აბა, პრაქტიკოსო და თეორეტიკოსო იურისტებო,, ტერმინოლოგიური შავი ხვრელი

მოკლედ, ლაპარაკი მაქვს მრავალტანჯულ, ნამუსახდილ და საწესდებოკაპიტალგაუქმებულ შეზღუდული პასუხისმგებლობის საზოგადოებაზე.

მჭირდება შპს-ს შექმნა. შესაქმნელად ყველაფერი მზადაა, გარდა ერთისა: ერთ-ერთი მონაწილე მხარე (დამფუძნებელი) არის სადღაც ჯანდაბიდან, მგონი კარიბის ზღვის აუზიდან და ჩაციკლულია და იბრდღვნის ყველაფერს, რო საზოგადოების ფორმის აღმნიშვნელი ინგლისურად იყოს LLC და არა LTD. რა არ მოვძებნე, სად არ ვნახე და დამაკმაყოფილებელი პასუხი ვერსად მივიღე.

http://www.bizlaw.lv/forums/index.php?showtopic=1453

http://otvet.mail.ru/question/9297855/

http://www.mc-offshore.ru/slov.php

აი ეს სისულელეებიც წავიკითხე, მაგრამ ერთი წყარო ალთასაა, მეორე - ბალთას. იყო მშვენიერი წიგნი ჭანტურიასი - კორპორაციული მართვისა და პასუხისმგებლობის შესახებ, სადაც შავით თეთრზე წერია, რომ ბოლო დროს შტატებში დამკვიდრდა სამეწარმეო იურიდიული პირის ახალი ფორმა - Limited Liability Company - LLC - რომელიც არის შეზღუდული პასუხისმგებლობის კომპანია და არა საზოგადოება. ესაა იგივე სააქციო საზოგადოება, ოღონდ - პარტნიორების შეზღუდული პასუხისმგებლობით. ღრუსულ საიტებზეც გადავაწყდი რაღაც მსგავსს - ჰიბრიდული საზოგადოებაო, მაგრამ ზუსტი ახსნა ვერ ვნახე.

მოგეხსენებათ, საქართველო ავტორიტეტისადმი უპირობო ნდობის და მოდაზე განუკითხავად აყოლის ქვეყანაა და თუ ვინმემ რამეს მოკრა ყური ცივილიზებულ დასავლეთში, მეორე დღეს ამ ჭაობში ასლის გადაღებას ცდილობს, სანამ ვინმე დაასწრებდეს. ახლაც ჩვენთან რამდენიც გინდათ, იმდენი ვიცი შპს-ები, წესდებაში სახელის გასწვრივ ინგლისურად LLC რომ უწერიათ და აზრზე კი არ არიან, რას ნიშნავს. ხოდა თქვენ ხო ვერ დამეხმარებით, ზუსტად რა განსხვავებაა LTD-სა და LLC-ს შორის?

სხვათაშორის მეც სულ მაინტერესებდა რომელი ტერმინის გამოყენება იყო უფრო მართებული ჩვენებური "შპს"-ს აღსანიშნავად, მაგრამ რამდენი არ ვეძიე სარწმუნო პასუხს ვერ მივაგენი, და თანაც აბსოლუტურად თანაბარი სიხშირით მხვდებოდა პრაქტიკაში როგორც LTD ისე LLC ( აი, LLP სიმართლე გითხრათ არ მახსენდება).
ბოლოს დავასკვენი რომ არავითარი არსებითი მნიშვნელობა არა აქვს ერთს დაწერ ქართული კომპანიის ინგლისურ სახელწოდებაში, მეორეს თუ მესამეს, რადგან საქართველოს კანონმდებლობით სამივე ამ ფორმას მხოლოდ ერთი ექვივალენტი -შპს აქვს, და თუკი კომპანია ფუძნდება საქართველოში ე.ი. მისი დარეგისტრირებაც და შემდგომი საქმიანობაც მოწესრიგდება საქართველოს კანონმდებლობით. ვინაიდან და რადგანაც საქართველოს კანონმდებლობით LLP-ს, LLC-ს და LTD-ც შპს-ა, ამიტომ მგონია, რომ სახელწოდებაში რომელ ერთს მივუთითებთ ეს გავლენას ვერ იქონიებს შპს-ს სამართალსუბიექტობასა და მის ურთიერთობებზე მესამე პირებთან. ლოგიკურად რომ დავუფიქრდეთ ყველაზე შესაფერის სახელწოდებად Limited Liability Company ანუ LLC მიმაჩნია, რადგან ეს ყველაზე ზუსტად ასახავს ქართული შპს-ს შინაარსს, limited - ანუ LTD კი ამ დასახელების შეკვეცილ ვარიანტად შეგვიძლია მივიჩნიოთ, ხოლო რაც შეეხება Limited Liability Partnership-ს ანუ LLP, ეს ყველაზე ნაკლებ შესაფერისად მიმაჩნია, რადგან partnership -ს ქართულ კანონმდებლობაში ცნობილია "ამხანაგობის" სახელით, და ამხანაგობას ქართული სამართალი საერთოდ არ მიიჩნევს იურიდიულ პირად.
მოკლედ, სიამოვნებით მოვისმენ (ტოესტ წავიკითხავ) ვინმემ რაიმე განსხვავებული თუ იცის ამ საკითხზე
* * *

