პრიმიტიული მანქანების გარჩევებში, რა თქმა უნდა ყველას გამორჩა 2010 წლის მარტის ჟენევის ავტოშოუში Porsche-ს მიერ წარდგენილი პროექტი XG10-ი, რომლის ტექნოლოგიებმაც ძალიან ბევრი გააკვირვა. ამიტომაც თავიდან განვიხილოთ ეს კონცეპტი რას წარმოადგენს და რა გეგმები აქვთ მის შესახებ შემქმნელებს.
Porsche 918 Spyder-ი ცენტრალურძრავიანი, ორადგილიანი სპორტქარია, რომლის ტოტემადაც ლეგენდარული 917-ი ითვლება. Spyder-ის კუზაოს ძირითადი ნაწილი აწყობილია კარბონის გაძლიერებული ქსოვილის მონოკოკით და მაგნესიუმით (მეგონა ეს უკანასკნელი ლემანის კატასტროფის შემდეგ აიკრძალა როგორც ავტომობილის კუზაოს მასალა).
918 ერთი ბენზინის 3.4 ლიტრიანი მაღალფორსირებული 500 ცხენისძალიანი V8 ძრავით (ლემანის პროტიტიპის - Porsche Spyder-ის ძრავი [LMP2 კლასი]) და სამი ელექტრო ძრავით (საერთო სიმძლავრე 218 HP) არის აღჭურვილი. ანუ ავტომობილის საერთო სიმძლავრე 718 ცხენის ძალას აღწევს, რაც პორშეს 7 სიჩქარიანი PDK-ს მეშვეობით ხიდებს შორის ნაწილდება. 2 ელ. ძრავი წინა ხიდს მართავს, ხოლო მესამე ელექტრო ძრავი კი ბენზინის ძრავს ეხმარება უკანა ხიდის მართვაში.
ამჟამად უაზრობა იქნება ავტომობილის ელექტრო დეტალებზე საუბარი, თუმცა ცნობილია რომ მას მართვის სამი: ჰიბრიდი, სპორტი და სარბოლო რეჟიმი ექნება. რამაც ყველა განაცვიფრა იყო ის, რომ 718 ცხენისძალიანი ავტომობილის წვა მხოლოდ
3.5 ლიტრამდე შეადგენდა 100 კმ-ზე. ელექტრო ძრავები როგორც ბენზინის ძრავის მუშაობით და დამუხრუჭების დროს გამოყოფილი მუხტით, ასევე ელექტრო წყაროდან იტენება. ლითიუმ-იონური ბატარეა ავტომობილის უკანა მხარეს არის მოთავსებული. ნახშიროჟანგის ემისია რა თქმა უნდა მინიმალურია.
ბევრმა შეიძლება გაიფიქროს რომ ჰიბრიდი სპორტქარისთვის არასერიოზულია, მაგრამ იმედია აზრს შეიცვლის მას შემდეგ, რაც ტექნიკურ მახასიათებლებს შეხედავს:
ძრავა - ატმოსფერული ბენზინის 3.4 V8 და 3 ელ. ძრავა
სიმძლავრე - 718 ცხენის ძალა (აქედან 500 HP ბენზინის ხოლო 218 HP ელექტრო ძრავები)
მაბრუნებელი მომენტი - N/A
ტრანსმისია - 7 სიჩქარიანი PDK
წამყვანი თვლები - AWD
0-100 კმ - 3.2 წამში
მაქს. სიჩქარე - 320 კმ/სთ-ზე მეტი
წვა - 3.5 ლიტრი 100 კმ-ზე
ავტომობილის წონა - 1490 კგ
პორშეს პირობას დებს, რომ ეს ავტომობილი ნიურბურგრინგს 7:30-ზე უფრო ნაკლებ დროში გაივლის.
სხვა დეტალები უცნობია, გარდა ერთისა - 2010 წლის 28 ივლისს, სამეთვალყურეო საბჭომ Porsche AG-ს პროექტზე მწვანე შუქი აუნთო. 918 Spyder-ი ვაიზაჰში დასრულდება და თავდაპირველად შეზღუდული სერიით გამოვა, თუმცა ადრე თუ გვიან, კონცეპტი სერიული და რეალობა გახდება - რაც საკმაოდ უსიამოვნო საფიქრალს გაუჩენს სპორტქარების და სუპერქარების სხვადასხვა მწარმოებლებს...
http://www.youtube.com/watch?v=Ucnp-srma-A
როგორი უნდა იყოს კონცეპტი / 0-100 in 3.2, Porsche, 918 - The most beautiful hybrid we've ever seen
