთარ ხედვას ვერ წარუდგენს.
- ოპოზიციის მიერ დაგეგმილია საპროტესტო აქციები. ამბობენ, რომ აპრილში დაიწყება. გასული წლის აპრილის საპროტესტო აქციებზე მოხდა ქვეყნის მნიშვნელოვანი პარალიზება. ეს ხელისუფლებამაც აღიარა და თქვა, რომ სახელმწიფოს მნიშვნელოვანი პრობლემები შეექმნა. წელს თქვენი გეგმა როგორია, ისევ ისე მარტივად მოხდება დედაქალაქის პარალიზება თუ თქვენ რაიმე ნაბიჯებს გადადგამთ, რომ არ განმეორდეს შარშანდელი სიტუაცია?
- როდესაც საარჩევნო პროცესი და არჩევნები ტარდება ქვეყანაში, ამ ფორმით თავისი პოზიციის დაფიქსირების აუცილებლობა საზოგადოებას არა აქვს. თუმცა, ამ უფლებას მას ვერავინ შეუზღუდავს. მას შეუძლია გამოხატოს საკუთარი პოზიცია ნებისმიერ საკითხთან დაკავშირებით მანიფესტაციის ან შეკრების ფორმით. მაგრამ, წესები ამ შემთხვევაში იქნება ზედმიწევნით დაცული. ვინაიდან ჩვენ გვაქვს საარჩევნო პროცედურები, საარჩევნო პროცესი, არჩევნების გზით პოლიტიკურმა პარტიებმა თავისი მხარდამჭერების მობილიზება მოახდინონ. ამიტომ, რეალურად ვისაც სურს თავისი ხედვები გააცნოს საზოგადოებას, უნდა მიიღოს მონაწილეობა საარჩევნო პროცედურებში და არა სხვადასხვა მანიფესტაციებებში და შეკრებებში. გეთანხმებით - შარშან იყო ძალიან მნიშვნელოვანი შემაფერხებელი ჩვენი ეკონომიკისათვის ის პროცესები, რაც ვითარდებოდა აპრილიდან სამი თვის განმავლობაში. ფაქტობრივად, ამან ძალიან ბევრად დაგვწია უკან. ჩვენ მაშინ გამოვიჩინეთ მაქსიმალური მოთმინება ყველა იმ საკითხთან დაკავშირებით, რაც უკავშირდებოდა შეკრებების და მანიფესტაციების თემას. მათ შორის პოლიციელებსაც ჰქონდათ მითითება, რომ ცოტა მეტი სიფრთხილე გამოეჩინათ კონტაქტისას ამ შეკრებებში და მანიფესტაციებში მონაწილეებთან. მაგრამ, ბუნებრივია ასე ვერ გაგრძელდება. ჩვენ თუ გვინდა ქვეყანა განვითარდეს და ეკონომიკა განვითარდეს, ყველამ უნდა დაიცვას ის წესები, რაც კანონით არის დადგენილი. მათ შორის მანიფესტაციების და შეკრებების წესები.
არავის არა აქვს უფლება ბარიკადები აღმართოს ქვეყნის მთავარ მოედანზე. თუ ეს წესი იქნება დარღვეული, ყველა აგებს საკადრისად პასუხს. თუ სხვაგვარად შეკრება ვერ ხორციელდება და სხვაგვარად ვერ დაეტევა ხალხი, თუ არ გადაკეტეს გზის სავალი ნაწილი, ამ შემთხვევაში მათ წინასწარ 5 დღით ადრე უნდა გააკეთონ შეტყობინება და ბუნებრივია, ექნებათ საშუალება გადაკეტონ გზის სავალი ნაწილი. მაგრამ, ამის შემდეგ, როცა გზის გადაკეტვის აუცილებლობა აღარ იქნება - ხელოვნურად, ბარიკადებით, „საკნებით" ქუჩების გადაკეტვას ნადვილად ვეღარ დაუშვებს ჩვენი ეკონომიკა, ჩვენი ქვეყანის განვითარება კიდევ ერთხელ ამის გამეორებას ნამდვილად ვეღარ გაუძლებს. ვფიქრობთ, რომ მოგვიწევს ვიმოქმედოთ კანონის ზედმიწევნით დაცვით.
- არჩევნების ნდობის მიმართ როდის შეიძლება დასრულდეს დღევანდელი სიტუაცია - მაგალითად, უკრაინაში მოქმედმა პრეზიდენტმა იუშჩენკომ არჩევნები წააგო, მაგრამ გამოვიდა და თქვა - არჩევნები იყო გამჭვირვალე და ობიექტურიო. საქართველოში როდესმე შეიძლება მსგავს შედეგს მივაღწიოთ, რომ მმართველმა ძალამ წააგოს და შედეგები აღიაროს; ან ოპოზიცია დამარცხდეს და არჩევნების შედეგი ეჭვის ქვეშ არ დააყენოს?
- თუ მმართველი ძალა დამარცხდება, აღიარების არანაირი პრობლემა არ იქნება. მაგრამ, დღეს ამის შესაძლებლობა ფიზიკურად არ არის. არჩევნების ძალად წაგება არცერთ პარტიას არ მოუნდომებია არსად, არასდროს. ამიტომ, თუ ვინმეს ჰგონია, რომ დემოკრატია მხოლოდ ის არის - მმართველმა პარტიამ წააგოს არჩევნები - მემგონი არასწორია. არჩევნები უნდა მოიგოს იმ ძალამ, რომელიც უფრო მეტი პოპულარობით სარგებლობს საზოგადოებაში. დღეს ყველა გამოკითხვა ადასტურებს, რომ ყველაზე მეტი მხარდაჭერით სარგებლობს „ნაციონალური მოძრაობა" და მისი კანდიდატები. შევთანხმდეთ რომ ხელოვნურად წავაგოთ არჩევნები, თორემ სხვაგვარად ვიღაც ქვეყნის შიგნით, ან ვიღაც უცხოეთში არ ჩათვლის, რომ ჩვენთან დემოკრატიაა - ამას ნამდვილად ვერ გავაკეთებთ.
ხელისუფლების მიერ არჩევნების წაგება კი არ არის დემოკრატია, არამედ დემოკრატიაა ის, რომ ხელისუფლებაში იყოს ის ძალა, რომელსაც ყველაზე მეტი მხარდაჭერა აქვს.http://www.grrn.info/index.php?page=9&lang=geo&content=554ესაუბრა თემურ იობაშვილი
რადიოჟურნალი „მთელ კვირა"
"საქართველოს რეგიონულ რადიოსადგურთა ქსელი"
This post has been edited by sexi-bicola on 8 Feb 2010, 20:26 შალახო და ელექტრონული მუსიკა, ქალიშვილობა და თავისუფლება, ბიკინები და კაი ბიჭობა არ გამოდის ერთად (c)SIDCFC
▄ █ ▄ █ ▄
სინამდვილეში სექსი-ბიცოლა არ არსებობს, ის მხოლოდ ჩვენი ფანტაზიის ნაყოფია (ც) ვიღაც ფორუმელი
ერთ-ერთი ობიექტური მიშისტი ხარ ამ ფორუმზე(c)abelo
█ ▄ █
თუ მმართველი ძალა დამარცხდება..., პალიკო კუბლაშვილი