ეს კარგი იყო

ხალხო შპს წესდების ნიმუში მჭირდება რუსულ ან ინგლისურ ენაზე და სად მივაკვლიო ან რომელ საიტზეა ხო არ იცით ??

LTD, LLC განსხვავდება 3 რამით:

1. პირველის შემთხვევაში პასუხისმგებლობა მოიცავს მხოლოდ დამფუძნებლის ინვესტიციას ხოლო მეორეს შემთხვევაშI შეიძლება ასე იყოს და შეიძლება საერთოდ არ აგებდეს პასუხს დამფუძნებელი, გააჩნია ცესდებას და ადგილობრივ კანონმდებლობას.

2. პირველის წილის გაყიდვის უფლება არ გაქვს მეორესი კი გაქვს

3. ყველაზე დიდი განსხვავება კი არის ის, რომ პირველი იბეგრება ზოგადი საგადასახადო კოდექსით როგორც სამეწარმეო სუბიექტი ხოლო მეორე შეგიძლია დაბეგრო როგორც ზოგადი ასევე ცალკე როგორც კონკრეტული პარტნიორი სხვა რეგულაციებით.

საერთოდ LTD და LLC ზუსტ დეფინიციას საქართველოს საგადასახადო კოდექსი არ იცნობს, ჩვენთან არის გარკვეული სინთეზი, ანუ ამ 2 სუბიექტის დადებითი მხარეების სინთეზი. ზემოაღნიშნული შედარებები განხილულია მხოლოდ ამერიკის საგადასახადო კოდექსის მიხედვით

* * *
საიტზე არ უდევთ ინგლისური და რუსული ვერსია, უდევთ მხოლოდ ქართული. თუ მიხვალ ამოგიბეჭდავენ. თუ გინდა მომწერე მეილი და გამოგიგზავნი.

loza
ძალიან ფილოსოფიურად უდგები საკითხს. გაცილებით მარტივად და რაციონალურად შეიძლება საკითხის გადაწყვეტა.

მოგეხსენაბა, ორგანიზაციულ სამართლებრივი ფორმა ასეც და ისეც იქნება შეზღუდული პასუხისმგებლობის საზოგადოება. ქართული კანონმდებლობა არ იცნობს შპს-ს რამდენიმე ფორმას, ასევე არ თვლის აუცილებლად მის უცხოური თარგმნის არსებობას. რეალურად არც პრაქტიკული და მითუმეტეს არც სამართლებრივი მნიშვნელობა არ /ვერ ექნება იმას, თუ რას ჩაწერ შენ წესდებაში LLC თუ LTD. პირადად ჩემი აზრით უფრო მისაღებია მეორე მათგანის გამოყენება, თუმცა ეს მხოლოდ და მხოლოდ ესთეტიური მხარისთვის. შენი მიზანი არ არის იმის გამიჯვნა, თუ როგორ აღიქვამს ვთქვათ ან ერთს ან მეორეს ამერიკის სამართალი. შენი მიზანია უბრალოდ თარგმნო შპს ეს არის და ეს. ვინაიდან შპს-ს სახელწოდება აღარ შეიძლება იყოს კომპანია (ნუ ბოლოს რომ ვნახე ესე იყო, თუ ისევ არ ჩაამატეს) მიზანშეწონილია უბრალოდ LTD გამოიყენო.