პოპულარული მოდელების გადანაწილება კლასებად

►►►A კლასი [RWD+FWD 0cc–4400cc]
BMW 328, 330, 331, ამერიკული M3, M3 (3.0), M5 (E34), 540, 544, Mini Cooper S
Mercedes 2.3 Kompressor, C36, CLK430, C350
Nissan 350Z, Skyline 350 GT, Infinity G35, Porsche Boxter (ატმო), Renault Clio 3.0 V6
Honda ყველა )) Golf GTI, Toyota Supra (ატმო), Alfa Romeo GTV

►►►B კლასი [RWD+FWD 4401cc-5500cc]
BMW 135, 1M, M2, 335, M3 (E36, E46, E92, F80), M4, 535, 535D, 550, M550D, 850
Mercedes C32 AMG, SLK 32 AMG, CLK500, 5.5 AMG (ატმო), CLK550
Ferrari 360 Modena, F430, Porsche (ატმო), Toyota Supra
Nissan Skyline GTS, VAG 2.0T, Toyota MR2 Turbo, Fiat Tempra 2.0T, Nissan Silvia (წადი დრიფტზე)

►►►ABSOLUTE კლასი [RWD+FWD Absolute]
BMW M5, M6, Mercedes 5.5 Kompressor, AMG GTS, 63 AMG

►►►კვადრო ABSOLUTE კლასი [4x4 Absolute]
Mitsubishi EVO, Colt, Subaru Impreza, Forester, Legacy B4, Audi S4, RS4, S6, RS6
Lamborghini Gallardo, Murcielago, Aventador
Porsche 911 Turbo, Nissan GTR (R33, R34, R35)


►►►A PRO კლასი [RWD+FWD 0cc–4400cc]
Opel Corsa 2.0, 3.0, 3.0K, SLK4.3, BMW (Hulk), BMW 328K, BMW M3 K, Honda Civic K24, Civic 2.0 Turbo, BMW 344
►►►PRO ABSOLUTE კლასი [RWD+FWD Absolute]
Mercedes 190 5.5, AMG 5.5K Weistec, E63 AMG, CLK500 Gas Turbo, Ford Shelby GT500, Nissan 300zx Firelady, Toyota Supra
►►►კვადრო PRO კლასი [4x4 Absolute]
Mitsubishi EVO (გელაშვილი)

