ავტორი: შორენა გონგლაძე, თორნიკე თიბილაშვილი
გორის რაიონის სოფელ მერეთში კოალიცია „ქართული ოცნების“ მოსახლეობასთან შეხვედრის ჩაშლის ორგანიზატორები - მერეთის გამგებელი ვასილ თევდორაშვილი, გორის სამაშველო სამსახურის უფროსი კახა ლომიძე და მათი თანმხლები პირები მერეთში კოალიციის ლიდერების ჩამოსვლამდე გამოჩნდნენ, სოფელში შეკრებილ მოსახლეობას შეუერთდნენ და კოალიცია „ქართული ოცნების“ ლიდერების ბიძინა ივანიშვილისა და ირაკლი ალასანიას გამოჩენას დაელოდნენ. ცოტა ხანში მათ ახალი ჯგუფები შეუერთდნენ. მოსახლეობის თქმით, ისინი კუდის და სოდის თანამშრომლები იყვნენ. დაპირისპირება მოსახლეობასა და გამგებლის თანმხლებ პირებს შორის ბიძინა ივანიშვილის მანქანის გამოჩენისთანავე დაიწყო. ცოტახანში სიტუაცია უმართავი გახდა. მიუხედავად დაძაბული ვითარებისა, ივანიშვილმა მოსახლეობასთან გასაუბრება მაინც შესძლო. მისი წასვლის შემდეგ დაპირისპირება სოფლის მოსახლეობასა და ნაციონალური მოძრაობის მხარდამჭერებს შორის „ბიძინა! ბიძინა!“ -ს სკანდირების ფონზე გაგრძელდა. ივანიშვილის წასვლიდან ათიოდე წუთში კუდის და სოდის თანამშრომლებმა სოფლის ტერიტორია დატოვეს.
http://info9.ge/?l=G&m=1000&id=572 
ნაცბანდის მიერ საკუთრების, ხელყოფა და ტერორი
