ლიდია ერმოშინა _ ბელორუსის ცსკო-ს თავმჯდომარეს კარგად იცნობენ ევროკავშირის ქვეყნებსა და აშშ-ში. ვიკიპედიის მონაცემებით, ასევე ინტერნეტგამოცემების "Gulfetimes“ -ისა და "Belafen“-ის ცნობით, 2006 წლის 10 აპრილს, საპრეზიდენტო არჩევნების შემდეგ, ევროკავშირმა ლიდია ერმოშინა მთავრობის იმ 40- კაციან სიაში შეიყვანა, რომლებსაც ევროკავშირის ქვეყნებსა და აშშ-ში შესვლა ეკრძალებათ. გადაწყვეტილება მიღებული იქნა საგარეო საქმეთა მინისტრების შეხვედრაზე ლუქსემბურგში.
მიუხედავად ამისა, საქართველოს ცენტრალური საარჩევნო კომისიისთვის არაფერს შეუშლია ხელი იმისთვის, რომ ლიდია ერმოშინა, თავის სამკაციან დელეგაციასთან ერთად, დამკვირვებლად დაერეგისტრირებინა.
ისევე, როგორც, არაფერს შეუშლია ხელი ცსკო-სთვის უარი ეთქვა რეგისტრაციაზე ამერიკული ორგანიზაცია "ღია დემოკრატიის კომიტეტისთვის".
ცესკო-მ ოქტომბრის საპარლამენტო არჩევნებში დაკვირვებაზე აღნიშნულ ორგანიზაციას უარი იმ მოტივით უთხრა, რომ მათ არ წარუდგინეს დონორების სია" .
ამის შესახებ კომიტეტის აღმასრულებელმა დირექტორმა ბრაიან მეფორდმა განაცხადა.
მისი თქმით, ორგანიზაციის შემომწირველების ვინაობა კონფიდენციალური ინფორმაციაა და ასეთი სახის დოკუმენტაცია საქართველოს გარდა, მათთვის არც ერთ ქვეყანაში არ მოუთხოვიათ.
"ღია დემოკრატიის კომიტეტის" საბჭოს წევრის ბრუს ბარსელოს ვარაუდით, ცესკოს უარი აკრედიტაციაზე შეიძლება განპირობებული იყოს , მათ მიერ წინა საარჩევნო პერიოდში ამომრჩეველთა სიებში დაფიქსირებული დარღვევებით.
"ეს ქალი ხელმძღვანელობს ბელორუსის არჩევნებს, მას უარი უთხრეს მსოფლიოს 28 დემოკრატიულ ქვეყანაში შეშვებაზეც კი, არჩევნების გაყალბების გამო. რატომ იქნა იგი ოფიციალურად აკრედიტებული საქართველოს არჩევნებზე მონიტორინგისთვის?“ _ "ღია დემოკრატიის კომიტეტის“ ამ კითხვაზე ცსკო-ს პასუხი ჯერ არ გაუცია...
ასე რომ, ხვალ, ლუკაშენკოს მარჯვენა ხელი და გამყალბებლად აღიარებული ლიდია ერმოშენკო საქართველოში დამკვირვებლის სტატუსით მოგვევლინება.
http://gurianews.com/index.php?option=com_...pR84q4.facebook
- Будут спрашивать - скажи, что я вышел. Или просто - бога нет!
ქალი, რომელსაც ევროკავშირის ქვეყნებსა და აშშ-ში, შესვლა ეკრძალება, საქართველოში დამკვირვებელია! 