უსაფრთხოების ზოგადი წესები

1. რბოლის საპირისპირო მიმართულებით მოძრაობა სასტიკად აკრძალულია, თუ ეს უკანასკნელი უსაფრთხოების მიზნით აუცილებლობას არ მოთხოვს.
2. რბოლისა და ვარჯიშის დროს ავტომობილებმა უნდა იმოძრაონ მხოლოდ მათთვის განკუთვნილ სარბოლო ზოლზე, სტარტიდან ფინიში მიმართულებით.
3. თუ შეჯიბრის დროს, ავტომობილი რიგი მიზეზების გამო გაჩერდა და მძღოლს არ შეუძლია მისი გაყვანა საფრთხის ზონიდან, იგი ვალდებულია დაუყოვნებლივ დატოვოს ავტომობილი და გავიდეს ჯებირს მიღმა.
4. ტექნიკური სამუშაოების ჩატარება ავტომობილზე შესაძლებელია მხოლოდ, ასეთი სამუშაოებისთვის გამოყოფილ ტექნიკურ ზონაში. კონკრეტულ შემთხვევაში – პადოკში.
5. აუცილებელია რბოლის დროს ღვედის შეკვრა და გვერდითა მინების აწევა. აკუმულატორი უნდა იყოს დამაგრებული.
6. აკრძალულია მინების მაგივრად სკოჩის გამოყენება. მინის ჩანაცვლება შეიძლება გამჭვირვალე პლასტიკატებით.
7. არავის არ აქვს უფლება მიეკაროს სარბოლო ბილიკზე გაჩერებულ ავტომობილს გარდა იმ სამსახურებისა რომელთაც ევალებათ ექსტრემალური ევაკუაცია.
8. რბოლის მიმდინარეობის დროს ავტომობილის ძრავის დაქოქვა შეიძლება მხოლოდ იმ საშუალებებით რომელიც განთავსებულია ავტომობილში, გამონაკლისი დასაშვებია ავტომობილის პადოკში ყოფნის დროს სადაც დასაშვებია გარე დაქოქვის მოწყობილობების გამოყენება.
9. როდესაც ავტომობილი იმყოფება წინასასტარტო ზონაში და მძღოლი ვერ ქოქავს ავტომობილს 2 წუთის განმავლობაში, მას კონკრეტული (მოცემული) გარბენი ჩაეთვლება წაგებად.
10. დაფინიშების შემდეგ მონაწილე რომელიც ბრუნდება პადოკში, მოძრაობის სიჩქარე არ უნდა აღემატებოდეს 60 კმ.სთ–ს, ამ პირობის დარღვევისას, მძღოლის შედეგი ანულირებული იქნება და განმეორების შემთხვევაში მოხდება დისკვალიფიკაცია.
11. თუ მონაწილის ავტომობილს ვარჯიშის ან/და რბოლის დროს წარმოექმნა რაიმე ტექნიკური პრობლემა და ვერ აგრძელებს გარბენს, მაგრამ ავტომობილით გადაადგილება შეუძლია დაუყოვნებლივ უნდა დატოვოს სარბოლო ბილიკი ყველაზე უსაფრთხო გზით.
12. თუ მძღოლი გახდა ავტოკატასტროფის მონაწილე, მას არ აქვს უფლება დატოვოს ავტოდრომი ორგანიზატორის თანხმობის გარეშე.
13. ორგანიზატორი ვალდებულია შეაჩეროს შეჯიბრი (პრაქტიკა, მოთელვა, კვალიფიკაცია და ა.შ.) ნებისმიერი ექსტრემალური შემთხვევის დროს, როდესაც ადამიანების სიცოცხლეს ან ჯანმრთელობას შეიძლება ზიანი მიადგეს, ამ დროს შუქნიშნებზე ინთება წითელი შუქი ან ყველა მსაჯი რომელიც მხედველობის არეში იმყოფება წევს წითელ ალამს რაც იმისი მანიშნებელია რომ მძღოლებმა უნდა დააგდონ სიჩქარე მაქს 50 კმ. სთ–მდე და მზად უნდა იყვნენ დაუყოვნებელი გაჩერებისათვის.
14. გარბენის დროს ტექნიკური პრობლემების წარმოქმნის დროს მძღოლი ვალდებუილა გადავიდეს დრაგ–ზოლიდან რათა აიცილოს თავიდან ზეთის ან სხვადასხვა სითხის დაღვრა სარბოლო ზონაში.
15. აუცილებლად უნდა გეხუროთ ჩაფხუტი, რომელიც უფასოდ მოგეცემათ ან შეგიძლიათ იქონიოთ თქვენი. გარბენის შემდგომ ცდილობთ - რაც შეიძლება მალე მიაწოდოთ სტარტზე, რომ ავიცილოთ დრაგის დროში გაწელვა.


წინასასტარტო ზონა . სტარტის პროცედურა. (სქემა #1 & 2)

1. როდესაც 2 ავტომობილი დგება სტარტზე და შემდეგი ხართ თქვენ - გადადიხართ წინასასტარტო ზონაში, სადაც ახურებთ საბურავებს!
2. მსაჯების ნიშანზე, მონაწილე ვალდებულია 30 წამის განმავლობაში შეიყვანოს ავტომობილი წაინასასტარტო ზონაში.
3. აკრძალულია მრბოლელების მიერ სარბოლო მონაკვეთზე სიარული, დროის თუ სხვა სიტუაციების გარკვევის მიზნით! მრბოლელების ზონაში არის დაფა, სადაც მრბოლელს თუ მის ტექნიკურ ჯგუფს შეუძლია მიიღოს სრული ინფორმაცია დროის თუ გამოსვლის რიგითობის შესახებ.
4. ავტომობილის კრიტიკული დაზიანებისას (საფრთხის შემცველი ან გადაადგილების შეზღუდვისას) - პრობლემის აღმოფხვრისთვის, მრბოლელს შეუძლია ითხოვოს (მთავარ მსაჯთან), რომ გადაინაცვლოს კონკრეტული ეტაპის დუელების ბოლოში, რაზეც (ღონისძიებების სიტუაციიდან გამომდინარე) ყოველგვარი ახსნა-განმარტების გარეშე შეიძლება მიიღოს უარი.
5. მსაჯების ნებართვის გარეშე მონაწილეს ეკრძალება სტარტის ზონაში შესვლა. მანამდე ავტომობილი უნდა იყოს უძრავად. წინასასტარტო ზონაში მექანიკოსებს ეკრძალებათ ნებისმიერი სამუშაოს ჩატარება ავტომობილზე.
6. მსაჯების ნიშანზე წინასასტარტო ზონაში მყოფი მონაწილეები (ავტომობილები) მიდიან სტარტის ზონაში სადაც დაიშვება საბურავების გაცხელება, ავტომობილის მომზადების და საბურავების გაცხელების პროცედურა არ უნდა აღემატებოდეს 30 წამს, ამ დროს სტარტის ხაზის გადაკვეთა დასაშვებია.
7. კონკრეტული გარბენის შეყოვნების ან გადადების შემთხვევაში, მძღოლი ვალდებულია შეწყვიტოს ნებისმიერი მოძრაობა და დაელოდოს მსაჯების შემდგომ მითითებებს.
8. შეჯიბრის ფინალური ეტაპების დროს, იმ მონაწილეს რომელსაც კვალიფიკაციის შედეგებით უმჯობესი შედეგი აქვს უფლება ეძლევა აირჩიოს სარბოლო ზოლი.
9. ორივე ავტომობილის გაფუჭებისას, შემდეგ ეტაპზე გადადის კვალიფიკაციაზე უკეთესი დროის მქონე მრბოლელი.
10. ერთი ავტომობილით 2 მრბოლელის მონაწილეობის შემთხვევაში, სტარტზე გამოსვლისას (შუაში მყოფ) მსაჯებს ეუბნებით თქვენს საბორტო ნომერს.

