თურქული მედია იუწყება, რომ 15- მა ბათუმელმა გოგონამ ისლამი მიიღო. მათ ყურანი დაიზეპირეს და “ჰაფიზებად” მოინათლნენ. ბათუმელმა გოგონებმა უკვე გაიარეს 2 წლიანი კურსი, სადაც არაბული ენა სრულყოფილად შეისწავლეს და შესაბამისი სერთიფიკატებიც მიიღეს. აჭარაში მოქმედმა ისლამისტურმა ორგანიზაცია “მიზანმა” მათგან 7 “წარჩინებული” მოსწავლე შეარჩია და თურქეთის ქალაქ ინეგოლში, სასულიერო სასწავლებელ “მერდესში” გაგზავნა. ბათუმელ ახალგაზრდებს სპონსორობას ისლამისტური ორგანიზაცია IHH (ადამიანთა დახმარების ასოციაცია) უწევს.
არასამთავრობო ორგანიზაცია ”საქართველოსა და თურქეთის ურთიერთობა და ახალგაზრდა თურქოლოგთა ასოციაციის” თავმჯდომარე რომან კვიციანი “ტაბლოიდთან” ინტერვიუში სიტუაციას საგანგაშოდ მიიჩნევს. იგი აცხადებს, რომ ბოლო პერიოდში მსგავსი ფაქტები გახშირებულია და რომ აჭარაში ისლამისტური ორგანიზაციები დღითიდღე ძლიერდებიან. 17917_4632940312061_904060753_n
“მიმაჩნია, რომ სიტუაცია საგანგაშოა და სასწრაფო რეაგირებაა საჭირო! მე ამ თემებზე დიდი ხანია ვმუშაობ და ვიცი, რომ ბოლო პერიოდში ისლამისტური ორგანიზაციები რაიონებში, განსაკუთრებით კი მთიან აჭარაში გააქტიურდნენ. აქ მოსახლეობის დიდი ნაწილი სოციალურად დაუცველია. თურქული ორგანიზაციები ყოველწლიურად საგანგებოდ ირჩევენ ხელმოკლე ოჯახებს, რომელთაც “სამოთხეებს” ჰპირდებიან. აჭარაში გაჭირვებულ ოჯახებს ხშირად არ აქვთ შესაძლებლობა, რომ შვილებს სრულყოფილი განათლება მისცენ. ისინი სწორედ ამ შემთხვევით სარგებლობენ – მოსახლეობას აიმედებენ, რომ მათ შვილებს საზღვარგარეთ უმაღლეს განათლებას მისცემენ. ეს ორგანიზაციები სასულიერო სასწავლებლებში უმეტესად ბავშვებს გზანიან, სადაც მხოლოდ და მხოლოდ ისლამი ისწავლება და მათთვის სხვა ყველაფერი დამთავრებულია…ისლამისტური ორგანიზაციები დღეს უკვე იმდენად გაძლიერდნენ, რომ ბათუმში რამდენიმე სასწავლებელი გახსნეს. ამ ყველაფრის თავი და თავი საერთაშორისო საქველმოქმედო საზოგადოება ”მიზანია”. სასულიერო სასწავლებლებს, რომლებსაც “მედრესე” ეწოდება სწორედ ისინი ხსნიან.
Miz1რაც შეეხება კონკრეტულ შემთხვევას, ეს ერთი მორიგი ფაქტია. თურქული მედია მსგავს შემთხვევებს აქტიურად აშუქებს. ვიცი, რომ ამ გოგონებს ინეგოლში ტრადიციული ვახშმით გაუმასპინძლდნენ და ექსკურსიებზეც წაიყვანეს…პომპეზურად აღნიშნეს მათი “პაფიზებად” მონათვლა. აქვე მინდა განვმარტო, თუ რას ნიშნავს ტერმინი -”ჰაფიზი”: მას იმ ადამიანს უწოდებენ, ვისაც ყურანი ზეპირად აქვს დასწავლილი, ისლამისტური რელიგიის ერთგვარი “მცველია”, “წმინდა სიტყვას” სხვებს გადასცემს და ასწავლის…დამეთანხმებით, არაბულად დაწერილი ყურანის მთლიანად დაზეპირება ხუმრობა არაა! როგორც წესი, სასულიერო სასწავლებლებში საქართველოდან გაგზავნილ “წარჩინებულ” მოსწავლეებს ყოველდღიურ სახარჯო ფულსაც უხდიან, მათ ოჯახებს კი პროდუქტებით, თუ საყოფაცხოვრებო ნივთებით ამარაგებენ…თურქეთში სწავლის დასრულების შემდეგ, ეს ახალგაზრდები სამშობლოში ბრუნდებიან და თურქეთში მიღებულ “ცოდნას” თანამემამულეებს უზიარებენ… რა თქმა უნდა, ეს ყველაფერი საქართველოს ხელისუფლებასთან შეუთანხმებლად ხდება!
აქვე, მინდა გავიხსენო რამდენიმე თვის წინანდელი შემთხვევა: თურქეთში გამოფენები ტარდებოდა, სადაც ის ქართველი სტუდენტებიც მონაწილეობდნენ, რომლებმაც ისლამი მიიღეს. მათ თავიანთი ქვეყანა ძალიან ცუდ კონტექსტში მოიხსენიეს – განაცხადეს, რომ საქართველოში მუსლიმები ძალიან დიდ დევნასა და შევიწროვებას განიცდიან. ვფიქრობ, მსგავსი თემებით მანიპულირება კარგს ვერაფერს მოგვიტანს…” – აღნიშნა “ტაბლოიდთან” ინტერვიუში რომან კვიციანმა.
http://www.tabloid.ge/15-%E1%83%9B%E1%83%9...83%A1%E1%83%9A/ მეშინია იმ დღის,როდესაც ტექნიკა ადამიანურ ურთიერთობებს გადაწონის,მსოფლიოს ეყოლება იდიოტების თაობა! "ალბერტ აინშტაინი"
რაც უფრო მეტად ვიცნობ ადამიანებს,მით უფრო მეტად მიყვარდება ძაღლები. "ადოლფ ჰიტლერი"
აჭარაში ისლამისტური ორგანიზაციები გაძლიერდნენ
