საბჭოთა პერიოდში ჩასახლებებს რაც შეეხება, ჩემი აზრით ბევრი თვალსაზრისით არასწორად განხორციელდა. რადგან გადაწყვიტეს, რომ გაეკეთებინათ (ამაში გასაკვირი არაფერია, ყველა რესპუბლიკაში იგივე ხდებოდა), სხვანაირად უნდა ემოქმედათ. მაგალითად გუდაუთის რაიონში რამდენიმე სოფელი აშენდა, მაგრამ იქ ქართველები მაინც მკაფიო უმცირესობაში იყვნენ და ვერანაირ ბალანსს ვერ ქმნიდნენ. ამავდროულად, გაგრის რაიონში არასაკმარისი რაოდენობით ჩაასახლეს და სხვა ეროვნების მოსახლეობის შემოდინებაც ძალიან დიდი იყო. ამან გამოიწვია ის, რომ მართალია, აქ ქართული მოსახლეობა ფაქტორი იყო, მაგრამ არა უმრავლესობა, რიცხობრივად პირველი ერიც კი არ ვიყავით. შესაბამისად მკაფიოდ ქართული ეთნიკური სახე ვერ მიიღო გაგრამ. თუკი გუდაუთის ათვისების დემოგრაფიული რესურსი არ არსებობდა, ჯობდა ამ რაიონისთვის გამოყოფილი რესურსი გაგრისკენ მიემართათ.

მთლიანობაში სეპარატისტების მიერ ყბადაღებულმა ჩასახლებებმა ბევრი არაფერი მოუტანა ქართველობას, მხოლოდ ზოგიერთ რაიონში არც ისე დიდად გაზარდა ქართველების წილი, უფრო მეტად კი იმაში „გაიხარჯა“, რომ სხვა ერების საკმაოდ მასშტაბური შემოდინების ფონზე, ქართველების წილი არ შემცირებულიყო. რაიმე არსებითი გარდატეხა არ/ვერ შეიტანა.

This post has been edited by ingfari on 18 Nov 2025, 09:27