ჩემპიონატის სისტემა.

კვალიფიკაციაზე მრბოლელები ანხორციელებთ 2 სტარტს კონკურენტის გარეშე, ანუ დროზე.
კვალიფიკაციის დასრულებისას საუკეთესო დროის მქონე მრბოლელები გადავლენ მეორე, დუელების ეტაპზე შემდეგი რაოდენობის მიხედვით:
4 ავტომობილი (5–დან 10–ის ჩათვლით ოდენობისას)
8 ავტომობილი (11–დან 20–ის ჩათვლით ოდენობისას)
16 ავტომობილი (21–დან 40–ის ჩათვლით ოდენობისას)
დუელების სტარტი ხდება შუქნიშნით, დროშის ან ხელის დაქნევით და 402 მეტრის გავლისას, იქნება ფოტოფინიში!




ეს სისტემა გამორიცხავს არგამართლების გამო ძლიერთან შეხვედრას და ისე ლაგდება სქემა, რომ ფინალებისკენ უფრო და უფრო ძლიერი ავტომობილები ხვდებიან ერთმანეთს!
რაც ასევე გამორიცხავს 2 უძლიერესი ავტომობილიდან ერთერთის დასაწყისშივე გამოვარდნას!

ფალსტარტი.
1. ფალსტარტის დროს მონაწილე აგებს 1 ქულას.
2. მონაწილე რომელმაც გააკეთა ფალსტარტი, ანელებს მოძრაობას და დადგენილი წესით და მარშრუტით (მე2 წაგების შემთხვევაში) ბრუნდება რიგის ბოლოში ან სასტარტო ზოლთან (1ლი გარბენის შემთხვევაში).
3. გარბენის დროს როდესაც ორივე მძღოლი აკეთებს ფალსტარტს ასეთ შემთხვევაში მათ (ორივეს) ეთვლებათ წაგებად. 2:2–ის შემთხვევაში შემდეგ ეტაპზე გადადის – კვალიფიკაციაზე უკეთესი დროის მქონე მრბოლელი.
4. როდესაც ფალსტარტი კეთდება ფინალებში ორივე მძღოლისგან – ინიშნება განმეორებითი გარბენი სტარტის ყველა პროცედურის დაცვით.


ტრასაზე მოძრაობა.

სქემა #3


1. სტარტის ნიშნის შემდეგ ავტომობილები იწყებენ მოძრაობას აჩქარებით სწორხაზოვან ურთიერთ პარალელური მიმართულებით ფინიშის ხაზის გადაკვეთამდე.
2. ფინიშის ხაზის გადაკვეთის შემდგომ, ავტომობილები ანელებენ მოძრაობას და ბრუნდებიან პადოკში ამ დროს მოძრაობის მაქსიმალური სიჩქარე არ უნდა აღემატებოდეს 60 კმ–სთ.
3. ქრონომეტრაჟის უსაფრთხოების მიზნით აკრძალულია სარბოლო მონაკვეთზე საპირისპირო მხარეს გადასვლა, რის გამოც შეიძლება დაზიანდეს დროის ათვლის სისტემა, რომლის ანაზღაურებაც ეკისრება წესების დამრღვევს. გარდა ამისა სარბოლო ზოლის გადაკვეთა ჯარიმდება 1/2 სასტარტო შენატანით.
4. ქრონომეტრაჟის სისტემის დაზიანების შემთხვევაში დრაგი გრძელდება ფინიშის პირველი გადამკვეთის პრინციპით.
5. მრბოლელი, რომელიც უარს იტყვის ქრონომეტრაჟის სისტემის გარეშე რბოლაზე – (სასტარტო შენატანის გადახდის ჩეკის წარდგენისას) დაუბრუნდება თანხა.