16 ოქტომბერს, შაბათს, ს.ო. აისის ეკოლოგიის კლუბი თბილისის დასუფთავების სამსახურის დახმარებით, აწყობს ბეთანიის მონასტერთან დასუფთავების აქციას. იგეგმება იქ არსებული ნაგავსაყრელის აღება.
არსებული მდგომარეობა:ვერეს ხეობაში, XII საუკუნის ბეთანიის ეკლესიასთან წლების განმავლობაში მნახველების მიერ ნარჩენების დატოვებისგან შეიქმნა უკანონო ნაგავსაყრელი.
არც მონასტერთან, არც სოფელში არ დგას ნაგვის კონტეინერები.
ის ნარჩენები, რომლებიც იმ ხევშია ჩაყრილი, წვიმის დახმარებით ხვდება მდინარე ვერეში და შემდეგ კი მტკვარში. ეს ყველაფერი კი საფრთხეს უქმნის საქართველოს ეკოლოგიას.
წინაისტორია:2010 წლის 5 ივნისს აისის ეკოლოგიის კლუბის ორგანიზებით დასუფთავდა ბეთანიის მონასტრის მიმდებარე ტერიტორია.
მიუხედავად იმისა, რომ იმ ცხელ დღეს ყველამ ბევრი იმუშავა, ყველამ იცოდა, რომ ეს საქმე ბოლომდე დამთავრებული არ იყო, რადგან ჯერ კიდევ ხელუხლებელი რჩებოდა ბეთანიის მონასტერთან ძალიან ახლოს არსებული ნაგავსაყრელი:
ამ დღის შემდეგ დაიწყო იმაზე ფიქრი, როგორ შეიძლებოდა ამ პრობლემის მოგვარება. ჩვენ დავუკავშირდით მერიას, გარემოს დაცვას და სხვა სამინისტროებს თხოვნით, გამოეყოთ ამ ადგილისათვის ნაგვის კონტეინერები ჩვენ კი დაგვხმარებოდნენ უკანონო ნაგავსაყრელის აღებაში.
დაახლოებით ერთი კვირის წინ დაგვიკავშირდა დასუფთავების სამსახური და ჩვენთან ერთად ადგილზე ნახა სიტუაცია.
ისინი თანახმანი არიან გამოგვიყონ ნაგვის მანქანა, რომ ჩვენ მოვახერხოთ ნაგავსაყრელის აღება. კონტეინერებზე ჯერ კიდევ მიდის მოლაპარაკება და საბოლოო პასუხი არ არის ცნობილი.
16 ოქტომბერს მოგვიწევს ძალიან ბევრი მუშაობა. ამისათვის კი ბევრი ხელია საჭირო. ყველას, ვისაც გცალიათ ამ დღეს და მცირე სურვილი გაქვთ რამით დაეხმაროთ საქართველოს ეკოლოგიას, შემოგვიერთდით! ამ აქციაში ყოველი ადამიანი მნიშვნელოვანი იქნება!
შეკრების ადგილი: სპორტის სასახლის მიმდებარე ტერიტორიაშეკრების დრო: 08:30, შაბათი, 16 ოქტომბერითან იქონიეთ:- ერთი დღის სამყოფი წყალი
- ერთი დღის სამყოფი საკვები
- 2,5-3 ლარი მგზავრობისთვისჩაიცვით: არდასანანი ტანსაცმელი და მყარი ფეხსაცმელიაქციაზე იმოქმედებს ს.ო. აისის წესები.წამომსვლელები:1. Ginevra
2. ... This post has been edited by Ginevra on 10 Oct 2010, 00:32
დიდი დასუფთავება ბეთანიაში!, შაბათი, 16.10.10
